Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Murder. Show all posts
Showing posts with label Murder. Show all posts

സി പി എം ഒളിപ്പിക്കാന്‍ തീരുമാനിച്ചാല്‍ ആര്‍ക്കും പിടികൂടാനാകില്ല: കോടിയേരി

Written By mvarthasubeditor on Wednesday, July 4, 2012 | 2:30 AM

അരീക്കോട്: സി പി എം ഒരാളെ ഒളിപ്പിക്കാന്‍ തീരുമാനിച്ചാല്‍ ഉമ്മന്‍ചാണ്ടിയുടെ പോലീസിനോ മുല്ലപ്പള്ളിയുടെ പട്ടാളത്തിനോ അയാളെ പിടിക്കാന്‍ കഴിയില്ലെന്ന് പ്രതിപക്ഷ ഉപനേതാവ് കോടിയേരി ബാലകൃഷ്ണന്‍.

കുനിയില്‍ ഇരട്ടക്കൊലപാതകത്തില്‍ പ്രതിയായ പി കെ ബഷീര്‍ എം എല്‍ എ യെ അറസ്റ്റ് ചെയ്യണമെന്നാവശ്യപ്പെട്ട് ഡി വൈ എഫ് ഐ മലപ്പുറം ജില്ലാ കമ്മിറ്റി അരീക്കോട് നടത്തിയ പ്രതിഷേധക്കൂട്ടായ്മ ഉദ്ഘാടനം ചെയ്യുകയായിരുന്ന അദ്ദേഹം. 

ഇടതുപക്ഷത്തിനെതിരെ പോലീസ്-മാധ്യമവേട്ടയാണ് നടന്നുകൊണ്ടിരിക്കുന്നത്. നിരോധിച്ച സംഘടനയോട് പോലും കാണിക്കാത്ത ഭീകരതയാണ് കേരള പോലീസ് സി പി എമ്മിനോട് കാണിക്കുന്നത്. കുനിയില്‍ ഇരട്ടക്കൊലപാതകം പോലീസിന്റെ വീഴ്ചയാണ്. പ്രതികാരം ചെയ്യുമെന്ന് എം എല്‍ എ കൊലവിളി നടത്തിയിട്ടും പോലീസ് ജാഗ്രത പാലിച്ചില്ലെന്നും മുഖ്യമന്ത്രി ഉമ്മന്‍ചാണ്ടി ഇതിനുത്തരം പറയണമെന്നും അദ്ദേഹം പറഞ്ഞു. ടി പി ചന്ദ്രശേഖരന്റെ കൊലപാതകം കേരളത്തിലെ അവസാനത്തെ രാഷ്ട്രീയ കൊലപാതകമാവും എന്നാണ് സര്‍ക്കാര്‍ പറഞ്ഞിരുന്നതെങ്കിലും ഒന്നിന് പകരം രണ്ട് കൊലപാതകമാണ് കുനിയില്‍ ഉണ്ടായത്.
ജില്ലാ പോലീസ് സൂപ്രണ്ട്, സി ഐ, എസ് ഐ തുടങ്ങി ഉന്നത പോലീസ് ഉദ്യോഗസ്ഥര്‍ അറിഞ്ഞുകൊണ്ടാണ് എം എല്‍ എക്കെതിരെ കേസെടുത്തതെങ്കിലും പ്രത്യേകാന്വേഷണസംഘത്തെ നിയോഗിച്ച് എം എല്‍ എക്ക് രക്ഷപ്പെടാന്‍ പഴുതൊരുക്കുകയാണ് സര്‍ക്കാര്‍ ചെയ്തത്. എം എല്‍ എക്കെതിരെ കേസെടുത്ത പോലീസുദ്യോഗസ്ഥരെ മുസ്‌ലിം ലീഗുകാര്‍ ഭീഷണിപ്പെടുത്തുന്ന സാഹചര്യമാണുള്ളത്. 

കുനിയില്‍ ഇരട്ടക്കൊലക്കേസ് പ്രതികളെ സഹായിക്കുന്നതിനും സംരക്ഷിക്കുന്നതിനും ഏല്‍പ്പിക്കപ്പെട്ട തൃശൂര്‍ റൈഞ്ച് ഐ ജി പി ഗോപിനാഥിനെത്തന്നെയാണ് ഇ പി ജയരാജന്‍ വധശ്രമത്തില്‍ പ്രതിയായ പ്രശാന്ത്ബാബു കെ സുധാകരനെതിരെ നടത്തിയ വെളിപ്പെടുത്തല്‍ അന്വേഷിക്കാനും നിയോഗിച്ചിരിക്കുന്നത്. 

ബഷീറിനെ രക്ഷിച്ചത് പോലെ സുധാകരനെയും രക്ഷിക്കുന്നതിനാണിത്. മുസ്‌ലിം ലീഗ് കേരളത്തിലെ നിയമ വാഴ്ച കയ്യിലെടടുത്തിരിക്കുകയാണെന്നും എം എല്‍ എമാരുടെ എണ്ണം കണ്ട് ഉമ്മന്‍ചാണ്ടി ലീഗിന് വഴങ്ങുകയാണെന്നും കോടിയേരി കുറ്റപ്പെടുത്തി. 35 സ്‌കൂള്‍ ഗവണ്‍മെന്റ് ഏറ്റെടുക്കാന്‍ മന്ത്രിസഭ തീരുമാനിച്ചിട്ടും അബ്ദുറബ്ബ് എയിഡഡ് ആക്കി തീരുമാനം സ്വന്തം നിലക്ക് മാറ്റിയത് ഇതിനുദാഹരണമാണെന്നും അദ്ദേഹം കൂട്ടിച്ചേര്‍ത്തു.
ഡി വൈ എഫ് ഐ അഖിലേന്ത്യാ പ്രസിഡന്റ് പി ശ്രീരാമകൃഷ്ണന്‍, ടി കെ ഹംസ, എം സ്വരാജ്, പി കെ അബ്ദുള്ള നവാസ്, പി സത്യന്‍, അഡ്വ.മുഹമ്മദ് ഷരീഫ് പ്രസംഗിച്ചു.

English Summery
Can't find out parties secret places to anybody: Kodiyeri
2:30 AM | 0 comments

ഒഡീഷ സ്വദേശിയായ യുവാവിനെ റിമാന്‍ഡ് ചെയ്തു

Written By mvarthasubeditor on Tuesday, July 3, 2012 | 8:32 PM

എടപ്പാള്‍: കെട്ടിട നിര്‍മാണ സൂപ്പര്‍വൈസറെ കൊലപ്പെടുത്തിയ കേസിലെ പ്രതിയായ ഒഡീഷ സ്വദേശിയായ യുവാവിനെ 14 ദിവസത്തേക്ക് പൊന്നാനി കോടതി റിമാന്‍ഡ് ചെയ്തു.

ശത്തൂര്‍ഭുജ ഷെട്ടിയെയാണ് റിമാന്‍ഡ് ചെയ്തത്. കഴിഞ്ഞ തിങ്കളാഴ്ചയാണ് പ്രതിയെ പൊന്നാനി സി ഐ പി അബ്ദുല്‍മുനീര്‍ അറസ്റ്റു ചെയ്തത്. 

തെളിവെടുപ്പിനും കൂടുതല്‍ അന്വേഷണങ്ങള്‍ക്കുമായി ആറ് ദിവസത്തേക്ക് കോടതി പ്രതിയെ പോലീസ് കസ്റ്റഡിയില്‍ വിട്ടിരുന്നു. കസ്റ്റഡി കാലാവധി തിങ്കളാഴ്ച അവസാനിച്ചതിനെ തുടര്‍ന്നാണ് ഇന്നലെ പ്രതിയെ കോടതിയില്‍ ഹാജരാക്കിയത്.

English Summery
Odissi native remanded to 14 days 
8:32 PM | 0 comments

മധ്യവയസ്ക്കന്റെ കൊലപാതകം; സ്ത്രീയടക്കം 2 തമിഴ്നാട് സ്വദേശികള്‍ അറസ്റ്റില്‍

Written By mvarthasubeditor on Saturday, June 30, 2012 | 8:10 AM

കോട്ടയ്ക്കല്‍: മധ്യവയസ്കനെ കഴുത്തില്‍ മുണ്ടിട്ടുമുറുക്കിയും കല്ലുകൊണ്ട് ഇടിച്ചും കൊലപ്പെടുത്തി പാടത്തു തള്ളിയെന്ന കേസില്‍ രണ്ടുപേരെ പൊലീസ് പിടികൂടി. തമിഴ്നാട് തിരുവാരൂര്‍ ജില്ലയിലെ മുത്തുപ്പേട്ട വടക്കേക്കോവില്‍ സരോജിനി (സരോജം-55), മധുര ഉസിലാംപെട്ടി തടയന്‍പെട്ടി കൊടങ്ങിനായ്ക്കപ്പടി പെരുമാള്‍ (51) എന്നിവരെയാണ് തിരൂര്‍ സിഐ ആര്‍. റാഫിയും സംഘവും അറസ്റ്റ് ചെയ്തത്. കഴിഞ്ഞ 21നു രാവിലെയാണ് മലമ്പുഴ മന്തക്കാട് ഡാമിനു സമീപത്തെ കണിയാലപ്പറമ്പത്ത് അറുമുഖം മകന്‍ സുബ്രഹ്മണ്യ(52)നെ കാവതികളം പാടത്തു മരിച്ച നിലയില്‍ കണ്ടെത്തിയത്.

ടൗണിലെ സ്വര്‍ണം അരിപ്പുകാരനായിരുന്നു സുബ്രഹ്മണ്യന്‍. പോസ്റ്റ്മോര്‍ട്ടം റിപ്പോര്‍ട്ടിന്റെ അടിസ്ഥാനത്തിലാണ് കൊലപാതകമാണെന്നു തെളിഞ്ഞത്. തുടര്‍ന്നു നടത്തിയ അന്വേഷണത്തിലാണ് ഇരുവരും പിടിയിലായത്. കടംവാങ്ങിയ പണവും മൊബൈല്‍ ഫോണും തിരികെ നല്‍കാത്തതിനെത്തുടര്‍ന്നുണ്ടായ വാക്ക് തര്‍ക്കമാണ് കൊലപാതകത്തിനു കാരണമായതെന്നു പൊലീസ് പറഞ്ഞു. ഡിവൈഎസ്പി കെ. സലീമിന്റെ നേതൃത്വത്തിലുള്ള പ്രത്യേകസംഘമാണ് കേസന്വേഷിച്ചത്.

സംഭവത്തെക്കുറിച്ച് പൊലീസ് പറയുന്നത്: സുബ്രഹ്മണ്യന്‍ സരോജിനിയുടെ കൂടെ രണ്ടു വര്‍ഷം താമസിച്ചിരുന്നു. ഇവരില്‍നിന്ന് 6,000 രൂപ, മൊബൈല്‍ ഫോണ്‍ എന്നിവ വാങ്ങിയ ശേഷം സുബ്രഹ്മണ്യന്‍ നാടുവിട്ടു. അതിനു ശേഷം പെരുമാള്‍ സരോജിനിയുടെ കൂടെ താമസം തുടങ്ങി. സുബ്രഹ്മണ്യന്‍ വേങ്ങരയില്‍ ഉണ്ടെന്നു മനസ്സിലാക്കിയ സരോജിനി അവിടെച്ചെന്ന് പണം ചോദിച്ചു. 20നു വൈകിട്ട് നഗരസഭാ കമ്യൂണിറ്റി ഹാളിനു സമീപം ഇരുവരും വഴക്കുകൂടുകയും സുബ്രഹ്മണ്യന്‍ സരോജിനിയെ അടിക്കുകയും ചെയ്തു.

പിന്നീട്, ബാറില്‍നിന്നു മദ്യം വാങ്ങി മൂന്നുപേരും ഓട്ടോയില്‍ കയറുകയും സുബ്രഹ്മണ്യനെ കോട്ടപ്പടിയില്‍ ഇറക്കുകയും ചെയ്തു. രാത്രി 12 മണിയോടെ സരോജിനിയും പെരുമാളും സുബ്രഹ്മണ്യനെ വിളിച്ചുണര്‍ത്തുകയും മദ്യപിക്കാനായി കാവതികളം പാടത്ത് എത്തുകയുമായിരുന്നു. അവിടെവച്ചും വഴക്കുണ്ടായി. തുടര്‍ന്ന് കൊലപ്പെടുത്തുകയായിരുന്നു. കോട്ടയ്ക്കല്‍ എസ്ഐ എന്‍.ബി. ഷൈജു, വല്‍സലകുമാര്‍, സുധീഷ്, പ്രവീണ്‍കുമാര്‍, അനൂപ്, സന്തോഷ്കുമാര്‍, അനില്‍കുമാര്‍, സത്യന്‍, പ്രമോദ്, രാജേഷ്, അസീസ്, സരിത, ബിന്ദു എന്നിവരും സിഐയുടെ കൂടെയുണ്ടായിരുന്നു.

English Summery
Two including woman arrested in murder case
8:10 AM | 0 comments

യുവ എന്‍ജിനീയറുടെ മരണം; ഒറീസ സ്വദേശി അറസ്റ്റില്‍

Written By mvarthasubeditor on Wednesday, June 27, 2012 | 10:59 PM

എടപ്പാള്‍: നിര്‍മാണത്തിലിരിക്കുന്ന സ്വകാര്യ ആശുപത്രിയുടെ നിര്‍മാണ പ്രവര്‍ത്തികള്‍ക്ക് മേല്‍നോട്ടം വഹിക്കുന്ന യുവാവിന്റെ കൊലപാതകവുമായി ബന്ധപ്പെട്ട് ഒറീസ സ്വദേശിയായ യുവാവിനെ പൊന്നാനി സി ഐ. കെ അബ്ദുല്‍ മുനീര്‍ അറസ്റ്റ് ചെയ്തു. 

ഇവിടെത്തെ നിര്‍മാണതൊഴിലാളിയായ ഒറീസയിലെ കല്‍ഹണ്ടി ജില്ലയിലെ പിത്തിക്കുടി വില്ലേജില്‍ ശത്തൂര്‍ഭുജ ഷെട്ടി(25)യാണ് അറസ്റ്റിലായത്. സൈറ്റ് സൂപ്പര്‍വൈസറായിരുന്ന അട്ടപ്പാടി അഗളി ചാവടിയൂര്‍ മേലേമുള്ളി രവി (22)യെയാണ് തിങ്കളാഴ്ച രാവിലെ കെട്ടിടത്തിന്റെ ലിഫ്റ്റ് മുറിയില്‍ മരിച്ച നിലയില്‍ കണ്ടെത്തിയത്. 

ജോലി സംബന്ധിച്ച് ഇരുവരും അഭിപ്രായ വ്യത്യാസങ്ങള്‍ ഉണ്ടാകാറുണ്ടെന്നും സംഭവ ദിവസം ഇരുവരും ഒരുമിച്ച് മദ്യപിച്ചിരുന്നതായു ശേഷം നടന്ന തര്‍ക്കം കൊലയില്‍ കലാശിക്കുകയായിരുന്നുവെന്നുമാണ് പോലീസ് പറയുന്നത്. രവിയുടെ തലക്കും കഴുത്തിന്റെ പിന്‍ഭാഗത്തും സിമന്റ് കട്ടകൊണ്ട് ഇടിച്ച് വീഴ്ത്തിയതിന് ശേഷം വായയും മൂക്കും പൊത്തിപിടിച്ച് മരണം ഉറപ്പു വരുത്തുകയായിരുന്നു. ശേഷം രവിയുടെ വലിച്ചെറിഞ്ഞു. പിന്നീട് ധരിച്ചിരുന്ന വസ്ത്രങ്ങള്‍ കഴുകിയിട്ട് താമസ സ്ഥലത്ത് വന്ന് ഉറങ്ങുകയും ചെയ്തു. 

തിങ്കളാഴ്ച രാവിലെ ഏഴു മണിക്ക് കോയമ്പത്തൂരിലേക്ക് പോവുകയായിരുന്നു. ഇയാളെ കാണാതായത് അന്വേഷണത്തിന്റെ ആരംഭത്തില്‍ തന്നെ പോലീസ് ശ്രദ്ധിച്ചിരുന്നു. എന്നാല്‍ വൈകുന്നേരം ഇയാള്‍ തിരിച്ചെത്തി. പിന്നീട് പ്രതിയടക്കം 15 പേരെ പോലീസ് കസ്റ്റഡിയിലെടുക്കുകയും ചോദ്യം ചെയ്യലില്‍ മൊഴിയിലെ വൈരുദ്ധ്യങ്ങള്‍ മനസിലാക്കിയ പോലീസ് കൂടുതല്‍ ചോദ്യം ചെയ്തതോടെ പ്രതി കുറ്റസമ്മതം നടത്തുകയായിരുന്നു. 

ചൊവ്വാഴ്ച വൈകുന്നേരം പ്രതിയുമായി സ്ഥലത്ത് തെളിവെടുപ്പ് നടത്തി. മൊബൈല്‍ ഫോണ്‍, സിം കാര്‍ഡ്, സംഭവ സമയത്ത് പ്രതി ഉപയോഗിച്ചിരുന്ന വസ്ത്രങ്ങള്‍ എന്നിവ പോലീസിന് കാണിച്ചു കൊടുത്തു. പ്രതിയെ ഇന്ന് പൊന്നാനി കോടതിയില്‍ ഹാജരാക്കും.

English Summery
Orissa native arrested in murder case 
10:59 PM | 0 comments

കുനിയില്‍ ഇരട്ടക്കൊലപാതകം: ഒരാള്‍ കൂടി അറസ്റ്റില്‍

Written By mvarthasubeditor on Tuesday, June 26, 2012 | 8:47 AM

അരീക്കോട്: കുനിയില്‍ കൊളക്കാടന്‍ ആസാദ്, കൊളക്കാടന്‍ അബൂബക്കര്‍ എന്നിവരെ വെട്ടിക്കൊലപ്പെടുത്തിയ കേസില്‍ ഒരാള്‍ കൂടി അറസ്റ്റില്‍. കുനിയില്‍ അന്‍വാര്‍ നഗര്‍ ആലുങ്ങല്‍ വീട്ടില്‍ നവാസ് ഷരീഫ് (21) ആണ് ഇന്നലെ കുനിയില്‍ വെച്ച് അറസ്റ്റിലായത്. ഇതോടെ ഈ കേസില്‍ 19 പേര്‍ പിടിയിലായി. 

കൊലപാതകികള്‍ക്ക് സ്ഥലം ചൂണ്ടിക്കാണിച്ചുവെന്നതും ഗൂഢാലോചനയില്‍ പങ്കെടുത്തുവെന്നതുമാണ് നവാസ് ഷരീഫിനെതിരെയുള്ള കേസ്. ഒളിവിലായിരുന്ന നവാസ് ഷരീഫിനു വേണ്ടി നേരത്തെ പൊലീസ് ലൂക്കൗട്ട് സര്‍ക്കുലര്‍ പുറപ്പെടുവിച്ചിരുന്നു. 

കൊലപാതകം ആസൂത്രണം ചെയ്ത ശേഷം ഗള്‍ഫിലേക്ക് കടന്നുവെന്ന് കരുതുന്ന കുനിയില്‍ നടുപ്പാട്ട് മുജീബുറഹ്മാന്‍, കുനിയില്‍ ഓത്തുപള്ളിപ്പുറായ സഫൂര്‍ എന്നിവരാണ് ഇനി ഈ കേസുമായി പിടിയിലാവാനുള്ളത്.

English Summery
One more arrested in twin murder case
8:47 AM | 0 comments

യുവ എഞ്ചിനീയര്‍ കെട്ടിടത്തില്‍ തലയ്ക്കടിയേറ്റ് മരിച്ച നിലയില്‍

Written By Malappuram News on Monday, June 25, 2012 | 11:59 PM

എടപ്പാള്‍: യുവ എഞ്ചിനീയറെ നിര്‍മാണം നടക്കുന്ന കെട്ടിടത്തില്‍ തലയ്ക്കടിയേറ്റ് മരിച്ച നിലയില്‍ കണ്ടെത്തി. സംഭവവുമായി ബന്ധപ്പെട്ട് നിര്‍മാണതൊഴിലാളിയായ ബംഗാള്‍ സ്വദേശിയെ പൊലീസ് തിരയുന്നു. അഗളി അട്ടപ്പാടി ചാവടിയൂര്‍ മേലേമുള്ളി മണിയുടെ മകന്‍ രവി (22)യെയാണ് എടപ്പാളിലെ നിര്‍മാണം നടക്കുന്ന സ്വകാര്യ മെഡിക്കല്‍ കോളജ് കെട്ടിടത്തിലെ ഇരുട്ടുമുറിയില്‍ കൊല്ലപ്പെട്ട നിലയില്‍ കണ്ടെത്തിയത്. ഇന്നലെ രാവിലെ പത്തുമണിയോടെയാണ് നിര്‍മാണ തൊഴിലാളികള്‍ മൃതദേഹം കണ്ടെത്തിയത്. കൊലപ്പെടുത്തിയ ശേഷം സിമന്റ് കട്ടകളും മറ്റും ദേഹത്ത് ഇട്ട നിലയിലായിരുന്നു.
മൃതദേഹം കണ്ടെത്തിയത് മുതല്‍ നിര്‍മാണ തൊഴിലാളിയായ ബംഗാള്‍ സ്വദേശി മിത്രനെ കാണാനില്ലായിരുന്നു. സ്ഥലത്തെത്തിയ പൊലീസ് ഇയാളുടെ മൊബൈല്‍ ഫോണിലേക്ക് വിളിച്ചപ്പോള്‍ ഷൊര്‍ണൂരിലാണെന്ന മറുപടിയാണ് ലഭിച്ചത്. പിന്നീട് വിളിച്ചപ്പോള്‍ ഫോണ്‍ സ്വിച്ച്ഓഫ് ആയിരുന്നു. ഇയാളാണ് കൊലക്ക് പിന്നിലെന്ന് പൊലീസ് സംശയിക്കുന്നു. ഇയാള്‍ക്കായി തിരച്ചില്‍ ഊര്‍ജ്ജിതമാക്കിയിട്ടുണ്ട്. പൊന്നാനി സി ഐ. വി അബ്ദുല്‍മുനീര്‍, വളാഞ്ചേരി സി ഐ. എ എം സിദ്ദിഖ്, തിരൂര്‍ ഡി വൈ എസ് പി മുഹമ്മദ് സലീം എന്നിവര്‍ സ്ഥലത്തെത്തി. സ്ഥലത്തുണ്ടായിരുന്ന മലയാളികളും ബംഗാളികളുമായ തൊഴിലാളികളെ ചോദ്യംചെയ്‌തെങ്കിലും വ്യക്തമായ വിവരങ്ങള്‍ ലഭിച്ചിട്ടില്ല.

Keywords: Murder, Edappal, Obituary, Malappuram, കേരള, 
11:59 PM | 0 comments

ഖൈറുന്നിസയുടെ മരണം: അന്വേഷണം ക്രൈംബ്രാഞ്ചിനെ ഏല്‍പിക്കണമെന്ന്‌ ആവശ്യം

Written By mvarthasubeditor on Saturday, June 23, 2012 | 7:56 AM

മലപ്പുറം: തെന്നല കൊടക്കല്ലിങ്ങല്‍ ഭഗവതിക്കാവുങ്ങല്‍ കുഞ്ഞിക്കോയയുടെ മകള്‍ ഖൈറുന്നീസ(27)യുടെ മരണം കൊലപാതകമാണെന്നും ക്രൈംബ്രാഞ്ച് അന്വേഷിക്കണമെന്നും ബന്ധുക്കള്‍. പണം ആവശ്യപ്പെട്ട് ഭര്‍തൃവീട്ടുകാര്‍ ഖൈറുന്നീസയെ പീഡിപ്പിച്ചിരുന്നതായി ഇവര്‍ ആരോപിച്ചു. ഈ മാസം ഏഴിനു ഭര്‍ത്താവ് കുറ്റിപ്പാല ആതിരശ്ശേരി കാളമണ്ണില്‍ റിയാസിന്റെ വീട്ടില്‍വച്ചാണു മരണം. മൃതദേഹവും പരിസരവും കൊലപാതകം സംബന്ധിച്ച സൂചനകളാണു നല്‍കിയത്.

തലേന്ന് എടരിക്കോട്ടുള്ള മന്ത്രവാദിയുടെ നേതൃത്വത്തില്‍ വീട്ടില്‍ പൂജ നടന്നിരുന്നു. എന്നാല്‍, പ്രാഥമിക വിവരങ്ങള്‍ അന്വേഷിക്കാന്‍പോലും പൊലീസ് എത്തിയില്ലെന്നും കുഞ്ഞിക്കോയ, നെഹ്റുദര്‍ശന്‍ ജില്ലാ പ്രസിഡന്റ് ജലീല്‍ തൊട്ടിയില്‍, അബ്ദുറഹ്മാന്‍ ഹാജി എന്നിവര്‍ പറഞ്ഞു. ക്രൈംബ്രാഞ്ച് അന്വേഷണം ആവശ്യപ്പെട്ട് മുഖ്യമന്ത്രിക്കു പരാതി നല്‍കി.

English Summery
Ghairunnisa's death: Relative demands Crime Branch probe
7:56 AM | 0 comments

കുനിയില്‍ ഇരട്ടക്കൊല: മുഖ്യപ്രതി മുഖ്താര്‍ പിടിയില്‍

Written By mvarthasubeditor on Wednesday, June 20, 2012 | 1:01 PM

മലപ്പുറം: കുനിയില്‍ ഇരട്ടക്കൊലക്കേസിലെ ഗള്‍ഫിലേക്ക് കടന്ന മുഖ്യപ്രതി മുഖ്താര്‍ പിടിയില്‍. ഇന്നലെ പുലര്‍ച്ചെ നാലിനുള്ള എയര്‍ഇന്ത്യയുടെ ദോഹ വിമാനത്തില്‍ കരിപ്പൂര്‍ വിമാനത്താവളത്തിലിറങ്ങിയപ്പോഴാണ് പൊലീസ് അറസ്റ്റ് ചെയ്തത്. ഇതോടെ കൊലപാതകത്തില്‍ നേരിട്ട് പങ്കെടുത്ത എല്ലാവരും പിടിയിലായതായി പൊലീസ് പറഞ്ഞു.
ജനുവരിയില്‍ വെട്ടേറ്റുമരിച്ച കുനിയില്‍ അതീഖുര്‍റഹ്മാന്റെ സഹോദരനാണ് മുഖ്താര്‍. അതീഖിനെ വധിച്ചതിന് പ്രതികാരമായാണ് ഈ കേസിലെ പ്രതികളായ കൊളക്കാടന്‍ ആസാദിനെയെയും അബൂബക്കറിനെയും വെട്ടിക്കൊന്നത്. കൊലയുടെ ആസൂത്രണമടക്കം വെട്ടുന്നതുവരെയുള്ള എല്ലാ കാര്യങ്ങളിലും മുഖ്താര്‍ പങ്കെടുത്തിരുന്നുവെന്ന് പൊലീസ് പറഞ്ഞു. കൊളക്കാടന്‍ സഹോദരന്‍മാര്‍ക്കെതിരെ ആക്രമണം നടക്കുന്നതിന് ഒരാഴ്ച മുമ്പാണ് മുഖ്താര്‍ ഗള്‍ഫില്‍ നിന്നും നാട്ടിലെത്തിയത്. എഫ് ഐ ആറില്‍ സാക്ഷിമൊഴിയുണ്ടായിട്ടും പിറ്റേന്ന് മുഖ്താര്‍ ഗള്‍ഫിലേക്ക് കടന്നത് ഏറെ ചോദ്യങ്ങളുയര്‍ത്തിയിരുന്നു. മുഖ്താറിനെ ഗള്‍ഫില്‍ നിര്‍ത്തിയാല്‍ കൊലയാളിയെ സഹായിച്ചതിന് കേസെടുക്കുമെന്ന് പറഞ്ഞ് സ്‌പോണ്‍സറില്‍ സമ്മര്‍ദ്ദം ചെലുത്തിയതിനെതുടര്‍ന്നാണ് ഇയാളെ മടക്കിയയച്ചത്.
മുഖ്താറിനെ ഇന്നലെ വൈകീട്ട് മഞ്ചേരി ജുഡീഷ്യല്‍ ഫസ്റ്റ് ക്‌ളാസ് മജിസ്േ്രടട്ട് സി ജി ഘോഷയുടെ വസതിയില്‍ ഹാജരാക്കി 15 ദിവസത്തേക്ക് റിമാന്‍ഡ് ചെയ്തു. തിരിച്ചറിയല്‍ പരേഡ് നടക്കാനുള്ളതിനാല്‍ ഇയാളെ മഞ്ചേരി സബ്ജയിലില്‍ പ്രത്യേക സെല്ലില്‍ അടച്ചു. തിരിച്ചറിയല്‍ പരേഡിന് ശേഷം പ്രതിയെ കുറ്റകൃത്യവുമായി ബന്ധപ്പെട്ട സ്ഥലങ്ങളില്‍ കൊണ്ടുപോയി തെളിവെടുപ്പ് നടത്തും.
പൊലീസ് എഫ് ഐ ആര്‍ പ്രകാരം ഗൂഡാലോചനക്കും കുറ്റകൃത്യത്തിന് പ്രേരിപ്പിച്ചതിലും പ്രതിയായ പി കെ ബഷീര്‍ എം എല്‍ എയുടെ പങ്ക് ഇനിയുള്ള അന്വേഷണത്തിലാണ് പരിശോധിക്കുക. ഇതുവരെയുള്ള അന്വേഷണത്തില്‍ എം എല്‍ എക്കെതിരെ യാതൊരു തെളിവും ലഭിച്ചിട്ടില്ല. എന്നാല്‍ മുഖ്യആസൂത്രകനായ മുഖ്താര്‍ പിടിയിലായതോടെ ഇക്കാര്യത്തില്‍ കൃത്യമായ ഉത്തരം ലഭിക്കുമെന്നാണ് പൊലീസിന്റെ പ്രതീക്ഷ. ഇയാളെ ചോദ്യം ചെയ്തതിന് ശേഷം പ്രത്യേക അന്വേഷണസംഘത്തലവന്‍ തൃശൂര്‍ റേഞ്ച് ഐ ജി. എസ് ഗോപിനാഥിന്റെ നേതൃത്വത്തില്‍ തെളിവുകള്‍ വിലയിരുത്തിയ ശേഷമാകും എം എല്‍ എയെ ചോദ്യം ചെയ്യുന്നത് സംബന്ധിച്ച തീരുമാനമുണ്ടാകുക.

English Summery
Main accused arrested in twin murder
1:01 PM | 0 comments

കുനിയില്‍ ഇരട്ടക്കൊലപാതകക്കേസില്‍ വീണ്ടും അറസ്റ്റ് രണ്ട്‌പേര്‍കൂടി പിടിയില്‍

Written By mvarthasubeditor on Sunday, June 17, 2012 | 10:04 PM

അരീക്കോട്: അരീക്കോട് കുനിയില്‍ ഇരട്ടക്കൊലപാതക കേസില്‍ ഇന്നലെ രണ്ട് പേര്‍കൂടി പോലീസിന്റെ പിടിയിലായി. കുനിയില്‍ വടക്കേപാലി മഹ്ശൂം (27), ആള്‍ട്ടോ കാര്‍ ഡ്രൈവര്‍ മാതാനത്ത്കുഴി കബീര്‍ എന്ന ഉണ്ണിക്കുട്ടന്‍ (20) എന്നിവരാണ് പിടിയിലായത്.

അബൂബക്കറിനെ വെട്ടിക്കൊലപ്പെടുത്തതില്‍ നേരിട്ട് പങ്കെടുത്തയാളാണ് മഹ്ശൂം. ഇതോടെ കേസില്‍ പിടിയിലായവരുടെ എണ്ണം പന്ത്രണ്ടായി. വിദേശത്തേക്ക് കടന്ന മുഖ്യപ്രതി മുഖ്താറിനെ ഉടനെ നാട്ടിലെത്തിച്ച് അറസ്റ്റ് ചെയ്യും. ഏതാനും പേര്‍കൂടി അടുത്ത ദിവസങ്ങളിലായി പിടിയിലാകുമെന്ന് പോലീസ് പറഞ്ഞു. 

കുനിയില്‍ വിളഞ്ഞോത്ത് സാനിഷ് എന്ന ചെറുമണി (28), കുനിയില്‍ കിഴക്കേതൊടി ഫത്തീന്‍ (19), ഈമാന്‍കുന്ന് ഫള്ല്‍ (20), അന്‍വാര്‍നഗര്‍ കോലോത്തുംതൊടി അനസ് (20), അന്‍വാര്‍ നഗര്‍ വിളങ്ങോത്ത് ഇടക്കണ്ടി മുഹമ്മദ് ശരീഫ് എന്ന ചെറി (32), പത്താം പ്രതി കുനിയില്‍ ന്യൂ ബസാര്‍ മഠത്തില്‍ കുറുമാടന്‍ അബ്ദുല്‍ അലി (30), പതിനൊന്നാം പ്രതി കുനിയില്‍ അന്‍വാര്‍ നഗര്‍ നടുപ്പാട്ടില്‍ കുറുവങ്ങാടന്‍ ശറഫുദ്ദീന്‍ (34), പന്ത്രണ്ടാം പ്രതി കുനിയില്‍ സലഫി മസ്ജിനു പിന്‍വശം താമസിക്കുന്ന ആലുംകണ്ടി ഇരുമാംകടവത്ത് സഫറുള്ള (31), പുളളിപ്പാടം വയലിലകത്ത് താന്നിക്കുന്ന് ഫിറേസ്ഖാന്‍ (30), പെരുമ്പറമ്പ് ചീക്കുളം റിയാസ് (35) എന്നിവരെ നേരത്തെ പോലീസ് അറസ്റ്റ് ചെയ്തിരുന്നു.

English Summery
Two arrested in twin murder case. 
10:04 PM | 0 comments

ചെറുകുന്നില്‍ കണ്ടെത്തിയത് റസീനയുടെ മൃതദേഹം: പ്രതി അറസ്റ്റില്‍

Written By mvarthasubeditor on Monday, June 11, 2012 | 7:04 PM

മഞ്ചേരി: പുളിക്കല്‍ ചെറുകുന്നില്‍ കഴിഞ്ഞ ദിവസം കണ്ടെത്തിയ മൃതദേഹം 11 മാസം മുന്‍പ് കാണാതായ യുവതിയുടെതെന്നും സംഭവം കൊലപാതകമെന്നും തെളിഞ്ഞു. പ്രതിയെ മലപ്പുറം സി ഐ. ടി ബി വിജയനും സംഘവും അറസ്റ്റു ചെയ്തു. ഊര്‍ങ്ങാട്ടിരി കല്ലരട്ടിക്കല്‍ കാഞ്ഞിരപ്പാറ ഹംസയുടെ മകള്‍ റസീന (35) ആണ് കൊല്ലപ്പെട്ടത്. സംഭവവുമായി ബന്ധപ്പെട്ട് പ്രതി കൊണ്ടോട്ടി ഒളവട്ടൂര്‍ ചെറുമുറ്റം മങ്ങാട്ടുചാലില്‍ മൊയ്തീന്‍ (42) ആണ് അറസ്റ്റിലായ്ത്. വിവാഹിതനും അഞ്ചു കുട്ടികളുടെ പിതാവുമാണ് മൊയ്തീന്‍ 2011 ജൂലൈ 21നാണ് കേസിനാസ്പദമായ സംഭവം. കൊണ്ടോട്ടി ചെറുമുറ്റത്ത് പലചരക്കു കട നടത്തി വരികയായിരുന്ന പ്രതി തൊട്ടടുത്ത ഫാന്‍സി കടയിലേക്ക് സ്ഥിരമായി വരുന്ന റസീനയുമായി അടുപ്പത്തിലാവുകയായിരുന്നു. ഭര്‍ത്താവ് ഉപേക്ഷിച്ചതിനാല്‍ മാതാവിനൊപ്പം താമസിച്ചു വരികയായിരുന്നു റസീന. ബന്ധം അതിരുവിട്ടപ്പോള്‍ റസീനയെ ഒഴിവാക്കാനുള്ള പ്രതിയുടെ ശ്രമം ഇവരെ പ്രകോപിതയാക്കി. പ്രതിയുടെ വീട്ടിലെത്തി റസീന ബഹളമുണ്ടാക്കിയിരുന്നു. പിന്നീട് അനുനയത്തില്‍ റസീനയെ പുളിക്കല്‍ വലിയപറമ്പ് ചെറുകുന്നിന് മുകളില്‍ വിമാനത്താവള സിഗ്നലിനടുത്തേക്ക് കൊണ്ടുപോയി. ഇവിടെ വെച്ച് ഇവര്‍ തമ്മിലുണ്ടായ വാക്കേറ്റമാണ് കൊലപാതകത്തില്‍ കലാശിച്ചത്. മഫ്ത കഴുത്തില്‍ മുറുക്കി ശ്വാസം മുട്ടിച്ച് കൊലപ്പെടുത്തിയ ശേഷം മൃതദേഹം പാറക്കെട്ടിനടിയിലേക്ക് വലിച്ചെറിയുകയായിരുന്നു. യുവതിയുടെ വസ്ത്രങ്ങള്‍ പാറയിടുക്കില്‍ നിന്നും കണ്ടെടുത്തത് ബന്ധുക്കള്‍ തിരിച്ചറിഞ്ഞു. അസ്ഥിക്കൂടത്തിന്റെ 86 കഷ്ണങ്ങളും യുവതി ധരിച്ചിരുന്ന വള, സ്വര്‍ണ മോതിരം, പാദസരം എന്നിവ സംഭവ സ്ഥലത്തു നിന്നും പോലീസ് കണ്ടെടുത്തു.
മൃതദേഹത്തില്‍ നിന്ന് സ്റ്റഡ്, വാച്ച്, മൊബൈല്‍ഫോണ്‍ എന്നിവ പ്രതി കവര്‍ന്നതായി പോലീസ് പറഞ്ഞു. ഈ മൊബൈല്‍ ഫോണാണ് ഒരു വര്‍ഷം മുമ്പ് നടന്ന കൊലപാതകത്തിന്റെ കേസന്വേഷണത്തിന് വഴിത്തിരിവായത്. യുവതിയെ കാണാതായതിനെ തുടര്‍ന്ന് മാതാവ് ആഇശ നല്‍കിയ പരാതിയില്‍ 2011 ആഗസ്റ്റ് 18ന് അരീക്കോട് പോലീസ് കേസെടുത്തിരുന്നു. അന്ന് മുതല്‍ നിരീക്ഷണത്തിലായിരുന്ന യുവതിയുടെ മൊബൈല്‍ഫോണ്‍ ആറുമാസത്തിന് ശേഷം ഉപയോഗിച്ചതാണ് പ്രതിയെ കുടുക്കിയത്.
യുവതിയുടെ ശരീര അവശിഷ്ടങ്ങള്‍ വിദഗ്ധ പരിശോധനക്കായി കോഴിക്കോട് മെഡിക്കല്‍ കോളേജിലേക്ക് അയച്ചിട്ടുണ്ട്. പ്രതിയെ മഞ്ചേരി ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് 14 ദിവസത്തേക്ക് റിമാന്‍ഡ് ചെയ്തു. മലപ്പുറം ഡി വൈ എസ് പി അഭിലാഷിന്റെ നിര്‍ദ്ദേശ പ്രകാരം മലപ്പുറം സി ഐ ചാര്‍ജ്ജുള്ള ടി ബി വിജയന്റെ നേതൃത്വത്തില്‍ അരീക്കോട് എസ് ഐ മനോഹരന്‍, മഞ്ചേരിയിലെ എസ് ഐമാരായ കെ വി ശിവാനന്ദന്‍, ടി ഗംഗാധരന്‍, സീനിയര്‍ സി പി ഒ തോമസ്, സി പി ഒമാരായ സുഭാഷ്, ഷഹബിന്‍ എന്നിവരടങ്ങുന്ന സംഘമാണ് പ്രതിയെ അറസ്റ്റു ചെയ്തത്.
7:04 PM | 0 comments

അരീക്കോടിനടുത്ത് വെട്ടേറ്റ കൊലക്കേസ് പ്രതികള്‍ മരിച്ചു

മലപ്പുറം: അരീക്കോട് കുനിയിലില്‍ ഞായറാഴ്ച രാത്രി വെട്ടേറ്റ കൊലക്കേസ് പ്രതികളായ സഹോദരങ്ങള്‍ മരിച്ചു. കൊളക്കാടന്‍ അബൂബക്കര്‍ എന്ന ഗുലാം കുഞ്ഞാപ്പു (50), കൊളക്കാടന്‍ ആസാദ് (46) എന്നിവരാണ് മരിച്ചത്. ഗുരുതര പരുക്കുകളോടെ കോഴിക്കോട്ടെ ആശുപത്രികളില്‍ പ്രവേശിപ്പിക്കപ്പെട്ട ഇരുവരും ഇന്നലെ പുലര്‍ച്ചെയോടെ മരിക്കുകയായിരുന്നു. ആസാദ് പുലര്‍ച്ചെ മൂന്നുമണിയോടെയും അബൂബക്കര്‍ നാലുമണിയോടെയുമാണ് മരണപ്പെട്ടത്.
ഫുട്ബാള്‍ ടൂര്‍ണ്ണമെന്റ് നടത്തിപ്പിനെച്ചൊല്ലിയുണ്ടായ തര്‍ക്കത്തെതുടര്‍ന്ന് അതീഖ് റഹ്മാന്‍ എന്ന യുവാവിനെ കുത്തിക്കൊന്ന കേസിലെ പ്രതികളായ ഇരുവരും ജാമ്യത്തിലിറങ്ങിയതായിരുന്നു.
ഞായറാഴ്ച രാത്രി ഏഴരയോടെ കുനിയില്‍ അങ്ങാടിയില്‍ വെച്ചാണ് ഇരുവര്‍ക്കും വെട്ടേറ്റത്. കുനിയില്‍ അങ്ങാടിയിലെ തന്റെ എം.ടി സൗണ്ട്‌സ് എന്ന കടയിലിരിക്കുകയായിരുന്ന ആസാദിനെയും തൊട്ടടുത്ത ഹാര്‍ഡ്‌വെയര്‍ ഷോപ്പിന്റെ വരാന്തയിലിരിക്കുകയായിരുന്ന അബൂബക്കറിനെയും പച്ച സുമോയിലെത്തിയ മുഖംമൂടി സംഘം വാളുപയോഗിച്ച് വെട്ടുകയായിരുന്നു. അതീഖ് റഹ്മാനെ കൊലപ്പെടുത്തിയതിന്റെ പ്രതികാരമായാണ് ഇവരെ കൊലപ്പെടുത്തിയതെന്ന് സംശയിക്കുന്നതായി പൊലീസ് പറഞ്ഞു. ഗുരുതരമായി പരിക്കേറ്റ ആസാദിനെ കോഴിക്കോട് മിംസ് ആശുപത്രിയിലും കുഞ്ഞാപ്പുവിനെ കോഴിക്കോട് മെഡിക്കല്‍ കോളേജിലുമാണ് പ്രവേശിപ്പിച്ചിരുന്നത്. കൊലപാതകത്തിന് ശേഷം അക്രമി സംഘം സുമോയുമായി നിലമ്പൂര്‍ ഭാഗത്തേക്ക് അതിവേഗത്തില്‍ ഓടിച്ചുപോയതായി വിവരം ലഭിച്ചിട്ടുണ്ട്. അതേസമയം നിലമ്പൂര്‍ പുള്ളിപ്പാടം ഭാഗത്ത് റോഡരികില്‍ ഒരു സുമോ ഉപേക്ഷിക്കപ്പെട്ട നിലയില്‍ കണ്ടെത്തിയിട്ടുണ്ട്.
കുനിയിലിലെ ഒരു സെവന്‍സ് ഫുട്‌ബോള്‍ ടൂര്‍ണ്ണമെന്റ് നടത്തിപ്പുമായി ബന്ധപ്പെട്ടുണ്ടായ തര്‍ക്കവും പൂര്‍വ്വവൈരാഗ്യവുമാണ് കഴിഞ്ഞ ജനുവരി അഞ്ചിന് ചെമ്രക്കോട്ടൂര്‍ കുറുവാടന്‍ ഉമ്മര്‍ഹാജിയുടെ മകന്‍ അതീഖ് റഹ്മാന്‍(35) എന്ന യുവാവിനെ കൊലപ്പെടുത്തുന്നതിലേക്ക് നയിച്ചത്. കുനിയില്‍ മേലേ പഞ്ചായത്ത് ഗ്രൗണ്ടില്‍ ഫുട്ബാള്‍ ടൂര്‍ണ്ണമെന്റ് സംഘടിപ്പിക്കുന്നതുമായി ബന്ധപ്പെട്ട് ഇരുവിഭാഗം സംഘാടകര്‍ അവകാശവാദവുമായി രംഗത്തെത്തുകയായിരുന്നു. കേസില്‍ ആസാദും അബൂബക്കറുമടക്കം ആറു പേരെ അരീക്കോട് പൊലീസ് അറസ്റ്റു ചെയ്തിരുന്നു.
നെല്ലിക്കാപ്പറമ്പ് ഗ്രാമപഞ്ചായത്ത് അംഗമായിരുന്ന കദീജ വേങ്ങരയാണ് കുഞ്ഞാപ്പുവിന്റെ ഭാര്യ. മക്കള്‍ ഗുലാം ഹുസൈന്‍, ഗുലാം ബാഷ, ഫാറൂഖ്,
നെല്ലിക്കാപറമ്പ് നുസ്രത്ത് ജഹാനാണ് ആസാദിന്റെ ഭാര്യ. മക്കള്‍ മിര്‍സാ ഗുലാം, റിസ്‌വാന്‍ ഗുലാം, സന..
5:51 PM | 0 comments

ടി.പി. വധം: അറസ്റ്റിനെ രാഷ്ട്രീയപരമായി നേരിടുമെന്ന് എളമരം കരീം

Written By Malappuram News on Thursday, May 24, 2012 | 4:07 PM

കോഴിക്കോട്: ടി.പി. ചന്ദ്രശേഖരന്‍ വധക്കേസില്‍ സി.പി.എം നേതാക്കളെ അറസ്റ്റ് ചെയ്യുന്നതു രാഷ്ട്രീയപരമായി നേരിടുമെന്ന് എളമരം കരീം. കേസിനെ യുഡിഎഫ് സര്‍ക്കാര്‍ രാഷ്ട്രീയമായി ഉപയോഗിക്കുന്നു. ഈ കേസില്‍ സിപിഎമ്മിനു യാതൊരു പങ്കുമില്ല. കേരളത്തിലെ ആദ്യ രാഷ്ട്രീയ കൊലപാതകമല്ല ഇത്. ഈ കേസില്‍ മാധ്യമങ്ങള്‍ രാഷ്ട്രീയ മേലാളന്‍മാര്‍ക്കു വേണ്ടി പൊലീസ് ഏജന്‍സി പണി ചെയ്യുകയാണെന്നും അദ്ദേഹം കുറ്റപ്പെടുത്തി.

Keywords: Arrests will face politically- Elamaram Karim, Murder, Kozhikode, Kerala, Politics, കേരള, 
4:07 PM | 0 comments

ജയിംസ് അഗസ്റ്റിന്‍ വധം; വിചാരണ ആഗസ്റ്റ് ആറിന് തുടങ്ങും

Written By mvarthasubeditor on Wednesday, May 23, 2012 | 4:27 PM

മഞ്ചേരി: ജയിംസ് അഗസ്റ്റിന്‍ (47) വധക്കേസ് വിചാരണ ആഗസ്റ്റ് ആറിന് മഞ്ചേരി മൂന്നാംഅതിവേഗ കോടതി ജഡ്ജി വി ദിലീപ് മുമ്പാകെ ആരംഭിക്കും. 2008 ജൂലൈ 19ന് രാവിലെ കിഴിശ്ശേരി ജി എല്‍ പി സ്‌കൂളില്‍ ക്ലസ്റ്റര്‍ പരിശീലനത്തിനെത്തിയ വാലില്ലാപ്പുഴ സ്‌കൂള്‍ പ്രധാനധ്യാപകന്‍ ജയിംസ് അഗസ്റ്റിന്‍ മുസ്‌ലിംലീഗിന്റെ ക്ലസ്റ്റര്‍ വിരുദ്ധ സമരക്കാര്‍ അക്രമിക്കുന്നതിനിടയില്‍ മരണപ്പെടുകയായിരുന്നു.
ഒന്നാം പ്രതി അബ്ദുന്നസീര്‍, ഹംസ എന്നിവരെ തിരിച്ചറിയാന്‍ 2008 ജൂലൈ 28ന് മഞ്ചേരി ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് തിരിച്ചറിയല്‍ പരേഡ് നടത്തിയിരുന്നു. യൂത്ത്‌ലീഗ് പ്രവര്‍ത്തകരായ നസീര്‍, ഹംസ, സലീം, ബശീര്‍, സജീര്‍, ജലീല്‍, ലത്വീഫ്, ചേക്കു മുഹമ്മദ്, അബൂബക്കര്‍ സിദ്ദീഖ്, ബഷീര്‍, മന്‍സൂര്‍, അഹമ്മദ്കുട്ടി, സുലൈമാന്‍, മുത്തലിബ്, അലവിക്കുട്ടി, അശ്‌റഫ് എന്നിവര്‍ക്കെതിരെയാണ് കേസ്.

English Summery
James Augastine murder, trial will start on August 6th
4:27 PM | 0 comments

ബന്ധുവിന്റെ മര്‍ദ്ദനമേറ്റ് യുവാവ് മരിച്ചു

Written By kvartha desk on Thursday, May 3, 2012 | 12:48 PM

തിരൂര്‍: ബന്ധുവുമായുണ്ടായ വാക്കുതര്‍ക്കത്തെത്തുടര്‍ന്ന് മര്‍ദ്ദനമേറ്റ യുവാവ് മരിച്ചു. കോലൂപാലം കുറ്റിക്കാട്ടില്‍ കുഞ്ഞിമുഹമ്മദിന്റെ മകന്‍ ശംസുദ്ദീന്‍(25)ആണ് മരിച്ചത്. ചൊവ്വാഴ്ച രാത്രി എട്ടിനാണ് സംഭവം. സംഭവവുമായി ബന്ധപ്പെട്ട് ഇയാളുടെ പിതൃസഹോദരപുത്രന്‍ കുറ്റക്കാട്ടില്‍ അലിയെ(40) പോലീസ് കസ്റ്റഡിയിലെടുത്തു.
അലിയുടെ ഉമ്മയെ ശംസുദ്ദീന്‍ ചീത്തവിളിച്ചതിനെച്ചൊല്ലിയുണ്ടായ വാക്കേറ്റമാണ് കൊലപാതകത്തില്‍ കലാശിച്ചതെന്നാണ് കേസന്വേഷിക്കുന്ന സി ഐ റാഫി പറയുന്നത്.ഈ വിഷയമറിഞ്ഞെത്തിയ അലി ശംസുദ്ദീനുമായി വാക്കേററമുണ്ടാകുകയും മര്‍ദ്ദിക്കുകയുമായിരുന്നു.കുഴഞ്ഞുവീണ ഇയാളെ ആശുപത്രിയിലേക്ക് കൊണ്ട്‌പോയെങ്കിലും മരിക്കുകയായിരുന്നു.നിര്‍മാണത്തൊഴിലാളിയായ ശംസുദ്ദീന്‍ അവിവാഹിതനാണ്.

Keywords: Murder, Tirur, Obituary, Malappuram, 
12:48 PM | 0 comments

ആദിവാസി യുവാവിനെ കുത്തിക്കൊന്നു

Written By Malappuram News on Monday, April 16, 2012 | 2:56 PM

നിലമ്പൂര്‍: ആദിവാസികള്‍ തമ്മിലുണ്ടായ വഴക്കിനെത്തുടര്‍ന്ന് മദ്യലഹരിയില്‍ ഒരാളെ കുത്തിക്കൊന്നു. ചാലിയാര്‍ പഞ്ചായത്തിലെ വാളാന്തോടിനടുത്ത് കണ്ടില്ലാപാറ ആദിവാസികോളനിയിലെ കൃഷ്ണന്‍ (38) ആണ് കൊല്ലപ്പെട്ടത്. പ്രതി ഇതേ കോളനിയിലെ നാഗരാജിനെ (28) നിലമ്പൂര്‍ എസ്.ഐ സുനില്‍ പുളിക്കലിന്റെ നേതൃത്വത്തില്‍ അറസ്റ്റുചെയ്തു. വെള്ളിയാഴ്ച രാത്രിയില്‍ കോളനിയിലെ പ്രതിയുടെ വീടിനടുത്താണ് സംഭവം.
കൃഷ്ണന്റെ ദേഹത്ത് രണ്ട് കുത്തുകളുണ്ട്. സംഭവത്തെ ത്തുടര്‍ന്ന് സമീപവാസികളും കോളനിക്കാരും ചേര്‍ന്ന് കൃഷ്ണനെ കോഴിക്കോട് മെഡിക്കല്‍ കോളജിലേക്ക് കൊണ്ടുപോയെങ്കിലും രക്ഷിക്കാനായില്ല. ഭാര്യ: സരോജിനി. മക്കള്‍: ശാലു, സനല്‍
2:56 PM | 0 comments

എട്ടുവയസ്സുകാരിയുടെ കൊലപാതകം: ഫോറന്‍സിക് വിഭാഗം പരിശോധനകള്‍ നടത്തി

Written By Malappuram News on Friday, April 6, 2012 | 10:30 AM

നിലമ്പൂര്‍ : പൂക്കോട്ടുംപാടം ചുള്ളിയോട് പൊന്നാംകല്ലില്‍ എട്ടുവയസ്സുകാരി കൊല്ലപ്പെട്ട സംഭവത്തില്‍ ഫോറന്‍സിക് വിദഗ്ധന്‍ കെ. ഉണ്ണികൃഷ്ണന്റെ നേതൃത്വത്തിലുള്ള സംഘം സ്ഥലം സന്ദര്‍ശിച്ച് പരിശോധനകള്‍ നടത്തി. പ്രതിയെന്ന് സംശയിക്കുന്ന അബ്ദുള്‍നാസറിന്റെ വീടും പരിസരവും സല്‍വയുടെ മൃതദേഹം കിടന്നിരുന്ന കുളിമുറിയുടെ ഭാഗവും ഫോറന്‍സിക് വിഭാഗം പരിശോധിച്ചു. നാസറിന്റെ ഭാര്യയില്‍നിന്നും അയല്‍വാസികള്‍, ബന്ധുക്കള്‍ എന്നിവരില്‍ നിന്നും തെളിവെടുത്തു. സാമ്പിളുകള്‍ ശേഖരിച്ച് തിരുവനന്തപുരം ഫോറന്‍സിക് ലാബിലേക്ക് അയച്ചു.
മലപ്പുറം എസ്.പി കെ.സേതുരാമന്‍, പെരിന്തല്‍മണ്ണ ഡിവൈ.എസ്.പി കെ.പി.വിജയകുമാര്‍ എന്നിവര്‍ ബുധനാഴ്ച രാത്രി 12.30ഓടെ സ്ഥലത്തെത്തിയിരുന്നു. കൂടുതല്‍ പോലീസ് ഉദ്യോഗസ്ഥരെ നിയോഗിക്കുകയും ചെയ്തു. വ്യാഴാഴ്ച രാവിലെ ഒമ്പതുമണിയോടെയാണ് ഫോറന്‍സിക് വിദഗ്ധര്‍ സ്ഥലത്തെത്തിയത്. ഡിവൈ.എസ്.പി കെ.പി. വിജയകുമാറിന്റെ നേതൃത്വത്തില്‍ പോലീസ് ഉദ്യോഗസ്ഥരും സ്ഥലം സന്ദര്‍ശിച്ചു.
10:30 AM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers