Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Kerala. Show all posts
Showing posts with label Kerala. Show all posts

റാഫ് എക്‌സലന്‍സി അവാര്‍ഡ് സമ്മാനിച്ചു

Written By kvartha san on Thursday, June 20, 2013 | 1:18 AM

Raff, Excellence, Award, Manjeri, Traffic police officer, Philip Mambad, Malappuram, Kerala, Malayalam news
മലപ്പുറം: റോഡപകട നിവാരണ ബോധവത്കരണത്തിന്റെ ഭാഗമായി മലപ്പുറം ജില്ലാ പോലീസിന്റെ '' സൂക്ഷിക്കുക; ജീവന്‍ വിലപ്പെട്ടതാണ്'' എന്ന നാടകത്തിലെ മികച്ച അഭിനേതാവിനുള്ള റാഫ് എക്‌സലന്‍സി പുരസ്‌കാരം മഞ്ചേരി ട്രാഫിക് പോലീസ് ഓഫീസര്‍ ഫിലിപ്പ് മമ്പാടന് സമ്മാനിച്ചു.

തൃശ്ശൂര്‍ റേഞ്ച് ഐ. ജി, പി. എസ്. ഗോപിനാഥ് ഐ. പി. എസ് അവാര്‍ഡ് ദാനം നിര്‍വഹിച്ചു. ചടങ്ങില്‍ കെ. എന്‍. എ. ഖാദര്‍ എം. എല്‍. എ, പോലീസ് മേധാവി കെ. സേതുരാമന്‍, റാഫ് സംസ്ഥാന പ്രസിഡന്റ് കെ. എം. അബ്ദു, സെക്രട്ടറി പ്രകാശ്. പി നായര്‍, അസിസ്റ്റന്റ് കമാണ്ടന്റ് ടി. ടി. അബ്ദുല്‍ ജബ്ബാര്‍, ഡി. വൈ. എസ്. പി മാരായ വി. എസ.് രാജു, എം. പി. മോഹനചന്ദ്രന്‍, കെ. എസ്. വിജയകുമാര്‍ എന്നിവര്‍ സംബന്ധിച്ചു.

Keywords: Raff, Excellence, Award, Manjeri, Traffic police officer, Philip Mambad, Malappuram, Kerala, Malayalam news
1:18 AM | 0 comments

റോഡപകടം: റാഫ് പ്രദര്‍ശനസ്റ്റാള്‍ ശ്രദ്ധേയമായി

Written By kvartha san on Wednesday, June 12, 2013 | 1:17 AM

Road accident, Raff, Photo Exhibition stall, School kalolsavam, Malappuram, Kerala, Malayalam news
മലപ്പുറം: കലോത്സവവോദികളോടനുബന്ധിച്ച് റോഡ് ആക്‌സിഡന്റ് ആക്ഷന്‍ ഫോറം (റാഫ്) ഒരുക്കിയ പവിലിയന്‍ പ്രത്യേകതകള്‍ കൊണ്ട് വേറിട്ടുനിന്നു. റോഡപകടങ്ങളുമായി ബന്ധപ്പെട്ട ഫോട്ടോ പ്രദര്‍ശന സ്റ്റാളില്‍ ലക്ഷത്തില്‍പരം ആളുകള്‍ സന്ദര്‍ശിച്ചു. തൃശ്ശൂര്‍ ഡി .വൈ. എസ്. പി വാഹിദിന്റെ ശേഖരണത്തില്‍ പെട്ടതും വ്യത്യസ്ത അപകടങ്ങളില്‍ പെട്ടതുമായ ഇറുന്നൂറില്‍ പരം ഫോട്ടോകളാണ് പ്രദര്‍ശിപ്പിച്ചിരുന്നത്.

ജീവകാരുണ്യ പ്രവര്‍ത്തനങ്ങളുടെ ഭാഗമായി റാഫ് കഴിഞ്ഞ പതിനഞ്ച് വര്‍ഷമായി സംസ്ഥാന തലത്തില്‍ പ്രവര്‍ത്തിച്ചുവരുന്നതിന്റെ ഒരംഗീകാരം കൂടിയായിരുന്നു വിദ്യാഭ്യാസ മന്ത്രി പ്രത്യേകം താല്‍പര്യമെടുത്ത് അനുവദിച്ച സ്റ്റാള്‍. മൂന്ന് ലക്ഷത്തില്‍പരം ആളുകളില്‍ ട്രാഫിക് നിയമ ലഘുലേഖകളടങ്ങിയ സന്ദേശങ്ങള്‍ എത്തിക്കാനായി വാളക്കുളം കെ. എച്ച്. എം ഹയര്‍ സെക്കന്‍ഡറി സ്‌കൂളിലെ 120 ടാക്‌സ് ഫോഴ്‌സ് വിദ്യാര്‍ഥികള്‍ അടങ്ങുന്ന അഞ്ച് ബെറ്റാലിയനുകളാണ് വിവിധ വേദികളില്‍ ലഘുലേഖകള്‍ വിതരണം ചെയ്യുന്നത്.

Road accident, Raff, Photo Exhibition stall, School kalolsavam, Malappuram, Kerala, Malayalam news
റോഡ് സംസ്‌കാരം വളര്‍ത്തിയെടുക്കുന്നതിന്റെ ഭാഗമായി റോഡു സുരക്ഷ പാഠ്യപദ്ധതികളില്‍ ഉള്‍പ്പെടുത്താന്‍ ശ്രമിച്ചുവരുന്നതായി സ്റ്റാള്‍ സന്ദര്‍ശിച്ച വിദ്യാഭ്യാസ മന്ത്രി പി. കെ. അബ്ദുറബ്ബ് സൂചിപ്പിച്ചു. കലോത്സവ വേദികളിലെ സ്റ്റാളുകളില്‍ ഏറ്റവും കൂടുതല്‍ ആളുകള്‍ സന്ദര്‍ശിച്ചതും ഇന്നത്തെ സാഹചര്യത്തില്‍ ഏറ്റവും പ്രയോജനപ്രദവുമായ ഒന്നായിരുന്നു റാഫ് സംസ്ഥാന കമ്മിറ്റി സംഘടിപ്പിച്ച ഒരു ശ്രദ്ധ ഒരുപാട് ആയുസ് എന്ന സ്റ്റാള്‍.

റാഫ് സംസ്ഥാന പ്രസിഡന്റ് കെ. എം. അബ്ദു സെക്രട്ടറി പ്രകാശ് പി. നായര്‍, എം. ടി തെയ്യാല, രാജീവ് മാസ്റ്റര്‍, ഷാനിയസ് മാസ്റ്റര്‍, ബീരാന്‍കുട്ടി അച്ചമ്പാട്ട്, ശാഫി എടശ്ശേരി, എ. ടി. സൈതലവി, ബി. കെ. സൈദ്, മച്ചിങ്ങല്‍ മുഹമ്മദ് കുട്ടി, ഖാദര്‍ കെ. തേഞ്ഞിപ്പലം, കുഞ്ഞാലന്‍ വെന്നിയൂര്‍, പി. വി. ബദറുന്നീസ, ചെമുക്കന്‍ ബീരാന്‍, കെ. എം. സേതുമാധവന്‍, ഹംസ പുത്തൂര്‍ തുടങ്ങിയവരുടെ നേതൃത്വത്തിലാണ് ആറ് ദിവസങ്ങളിലായി സംഘടിപ്പിച്ച കലോത്സവ സ്റ്റാളും പരിപാടികളും നടത്തിയത്.

Keywords: Road accident, Raff, Photo Exhibition stall, School kalolsavam, Malappuram, Kerala, Malayalam news
1:17 AM | 0 comments

'പെട്രോളിയം ഉല്‍പന്നങ്ങള്‍ക്കുള്ള വില നിയന്ത്രണാധികാരം സര്‍ക്കാര്‍ ഏറ്റെടുക്കണം'

Written By Kasargodvartha on Tuesday, March 5, 2013 | 6:27 PM

മലപ്പുറം: പെട്രോളിയം കമ്പനികള്‍ക്ക് നല്‍കിയ വിലനിയന്ത്രണാധികാരം സര്‍ക്കാര്‍ അടിയന്തരമായി തിരിച്ചെടുക്കണമെന്ന് യൂത്ത് ലീഗ് ജില്ലാ പ്രസിഡന്റ് നൗഷാദ് മണ്ണിശ്ശേരി ആവശ്യപ്പെട്ടു.

പെട്രോണിയം കമ്പനികള്‍ തോന്നുന്ന രീതിയില്‍ വിലകൂട്ടി സാധാരണക്കാരുടെ ജീവിതം ദുസ്സഹമാക്കിയിരിക്കുകയാണ്. ഇതിന് സര്‍ക്കാര്‍ കൂട്ടുനില്‍ക്കരുത്. രണ്ടാഴ്ച്ചകളില്‍ നാലു രൂപയോളമാണ് വില വര്‍ധിച്ചത്. ഇതു മൂലം നിത്യേപയോഗ സാധനങ്ങള്‍ക്കും വിലവര്‍ധിച്ചിരിക്കുകയാണ്. സാധാരണക്കാരന്റെ ജീവിതത്തെ തകിടംമറിക്കുന്ന ഇക്കാര്യം സര്‍ക്കാര്‍ ഗൗരവമായെടുക്കണം അദ്ദേഹം പറഞ്ഞു.

Keywords: Kerala, Malappuram, Youth League, Petroleum, Government,  Kerala News, International News, National News, Gulf News, Health News, Educational News, Business News, Stock news, Gold News.
6:27 PM | 0 comments

വീണ്ടും എടപ്പാള്‍...

Written By Kvartha Delta on Thursday, November 29, 2012 | 8:45 PM

Malappuram, School Kalolsavam, Kerala, Winners, Team, Spots, Malayalam News
ജില്ലാ കായിക മേളയില്‍ ഓവറോള്‍ ചാമ്പ്യന്‍ഷിപ്പ് നേടിയ എടപ്പാള്‍ സബ്ജില്ലാ ടീം
തിരൂര്‍: ഒടുവില്‍ കൗമാര കായിക മാമാങ്കത്തിന്റെ കിരീടമണിഞ്ഞ് എടപ്പാള്‍ ഉപജില്ല മൂന്നാമതും കരുത്ത് തെളിയിച്ചു. താഴെപ്പാലം മുനിസിപ്പല്‍ സ്‌റ്റേഡിയത്തിലെ തിങ്ങിനിറഞ്ഞ പുരുഷാരത്തെ സാക്ഷിനിര്‍ത്തി പ്രതിഭകള്‍ ഓവറോള്‍ ട്രോഫി ഏറ്റുവാങ്ങിയപ്പോള്‍ നീണ്ടകരഘോഷത്തിനൊപ്പം നടന്ന വെടിക്കെട്ടും മൈതാനത്തെ ത്രസിപ്പിച്ചു. കടകശ്ശേരി ഐഡിയല്‍ സ്‌കൂളിന്റെ അതിശക്തമായ പിന്തുണയോടെയാണ് എടപ്പാളിന് ഈ മിന്നും വിജയം സ്വന്തമായത്.

മേളയുടെ മൂന്ന് ദിനങ്ങളിലും ട്രാക്കിലും ഫീല്‍ഡിലും നിറഞ്ഞ് നിന്ന ഐഡിയല്‍ താരങ്ങള്‍ വേഗതയില്‍ തങ്ങളെ വെല്ലാന്‍ ആരുമില്ലെന്ന് ഒരിക്കല്‍കൂടി തെളിയിച്ചു. 33 സ്വര്‍ണം, 28 വെള്ളി, 21 വെങ്കലം എന്നിവയടക്കം 286 പോയിന്റ് നേടിയാണ് എടപ്പാള്‍ ഒന്നാമതെത്തിയത്.

ഇതില്‍ 21 സ്വര്‍ണം, 17 വെള്ളി, 17 വെങ്കലം എന്നിവയടക്കം 173 പോയിന്റ് സംഭാവന ചെയ്തത് ഐഡിയലാണ്. ആതിഥോയരായ തിരൂരാണ് രണ്ടാംസ്ഥാനത്ത്. 11 സ്വര്‍ണം, 12 വെള്ളി, 10 വെങ്കലം എന്നിങ്ങനെ 110 പോയന്റാണ് തിരൂര്‍ ഉപജില്ലയുടെ സമ്പാദ്യം. തിരുനാവായ നവാമുകുന്ദ ഹയര്‍സെക്കന്‍ഡറി സ്‌കൂളാണ് ആതിഥേയരുടെ മികവിന് ആധാരമായത്. പൂക്കൊളത്തൂര്‍ സി.എച്ച്.എം.എച്ച്.എസിന്റെ തോളിലേറിയാണ് മുന്നാം സ്ഥാനത്തെത്തിയ കിഴിശ്ശേരിക്ക് 88 പോയന്റ് നേടാനായത്. 11 സ്വര്‍ണവും അഞ്ച് വെള്ളിയും ഒമ്പത് വെങ്കലവും ആണ് കിഴിശ്ശേരിയുടെ നേട്ടം.

വൈകിട്ട് അഞ്ച് മണിയോടെ തന്നെ മത്സരങ്ങള്‍ സമാപിച്ചു. തുടര്‍ന്ന് ജില്ലാ വിദ്യാഭ്യാസ ഓഫീസര്‍ ഗിരീഷ് ചോലയില്‍ വിജയികള്‍ക്കുള്ള ട്രോഫികള്‍ വിതരണം ചെയ്തു. ഡി.ഡി.ഇ. കെ.സി. ഗോപി, പ്രോഗ്രാം സെക്രട്ടറി ഹസന്‍കോയ, കണ്‍വീനര്‍ കെ.പി. പ്രശാന്ത്, തുടങ്ങിയവര്‍ ചടങ്ങില്‍ സംസാരിച്ചു.

Keywords: Malappuram, School Kalolsavam, Kerala, Winners, Team, Spots, Malayalam News, Edappal.
8:45 PM | 0 comments

സംസ്ഥാന സ്‌കൂള്‍ കലോത്സവം: ലോഗോ പ്രകാശനം ചെയ്തു

Written By Malappuram News on Sunday, November 18, 2012 | 7:11 PM

മലപ്പുറം: 53ാമത് സംസ്ഥാന സ്‌കൂള്‍ കലോത്സവത്തിന്റെ ലോഗോ തയ്യാറാക്കിയത് കോഴിക്കോട് ഉള്ളേരിയിലെ പാലോറ ഹയര്‍ സെക്കന്‍ഡറി സ്‌കൂളിലെ ചിത്രകലാ അധ്യാപകനായ പി.സതീഷ് കുമാറാണ്. ജില്ലയിലെ ജനപ്രതിനിധികളും ജില്ലാ ഭരണകൂടവും അധ്യാപകരും അധ്യാപക സംഘടനകളും വിദ്യാര്‍ഥികളും വിവിധ കമ്മിറ്റി ഭാരവാഹികളും ചേര്‍ന്ന് ഏഷ്യയിലെ ഏറ്റവും വലിയ കലോത്സവത്തെ ചരിത്രത്തിലെ ഏറ്റവും മനോഹരമായ ഒന്നാക്കി തീര്‍ക്കാനുള്ള യജ്ഞത്തിന് മാറ്റ് കൂട്ടുന്നതാണ് ലോഗോ. ഇന്ന് മുതല്‍ കലോത്സവത്തിന്റെ ആരവങ്ങള്‍ തീരുന്നതുവരെ ഈ ലോഗോ ആയിരിക്കും പത്ര-ദൃശ്യ- മാധ്യമങ്ങളില്‍ നിറഞ്ഞ് നില്‍ക്കുക.നിരവധി പദ്ധതികള്‍ക്കും കോഴിക്കോട് ജില്ലാ കലോത്സവത്തിനും സതീഷ് കുമാറിന്റെ രചനകള്‍ തെരഞ്ഞെടുക്കപ്പെട്ടിട്ടുണ്ടെങ്കിലും ആദ്യമായാണ് സംസ്ഥാന സ്‌കൂള്‍ കലോത്സവത്തിന്റെ ലോഗോയായി തെരഞ്ഞെടുക്കുന്നത്.
P Satheesh Kumar

2004-05, 2005-06, 2010-11, 2012-13, കോഴിക്കോട് റവന്യൂ ജില്ലസ്‌കൂള്‍ കലോത്സവം, 2007-08 സംസ്ഥാന ഹയര്‍ സെക്കന്‍ഡറി കലോത്സവം, 2011-12, 2012-13 ബാലുശ്ശേരി ഉപജില്ലാ സ്‌കൂള്‍ കലോത്സവം,2011-12 കൊയിലാണ്ടി ഉപജില്ലാ സ്‌കൂള്‍ കലോത്സവം, കൊയിലാണ്ടി ഗവ.ഗേള്‍സ് ഹയര്‍സെക്കന്‍ഡറി 100-ാം വാര്‍ഷികത്തിന്റെ ലോഗോ, കൂടാതെ കോഴിക്കോട് ജില്ലാ ഭരണ കൂടം നടപ്പിലാക്കുന്ന സ്‌നേഹസംഗമം(കുറ്റിച്ചിറ മിസ്‌ക്കാല്‍ പള്ളി+ തളി zമഹാശിവക്ഷേത്രം സംഗമം), സ്പര്‍ശം (സ്‌പെഷല്‍ പ്രോവെര്‍ട്ടി ഇറാഡിക്കേഷന്‍ പ്രഗ്രാം ഫോര്‍ മാറാട്), സ്വാഭിമാന്‍(മാന്യുല്‍ തൊഴിലാളികളെ ലഭ്യമാക്കുന്ന പ്രൊജക്റ്റ്), നോട്ട് ഔട്ട്(ഗവ.സര്‍വീസില്‍നിന്നും വിരമിച്ചവര്‍ക്കായുള്ള വേദി- പ്രൊജക്റ്റ്), പ്രിസം കോഴിക്കോട്(കോഴിക്കോട് 2 നിയമസഭാ മണ്ഡലത്തിലെ വിദ്യാഭ്യാസ സ്ഥാപനങ്ങള്‍ക്കായുള്ള സ്ഥലം എ.എല്‍.എയുടെ പ്രൊജക്റ്റ്) കൂടാതെ സ്വദേശത്തും വിദേശത്തും വിവിധ വ്യാപാരസ്ഥാപനങ്ങള്‍ക്കായും ലോഗോ രൂപകല്‍പന ചെയ്തിട്ടുണ്ട്.

7:11 PM | 0 comments

പക്ഷിപ്പനി: ബുള്‍സൈയും ചിക്കന്‍ വിഭവങ്ങളും ഒഴി­വാ­ക്കാന്‍ നിര്‍ദേശം

Written By Kasargodvartha on Sunday, November 4, 2012 | 9:54 PM

Egg bullseye
മലപ്പുറം: പക്ഷിപ്പനി റിപ്പോര്‍ട്ട് ചെയ്ത സാഹചര്യത്തില്‍ പാതി വേവിച്ച ബുള്‍സൈയും മറ്റ് ചിക്കന്‍ വിഭവങ്ങളും കഴിക്കുന്നത് ഒഴിവാക്കണമെന്ന് നിര്‍ദേശം. ജില്ലാ കലക്ടര്‍ എം സി മോഹന്‍ദാസിന്റെ അധ്യക്ഷതയില്‍ ചേര്‍ന്ന യോ­ഗ­ത്തില്‍ പ്രതിരോധ നടപടികള്‍ ചര്‍ച്ച ചെയ്­തു.

ഇതേ തുടര്‍ന്ന് ഭക്ഷ്യവില്‍പന ശാലകളില്‍ നിരീക്ഷണം ഊര്‍ജിതമാക്കാന്‍ ഭക്ഷ്യ സുരക്ഷാ ഓഫീസറെ ചുമതലപ്പെടു­ത്തി.

കഴിഞ്ഞ മാസം കര്‍ണാടകയിലെ സെന്‍ട്രല്‍ പൗള്‍ട്രി ഡെവലപ്‌­മെന്റ് ഓര്‍ഗനൈസേഷന്‍(സി പി ഡി ഒ) ഫാമില്‍ നിന്നും മുട്ടയോ കോഴിക്കുഞ്ഞുങ്ങളോ വാങ്ങിയ വ്യാപാരികള്‍ അവ നശിപ്പിച്ച് കളയണമെന്നും നിര്‍ദേശിച്ചിട്ടുണ്ട്. സ്ഥലത്തെ വെറ്ററിനറി സര്‍ജന്റെ സാന്നിധ്യത്തില്‍ മുന്‍കരുതല്‍ സ്വീകരിച്ചാവണം നശിപ്പിച്ച് കളയേ­ണ്ടത്.

ജില്ലയില്‍ ഇതുവരെ പക്ഷിപ്പനി റി­പ്പോര്‍ട് ചെയ്തിട്ടില്ലെന്നും ആശങ്കപ്പെടേണ്ട സാഹചര്യമില്ലെന്നും യോഗം വിലയിരുത്തി. വകുപ്പ് ഉദ്യോഗസ്ഥരും ആവശ്യമായ സുരക്ഷാ സംവിധാനങ്ങള്‍ കൈകൊള്ളണമെന്നും നിര്‍ദേശിച്ചിട്ടുണ്ട്. രോഗം ബാധിച്ച കോഴികളെ ജില്ലയിലേക്ക് കടത്താതിരിക്കാന്‍ ചെക്ക് പോസ്റ്റില്‍ പരിശോധന ഈര്‍ജിതമാക്കും. പോലീസ്‌­വനം­വാണിജ്യ നികുതി വകുപ്പുകള്‍ ഇക്കാര്യത്തില്‍ ജാഗ്രത പുലര്‍ത്തണമെന്നും നിര്‍ദ്ദേശം നല്‍കി.

ഊടുവഴികളിലൂടെയുള്ള കടത്ത് തടയുന്നതിനായി മൊബൈല്‍ സ്­ക്വാഡുകളും പ്രവര്‍ത്തിക്കും. ആശുപത്രികളില്‍ ആവശ്യമായ ആന്റി വൈറല്‍ മരുന്നുകള്‍ സ്‌റ്റോക്ക് ചെയ്തിട്ടുണ്ടെന്ന് ആരോഗ്യ വകുപ്പ് ആധികൃതര്‍ അറിയിച്ചു. പക്ഷിപ്പനിയുടെ ലക്ഷണങ്ങള്‍ മനുഷ്യരില്‍ കാണുന്നുണ്ടോയെന്ന് നിരീക്ഷിക്കാനുള്ള സംവിധാനവുമൊരുക്കിയിട്ടുണ്ട്.

ജില്ലയിലെത്തുന്ന ദേശാടനപക്ഷികള്‍ രോഗവാഹകരല്ലെന്ന് ഉറപ്പാക്കുന്നതിനായി പുറത്തൂര്‍, വള്ളിക്കുന്ന് എന്നിവിടങ്ങളില്‍ നിന്നും പക്ഷികളുടെ വിസര്‍ജ്യങ്ങള്‍ ശേഖരിച്ച് ഭോപ്പാലിലെ ലാബില്‍ പരിശോധനക്ക് അയക്കാനും യോഗത്തില്‍ തീരുമാനമായി.

Keywords: Kerala, Malappuram, Chicken, Egg, Fever, Collector, Mohan Das, Order, Report, Leave, Karnataka, C.P.D.O, Hospital, Medicine.
9:54 PM | 0 comments

കരിപ്പൂര്‍ വിമാനത്താവളത്തിലേക്ക് INL മാര്‍ച്ച് നടത്തി

INL Airport March, Malappuram
കൊണ്ടോട്ടി: എയര്‍ ഇന്ത്യ പ്രവാസികളോട് തുടരുന്ന അനീതിക്കെതിരെയും അടിക്കടി സര്‍വീസ് റദ്ധാക്കുന്നതിലും പ്രതിഷേധിച്ച് ഇന്ത്യന്‍ നാഷണല്‍ ലീഗിന്റെ ആഭിമുഖ്യത്തില്‍ കരിപ്പൂര്‍ വിമാനത്താവളത്തിലേക്ക് മാര്‍ച്ച് നടത്തി.

രാവിലെ കൊളത്തൂര്‍ ജംഗ്ഷനില്‍ നിന്ന് ആരംഭിച്ച മാര്‍ച്ച് വിമാനത്താവള പരിസരത്ത് പോലീസ് തടഞ്ഞു. ഐ എന്‍ എല്‍ സംസ്ഥാന ജനറല്‍ സെക്രട്ടറി പ്രൊഫ. എ പി അബ്ദുല്‍ വഹാബ് ഉദ്ഘാടനം ചെയ്തു.

രാജ്യത്തിന്റെ സാമ്പത്തിക ഭദ്രതക്ക് വേണ്ടി വിദേശത്ത് കഷ്ടപ്പെടുന്ന പ്രവാസികളോട് എയര്‍ ഇന്ത്യയും കേന്ദ്ര സര്‍ക്കാരും കാണിക്കുന്ന അ­നീതിക്കെതിരെ ഐ എന്‍ എല്‍ ആരംഭിക്കുന്ന ശക്തമായ പ്രക്ഷോഭത്തിന്റെ തുടക്കമാണ് എയര്‍ പോര്‍ട്ട് മാര്‍ച്ചെന്ന് അദ്ദേഹം പറഞ്ഞു.

കെ പി ഇസ്മാഈല്‍, ബി ഹംസ ഹാജി, എന്‍ കെ അബ്ദുല്‍ അസീസ്, ജില്ലാ പഞ്ചായത്ത് അംഗം നസീമ മേടപ്പില്‍, കേച്ചരി മുഹമ്മദ് കുട്ടി പ്രസംഗിച്ചു. ഒ കെ തങ്ങള്‍, സി എച്ച് മുസ്തഫ, പി കെ എസ് മുജീബ് ഹസ്സന്‍, സര്‍മദ് ഖാന്‍, സ്വാലിഹ് മേടപ്പില്‍, ഒ പി സലിം, ബശീര്‍ അഹമ്മദ് മാര്‍ച്ചിന് നേതൃത്വം നല്‍കി.

Keywords: Malappuram, Karippur, Air India, INL, March, Kondotty, Kolathur, Airport.
9:57 AM | 0 comments

റഹ്മ­ത്ത് ഇ­നി ഔ­ദ്യോഗി­ക വാ­ഹ­ന­ത്തി­ന്റെ സാരഥി

Written By Kasargodvartha on Tuesday, October 23, 2012 | 8:08 PM


 Driving, Women, Malappuram, State, Board-Corporation, Husband, Children, India, Keralaമലപ്പു­റം: സംസ്ഥാന സാമൂഹികക്ഷേമ ബോര്‍ഡ് (കെ.എസ്.എസ്.ഡബ്‌ള്യു.ഡി) അ­ധ്യ­ക്ഷ ഖ­മ­റുന്നി­സ അന്‍­വ­റിന്റെ വാഹ­ന­ത്തിന്റെ സാരഥിയാ­യി താനൂര്‍ മൂച്ചിക്കലിലെ സി. റഹ്മത്തി­നെ നി­യ­മിച്ചു.

മൂച്ചിക്കല്‍ ചുങ്കത്ത് പരേതരായ മുഹമ്മദ്‌കോ­യ­ - ഖദിയക്കുട്ടി ദമ്പതികളുടെ പത്ത് മക്കളില്‍ ആറാമത്തവളായ റഹ്മത്തിന് (43) ഡ്രൈ­വിം­ഗ് ജോലി മാത്രമല്ല, ഹരവും ഹോബിയുമാ­ണ്.

ഭര്‍ത്താവും രണ്ട് മ­ക്ക­ളു­മു­ള്ള റ­ഹ്മത്ത് 2001 ലാണ് ഡ്രൈ­വിം­ഗ് പഠി­ച്ച­ത്. തു­ടര്‍ന്ന ഡ്രൈ­വിം­ഗ് സ്­കൂള്‍ തു­ട­ങ്ങാ­നാ­യി വനിതാ വികസന കോര്‍പറേ­ഷന്‍ ബാ­ങ്കില്‍ നിന്നും ഒരുലക്ഷം രൂപ വായ്­പ എ­ടുത്ത് മാരുതി കാര്‍ വാ­ങ്ങി ബാക്കി തുകകൊണ്ട് 'ന്യൂ ഇന്ത്യ ഡ്രൈ­വിം­ഗ് സ്‌കൂള്‍' എന്ന സ്ഥാ­പ­നം തുടങ്ങി. ഡ്രൈ­വിം­ഗ് പഠി­ക്കാ­നാ­യി കൂ­ടു­തല്‍ സ്­ത്രീ­കള്‍ വ­ന്നു­തു­ട­ങ്ങി­യ­തോ­ടു സ്ഥാപ­നം പ­ച്ച പി­ടി­ച്ചു തു­ട­ങ്ങി.

പത്തുവര്‍ഷത്തിനി­ടെ ആ­യി­ര­ത്തി­ല­ധി­കം സ്­ത്രിക­ളെ ഡ്രൈ­വിം­ഗ് പഠി­പ്പിച്ച ആത്മവി­ശ്വാ­സം റ­ഹ്മ­ത്തി­നുണ്ട്. ഭര്‍ത്താവ് അബ്ദുറസാഖും മകന്‍ റഫീഖും ഡ്രൈ­വിം­ഗ് മേഖലയിലെത്തിയതോടെ ഡ്രൈ­വിം­ഗ് സ്‌കൂളി­ന് കൂ­ടു­തല്‍ പ്ര­ശ­സ്­തി നേ­ടാന്‍ ക­ഴി­ഞ്ഞു.

കെ.എസ്.എസ്.ഡബ്‌ള്യു.ബി അധ്യക്ഷ­യാ­യി ചു­മ­ത­ല­യേറ്റപ്പോള്‍ ഔ­ദ്യോഗിക കാര്‍ ഓടി­ക്കാന്‍ വനിതാ ഡ്രൈ­വ­റെ നി­യ­മി­ക്കാന്‍ ഖ­മ­റുന്നിസ തീ­രു­മാ­നി­ക്കു­ക­യ­യും റഹ്മത്തി­നെ ചു­മ­ത­ല­യേല്‍­പി­ക്കു­കയും ചെ­യ്തു. കെ.എല്‍ ­1 എ.യു 8911 കാറില്‍ റഹ്മത്ത് ഡ്രൈ­വിം­ഗ് സീറ്റിലിരിക്കുമ്പോള്‍ ഖമറുന്നീസ അന്‍­വ­റിന് കൂട്ടിന് ഒരു വനിത ഉണ്ടല്ലോ എ­ന്ന­ആ­ശ്വാ­സമാണ തോ­ന്നുന്ന­ത്.

Keywords: Driving, Women, Malappuram, State, Board-Co- orporation, Husband, Children, India, Kerala.
8:08 PM | 0 comments

നെതര്‍ലാന്‍ഡിലെ അന്താരാഷ്ട്ര കോണ്‍ഫറന്‍സില്‍ ശിഹാബ് തങ്ങളെ കുറിച്ച് പ്രബന്ധാവതരണം

Written By Kasargodvartha on Monday, October 22, 2012 | 9:29 PM


 Shihab Thangal, Netharland, Conference, K.T.Haris Hudavi, Malappuram, Kasaragod, Kerala, Malayalam news
മലപ്പുറം: നെതര്‍ലാന്‍ഡിലെ പ്രശസ്ത സര്‍വകലാശാലയായ ലീഡന്‍ യൂനിവേഴ്‌സിറ്റിയില്‍ ഒക്ടോബര്‍ 23 മുതല്‍ 29 വരെ നടക്കുന്ന അന്താരാഷ്ട്ര കോണ്‍ഫറന്‍സില്‍ രണ്ടര പതിറ്റാണ്ടു കാലം മുസ്ലീങ്ങള്‍ക്ക് ആത്മീയ ഭൗതിക നേതൃത്വം നല്‍കിയ പാണക്കാട് സയ്യിദ് മുഹമ്മദലി ശിഹാബ് തങ്ങളെ കുറിച്ച് പ്രബന്ധാവതരണം നടക്കും.

26 ന് ന്യൂന പക്ഷ ശാക്തീകരണവുമായി ബന്ധപ്പെട്ട് നടക്കുന്ന പ്രത്യേക സെഷനിലാണ് സാഫി ഇന്‍സ്റ്റിറ്റിയൂട്ട് ഇസ്ലാമിക് സ്റ്റഡീസ് മേധാവിയും ദാറുല്‍ ഹുദാ ഇസ്ലാമിക് യൂനിവേഴ്‌സിറ്റി പൂര്‍വ വിദ്യാര്‍ത്ഥിയുമായ കെ.ടി. ഹാരിസ് ഹുദവി കൂറ്റപ്പുറം ന്യൂനപക്ഷ ശാക്തീകരണത്തില്‍ ശിഹാബ് തങ്ങളുടെ പങ്കിനെ കുറിച്ചാണ് പ്രബന്ധമവതരിപ്പിക്കുന്നത്.

ഡല്‍ഹിയിലെ ഹംദര്‍ദ് സര്‍വകലാശാലയില്‍ ന്യൂനപക്ഷ ശാക്തീകരണവുമായി ബന്ധപ്പെട്ട് ഗവേഷണം നടത്തുന്ന ഇദ്ദേഹം വിവിധ ദേശീയ അന്തര്‍ ദേശീയ കോണ്‍ഫറന്‍സുകളില്‍ പ്രബന്ധമവതരിപ്പിച്ചിട്ടുണ്ട്. ഹംദര്‍ദ് യൂനിവേഴ്‌സിറ്റിയിലെ ഗവേഷണ വിദ്യാര്‍ത്ഥികളായ വി.കെ ജഅഫര്‍ ഹുദവി, കെ.ടി. അന്‍വര്‍, ജെ.എന്‍.യു വിലെ അനീസ് തിരുവനന്തപുരം എന്നിവരും പ്രബന്ധാവതരണത്തിനായി തിങ്കളാഴ്ച യാത്ര തിരിക്കും.

Keywords: Shihab Thangal, Netharland, Conference, K.T.Haris Hudavi, Malappuram, Kasaragod, Kerala, Malayalam news
9:29 PM | 0 comments

പിറകോട്ടുരുണ്ട മണല്‍ലോറി ഇടിച്ച് വിദ്യാര്‍ഥി മരിച്ചു

Malappuram, Valanjeri, Lorry, Accident, Obituary, Kerala, Malayalam News
വളാഞ്ചേരി: അനധികൃത കടവില്‍ നിന്നും മണലെടുക്കാനെത്തിയപ്പോള്‍ കേടായ ടിപ്പര്‍ലോറി കെട്ടിവലിക്കുന്നതിനിടെ കയര്‍പൊട്ടി പിറകോട്ടുരുണ്ട് ഇടിച്ച് വിദ്യാര്‍ഥി മരിച്ചു. വലിയകുന്ന് ചോലപ്ര റോഡ് കാളിയാര്‍ വട്ടത്ത് അബ്ദുല്‍ അസീസിന്റെ മകന്‍ മുനീര്‍(17) ആണ് മരിച്ചത്.

ഇരിമ്പിളിയം ഗവ. ഹയര്‍ സെക്കന്‍ഡറി സ്‌കൂളിലെ പത്താംക്ലാസ് വിദ്യാര്‍ഥിയാണ്. ഞായറാഴ്ച രാവിലെ എട്ടിനാണ് സംഭവം. തൂതപ്പുഴയില്‍ ചോലപ്ര റോഡിന് സമീപം കാളിയാര്‍ വട്ടത്ത് കടവില്‍ നിന്ന് മണലെടുക്കാനെത്തിയ ലോറി മറ്റൊരു വാഹനത്തില്‍ കെട്ടിവലിക്കുന്നതിനിടെയാണ് കയര്‍ പൊട്ടിയത്.

പിന്നോട്ടുരുണ്ട ലോറിക്കും മതിലിനും ഇടയില്‍ കുടുങ്ങി മുനീറിന്റെ തല തകര്‍ന്നു. നാട്ടുകാര്‍ ഉടന്‍ വളാഞ്ചേരിയിലെ സ്വകാര്യാശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. തിരൂര്‍ ജില്ലാ ആശുപത്രിയില്‍ പോസ്റ്റ് മോര്‍ട്ടത്തിന് ശേഷം വലിയകുന്ന് ജുമാ മസ്ജിദില്‍ ഖബറടക്കി. ആബിദയാണ് മാതാവ്. സഹോദരങ്ങള്‍: മുജീബ്, മുബീന.

Keywords: Malappuram, Valanjeri, Lorry, Accident, Obituary, Kerala, Malayalam News
7:38 PM | 0 comments

റഊഫിന് ജാമ്യം ലഭിച്ചത് കര്‍ശന ഉപാധികളോടെ

Written By Kvartha Delta on Thursday, October 18, 2012 | 7:08 PM

ജാമ്യംനേടി പുറത്തുവന്ന റഊഫ് മഞ്ചേരി കോടതിക്ക് പുറത്ത് മാധ്യമപ്രവര്‍ത്തകരോട് സംസാരിക്കുന്നു.


മലപ്പുറം: കൊണ്ടോട്ടി ബ്ലോക്ക് പഞ്ചായത്ത് പ്രസിഡന്റ് ജബ്ബാര്‍ ഹാജിയെ ഫോണിലൂടെ ഭീഷണിപ്പെടുത്തിയ കേസില്‍ അറസ്റ്റിലായി റിമാന്‍ഡിലായിരുന്ന വിവാദ വ്യവസായി കെ.എ. റഊഫിന് ജാമ്യം ലഭിച്ചത് ഉപാധികളോടെ. മലപ്പുറം ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതിയാണ് ജാമ്യം അനുവദിച്ചത്.

ജബ്ബാര്‍ ഹാജി നല്‍കിയ പരാതിയെ തുടര്‍ന്ന് റഊഫിനെ മലപ്പുറം ഡി വൈ എസ് പി അഭിലാഷിന്റെ നേതൃത്വത്തില്‍ കസ്റ്റഡിയിലെടുത്ത് ചോദ്യം ചെയ്തിരുന്നു. റഊഫ് ഉപയോഗിച്ചിരുന്ന അഞ്ചു മൊബൈല്‍ ഫോണുകളും പൊലീസ് പരിശോധനക്ക് വിധേയമാക്കിയിരുന്നു. ജബ്ബാര്‍ഹാജിയുമായി റഊഫ് നടത്തിയ ഫോണ്‍സംഭാഷണം പുറത്താവുകയും ചെയ്തു. കസ്റ്റഡി കാലാവധി പൂര്‍ത്തിയായതിനെ തുടര്‍ന്ന് ചൊവ്വാഴ്ച അദ്ദേഹത്തെ കോടതിയില്‍ ഹാജരാക്കി റിമാന്‍ഡ് ചെയ്തിരുന്നു.

40,000 രൂപയുടെ രണ്ടാള്‍ ജാമ്യത്തിലും ഒന്നിടവിട്ടുള്ള തിങ്കളാഴ്ചകളില്‍ അന്വേഷണ ഉദ്യോഗസ്ഥര്‍ക്കുമുമ്പാകെ ഹാജരാകണമെന്നുമുള്ള കര്‍ശന ജാമ്യവ്യവസ്ഥയോടെയാണ് റൗഫിന് ജാമ്യം നല്‍കിയത്. ജാമ്യംനേടി പുറത്തുവന്ന റൗഫ് മാധ്യമപ്രവര്‍ത്തകരെ ജയിലിന് പുറത്ത് കാണുകയും വ്യാഴാഴ്ച മലപ്പുറത്ത് കൂടുതല്‍ വിവരങ്ങള്‍ വെളിപ്പെടുത്തുമെന്നും തന്റെ കൈയ്യില്‍ വീഡിയോഅടക്കമുള്ളതെളിവുകളുണ്ടെന്നും വെളിപ്പെടുത്തി.

ജയിലില്‍ നിന്നും പുറത്തുവന്ന റഊഫിനെ ഐ.എന്‍.എല്‍. പ്രവര്‍ത്തകര്‍ മാലയിട്ട് സ്വീകരിച്ചു.

Keywords: Malappuram, Phone, Kondotty, Court, Kerala, K.A. Raoof, Custody, Remand
7:08 PM | 0 comments

സര്‍ക്കാര്‍ അറിയിപ്പുകള്‍ 18.10.12

Government, Announcements, Malappuram, Kerala, Malayalam news
കൗമാരങ്ങള്‍ക്കായി 'സബല' - അങ്കണവാടികളില്‍ രജിസ്റ്റര്‍ ചെയ്യാം

കൗമാരപ്രായക്കാരുടെ ആരോഗ്യവും ഭാവിയും സുരക്ഷിതമാക്കുന്നതിന് സാമൂഹികക്ഷേമ വകുപ്പ് മുഖേന നടപ്പാക്കുന്ന കേന്ദ്രാവിഷ്‌കൃത പദ്ധതിയായ 'രാജീവ് ഗാന്ധി സ്‌കീം ഫോര്‍ എംപവര്‍മെന്റ് ഓഫ് അഡലെസന്റ് ഗേള്‍സ്' - 'സബല' പദ്ധതിയില്‍ 11 നും 18 നുമിടയില്‍ പ്രായമുളള പെണ്‍കുട്ടികള്‍ക്ക് അംഗമാകാം.

അങ്കണവാടികള്‍ മുഖേന നടപ്പാക്കുന്ന പദ്ധതി പ്രകാരം പെണ്‍കുട്ടികള്‍ക്ക് പോഷകാഹാരം, ശാക്തീകരണ ക്ലാസുകള്‍, ആരോഗ്യ - ശുചിത്വ - കുടുംബ - ശിശുസംരക്ഷണ ക്ലാസുകള്‍, ജീവിത നിപുണി പരിശീലനം, തൊഴിലധിഷ്ഠിത വിദ്യാഭ്യാസം, പൊതുജന കാര്യങ്ങളെക്കുറിച്ചുളള ബോധവത്ക്കരണം എന്നിവയാണ് നല്‍കുന്നത്. ഓരോ പ്രദേശത്തും നടത്തിയ സര്‍വെയുടെ അടിസ്ഥാനത്തിലാണ് കുട്ടികളെ പദ്ധതിയില്‍ ഉള്‍പ്പെടുത്തിയത്. സര്‍വെയില്‍ ഏതെങ്കിലും കാരണത്താല്‍ ഉള്‍പ്പെടാത്തവര്‍ക്കും എ.പി.എല്‍. - ബി.പി.എല്‍. വ്യത്യാസമില്ലാതെ പദ്ധതിയില്‍ അംഗമാവാം.

സ്‌കൂളില്‍ പോകുന്ന കുട്ടികള്‍ എല്ലാ ശനിയാഴ്ചയും ഉച്ചയ്ക്ക് 12ന് ശേഷം അങ്കണവാടികൡലത്തി ക്ലാസുകളില്‍ പങ്കെടുക്കണം. സയന്‍സ് ആന്‍ഡ് ടെക്‌നോളജി ഒണ്‍ട്രെെപ്രനോര്‍ഷിപ് ഡെവലപ്‌മെന്റ് (സ്റ്റെഡ്) ഉം മറ്റ് അംഗീകൃത വൊക്കേഷനല്‍ ട്രെയിനിങ് പ്രൊവൈഡര്‍ (വി.റ്റി.പി.) മാരുമാണ് ക്ലാസുകള്‍ നടത്തുന്നത്. ക്ലാസിന് ശേഷം ഒരാഴ്ച്ചയ്ക്കുളള പോഷകാഹാര കിറ്റും കുട്ടികള്‍ക്ക് നല്‍കും. ഗോതമ്പ് പൊടിയും റാഗിയും രണ്ട് കിലോ വീതവും അര കിലോ ശര്‍ക്കരയുമാണ് നല്‍കുക. സ്‌കൂളില്‍ പോകാത്ത കുട്ടികള്‍ക്ക് എല്ലാ ദിവസവും അങ്കണവാടിയിലെത്തിയാല്‍ പോഷകാഹാരം നല്‍കും. താത്പര്യമുളളവരെ വീണ്ടും സ്‌കൂളിലും അല്ലാത്തവരെ തുല്യതാ പഠന ക്ലാസിലും ചേര്‍ക്കുന്നതിന് സഹായം നല്‍കും. തുല്യതാ പരീക്ഷാ ഫീസ് സാമൂഹികക്ഷേമ വകുപ്പ് നല്‍കും.

പോഷകാഹാരവും ബോധവത്ക്കരണ ക്ലാസുകളും കൂടാതെ ഒരു പ്രദേശത്തെ കൗമാര പ്രായക്കാരുടെ കൂട്ടായ്മയ്ക്ക് കൂടി വേദിയൊരുക്കുകയാണ് 'സബല'. 25 പേരുളള ഒരു 'കിഷോരി സമൂഹം' എല്ലാ അങ്കണവാടികളിലും പ്രവര്‍ത്തിക്കുന്നുണ്ട്. ഇവരുടെ ലീഡറായി ഒരു 'സഖി'യുമുണ്ടാവും. മാസത്തിലൊരിക്കല്‍ മെഡിക്കല്‍ പരിശോധന നടത്തി 'കിഷോരി കാര്‍ഡ്' നല്‍കുന്നതിന് കിേഷാരി ദിവസവുമുണ്ട്.

പദ്ധതിയില്‍ കുട്ടികളെ അംഗമാക്കുന്നതിന് കൗമാര പ്രായത്തിലുളള എല്ലാ കുട്ടികളുടെയും മാതാപിതാക്കള്‍ മുന്‍കൈയെടുക്കണമെന്ന് ജില്ലാ സാമൂഹികക്ഷേമ ഓഫീസര്‍ കെ. സുബ്രഹ്മണ്യന്‍ അറിയിച്ചു. 2011 ലാണ് മലപ്പുറം, പാലക്കാട്, കൊല്ലം, ഇടുക്കി ജില്ലകളില്‍ പദ്ധതി ആദ്യമായി നടപ്പാക്കിയത്. കഴിഞ്ഞ വര്‍ഷം ജില്ലയില്‍ 1,72,625 പേര്‍ കിഷോരി സംഘത്തിലുണ്ടായിരുന്നു. 3.82 കോടി ഇവര്‍ക്ക് പോഷകാഹാരം നല്‍കുന്നതിനും 74.57 ലക്ഷം ബോധവത്ക്കരണ ക്ലാസുകള്‍ നല്‍കുന്നതിനുമായി വിനിയോഗിച്ചിരുന്നു.

മലയാളം സര്‍വകലാശാല ഉദ്ഘാടനം സ്വാഗതസംഘ രൂപവത്ക്കരണ യോഗം 21ന്

മലയാളം സര്‍വകലാശാലയുടെ ഉദ്ഘാടനം നവംബര്‍ ഒന്നിന് നടത്തുന്നതുമായി ബന്ധപ്പെട്ട കാര്യങ്ങള്‍ ചര്‍ച്ച ചെയ്യുന്നതിന് ഒക്‌റ്റോബര്‍ 21 ന് തിരൂരില്‍ ജനപ്രതിനിധികളുടേയും രാഷ്ട്രീയ - സാമൂഹിക പ്രവര്‍ത്തകരുടേയും ഉദേ്യാഗസ്ഥരുടേയും യോഗം ചേരുമെന്ന് ജില്ലാ കലക്റ്റര്‍ എം.സി. മോഹന്‍ദാസ് അറിയിച്ചു. രാവിലെ 10ന് തിരൂര്‍, കോരങ്ങത്ത്, നഗരസഭാ സാംസ്‌കാരിക സമുച്ചയത്തില്‍ ചേരുന്ന യോഗത്തില്‍ ചീഫ് സെക്രട്ടറി കെ. ജയകുമാര്‍ പങ്കെടുക്കും. നവംബര്‍ ഒന്നിന് ഉദ്ഘാടന പരിപാടികള്‍ സംഘടിപ്പിക്കുന്നതിനുളള സ്വാഗതസംഘവും യോഗത്തില്‍ രൂപവത്കരിക്കും.

ഗതാഗതം നിരോധിച്ചു

പാലക്കാട് - പൊന്നാനി റോഡില്‍ എടപ്പാള്‍ തവനൂര്‍ റോഡിന്റെ ആരംഭ ഭാഗത്ത് കലുങ്കും ഓടയും നിര്‍മാണം ആരംഭിച്ചതിനാല്‍ ഇതിലൂടെയുളള ഗതാഗതം പ്രവൃത്തി തീരുന്നതുവരെ നിരോധിച്ചു. വാഹനങ്ങള്‍ തട്ടാന്‍പടി - പെരുമ്പറപ്പ്, പോത്തൂര്‍ - നരിപ്പറമ്പ് റോഡുകളിലൂടെ പോകണമെന്ന് എക്‌സി. എന്‍ജിനീയര്‍ അറിയിച്ചു.

എം.എ. ഇംഗ്ലീഷ് സീറ്റൊഴിവ്

മലപ്പുറം ഗവ. കോളെജില്‍ ഒന്നാം സെമസ്റ്റര്‍ എം.എ. ഇംഗ്ലീഷ് കോഴ്‌സില്‍ മുന്നാക്കക്കാരില്‍ സാമ്പത്തികമായി പിന്നാക്കം നില്‍ക്കുന്നവര്‍ക്കും എല്‍.സി./ഒ.ബി.സി. (ക്രിസ്റ്റന്‍)/എസ്.ഐ.യു.സി. വിഭാഗത്തിനും ഓരോ സീറ്റു വീതം ഒഴിവുണ്ട്. മുന്‍പ് അപേക്ഷിച്ചവര്‍ അര്‍ഹത തെളിയിക്കുന്ന സര്‍ട്ടിഫിക്കറ്റുകളുമായി ഒക്‌റ്റോബര്‍ 22 ന് കോളെജിലെത്തണം.

ആര്‍.റ്റി.എ. യോഗം

റീജനല്‍ ട്രാന്‍സ്‌പോര്‍ട്ട് അതോറിറ്റി (ആര്‍.റ്റി.എ.) യോഗം നവംബര്‍ 21ന് രാവിലെ 10.30 ന് കലക്റ്ററേറ്റ് സമ്മേളന ഹാളില്‍ ചേരുമെന്ന് ആര്‍.റ്റി.ഒ. അറിയിച്ചു.

വനിതാ ലേബര്‍ ബാങ്ക് - ഒക്‌റ്റോബര്‍ 31 വരെ അപേക്ഷിക്കാം

നെല്‍കൃഷി പുനരുദ്ധാരണത്തിന്റെ ഭാഗമായി മലപ്പുറം, പാലക്കാട്, തൃശൂര്‍ ജില്ലകളില്‍ 30,000 വനിതകള്‍ക്ക് തൊഴിലവസരം ലഭിക്കുന്ന വനിതാ ലേബര്‍ ബാങ്കില്‍ അംഗങ്ങളാവുന്നതിന് അപേക്ഷിക്കേണ്ട അവസാന തീയതി ഒക്‌റ്റോബര്‍ 31 വരെ നീട്ടി. അപേക്ഷാ ഫോം ഗ്രാമ - ബ്ലോക്ക് പഞ്ചായത്ത് ഓഫീസിലും കൃഷിഭവനുകളിലും ലഭിക്കുമെന്ന് ചീഫ് എക്‌സിക്യുട്ടീവ് ഓഫീസര്‍ അറിയിച്ചു.

Keywords: Government, Announcements, Malappuram, Kerala, Malayalam news
4:49 PM | 0 comments

നെല്ലിക്കര മലവാരത്തിന് താഴെ കാട്ടാനക്കൂട്ടത്തിന്റെ പരാക്രമം

Malappuram, Kalikavu, Kerala, Banana Tree, Elephant

കാളികാവ്: ചോക്കാട് പഞ്ചായത്തിലെ കല്ലാമൂല നെല്ലിക്കര മലവാരത്തിന് താഴെ കാട്ടാനക്കൂട്ടത്തിന്റെ പരാക്രമണത്തില്‍ വന്‍തോതില്‍ വാഴകൃഷി നശിച്ചു. കുലക്കാറായ 700 വാഴകളാണ് കാട്ടാനക്കൂട്ടം ഒറ്റ രാത്രികൊണ്ട് ചവിട്ടി മെതിക്കുകയും പിഴുതെറിയുകയും ചെയ്തത്. വള്ളിപ്പൂള നെല്ലിക്കര മലവാരത്തോട് ചേര്‍ന്നുള്ള പുന്നക്കാടന്‍ ഹമീദ്, വടക്കേങ്ങര മുഹമ്മദ്, ചോലക്കല്‍ അബ്ദുല്‍ സലാം, മാടമ്പി ശ്രീധരന്‍ എന്നിവരുടെ വാഴകൃഷിയാണ് കാട്ടാനകള്‍ നശിപ്പിച്ചത്.

നെല്ലിക്കര കോഴിപ്ര മലവാരത്തോട് ചേര്‍ന്നുള്ള മരുതങ്കാട്, വള്ളിപ്പൂള ഭാഗങ്ങളില്‍ ജനവാസ കേന്ദ്രത്തില്‍ കാട്ടുപന്നികളുടെ അക്രമണവും പതിവാണ്. വന്‍തോതില്‍ കാട്ടുപന്നികള്‍ കൃഷി നശിപ്പിക്കാറുണ്ടെന്ന് നാട്ടുകാര്‍ പറഞ്ഞു. ഇതിന് പിന്നാലെയാണ് കാട്ടാനകളും കൃഷിനശിപ്പിച്ചത്.

വൈകുന്നേരമാകുന്നതോടെ വനാതിര്‍ത്തിയിലെ പ്രദേശങ്ങളില്‍ മൃഗങ്ങള്‍ കാട് വിട്ട് പുറത്തിറങ്ങുന്നു. നാട്ടുകാര്‍ പുറത്തിറങ്ങാന്‍ കഴിയാതെ പടക്കം പൊട്ടിച്ചും ശബ്ദമുണ്ടാക്കിയുമാണ് മൃഗങ്ങളെ ഓടിക്കുന്നത്. എന്നാല്‍ ഇത് കൊണ്ടൊന്നും കാട്ടാനകളെ തുരത്താനാകുന്നില്ലെന്നാണ് കര്‍ഷകര്‍ പറയുന്നത്. കാര്‍ഷിക മേഖലയെ രക്ഷിക്കാന്‍ അധികൃതര്‍ അടിയന്തിര ഇടപെടല്‍ നടത്തണമെന്നും, വൈദ്യതി വേലികള്‍ സ്ഥാപിച്ചോ, മതില്‍ നിര്‍മിച്ചോ കാട്ടില്‍ നിന്ന് മൃഗങ്ങള്‍ നാട്ടിലേക്കിറങ്ങുന്നത് തടയണമെന്നും ആവശ്യമുയര്‍ന്നിട്ടുണ്ട്.

Keywords: Malappuram, Kalikavu, Kerala, Banana Tree, Elephant 
12:05 PM | 0 comments

പുള്ളിയുള്ള സ്രാവിനെകാണാന്‍ നിരവധിപേരെത്തി

Written By Kvartha Delta on Wednesday, October 17, 2012 | 10:19 PM

Shark, Malappuram, Edappal, Kerala, Malayalam News
എടപ്പാള്‍: പുള്ളി നിറത്തോടെയുള്ള സ്രാവിനെകാണാന്‍ നിരവധിപേരെത്തി. നടുവട്ടത്തെ മത്സ്യ വ്യാപാരി വടക്കാരന്‍ ഷരീഫ് കഴിഞ്ഞ ദിവസം കൊച്ചിയില്‍ നിന്നും വില്‍പനക്കായി എത്തിച്ച സ്രാവിന്‍ കൂട്ടത്തിലാണ് അപൂര്‍വമായ മഞ്ഞയും തവിട്ടും നിറങ്ങള്‍ ചേര്‍ന്നതും നിറയെ കറുത്ത പുള്ളികളുള്ളതുമായ സ്രാവിനെ ലഭിച്ചത്.

ഏഴര കിലോയിലധികം തൂക്കം വരുന്ന സ്രാവിന് ഒന്നര മീറ്ററോളം നീളമുണ്ട്. കൗതുകമായ ഈ പുള്ളിസ്രാവ് നല്ലവിലയ്ക്കാണ് വിറ്റുപോയതെന്ന് ഷരീഫ് പറഞ്ഞു.

Keywords: Shark, Malappuram, Edappal, Kerala, Malayalam News
10:19 PM | 0 comments

മലപ്പുറം ജില്ലാ സ്‌കൂള്‍ കലോത്സവം: സ്വാഗതസംഘം രൂപവത്കരിച്ചു

Malappuram, School, Festival, Kerala, Celebration Committee
മലപ്പുറം: ഡിസംബര്‍ മൂന്ന് മുതല്‍ ആറ് വരെ വണ്ടൂരില്‍ നടക്കുന്ന ജില്ലാ സ്‌കൂള്‍ കലോത്സവത്തിന്റെ സ്വാഗതസംഘം രൂപവത്കരിച്ചു. ഗ്രാമ പഞ്ചായത്ത് പ്രസിഡന്റ് ബീന ഉദ്ഘാടനം ചെയ്തു. ആയിരക്കണക്കിന് പ്രതിഭകള്‍ മാറ്റുരക്കുന്ന ജില്ലാ കലോത്സവത്തിന് പതിനഞ്ച് ലക്ഷത്തോളം ചിലവ് വരുമെന്നാണ് കണക്കാക്കുന്നത്.

ഫണ്ട് കണ്ടെത്താന്‍ പൊതുജനങ്ങളില്‍ നിന്നും സ്ഥാപനങ്ങളില്‍ നിന്നും സംഭാവന സ്വീകരിക്കാനും തീരുമാനിച്ചു. കൂടാതെ യു പി, ഹൈസ്‌കൂള്‍, ഹയര്‍ സെക്കന്‍ഡറി വിഭാഗങ്ങളില്‍ നിന്നായി യഥാക്രമം മൂന്ന്, ആറ്, അഞ്ച് രൂപ വീതം പിരിച്ചെടുക്കാനും യോഗത്തില്‍ തീരുമാനമായി. പരിപാടിയുടെ മുഖ്യരക്ഷാധികാരികളായി കേന്ദ്രമന്ത്രി ഇ അഹമ്മദ്, വിദ്യാഭ്യാസ മന്ത്രി പി കെ അബ്ദുര്‍റബ്ബ്, മന്ത്രിമാരായ ആര്യാടന്‍ മുഹമ്മദ്, എ പി അനില്‍കുമാര്‍, മഞ്ഞളാംകുഴി അലി എന്നിവരെ തിരഞ്ഞെടുത്തു.

രക്ഷാധികാരികളായി എം ഐ ഷാനവാസ് എം പി, ഇ ടി മുഹമ്മദ് ബശീര്‍ എന്നിവര്‍ക്ക് പുറമെ ജില്ലയില്‍ നിന്നുള്ള മുഴുവന്‍ എം എല്‍ എമാരെയും തിരഞ്ഞെടുത്തു. ചെയര്‍പേഴ്‌സണായി ജില്ലാ പഞ്ചായത്ത് പ്രസിഡന്റ് സുഹറ മമ്പാടിനെയും വൈസ് ചെയര്‍മാന്മാരായി ജില്ലാ പഞ്ചായത്ത് വെസ് പ്രസിഡന്റ് പി കെ കുഞ്ഞു, വണ്ടൂര്‍ ബ്ലോക്ക് പഞ്ചായത്ത് പ്രസിഡന്റ് കെ അജിത, ഗ്രാമ പഞ്ചായത്ത് പ്രസിഡന്റ് ബീന, കെ പി ജല്‍സീമിയ, ബീന, എം കെ ഖദീജ എന്നിവരെ തിരഞ്ഞെടുത്തു. ജില്ലാ വിദ്യാഭ്യാസ ഡെപ്യൂട്ടി ഡയറക്ടര്‍ കെസി ഗോപിയാണ് ജനറല്‍ കണ്‍വീനര്‍. കലോത്സവത്തിന്റെ ലോഗോ ക്ഷണിച്ചുള്ള അറിയിപ്പ് ഉടന്‍ ഉണ്ടാകുമെന്നും സംഘാടകര്‍ അറിയിച്ചു.

Keywords: Malappuram, School, Festival, Kerala, Celebration Committee
10:14 PM | 0 comments

ടീച്ചര്‍ വഴക്കുപറഞ്ഞതിന് വീടുവിട്ട വിദ്യാര്‍ത്ഥിനികളെ വളാഞ്ചേരിയില്‍ കണ്ടെത്തി

Malappuram, Teacher, Students, Exam, Kozhikode, Police, Kerala, Malayalam News
മലപ്പുറം: ക്ലാസ് പരീക്ഷയില്‍ മാര്‍ക്ക് കുറഞ്ഞതിന്റെ പേരില്‍ ടീച്ചര്‍ വഴക്കുപറഞ്ഞതിന് വീടു വിട്ട വിദ്യാര്‍ഥിനികളെ മലപ്പുറം വളാഞ്ചേരിയില്‍ കണ്ടെത്തി. കോഴിക്കോട് ലിറ്റില്‍ ഡാഫോഡില്‍സ് സ്‌കൂളിലെ നാല് വിദ്യാര്‍ഥിനികളെയാണ് വളാഞ്ചേരി ടൗണില്‍ കണ്ടെത്തിയത്.

യൂനിഫോമില്‍ ടൗണില്‍ കറങ്ങുകയായിരുന്ന ഇവരെ പോലീസ് വിശദമായി ചോദ്യം ചെയ്തപ്പോഴാണ് വീടുവിട്ടതാണെന്ന് വ്യക്തമായത്. വീട്ടില്‍ നിന്നും സ്‌കൂളിലേക്ക് പോയ ഇവര്‍ സ്‌കൂളില്‍ കയറാതെ ബസ് കയറി വളാഞ്ചേരിയില്‍ എത്തുകയായിരുന്നു. രക്ഷിതാക്കളെ വിവരമറിയിച്ചതിനെ തുടര്‍ന്ന് ചൊവാഴ്ച രാത്രിയോടെ രക്ഷിതാക്കളെത്തി ഇവരെ വീട്ടിലേക്ക് കൂട്ടികാണ്ടുപോയി.

Keywords: Malappuram, Teacher, Students, Exam, Kozhikode, Police, Kerala, Malayalam News
9:26 PM | 0 comments

മഞ്ചേരിയില്‍ സ്വകാര്യ ബസുകള്‍ കൂട്ടിയിടിച്ച് 19 പേര്‍ക്ക് പരിക്ക്

 Malappuram, Manjeri, Accident, BUS, Hospital, Injured, Kerala, Malayalam News
മഞ്ചേരി: നിലമ്പൂര്‍ മഞ്ചേരി റോഡില്‍ ചെരണിയില്‍ സ്വകാര്യ ബസുകള്‍ കൂട്ടിമുട്ടി 19 പേര്‍ക്ക് പരുക്കേറ്റു. നിലമ്പൂരില്‍ നിന്നും മഞ്ചേരിയിലേക്ക് വരികയായിരുന്ന പാസ്‌വേര്‍ഡ് ബസും മഞ്ചേരിയില്‍ നിന്ന് എളങ്കൂരിലേക്ക് പോകുകയായിരുന്ന ബാബുമോന്‍ ബസും തമ്മില്‍ കൂട്ടിയിടിച്ചാണ് അപകടമുണ്ടായത്.

ചൊവാഴ്ച വൈകീട്ട് 5.30നായിരുന്നു അപകടം. പരുക്കേറ്റ മലപ്പുറം കോട്ടക്കുന്നുമ്മല്‍ വിദ്യ (32), കരിക്കാട് തേക്കിന്‍കാട്ടില്‍ പിയൂഷ് (15), മഞ്ഞപ്പറ്റ കണയംകോട്ടില്‍ സവിത (19), മേലാക്കത്ത് താമസിക്കുന്ന വളാഞ്ചേരി തിരുവേഗപ്പുറ മുബശ്ശിറ (26), പാണ്ടിക്കാട് തച്ചിങ്ങനാടം ശിജ (34), പുന്നപ്പാല കല്ലിങ്ങല്‍ സറീന (39), പട്ടാമ്പി മുതുതല വേലക്കാട്ടില്‍ അനില്‍കുമാര്‍ (41), കൂമംകുളം കരുവാരക്കുണ്ട് ബേബി (26), കൂമംകുളം ചെങ്കാട്ടില്‍ ബനോയിയുടെ മകള്‍ അനീറ്റ (മൂന്ന്), ഇരുമ്പുഴി പറമ്പന്‍ കാരിത്തൊടി ഫിറോസിന്റെ മകള്‍ ഫര്‍ഹ (അഞ്ച്), എരഞ്ഞിക്കോട് പെരുഞ്ചീരി കറളിക്കോട് സക്കീന (37), മഞ്ചേരി മുള്ളമ്പാറ നടുവിലക്കളത്തില്‍ കുഞ്ഞിരായിന്‍ (66), വള്ളുവമ്പ്രം നീന്ത്രത്തിങ്കല്‍ നിഷാദ്കുമാര്‍ (31), കരുവമ്പ്രം തണ്ണിപ്പാറ വേലായുധന്‍ , കൂമംകുളം ചിറക്കാട്ട് നിഷ (22), തോട്ടപ്പായ പുറ്റാണിക്കാട് ഷിബു (34), പെരിന്തല്‍മണ്ണ കുന്നംപള്ളി ആലിക്കല്‍ പറമ്പില്‍ ചാമി (57), എളങ്കൂര്‍ പി.ടി സമീര്‍ (38), എടവണ്ണ എരഞ്ഞിക്കോട് പുറ്റാണിക്കാട് കളത്തില്‍ സക്കീന (37), തച്ചിങ്ങനാടം പുറ്റാണിക്കാട് ഷിബു (35), കുന്നുമ്മല്‍ കൊളക്കാട്ടു പറമ്പില്‍ മധു (35) എന്നിവരെ മഞ്ചേരി ജനറല്‍ ആശുപത്രിയില്‍ പ്രവേശിപ്പിച്ചു.

Keywords: Malappuram, Manjeri, Accident, BUS, Hospital, Injured, Kerala, Malayalam News
7:19 PM | 0 comments

പാസ്‌പോര്‍ട്ടില്‍ കൃത്രിമം: പണവും മദ്യവും വാങ്ങിയ പോലീസുകാര്‍ക്ക് സസ്‌പെന്‍ഷന്‍

Malappuram, Kerala, Police, Passport,
മലപ്പുറം: പാസ്‌പോര്‍ട്ടില്‍ ജനന തിയതി തിരുത്തിയ കേസില്‍ പിടിയിലായവരെ ഭീഷണിപ്പെടുത്തി കൈക്കൂലി വാങ്ങിയ സംഭവത്തില്‍ രണ്ട് എസ് സി പി ഒമാരെ ജില്ലാ പോലീസ് ചീഫ് കെ സേതുരാമന്‍ സസ്‌പെന്‍ഡ് ചെയ്തു. മലപ്പുറം ക്രൈം ഡിറ്റാച്ച്‌മെന്റ് വിഭാഗത്തിലെ എസ് സി പി ഒ മാരായ പത്മനാഭന്‍, മോഹനന്‍ എന്നിവരെയാണ് സസ്‌പെന്‍ഡ് ചെയ്തത്.

െ്രെകം ഡിറ്റാച്ച്‌മെന്റ് ഡി വൈ എസ് പി രാധാകൃഷ്ണപിള്ളക്കെതിരെ നടപടിയെടുക്കാന്‍ സംസ്ഥാന പോലീസ് മേധാവിക്ക് ശുപാര്‍ശ നല്‍കിയിട്ടുണ്ട്. കോഴ കൊടുക്കേണ്ടിവന്ന 11 പേര്‍ യൂത്ത്‌ലീഗ് ജില്ലാ കമ്മിറ്റിയുടെ നേതൃത്വത്തില്‍ കഴിഞ്ഞദിവസം ജില്ലാ പോലീസ് ചീഫിന് പരാതി നല്‍കിയതിനെ തുടര്‍ന്നാണ് നടപടി. പാസ്‌പോര്‍ട്ടില്‍ തിരുത്തല്‍ വരുത്തിയതിന്റെ പേരില്‍ കരിപ്പൂര്‍ വിമാനത്താവളത്തില്‍ പിടിയിലായവരില്‍നിന്ന് ചില പോലീസ് ഉദ്യോഗസ്ഥര്‍ കോഴ വാങ്ങിയത് വിവാദമായിരുന്നു.

കഴിഞ്ഞ ദിവസം യൂത്ത്‌ലീഗ് മലപ്പുറം മണ്ഡലം കമ്മിറ്റി പാസ്‌പോര്‍ട്ട് കേസില്‍ പോലീസിന് കോഴ നല്‍കേണ്ടിവന്നവരുടെ സംഗമം സംഘടിപ്പിച്ചിരുന്നു. തുടര്‍ന്ന് പരാതി നല്‍കാന്‍ തീരുമാനിക്കുകയായിരുന്നു. െ്രെകം ഡിറ്റാച്ച്‌മെന്റ്, എമിഗ്രേഷന്‍ വിഭാഗങ്ങളിലെ നാല് ഉദ്യോഗസ്ഥരുടെ പേരും അവര്‍ വാങ്ങിയ തുകയും പരാതിയില്‍ വ്യക്തമാക്കിയിരുന്നു. പണത്തിനു പുറമെ മദ്യവും നിര്‍ബന്ധിച്ച് വാങ്ങിപ്പിച്ചിരുന്നതായി പരാതിയിലുണ്ട്.

Keywords: Malappuram, Kerala, Police, Passport
3:41 PM | 0 comments

തിരൂരില്‍ വ്യാജ സംഭാരം പാക്കറ്റുകള്‍ വിപണിയില്‍

തിരൂര്‍: തീയതിയോ നിര്‍മാണ സ്ഥലമോ രേഖപ്പെടുത്താത്ത സംഭാര പാക്കറ്റുകള്‍ വിപണിയിലെത്തി. നിര്‍മാണ ഏജന്‍സിയുടെ പേരോ തീയതിയോ ഇല്ലാതെ സംഭാരം വില്‍പന നടത്തുന്നത് ആരോഗ്യ ഭീഷണി ഉയര്‍ത്തുകയാണ്. റെയില്‍വേ സ്‌റ്റേഷനുകളിലാണ് പ്രധാനമായും യാതൊരു നിയമവും പാലിക്കാതെ സംഭാര പാക്കറ്റുകള്‍ വില്‍പന നടത്തുന്നത്.

ചൊവാഴ്ച തിരൂര്‍ റെയില്‍വേ സ്‌റ്റേഷനില്‍ മലപ്പുറത്തെ യാത്രക്കാരന്‍ വാങ്ങിയ സംഭാര പാക്കറ്റില്‍ അളവും വിലയും മാത്രമേ രേഖപ്പെടുത്തിയിരുന്നുള്ളൂ. മുകളില്‍ സംഭാരം എന്ന പേര് മാത്രമാണുള്ളത്. നിര്‍മിച്ച കമ്പനിയുടെ പേരോ നിര്‍മാണ തിയതിയോ ഇതില്‍ രേഖപ്പെടുത്തിയിട്ടില്ല.

ഭക്ഷ്യസുരക്ഷാ നിയമവും മറ്റും കര്‍ശനമാക്കിയതായി സര്‍ക്കാരും ആരോഗ്യവകുപ്പും പറയുമ്പോഴാണ് ജനങ്ങളുടെ ആരോഗ്യം കൊണ്ട് പന്താടുന്ന രീതിയില്‍ പാനീയ വില്‍പന നടത്തുന്നത്. ഇത്തരക്കാര്‍ക്കെതിരെ കര്‍ശന നടപടിയെടുക്കണമെന്നാണ് യാത്രക്കാരുടെ ആവശ്യം. സര്‍ക്കാറിന് ലഭിക്കേണ്ട വില്‍പന നികുതിപോലും നല്‍കാതെയാണ് വ്യാജ ഉല്‍പന്നങ്ങള്‍ വിറ്റഴിക്കപ്പെടുന്നത്.

Keywords: Malappuram, Tirur, Kerala, Kerala, Milk Product, Sambharam
2:01 PM | 0 comments

വി­ദ്യാര്‍­ത്ഥിക­ളെ ഇറ­ക്കി പി­ന്നോ­ട്ടെ­ടുത്ത ബ­സി­ടി­ച്ച് +2 വി­ദ്യാര്‍­ത്ഥിനി മ­രി­ച്ചു

Written By Kvartha Delta on Tuesday, October 16, 2012 | 6:34 PM

മ­ല­പ്പുറം: കു­ട്ടിക­ളെ ഇറ­ക്കി പി­ന്നോ­ട്ടെ­ടു­ക്കു­ന്ന­തി­നി­ടെ സ്­കൂള്‍ ബ­സി­ടി­ച്ച് പ്ല­സ്­ടു വി­ദ്യാര്‍­ത്ഥിനി മ­രിച്ചു. വ­ളാ­ഞ്ചേ­രി മാ­വ­ണ്ടി­യൂര്‍ ബ്ര­ദേര്‍­സ് ഹ­യര്‍­ സെ­ക്കന്‍ഡ­റി സ്­കൂ­ളി­ലെ വി­ദ്യാര്‍­ത്ഥി­നി റാ­ഷി­ദ­യാ­ണ് (16) മ­രി­ച്ചത്. ചൊ­വാഴ്­ച രാ­വി­ലെ ഒ­മ്പ­തേകാ­ലോ­ടെ­യാ­ണ് സം­ഭവം.

വി­ദ്യാര്‍­ത്ഥി­ക­ളെ സ്­കൂ­ളി­ന­ടു­ത്തുള്ള റോ­ഡ­രി­കില്‍ ഇറ­ക്കി പി­ന്നോ­ട്ടെ­ടു­ക്കു­ന്ന­തി­നിടെ ബ­സ് റാ­ഷിദ­യെ ഇ­ടി­ക്കു­ക­യാ­യി­രുന്നു, റാ­ഷി­ദ­ക്കൊ­പ്പം ര­ണ്ട് കു­ട്ടി­കളും ഉ­ണ്ടാ­യി­രുന്നു. ബ­സ് വ­രു­ന്ന­ത്ക­ണ്ട് ഇവര്‍ ഓ­ടി­മാ­റി­യ­തി­നാല്‍ ര­ക്ഷ­പെട്ടു. ബ­സി­ന്റെ പിന്‍­ചക്രം ത­ല­യി­ലൂ­ടെ ക­യ­റി­ഇ­റങ്ങിയ കു­ട്ടി തല്‍­ക്ഷ­ണം­മ­രിച്ചു. വ­ളാ­ഞ്ചേ­രി മേ­ലേ­തില്‍ മാ­നു­വാ­ണ് റാ­ഷി­ദ­യു­ടെ പി­താവ്.

സം­ഭവ­ത്തെ തു­ടര്‍­ന്ന് പ്ര­കോ­പി­തരാ­യ നാ­ട്ടു­കാര്‍ ബസ് തല്ലി­ത­കര്‍ത്തു.
Kerala, Malappuram, Obituary, Student, Accident, Rashida, Bus

Keywords: Kerala, Malappuram, Obituary, Student, Accident, Rashida, Bus
6:34 PM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers