Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Court. Show all posts
Showing posts with label Court. Show all posts

റഊഫിന് ജാമ്യം ലഭിച്ചത് കര്‍ശന ഉപാധികളോടെ

Written By Kvartha Delta on Thursday, October 18, 2012 | 7:08 PM

ജാമ്യംനേടി പുറത്തുവന്ന റഊഫ് മഞ്ചേരി കോടതിക്ക് പുറത്ത് മാധ്യമപ്രവര്‍ത്തകരോട് സംസാരിക്കുന്നു.


മലപ്പുറം: കൊണ്ടോട്ടി ബ്ലോക്ക് പഞ്ചായത്ത് പ്രസിഡന്റ് ജബ്ബാര്‍ ഹാജിയെ ഫോണിലൂടെ ഭീഷണിപ്പെടുത്തിയ കേസില്‍ അറസ്റ്റിലായി റിമാന്‍ഡിലായിരുന്ന വിവാദ വ്യവസായി കെ.എ. റഊഫിന് ജാമ്യം ലഭിച്ചത് ഉപാധികളോടെ. മലപ്പുറം ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് കോടതിയാണ് ജാമ്യം അനുവദിച്ചത്.

ജബ്ബാര്‍ ഹാജി നല്‍കിയ പരാതിയെ തുടര്‍ന്ന് റഊഫിനെ മലപ്പുറം ഡി വൈ എസ് പി അഭിലാഷിന്റെ നേതൃത്വത്തില്‍ കസ്റ്റഡിയിലെടുത്ത് ചോദ്യം ചെയ്തിരുന്നു. റഊഫ് ഉപയോഗിച്ചിരുന്ന അഞ്ചു മൊബൈല്‍ ഫോണുകളും പൊലീസ് പരിശോധനക്ക് വിധേയമാക്കിയിരുന്നു. ജബ്ബാര്‍ഹാജിയുമായി റഊഫ് നടത്തിയ ഫോണ്‍സംഭാഷണം പുറത്താവുകയും ചെയ്തു. കസ്റ്റഡി കാലാവധി പൂര്‍ത്തിയായതിനെ തുടര്‍ന്ന് ചൊവ്വാഴ്ച അദ്ദേഹത്തെ കോടതിയില്‍ ഹാജരാക്കി റിമാന്‍ഡ് ചെയ്തിരുന്നു.

40,000 രൂപയുടെ രണ്ടാള്‍ ജാമ്യത്തിലും ഒന്നിടവിട്ടുള്ള തിങ്കളാഴ്ചകളില്‍ അന്വേഷണ ഉദ്യോഗസ്ഥര്‍ക്കുമുമ്പാകെ ഹാജരാകണമെന്നുമുള്ള കര്‍ശന ജാമ്യവ്യവസ്ഥയോടെയാണ് റൗഫിന് ജാമ്യം നല്‍കിയത്. ജാമ്യംനേടി പുറത്തുവന്ന റൗഫ് മാധ്യമപ്രവര്‍ത്തകരെ ജയിലിന് പുറത്ത് കാണുകയും വ്യാഴാഴ്ച മലപ്പുറത്ത് കൂടുതല്‍ വിവരങ്ങള്‍ വെളിപ്പെടുത്തുമെന്നും തന്റെ കൈയ്യില്‍ വീഡിയോഅടക്കമുള്ളതെളിവുകളുണ്ടെന്നും വെളിപ്പെടുത്തി.

ജയിലില്‍ നിന്നും പുറത്തുവന്ന റഊഫിനെ ഐ.എന്‍.എല്‍. പ്രവര്‍ത്തകര്‍ മാലയിട്ട് സ്വീകരിച്ചു.

Keywords: Malappuram, Phone, Kondotty, Court, Kerala, K.A. Raoof, Custody, Remand
7:08 PM | 0 comments

ഭീഷണിപ്പെടുത്തി യുവതിയെ അബോര്‍ഷനു പ്രേരിപ്പിച്ച ഡ്രൈവര്‍ക്ക് രണ്ട് വര്‍ഷം തടവ്

Written By mvarthasubeditor on Wednesday, July 4, 2012 | 1:06 PM

ദുബായ്: കത്തികാണിച്ച് ഭീഷണിപ്പെടുത്തി ഗര്‍ഭിണിയായ യുവതിയെ അബോര്‍ഷനു പ്രേരിപ്പിച്ച ഡ്രൈവര്‍ക്ക് രണ്ട് വര്‍ഷം തടവ്.

യുവതിയെ ഇയാള്‍ കത്തിമുനയില്‍ നിറുത്തി അബോര്‍ഷനുള്ള ടാബ്‌ലറ്റുകള്‍ നല്‍കുകയായിരുന്നെന്ന്‌ യുവതി കോടതിയില്‍ വെളിപ്പെടുത്തി. 44കാരനായ ബംഗ്ലാദേശിയാണ്‌ ശിക്ഷയ്ക്ക് വിധിക്കപ്പെട്ടത്. 

അബോര്‍ഷനു പ്രേരിപ്പിക്കുമ്പോള്‍ യുവതി രണ്ട് മാസം ഗര്‍ഭിണിയായിരുന്നു. വിവാഹിതരാകാത്ത ഇവര്‍ ഒരുമിച്ച് താമസിച്ചതിനും ശാരീരിക ബന്ധം പുലര്‍ത്തിയതിനും യുവതിക്കും കോടതി ശിക്ഷവിധിച്ചു. ആറ് മാസം തടവാണ്‌ യുവതിക്ക് വിധിച്ചത്.

English Summery
Driver jailed two years for forcing girlfriend abort two-month-old foetus
1:06 PM | 0 comments

ഒഡീഷ സ്വദേശിയായ യുവാവിനെ റിമാന്‍ഡ് ചെയ്തു

Written By mvarthasubeditor on Tuesday, July 3, 2012 | 8:32 PM

എടപ്പാള്‍: കെട്ടിട നിര്‍മാണ സൂപ്പര്‍വൈസറെ കൊലപ്പെടുത്തിയ കേസിലെ പ്രതിയായ ഒഡീഷ സ്വദേശിയായ യുവാവിനെ 14 ദിവസത്തേക്ക് പൊന്നാനി കോടതി റിമാന്‍ഡ് ചെയ്തു.

ശത്തൂര്‍ഭുജ ഷെട്ടിയെയാണ് റിമാന്‍ഡ് ചെയ്തത്. കഴിഞ്ഞ തിങ്കളാഴ്ചയാണ് പ്രതിയെ പൊന്നാനി സി ഐ പി അബ്ദുല്‍മുനീര്‍ അറസ്റ്റു ചെയ്തത്. 

തെളിവെടുപ്പിനും കൂടുതല്‍ അന്വേഷണങ്ങള്‍ക്കുമായി ആറ് ദിവസത്തേക്ക് കോടതി പ്രതിയെ പോലീസ് കസ്റ്റഡിയില്‍ വിട്ടിരുന്നു. കസ്റ്റഡി കാലാവധി തിങ്കളാഴ്ച അവസാനിച്ചതിനെ തുടര്‍ന്നാണ് ഇന്നലെ പ്രതിയെ കോടതിയില്‍ ഹാജരാക്കിയത്.

English Summery
Odissi native remanded to 14 days 
8:32 PM | 0 comments

പോത്തുകളെ കോടതിയില്‍ ഹാജരാക്കും

Written By mvarthasubeditor on Monday, July 2, 2012 | 1:35 PM


പരപ്പനങ്ങാടി: പോത്തുകളെ മോഷ്ടിച്ച സംഭവത്തില്‍ അറസ്റ്റിലായ താനൂരിലെ അറക്കല്‍ അബ്ദുര്‍റസാഖി(40)നെയും കണ്ടെത്തിയ രണ്ട് പോത്തുകളെയും ജൂലൈ രണ്ടിന് പരപ്പനങ്ങാടി ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കും.

കഴിഞ്ഞ ആഴ്ച പൂരപ്പുഴയോരത്ത് കെട്ടിയിട്ട ചുക്കാന്‍ അബ്ദുലത്വീഫിന്റെ ഒരു ലക്ഷത്തോളം രൂപ വില വരുന്ന രണ്ട് പോത്തുകളെയാണ് കയര്‍ മുറിച്ച് കടത്തിക്കൊണ്ട് പോയത്. ഇത് സംബന്ധിച്ച് പോലീസില്‍ പരാതി നല്‍കിയിരുന്നു. 

പോത്തുകളെ റെയില്‍പാത വഴി നടത്തിച്ചാണ് കൊണ്ടുപോയതെന്നും കോട്ടക്കടവിന് സമീപത്ത് വെച്ച് ചരക്ക് ഓട്ടോറിക്ഷയില്‍ കയറ്റി ബാലുശ്ശേരി ചന്തയില്‍ എത്തിക്കുകയായിരുന്നു. 

പോത്തുകളെ ചന്തയില്‍ എത്തിച്ച് ഇറക്കിയ ശേഷം ചാര്‍ജ് നല്‍കാന്‍ പണം തികയാതെ വന്നപ്പോള്‍ പ്രതി അബ്ദുര്‍റസാഖ് ഓട്ടോ ഡ്രൈവര്‍ക്ക് തന്റെ കൈവശമുള്ള മൊബൈല്‍ ഫോണ്‍ നല്‍കുകയായിരുന്നു. ഈ മൊബൈല്‍ ഫോണ്‍ കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ പിടികൂടാനായത്.
1:35 PM | 0 comments

മരിച്ചയാളില്‍ നിന്നും 2000 ദിര്‍ഹം മോഷ്ടിച്ച പോലീസുകാരന്‌ ഒരു വര്‍ഷം തടവ്

Written By mvarthasubeditor on Thursday, June 28, 2012 | 10:59 PM

ദുബായ്: മരിച്ചയാളില്‍ നിന്നും 2000 ദിര്‍ഹം മോഷ്ടിച്ച പോലീസുകാരന്‌ ഒരു വര്‍ഷം തടവ്. ദുബായ് പോലീസിലെ ഫോറന്‍സിക് മെഡിസിന്‍ ഡിപാര്‍ട്ട്മെന്റിലെ പോലീസുകാരനാണ്‌ ശിക്ഷയ്ക്ക് അര്‍ഹനായത്. 

തടവ് ശിക്ഷ കൂടാതെ 2000 ദിര്‍ഹം പിഴയടയ്ക്കാനും 38കാരനായ സ്വദേശി പോലീസുകാരനോട് ന്യായാധിപന്‍ ആവശ്യപ്പെട്ടു. രണ്ട് മരിച്ച വ്യക്തികളില്‍ നിന്നുമാണ്‌ ഇയാള്‍ പണവും മറ്റ് വിലപിടിച്ച വസ്തുക്കളും മോഷ്ടിച്ചത്. 

4000 ദിര്‍ഹം, രണ്ട് സ്വര്‍ണ മോതിരങ്ങള്‍, വിലപിടിപ്പുള്ള റിസ്റ്റ് വാച്ച്, വെള്ളിയുടെ ചെയിന്‍, എന്നിവ മരണപ്പെട്ട ഒരു ഇന്ത്യക്കാരന്റെ പക്കല്‍ നിന്നും 2000 ദിര്‍ഹം മറ്റൊരു മൃതദേഹത്തില്‍ നിന്നുമാണ്‌ ഇയാള്‍ മോഷ്ടിച്ചത്. 15 ദിവസത്തിനുള്ളില്‍ പ്രതിക്ക് കോടതിയില്‍ അപ്പീല്‍ നല്‍കാമെന്ന്‌ ജഡ്ജ് അറിയിച്ചു.

English Summery
Dubai policeman jailed a year for stealing valuables from dead bodies
10:59 PM | 0 comments

കല്ല്യാണത്തിനുപോയ സമയത്ത് വീട്ടില്‍ കയറി മോഷണം: പ്രതിക്ക് തടവും പിഴയും

Written By mvarthasubeditor on Wednesday, June 27, 2012 | 8:34 AM

മഞ്ചേരി: വീട്ടുകാര്‍ കല്ല്യാണത്തിനുപോയ സമയത്ത് വീട്ടില്‍ കയറി 49000 രൂപയുടെ മോഷണം നടത്തിയ കേസില്‍ ഒന്നാം പ്രതിയെ കോടതി ശിക്ഷിച്ചു. കോഴിക്കോട് നരിപ്പറ്റ പടിഞ്ഞാറയില്‍ പറമ്പത്ത് ഫൈസലി(24)നെയാണ് മഞ്ചേരി ചീഫ് ജുഡീഷ്യ മജിസ്‌ട്രേറ്റ് കോടതി ശിക്ഷിച്ചത്. 

വീട്ടില്‍ അതിക്രമിച്ച് കയറിയതിന് ഒന്നര വര്‍ഷം തടവ്, 2000 രൂപ പിഴ, പിഴയടച്ചില്ലെങ്കില്‍ 15 ദിവസം അധിക തടവ്, മോഷണം നടത്തിയതിന് ഒരു വര്‍ഷം തടവ്, 2000 രൂപ പിഴ, പിഴയടച്ചില്ലെങ്കില്‍ 15 ദിവസം അധിക തടവ്, വീടിന് നാശനഷ്ടം വരുത്തിയതിന് ഒരു വര്‍ഷം തടവ് എന്നിങ്ങനെയാണ് ശിക്ഷ. ശിക്ഷ ഒരുമിച്ചനുഭവിച്ചാല്‍ മതി.
2010 നവംബര്‍ 28ന് രാത്രി എട്ടര മണിക്കാണ് കേസിനാസ്പദമായ സംഭവം. പൂക്കോട്ടൂര്‍ പെട്രോള്‍ പമ്പിന് സമീപം ദിയാ മഹലില്‍ കോറങ്കണ്ടന്‍ അഹമ്മദ് അക്ബറി (44) ന്റെ വീട്ടിലാണ് മോഷണം നടന്നത്. കോഴിക്കോട് കരിക്കാംകുളത്തുള്ള സുഹൃത്തിന്റെ വീട്ടിലേക്ക് വിവാഹത്തിന് പോയതായിരുന്നു അക്ബറും കുടുംബവും. 

രാത്രി ഒമ്പതര മണിക്ക് വീട്ടില്‍ തിരിച്ചെത്തിയപ്പോഴാണ് മോഷണം നടന്നതറിയുന്നത്. വാതില്‍ തകര്‍ത്താണ് അകത്ത് കയറിയത്. സോണി ഡിജിറ്റല്‍ കാമറ, രണ്ട് മൊബൈല്‍ ഫോണുകള്‍, വാച്ച്, 30000 രൂപ എന്നിവയടക്കം 49000 രൂപയുടെ സാധനങ്ങളാണ് മോഷ്ടിച്ചത്. കേസിലെ രണ്ടാം പ്രതി കൊടുവള്ളിയില്‍ കരിമ്പയില്‍ നിസാര്‍ എന്ന അന്‍സാറിനെതിരെയുള്ള കേസ് ഇതേ കോടതിയില്‍ നടന്നു വരികയാണ്.
8:34 AM | 0 comments

വിസ തട്ടിപ്പ് : അന്വേഷണത്തിന് കോടതി ഉത്തരവ്

Written By mvarthasubeditor on Monday, June 18, 2012 | 8:27 AM

മഞ്ചേരി: സഊദിയിലേക്ക് വിസ വാഗ്ദാനം ചെയ്ത് പണം തട്ടിയെടുത്ത് വിദേശത്തേക്ക് കടന്നുവെന്ന പരാതിയില്‍ കേസെടുത്ത് അന്വേഷണം നടത്താന്‍ മഞ്ചേരി ചീഫ് ജുഡീഷ്യല്‍ മജിസ്‌ട്രേറ്റ് കോടതി പോലീസിന് നിര്‍ദ്ദേശം നല്‍കി. മുട്ടിപ്പാലം വലിയകത്ത് അഹമ്മദിന്റെ മകന്‍ അബ്ദുര്‍റസാഖ് (52) ആണ് ഇരുമ്പുഴി സ്വദേശി മേച്ചേരി അലവിക്കെതിരെ പരാതി നല്‍കിയത്. 2011 മേയ് ഒന്നിന് പരാതിക്കാരന്റെ മകന് വിസ വാഗ്ദാനം ചെയ്ത് പാസ്‌പോര്‍ട്ടും ഒന്നര ലക്ഷം രൂപയും ആവശ്യപ്പെട്ടു. പിറ്റേന്ന് വീട്ടിലെത്തിയ പ്രതി 50000 രൂപയും ഏഴ് കോപ്പി ഫോട്ടോയും കൈപ്പറ്റിയെങ്കിലും വിസയോ പാസ്‌പോര്‍ട്ടോ നല്‍കിയില്ല. തുടര്‍ന്ന് പ്രതിയുടെ വീട്ടിലെത്തി അന്വേഷിച്ചതില്‍ ഇയാള്‍ വ്യാജ പാസ്‌പോര്‍ട്ട് ഉപയോഗിച്ച് വിദേശത്തേക്ക് കടന്നതായി പരാതിയില്‍ പറയുന്നു. പ്രതിയുമായി മൊബൈല്‍ ഫോണില്‍ ബന്ധപ്പെട്ടെങ്കിലും പണമോ വിസയോ നല്‍കാന്‍ തയ്യാറാവാത്തതിനാലാണ് കോടതിയെ സമീപിച്ചത്.

English Summery
Court ordered to probe visa fraud case
8:27 AM | 0 comments

സ്ത്രീധന പീഡനം: അന്വേ­ഷ­ണ­ത്തിന് കോടതി ഉത്ത­ര­വിട്ടു

Written By mvarthasubeditor on Thursday, June 14, 2012 | 12:32 PM


മഞ്ചേരി: കുടു­തല്‍ സ്ത്രീധ­ന­മാ­വ­ശ്യ­പ്പെട്ട് ഭാര്യയെ ശാരീ­രി­ക­-­ മാ­ന­സിക പീഡ­ന­ങ്ങള്‍ക്ക് ഇര­യാ­ക്കി­യെന്ന ഹര്‍ജി ഫയ­ലില്‍ സ്വീക­രിച്ച കോടതി പൊലീ­സി­നോട് കേസെ­ടുത്ത് അന്വേ­ഷി­ക്കാന്‍ ഉത്ത­ര­വി­ട്ടു. വഴി­ക്ക­ടവ് കമ്പ­ള­ക്കല്ല് വിള­ഞ്ഞി­പ്പി­ലാന്‍ സഫിയ (40) യുടെ പരാ­തി­യില്‍ ഭര്‍ത്താവ് ആന­ക്കയം പെരി­മ്പലം കുരു­ണി­യന്‍ അബ്ദുല്ല (42), മാതാവ് നഫീസ (65), സഹോ­ദ­ര­ങ്ങ­ളായ അലി (58), ജാഫര്‍ (32) എന്നി­വര്‍ക്കെ­തി­രെ­യാണ് മഞ്ചേരി ചീഫ് ജുഡീ­ഷ്യല്‍ മജി­സ്‌ട്രേറ്റ് അന്വേ­ഷ­ണ­ത്തിന് ഉത്ത­ര­വി­ട്ട­ത്. 1989 മാര്‍ച്ച് 23നായി­രുന്നു ഇവ­രുടെ വിവാ­ഹം. വിവാഹ സമ­യത്ത് ഭാര്യ­വീ­ട്ടു­കാര്‍ 25 പവന്‍ സ്വര്‍ണാ­ഭ­ര­ണ­ങ്ങളും 10000 രൂപയും നല്‍കി­യി­രു­ന്നു. കൂടു­തല്‍ സ്ത്രീധനം ആവ­ശ്യ­പ്പെട്ട് ഭര്‍ത്താവും ബന്ധു­ക്കളും പീഡി­പ്പി­ക്കു­ന്നു­വെ­ന്നാണ് പരാ­തി. മഞ്ചേരി പൊലീസ് കേസെ­ടുത്തു. ദമ്പ­തി­കള്‍ക്ക് വിവാഹിതയായ മകള്‍ ഉള്‍പ്പെടെ നാല് മക്ക­ളു­ണ്ട്.
Keywords:Kerala,Malappuram, cort case
12:32 PM | 0 comments

വാറന്റി കാലയളവില്‍ ബൈക്കിന് കേട്: വാഹന വില തിരിച്ച് നല്‍കാന്‍ ഉപഭോക്തൃ ഫോറം

Written By mvarthasubeditor on Thursday, May 24, 2012 | 11:02 PM

മലപ്പുറം: വാറന്റി കാലയളവില്‍ ഇലക്ട്രിക് ബൈക്കിന് ഗുരുതരമായ കേടുപാടുകള്‍ സംഭവിച്ചതിനെതുടര്‍ന്ന് ബൈക്ക് ഉടമക്ക് നികുതി കിഴിച്ചുള്ള ബൈക്കിന്റെ വില ഡീലറും നിര്‍മാതാവും നല്‍കണമെന്ന് ജില്ലാ ഉപഭോക്തൃ തര്‍ക്ക പരിഹാര ഫോറം വിധിച്ചു.
തിരൂരിലെ ഡീലറില്‍നിന്നും 2009 മെയ് 17 ന് 31,500 രൂപയ്ക്കാണ് തവനൂര്‍ സ്വദേശിയായ അധ്യാപിക ഇലക്ട്രിക് ബൈക്ക് വാങ്ങിയത്. ഒരുവര്‍ഷത്തെ വാറന്റിയും ആറ് മാസത്തിനുള്ളില്‍ മൂന്ന് സൗജന്യ സര്‍വീസുമാണ് ഡീലര്‍ ഉറപ്പ് നല്‍കിയിരുന്നത്. എന്നാല്‍ ഓഗസ്റ്റ് 15 ന് വാഹനം കേടുവന്നതിനെത്തുടര്‍ന്ന് 25 ദിവസത്തിന് ശേഷം മാത്രമാണ് പ്രശ്‌നം പരിഹരിച്ച് നല്‍കിയത്. വീണ്ടും രണ്ട് മാസത്തിന് ശേഷം വാഹനം കേടുവന്നതിനെതുടര്‍ന്ന് ഷോറൂമുമായി ബന്ധപ്പെട്ടു. പുറകിലെ ചക്രത്തിലെ മോട്ടോര്‍ സെന്‍സര്‍ കേടുവന്നതാണ് പ്രശ്‌നമെന്നും രണ്ട് ദിവസത്തി 11:15
നകം തിരിച്ചു നല്‍കാമെന്നും തൃശൂരില്‍നിന്നുള്ള ടെക്‌നീഷന്‍ അറിയിച്ചു. എന്നാല്‍ മോട്ടോര്‍ സെന്‍സര്‍ കേരളത്തിലെ വിപണിയില്‍ ലഭ്യമല്ലാത്തതിനാല്‍ ലുധിയാനയിലെ നിര്‍മാണ കമ്പനിയില്‍ നിന്നും ലഭിക്കുന്നത് വരെ ഉപഭോക്താവിന് വാഹനം ഉപയോഗിക്കാന്‍ കഴിഞ്ഞില്ല. തുടര്‍ന്നാണ് വാഹനത്തിന്റെ വിലയും നഷ്ടപരിഹാരമായി ഒരു ലക്ഷം രൂപയും ആവശ്യപ്പെട്ട് പരാതി നല്‍കിയത്.
തുടര്‍ന്ന് ഇരുകൂട്ടരുടേയും വാദം കേട്ടതിനെത്തുടര്‍ന്നാണ് വാഹന വിലയായ 31,500ല്‍ നിന്നും നികുതി കിഴിച്ച് 25,000 രൂപ ഉപഭോക്താവിന് നല്‍കാന്‍ ഫോറം വിധിച്ചത്. വാഹനം ഒമ്പത് മാസം ഉപയോഗിച്ചതിനാല്‍ വാഹനത്തിന്റെ യഥാര്‍ഥ വില നല്‍കാന്‍ ആവശ്യപ്പെടാനാവില്ലെന്നും നികുതി സര്‍ക്കാരിലേക്കാണ് ഒടുക്കിയതെന്നതിനാലാണ് നികുതി കിഴിച്ച് വില നല്‍കാന്‍ ഉത്തരവിട്ടതെന്നും ഫോറം വിധിച്ചു.ഒരുമാസത്തിനകം ഡീലറും നിര്‍മാതാവുമാണ് തുക നല്‍കേണ്ടത്. വാഹനം ഡീലര്‍ക്ക് തിരിച്ച് ഏല്‍പിക്കാനും നിര്‍ദ്ദേശിച്ചിട്ടുണ്ട്.
ഫോറം പ്രസിഡന്റ് സി.എസ്.സുലേഖാ ബീവി, അംഗങ്ങളായ മുഹമ്മദ് മുസ്തഫ, ഇ.ആയിഷക്കുട്ടി എന്നിവരാണ് കേസ് പരിഗണിച്ചത്.

English Summery
Court order to refund price of damaged bike with in warranty period. 
11:02 PM | 0 comments

ജയിംസ് അഗസ്റ്റിന്‍ വധം; വിചാരണ ആഗസ്റ്റ് ആറിന് തുടങ്ങും

Written By mvarthasubeditor on Wednesday, May 23, 2012 | 4:27 PM

മഞ്ചേരി: ജയിംസ് അഗസ്റ്റിന്‍ (47) വധക്കേസ് വിചാരണ ആഗസ്റ്റ് ആറിന് മഞ്ചേരി മൂന്നാംഅതിവേഗ കോടതി ജഡ്ജി വി ദിലീപ് മുമ്പാകെ ആരംഭിക്കും. 2008 ജൂലൈ 19ന് രാവിലെ കിഴിശ്ശേരി ജി എല്‍ പി സ്‌കൂളില്‍ ക്ലസ്റ്റര്‍ പരിശീലനത്തിനെത്തിയ വാലില്ലാപ്പുഴ സ്‌കൂള്‍ പ്രധാനധ്യാപകന്‍ ജയിംസ് അഗസ്റ്റിന്‍ മുസ്‌ലിംലീഗിന്റെ ക്ലസ്റ്റര്‍ വിരുദ്ധ സമരക്കാര്‍ അക്രമിക്കുന്നതിനിടയില്‍ മരണപ്പെടുകയായിരുന്നു.
ഒന്നാം പ്രതി അബ്ദുന്നസീര്‍, ഹംസ എന്നിവരെ തിരിച്ചറിയാന്‍ 2008 ജൂലൈ 28ന് മഞ്ചേരി ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് തിരിച്ചറിയല്‍ പരേഡ് നടത്തിയിരുന്നു. യൂത്ത്‌ലീഗ് പ്രവര്‍ത്തകരായ നസീര്‍, ഹംസ, സലീം, ബശീര്‍, സജീര്‍, ജലീല്‍, ലത്വീഫ്, ചേക്കു മുഹമ്മദ്, അബൂബക്കര്‍ സിദ്ദീഖ്, ബഷീര്‍, മന്‍സൂര്‍, അഹമ്മദ്കുട്ടി, സുലൈമാന്‍, മുത്തലിബ്, അലവിക്കുട്ടി, അശ്‌റഫ് എന്നിവര്‍ക്കെതിരെയാണ് കേസ്.

English Summery
James Augastine murder, trial will start on August 6th
4:27 PM | 0 comments

തിരൂരില്‍ അഡീഷനല്‍ ജില്ലാ കോടതി സ്ഥാപിക്കും: മുഖ്യമന്ത്രി

Written By Malappuram News on Friday, May 18, 2012 | 1:30 AM

തിരൂര്‍: തിരൂരില്‍ അഡീഷനല്‍ ജില്ലാ കോടതി സ്ഥാപിക്കാനുള്ള നടപടികള്‍ പുരോഗതിയിലാണെന്ന് മുഖ്യമന്ത്രി ഉമ്മന്‍ചാണ്ടി അറിയിച്ചു. ഹൈകോടതിയുടെ അനുമതി ലഭിച്ചാലുടന്‍ കോടതി സ്ഥാപിക്കാനുള്ള നടപടികള്‍ പ്രാവര്‍ത്തികമാക്കുമെന്ന് മുഖ്യമന്ത്രി പറഞ്ഞു.തിരൂരില്‍ ആധുനിക സജ്ജീകരണങ്ങളോടെ നിര്‍മിച്ച കോടതി സമുച്ചയത്തിന്റെ ഉദ്ഘാടനം നിര്‍വഹിച്ച് സംസാരിക്കുയായിരുന്നു മുഖ്യമന്ത്രി.
ജനാധിപത്യ വ്യവസ്ഥിതിയില്‍ ജനങ്ങള്‍ കോടതികളില്‍ നിന്നും നീതി പ്രതീക്ഷിക്കുന്നുണ്ട്. അതിനാല്‍ ജുഡീഷറി വിശ്വാസ്യത നിലനിര്‍ത്തണം. കൂടുതല്‍ കോടതികള്‍ സ്ഥാപിക്കുന്ന കാര്യം അനുഭാവപൂര്‍വം പരിഗണിക്കുമെന്നും കോടതികള്‍ക്ക് അടിസ്ഥാന സൗകര്യമൊരുക്കാന്‍ സര്‍ക്കാര്‍ എല്ലാ സഹായവും ചെയ്യുമെന്നും മുഖ്യമന്ത്രി ഉറപ്പു നല്‍കി.
കേരള ഹൈക്കോടതി ജഡ്ജി ജസ്റ്റിസ് ആന്റണി ഡൊമിനിക്ക് ചടങ്ങില്‍ അധ്യക്ഷനായി. എം.എ.സി.റ്റി കോടതിയുടെ താക്കോല്‍ദാനം പൊതുമരാമത്ത് വകുപ്പുമന്ത്രി വി.കെ.ഇബ്രാഹിംകുഞ്ഞും ജൂഡിഷല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയുടെ താക്കോല്‍ദാനം പട്ടികജാതി-പിന്നാക്ക വികസന ടൂറിസം മന്ത്രി എ.പി.
അനില്‍കുമാറും നിര്‍വഹിച്ചു. ഇ.റ്റി.മുഹമ്മദ് ബഷീര്‍ എം.പി, എം.എല്‍.എ. മാരായ സി. മമ്മൂട്ടി, അഡ്വ. എന്‍. ഷംസുദ്ദീന്‍ എന്നിവര്‍ മുഖ്യപ്രഭാഷണം നടത്തി. ജില്ലാപഞ്ചായത്ത് പ്രസിഡന്റ് സുഹ്‌റ മമ്പാട്, ജില്ലാ കലക്റ്റര്‍ എം.സി.മോഹന്‍ദാസ്, തിരൂര്‍ നഗരസഭ ചെയര്‍പേഴ്‌സണ്‍ സഫിയ ടീച്ചര്‍, ബ്ലോക്ക് പഞ്ചായത്ത് പ്രസിഡന്റ് എം.അബ്ദുള്ളക്കുട്ടി, മുന്‍ എം.എല്‍.എ. പി.പി.അബ്ദുള്ളക്കുട്ടി, കൗണ്‍സിലര്‍ കെ.കെ.അബ്ദുള്‍സലാം എന്നിവര്‍ സംസാരിച്ചു. പൊതുമരാമത്ത് വകുപ്പ് ചീഫ് എഞ്ചീനിയര്‍ പി.കെ.സതീശന്‍ റിപ്പോര്‍ട്ട് അവതരിപ്പിച്ചു. ജില്ലാ ജഡ്ജി വി.ഷെര്‍സി സ്വാഗതവും ബാര്‍ അസോസിയേഷന്‍ പ്രസിഡന്റ് അഡ്വ.എം.കെ.മൂസാക്കുട്ടി നന്ദിയും പറഞ്ഞു.
190 ലക്ഷം ചെലവില്‍ പൊതുമരാമത്ത് വകുപ്പാണ് കോടതി കെട്ടിട നിര്‍മാണം പൂര്‍ത്തിയാക്കിയത്. മൂന്ന് നിലകളുള്ള കെട്ടിട സമുച്ചയത്തിന്റെ താഴത്തെ നിലയില്‍ എം.എ.സി.റ്റി കോടതിയും ജൂഡീഷല്‍ ഫസ്റ്റ്കഌസ് മജിസ്‌ട്രേറ്റ് കോടതിയും ഒന്നാം നിലയില്‍ ഇവയുടെ ഓഫീസും അനുബന്ധ സൗകര്യങ്ങളും എ.പി.പി യുടെ ഓഫീസും പ്രവര്‍ത്തിക്കും. രണ്ടാം നിലയില്‍ അഡീഷണല്‍ ജില്ല സെഷന്‍സ് കോടതിയും അനുബന്ധ ഓഫീസ് സൗകര്യങ്ങളും എ.ജി.പിയുടെ ഓഫീസുമാണ് പ്രവര്‍ത്തിക്കുക.

Keywords: Court, Tirur, Malappuram, Chief Minster, കേരള, 
1:30 AM | 0 comments

തിരൂര്‍ കോടതി സമുച്ചയത്തിന്റെ ഉദ്ഘാനം വ്യാഴാഴ്ച

Written By Malappuram News on Tuesday, May 15, 2012 | 6:31 PM

തിരൂര്‍: മുനിസിപ്പാലിറ്റിയില്‍ ആധുനിക സജ്ജീകരണങ്ങോളോടുകൂടി നിര്‍മ്മിച്ച കോടതി സമുച്ചയത്തിന്റെ ഉദ്ഘാടനം നാളെ (മെയ് 17) വൈകീട്ട് 3 ന് കോടതി പരിസരത്ത് മുഖ്യമന്ത്രി ഉമ്മന്‍ചാണ്ടി നിര്‍വഹിക്കും. കേരള ഹൈക്കോടതി ജഡ്ജി ജസ്റ്റിസ് ആന്റണി ഡൊമിനിക്ക് അധ്യക്ഷത വഹിക്കും. എം.എ.സി.റ്റി കോടതിയുടെ താക്കോല്‍ദാനം പൊതുമരാമത്ത് വകുപ്പുമന്ത്രി വി.കെ.ഇബ്രാഹിംകുഞ്ഞും ജൂഡിഷല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയുടെ താക്കോല്‍ദാനം പട്ടികജാതി-പിന്നാക്ക വികസന ടൂറിസം മന്ത്രി എ.പി.അനില്‍കുമാറും നിര്‍വഹിക്കും. ഇ.ടി.മുഹമ്മദ് ബഷീര്‍ എം.പി, എം.എല്‍.എ. മാരായ സി. മമ്മൂട്ടി, അഡ്വ. എന്‍. ഷംസുദ്ദീന്‍ എന്നിവര്‍ മുഖ്യപ്രഭാഷണം നടത്തും. ജില്ലാപഞ്ചായത്ത് പ്രസിഡന്റ് സുഹ്‌റ മമ്പാട്, ജില്ലാ കലക്റ്റര്‍ എം.സി.മോഹന്‍ദാസ്, മുനിസിപ്പല്‍ ചെയര്‍പേഴ്‌സണ്‍ സഫിയ ടീച്ചര്‍, ബ്ലോക്ക് പഞ്ചായത്ത് പ്രസിഡന്റ് എം.അബ്ദുള്ളക്കുട്ടി, മുന്‍ എം.എല്‍.എ. പി.പി.അബ്ദുള്ളക്കുട്ടി, കൗണ്‍സിലര്‍ കെ.കെ.അബ്ദുള്‍സലാം എന്നിവര്‍ ആശംസ നേരും. പൊതുമരാമത്ത് വകുപ്പ് ചീഫ് എഞ്ചീനിയര്‍ പി.കെ.സതീശന്‍ റിപ്പോര്‍ട്ട് അവതരിപ്പിക്കും. ജില്ലാ ജഡ്ജി വി.ഷെര്‍സി സ്വാഗതവും ബാര്‍ അസോസിയേഷന്‍ പ്രസിഡന്റ് അഡ്വ.എം.കെ.മൂസാക്കുട്ടി നന്ദിയും പറയും.
190 ലക്ഷം രൂപ ചെലവഴിച്ചാണ് കോടതി കെട്ടിടം നിര്‍മിച്ചിരിക്കുന്നത്. മൂന്ന് നിലകളുള്ള കെട്ടിട സമുച്ചയത്തിന്റെ താഴത്തെ നിലയില്‍ എം.എ.സി.റ്റി കോടതിയും ജൂഡീഷ്യല്‍ ഫസ്റ്റ്കഌസ് മജിസ്‌ട്രേറ്റ് കോടതിയും ഒന്നാം നിലയില്‍ ഇവയുടെ ഓഫീസും അനുബന്ധ സൗകര്യങ്ങളും എ.പി.പി യുടെ ഓഫീസും പ്രവര്‍ത്തിക്കും. രണ്ടാം നിലയില്‍ അഡീഷണല്‍ ജില്ല സെഷന്‍സ് കോടതിയും അനുബന്ധ ഓഫീസ് സൗകര്യങ്ങളും എ.ജി.പിയുടെ ഓഫീസുമാണ് പ്രവര്‍ത്തിക്കുക. കെട്ടിടത്തിന്റെ മൊത്തം വിസ്തീര്‍ണ്ണം 2046 ച.മീറ്റര്‍.

Keywords:Court, Inauguration, Malappuram, Tirur, കേരള, 
6:31 PM | 0 comments

വിമാന യാത്രക്കാരന് നഷ്ട പരിഹാരം നല്‍കാന്‍ വിധി

Written By Malappuram News on Saturday, April 7, 2012 | 9:04 AM

മഞ്ചേരി: എയര്‍ ഇന്ത്യ വിമാനത്തില്‍ കുവൈറ്റില്‍ നിന്ന് കരിപ്പൂരിലേക്ക് വരികയായിരുന്നു യാത്രക്കാരന്‍ ഏല്‍പ്പിച്ച 25 കിലോ തൂക്കം വരുന്ന ബാഗ് നഷ്ടപ്പെട്ടതിന് 81500 രൂപ നല്‍കാന്‍ ജില്ലാ ഉപഭോക്തൃ തര്‍ക്ക പരിഹാരം പ്രസിഡന്റ് സി എസ് സുലൈഖാ ബീവി ഉത്തരവിട്ടു. പയ്യനാട് കൈനോട്ടില്‍ വലിയ വളപ്പില്‍ മുത്തുകോയങ്ങളുടെ പരാതിയിലാണ് വിധി. 2010 ഡിസംബര്‍ മൂന്നിനാണ് സംഭവം.
9:04 AM | 0 comments

പ്രകൃതി വിരുദ്ധ പീഡനം: ജാമ്യം നിഷേധിച്ചു

Written By Malappuram News on Wednesday, March 28, 2012 | 12:33 PM

മഞ്ചേരി: പതിനൊന്നുകാരനെ പ്രകൃതി വിരുദ്ധ പീഡനത്തിന് വിധേയനാക്കിയെന്ന കേസില്‍ പ്രതിയുടെ ജാമ്യാപേക്ഷ മഞ്ചേരി ജില്ലാ സെഷന്‍സ് കോടതി തള്ളി.
വെട്ടിക്കാട്ടിരി കൊല്ലപറമ്പന്‍ അമീര്‍ ഹുസൈന്‍ എന്ന അമീര്‍ (23) ന്റെ ജാമ്യാപേക്ഷയാണ് ജില്ലാ ജഡ്ജി വി ഷര്‍സി തള്ളിയത്. ഈമാസം ആറിനാണ് കേസിന്നാസ്പദമായ സംഭവം. ബാലന്‍ സ്‌കൂള്‍ വിട്ട് വീട്ടിലേക്ക് വരുന്ന വഴി വള്ളുവങ്ങാട് പാടത്തുവച്ച് ക്രൂരമായി ലൈംഗിക പീഡനത്തിന് വിധേയനാക്കിയെന്നാണ് കേസ്.
12:33 PM | 0 comments

ഭര്‍ത്താവിനെ കൊന്ന് യുവതിയെ ബലാല്‍സംഗം ചെയ്ത കേസ്: വിചാരണ തിങ്കളാഴ്ച

Written By Malappuram News on Sunday, March 25, 2012 | 6:00 PM

മഞ്ചേരി: കാട്ടില്‍ വിറക് ശേഖരിക്കാനും കുളിക്കുവാനുമായി പോയ ദമ്പതികളില്‍ ഭര്‍ത്താവിനെ തോട്ടിലേക്ക് തള്ളിയിട്ട് കൊലപ്പെടുത്തുകയും ഭാര്യയെ മാനഭംഗപ്പെടുത്തുകയും ചെയ്തുവെന്ന കേസില്‍ ജില്ലാ കോടതിയില്‍ തിങ്കളാഴ്ച വിചാരണആരംഭിക്കും. 1997 ഡിസംബര്‍ 19നാണ് കേസിനാസ്പദമായ സംഭവം. എടക്കരയില്‍ കാടിനകത്തുള്ള പാറയിലിരുന്ന് കാട്ടു കിഴങ്ങും ഞണ്ടും പുഴുങ്ങി തിന്നുകൊണ്ടിരിക്കയായിരുന്നു പട്ടിക പണിയ വര്‍ഗക്കാരനായ കുട്ടന്‍ എന്ന കുട്ടിവെള്ളനും ഭാര്യ ശാരദയും. ഈ സമയത്ത് ഇവിടേക്കു വന്ന പ്രതികളായ ചോയിക്കുന്നത്ത് നാരായണന്‍(53), പരട്ട ശ്രീനിവാസന്‍ (30) എന്നിവര്‍ കുട്ടിവെള്ളനെ അമിതമായി ചാരായം കുടിപ്പിക്കുകയും ശാരദയെ ബലാല്‍സംഗം ചെയ്യാന്‍ ശ്രമിക്കുകയും ചെയ്തു. ഇതിനെ കുട്ടിവെള്ളന്‍ എതിര്‍ത്തതോടെ ഇയാളെ തോട്ടിലേക്ക് തള്ളിയിട്ട ശേഷം ശാരദയെ ബലാല്‍സംഗം ചെയ്തുവെന്നും വെള്ളത്തിലേക്ക് വീണ കുട്ടന്‍ മരണപ്പെടുകയും ചെയ്തുവെന്നാണ് പ്രോസിക്യൂഷന്‍ കേസ്. കേസില്‍ രണ്ടാം പ്രതിയായ പരട്ട ശ്രീനിവാസന്‍ കേസന്വേഷണ വേളയില്‍ മരണപ്പെട്ടിരുന്നു. നിലമ്പൂര്‍ സി ഐയാണ് കേസന്വേഷണം നടത്തി കുറ്റപത്രം സമര്‍പ്പിച്ചത്.
6:00 PM | 0 comments

മലപ്പുറം - ഊട്ടി ബസ് വീണ്ടും ജപ്തി ചെയ്തു

Written By Malappuram News on Thursday, March 22, 2012 | 9:08 AM

മഞ്ചേരി: കോടതി വിധിയനുസരിച്ചുള്ള നഷ്ടപരിഹാരത്തുക കെട്ടിവെക്കുന്നതില്‍ കെ എസ് ആര്‍ ടി സി അധികൃതര്‍ വീഴ്ച വരുത്തിയതിനെ തുടര്‍ന്ന് മലപ്പുറം - ഊട്ടി റൂട്ടിലോടുന്ന കെ എല്‍ 15 7620 നമ്പര്‍ ബസ് കോടതി വീണ്ടും ജപ്തിചെയ്തു. പ്രതിദിനം 20,000 രൂപ വരെ കളക്ഷനുണ്ടാക്കു ന്ന ബസ് ഇതേ കാരണത്താ ല്‍ നിരവധി തവണ കോടതി ജപ്തി ചെയ്തിരുന്നു. വരുമാനമുള്ള ബസായതിനാല്‍ നഷ്ടപരിഹാരത്തുക ഉടന്‍ അടവാക്കി വീണ്ടെടുക്കാറാണ് പതിവ്. എട്ടുവര്‍ഷം മുമ്പ് മലപ്പുറത്ത് കെ എസ് ആര്‍ ടി സി ബസ് ഇടിച്ച് ബൈക്ക് യാത്രികന് പരുക്കേറ്റ കേസിലാണ് ഇപ്പോഴത്തെ ജപ്തി. ഈ കേസി ല്‍ മഞ്ചേരി മോട്ടോര്‍ ആക് സിഡണ്ട് ക്ലൈം ട്രിബ്യൂണല്‍ കോടതി 2009 ല്‍ 1, 77, 000 രൂപ നഷ്ടപരിഹാരം ന ല്‍കാന്‍ വിധിച്ചിരുന്നു. എ ന്നാല്‍ ഈ തുക കെട്ടിവെക്കാന്‍ കെ എസ് ആര്‍ ടി സി അധികൃതര്‍ തയ്യാറായില്ല. പലിശയും കോടതി ചെ ലവുമടക്കം ഈ തുക ഇ പ്പോള്‍ 2,55,000 രൂപയായി ട്ടുണ്ട്. പരുക്കേറ്റ മക്കര പറ മ്പ് തയ്യില്‍ മുഹമ്മദ് ഷേക്ക് (29) നാണ് തുക നല്‍കേണ്ടത്. എം എ സി ടി കോടതി ജഡ്ജി എസ് മനോഹര്‍ കി നിയുടെ ഉത്തരവനുസരിച്ച് ജില്ലാ കോടതി ആമീന്റെ നേതൃത്വത്തിലുള്ള സംഘമാണ് മലപ്പുറം ഡിപ്പോയില്‍ നിന്ന് ബസ് ജപ്തി ചെയ്തത്.
9:08 AM | 0 comments

സഹോദരിമാരെ പീഡിപ്പിച്ച യുവാവിന് ജാമ്യമില്ല

മഞ്ചേരി: എട്ട്, ഒമ്പത് വയസ്സുകാരായ സഹോദരിമാരെ ഇവര്‍ താമസിക്കുന്ന വാടക ക്വാര്‍ട്ടേഴ്‌സില്‍ നിന്നും പലതവണ ലൈംഗികമായി പീഡിപ്പിച്ചുവെന്ന കേസില്‍ റിമാന്റില്‍ കഴിയുന്ന യുവാവിന്റെ ജാമ്യാപേക്ഷ മഞ്ചേരി ജില്ലാ സെഷന്‍സ് കോടതി തള്ളി. കീഴിശ്ശേരി ആലിന്‍ചുവട് കരിവാരത്ത് മുഹമ്മദ് ഹനീഫ (31)ന്റെ ജാമ്യാപേക്ഷയാണ് ജില്ലാ ജഡ്ജി വി ഷേര്‍സി തള്ളിയത്. 2011 ഡിസംബര്‍ ഒന്നിന് പള്ളിക്കല്‍ ചെട്ടിയാര്‍മാടാണ് സംഭവം. തിരൂരങ്ങാടി സി ഐയാണ് പ്രതിയെ അറസ്റ്റ് ചെയ്തത്.
8:59 AM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers