Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Perinthalmanna. Show all posts
Showing posts with label Perinthalmanna. Show all posts

പാരലല്‍ കോളജ് സംസ്ഥാന കലോത്സവം തൃശൂരിന് ഓവറോള്‍ കിരീടം

Written By Malappuram News on Monday, December 3, 2012 | 12:47 AM

പെരിന്തല്‍മണ്ണ: രണ്ട് ദിവസങ്ങളിലായി പെരിന്തല്‍മണ്ണയില്‍ നടന്നു വരുന്ന പാരലല്‍ കോളജ് വിദ്യാര്‍ഥികളുടെ സംസ്ഥാനതല കലോത്സവത്തിന് തിരശ്ശീല വീണു. തൃശൂര്‍ജില്ലക്ക് ഓവറോള്‍ കിരീടം(147), തൊട്ടടുത്ത് കണ്ണൂര്‍ (109), മലപ്പുറം (102) നേടി. കലാതിലകം പി അശ്വതി-ലക്ഷ്മിനാരായണ കോളജ് പാലക്കാട്, ചിത്ര പ്രതിഭ വിജില്‍ ടി-ജേബീസ് കോളജ് കണ്ണൂര്‍, സാഹിത്യപ്രതിഭ രാജലക്ഷ്മി രാജീവ്-സെന്റ്‌തോമസ് തൃശൂര്‍, കലാപ്രതിഭ സായന്ത് എ എസ്- സെന്റ്‌മേരീസ് മാനന്തവാടി. സമാപന ചടങ്ങ് വി ശശികുമാര്‍ എം എല്‍ എ ഉദ്ഘാടനം ചെയ്യും. നഗരസഭ ചെയര്‍മാന്‍ നിഷി അനില്‍രാജ് വിജയികള്‍ക്ക് സമ്മാനദാനം നിര്‍വഹിച്ചു.
12:47 AM | 0 comments

അറബി സര്‍വകലാശാല തുടങ്ങാന്‍ സര്‍ക്കാര്‍ മുന്നോട്ട് വരണം

Written By mvarthasubeditor on Thursday, July 5, 2012 | 4:02 PM

പെരിന്തല്‍മണ്ണ: അറബി ഭാഷയുടെ പ്രസക്തി ഏറെ വര്‍ധിപ്പിച്ച സാഹചര്യത്തില്‍ കേരളത്തില്‍ അറബിക് സര്‍വകലാശാല സ്ഥാപിക്കാന്‍ സര്‍ക്കാര്‍ മുന്നോട്ടു വരണമെന്ന് പെരിന്തല്‍മണ്ണ ഉപജില്ലാ അറബിക് ടീച്ചേഴ്‌സ് അക്കാദമിക് കൗണ്‍സില്‍ യോഗം ആവശ്യപ്പെട്ടു.

എ ഇ ഒ. വി എം ഇന്ദിര ഉദ്ഘാടനം ചെയ്തു. മുസ്‌ലിം വിദ്യാഭ്യാസ ഇന്‍സ്‌പെക്ടര്‍ കെ മുഹമ്മദലി അധ്യക്ഷത വഹിച്ചു.

English Summery
Govt must come forward to establish Arabic university
4:02 PM | 0 comments

ബെക്ക് അപകടങ്ങളില്‍ ഏഴു പേര്‍ക്ക് പരുക്ക്

പെരിന്തല്‍മണ്ണ: അലനല്ലൂരില്‍ കാറും ബൈക്കും കൂട്ടിയിടിച്ച് പരുക്കേറ്റ എടത്തനാട്ടുകര പുത്തന്‍കോട് വീട്ടില്‍ മുഹമ്മദുണ്ണി (72), അങ്ങാടിപ്പുറത്ത് വെച്ച് ബൈക്കും കാറും കൂട്ടിയിടിച്ച് പരുക്കേറ്റ മങ്കട നെല്ലന്‍കോട്ടില്‍ ശിവകുമാര്‍ (42), അങ്ങാടിപ്പുറം വൈലോങ്ങരയില്‍ ബൈക്കുകള്‍ കൂട്ടിയിടിച്ച് പരുക്കേറ്റ പുത്തനങ്ങാടി സ്വദേശി അണ്ടിപ്പെട്ടി ഹമീദിന്റെ മകള്‍ നിസാര്‍ (22), കടുങ്ങപുരം സ്വദേശി താട്ടിയില്‍ കുഞ്ഞാലന്റെ മകന്‍ റഫീഖ് (26), ചെരക്കാപ്പറമ്പ് സ്വദേശി പേരയില്‍ സൈതാലിക്കുട്ടിയുടെ മകന്‍ ജിഷാദ് (23), പെരിന്തല്‍മണ്ണയില്‍ ബൈക്കും ബസും കൂട്ടിയിടിച്ച് പരുക്കേറ്റ പാതാക്കര ആറങ്ങോട്ടില്‍ ഹംസയുടെ മകള്‍ ബശീര്‍ (26), അലനല്ലൂരില്‍ കാറും ബൈക്കും കൂട്ടിയിടിച്ച് പരുക്കേറ്റ പാണ്ടിക്കാട് പുതിക്കുന്നത്ത് ആബിദ് (20), ഉച്ചാരക്കടവ് പെരുമ്പായില്‍ ജംഷീദ് എന്നിവരെ പെരിന്തല്‍മണ്ണയിലെ വിവിധ സ്വകാര്യആശുപത്രികളില്‍ പ്രവേശിപ്പിച്ചു.


3:56 PM | 0 comments

മണതല അബ്ദുല്ലക്കോയ തങ്ങള്‍ നിര്യാതനായി

Written By mvarthasubeditor on Wednesday, July 4, 2012 | 1:14 PM

പെരിന്തല്‍മണ്ണ: കരിങ്കല്ലത്താണി മാണിക്കപ്പറമ്പിലെ കൊച്ചിയില്‍ മണതല അബ്ദുല്ലക്കോയ തങ്ങള്‍ (56)നിര്യാതനായി.

കട്ടുപ്പാറയിലെ ഭാര്യാവീട്ടില്‍ നിന്ന് പുലര്‍ച്ചെ പതിവു നടത്തത്തിനിടെ റോഡില്‍ കുഴഞ്ഞു വീണ് മരണപ്പെടുകയായിരുന്നു.

 ഭാര്യ: കുഞ്ഞീമ ബീവി. മക്കള്‍: മുഹമ്മദലി ഇമ്പിച്ചി, സയ്യിദ് ഹബീബ് (സഊദി), സയ്യിദ് ശഫീഖ്, നാസിമ ബീവി, സൗദ ബീവി. മരുമക്കള്‍: പൊന്നാനിക്കുന്നത്ത് മുസ്തഫ കൊമ്പം, താഹിര്‍ ദേശമംഗലം. സഹോദരങ്ങള്‍: ഹൈദ്രോസ് തങ്ങള്‍, പൂക്കോയ തങ്ങള്‍, മാനുട്ടി തങ്ങള്‍, ആറ്റക്കോയ തങ്ങള്‍.

English Summery
Manathala Abdulla Koya Thangal passes
1:14 PM | 0 comments

വായനാ വാരാചരണം: ഉദ്ഘാടനം 19ന്

Written By mvarthasubeditor on Monday, June 18, 2012 | 8:16 AM

മലപ്പുറം: വായനാ വാരാചരണം ജില്ലാ തല ഉദ്ഘാടനം ജൂണ്‍ 19 ന് രാവിലെ 10.30 ന് പെരിന്തല്‍മണ്ണ നഗരസഭ ടൗണ്‍ഹാളില്‍ പി.സുരേന്ദ്രന്‍ ഉദ്ഘാടനം ചെയ്യും. ജില്ലാ ഇന്‍ഫര്‍മേഷന്‍ ഓഫീസിന്റെയും ജില്ലാ സാക്ഷരതാ മിഷന്റെയും ആഭിമുഖ്യത്തില്‍ നടത്തുന്ന പരിപാടിയില്‍ ജനപ്രതിനികളും, ഉദ്യോഗസ്ഥരും ചടങ്ങില്‍ സംബന്ധിക്കും. വായനാ വാരാചരണത്തോടനുബന്ധിച്ച് പത്താംതരം തുല്യതാ പഠിതാക്കള്‍ക്ക് വായനാനുഭവക്കുറിപ്പ് എഴുത്ത് മത്സരം 18ന് രാവിലെ 10.30 ന് ജില്ലാ സാക്ഷരതാ മിഷന്‍ ഹാളില്‍ നടക്കും.

English Summery
Reading week: Inauguration on 19th
8:16 AM | 0 comments

നെയ്യാറ്റിന്‍കര വിജയം മലപ്പുറത്ത് കോണ്‍ഗ്രസിനും ലീഗിനും വേറെ വേറെ

Written By mvarthasubeditor on Saturday, June 16, 2012 | 8:44 PM

പെരിന്തല്‍മണ്ണ: നെയ്യാറ്റിന്‍കരയില്‍ യുഡിഎഫ് സ്ഥാനാര്‍ഥി ആര്‍. ശെല്‍വരാജ് വിജയിച്ചതില്‍ ആഹ്ളാദം പ്രകടിപ്പിച്ച് നഗരത്തില്‍ കോണ്‍ഗ്രസും ലീഗും വെവേറെ പ്രകടനം നടത്തി. കോണ്‍ഗ്രസ് പൊതുയോഗത്തില്‍ കെപിസിസി അംഗങ്ങളായ എം.ബി. ഫസല്‍ മുഹമ്മദ്, സി. സേതുമാധവന്‍, ഡിസിസി സെക്രട്ടറിമാരായ വി. ബാബുരാജ്, ബെന്നി തോമസ്, ബ്ളോക്ക് കോണ്‍ഗ്രസ് പ്രസിഡന്റ് എം.എം. സക്കീര്‍ ഹുസൈന്‍, കൌണ്‍സിലര്‍ ഷീബ ഗോപാല്‍, എ. ആനന്ദന്‍, ഇടുവമ്മല്‍ അക്ബര്‍, പച്ചീരി സുബൈര്‍, അന്‍വര്‍ സാദിഖ്, മംഗലം മുഹമ്മദലി എന്നിവര്‍ പ്രസംഗിച്ചു. ലീഗ് പൊതുയോഗത്തില്‍ പി.കെ. അബൂബക്കര്‍ ഹാജി, നിയോജകമണ്ഡലം ജനറല്‍ സെക്രട്ടറി പച്ചീരി നാസര്‍, മുനിസിപ്പല്‍ സെക്രട്ടറി പച്ചീരി ഫാറൂഖ്, മാനുപ്പ കുറ്റീരി, എ. വി. മുസ്തഫ, ആലിക്കല്‍ ഷിഹാബ്, കൊളക്കാടന്‍ അസീസ്, ശീലത്ത് വീരാന്‍കുട്ടി, ചേരിയില്‍ മമ്മിക്കുട്ടി എന്നിവര്‍ പ്രസംഗിച്ചു.
8:44 PM | 0 comments

കോണ്‍ഗ്രസില്‍ നിന്ന് രാജിവെച്ച് ലീഗില്‍ ചേര്‍ന്നു

Written By mvarthasubeditor on Thursday, June 14, 2012 | 11:41 PM

പെരിന്തല്‍മണ്ണ: അറിയപ്പെടുന്ന കോണ്‍ഗ്രസ് നേതാവും കെ പി സി സി മെമ്പറുമായ കെ എച്ച് അബ്ദുല്‍ഖാദര്‍ , ഓട്ടോറിക്ഷാ തൊഴിലാളി യൂനിയന്‍ ഐ എന്‍ ടി യു സി ജില്ലാ സെക്രട്ടറി ഊത്തക്കാടന്‍ ഹംസ, താലൂക്ക് സെക്രട്ടറി ഉപ്പേരിത്തൊടി ജമാല്‍, അങ്ങാടിപ്പുറം മണ്ഡലം കോണ്‍ഗ്രസ് കമ്മിറ്റി വൈസ് പ്രസിഡന്റ് മൊയ്തു, തൊണ്ണംതൊഴി ഹംസ എന്നിവരുടെ നേതൃത്വത്തില്‍ 50ല്‍പരം കോണ്‍ഗ്രസ് പ്രവര്‍ത്തകര്‍ രാജിവെച്ച് മുസ്‌ലിം ലീഗില്‍ ചേര്‍ന്നു. രാജിവെച്ചവര്‍ക്കുള്ള മെമ്പര്‍ഷിപ്പ് പാണക്കാട് സയ്യിദ് സാദിഖലി ശിഹാബ് തങ്ങള്‍ വിതരണം ചെയ്തു.

English Summery
Resigned from congress; joints in Muslim league 
11:41 PM | 0 comments

കോഴിഫാമുകള്‍ അടച്ച് പൂട്ടല്‍ ഭീഷണിയില്‍

Written By mvarthasubeditor on Monday, June 11, 2012 | 7:00 PM

പെരിന്തല്‍മണ്ണ: ഉദ്യോഗസ്ഥരുടെ പ്രവര്‍ത്തനം മൂലം കോഴിഫാമുകള്‍ അടച്ചുപൂട്ടല്‍ ഭീഷണി നേരിടുന്നു. താലൂക്കിലെ ചില വില്ലേജ് ഉദ്യോഗസ്ഥര്‍ അന്യസംസ്ഥാന കോഴവളര്‍ത്തല്‍ ലോബിക്ക് വേണ്ടി പരസ്യമായി രംഗത്തിറങ്ങിയിരിക്കകുയാണെന്ന് കേരള പൗള്‍ട്രി ഫാമേഴ്‌സ് അസോസിയേഷന്‍ ആരോപിച്ചു. പ്ലാസ്റ്റിക് ഷീറ്റും തെങ്ങിന്‍പട്ടകളും മറ്റും ഉപയോഗിച്ച് നിര്‍മിച്ച ഫാമുകളുടെ കൊമേഴ്‌സ്യല്‍ ബില്‍ഡിംഗ് എന്ന ഗണത്തില്‍ പെടുത്തി കെട്ടിട നികുതിയും ആഡംബര നികുതിയും ചുമത്തിയുള്ള നോട്ടീസുകള്‍ കര്‍ഷകര്‍ക്ക് വന്നുകൊണ്ടിരിക്കുകയാണ്. കിടപ്പാടം പണയം വെച്ചും ഈടുനല്‍കിയുമാണ് ഈ വ്യവസായം തുടര്‍ന്നു വരുന്നത്. കോഴികര്‍ഷകരെ അനധികൃത കെട്ടിട നികുതി ചുമത്തി ഇല്ലാതാക്കാനുള്ള പ്രവര്‍ത്തിയില്‍ നിന്നും ഉദ്യോഗസ്ഥര്‍ പിന്‍മാറണമെന്ന് അസോസിയേഷന്‍ ആവശ്യപ്പെട്ടു. മജീദ് വെട്ടത്തൂര്‍ അധ്യക്ഷത വഹിച്ചു. ജില്ലാ സെക്രട്ടറി മൂസക്കുട്ടി, സൈത് മണലായ, ഹൈദര്‍ ഉച്ചാരക്കടവ്, കാദറലി വറ്റലൂര്‍ സംബന്ധിച്ചു.
7:00 PM | 0 comments

അശ്ശീല വീഡിയോ ചിത്രങ്ങള്‍: പോലീസിന്റെ അന്വേഷണം വ്യാപകമാക്കി

Written By mvarthasubeditor on Thursday, June 7, 2012 | 11:34 PM

പെരിന്തല്‍മണ്ണ: അശ്ശീല വീഡിയോ ചിത്രങ്ങള്‍ മൊബൈല്‍ ഫോണില്‍ പകര്‍ത്തുന്ന സംഘം പെരിന്തല്‍മണ്ണ പോലീസ് പിടിയിലായതോടെ പോലീസിന്റെ അന്വേഷണം വ്യാപകമാക്കി. പെരിന്തല്‍മണ്ണ കെ എസ് ആര്‍ ടി സി ബസ് ബേക്ക് മുന്‍വശത്തുള്ള കടയില്‍ വെച്ച് വിദ്യാര്‍ഥികള്‍ക്കും യുവാക്കള്‍ക്കും വാണിജ്യാടിസ്ഥാനത്തില്‍ അശ്ശീല സിനിമകളും വീഡിയോ ക്ലിപ്പിംഗുകളും മെമ്മറി കാര്‍ഡുകളിലേക്കും സി ഡികളിലേക്കും കമ്പ്യൂട്ടര്‍ ഉപയോഗിച്ച് പകര്‍ത്തികൊടുക്കുക പതിവാക്കിയിരുന്ന രണ്ട് പേരെ കഴിഞ്ഞ ദിവസം പെരിന്തല്‍മണ്ണ പോലീസ് പിടികൂടിയിരുന്നു. പെരിന്തല്‍മണ്ണ തൊണ്ണംതൊടി അബ്ദുല്‍ ഖാദര്‍ (53), എടപ്പറ്റ പീതിരിക്കോട് കോട്ടപ്പടി വീട്ടിലെ ജാഫര്‍ (24) എന്നിവരെയാണ് സി ഐ ജലീല്‍ തോട്ടത്തിലും സംഘവും ചേര്‍ന്ന് അറസ്റ്റ് ചെയ്തത്. പണം വാങ്ങി അശ്ശീല സിനിമകള്‍ പകര്‍ത്തികൊടുക്കുന്നതായുള്ള രഹസ്യ വിവരം ലഭിച്ചതിനെ തുടര്‍ന്നാണ് മലപ്പുറം സൈബര്‍ സെല്ലിന്റെ സഹായത്തോടെ ഇവരെ പിടികൂടിയത്. റെയ്ഡില്‍ അശ്ശീല രംഗങ്ങളടങ്ങിയ നാലായിരത്തോളം ക്ലിപ്പിംഗുകളാണ് കണ്ടെത്തിയത്. ഓരോന്നും 10 മുതല്‍ 20 മിനിറ്റുകളോളം ദൈര്‍ഘ്യമുള്ളവയാണ്. 60 മുതല്‍ 150 രൂപ വരെയാണ് ഇതിന് ഈടാക്കിയിരുന്നതെന്ന് പോലീസ് പറഞ്ഞു. മൊബൈല്‍ കടയില്‍ സജ്ജമാക്കിയ പ്രത്യേക മുറിയില്‍ വെച്ചാണ് പ്രതികള്‍ കമ്പ്യൂട്ടറുകളൊരുക്കി ഉത്തരം കൃത്യങ്ങള്‍ ചെയ്തിരുന്നത്. കമ്പ്യൂട്ടറുകളും മെമ്മറി കാര്‍ഡുകളും റെയ്ഡില്‍ പോലീസ് പിടിച്ചെടുത്തു. പ്രതികളെ കോടതിയില്‍ ഹാജരാക്കി.
11:34 PM | 0 comments

മുസ്‌ലിംലീഗില്‍ നിന്ന് രാജിവെച്ചു

Written By mvarthasubeditor on Tuesday, June 5, 2012 | 9:22 PM

പെരിന്തല്‍മണ്ണ: മുനിസിപ്പല്‍ മുസ്‌ലിംലീഗിലെ കുടുംബവാഴ്ചക്കും മുനിസിപ്പല്‍ ലീഗ് സെക്രട്ടറിയുടെ അഴിമതികളിലും സ്വജനപക്ഷപാതത്തിലും ധാര്‍ഷ്ഠ്യത്തിലും പ്രതിഷേധിച്ച് മുന്‍ മുനിസിപ്പല്‍ മുസ്‌ലിംലീഗ് പ്രസിഡന്റും സെക്രട്ടറിയും പത്ത് വര്‍ഷം നഗരസഭയിലെ പ്രതിപക്ഷനേതാവുമായിരുന്ന പ്രൊഫ.നാലകത്ത് ബഷീറിന്റെ നേതൃത്വത്തില്‍ മുനിസിപ്പാലിറ്റിയിലെ വിവിധ വാര്‍ഡുകളില്‍ നിന്ന് ഭാരവാഹികളും പ്രവര്‍ത്തകരുമായ നൂറോളം കുടുംബങ്ങള്‍ മുസ്‌ലിംലീഗില്‍ നിന്ന് രാജിവെച്ചു. 31-ാം വാര്‍ഡ് മുസ്‌ലിംലീഗ് സെക്രട്ടറി മുജീബ് കരുണാകരത്ത്, 27-ാം വാര്‍ഡ് മുസ്‌ലിംലീഗ് സെക്രട്ടറി ഫൈസല്‍ പാക്കത്ത്, പെരിന്തല്‍മണ്ണ മാര്‍ക്കറ്റിംഗ് സൊസൈറ്റി പട്ടാണി കുഞ്ഞിപ്പു, മുന്‍ മുനിസിപ്പല്‍ പ്രവര്‍ത്തക സമിതിയംഗം ഉമ്മര്‍ മൗലവി, 31-ാം വാര്‍ഡ് യൂത്ത്‌ലീഗ് പ്രസിഡന്റ് ഷാനവാസ്, സെക്രട്ടറി ഷാഫി കരുണാകരത്ത്, മുസ്‌ലിംലീഗ് കൗണ്‍സിലര്‍മാരായ അബ്ദുല്‍ഗഫൂര്‍, കരുണാകരത്ത് ഷാനവാസ്, ചെറുകോടന്‍ നജബ്, കരുണാകരത്ത് സൈതലവി എന്നിവരാണ് രാജിവെച്ചത്.

English Summery
More than 100 families resigned from Muslim League. 
9:22 PM | 0 comments

പ്രകൃതി വിരുദ്ധ പീഡനം: പ്രതികളെ റിമാന്‍ഡ് ചെയ്തു

Written By mvarthasubeditor on Monday, May 28, 2012 | 4:17 PM

പെരിന്തല്‍മണ്ണ: പ്രകൃതി വിരുദ്ധ പീഡന കേസില്‍ പെരിന്തല്‍മണ്ണ പോലീസ് അറസ്റ്റ് ചെയ്ത പ്രതികളെ തിരൂര്‍ കോടതി റിമാന്‍ഡ് ചെയ്തു. മുഖ്യപ്രതികളായ അരക്കുപറമ്പ് പുല്ലരിക്കോട് കാഞ്ഞിരക്കടവന്‍ മുഹമ്മദ് ആശിഖ് (20), അരക്കുപറമ്പ് കണ്ടമംഗലത്ത് രാജന്‍ (35) എന്നിവരെയാണ് പ്രകൃതി വിരുദ്ധ പീഡന കേസില്‍ റിമാന്‍ഡിലായത്. കഴിഞ്ഞ ഏഴിനാണ് കേസിനാസ്പദമായ സംഭവം നടന്നത്. കടയില്‍ പോയി സാധനങ്ങള്‍ വാങ്ങി വരുന്ന സമയത്ത് 12കാരനായ വിദ്യാര്‍ഥിയെ ഒന്നാം പ്രതിയുടെ വീടിനടുത്ത് സംഘം ചേര്‍ന്ന് പ്രകൃതി വിരുദ്ധ പീഡനം നടത്തുകയായിരുന്ന മൂന്നാം പ്രതി തകരാന്‍തൊടി മുനീര്‍ (21) ഒളിവിലാണ്.
4:17 PM | 0 comments

പെരിന്തല്‍മണ്ണയില്‍ കോണ്‍ഗ്രസില്‍ നിന്ന് കൊഴിഞ്ഞ് പോക്ക്

Written By mvarthasubeditor on Wednesday, May 23, 2012 | 11:42 PM

പെരിന്തല്‍മണ്ണ: കോണ്‍ഗ്രസ് ഗ്രൂപ്പ് രാഷ്ട്രീയത്തില്‍ മനം നൊന്ത് പെരിന്തല്‍മണ്ണ ഏരിയയില്‍ നിന്ന് പാര്‍ട്ടിയില്‍ നിന്ന് കൊഴിഞ്ഞ് പോക്ക് തുടങ്ങി. ഗ്രൂപ്പില്ലാ ഗ്രൂപ്പായി പാര്‍ട്ടിയുടെ ഇരുവിഭാഗങ്ങളുടെയും സമ്മതനായും വിസമ്മതനായും പാര്‍ട്ടിയോടൊപ്പം ദീര്‍ഘകാലം പൊന്ന്യാകുര്‍ശ്ശി കേന്ദ്രീകരിച്ച് പ്രവര്‍ത്തിച്ചു വന്നിരുന്ന എ പി മുസ്തഫ പാര്‍ട്ടിയില്‍ നിന്നും രാജിവെക്കാനൊരുങ്ങുന്നു. ഇതുമായി ബന്ധപ്പെട്ട് ജില്ലാ കോണ്‍ഗ്രസ് പ്രസിഡന്റ് മുഹമ്മദ്കുഞ്ഞിക്ക് കത്ത് നല്‍കി. ദിവസങ്ങള്‍ക്ക് മുമ്പ് കലംപറമ്പ് ജൂബിലിറോഡിലെ കോണ്‍ഗ്രസ് സജീവന പ്രവര്‍ത്തകനായിരുന്ന ആലിക്കല്‍ശിഹാബ് രാജിവെച്ചിരുന്നു.
11:42 PM | 0 comments

മാധ്യമപ്രവര്‍ത്തകന് കോണ്‍ഗ്രസുകാരുടെ ഭീഷണി

പെരിന്തല്‍മണ്ണ: മാധ്യമം ദിനപത്രത്തിന്റെ പെരിന്തല്‍മണ്ണ ലേഖകന്‍ മുഹമ്മദ് നിസാറിനെ കോണ്‍ഗ്രസ് പ്രവര്‍ത്തകര്‍ ഭീഷണിപ്പെടുത്തിയതായി പരാതി. നഗരസഭാ 32-ാം വാര്‍ഡ് ഉപതിരഞ്ഞെടുപ്പിന് ശേഷം പത്രത്തില്‍ പ്രസിദ്ധീകരിച്ച വാര്‍ത്തയില്‍ പ്രകോപിതരായ കോണ്‍ഗ്രസ് പ്രവര്‍ത്തകരായ രണ്ട് പേര്‍ ഇന്നലെ പെരിന്തല്‍മണ്ണ ബ്യൂറോയിലെത്തി കൈകാലുകള്‍ വെട്ടുമെന്ന് ഭീഷണിപ്പെടുത്തുകയായിരുന്നു. ഇന്നലെ രാവിലെയാണ് സംഭവം. പെരിന്തല്‍മണ്ണ ഡി വൈ എസ് പി യുടെ നിരദേശം പ്രകാരം പോലീസ് കേസെടുത്തു. സംഭവത്തില്‍ കേരള പത്രപ്രവര്‍ത്തക യൂണിയന്‍ ജില്ലാ കമ്മിറ്റി പ്രതിഷേധിച്ചു. അക്രമികള്‍ക്കെതിരെ ശക്തമായ നടപടി വേണമെന്ന് യൂണിയന്‍ ആവശ്യപ്പെട്ടു. പെരിന്തല്‍മണ്ണ പ്രസ്‌ഫോറവും സംഭവത്തില്‍ പ്രതിഷേധിച്ചു. മാങ്ങോട്ടില്‍ ബാലകൃഷ്ണന്‍ അധ്യക്ഷത വഹിച്ചു.

English Summery
Congress activist threat reporter 
4:18 PM | 0 comments

ആദിവാസികള്‍ക്ക് വീട് നിര്‍മിച്ച് നല്‍കി

Written By mvarthasubeditor on Tuesday, May 22, 2012 | 11:33 PM

പെരിന്തല്‍മണ്ണ: ചീരട്ടമല കൂമ്പറമ്പ് ആദിവാസി കോളനിയിലെ നാലു കുടുംബങ്ങള്‍ക്ക് ക്രിസ്തുരാജ ദേവാലയത്തില്‍ പ്രവര്‍ത്തിക്കുന്ന സെന്റ് വിന്‍സന്റ് ഡിപോള്‍ സൊസൈറ്റി പ്രവര്‍ത്തകര്‍ സ്‌നേഹഭവനം ഒരുക്കിയത്. ചെറുപാടത്ത് ബാപ്പുവിന്റെ ഉടമസ്ഥതയിലുള്ള സ്ഥലത്ത് കാലങ്ങളായി ചോര്‍ന്നൊലിക്കുന്ന കൂരയിലായിരുന്നു ഇവരുടെ താമസം. നാട്ടുകാരുടെ സഹകരണത്തോടെയാണ് ഒരു ലക്ഷം രൂപ ചെലവ് വരുന്ന വീട് നിര്‍മിച്ചത്.

English Summery
Houses build for aborigines 
11:33 PM | 0 comments

പറമ്പില്‍പീടികക്കല്‍ രായിന്‍കുട്ടി ഹാജി നിര്യാതനായി

പെരിന്തല്‍മണ്ണ: കുരുവമ്പലം പറമ്പില്‍പീടികക്കല്‍ മമ്മിഹാജിയുടെ മകന്‍ രായിന്‍കുട്ടി ഹാജി (58) നിര്യാതനായി. ഭാര്യ: കുഞ്ഞിപ്പാത്തു ഹജ്ജുമ്മ. മക്കള്‍: അബ്ദുര്‍റഊഫ്, മുജീബ് റഹ്മാന്‍, അബ്ദുല്‍ലത്വീഫ്, മുഹമ്മദ് നൗഫല്‍, ഉമ്മര്‍, മുഹമ്മദ് റാശിദ്, മുഹമ്മദ് നബീല്‍, ബുശ്‌റ. മരുമകന്‍: അബ്ദുല്‍മജീദ് കായല്‍മഠത്തില്‍ (ജിദ്ദ). ഖബറടക്കം ഇന്ന് രാവിലെ 8ന് കുരുവമ്പലം പള്ളി ഖബര്‍സ്ഥാനില്‍ നടക്കും.

English Summery
Parambil Peedikakal Rayinkutty Haji passes away
3:59 PM | 0 comments

16 കാരന്റെ മൃതദേഹം റെയില്‍വെ പാളത്തില്‍

Written By Malappuram News on Thursday, May 17, 2012 | 10:45 AM

പെരിന്തല്‍മണ്ണ: റെയില്‍വെ പാളത്തില്‍ 16 കാരന്റെ മൃതദേഹം കാണപ്പെട്ടു. ചൊവ്വാഴ്ച രാത്രി ഒമ്പത് മണിയോടെ ചെറുകര റെയില്‍വേ ഗെയ്റ്റിന് സമീപത്ത് വെച്ചായിരുന്നു മൃതദേഹം കാണപ്പെട്ടത്. ചീരട്ടാമലയിലെ വര്‍ഗ്ഗീസിന്റെ മകന്‍ ജോബിന്‍ വര്‍ഗീസ് (16) ആണ് റെയില്‍വേ ട്രാക്കില്‍ മരിച്ച നിലയില്‍ കാണപ്പെട്ടത്. തിരൂര്‍ക്കാട് പെട്രോള്‍ പമ്പിലെ ജീവനക്കാരനായിരുന്നു. ഇതിന് മുമ്പ് പട്ടാമ്പിയിലും ജോലി ചെയ്ത് വന്നിരുന്നു ഇയാള്‍ ആഴ്ചയിലൊരിക്കലെ വീട്ടിലെത്താറുള്ളുവെന്ന് പോലീസ് പറഞ്ഞു. പെരിന്തല്‍മണ്ണ പോലീസ് മേല്‍നടപടികള്‍ സ്വീകരിച്ചു.
10:45 AM | 0 comments

ജില്ലാ ക്രിക്കറ്റ് ടീമിനെ റിന്‍സി തോമസ് നയിക്കും

Written By Malappuram News on Saturday, May 12, 2012 | 11:55 AM

പെരിന്തല്‍മണ്ണ: 16 വയസ്സിന് താഴെയുള്ള പെണ്‍കുട്ടികളുടെ ഉത്തരമേഖലാ അന്തര്‍ജില്ലാ മത്സരങ്ങള്‍ക്കായുള്ള മലപ്പുറം ജില്ലാ ക്രിക്കറ്റ് ടീമിനെ നിലമ്പൂര്‍ ഉപ്പട സ്വദേശിനി റിന്‍സി തോമസ് നയിക്കും. സി. എച്ച്. എസ്. എസ്. പോത്തുകല്‍ സ്‌കൂളില്‍ പത്താംക്ലാസ് വിദ്യാര്‍ഥിനിയാണ്.
 നിലമ്പൂര്‍ ചുങ്കത്തറ സ്വദേശിനി കെ. എം. ജെസ്റ്റീനയാണ് വൈസ് ക്യാപ്റ്റന്‍. മാര്‍ത്തോമ ഹയര്‍ സെക്കന്‍ഡറി ഒമ്പതാം ക്ലാസ് വിദ്യാര്‍ഥിനിയാണ്.
 മറ്റ് ടീം അംഗങ്ങള്‍ അനുഷ. ബി. നായര്‍, അന്‍സ എത്സി അലക്‌സ്, അമ്പിളി. ബി. നായര്‍, എഫ്. ഫ്രന്‍സി ലയാല്‍, കെ. സ്‌നേഹ പ്രസാദ്, ഗംഗ. ജി. നായര്‍, ടി. ജെ. ജിന്‍സി, വി. റിന്‍ഷ, അക്ഷര. പി. നായര്‍, ഐറിന്‍ എലിസബത്ത് ഷാജി, യു. ആര്‍. ഉത്തര, കെ. ടി. റനീഷ, വിഷ്ണുപ്രിയ, ടീം മാനേജര്‍ ഐ. മറിയമ്മ.
 മത്സരങ്ങള്‍ 16 മുതല്‍ സുല്‍ത്താന്‍ ബത്തേരിയില്‍ നടക്കും. മലപ്പുറത്തിന്റെ ആദ്യമത്സരം വയനാടുമായിട്ടാണ്.

Keywords:Cricket, Sports, Malappuram, Perinthalmanna, കേരള, 
11:55 AM | 0 comments

കിഴിശ്ശേരി ഹംസ നിര്യാതനായി

Written By Malappuram News on Tuesday, May 1, 2012 | 2:00 PM

പെരിന്തല്‍മണ്ണ: പുത്തനങ്ങാടി കിഴിശ്ശേരി ഹംസ (87) നിര്യാതനായി. ഭാര്യ: പരേതയായ ഖദീജ. മക്കള്‍: മാനു സഖാഫി (എസ്.വൈ.എസ് പെരിന്തല്‍മണ്ണ മേഖലാ പ്രസിഡന്റ്), അലി, യൂനുസ്, ഖദീജ, ഫാത്വിമ, നഫീസ, ആഇശ, സഫിയ, ഹഫ്‌സത്ത്, മരുമക്കള്‍: മരുമക്കള്‍: മുഹമ്മദ് എന്ന കുഞ്ഞാന്‍, കുഞ്ഞി മുഹമ്മദ് മണ്ണാറമ്പ്, കുഞ്ഞി മുഹമ്മദ് അരിമ്പ്ര, മുഹമ്മദ് അലി പൊന്ന്യാകുര്‍ശി, മുഹ്‌സിന്‍ പനങ്ങാങ്ങര, ഹസീന, ജസീല, ഹഫസത്ത്.

Keywords: Obituary, Perinthalmanna, Malappuram, 
2:00 PM | 0 comments

പെരിന്തല്‍മണ്ണ നഗരസഭ: ഉപ തിരഞ്ഞെടുപ്പ്‌ മെയ്‌ 15ന്‌

Written By Malappuram News on Friday, April 20, 2012 | 12:58 AM

പെരിന്തല്‍മണ്ണ: നഗരസഭയിലെ 32 വാര്‍ഡിലേക്കുള്ള ഉപതിരഞ്ഞെടുപ്പിനുള്ള വിജ്ഞാപനമായി. മെയ്‌ 15നാണ തിരഞ്ഞെടുപ്പ്‌ 16ന്‌ വോട്ടെണ്ണലും നടക്കും. സരോജിനി എ യു പി സ്‌കൂളിലാണ്‌ പോളിംഗ്‌ബൂത്ത്‌. ഇന്നു മുതല്‍ ഈ മാസം 25 വരെയാണ്‌ നോമിനേഷന്‍ സമര്‍പ്പിക്കാനുള്ള തിയതി. 26ന്‌ സൂക്ഷ്‌മ പരിശോധന നടക്കും. 28നാണ്‌ പത്രിക പിന്‍വലിക്കാനുള്ള അവസാന ദിവസം. മലപ്പുറം ജില്ലാ വ്യവസായ കേന്ദ്രം ജനറല്‍ മാനേജറാണ്‌ റിട്ടേണിംഗ്‌ ഓഫീസര്‍. അസിസ്റ്റന്റ്‌ റിട്ടേണിംഗ്‌ ഓഫീസര്‍ അധികാരം മുനിസിപ്പല്‍ എന്‍ജിനീയര്‍ക്കാണ്‌. 34 വാര്‍ഡുകളുള്ള പെരിന്തല്‍മണ്ണ നഗരസഭയില്‍ 17 യു ഡി എഫിനും 17 എല്‍ ഡി എഫിനും ലഭിച്ചിരുന്നതില്‍ യു ഡി എഫിന്‌ ലഭിച്ച 32-ാം വാര്‍ഡിലെ സംഗീത രവിയേട്ടന്‍ എന്ന രവീന്ദ്രന്റെ നിര്യാണത്തെ തുടര്‍ന്ന്‌ ഒഴിവു വന്ന സീറ്റിലേക്കാണ്‌ ഉപതിരഞ്ഞെടുപ്പ്‌ നടക്കുന്നത്‌.
12:58 AM | 0 comments

മന്ത്രി മഞ്ഞളാംകുഴി അലിക്ക് മണ്ഡലത്തിലെത്തില്‍ സ്വീകരണം നല്‍കി

Written By Malappuram News on Monday, April 16, 2012 | 2:37 PM

പെരിന്തല്‍മണ്ണ: ഏറെ കാത്തിരിപ്പിന് ശേഷം മന്ത്രിയായി അധികാരമേറ്റ മന്ത്രി മഞ്ഞളാംകുഴി അലിക്ക് പെരിന്തല്‍മണ്ണ മണ്ഡലത്തിലെത്തില്‍ സ്വീകരണം നല്‍കി. ശനിയാഴ്ച വൈകുന്നേരം നാലിന് ജൂബിലി ജങ്ഷനില്‍ നിന്ന് തുറന്ന ജീപ്പില്‍ വാദ്യാഘോഷങ്ങളുടെ അകമ്പടിയോടെയാണ് നഗരത്തിലെ സ്വീകരണസ്ഥലത്തേക്ക് ആനയിച്ചത്. മുസ്‌ലിം ലീഗ് ജില്ലാ ജനറല്‍ സെക്രട്ടറി പി. അബ്ദുള്‍ ഹമീദ്, മുന്‍ മന്ത്രി നാലകത്ത് സൂപ്പി, പച്ചീരി നാസര്‍, സലിം കുരുവമ്പലം, എന്നിവര്‍ മന്ത്രിയെ അനുഗമിച്ചിരുന്നു. നൂറ് കണക്കിന് മുസ്‌ലിംലീഗ് പ്രവര്‍ത്തകര്‍ ജാഥയായി വാഹനത്തെ അനുഗമിച്ചു. എ.കെ. മുസ്തഫ, പി.കെ. അബൂബക്കര്‍ ഹാജി, ഉസ്മാന്‍ താമരത്ത്, എ.കെ. നാസര്‍, റഷീദ് പാറല്‍, അലി അക്ബര്‍, കൊളക്കാടന്‍ അസീസ് തുടങ്ങിയവര്‍ ജാഥയ്ക്ക് നേതൃത്വം നല്‍കി. തുടര്‍ന്ന് പെരിന്തല്‍മണ്ണ ഊട്ടി റോഡില്‍ നടന്ന സ്വീകരണയോഗം മുസ്‌ലിം ലീഗ് ജില്ലാ ജനറല്‍ സെക്രട്ടറി പി. അബ്ദുള്‍ ഹമീദ് ഉദ്ഘാടനം ചെയ്തു. മുന്‍മന്ത്രി നാലകത്ത് സൂപ്പി അധ്യക്ഷത വഹിച്ചു. പി.വി. മുഹമ്മദ്, പച്ചീരി നാസര്‍, ചാക്കോ വര്‍ഗീസ്, വി.വി. വേണുഗോപാലന്‍, പി.ഡി. തോമസ്, ജോസ് പണ്ടാരപ്പള്ളി, ഡോ. നിലാര്‍ മുഹമ്മദ്, ഡോ. വി.യു. സീതി, അല്‍ഷിഫ എം.ഡി. പി. ഉണ്ണീന്‍, അല്‍സലാമ ചെയര്‍മാന്‍ മുഹമ്മദ്കുട്ടി, ഷാലിമാര്‍ ഷൗക്കത്ത്, പി.ടി.എസ്. മൂസ, കെ. കാദര്‍കുട്ടി, ഹനീഫ മൂന്നിയൂര്‍, സാദിഖലി രാങ്ങാട്ടൂര്‍, ഉസ്മാന്‍ താമരത്ത്, റഷീദ് പാറല്‍, സലിം കുരുവമ്പലം, എ.കെ. നാസര്‍, എന്നിവര്‍ പ്രസംഗിച്ചു.
2:37 PM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers