Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label School. Show all posts
Showing posts with label School. Show all posts

പത്താം തരം തുല്യതാ കോഴ്‌സ്: രജിസ്‌ട്രേഷന്‍ ആരംഭിച്ചു

Written By Malappuram News on Friday, July 5, 2013 | 5:38 PM

മലപ്പുറം: സംസ്ഥാന സാക്ഷരതാ മിഷന്‍ പൊതുവിദ്യാഭ്യാസ വകുപ്പുമായി ചേര്‍ന്ന് നടത്തുന്ന പത്താംതരം തുല്യതാ കോഴ്‌സിന്റെ എട്ടാം ബാച്ചിലേക്കുള്ള രജിസ്‌ട്രേഷന്‍ ആരംഭിച്ചു. 17 വയസ്സ് പൂര്‍ത്തിയായ ഏഴാം തരം ജയിച്ചവര്‍ക്കും പത്താം തരത്തിന് മുമ്പ് പഠനം അവസാനിപ്പിച്ചവര്‍ക്കും പഴയ സ്‌കീമില്‍ പത്താംതരം പരാജയപ്പെട്ടവര്‍ക്കും പത്താം തരം തുല്യതാ കോഴ്‌സിന് ചേരാം. ഗ്രേഡിങ് സ്‌കീമില്‍ പത്താം തരം തോറ്റവര്‍ തുല്യതാ കോഴ്‌സിന് രജിസ്റ്റര്‍ ചെയ്യാന്‍ അര്‍ഹരല്ല.
അപേക്ഷാ ഫോമും പ്രോസ്‌പെക്റ്റസും ജില്ലാ സാക്ഷരതാ മിഷന്‍ ഓഫീസിലും വിദ്യാകേന്ദ്രങ്ങളിലും 100 രൂപയ്ക്ക് ലഭിക്കും. അപേക്ഷോയോടൊപ്പമുള്ള എസ്.ബി.ടി. ചലാന്‍ മുഖേനയാണ് ഫീസ് അടക്കേണ്ടത്. തദ്ദേശസ്വയംഭരണ സ്ഥാപനങ്ങളുടെ പദ്ധതി മുഖേന ചേരുന്നവര്‍ ഫീസടക്കേണ്ടതില്ല. രജിസ്റ്റര്‍ ചെയ്യുന്നവര്‍ക്ക് 10 മാസത്തെ പഠന കാലയളവില്‍ അവധി ദിവസ സമ്പര്‍ക്ക ക്ലാസുകള്‍ നടത്തുകയും സൗജന്യമായി പാഠപുസ്തകങ്ങളും നല്‍കും. രജിസ്റ്റര്‍ ചെയ്യേണ്ട അവസാന തീയതി ജൂലൈ 31. കൂടുതല്‍ വിവരം ഫോണ്‍ 0483 2734670.
5:38 PM | 0 comments

ജില്ലാ സ്‌കൂള്‍ കലോത്സവത്തിന് തിങ്കളാഴ്ച തിരശ്ശീല ഉയരും

Written By Malappuram News on Monday, December 3, 2012 | 8:25 AM

വണ്ടൂര്‍: 26-ാമത് മലപ്പുറം റവന്യൂ ജില്ലാ സ്‌കൂള്‍ കലോത്സവത്തിന് തിങ്കളാഴ്ച വണ്ടൂരില്‍ തിരശ്ശീല ഉയരും. കാല്‍ നൂറ്റാണ്ടിന് ശേഷം ആദ്യമായാണ് വണ്ടൂര്‍ ജില്ലാ കലോത്സവത്തിന് ആദ്യത്ത്യമരുളുന്നത്. ജില്ലയിലെ പതിനേഴ് ഉപജില്ലകളില്‍ നിന്നായി നാലായിരത്തോളം പ്രതിഭകളാണ് കലോത്സവത്തില്‍ പങ്കെടുക്കുന്നത്. ഇന്ന് രാവിലെ പത്ത് മണിയോടെ ആരംഭിക്കുന്ന ജില്ലാ കലോത്സവം ഇനി നാല് നാള്‍ വണ്ടൂരിന്റെ കൂടി ഉത്സവമാണ്.
ഇന്ന് വൈകീട്ട് നാലിന് വിനോദ സഞ്ചാര മന്ത്രി എ പി അനില്‍കുമാര്‍ കലോത്സവം ഔദ്യോഗീകമായി ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് സുഹ്്‌റ മമ്പാട് അധ്യക്ഷത വഹിക്കും. പി ശ്രീരാമകൃഷ്ണന്‍ എം എല്‍ എ മുഖ്യപ്രഭാഷണം നടത്തും. അഡ്വ. എം ഉമര്‍ എം എല്‍ എ കലോത്സവ പ്രത്യേക പതിപ്പ് പ്രകാശനം ചെയ്യും. തുടര്‍ന്ന് പോലീസിന്റെ ട്രാഫിക് ബോധവല്‍ക്കരണ നാടകവും അരങ്ങേറും.
മുന്‍വര്‍ഷത്തെ അപേക്ഷിച്ച് വര്‍ഷത്തെ അപേക്ഷിച്ച് പതിനഞ്ച് പുതിയ ഇനങ്ങള്‍ ഉള്‍പ്പെടുത്തിയിട്ടുണ്ട്. വണ്ടൂര്‍ ഗവ.ഗേള്‍സ് ഹയര്‍സെക്കന്‍ഡറി സ്‌കൂളിലാണ് പ്രധാന വേദി. കൂടാതെ പന്ത്രണ്ട് വേദികളും 21 ഹാളുകളുമാണ് കലോത്സവത്തിനായി സജ്ജമാക്കിയിട്ടുള്ളത്. അറബി, സംസ്‌കൃതം, കലാ സാഹിത്യ മേളകള്‍ എന്നിവക്ക് പുറമെ ഉറുദു ഇനങ്ങളും ഉള്‍പ്പെടുത്തി നടത്തുന്ന ആദ്യ ജില്ലാ കലോത്സവമാണിത്.
തുടര്‍ന്ന് പ്രധാന വേദിയില്‍ ആണ്‍കുട്ടികളുടെയും പെണ്‍കുട്ടികളുടെയും ഹൈസ്‌കൂള്‍, ഹയര്‍സെക്കന്‍ഡറി കഥകളി നടക്കും. അതെസമയം വേദി രണ്ട് മുതല്‍ മറ്റു വേദികളില്‍ രാവിലെ മുതല്‍ക്കെ മത്സരങ്ങള്‍ ആരംഭി്ക്കും. ഹൈസ്‌കൂള്‍,ഹയര്‍സെക്കണ്ടറി വിഭാഗം പൂരക്കളിയും പരിചമുട്ടുകളിയും എന്നിവയാണ് വേദി രണ്ടില്‍ ഇന്ന് നടക്കുന്ന മത്സരങ്ങള്‍. വേദി മൂന്നില്‍ ദഫ്്മുട്ട്, അറബന മുട്ടുമാണ് ഇന്ന് നടക്കുക.കൂടാതെ ഇത്തവണ പുതുതായി ഉള്‍പ്പെടുത്തിയ വഞ്ചിപ്പാട്ട്ചവിട്ടുനാടകം എന്നിവ ആറാം വേദിയിലും ചെണ്ടമേളം,പഞ്ചവാദ്യം,മദ്ദളം എന്നിവ വേദി ഏഴിലും നടക്കു ം.കൂടാതെ മറ്റുള്ള 21 ഹാളുകളില്‍ വിവിധ രചനാമത്സരങ്ങളും നടക്കും.ഒരേ സമയം ആയിരം പേര്‍ക്ക് ഇരിക്കാവുന്ന വിധം വണ്ടൂര്‍ വി എം സി ഹയര്‍സെക്കന്‍ഡറി സ്‌കൂള്‍ മൈതാനത്ത് ഊട്ടുപുരയും നിര്‍മിച്ചിട്ടുണ്ട്.
8:25 AM | 0 comments

വീണ്ടും എടപ്പാള്‍...

Written By Kvartha Delta on Thursday, November 29, 2012 | 8:45 PM

Malappuram, School Kalolsavam, Kerala, Winners, Team, Spots, Malayalam News
ജില്ലാ കായിക മേളയില്‍ ഓവറോള്‍ ചാമ്പ്യന്‍ഷിപ്പ് നേടിയ എടപ്പാള്‍ സബ്ജില്ലാ ടീം
തിരൂര്‍: ഒടുവില്‍ കൗമാര കായിക മാമാങ്കത്തിന്റെ കിരീടമണിഞ്ഞ് എടപ്പാള്‍ ഉപജില്ല മൂന്നാമതും കരുത്ത് തെളിയിച്ചു. താഴെപ്പാലം മുനിസിപ്പല്‍ സ്‌റ്റേഡിയത്തിലെ തിങ്ങിനിറഞ്ഞ പുരുഷാരത്തെ സാക്ഷിനിര്‍ത്തി പ്രതിഭകള്‍ ഓവറോള്‍ ട്രോഫി ഏറ്റുവാങ്ങിയപ്പോള്‍ നീണ്ടകരഘോഷത്തിനൊപ്പം നടന്ന വെടിക്കെട്ടും മൈതാനത്തെ ത്രസിപ്പിച്ചു. കടകശ്ശേരി ഐഡിയല്‍ സ്‌കൂളിന്റെ അതിശക്തമായ പിന്തുണയോടെയാണ് എടപ്പാളിന് ഈ മിന്നും വിജയം സ്വന്തമായത്.

മേളയുടെ മൂന്ന് ദിനങ്ങളിലും ട്രാക്കിലും ഫീല്‍ഡിലും നിറഞ്ഞ് നിന്ന ഐഡിയല്‍ താരങ്ങള്‍ വേഗതയില്‍ തങ്ങളെ വെല്ലാന്‍ ആരുമില്ലെന്ന് ഒരിക്കല്‍കൂടി തെളിയിച്ചു. 33 സ്വര്‍ണം, 28 വെള്ളി, 21 വെങ്കലം എന്നിവയടക്കം 286 പോയിന്റ് നേടിയാണ് എടപ്പാള്‍ ഒന്നാമതെത്തിയത്.

ഇതില്‍ 21 സ്വര്‍ണം, 17 വെള്ളി, 17 വെങ്കലം എന്നിവയടക്കം 173 പോയിന്റ് സംഭാവന ചെയ്തത് ഐഡിയലാണ്. ആതിഥോയരായ തിരൂരാണ് രണ്ടാംസ്ഥാനത്ത്. 11 സ്വര്‍ണം, 12 വെള്ളി, 10 വെങ്കലം എന്നിങ്ങനെ 110 പോയന്റാണ് തിരൂര്‍ ഉപജില്ലയുടെ സമ്പാദ്യം. തിരുനാവായ നവാമുകുന്ദ ഹയര്‍സെക്കന്‍ഡറി സ്‌കൂളാണ് ആതിഥേയരുടെ മികവിന് ആധാരമായത്. പൂക്കൊളത്തൂര്‍ സി.എച്ച്.എം.എച്ച്.എസിന്റെ തോളിലേറിയാണ് മുന്നാം സ്ഥാനത്തെത്തിയ കിഴിശ്ശേരിക്ക് 88 പോയന്റ് നേടാനായത്. 11 സ്വര്‍ണവും അഞ്ച് വെള്ളിയും ഒമ്പത് വെങ്കലവും ആണ് കിഴിശ്ശേരിയുടെ നേട്ടം.

വൈകിട്ട് അഞ്ച് മണിയോടെ തന്നെ മത്സരങ്ങള്‍ സമാപിച്ചു. തുടര്‍ന്ന് ജില്ലാ വിദ്യാഭ്യാസ ഓഫീസര്‍ ഗിരീഷ് ചോലയില്‍ വിജയികള്‍ക്കുള്ള ട്രോഫികള്‍ വിതരണം ചെയ്തു. ഡി.ഡി.ഇ. കെ.സി. ഗോപി, പ്രോഗ്രാം സെക്രട്ടറി ഹസന്‍കോയ, കണ്‍വീനര്‍ കെ.പി. പ്രശാന്ത്, തുടങ്ങിയവര്‍ ചടങ്ങില്‍ സംസാരിച്ചു.

Keywords: Malappuram, School Kalolsavam, Kerala, Winners, Team, Spots, Malayalam News, Edappal.
8:45 PM | 0 comments

സംസ്ഥാന സ്‌കൂള്‍ കലോത്സവം: ലോഗോ പ്രകാശനം ചെയ്തു

Written By Malappuram News on Sunday, November 18, 2012 | 7:11 PM

മലപ്പുറം: 53ാമത് സംസ്ഥാന സ്‌കൂള്‍ കലോത്സവത്തിന്റെ ലോഗോ തയ്യാറാക്കിയത് കോഴിക്കോട് ഉള്ളേരിയിലെ പാലോറ ഹയര്‍ സെക്കന്‍ഡറി സ്‌കൂളിലെ ചിത്രകലാ അധ്യാപകനായ പി.സതീഷ് കുമാറാണ്. ജില്ലയിലെ ജനപ്രതിനിധികളും ജില്ലാ ഭരണകൂടവും അധ്യാപകരും അധ്യാപക സംഘടനകളും വിദ്യാര്‍ഥികളും വിവിധ കമ്മിറ്റി ഭാരവാഹികളും ചേര്‍ന്ന് ഏഷ്യയിലെ ഏറ്റവും വലിയ കലോത്സവത്തെ ചരിത്രത്തിലെ ഏറ്റവും മനോഹരമായ ഒന്നാക്കി തീര്‍ക്കാനുള്ള യജ്ഞത്തിന് മാറ്റ് കൂട്ടുന്നതാണ് ലോഗോ. ഇന്ന് മുതല്‍ കലോത്സവത്തിന്റെ ആരവങ്ങള്‍ തീരുന്നതുവരെ ഈ ലോഗോ ആയിരിക്കും പത്ര-ദൃശ്യ- മാധ്യമങ്ങളില്‍ നിറഞ്ഞ് നില്‍ക്കുക.നിരവധി പദ്ധതികള്‍ക്കും കോഴിക്കോട് ജില്ലാ കലോത്സവത്തിനും സതീഷ് കുമാറിന്റെ രചനകള്‍ തെരഞ്ഞെടുക്കപ്പെട്ടിട്ടുണ്ടെങ്കിലും ആദ്യമായാണ് സംസ്ഥാന സ്‌കൂള്‍ കലോത്സവത്തിന്റെ ലോഗോയായി തെരഞ്ഞെടുക്കുന്നത്.
P Satheesh Kumar

2004-05, 2005-06, 2010-11, 2012-13, കോഴിക്കോട് റവന്യൂ ജില്ലസ്‌കൂള്‍ കലോത്സവം, 2007-08 സംസ്ഥാന ഹയര്‍ സെക്കന്‍ഡറി കലോത്സവം, 2011-12, 2012-13 ബാലുശ്ശേരി ഉപജില്ലാ സ്‌കൂള്‍ കലോത്സവം,2011-12 കൊയിലാണ്ടി ഉപജില്ലാ സ്‌കൂള്‍ കലോത്സവം, കൊയിലാണ്ടി ഗവ.ഗേള്‍സ് ഹയര്‍സെക്കന്‍ഡറി 100-ാം വാര്‍ഷികത്തിന്റെ ലോഗോ, കൂടാതെ കോഴിക്കോട് ജില്ലാ ഭരണ കൂടം നടപ്പിലാക്കുന്ന സ്‌നേഹസംഗമം(കുറ്റിച്ചിറ മിസ്‌ക്കാല്‍ പള്ളി+ തളി zമഹാശിവക്ഷേത്രം സംഗമം), സ്പര്‍ശം (സ്‌പെഷല്‍ പ്രോവെര്‍ട്ടി ഇറാഡിക്കേഷന്‍ പ്രഗ്രാം ഫോര്‍ മാറാട്), സ്വാഭിമാന്‍(മാന്യുല്‍ തൊഴിലാളികളെ ലഭ്യമാക്കുന്ന പ്രൊജക്റ്റ്), നോട്ട് ഔട്ട്(ഗവ.സര്‍വീസില്‍നിന്നും വിരമിച്ചവര്‍ക്കായുള്ള വേദി- പ്രൊജക്റ്റ്), പ്രിസം കോഴിക്കോട്(കോഴിക്കോട് 2 നിയമസഭാ മണ്ഡലത്തിലെ വിദ്യാഭ്യാസ സ്ഥാപനങ്ങള്‍ക്കായുള്ള സ്ഥലം എ.എല്‍.എയുടെ പ്രൊജക്റ്റ്) കൂടാതെ സ്വദേശത്തും വിദേശത്തും വിവിധ വ്യാപാരസ്ഥാപനങ്ങള്‍ക്കായും ലോഗോ രൂപകല്‍പന ചെയ്തിട്ടുണ്ട്.

7:11 PM | 0 comments

മലപ്പുറം ജില്ലാ സ്‌കൂള്‍ കലോത്സവം: സ്വാഗതസംഘം രൂപവത്കരിച്ചു

Written By Kvartha Delta on Wednesday, October 17, 2012 | 10:14 PM

Malappuram, School, Festival, Kerala, Celebration Committee
മലപ്പുറം: ഡിസംബര്‍ മൂന്ന് മുതല്‍ ആറ് വരെ വണ്ടൂരില്‍ നടക്കുന്ന ജില്ലാ സ്‌കൂള്‍ കലോത്സവത്തിന്റെ സ്വാഗതസംഘം രൂപവത്കരിച്ചു. ഗ്രാമ പഞ്ചായത്ത് പ്രസിഡന്റ് ബീന ഉദ്ഘാടനം ചെയ്തു. ആയിരക്കണക്കിന് പ്രതിഭകള്‍ മാറ്റുരക്കുന്ന ജില്ലാ കലോത്സവത്തിന് പതിനഞ്ച് ലക്ഷത്തോളം ചിലവ് വരുമെന്നാണ് കണക്കാക്കുന്നത്.

ഫണ്ട് കണ്ടെത്താന്‍ പൊതുജനങ്ങളില്‍ നിന്നും സ്ഥാപനങ്ങളില്‍ നിന്നും സംഭാവന സ്വീകരിക്കാനും തീരുമാനിച്ചു. കൂടാതെ യു പി, ഹൈസ്‌കൂള്‍, ഹയര്‍ സെക്കന്‍ഡറി വിഭാഗങ്ങളില്‍ നിന്നായി യഥാക്രമം മൂന്ന്, ആറ്, അഞ്ച് രൂപ വീതം പിരിച്ചെടുക്കാനും യോഗത്തില്‍ തീരുമാനമായി. പരിപാടിയുടെ മുഖ്യരക്ഷാധികാരികളായി കേന്ദ്രമന്ത്രി ഇ അഹമ്മദ്, വിദ്യാഭ്യാസ മന്ത്രി പി കെ അബ്ദുര്‍റബ്ബ്, മന്ത്രിമാരായ ആര്യാടന്‍ മുഹമ്മദ്, എ പി അനില്‍കുമാര്‍, മഞ്ഞളാംകുഴി അലി എന്നിവരെ തിരഞ്ഞെടുത്തു.

രക്ഷാധികാരികളായി എം ഐ ഷാനവാസ് എം പി, ഇ ടി മുഹമ്മദ് ബശീര്‍ എന്നിവര്‍ക്ക് പുറമെ ജില്ലയില്‍ നിന്നുള്ള മുഴുവന്‍ എം എല്‍ എമാരെയും തിരഞ്ഞെടുത്തു. ചെയര്‍പേഴ്‌സണായി ജില്ലാ പഞ്ചായത്ത് പ്രസിഡന്റ് സുഹറ മമ്പാടിനെയും വൈസ് ചെയര്‍മാന്മാരായി ജില്ലാ പഞ്ചായത്ത് വെസ് പ്രസിഡന്റ് പി കെ കുഞ്ഞു, വണ്ടൂര്‍ ബ്ലോക്ക് പഞ്ചായത്ത് പ്രസിഡന്റ് കെ അജിത, ഗ്രാമ പഞ്ചായത്ത് പ്രസിഡന്റ് ബീന, കെ പി ജല്‍സീമിയ, ബീന, എം കെ ഖദീജ എന്നിവരെ തിരഞ്ഞെടുത്തു. ജില്ലാ വിദ്യാഭ്യാസ ഡെപ്യൂട്ടി ഡയറക്ടര്‍ കെസി ഗോപിയാണ് ജനറല്‍ കണ്‍വീനര്‍. കലോത്സവത്തിന്റെ ലോഗോ ക്ഷണിച്ചുള്ള അറിയിപ്പ് ഉടന്‍ ഉണ്ടാകുമെന്നും സംഘാടകര്‍ അറിയിച്ചു.

Keywords: Malappuram, School, Festival, Kerala, Celebration Committee
10:14 PM | 0 comments

ബി.എ അറബിക് സീറ്റൊഴിവ്

Written By mvarthasubeditor on Thursday, July 5, 2012 | 12:44 AM

മലപ്പുറം: തിരൂര്‍ തുഞ്ചന്‍ മെമ്മോറിയല്‍ ഗവ. കോളെജില്‍ ഒന്നാം വര്‍ഷ ബി.എ അറബിക് ഡിഗ്രി ക്ലാസില്‍ പട്ടികജാതി-വര്‍ഗ വിഭാഗങ്ങള്‍ക്ക് സംവരണം ചെയ്ത സീറ്റുകളില്‍ ഒഴിവുണ്ട്.

കോളെജില്‍ നേരത്തെ അപേക്ഷിച്ചിട്ടുള്ള പട്ടികജാതി-വര്‍ഗ വിദ്യാര്‍ഥികള്‍ രേഖകളുമായി ജൂലൈ ആറിന് രാവിലെ 11 ന് എത്തണമെ് പ്രിന്‍സിപ്പല്‍ അറിയിച്ചു.
12:44 AM | 0 comments

സൗജന്യ യൂനിഫോം നാലിലൊന്ന് വിദ്യാര്‍ത്ഥികള്‍ക്ക് മാത്രം

Written By mvarthasubeditor on Tuesday, July 3, 2012 | 6:00 PM

മലപ്പുറം: കേന്ദ്ര വിദ്യാഭ്യാസ അവകാശ നിയമമനുസരിച്ച് ഇന്ത്യയിലെ മുഴുവന്‍ വിദ്യാര്‍ത്ഥികള്‍ക്കും നല്‍കുന്ന സൗജന്യ യൂനിഫോം കേരളത്തില്‍ നാലിലൊന്ന് വിദ്യാര്‍ത്ഥികള്‍ക്ക് മാത്രമേ ലഭിക്കാനിടയുള്ളൂ.

ഗവണ്‍മെന്റ് സ്‌കൂളുകളില്‍ പഠിക്കുന്ന വിദ്യാര്‍ഥികള്‍ക്ക് മാത്രമേ യൂണിഫോം നല്‍കേണ്ടതുള്ളൂ എന്ന കേന്ദ്രഗവണ്‍മെന്റ് തീരുമാനമാണ് കേരളത്തിന് തിരിച്ചടിയായത്. ഗവണ്‍മെന്റ്, എയ്ഡഡ്, അണ്‍ എയ്ഡഡ് എന്നീ മൂന്നു തരം വിദ്യാലയങ്ങളാണ് കേരളത്തിലെ പൊതുവിദ്യാഭ്യാസ രംഗത്തുള്ളത്. ഇതില്‍ 67 ശതമാനം വിദ്യാര്‍ഥികളും പഠിക്കുന്നത് എയിഡഡ്/അണ്‍ എയ്ഡഡ് മേഖലകളിലാണ്. അഥവാ കേന്ദ്ര നിയമ പ്രകാരം 33 ശതമാനം വരുന്ന ഗവണ്‍മെന്റ് സ്‌കൂളുകളിലെ പെണ്‍കുട്ടികള്‍, എസ് സി/എസ് ടി കുട്ടികള്‍ ദാരിദ്ര്യരേഖക്കു താഴെയുള്ള ആണ്‍ കുട്ടികള്‍ എന്നിവര്‍ക്കു മാത്രമേ സൗജന്യ യൂണിഫോം ലഭിക്കാന്‍ അര്‍ഹതയുള്ളൂ. ഇത് മൊത്തം വിദ്യാര്‍ഥികളുടെ എണ്ണത്തിന്റെ 25 ശതമാനം മാത്രമേ വരൂ.
വിദ്യാഭ്യാസ അവകാശ നിയമവുമായി ബന്ധപ്പെട്ട് കേരളത്തില്‍ പരിശോധനക്കെത്തിയ മാനവവിഭവശേഷി മന്ത്രാലയത്തിലെ ഉദ്യാഗസ്ഥര്‍ കേരളത്തിലെ എയ്ഡഡ് സംവിധാനത്തെക്കുറിച്ച് അതിശയം പ്രകടിപ്പിക്കുകയാണ് ചെയ്തത്. കേരളത്തിലെ ഇത്തരം വിദ്യാലയങ്ങള്‍ ഗവണ്‍മെന്റ് ഏറ്റെടുക്കുകയോ പ്രൈവറ്റ് അണ്‍ എയ്ഡഡ് മേഖലയിലേക്ക് മാറ്റുകയോ ചെയ്യണമെന്നാണ് അവര്‍ റിപ്പോര്‍ട്ട് സമര്‍പ്പിച്ചിട്ടുള്ളത്. എയ്ഡഡ് സ്‌കൂളിലെ കുട്ടികള്‍ക്കും യൂണിഫോം ലഭ്യമാക്കും എന്ന് ഇടക്ക് വിദ്യാഭ്യാസ മന്ത്രിയുടെ പ്രഖ്യാപനം ഉണ്ടായിരുന്നുവെങ്കിലും മാനവവിഭവ ശേഷി മന്ത്രാലയത്തിന്റെ ഈ നിലപാടു കാരണമാണ് ഇത് നടക്കാതെ പോയത്.
അധ്യയന വര്‍ഷം തുടങ്ങി ഒരു മാസം പിന്നിട്ടിട്ടും ഒരു സ്‌കൂളിലും ഇതു വരെ യൂണിഫോം വിതരണം നടന്നിട്ടില്ല. 

ബി പി എല്‍ കുട്ടികളെ കണ്ടെത്തി കണക്ക് സമര്‍പ്പിച്ച് പ്രധാനാധ്യാപകര്‍ കാത്തിരിപ്പ് തുടങ്ങിയിട്ട് ആഴ്ചകളായി. ഒരു കുട്ടിക്ക് രണ്ട് ജോഡി യൂണിഫോം വാങ്ങാന്‍ 400 രൂപ തോതില്‍ ബി ആര്‍ സി കളില്‍ പണം എത്തിയിട്ടുണ്ടെങ്കിലും നടപടിക്രമങ്ങളിലെ കാലതാമസമാണ് യൂണിഫോം വൈകുന്നത്. സര്‍ക്കാര്‍ നേരത്ത പുറപ്പെടുവിച്ച സര്‍ക്കുലര്‍ പ്രകാരം ജൂലൈ ഒന്നിന് സര്‍ക്കാര്‍ നല്‍കിയ യൂണിഫോം ധരിച്ച് വേണം കുട്ടികള്‍ സ്‌കൂളിലെത്താന്‍. എന്നാല്‍ ഓഗസ്റ്റ് ഒന്നിന് പോലും ഈ യൂനിഫോം ധരിച്ച് കുട്ടികള്‍ക്ക് സ്‌കൂളിലെത്താന്‍ കഴിയുമെന്ന് കരുതുന്നില്ലെന്ന്് അധ്യാപകര്‍ പറയുന്നു.
യൂണിഫോം എങ്ങനെ വാങ്ങി നല്‍കണമെന്ന കാര്യത്തില്‍ ഇനിയും വ്യക്തത വന്നിട്ടില്ലെന്നും ആക്ഷേപമുണ്ട്. എസ് എസ് എ യുടെ പര്‍ച്ചേസ് മാന്വല്‍ അനുസരിച്ച് ഹെഡ്മാസ്റ്ററും പി ടി എ പ്രസിഡന്റും രണ്ട് ജോഡി യൂണിഫോം വാങ്ങി നല്‍കണമെന്നായിരുന്നു ആദ്യ നിര്‍ദേശം. അധ്യയന വര്‍ഷം ആരംഭിച്ചു കഴിഞ്ഞ സ്ഥിതിക്ക് യൂണിഫോം വാങ്ങിയ കുട്ടികള്‍ ബില്ല് ഹാജരാക്കിയാല്‍ പണം നല്‍കാമെന്ന നിര്‍ദേശം പിന്നീട് പുറപ്പെടുവിച്ചെങ്കിലും യൂനിഫോം തന്നെ വാങ്ങി നല്‍കണമെന്നും കേന്ദ്ര ടെക്‌സ്റ്റൈല്‍ കോര്‍പ്പറേഷനില്‍ നിന്നാണ് യൂണിഫോം വാങ്ങേണ്ടതെന്നുമാണ് പുതിയ നിര്‍ദേശം. ആശയക്കുഴപ്പം തീര്‍ന്ന് ഹെഡ്മാസ്റ്റര്‍മാര്‍ ചെക്ക് കൈപ്പറ്റി യൂണിഫോം വാങ്ങി നല്‍കുമ്പോഴേക്കും അധ്യയന വര്‍ഷം മൂന്നിലൊന്ന് പിന്നിടും.

English Summery
Free uniform: One forth to students 
6:00 PM | 0 comments

സ്‌കൂളുകളുടെ അടിസ്ഥാന സൗകര്യം വര്‍ധിപ്പിക്കും: വിദ്യാഭ്യാസ മന്ത്രി.

Written By mvarthasubeditor on Monday, July 2, 2012 | 1:00 AM

മലപ്പുറം: സര്‍ക്കാര്‍ ഫണ്ടും ജനപ്രതിനിധികളുടെ ഫണ്ടും ഉപയോഗിച്ച് പി.റ്റി.എയുടെ സഹായത്തോടെ സ്‌കൂളുകളുടെ അടിസ്ഥാന സൗകര്യങ്ങള്‍ വര്‍ദ്ധിപ്പിക്കുമെന്ന് വിദ്യാഭ്യാസ മന്ത്രി അബ്ദുറബ്ബ് പറഞ്ഞു.

15 കോടി ചെലവഴിച്ച് 'ഫ്യൂച്ചര്‍ സ്‌കൂള്‍' പദ്ധതി നടപ്പിലാക്കും. പദ്ധതിയില്‍ മണ്ഡലത്തിലെ ഒരു സ്‌കൂളില്‍ ലൈബ്രറി, ലാബ്, കംപ്യൂട്ടര്‍ ലാബ് തുടങ്ങിയവയും മറ്റ് അടിസ്ഥാന സൗകര്യങ്ങളും വര്‍ദ്ധിപ്പിക്കും. ശാരീരിക-മാനസിക പീഡനങ്ങളേല്‍പ്പിക്കുന്ന അധ്യാപകരെ അധ്യാപനത്തില്‍നിന്ന് ഒഴിവാക്കുന്നതുള്‍പ്പെടെയുള്ള കര്‍ശന നടപടികള്‍ സ്വീകരിക്കും. പുതിയ വിദ്യാഭ്യസ ജില്ലകള്‍ രൂപീകരിക്കും. ഹയര്‍സെക്കന്‍ഡറി വിദ്യാഭ്യാസം കാര്യക്ഷമമാക്കുന്നതിന് ജില്ലാ തലത്തില്‍ ഓഫീസുകളാരംഭിക്കും. 

പ്രീ മെട്രിക് സ്‌കോളര്‍ഷിപ്പിനുള്ള അപേക്ഷകള്‍ ഓണ്‍ലൈനില്‍ നല്‍കാനുള്ള സംവിധാനമൊരുക്കും. എറ്റവും നല്ല പി.റ്റി.എ കമ്മിറ്റിക്ക് സ്‌കൂളിന്റെ വികസന പ്രവര്‍ത്തനങ്ങള്‍ക്ക് അഞ്ച് ലക്ഷം രൂപയും തെരഞ്ഞെടുക്കുന്ന മറ്റ് പി.റ്റി.എ കമ്മിറ്റികള്‍ക്ക് യഥാക്രമം നാല്, മൂന്ന്, രണ്ട്, ഒരു ലക്ഷം വീതവും നല്‍കുമെന്നും ബദല്‍ സ്‌കൂളുകള്‍ എല്‍.പി. സ്‌കൂളുകളായി ഉയര്‍ത്തുമെന്നും മന്ത്രി പറഞ്ഞു.
പി.ഉബൈദുള്ള എം.എല്‍.എ. അധ്യക്ഷനായി. ജില്ലാ പഞ്ചായത്ത് പ്രസിഡന്റ് സുഹറ മമ്പാട്, ജില്ലാ കലക്റ്റര്‍ എം.സി.മോഹന്‍ദാസ്, ജില്ലാ പഞ്ചായത്ത് വൈസ് പ്രസിഡന്റ് പി.കെ.കുഞ്ഞു, നഗരസഭ ചെയര്‍മാന്‍ കെ.പി.മുഹമ്മദ് മുസ്തഫ, ബ്ലോക്ക് പഞ്ചായത്ത് പ്രസിഡന്റ് റ്റി.റ്റി. കോയാമ്മു, പരീക്ഷാഭവന്‍ ജോ.കമ്മീഷണര്‍ വൈ.തങ്കച്ചന്‍, പരീക്ഷാഭവന്‍ സെക്രട്ടറി ജോണ്‍സ് വി.ജോണ്‍,വിദ്യാഭ്യാസ ഡെപ്യൂട്ടി ഡയറക്ടര്‍ കെ.സി.ഗോപി, ജില്ലാ വിദ്യാഭ്യാസ ഓഫീസര്‍ പി.സഫറുള്ള, ജനപ്രതിനിധികള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

English Summery
Will increase basic needs in schools: PK Abdu Rub
1:00 AM | 0 comments

സ്‌കൂള്‍ സര്‍ട്ടിഫിക്കറ്റുകളിലെ തിരുത്തല്‍: പരീക്ഷാ ഭവന്‍ അദാലത്ത് 30 ന്

Written By mvarthasubeditor on Friday, June 29, 2012 | 9:45 PM

മലപ്പുറം: പൊതു പരീക്ഷാകമ്മീഷണറുടെ കാര്യാലയവുമായി ബന്ധപ്പെട്ട എസ്.എസ്.എല്‍.സി-മറ്റ് യോഗ്യതാ സര്‍ട്ടിഫിക്കറ്റുകള്‍ തിരുത്തുന്നതുമായി ബന്ധപ്പെട്ട നടപടികള്‍ ലഘൂകരിക്കുന്നതിനും സര്‍ട്ടിഫിക്കറ്റ് സമയബന്ധിതമായി ലഭിക്കുന്നതിനും പരീക്ഷാഭവന്റെ നേതൃത്വത്തില്‍ എല്ലാ ജില്ലകളിലും 'സ്‌പെഷന്‍ അദാലത്ത് ഫോര്‍ പരീക്ഷാഭവന്‍' നടത്തുന്നു. അദാലത്തിന്റെ സംസ്ഥാനതല ഉദ്ഘാടനം ജൂണ്‍ 30 ന് രാവിലെ 10 ന് മലപ്പുറം ഗവ. ഗേള്‍സ് ഹയര്‍ സെക്കന്‍ഡറി സ്‌കൂളില്‍ വിദ്യാഭ്യാസ മന്ത്രി പി.കെ.അബ്ദുറബ്ബ് നിര്‍വഹിക്കും.
പി.ഉബൈദുള്ള എം.എല്‍.എ. അധ്യക്ഷനാവുന്ന ചടങ്ങില്‍ ജില്ലാ പഞ്ചായത്ത് പ്രസിഡന്റ് സുഹറ മമ്പാട് സര്‍ട്ടിഫിക്കറ്റുകള്‍ വിതരണം ചെയ്യും. ജില്ലാ കലക്റ്റര്‍ എം.സി.മോഹന്‍ദാസ്, ജില്ലാ പഞ്ചായത്ത് വൈസ് പ്രസിഡന്റ് പി.കെ.കുഞ്ഞു, നഗരസഭ ചെയര്‍മാന്‍ കെ.പി.മുഹമ്മദ് മുസ്തഫ, ജില്ലാ പഞ്ചായത്ത് വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ കെ.പി.ജല്‍സീമിയ, പരീക്ഷാഭവന്‍ ജോ.കമ്മീഷണര്‍ വൈ.തങ്കച്ചന്‍, വിദ്യാഭ്യാസ ഡെപ്യൂട്ടി ഡയറക്ടര്‍ കെ.സി.ഗോപി, ജനപ്രതിനിധികള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുക്കും. പരീക്ഷാഭവന്‍ സെക്രട്ടറി ജോണ്‍സ് വി.ജോണ്‍ പദ്ധതിയെക്കുറിച്ച് വിശദീകരിക്കും.
ജനന തീയതിയിലെ പിഴവ്, വിദ്യാര്‍ഥികളുടെയും രക്ഷിതാക്കളുടെയും പേര്, ജനന സ്ഥലം, മാര്‍ക്ക്, ജാതി, മതം, ലിംഗം, വിലാസം, തിരിച്ചറിയല്‍ അടയാളം തുടങ്ങിയവ തിരുത്തുന്നതുമായി ബന്ധപ്പെട്ട അപേക്ഷകളാണ് അദാലത്തില്‍ പരിഗണിക്കുക. അദാലത്തില്‍ ലഭിക്കുന്ന അപേക്ഷകള്‍ക്ക് രശീതി നല്‍കി പരമാവധി 30 ദിവസത്തിനകം സര്‍ട്ടിഫിക്കറ്റുകള്‍ വിതരണം ചെയ്യും. തിരുത്തലിന് ആവശ്യമായ രേഖകള്‍ ബന്ധപ്പെട്ട സ്‌കൂള്‍ പ്രധാനധ്യാപകന്‍ മുഖേന നല്‍കണം. അപേക്ഷാ ഫോം സലൃമഹമുമൃലലസവെമയവമ്മി.ശി ല്‍ ലഭിക്കും.
9:45 PM | 0 comments

എം.എസ്.പി. സ്‌കൂളില്‍ സ്മാര്‍ട്ട് ക്ലാസ് റൂം

മലപ്പുറം: എം.എസ്.പി. ഇംഗ്ലീഷ് മീഡിയം ഹൈസ്‌കൂളില്‍ സ്മാര്‍ട്ട് ക്ലാസ് റൂമുകളുടെ ഉദ്ഘാടനം ജൂണ്‍ 29ന് രാവിലെ 10 ന് സംസ്ഥാന പൊലീസ് മേധാവി ജേക്കബ് പുന്നൂസ് നിര്‍വഹിക്കും. 

തൃശൂര്‍ ഐ.ജി. എസ്.ഗോപിനാഥ് അധ്യക്ഷനാവും. ജില്ലാ പൊലീസ് മേധാവി കെ.സേതുരാമന്‍, എം.എസ്.പി. കമാണ്ടന്റ് യു.ഷറഫലി, വിദ്യാഭ്യാസ ഡെപ്യൂട്ടി ഡയറക്ടര്‍ കെ.സി.ഗോപി, പി.റ്റി.എ. പ്രസിഡന്റ് പി.ചന്ദ്രശേഖരന്‍, പ്രധാനധ്യാപകന്‍ പി.സുകുമാരന്‍ എന്നിവര്‍ സംസാരിക്കും.
ക്ലാസ്‌റൂമുകള്‍ ഡിജിറ്റലൈസ് ചെയ്യുന്നതിന്റെ ഭാഗമായി ടച്ച് സ്‌ക്രീന്‍ സംവിധാനമാണ് ആദ്യഘട്ടത്തില്‍ ഒരുക്കുന്നത്. പ്രൈമറി തലം മുതല്‍ വിദ്യാഭ്യാസം രസകരമാക്കുന്നതിനായി ഇന്‍ഫര്‍മേഷന്‍-കമ്മ്യൂണിക്കേഷന്‍ ടെക്‌നോളജി സംവിധാനങ്ങള്‍ അധ്യാപകര്‍ക്കും വിദ്യാര്‍ഥകള്‍ക്കും ഒരുപോലെ കൈകാര്യം ചെയ്യുന്നതിനുള്ള സൗകര്യങ്ങളാണ് സ്മാര്‍ട്ട് ക്ലാസ് റൂമുകളില്‍ ഒരുക്കുക.

English Summery
Smart class room in MSP school
9:22 AM | 0 comments

മതമില്ലാത്ത ജീവന്‍: രണ്ട് അധ്യാപകര്‍ക്ക് സസ്പെന്‍ഷന്‍

Written By mvarthasubeditor on Thursday, June 28, 2012 | 11:55 PM

മലപ്പുറം: മതമില്ലാത്ത ജീവന്‍ എന്ന വിവാദ പാഠം ഉള്‍ക്കൊണ്ട പുസ്തകം വിതരണം ചെയ്ത രണ്ട് അധ്യാപകരെ ജില്ലാ വിദ്യാഭ്യാസ ഡപ്യൂട്ടി ഡയറക്ടര്‍ സസ്പെന്‍ഡ് ചെയ്തു. 

അരീക്കോട് മുണ്ടംപ്ര ജി എം യുപി സ്‌കൂളിലെ പ്രധാന അധ്യാപകനായ ബാബു, ശ്രീജ എന്നിവരെയാണ് സസ്പെന്‍ഡ് ചെയ്തത്. കഴിഞ്ഞമാസമാണ്‌ ഈ പുസ്തകങ്ങള്‍ വിതരണം ചെയ്തത്. സംഭവം വിവാദമായതിനെത്തുടര്‍ന്ന്‌ വിദ്യാഭ്യാസ മന്ത്രി അന്വേഷണത്തിന്‌ ഉത്തരവിട്ടിരുന്നു. 

പുസ്തകത്തില്‍ ഇത്തരമൊരദ്ധ്യായം അടങ്ങിയിരുന്നതായി അറിയില്ലെന്നാണ്‌ അധ്യാപകര്‍ പറയുന്നത്. അധ്യാപകര്‍ക്കെതിരായ നടപടി പിന്‍ വലിച്ചില്ലെങ്കില്‍ പ്രക്ഷോഭം തുടങ്ങുമെന്ന്‌ കെ.എസ്.ടി.എ വ്യക്തമാക്കി.

English Summery
Mathamillatha Jivan: Two teachers suspended 
11:55 PM | 1 comments

35 സ്ക്കൂളുകള്‍ക്ക് എയ്ഡഡ് പദവിക്ക് അംഗീകാരം

Written By mvarthasubeditor on Wednesday, June 27, 2012 | 11:16 PM

മലപ്പുറം: മലപ്പുറം ജില്ലയിലെ 35 സ്ക്കൂളുകള്‍ക്ക് എയ്ഡഡ് പദവി നല്‍കാന്‍ തത്വത്തില്‍ അംഗീകരിച്ചതായി മുഖ്യമന്ത്രി നിയമസഭയില്‍ അറിയിച്ചു. നേരത്തേ ഈ സ്കൂളുകള്‍ സര്‍ക്കാര്‍ ഏറ്റെടുക്കുമെന്നായിരുന്നു മുഖ്യമന്ത്രി അറിയിച്ചിരുന്നത്. എന്നാല്‍ സ്ക്കൂളുകള്‍ക്ക് എയ്ഡഡ് പദവി നല്‍കാനുള്ള വിദ്യാഭ്യാസവകുപ്പിന്റെ ശുപാര്‍ശ അംഗീകരിക്കുക മാത്രമാണ്‌ താന്‍ ചെയ്തതെന്ന്‌ മുഖ്യമന്ത്രി സഭയില്‍ വ്യക്തമാക്കി. എല്‍ .ഡി.എഫ് സര്‍ക്കാരാണ് നടപടിക്ക് തുടക്കമിട്ടതെന്നും മുഖ്യമന്ത്രി അറിയിച്ചു. എയ്ഡഡ് പദവി നല്‍കുന്നകാര്യം ഇപ്പോള്‍ ധനവകുപ്പിന്റെ പരിഗണനയിലാണ്.

മുഖ്യമന്ത്രിയുടെ തീരുമാനത്തിനെതിരെ കെ.എസ്.യു, എന്‍.എസ്.എസ്, എസ്.എന്‍.ഡി.പി, എസ്.എഫ്.ഐ തുടങ്ങിയ സംഘടനകള്‍ രംഗത്തെത്തി. മുഖ്യമന്ത്രി ലീഗിന്‌ അടിമപ്പെടുകയാണെന്നും നടപടി സാമുദായിക പ്രത്യാഘാതങ്ങള്‍ സൃഷ്ടിക്കുമെന്നും സംഘടനകള്‍ ആരോപിച്ചു.

English Summery
CM announces recognition to 35 schools in Malappuram 
11:16 PM | 0 comments

ജില്ലാപഞ്ചായത്തിന്റെ വിജയഭേരി പദ്ധതി പ്രൈമറി തലങ്ങളിലേക്ക്

Written By mvarthasubeditor on Tuesday, June 26, 2012 | 11:55 PM

മലപ്പുറം: ജില്ലാപഞ്ചായത്തിന്റെ വിജയഭേരി പദ്ധതി പ്രൈമറി തലങ്ങളില്‍ നടപ്പിലാക്കുന്നു. നാല്, ഏഴ് ക്ലാസുകളിലാണ് പദ്ധതി നടപ്പിലാക്കുന്നത്. നാലാം ക്ലാസുകാര്‍ക്ക് മലയാളം, കണക്ക് വിഷയങ്ങളും ഏഴാം ക്ലാസുകാര്‍ക്ക് ഇംഗ്ലീഷ്, മലയാളം, കണക്ക് വിഷയങ്ങളിലും പ്രത്യേക പരീക്ഷ നടത്തിയാണ് പദ്ധതി ആവിഷ്‌കരിക്കുന്നത്. ഡയറ്റാണ് പരീക്ഷക്കാവശ്യമായ ചോദ്യപേപ്പറുകള്‍ തയ്യാറാക്കുക.

സ്‌കൂളുകള്‍ കേന്ദ്രീകരിച്ചു നടക്കുന്ന പരീക്ഷയില്‍ ജില്ലയിലെ മിടുക്കരും പഠനത്തില്‍ പിന്നോക്കം നില്‍ക്കുന്നവരുമായ വിദ്യാര്‍ത്ഥികളെ കണ്ടെത്തും. പിന്നോക്കം നില്‍ക്കുന്നവരുടെ പഠനം നിലവാരം ഉര്‍ത്തുന്നതിനാവശ്യമായ പ്രത്യേക പരിശീലനം നല്‍കും. മികച്ച പ്രകടനം കാഴ്ചവെക്കുന്ന വിദ്യാര്‍ത്ഥികളെ തെരഞ്ഞെടുത്ത് സിവല്‍ സര്‍വ്വീസ് അടക്കമുള്ള ഉന്നത പരീക്ഷകള്‍ക്ക് പാകപ്പെടുത്തും വിധം പരിശീലനം നല്‍കും. അഞ്ചു വര്‍ഷത്തെ പരിശീലനമാണ് നല്‍കുക. 

വിദ്യാഭ്യാസ വകുപ്പിന്റെ മേല്‍നോട്ടത്തില്‍ ഗ്രാമാപഞ്ചായത്തുകളാണ് പദ്ധതിക്ക് നേതൃത്വം നല്‍കുന്നത്. പരിശീലനം നല്‍കുന്നതിനാവശ്യമായ എല്ലാ സംവിധാനങ്ങളും വിജഭേരി അതത് ഗ്രാമ പഞ്ചായത്തുകള്‍ക്ക് നല്‍കും. ഒാരോ പഞ്ചായത്തിലും ഒരു കോ-ഓഡിനേറ്ററേയും അസി.കോ-ഓഡിനേറ്ററേയും നിയമിക്കും. വിദ്യാഭ്യാസ പദ്ധതികളുമായി കൂടുതല്‍ ബന്ധപ്പെടുന്നവരെയാണ് കോ-ഓഡിനേറ്റര്‍മാരായി നിയമിക്കുക. ഇത് സംബന്ധിച്ച നിര്‍ദ്ദേശങ്ങള്‍ ജില്ലാ പഞ്ചായത്ത ഗ്രാമപഞ്ചായത്ത് അധികൃതര്‍ക്ക് നല്‍കിയിട്ടുണ്ട്. ഇതുമായി ബന്ധപ്പെട്ട് നാളെ ജില്ലയിലെ മുഴുവന്‍ അധ്യാപക സംഘടനകളുടേയും യോഗം ചേരുമെന്ന് വിജയഭേരി കോ-ഓഡിനേറ്റര്‍ സലീം കുരുവമ്പലം പറഞ്ഞു.
പ്ലസ്റ്റു വിജയശതമാനത്തില്‍ അസൂയാവഹമായ മുന്നേറ്റം കൈവരിച്ച ജില്ലയില്‍ ഉപരിപഠന സൗകര്യം വര്‍ദ്ധിപ്പിക്കാനുള്ള നടപടികള്‍ ഉണ്ടാവണമെന്ന് ജില്ലാ പഞ്ചായത്ത് പ്രമേയത്തിലൂടെ സര്‍ക്കാറിനോട് ആവശ്യപ്പെട്ടു. ഡിഗ്രീ പ്രവേശനത്തിന് പരിമിതമായ സീറ്റുകള്‍ മാത്രമാണ് ജില്ലക്കുള്ളത്. ഉയര്‍ന്ന മാര്‍ക്ക് നേടിയ വിദ്യാര്‍ത്ഥികള്‍ പോലും പ്രവേശനം ലഭിക്കാതെ പുറത്തു നില്‍ക്കേണ്ട സാഹചര്യണ്ട്. എന്നാല്‍ സര്‍ക്കാര്‍ വേങ്ങരയിലും താനൂരിലും പ്രഖ്യാപിച്ച ഗവണ്‍മെന്റ് കോളജുകള്‍ ഉടന്‍ തുടങ്ങാനുള്ള നടപടികള്‍ വേണം. ജില്ലയിലെ ഗവണ്‍മെന്റ് എയ്ഡഡ് കോളജുകളില്‍ അഡീഷണല്‍ കോഴ്‌സുകള്‍ അനുവദിച്ചും കോഴ്‌സുകള്‍ക്ക് സീറ്റുവര്‍ദ്ധിപ്പിച്ചും നിലവിലെ അവസ്ഥക്ക് മാറ്റമുണ്ടാക്കണമെന്ന് പ്രമേയത്തിലൂടെ ആവശ്യപ്പെട്ടു. കെ.എം ഗഫൂര്‍ അവതരിപ്പിച്ച പ്രമേയത്തെ വെട്ടം ആലിക്കോയ പിന്താങ്ങി.
ശാരീരിക മാനസിക വെല്ലുവിളികള്‍ നേരിടുന്ന കുട്ടികള്‍ക്ക് സാന്ത്വനമേകാന്‍ ജില്ലാ പഞ്ചായത്ത് നടപ്പിലാക്കിയ പ്രതീക്ഷ പദ്ധതിയുടെ സര്‍വ്വെ പൂര്‍ത്തിയായി. 15 പഞ്ചായത്തളിലാണ് പദ്ധതി ആദ്യം ആംഭിക്കുക. അസുഖ ബാധിതരായ കുട്ടിയെ ആഴ്ചയില്‍ ഒരിക്കലെങ്കിലും പരിചരിക്കാന്‍ സാഹചര്യമൊരുക്കുക എന്ന ലക്ഷ്യത്തോടെയാണ് പദ്ധതി തുടങ്ങുന്നത്. കരാറുകാരുടെ മെല്ലെപ്പോക്ക് നയം കാരണം നിരവധി പദ്ധതികളാണ് ജില്ലയുടെ വിവിധ ഭാഗങ്ങളില്‍ മുടങ്ങി കിടക്കുന്നത്. ഇത്തരത്തിലുള്ള കരാറുകാര്‍ക്കെതിരെ കര്‍ശന നടപിടിയെടുക്കും. ഏല്‍പിച്ച പദ്ധതിയില്‍ കാലതാമസം വരുത്തിയ മൂന്ന് കരാറുകാരെ നീക്കാനും ജില്ലാ പഞ്ചയാത്ത് തീരുമാനിച്ചു. പുതുതായി അനുവദിച്ച് ഹായര്‍സെക്കന്ററി സ്‌കൂളുകള്‍ക്കുള്ള ഫര്‍ണ്ണിച്ചര്‍ വിതരണം ആരംഭിച്ചാതായി പ്രസിഡന്റ് പറഞ്ഞു. 28ന് മുമ്പ് ഫര്‍ണ്ണിച്ചറുകള്‍ ബന്ധപ്പെട്ട സ്‌കൂളുകള്‍ക്ക് ലഭിച്ചില്ലെങ്കില്‍ ഒന്നാം തിയതിക്ക് മുന്നോടിയായി ജില്ലാ പഞ്ചായത്തില്‍ അറിയിക്കണം. ജില്ലാ പഞ്ചായത്ത് പ്രസിഡന്റ് സുഹറാ മമ്പാട് അധ്യക്ഷത വഹിച്ചു. വൈസ് പ്രസിഡന്റ് പി.കെ കുഞ്ഞു, സ്ഥിരം സമിതി അംഗങ്ങളായ വി. സുധാകരന്‍, സക്കീന പുല്‍പ്പാടന്‍, ടി. വനജ ടീച്ചര്‍ പ്രസംഗിച്ചു.
11:55 PM | 0 comments

കമ്യൂണിറ്റി ക്വാട്ട: എം.എസ്.എഫ് ലീഗ് മാനേജ്‌മെന്റ് സ്‌കൂള്‍ ഉപരോധിച്ചു

മലപ്പുറം : പ്ലസ് വണ്‍ അഡ്മിഷനുള്ള രണ്ടാംഘട്ട അലോട്ട്‌മെന്റ് റിസള്‍ട്ട് വരുന്നതിന് മുമ്പ് തന്നെ കമ്മ്യൂണിറ്റി ക്വാട്ടയിലേക്ക് 108 വിദ്യാര്‍ത്ഥികള്‍ക്ക് പ്രവേശനം നല്‍കിയ മുസ്ലിം ലീഗ് മാനേജ്‌മെന്റ് സ്‌കൂളായ ചെറുകുളമ്പ് ഐ.കെ.ടി. ഹയര്‍ സെക്കണ്ടറി സ്‌കൂളിലേക്ക് എം.എസ്.എഫ് പ്രവര്‍ത്തകര്‍ ഉപരോധിച്ചു.
 സെക്കണ്ട് അലോട്ട്‌മെന്റ് കഴിഞ്ഞതിന് ശേഷം മാത്രമെ മാനേജ്‌മെന്റ്, കമ്മ്യൂണിറ്റി ക്വാട്ടയിലേക്ക് പ്രവേശനം നല്‍കാവൂ എന്ന ഹയര്‍സെക്കണ്ടറി ഡയറക്ടറുടെ ഉത്തരവ് നിലനില്‍ക്കെ കഴിഞ്ഞ 20-ാം തിയ്യതി തന്നെ സ്‌കൂളില്‍ കമ്മ്യൂണിറ്റി ക്വാട്ടയിലേക്ക് പ്രവേശനം നടത്തിയിരുന്നു.ഇത് ശ്രദ്ധയില്‍പെട്ട് നിജസ്തിഥി മനസ്സിലാക്കാന്‍ സ്‌കൂളിലെത്തിയ എം.എസ്.എഫ് നേതാക്കള്‍ക്ക് നേരെ സ്‌കൂള്‍ മാനേജ്‌മെന്റും പുറമെ നിന്നെത്തിയ ഗുണ്ടകളും ടീച്ചിംഗ് സ്റ്റാഫുമടക്കം അക്രമം നടത്താന്‍ ശ്രമിച്ചു. തുടര്‍ന്ന് മാധ്യമപ്രവര്‍ത്തകരും സ്ഥലം സബ് ഇന്‍സ്‌പെക്ടറും സ്ഥലത്തെത്തിയതിന് ശേഷം സ്ഥലം എസ്.ഐ ബാബു കാര്യങ്ങള്‍ മനസ്സിലാക്കി ഹയര്‍സെക്കണ്ടറി ഡയറക്ടറുമായി സംസാരിക്കുകയും യാഥാര്‍ത്ഥ്യം ബോധ്യപ്പെടുകയും ചെയ്തപ്പോള്‍ പ്രസിദ്ധീകരിച്ച ലിസ്റ്റ് റദ്ദാക്കാന്‍ മാനേജ്‌മെന്റ് തയ്യാറായി. തുടര്‍ന്ന് ഹയര്‍സെക്കണ്ടറി ഡയറക്ടര്‍ ഇതുസംബന്ധിച്ച് വ്യക്തമായി പുറപ്പെടുവിച്ച ഉത്തരവില്‍ സെക്കന്റ് അലോട്ട്‌മെന്റ് കഴിഞ്ഞതിന് ശേഷം മാത്രമെ കമ്മ്യൂണിറ്റി ക്വാട്ടയിലേക്ക് പ്രവേശനം നടത്താവൂ എന്ന് കര്‍ശന നിര്‍ദ്ദേശവും നല്‍കിയിട്ടുണ്ട്. ഉപരോധസമരം എം.എസ്.എഫ് സംസ്ഥാന ജനറല്‍ സെക്രട്ടറി ടി.പി അശ്‌റഫലി ഉദ്ഘാടനം ചെയ്തു ട്രഷറര്‍ എന്‍.കെ അഫ്‌സല്‍ റഹ്മാന്‍, ജില്ലാ പ്രസിഡന്റ് എന്‍.എ കരീം, ജനറല്‍ സെക്രട്ടറി കെ.എം.ശാഫി, വി.എം സജറുദ്ധീന്‍ മൊയ്തു, യൂസഫ് വല്ലഞ്ചിറ, ഹാരിസ് ടി.പി, നിസാജ് എടപ്പറ്റ, മുഹമ്മദലി മീനാര്‍കുഴിഎന്നിവര്‍ നേതൃത്വം നല്‍കി.

Keywords: MSF, Malappuram, Muslim League, കേരള, School, 
2:00 AM | 0 comments

വിദ്യാലങ്ങള്‍ക്കുള്ള കംപ്യൂട്ടര്‍ വിതരണം

മലപ്പുറം: ഐ.സി.റ്റി പദ്ധതിയില്‍ ഉള്‍പ്പെടുത്തി ഐ.റ്റി @ സ്‌കൂള്‍ പ്രൊജക്റ്റിന്റെ ആഭിമുഖ്യത്തില്‍ ഹൈസ്‌കൂള്‍-ഹയര്‍സെക്കന്‍ഡറി വിദ്യാലയങ്ങള്‍ക്കുള്ള കംപ്യൂട്ടര്‍ വിതരണം ജൂണ്‍ 28 മുതല്‍ ആരംഭിക്കുമെന്ന് ഐ.റ്റി @ സ്‌കൂള്‍ ജില്ലാ കോഡിനേറ്റര്‍ കെ.റ്റി.കൃഷ്ണദാസ് അറിയിച്ചു.

ജൂണ്‍ 28-മലപ്പുറം, 29-തിരൂര്‍, 30-വണ്ടൂര്‍ വിദ്യാഭ്യാസ ജില്ലകളിലെ വിദ്യാലയങ്ങള്‍ക്കാണ് വിതരണം ചെയ്യുക. സമയക്രമമനുസരിച്ച് വിദ്യാലയങ്ങള്‍ ജില്ലാ കേന്ദ്രങ്ങളില്‍ എത്തണം.

English Summery
Computer distribution to schools
12:25 AM | 0 comments

നിയന്ത്രണം വിട്ട സ്കൂള്‍ ബസിടിച്ച് വിദ്യാര്‍ത്ഥി മരിച്ചു

Written By mvarthasubeditor on Sunday, June 24, 2012 | 8:22 AM

കുന്നമംഗലം: കാരന്തൂര്‍ മര്‍കസിനു സമീപം നിയന്ത്രണം വിട്ട സ്കൂള്‍ ബസ് ഇടിച്ച് വിദ്യാര്‍ഥി മരിച്ചു. വഴിയാത്രക്കാരനു പരുക്കേറ്റു. കൈതപ്പൊയില്‍ കാരാട്ട്തൊടികയില്‍ മുഹമ്മദ് നിസാറിന്റെ മകന്‍ സുബൈര്‍ മുഹമ്മദ് നിസാര്‍(15) ആണു മരിച്ചത്. മര്‍കസ് ഇംഗിഷ് മീഡിയം സ്കൂള്‍ പത്താം ക്ളാസ് വിദ്യാര്‍ഥിയാണ്. പരുക്കേറ്റ ചെലവൂര്‍ താളിപ്പറമ്പില്‍ സദാനന്ദനെ(45) മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.

ഇന്നലെ വൈകിട്ട് നാലരയോടെ മര്‍കസ് ജംക്ഷനിലാണ് അപകടം. നിയന്ത്രണം വിട്ട ബസ് റോഡരികിലൂടെ നടന്നുപോയ വിദ്യാര്‍ഥിയെയും വഴിയാത്രക്കാരനെയും ഇടിക്കുകയായിരുന്നു. നിര്‍ത്തിയ സ്കൂട്ടറിലും ഇടിച്ചശേഷമാണ് ബസ് നിന്നത്. സ്റ്റുഡന്റ് പൊലീസ് കെഡറ്റ് അംഗമായ വിദ്യാര്‍ഥി മര്‍കസില്‍ നടന്ന പൊതുപരിപാടിക്ക് എത്തിയതായിരുന്നു. ഇൌ പരിപാടിയില്‍ പങ്കെടുത്തവരെ തിരിച്ചുകൊണ്ടു പോവുകയായിരുന്ന മര്‍കസ് സ്കൂളിന്റെ തന്നെ ബസാണ് അപകടം വരുത്തിയത്.

അപകടത്തെ തുടര്‍ന്ന് ദേശീയപാതയില്‍ അല്‍പ്പനേരം ഗതാഗതം തടസ്സപ്പെട്ടു. സ്ഥിരം അപകടമേഖലയായ ഇവിടെ സുരക്ഷാക്രമീകരണങ്ങള്‍ ഏര്‍പ്പെടുത്തണമെന്നാവശ്യപ്പെട്ട് ബസ് നീക്കുന്നത് നാട്ടുകാര്‍ തടഞ്ഞു. ചേവായൂര്‍ സിഐ പ്രകാശന്‍ പടന്നയില്‍, കുന്നമംഗലം പഞ്ചായത്ത് പ്രസിഡന്റ് ഖാലിദ് കിളിമുണ്ട എന്നിവര്‍ നാട്ടുകാരുമായി ചര്‍ച്ച നടത്തിയ ശേഷമാണ് ബസ് നീക്കിയത്.

English Summery
Student killed in accident
8:22 AM | 0 comments

'മതമില്ലാത്ത ജീവന്‍' വീണ്ടും വിവാദ പാഠപുസ്തകം

Written By Malappuram News on Friday, June 22, 2012 | 11:00 AM

മഞ്ചേരി: 2008ല്‍ വിദ്യാഭ്യാസവകുപ്പ് പിന്‍വലിച്ച ഏഴാം ക്ലാസ് സാമൂഹ്യശാസ്ത്രം പാഠ പുസ്തകത്തിലെ 'മതമില്ലാത്ത ജീവന്‍' എന്ന പാഠമുള്ള പാഠപുസ്തകങ്ങള്‍ വിതരണത്തിനെത്തി. അരീക്കോട് ഉപജില്ലയിലെ മുണ്ടമ്പ്ര ജി.യു.പി. സ്‌കൂളിലാണ് വിവാദ പുസ്തകം എത്തിയത്. ഏഴാംക്ലാസില്‍ വിതരണംചെയ്ത സാമൂഹികശാസ്ത്ര പുസ്തകത്തില്‍ ഈ പാഠം ഉള്‍പ്പെട്ടിട്ടുണ്ടെന്നും ഇതിനുപിന്നില്‍ പ്രവര്‍ത്തിച്ചവരെ ശിക്ഷിക്കണമെന്നും പഞ്ചായത്ത് യൂത്ത്‌ലീഗ് കമ്മിറ്റി ഉപജില്ലാ വിദ്യാഭ്യാസ ഓഫീസര്‍ക്ക് പരാതിനല്‍കി.
ഗവണ്‍മെന്റ് പിന്‍വലിച്ച ഈ പാഠഭാഗം ഉള്‍പ്പെട്ട പുസ്തകം എങ്ങനെ സ്‌കൂളുകളിലെത്തിയെന്നത് അറിയില്ലെന്നും സൊസൈറ്റികളിലും സ്‌കൂളുകളിലും ഇത്തവണ പുസ്തകമെത്തിച്ചത് വിദ്യാഭ്യാസ വകുപ്പല്ലെന്നും പാസ്റ്റല്‍ വകുപ്പാണെന്നുമാണ് വിദ്യാഭ്യാസ വകുപ്പ് ഉദ്യാഗസ്ഥരുടെ വിശദീകരണം.

Keywords: Manjeri, Malappuram, School, Controversy 
11:00 AM | 0 comments

സ്‌കൂളില്‍ കുട്ടികളുടെ എണ്ണം കൂടി; എല്ലാ കുട്ടികള്‍ക്ക് അരി നല്‍കാനായില്ല

നിലമ്പൂര്‍: കുട്ടികളുടെ എണ്ണം കൂടിയ സര്‍ക്കാര്‍ സ്‌കൂളുകളുടെ പ്രവര്‍ത്തനം താളം തെറ്റുന്നു. കഴിഞ്ഞ വര്‍ഷത്തെ അധ്യാപക തസ്തികകള്‍ തന്നെയാണ് ഇത്തവണയും നിലനിര്‍ത്തിയിരിക്കുന്നത്. മുന്‍ വര്‍ഷങ്ങളെ പോലെ തല എണ്ണല്‍ ഇത്തവണ വേണ്ടെന്ന് വെച്ചിട്ടുണ്ട്. 

അധ്യായന വര്‍ഷത്തിന്റെ തുടക്കത്തില്‍ തന്നെ ആറാം ദിവസം തല എണ്ണല്‍ നടത്തി കുട്ടികളുടെ എണ്ണത്തിനനുസരിച്ച് അധ്യാപക തസ്തികകള്‍ സൃഷ്ടിക്കുകയും വൈകാതെ നിയമനങ്ങള്‍ നടത്തുകയും ചെയ്തിരുന്നു. എന്നാല്‍ ഇത്തവണ കുട്ടികളുടെ തല എണ്ണല്‍ നടന്നിട്ടില്ല. പകരം ജൂണ്‍ 14 ന് സ്‌കൂളുകളിലെ മേധാവികള്‍ കുട്ടികളുടെ വിവരങ്ങള്‍ നല്‍കിയിട്ടുണ്ട്. ജൂലായിയില്‍ കുട്ടികളുടെ വിരലടയാളം, കണ്ണിന്റെ പ്രിന്റും ഉള്‍പ്പടെ രേഖപ്പെടുത്തുന്ന യു ഐ ഡി സംവിധാനം ഉപയോഗിച്ച് കണക്കെടുപ്പ് നടത്താനാണ് തീരുമാനം. കണക്കിലെ കൃത്രിമം ഒഴിവാക്കാനാണ് ഈ സംവിധാനം നടപ്പിലാക്കുന്നത്.
കൃത്രിമങ്ങള്‍ ഒഴിവാക്കി യു ഐ ഡി സംവിധാനം ഉപയോഗിച്ച് കണക്കെടുപ്പ് നടത്തിയതിന് ശേഷമാണ് പുതിയ തസ്തികകളും മറ്റും നടപ്പിലാക്കുന്നതെങ്കില്‍ വിദ്യാലയങ്ങളുടെ പ്രവര്‍ത്തനങ്ങള്‍ താളം തെറ്റും. ഇപ്പോള്‍തന്നെ സര്‍ക്കാര്‍ സ്‌കൂളുകളില്‍ മുന്‍ വര്‍ഷങ്ങളെ അപേക്ഷിച്ച് കുട്ടികള്‍ വര്‍ദ്ദിച്ചിട്ടുണ്ട്. എന്നാല്‍ ഡിവിഷന്‍ തിരിച്ച് കുട്ടികളെ ഇരുത്തുന്നത് നടന്നിട്ടില്ല. മുന്‍ വര്‍ഷത്തെ അധ്യാപക എണ്ണം അതേപടി നിലനിര്‍ത്തിയതാണ് ഒരു ക്ലാസില്‍ തന്നെ കൂടുതല്‍ കുട്ടികളെ ഇരുത്തേണ്ടി വന്നത്. നൂറിലധികം കുട്ടികള്‍ പുതുതായി വന്ന സര്‍ക്കാര്‍ സ്‌കൂളുകള്‍ വരേ മേഖലയില്‍ ഉണ്ട്. കുട്ടികളുടെ എണ്ണം കൂടിയ ചില സ്‌കൂളുകളില്‍ രക്ഷിതാക്കളില്‍ നിന്ന് പിരിവെടുത്ത് അധ്യാപകരെ നിയമിച്ചിരിക്കുകയാണ്. 

ഫലത്തില്‍ സര്‍ക്കാര്‍ സ്‌കൂളുകളിലും ഫീസ് കൊടുത്ത് പഠിക്കേണ്ട അവസ്ഥയാണുള്ളതെന്ന് രക്ഷിതാക്കള്‍ പറയുന്നു. എയ്ഡഡ് സ്‌കൂളുകളില്‍ കുട്ടികളുടെ എണ്ണം കണക്കാക്കി ഡിവിഷനുകള്‍ ഉണ്ടാക്കുകയും അധ്യാപകരെ നിയമുക്കുകയും ചെയ്യുന്നു. അത്‌കൊണ്ട് തന്നെ എയ്ഡഡ് സ്‌കൂളുകളില്‍ അധ്യാപക ക്ഷാമം ഉണ്ടാകാറില്ല.
കുട്ടികള്‍ക്ക് ഇത്തവണ സ്‌കൂള്‍ തുറന്നപ്പോള്‍ നല്‍കിയ ആറ് കിലോ അരി കഴിഞ്ഞ വര്‍ഷത്തെ സ്‌കൂളിലെ കുട്ടികളുടെ എണ്ണത്തിനനുസരിച്ചാണ് അനുവദിച്ചത്. എണ്ണം കൂടിയ സ്‌കൂളുകളില്‍ കൂടുതല്‍ വന്ന കുട്ടികള്‍ക്ക് ആറ് കിലോ അരി നല്‍കാന്‍ കഴിഞ്ഞിട്ടില്ല. അതികമു ള്ള കുട്ടികളുടെ വിവരങ്ങള്‍ നല്‍കി കാത്തിരിക്കുകയാണ് പ്രധാന അധ്യാപകര്‍. 

ഉച്ചഭക്ഷണ പദ്ധതിയും, മുട്ട, പാല്‍ എന്നിവയുടെ വിതരണത്തിലും യൂണിഫോം വിതരണത്തിലുംപ്രശ്‌നങ്ങള്‍ നിലനില്‍ക്കുന്നുണ്ട്. ദിവസക്കൂലിക്കാരാണ് ചില സ്‌കൂളുകളില്‍ കൂടുതല്‍ അധ്യാപകരായി ഉള്ളത്. ഇവരെ മറ്റ് ചുമതലകള്‍ ഏല്‍പ്പിക്കാന്‍ കഴിയാത്തതും വിദ്യാലയങ്ങളുടെ പ്രവര്‍ത്തനങ്ങളെ ദോഷമായി ബാധിക്കുന്നുണ്ട്. 

മികവുറ്റ പഠനം തേടി സര്‍ക്കാര്‍ സ്‌കൂളുകളിലെത്തിയ കുട്ടികളേയും രക്ഷിതാക്കളേയും സംരക്ഷിക്കാനും നിലനിര്‍ത്താനും ആവശ്യമായ അധ്യാപക തസ്തികകള്‍ അടിയന്തിരമായി ശൃഷ്ടിച്ച് നിയമനം നടത്തണമെന്നാണ് രക്ഷിതാക്കളുടെ ആവശ്യം.

English Summery
Can't got rice for every students 
8:50 AM | 0 comments

പത്താംതരം തുല്യതാ കോഴ്സ് രജിസ്‌ട്രേഷന്‍ ഉദ്ഘാടനം 13 ന്

Written By mvarthasubeditor on Wednesday, June 13, 2012 | 1:42 PM

മലപ്പുറം: സംസ്ഥാന സാക്ഷരതാ മിഷന്‍ നടത്തുന്ന പത്താം തരം തുല്യതാ കോഴ്‌സിന്റെ ജില്ലാ തല രജിസ്‌ട്രേഷന്‍ ഉദ്ഘാടനം ജൂണ്‍ 13 ന് രാവിലെ 10.30 ന് കലക്ടറേറ്റ് സമ്മേളന ഹാളില്‍ ജില്ലാ പഞ്ചായത്ത് പ്രസിഡന്റ് സുഹറ മമ്പാട് നിര്‍വഹിക്കും. ജില്ലാ പഞ്ചായത്ത് വൈസ് പ്രസിഡന്റ് പി.കെ.കുഞ്ഞു അധ്യക്ഷനാവും
സാക്ഷരതാ വിഷന്‍ വിദ്യാകേന്ദ്രങ്ങിലും, പത്താം തരം പഠന കേന്ദ്രങ്ങളിലും കിഡ്‌നി പേഷ്യന്റ്‌സ് വെല്‍ഫെയര്‍ സൊസൈറ്റിക്കായി സമാഹരിച്ച തുക ചടങ്ങില്‍ ജില്ലാ കലക്ടര്‍ എം.സി.മോഹന്‍ദാസ് കൈമാറും. കൂടതല്‍ തുക സമാഹരിച്ച വിദ്യാകേന്ദ്രത്തിനും പഠനകേന്ദ്രത്തിനും ചടങ്ങില്‍ സമ്മാനം നല്‍കും.
ജനപ്രതിനിധികളും ഉദ്യോഗസ്ഥരും ചടങ്ങില്‍ സംബന്ധിക്കും . പത്താം തരം തുല്യതാ രജിസ്‌ട്രേഷന് ജൂലൈ 31 വരെ അപേക്ഷിക്കാം. കോഴ്‌സ് ഫീസ് 1500 രൂപ. ജില്ലാ സാക്ഷരതാ മിഷന്‍ ഓഫീസിലും സാക്ഷരതാ മിഷന്‍ വിദ്യാ കേന്ദ്രങ്ങളിലും 100 രൂപയ്ക്ക് അപേക്ഷാ ഫോം ലഭിക്കും.
ഫോഡര്‍ പ്രൊമോര്‍ട്ടര്‍മാരെ നിയമിക്കുന്നു
മലപ്പുറം: ക്ഷീരവികസന വകുപ്പ് നടപ്പാക്കുന്ന തീറ്റപ്പുല്‍കൃഷി വികസന പദ്ധതി കാര്യക്ഷമമായി നടപ്പാക്കുന്നതിന് ബ്ലോക്ക്തല ക്ഷീരവികസന യൂനിറ്റുകളില്‍ ഫോഡര്‍ പ്രൊമോര്‍ട്ടര്‍മാരെ നിയമിക്കുന്നു. പ്രതിമാസ ഇന്‍സെന്റീവ് നല്‍കി മാര്‍ച്ച് 31 വരെയാണ് നിയമനം. അപേക്ഷകര്‍ അതത് ബ്ലോക്കുകളില്‍ സ്ഥിര താമസക്കാരും 18 നും 40 നും മദ്ധ്യേ പ്രായമുള്ള എസ്.എസ്.എല്‍.സി പാസ്സായവരുമാവണം. അപേക്ഷാഫോം ബ്ലോക്ക് ക്ഷീരവികസന യൂനിറ്റുകളിലും സിവില്‍ സ്റ്റേഷനിലെ ക്ഷീരവികസന വകുപ്പ് ഡെപ്യൂട്ടി ഡയറക്ടറുടെ ഓഫീസിലും ലഭിക്കും. പൂരിപ്പിച്ച അപേക്ഷ ജൂണ്‍ 20 നകം ലഭിക്കണം.

English Summery
Tenth level qualified registration 
1:42 PM | 0 comments

അഞ്ചചുവടി സ്‌കൂള്‍ പുതിയ കെട്ടിടോദ്ഘാടനം 16 ന്

മലപ്പുറം: കാളിക്കാവ് അഞ്ചചുവടി ഗവ. മോഡല്‍ യു.പി സ്‌കൂളിന് പുതുതായി നിര്‍മ്മിച്ച ക്ലാസ് മുറികളുടെ ഉദ്ഘാടനം ജൂണ്‍ 16 ന് വൈകീട്ട് അഞ്ചിന് വിദ്യാഭ്യാസ മന്ത്രി പി.കെ. അബ്ദുറബ്ബ് നിര്‍വഹിക്കും. പിന്നാക്കക്ഷേമ-ടൂറിസം വകുപ്പ് മന്ത്രി എ.പി.അനില്‍കുമാര്‍ അധ്യക്ഷനാവും.
വണ്ടൂര്‍ ഉപജില്ലയിലെ ഏറ്റവും വലിയ ഗവ.യു.പി സ്‌കൂളുകളിലൊന്നായ അഞ്ചചുവടി സ്‌കൂളിന് എം.എല്‍.എ യുടെ പ്രാദേകിക വികസന പദ്ധതി പ്രകാരം അനുവദിച്ച കംപ്യൂട്ടറുകളും ചടങ്ങില്‍ കൈമാറും. കാളികാവ് ഗ്രാമപഞ്ചായത്ത് നല്‍കുന്ന കംപ്യൂട്ടറുകളുടെ വിതരണം പ്രസിഡന്റ് ആലിപ്പറ്റ ജമീല നിര്‍വഹിക്കും. കാളികാവ് ബ്ലോക്ക് പഞ്ചായത്ത് പ്രസിഡന്റ് റ്റി.കെ.മറിയക്കുട്ടി ടീച്ചര്‍ മുഖ്യ പ്രഭാഷണം നടത്തും.
ജില്ലാ പഞ്ചായത്ത് വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ കെ.പി.ജല്‍സീമിയ, ജില്ലാ പഞ്ചായത്ത് അംഗം പി.ഖാലിദ് മാസ്റ്റര്‍, ഗ്രാമപഞ്ചായത്ത് വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ എ.ഖയറുന്നീസ വിദ്യാഭ്യാസ ഡെപ്യൂട്ടി ഡയറക്ടര്‍ കെ.സി.ഗോപി തുടങ്ങിയവര്‍ സംസാരിക്കും.
1:36 PM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers