Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label IUML. Show all posts
Showing posts with label IUML. Show all posts

രാഹുല്‍ ഗാന്ധിയുടെ രാഷ്ട്രീയ ശൈലി യു പി എക്ക് ഗുണം ചെയ്യും: ഇടി

Written By Malappuram News on Saturday, March 22, 2014 | 12:45 AM

മലപ്പുറം: നരേന്ദ്രമോദി ഏകാധിപതിയെ പോലെ തന്നെ സ്വയം ഉയര്‍ത്തിക്കാട്ടിയാണ് വോട്ട് പിടിക്കുന്നതെന്ന് ഇ ടി മുഹമ്മദ് ബശീര്‍.

രാജ്യത്തിന്റെ ഐക്യമൊന്നും മോദിക്ക് പ്രശ്‌നമല്ല. രാഹുല്‍ഗാന്ധി ഉയര്‍ത്തുന്ന നമ്മള്‍ എന്ന മുദ്രാവാക്യം രാജ്യത്തിന്റെ ഐക്യത്തിന് ഗുണകരമാണ്. രാഹുല്‍ ഗാന്ധിയുടെ രാഷ്ട്രീയ ശൈലി രാജ്യത്തെ യുവാക്കളെ സ്വധീനിച്ചിട്ടുണ്ട്. ഇത് ഈ തിരഞ്ഞെടുപ്പില്‍ യു പി എക്ക് ഗുണം ചെയ്യുമെന്നും ഇടി പറഞ്ഞു.
12:45 AM | 0 comments

പിഎംഎസ്എ പൂക്കോയ തങ്ങള്‍ അനുസ്മരണ സമ്മേളനം ജൂലൈ 6ന് മലപ്പുറത്ത്

Written By Malappuram News on Friday, July 5, 2013 | 12:33 AM

മലപ്പുറം: പിഎംഎസ്എ പൂക്കോയ തങ്ങള്‍ അനുസ്മരണ സമ്മേളനം ജൂലൈ 6ന് മലപ്പുറം ടൗണ്‍ഹാളില്‍ സംഘടിപ്പിക്കാന്‍ ജില്ലാ മുസ്‌ലിംലീഗ് ഭാരവാഹികളുടെയോഗം തീരുമാനിച്ചു. കേന്ദ്രമന്ത്രി ശശി തരൂര്‍ ഉദ്ഘാടനം ചെയ്യും. മുസ്‌ലിംലീഗ് ദേശീയ ട്രഷറര്‍ പികെ കുഞ്ഞാലിക്കുട്ടി, സംസ്ഥാന ജനറല്‍ സെക്രട്ടറി കെപിഎ മജീദ്, മംഗലം ഗോപിനാഥ് പ്രസംഗിക്കും. യോഗത്തില്‍ പാണക്കാട് സയ്യിദ് സാദിഖലി ശിഹാബ് തങ്ങള്‍ അധ്യക്ഷത വഹിച്ചു. ജനറല്‍ സെക്രട്ടറി പി അബ്ദുല്‍ ഹമീദ്. അഷ്‌റഫ് കോക്കൂര്‍, അരിമ്പ്ര മുഹമ്മദ് മാസ്റ്റര്‍, പി സൈതലവി മാസ്റ്റര്‍, എംകെ ബാവ, ടിവി ഇബ്രാഹിം, സലീം കുരുവമ്പലം, എംഎ ഖാദര്‍ പ്രസംഗിച്ചു.
12:33 AM | 0 comments

മലപ്പുറത്തിന്റെ ഉന്നത വിദ്യാഭ്യാസം: എം.എസ്.എഫ് ടേബിള്‍ ടോക് 16ന്

Written By Malappuram News on Thursday, June 14, 2012 | 4:32 PM

മലപ്പുറം : 'മലപ്പുറത്തിന്റെ ഉന്നത വിദ്യാഭ്യാസം' എന്ന ശീര്‍ഷകത്തില്‍ മലപ്പുറം ജില്ല എം.എസ്.എഫ് കമ്മിറ്റി സംഘടിപ്പിക്കുന്ന ടേബിള്‍ ടോക് ജൂണ്‍ 16ന് കാലത്ത് 10 മണിക്ക് മലപ്പുറം പാലസ് ഓഡിറ്റോറിയത്തില്‍ നടക്കും. അക്കാദമിക രംഗത്തെ വിദഗ്ദന്‍മാര്‍ പങ്കെടുക്കുന്ന ചര്‍ച്ചയില്‍ ഉന്നത വിദ്യാഭ്യാസ രംഗത്ത് മലപ്പുറത്തിന്റെ പോരായ്മകളും, സാധ്യതകളും വിഷയമാകും. ജില്ലയുടെ വിദ്യഭ്യാസ പുരോഗതിക്കാവശ്യമായ പദ്ധതികള്‍ ആസൂത്രണം ചെയ്ത് സര്‍ക്കാരിലേക്ക് സമര്‍പ്പിക്കുക എന്നതാണ് ഇത് കൊണ്ട് എം.എസ്.എഫ് ലക്ഷ്യമിടുന്നത്. കുട്ടി അഹമ്മദ് കുട്ടി, പി.അബ്ദുല്‍ ഹമീദ് മാസ്റ്റര്‍, നൗഷാദ് മണ്ണിശ്ശേരി, ഹയര്‍ എജുക്കേഷന്‍ കൗണ്‍സില്‍ മെമ്പര്‍ സെക്രട്ടറി ഡോ.പി.കെ അന്‍വര്‍, ഡോ: ടി.പി അഹമ്മദ്, ഡോ: ടി.മുഹമ്മദലി, ടി.വി ഇബ്രാഹീം, ടി.പി അശ്‌റഫലി, ഡോ. വി.പി. അബ്ദുല്‍ഹമീദ്, അലിഗഡ് മലപ്പുറം സെന്റര്‍ ഡയറക്ടര്‍ ഡോ.പി.പി മുഹമ്മദ്, പ്രൊഫ.ആബിദ് ഹുസൈന്‍ തങ്ങള്‍, ഉമ്മര്‍ അറക്കല്‍, ഷാഹുല്‍ഹമീദ് മാസ്റ്റര്‍ മേല്‍മുറി, എ.കെ സൈനുദ്ധീന്‍, ടി.പിഎം ബഷീര്‍, അശ്‌റഫ് തങ്ങള്‍ തുടങ്ങിയവര്‍ പങ്കെടുക്കുന്ന ചര്‍ച്ചയില്‍ കാലിക്കറ്റ് സര്‍വ്വകലാശാല സി.എച്ച് ചെയര്‍ ഡയറക്ടര്‍ പി.എ റഷീദാണ് മോഡറേറ്റര്‍, എം.എസ്.എഫ് മണ്ഡലം ഭാരവാഹികളും ജില്ലാ കമ്മിറ്റി അംഗങ്ങളും പങ്കെടുക്കണെമെന്ന് പ്രസിഡന്റ് എന്‍.എ കരീമും ജനറല്‍ സെക്രട്ടറി കെ.എം ശാഫിയും അറിയിച്ചു.

Keywords:MSF, IUML, Muslim League, Malappuram, കേരള, 
4:32 PM | 0 comments

മൂത്തേടത്ത് സി.പി.എമ്മുമായി ചേര്‍ന്ന് ലീഗ് ഭരണത്തിനില്ല -പി.വി. വഹാബ്

Written By Malappuram News on Tuesday, May 22, 2012 | 9:26 AM

നിലമ്പൂര്‍:മുസ്‌ലിംലീഗ് സി.പി.എമ്മുമായി ചേര്‍ന്ന് അവിശ്വാസത്തിലൂടെ കോണ്‍ഗ്രസ് പ്രസിഡന്റിനെ പുറത്താക്കിയ മൂത്തേടം ഗ്രാമപ്പഞ്ചായത്തില്‍ സി.പി.എമ്മുമായി ചേര്‍ന്ന് ലീഗ് ഭരണത്തിനില്ലെന്ന് ലീഗ് സംസ്ഥാന സെക്രട്ടേറിയറ്റ് അംഗവും നിലമ്പൂര്‍ നിയോജകമണ്ഡലം പ്രസിഡന്റുമായ പി.വി. അബ്ദുള്‍വഹാബ് പറഞ്ഞു. നിലമ്പൂര്‍ പ്രസ്‌ഫോറം സംഘടിപ്പിച്ച മീറ്റ് ദ പ്രസ് പരിപാടിയില്‍ പങ്കെടുത്ത് സംസാരിക്കുകയായിരുന്നു അദ്ദേഹം.
മൂത്തേടത്ത് സംഭവിച്ചത് തികച്ചും പ്രാദേശികവും വ്യക്തിപരവുമായ പ്രശ്‌നങ്ങളാണ്. യു.ഡി.എഫ് സംവിധാനത്തെ അത് ബാധിക്കില്ല. അവിശ്വാസ പ്രമേയത്തില്‍ പങ്കെടുക്കുന്നതില്‍നിന്ന് പരമാവധി പിന്‍മാറാന്‍ അണികളില്‍ സമ്മര്‍ദം നടത്തിയിരുന്നു. സമീപ പഞ്ചായത്തുകളില്‍ ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ മുന്‍കരുതലെടുത്തിട്ടുണ്ട്-അദ്ദേഹം പറഞ്ഞു.
നഗരസഭയില്‍ ലീഗിന് കോണ്‍ഗ്രസ്സുമായുള്ള അഭിപ്രായഭിന്നതയ്ക്ക് ഉടന്‍ പരിഹാരം കാണും. രാഷ്ട്രീയ കൊലപാതകങ്ങളില്‍ ഏറ്റവും കൂടുതല്‍ ഇരകളാകുന്നതും പ്രതികളാകുന്നതും സി.പി.എമ്മാണെന്നും വഹാബ് കൂട്ടിച്ചേര്‍ത്തു. ലീഗ് ഭരണത്തില്‍ വന്നതുമുതലാണ് മലബാറില്‍ വികസനമെത്തിയതെന്നും ലീഗില്‍ കുഞ്ഞാലിക്കുട്ടിക്ക് തുല്യനാണ് കോണ്‍ഗ്രസ്സില്‍ ആര്യാടന്‍ മുഹമ്മദെന്നും വഹാബ് പറഞ്ഞു.
മൂത്തേടത്ത് ലീഗ് അംഗങ്ങള്‍ക്ക് വിപ്പ് നല്‍കിയത് ജില്ലാ നേതൃത്വമായതിനാല്‍ നടപടികള്‍ കൈക്കൊള്ളേണ്ടതും ജില്ലാ കമ്മിറ്റിയാണെന്ന് ഒരു ചോദ്യത്തിനുത്തരമായി വഹാബ് പറഞ്ഞു. ചടങ്ങില്‍ പ്രസ് ഫോറം പ്രസിഡന്റ് ലാല്‍ ജോസഫ് അധ്യക്ഷത വഹിച്ചു.

Keywords: IUML, Nilambur, P.V Abdul Vahab, Malappuram, Politics, Congress, 
9:26 AM | 0 comments

അക്രമ രാഷ്ട്രീയം തുടര്‍ന്നാല്‍ സി പി എം ഇല്ലാതാകും: മന്ത്രി അലി

Written By Malappuram News on Monday, May 21, 2012 | 6:04 PM

മക്കരപ്പറമ്പ്: പരമ്പരാഗത രാഷ്ട്രീയ മര്യാദകളും ചരിത്രവും മറന്ന് അക്രമരാഷ്ട്രീയം സി പി എം തുടര്‍ന്നാല്‍ സി പി എം എന്ന പാര്‍ട്ടി കേരളത്തില്‍ പൂര്‍ണമായി ഇല്ലാതാവുമെന്ന് മന്ത്രി മഞ്ഞളാംകുഴി അലി പറഞ്ഞു.
മക്കരപ്പറമ്പില്‍ പഞ്ചായത്ത് മുസ്‌ലിം ലീഗ് കമ്മിറ്റി നല്‍കിയ സ്വീകരണ സമ്മേളനത്തില്‍ സംസാരിക്കുകയായിരുന്നു അദ്ദേഹം. പഞ്ചായത്ത് മുസ്‌ലിം ലീഗ് പ്രസിഡന്റ് ചോലക്കല്‍ അബു മാസ്റ്റര്‍ അധ്യക്ഷത വഹിച്ചു. സെക്രട്ടറി വേങ്ങശ്ശേരി മെഹ്ബൂബ്, ടി എ അഹമ്മദ് കബീര്‍ എം എല്‍ എ പങ്കെടുത്തു.

Keywords: Manjalamkhuzhi Ali, IUML, Malappuram, Malappuram, കേരള, 
6:04 PM | 0 comments

ആര്യാടന്റെ പൊതുപരിപാടികള്‍ ബഹിഷ്‌കരിക്കാന്‍ ലീഗ് നേതാക്കള്‍ക്ക് രഹസ്യ നിര്‍ദേശം

Written By Malappuram News on Monday, May 14, 2012 | 10:33 AM

 നിലമ്പൂര്‍: മന്ത്രി ആര്യാടനും ലീഗും തമ്മിലുള്ള രഹസ്യ പോര്‍വിളികള്‍ക്ക് പുതിയ മാനം കൈവരുന്നു. ആര്യാടന്റെ പൊതുപരിപാടികള്‍ ബഹിഷ്‌ക്കരിക്കാന്‍ ലീഗ് എം എല്‍ എ മാരോടും സീനിയര്‍ നേതാക്കളോടും രഹസ്യം നിര്‍ദേശം നല്‍കിയതായി അറിയുന്നു.
കഴിഞ്ഞ ദിവസം മഞ്ചേരിയില്‍ നടന്ന ഒരു ചടങ്ങില്‍ ലീഗ് എം എല്‍ എ യുടെ പേരടക്കം അച്ചടിച്ച നോട്ടീസുകള്‍ വിതരണം ചെയ്തിട്ടും സംഘാടകര്‍ നേരിട്ടഭ്യര്‍ഥിച്ചും എം എല്‍ എ പങ്കെടുത്തില്ല.
നിലമ്പൂര്‍ ചോലോട്, യു പി സ്‌കൂളില്‍ നടന്ന സെമിനാറില്‍ വിദ്യാഭ്യാസ മന്ത്രി പങ്കെടുക്കുമെന്ന് വ്യാപക പ്രചാരണം ഉണ്ടായിട്ടും മന്ത്രി പങ്കെടുക്കാത്തത് ഈ തീരുമാനം തന്നെയാണെന്നാണറിയുന്നത്. തിരുവനന്തപുരത്ത് വെച്ച് ലീഗിനെ കൊച്ചാക്കി പ്രസംഗിച്ചതാണ് ഇതിന് കാരണമായി പറയുന്നത്.

Keywords: IUML, Muslim League, Aryadan Muhammed, Congress, Malappuram, Nilambur, കേരള, 
10:33 AM | 0 comments

ലീഗ് അംഗങ്ങളെ പാര്‍ട്ടിയില്‍ നിന്നും പുറത്താക്കി

Written By Malappuram News on Wednesday, May 9, 2012 | 12:27 AM

മലപ്പുറം: നിലമ്പൂര്‍ നിയോജകമണ്ഡലത്തിലെ മൂത്തേടം ഗ്രാമപഞ്ചായത്ത് പ്രസിഡന്റിന് എതിരെ ഇന്നലെ നടന്ന അവിശ്വാസപ്രമേയത്തിന് അനൂകൂലമായി പാര്‍ട്ടിനിര്‍ദ്ദേശം ലംഘിച്ച് സി.പി.എം. അംഗങ്ങളോടൊപ്പം ചേര്‍ന്ന് വോട്ട് രേഖപ്പെടുത്തിയ മുസ്‌ലിംലീഗ് ഗ്രാമപഞ്ചായത്ത് അംഗങ്ങളായ പി. അഷ്‌റഫ്, വി.പി. അബ്ദുറഹ്മാന്‍, യു.പി. കുഞ്ഞിമുഹമ്മദ്, ഷബ്‌ന ഷാനവാസ് എന്നിവരെ പാര്‍ട്ടിയില്‍ നിന്നും പുറത്താക്കിയതായി മുസ്‌ലിംലീഗ് ജില്ലാ ജനറല്‍ സെക്രട്ടറി പി. അബ്ദുല്‍ഹമീദ് അറിയിച്ചു.

Keywords: Muslim League, IUML, Malappuram, കേരള, 
12:27 AM | 0 comments

അവിശ്വാസ പ്രമേയത്തില്‍ മൂത്തേടത്ത്‌ കോണ്‍ഗ്രസിന്‌ ഭരണം നഷ്ടമായി

Written By kvartha desk on Tuesday, May 8, 2012 | 3:21 PM


നിലമ്പൂര്‍:  മൂത്തേടം പഞ്ചായത്തില്‍ ലീഗ്‌ അവതരി പ്പിച്ച അവിശ്വാസ പ്രമേയത്തില്‍ കോണ്‍ഗ്രസിന്‌ ഭരണം നഷ്ടമായി. അവിശ്വാസ പ്രമേയത്തിന്‌ സി പി എം പിന്തുണ നല്‍കി. അവിശ്വാസ പ്രമേയത്തെ അനുകൂലിച്ച നാല്‌ അംഗങ്ങളെ മുസ്ലിം ലീഗ്‌ പുറത്താക്കിയതായി ലീഗ്‌ അംഗങ്ങള്‍ക്കും വിപ്പ്‌ നല്‍കിയിരുന്നു. ഇത്‌ ലംഘിച്ചാണ്‌ ഇവര്‍ പ്രമേയത്തെ അനുകൂലിച്ചത്‌.
3:21 PM | 0 comments

മുസ്‌ലിംലീഗ് ജില്ലാ സമ്മേളനത്തിന് ഉജ്ജ്വല സമാപനം

Written By mvarthasubeditor on Sunday, May 6, 2012 | 7:47 PM


മഞ്ചേരി: മുസ്‌ലിംലീഗിന്റെ രൂപീകരണ കാലത്തു തന്നെ പാര്‍ട്ടിക്കു വേരോട്ടം ലഭിച്ച മണ്ണില്‍ നടന്ന ജില്ലാ സമ്മേളനം ജനബാഹുല്യം കൊണ്ട് ചരിത്രസംഭവമായി. ഏപ്രില്‍ 21ന് ആരംഭിച്ച ജില്ലാ സമ്മേളനത്തിന്റെ സമാപന പൊതുസമ്മേളനത്തിന് സമുജ്ജ്വല സമാപ്തി.
നാല് മണിക്ക് ആരംഭിച്ച ഗ്രീന്‍ഗാര്‍ഡ് പരേഡോടെയായിരുന്നു സമ്മേളനം ആരംഭിച്ചത്. കൃത്യമായ ചുവടുകളും സംഘശക്തിയുടെ അജയ്യതയും വിളിച്ചോതിയ ഗ്രീന്‍ഗാര്‍ഡ് പരേഡ് നഗരവീഥികളെ ആവേശം കൊള്ളിച്ചു. ജില്ലയിലെ മുഴുവന്‍ പഞ്ചായത്തുകളില്‍ നിന്നുമായി കാല്‍ലക്ഷത്തിലധികം വളണ്ടിയര്‍മാര്‍ ഒന്നിച്ച് അടിവെച്ചു നീങ്ങിയപ്പോള്‍ അക്ഷരാര്‍ഥത്തില്‍ നഗരം പ്രകമ്പനം കൊണ്ടു.
ജനബാഹുല്യം ഭയന്ന് ബഹുജനങ്ങളെ കേന്ദ്രീകരിച്ചുള്ള പ്രകടനം ഒഴിവാക്കിയിരുന്നുവെങ്കിലും രാവിലെ മുതല്‍ തന്നെ നഗരത്തില്‍ പതിനായിരങ്ങളെത്തി. ഒരു ലക്ഷത്തോളം പേര്‍ സമ്മേളനത്തില്‍ പങ്കെടുക്കുമെന്നായിരുന്നു സംഘാടകരുടെ കണക്കുകൂട്ടലെങ്കിലും അതെല്ലാം തെറ്റിക്കുന്ന വിധത്തിലായിരുന്നു ജനങ്ങളുടെ കുത്തൊഴുക്ക്. 

രാവിലെ തന്നെ നഗരത്തിലെ എല്ലാ വഴികളും പ്രവര്‍ത്തകരെക്കൊണ്ട് നിറഞ്ഞിരുന്നു. ശിഹാബ് തങ്ങള്‍ നഗര്‍ ലക്ഷ്യമാക്കി ജില്ലയിലെ വിവിധ കേന്ദ്രങ്ങളില്‍ നിന്ന് ഹരിതപതാകയുമേന്തി ചെറുതും വലുതുമായ വാഹനങ്ങളും ഒറ്റയ്ക്കും കൂട്ടായുമായ പ്രകടനങ്ങളും മുദ്രാവാക്യങ്ങളുടെയും പാര്‍ട്ടി താരാട്ടുകളുടെയും അകമ്പടിയോടെയെത്തി.
ഗ്രീന്‍ഗാര്‍ഡ് പരേഡിന് വന്‍ സ്വീകരണമായിരുന്നു. വെളുത്ത നിറത്തിലുള്ള പാന്റും പച്ച നിറത്തിലുള്ള ഷര്‍ട്ടും തൊപ്പിയും ഷൂസും അണിഞ്ഞ ഗ്രീന്‍ ഗാര്‍ഡുകളുടെ പരേഡ് ഗംഭീരവും അവിസ്മരണീയവുമായി. ജില്ലാ മുസ്‌ലിംലീഗ് പ്രസിഡണ്ട് പാണക്കാട് സയ്യിദ് സാദിഖലി ശിഹാബ് തങ്ങള്‍ ജനറല്‍ സെക്രട്ടറി പി അബ്ദുല്‍ ഹമീദ് മാസ്റ്റര്‍, കൊളത്തൂര്‍ ടി മുഹമ്മദ് മൗലവി, അരിമ്പ്ര മുഹമ്മദ് മാസ്റ്റര്‍, അഷ്‌റഫ് കോക്കൂര്‍, എംകെ ബാവ, പി സൈതലവി മാസ്റ്റര്‍,ടിവി ഇബ്രാഹിം, സലീം കുരുവമ്പലം, എംഎ ഖാദര്‍, അഡ്വ എം റഹ്മത്തുല്ല, പിഎം ഹനീഫ്. നൗഷാദ് മണ്ണിശ്ശേരി, ഉസ്മാന്‍ താമരത്ത്, ടിപി അഷ്‌റഫലി, നഹാസ് പാറക്കല്‍, ടി ശാജഹാന്‍, ഉമര്‍ ഒട്ടുമ്മല്‍, പിഎംകെ കാഞ്ഞിയൂര്‍, സികെ റസാക്, തുടങ്ങിയവര്‍ മുന്‍നിരയില്‍ അണിനിരന്നു. ഗ്രീന്‍ ഗാര്‍ഡ് ക്യാപ്റ്റന്‍ ഇപി ഹനീഫ് മാസ്റ്റര്‍, വൈസ് ക്യാപ്റ്റന്‍മാരായ യുകെ മമ്മദിശ, സലീം മണ്ണിശ്ശേരി തുടങ്ങിയവരും നേതൃത്വം നല്‍കി. 

നേതാക്കള്‍ക്ക് തൊട്ടുപിറകില്‍ ഓരോ മണ്ഡലവും അടിവെച്ചു. മണ്ഡലം ടീമുകളുടെ മുന്‍നിരയില്‍ മണ്ഡലം ഭാരവാഹികള്‍ നേതൃത്വം നല്‍കി. മൂന്ന് നിരകളിലായാണ് ഗ്രീന്‍ ഗാര്‍ഡുകള്‍ മാര്‍ച്ച് ചെയ്തത്. ഒരോ ക്യാപ്റ്റന്‍ ഉള്‍പ്പെടെ 34 അംഗങ്ങളുള്ള യൂണിറ്റുകളാക്കിയായിരുന്നു ഓരോ ട്രൂപ്പും അടി വെച്ചത്. മൂന്ന് കേന്ദ്രങ്ങളില്‍ നിന്ന് പുറപ്പെട്ട മാര്‍ച്ചുകളും ജസീല ജംഗ്ഷനില്‍ സംഗമിച്ച് പ്രധാന നഗരം വഴി കച്ചേരിപ്പടിയിലെത്തി ബൈപാസിലൂടെ സമ്മേളന നഗരിയിലെത്തുമ്പോള്‍ സൂചി കുത്താനിടമില്ലാതെ നിറഞ്ഞ് കവിഞ്ഞിരുന്നു. 

പൊതുസമ്മേളനം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്തു. പാണക്കാട് സയ്യിദ് സാദിഖലി ശിഹാബ് തങ്ങള്‍ അധ്യക്ഷത വച്ചു. മുസ്‌ലിംലീഗ് അഖിലേന്ത്യേ പ്രസിഡണ്ടും വിദേശകാര്യ -മാനവവിഭവശേഷി വകുപ്പ് മന്ത്രിയുമായ ഇ അഹമ്മദ് മുഖ്യാതിഥിയായിരുന്നു. വ്യവസായ മന്ത്രി പികെ കുഞ്ഞാലിക്കുട്ടി മുഖ്യപ്രഭാഷണം നടത്തി. ഇടി മുഹമ്മദ് ബഷീര്‍ എംപി, കെപിഎ മജീദ്, എംപി അബ്ദുസമദ് സമദാനി, ഡോ എംകെ മുനീര്‍, പികെ അബ്ദുറബ്ബ്, വികെ ഇബ്രാഹിം കുഞ്ഞ്, മഞളാം കുഴി അലി, കെഎം ഷാജി, പിവി അബ്ദുല്‍ വഹാബ്, കെ കുട്ടി അഹമ്മദ് കുട്ടി, എംഐ തങ്ങള്‍ ,പ്രസംഗിച്ചു. പാണക്കാട് സയ്യിദ് ബഷീറലി ശിഹാബ് തങ്ങള്‍, അബ്ബാസലി ശിഹാബ് തങ്ങള്‍, പാണക്കാട് സയ്യിദ് മുനവ്വറലി ശിഹാബ് തങ്ങള്‍, ഹമീദലി ശിഹാബ് തങ്ങള്‍, തമിഴ്‌നാട് മുസ്‌ലിംലീഗ് സെക്രട്ടറി അബൂബക്കര്‍, തുടങ്ങിയവരും എംഎല്‍എമാരും സന്നിഹതിരായിരുന്നു.
മുസ്‌ലിംലീഗ് ജില്ലാജനറല്‍ സെക്രട്ടറി പി അബ്ദുല്‍ ഹമീദ് സ്വാഗതവും സെക്രട്ടറി സലീം കുരുവമ്പലം നന്ദിയും പറഞ്ഞു.




Keywords: IUML, Muslim League, Conference, Manjeri, Malappuram,
7:47 PM | 0 comments

മുസ്‌ലിംലീഗ് ജില്ലാ സമ്മേളനം: രാജകീയ വരവേല്‍പ്പിന് മഞ്ചേരി ഒരുങ്ങി

Written By Malappuram News on Friday, May 4, 2012 | 12:18 AM

മഞ്ചേരി: മുസ്‌ലിംലീഗ് പ്രസ്ഥാനത്തിന് വിത്തിട്ട മണ്ണില്‍ മുന്‍കാല നേതാക്കളുടെ ത്യാഗ സ്മരണകളുടെ നിറവില്‍ നടക്കുന്ന മലപ്പുറം ജില്ല മുസ്‌ലിംലീഗ് സമ്മേളനത്തിന് രാജകീയ വരവേല്‍പ് നല്‍കാന്‍ മഞ്ചേരി നഗരം ഒരുങ്ങി. പ്രവര്‍ത്തകരില്‍ ആവേശം വിതറാനും പാര്‍ട്ടി ചലനങ്ങള്‍ക്ക് കരുത്ത് പകരാനും പാര്‍ട്ടിയുടെ ജനക്ഷേമ സന്ദേശങ്ങള്‍ പൊതുജനങ്ങളിലെത്തിക്കാനുമായി ഏപ്രില്‍ 21ന് ആരംഭിച്ച ജില്ലാ സമ്മേളനത്തിന്റെ സമാപന സമ്മേളനമാണ് മെയ് 5ന് മഞ്ചേരിയില്‍ നടക്കുന്നത്. ജില്ലയുടെ നാനാഭാഗങ്ങളില്‍ നിന്നെത്തുന്ന ആയിരങ്ങളെ സ്വീകരിക്കാന്‍ ഏറനാടിന്റെ തലസ്ഥാനനഗരിയില്‍ വിപുലമായ ഒരുക്കങ്ങളാണ് നടത്തിയിട്ടുള്ളത്.

ഒരു മാസം മുമ്പേ ആരംഭിച്ച പ്രചരണപരിപാടികളും വാര്‍ഡ് കണ്‍വെന്‍ഷനുകളും പ്രവര്‍ത്തകരില്‍ ആവേശമുണ്ടാക്കിയിട്ടുണ്ട്. മുഴുവന്‍ പഞ്ചായത്തുകളിലും വാര്‍ഡ് കണ്‍വെന്‍ഷനും ഗ്രീന്‍ഗാര്‍ഡ് പരേഡ് പരിശീലനവും പൂര്‍ത്തിയായി. വാഹനജാഥ, പദയാത്ര, ബൈക്ക് റാലി, കുടുംബസംഗമം, ഗൃഹസന്ദര്‍ശനം തുടങ്ങി ജനമനസ്സുകളില്‍ സമ്മേളന സന്ദേശം നല്‍കാന്‍ അഭൂതപൂര്‍വമായ ആവേശമാണ് പ്രവര്‍ത്തകര്‍ കാണിച്ചത്. പഞ്ചായത്ത്-മണ്ഡലം കമ്മിറ്റികള്‍ പ്രത്യേക കണ്‍വെന്‍ഷനുകള്‍ വിളിച്ച് സമ്മേളന പ്രവര്‍ത്തനങ്ങള്‍ക്ക് രൂപം നല്‍കി.

കാല്‍ ലക്ഷത്തോളം വളണ്ടിയര്‍മാര്‍ പങ്കെടുക്കുന്ന ഗ്രീന്‍ഗാര്‍ഡ് പരേഡ് മൂന്ന് കേന്ദ്രങ്ങളില്‍ നിന്നാണ് ആരംഭിക്കുന്നത്. പാണ്ടിക്കാട് റോഡിലെ കെ.എം.എച്ച് ആസ്പത്രി പരിസരം, നിലമ്പൂര്‍ റോഡിലെ ചെരണി, കോഴിക്കോട് റോഡിലെ തുറക്കല്‍ എന്നിവിടങ്ങളില്‍ നിന്നാരംഭിക്കുന്ന പരേഡ് മേലാക്കം ജംഗ്ഷനില്‍ സംഗമിച്ച് നഗരം വഴി സമ്മേളന നഗരിയിലെത്തും. ഗ്രീന്‍ഗാര്‍ഡ് പരേഡ് അംഗങ്ങള്‍ക്ക് സ്വീകരണം നല്‍കാനും മാര്‍ച്ച് ആരംഭിക്കുന്ന കേന്ദ്രങ്ങളില്‍ സൗകര്യമേര്‍പ്പെടുത്തുന്നതിനും വന്‍ ഒരുക്കങ്ങളാണ് നടത്തിയിട്ടുള്ളത്.

സമ്മേളന പ്രചരണത്തിന്റെ ഭാഗമായി നഗരത്തിലെ വിവിധ കേന്ദ്രങ്ങളില്‍ കുടിവെള്ള വിതരണം പോലുള്ള ജീവകാരുണ്യ പദ്ധതികളും സമ്മേളന സന്ദേശം വിളംബരം ചെയ്യുന്ന ഹരിതവര്‍ണത്തിലുള്ള വെയ്റ്റിംഗ് ഷെഡുകള്‍, കമാനങ്ങള്‍, ബോര്‍ഡുകള്‍, കൊടി തോരണങ്ങള്‍ തുടങ്ങിയവയും വ്യാപകമായി. നഗരത്തിലെ പ്രധാന റോഡുകളിലെല്ലാം സമ്മേളന സന്ദേശം മുഴക്കുന്ന ഗെയ്റ്റുകള്‍ ഉയര്‍ന്നിട്ടുണ്ട്. മുന്‍കാല നേതാക്കളുടെ പേരില്‍ മുസ്‌ലിംലീഗും പോഷക ഘടകങ്ങളുമാണ് ഗെയ്റ്റ് സ്ഥാപിച്ചിട്ടുള്ളത്.

കൊരമ്പയില്‍ അഹമ്മദ് ഹാജിയുടെ പേരില്‍ മുന്‍സിപ്പല്‍ മുസ്‌ലിംലീഗും ബാപ്പു കുരിക്കളുടെ പേരില്‍ മുന്‍സിപ്പല്‍ യൂത്ത്‌ലീഗും ഹസന്‍കുട്ടി കുരിക്കളുടെ പേരില്‍ മുന്‍സിപ്പല്‍ എം.എസ്.എഫും ഓവുങ്ങല്‍ ആലിഹാജിയുടെ പേരില്‍ മുന്‍സിപ്പല്‍ പ്രവാസി ലീഗും അബ്ദുല്ലക്കുട്ടി കുരിക്കളുടെ പേരില്‍ കെ.എം.സി.സി ജിദ്ദ മഞ്ചേരി മുന്‍സിപ്പല്‍ കമ്മിറ്റിയും കുഞ്ഞാപ്പു കുരിക്കളുടെ പേരില്‍ കെ.എം.സി.സി ഷറഫിയ്യ ജിദ്ദ മഞ്ചേരി മുന്‍സിപ്പല്‍ കമ്മിറ്റിയും പാലായി അബൂബക്കറിന്റെ പേരില്‍ കെ.എം.സി.സി റിയാദ് മഞ്ചേരി മുന്‍സിപ്പല്‍ കമ്മിറ്റിയും എം മഹ്മൂദ് എന്ന ബാപ്പുട്ടിയുടെ പേരില്‍ കെ.എം.സി.സി അല്‍ജുബൈല്‍ സെന്‍ട്രല്‍ കമ്മിറ്റിയും വല്ലാഞ്ചിറ ഖാദറിന്റെ പേരില്‍ അര്‍ബന്‍ ബാങ്ക് എംപ്ലോയീസ് ഓര്‍ഗനൈസേഷനും വല്ലാഞ്ചിറ റഷീദിന്റെ പേരില്‍ ടാക്‌സി & കോണ്‍ട്രാക്ട് ഗാരേജ് വര്‍ക്കേഴ്‌സ് ഫെഡറേഷ (എസ്.ടിയു)നും കൊടക്കാടന്‍ മുഹമ്മദിന്റെ പേരില്‍ മുന്‍സിപ്പല്‍ കണ്ടിജന്റ് വര്‍ക്കേഴ്‌സ് ഫെഡറേഷ (എസ്.ടിയു)നും അഡ്വ. കെ.പി മുഹമ്മദിന്റെ പേരില്‍ കേരള ലോയേഴ്‌സ് ഫോറം മലപ്പുറം ജില്ല കമ്മിറ്റിയും തുറക്കല്‍ ബാപ്പുട്ടി, കെ കുഞ്ഞിമുഹമ്മദ്, വല്ലാഞ്ചിറ ഉമ്മര്‍ എന്നിവരുടെ പേരില്‍ മുന്‍സിപ്പല്‍ ചുമട്ടു തൊഴിലാളി യൂനിയനുമാണ് ഗെയ്റ്റുകള്‍ സ്ഥാപിച്ചത്.
ഗരിയിലെ ഒരുക്കങ്ങള്‍ അവസാനഘട്ടത്തില്‍


മഞ്ചേരി: സമ്മേളന നഗരിയിലെ ഒരുക്കങ്ങള്‍ അവസാനഘട്ടത്തില്‍. വെള്ളിയാഴ്ച നടക്കുന്ന പതാകജാഥയെ സ്വീകരിക്കാനുള്ള കൊടിമരങ്ങള്‍ പൂര്‍ണമായും നാട്ടിക്കഴിഞ്ഞു. ജില്ലയിലെ വിവിധ കേന്ദ്രങ്ങളില്‍ നിന്നെത്തുന്ന 64 പതാകകളും കൊടപ്പനക്കല്‍ തറവാട്ടില്‍ നിന്നെത്തുന്ന പതാകയും സ്വീകരിക്കാനുള്ള ഒരുക്കങ്ങള്‍ നഗരിയില്‍ പൂര്‍ത്തിയായി.

ഏകദേശം മൂവായിരം സ്‌ക്വയര്‍ഫീറ്റ് വിസ്തീര്‍ണത്തിലാണ് സ്റ്റേജ് ഒരുക്കിയിട്ടുള്ളത്. അറേബ്യന്‍ കലാരൂപത്തെ ഓര്‍മിപ്പിക്കുംവിധത്തിലാണ് സ്റ്റേജിലെ കമാനങ്ങള്‍. അത്യാകര്‍ഷണീയ മാതൃകയിലുള്ള പെയിന്റിംഗുകളും ആര്‍ട്‌വര്‍ക്കുകളും ഇതിനെ സവിശേഷതയാണ്. സ്റ്റേജിനു മുമ്പില്‍ മീഡിയഗാലറിയും തൊട്ടുപിറകില്‍ ഗ്രീന്‍ഗാര്‍ഡ് വളണ്ടിയര്‍മാര്‍ക്കുള്ള ഇരിപ്പിടവുമാണ് ഒരുക്കുന്നത്.

സ്റ്റേജിന്റെ പടിഞ്ഞാറു ഭാഗത്ത് 13 അടി ഉയരവും 8 അടി വീതിയുമുള്ള ഒരു എല്‍.ഇ.ഡി സ്‌ക്രീന്‍ സ്ഥാപിക്കും. ആറ് കാമറകളിലൂടെ ഒപ്പിയെടുക്കുന്ന ദൃശ്യങ്ങള്‍ പൊതുജനങ്ങളിലേക്ക് പകരാന്‍ നഗരത്തിലെ വിവിധ ഭാഗങ്ങളിലായി എട്ടോളം സ്‌ക്രീനുകള്‍ സ്ഥാപിക്കും. മഞ്ചേരി ടൗണ്‍, ജനറല്‍ ആസ്പത്രി പരിസരം, പ്രധാന ജംഗ്ഷനുകള്‍ തുടങ്ങിയ സ്ഥലങ്ങളില്‍ സ്‌ക്രീനുകള്‍ സ്ഥാപിക്കും.

പകല്‍, രാത്രി ഭേദമന്യെ നൂറോളം തൊഴിലാളികളുടെ പരിശ്രമമാണ് നഗരിയെ സുന്ദരമാക്കുന്നത്. അരീക്കോട് സ്വദേശി ഷാഹിദിന്റെ നേതൃത്വത്തിലാണ് പ്രവൃത്തികള്‍ പുരോഗമിക്കുന്നത്. ഷാഹിദിന്റെ സഹോദരന്‍ നസീമിന്റെ ഡിസൈനിലാണ് ശിഹാബ് തങ്ങള്‍ നഗര്‍ ഒരുങ്ങുന്നത്.

Keywords: Conference, IUML, Muslim League, Manjeri, Malappuram, Politics, 
12:18 AM | 0 comments

മുസ്‌ലിം ലീഗ് ജില്ലാ സമ്മേളനവും ഗ്രീന്‍ഗാര്‍ഡ് പരേഡും അഞ്ചിന്

Written By Malappuram News on Wednesday, May 2, 2012 | 8:05 PM

മഞ്ചേരി: 'സംശുദ്ധ രാഷ്ട്രീയം, സുരക്ഷിത സമൂഹം' എന്ന സന്ദേശത്തോടെ മുസ്‌ലിം ലീഗ് മലപ്പുറം ജില്ലാ സമ്മേളനവും ഗ്രീന്‍ഗാര്‍ഡ് പരേഡും മെയ് 5ന് മഞ്ചേരി ശിഹാബ് തങ്ങള്‍ നഗറില്‍ നടക്കുമെന്ന് നേതാക്കള്‍ വാര്‍ത്താസമ്മേളനത്തില്‍ അറിയിച്ചു. ഏപ്രില്‍ 21ന് പ്രതിനിധി സമ്മേളനത്തോടെ ആരംഭിച്ച ജില്ലാ സമ്മേളനത്തിന്റെ സമാപന പൊതുസമ്മേളനമാണ് 5ന് മഞ്ചേരിയില്‍ നടക്കുന്നത്.
ജില്ലയിലെ വ്യത്യസ്ത ഭാഗങ്ങളിലായി സംഘടിപ്പിച്ച വനിത-വിദ്യാര്‍ഥിനി സമ്മേളനം, ദളിത്‌ലീഗ് സമ്മേളനം, യുവജന-വിദ്യാര്‍ഥി സമ്മേളനം, തൊഴിലാളി-കര്‍ഷക സമ്മേളനം, പ്രവാസിലീഗ്-കെ.എം.സി.സി സമ്മേളനം, ചരിത്ര-സാംസ്‌കാരിക സമ്മേളനം തുടങ്ങി ജനോപകാര മുദ്രാവാക്യങ്ങളുയര്‍ത്തുന്ന സമ്മേളനങ്ങള്‍ സംഘടനാശക്തി വിളിച്ചോതുന്നതും വന്‍ ജനപങ്കാളിത്തമുള്ളവയുമായിരുന്നു. ഓരോ സമ്മേളനങ്ങളിലും ചര്‍ച്ചചെയ്ത വിഷയങ്ങള്‍ ക്രോഡീകരിച്ച് പ്രവര്‍ത്തന പരിപാടികള്‍ക്ക് സമ്മേളനം രൂപം നല്‍കും.
പ്രത്യേക പരിശീലനം നേടിയ കാല്‍ലക്ഷത്തോളം കേഡറ്റുകള്‍ പങ്കെടുക്കുന്ന ഗ്രീന്‍ഗാര്‍ഡ് പരേഡ് മൂന്ന് മണിക്ക് ആരംഭിക്കും. ജില്ലയിലെ 16 മണ്ഡലങ്ങളില്‍ നിന്നുള്ള ഗ്രൂപ്പുകള്‍ അണിനിരക്കും. നിലമ്പൂര്‍, വണ്ടൂര്‍, മഞ്ചേരി, ഏറനാട് മണ്ഡലങ്ങളില്‍ നിന്നുള്ളവര്‍ ചെരണിയില്‍ നിന്നും മങ്കട, പെരിന്തല്‍മണ്ണ, മലപ്പുറം, കോട്ടക്കല്‍ മണ്ഡലങ്ങളില്‍ നിന്നുള്ളവര്‍ കെ.എം.എച്ച് ആസ്പത്രി പരിസരത്തു നിന്നും കൊണ്ടോട്ടി, വള്ളിക്കുന്ന്, തിരൂര്‍, താനൂര്‍, തിരൂരങ്ങാടി, തവനൂര്‍, പൊന്നാനി, വേങ്ങര മണ്ഡലങ്ങളിലുള്ളവര്‍ തുറക്കല്‍ ബൈപ്പാസ് ജംഗ്ഷനില്‍ നിന്നുമാണ് പരേഡ് ആരംഭിക്കുക. മൂന്ന് മാര്‍ച്ചുകളും മേലാക്കം ജംഗ്ഷനില്‍ സംഗമിച്ച് പ്രധാന നഗരം വഴി സമ്മേളന നഗരിയായ ശിഹാബ് തങ്ങള്‍ നഗറിലെത്തും.
പൊതുസമ്മേളനം സംസ്ഥാന പ്രസിഡന്റ് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. ജില്ല പ്രസിഡന്റ് സയ്യിദ് സാദിഖലി ശിഹാബ് തങ്ങള്‍ അധ്യക്ഷതവഹിക്കും. കേന്ദ്രമന്ത്രി ഇ അഹ്മദ്, ഗവ. ചീഫ് വിപ്പ് പി.സി ജോര്‍ജ്, എം.പി വീരേന്ദ്രകുമാര്‍, മന്ത്രിമാരായ പി.കെ കുഞ്ഞാലിക്കുട്ടി, ഡോ. എം.കെ മുനീര്‍, പി.കെ അബ്ദുറബ്ബ്, വി.കെ ഇബ്‌റാഹീം കുഞ്ഞ്, മഞ്ഞളാംകുഴി അലി, മുസ്‌ലിംലീഗ് സംസ്ഥാന ജന.സെക്രട്ടറിമാരായ ഇ.ടി മുഹമ്മദ് ബഷീര്‍, കെ.പി.എ മജീദ്, എം.പി അബ്ദുസ്സമദ് സമദാനി എം.എല്‍.എ, കെ.എം ഷാജി എം.എല്‍.എ, പി.വി അബ്ദുല്‍വഹാബ്, കുട്ടി അഹമ്മദ് കുട്ടി, എം.ഐ തങ്ങള്‍, പി.എം.എ സലാം, പി അബ്ദുല്‍ഹമീദ്, സലീം കുരുവമ്പലം പങ്കെടുക്കും.
മെയ് 4ന് പതാകജാഥ നടക്കും. മുസ്‌ലിംലീഗ് ജന്മംകൊണ്ട് 64 വര്‍ഷം പിന്നിടുന്നതിന്റെ ഓര്‍മയ്ക്കായി 16 മണ്ഡലങ്ങളില്‍ നിന്ന് 64 പതാക ജാഥകള്‍ ആരംഭിക്കും. മണ്‍മറഞ്ഞ പൂര്‍വകാല നേതാക്കളുടെ വീടുകളില്‍ നിന്നാണ് പതാകകള്‍ ഏറ്റുവാങ്ങുക. ഇതിനു പുറമെ പാണക്കാട് കുടപ്പനക്കല്‍ തറവാടില്‍ നിന്നും മുസ്‌ലിംലീഗ് സംസ്ഥാന പ്രസിഡന്റ് കൈമാറുന്ന പതാക ജില്ല സെക്രട്ടറി പി അബ്ദുല്‍ഹമീദ് ഏറ്റുവാങ്ങും. വൈകിട്ട് 5 മണിക്ക് സമ്മേളന നഗരിയില്‍ എത്തിച്ചേരുന്ന പതാകകള്‍ 64 കാരണവന്മാര്‍ ഒരേ സമയം ഉയര്‍ത്തും. തുടര്‍ന്ന് നടക്കുന്ന 'സ്‌നേഹാദരം' പരിപാടിയില്‍ ജില്ലയിലെ ഓരോ പഞ്ചായത്തില്‍ നിന്നും തെരഞ്ഞെടുത്ത 125 പ്രമുഖരെ ആദരിക്കും. തുടര്‍ന്ന് കേരള സംസ്‌കൃതി അവതരിപ്പിക്കുന്ന മാപ്പിള കലാവിരുന്ന് നടക്കും.
മെയ് 3ന് ഹരിതം 2012 -മെഗാക്വിസ് റിയാലിറ്റി ഷോ നടക്കും. വിദ്യാഭ്യാസ- സന്നദ്ധ സ്ഥാപനങ്ങളില്‍ നിന്നുള്ള നൂറോളം ടീമുകള്‍ പങ്കെടുക്കും. സമ്മേളനത്തോടനുബന്ധിച്ച് ആരംഭിച്ച കാലം- എക്‌സിബിഷന്‍ സമ്മേളന നഗരിക്കു സമീപം പ്രദര്‍ശനം തുടരുന്നുണ്ട്.
വാര്‍ത്താ സമ്മേളനത്തില്‍ ജില്ലാ പ്രസിഡന്റ് സയ്യിദ് സാദിഖലി ശിഹാബ് തങ്ങള്‍, ജന. സെക്രട്ടറി പി അബ്ദുല്‍ഹമീദ്, അഡ്വ. എം ഉമ്മര്‍ എം.എല്‍.എ, നാലകത്ത് സൂപ്പി, ജില്ലാ സെക്രട്ടറിമാരായ അഡ്വ. എം റഹ്മത്തുല്ല, സലീം കുരുവമ്പലം, വല്ലാഞ്ചിറ മുഹമ്മദലി, കൊടക്കാടന്‍ മുഹമ്മദലി ഹാജി, വല്ലാഞ്ചിറ അബ്ദുല്‍മജീദ്, കണ്ണിയന്‍ അബൂബക്കര്‍, സജ്‌റുദ്ദീന്‍ മൊയ്തു, യൂസുഫ് വല്ലാഞ്ചിറ പങ്കെടുത്തു.

Keywords: Conference, IUML, Muslim League, Manjeri, Malappuram, 
8:05 PM | 0 comments

ഹരിതം -മെഗാക്വിസ് റിയാലിറ്റിഷോ മൂന്നിന്

മഞ്ചേരി: ജില്ലാ സമ്മേളനത്തോടനുബന്ധിച്ച് കൊരമ്പയില്‍ അഹമ്മദ് ഹാജി നഗറില്‍ നടക്കുന്ന ഹരിതം -മെഗാക്വിസ് റിയാലിറ്റി ഷോ മൂന്നിന് മഞ്ചേരിയില്‍ നടക്കും. പി.വി അബ്ദുല്‍വഹാബ് ഉദ്ഘാടനം ചെയ്യും. അഡ്വ. എം റഹ്മത്തുല്ല, അഡ്വ. എന്‍.സി ഫൈസല്‍, കണ്ണിയന്‍ അബൂബക്കര്‍ പങ്കെടുക്കും. നൗഷാദ് അരീക്കോടാണ് ക്വിസ് മാസ്റ്റര്‍.
രാവിലെ 10 മണിക്ക് മഞ്ചേരി കോപ്പറേറ്റീവ് അര്‍ബന്‍ ബാങ്ക് ഓഡിറ്റോറിയത്തിലാണ് എലിമിനേഷന്‍ മത്സരം നടക്കുക. വിദ്യാഭ്യാസ സ്ഥാപനങ്ങളെയും യൂത്ത്ക്ലബ്ബുകളെയും പ്രതിനിധീകരിച്ച് നൂറോളം ടീമുകളാണ് പങ്കെടുക്കുന്നത്. ഒരു ടീമില്‍ രണ്ടുപേര്‍ വീതമാണ് പങ്കെടുക്കുക. ഈ മത്സരത്തില്‍ വിജയിക്കുന്ന പത്തു ടീമുകള്‍ ഫൈനല്‍ റൗണ്ടിലെത്തും. ഫൈനല്‍ മത്സരം ചുള്ളക്കാട് യു.പി സ്‌കൂളിലാണ് നടക്കുക. മത്സരത്തിനിടെ മാപ്പിളപ്പാട്ട്, ഒപ്പന, അറബനമുട്ട്, കോല്‍ക്കളി തുടങ്ങിയ മാപ്പിള കലാരൂപങ്ങളും അരങ്ങേറും.

Keywords: IUML, Muslim League, Manjeri, Malappuram, 
1:30 PM | 0 comments

'കാലം' എക്‌സിബിഷന്‍ തുടങ്ങി

Written By Malappuram News on Tuesday, May 1, 2012 | 1:31 AM

മഞ്ചേരി: മുസ്‌ലിംലീഗിന്റെ ഇന്നലെകളെക്കുറിച്ച ചരിത്രം ഓര്‍മിച്ചെടുക്കാന്‍ 'കാലം' എക്‌സിബിഷന്‍ പ്രേരണ നല്‍കുമെന്ന് അഡ്വ. എം ഉമ്മര്‍ എം.എല്‍.എ പ്രസ്താവിച്ചു. മലപ്പുറം ജില്ലാ മുസ്‌ലിംലീഗ് സമ്മേളനത്തോടനുബന്ധിച്ച് മഞ്ചേരിയില്‍ സംഘടിപ്പിച്ച 'കാലം' എക്‌സിബിഷന്‍ ഉദ്ഘാടനം ചെയ്യുകയായിരുന്നു അദ്ദേഹം. ജില്ലയുടെ സമഗ്രവിവര ശേഖരം തന്നെ ഒരുക്കിയ ഈ സംരംഭത്തിന് പഴയ കാലഘട്ടത്തെ ഓര്‍ത്തെടുക്കാനും സ്മരണകള്‍ പിറകോട്ടുകൊണ്ടുവരാനും സാധിക്കും. ഇന്നലെകളുടെ ആവേശവും പാര്‍ട്ടിക്ക് കരുത്തുപകരുകയും ചെയ്ത സീതിഹാജിയുടെ നാമധേയത്തില്‍ ഒപുക്കിയ നഗര്‍ എന്തുകൊണ്ടും ആവേശം വിതറുന്നതാണെന്ന് അദ്ദേഹം അഭിപ്രായപ്പെട്ടു.
കെ മുഹമ്മദുണ്ണി ഹാജി എം.എല്‍.എ അധ്യക്ഷതവഹിച്ചു. ടി.എ അഹമ്മദ് കബീര്‍ എം.എല്‍.എ മുഖ്യപ്രഭാഷണം നടത്തി. സ്വാതന്ത്ര്യാനന്തരം ഇന്ത്യ നേരിട്ട പ്രധാന വെല്ലുവിളികള്‍ക്ക് പരിഹാരം നിര്‍ദേശിച്ചത് മുസ്‌ലിംലീഗ് പ്രമേയങ്ങളായിരുന്നു. രാഷ്ട്രനിര്‍മാണത്തിന് കാര്യപ്രസക്ത നിര്‍ദേശങ്ങള്‍ നല്‍കിയതിലും രാഷ്ട്രപുരോഗതിയെക്കുറിച്ച് ജനങ്ങളെ ബോധവത്കരിച്ചതിലും പാര്‍ട്ടിക്ക് വലിയ പങ്കുണ്ടെന്ന് അദ്ദേഹം പറഞ്ഞു.
പാണക്കാട് സയ്യിദ് ബഷീറലി ശിഹാബ് തങ്ങള്‍, പി ഉബൈദുല്ല എം.എല്‍.എ, മുസ്‌ലിംലീഗ് ജില്ല സെക്രട്ടറി പി അബ്ദുല്‍ഹമീദ് മാസ്റ്റര്‍, അഡ്വ. എന്‍.സി ഫൈസല്‍, കൊടക്കാടന്‍ മുഹമ്മദലി ഹാജി, സലീം കുരുവമ്പലം, അഡ്വ. എം റഹ്മത്തുല്ല പ്രസംഗിച്ചു. മുസ്‌ലിംലീഗ് മണ്ഡലം സെക്രട്ടറി വല്ലാഞ്ചിറ മുഹമ്മദലി സ്വാഗതവും എം.എസ്.എഫ് ജില്ല സെക്രട്ടറി ടി ഷാജഹാന്‍ നന്ദിയും പറഞ്ഞു.


Keywords:Exhibition, IUML, Muslim League, Manjeri, Malappuram, 
1:31 AM | 0 comments

സര്‍വകലാശാലയെ ലീഗ് കറവപ്പശുവാക്കുന്നു: സിപിഎം

Written By Malappuram News on Friday, April 27, 2012 | 1:11 AM


മലപ്പുറം: കലിക്കറ്റ് യൂണിവേഴ്‌സിറ്റിയെ കറവപ്പശുവാക്കാനാണ് മുസ്ലിംലീഗ് ശ്രമമെന്ന് സിപിഎം ജില്ലാ സെക്രട്ടറി പി പി വാസുദേവന്‍ പ്രസ്താവനയില്‍ കുറ്റപ്പെടുത്തി. 
യൂണിവേഴ്‌സിറ്റി ഭൂമി ഇഷ്ടക്കാരും സ്വന്തക്കാരുമായ ലീഗ് പ്രമാണിമാര്‍ക്ക് ചാര്‍ത്തിക്കൊടുക്കാന്‍ നടന്ന ശ്രമം അപലപനീയമാണ്. ഭൂമിദാനം വിവാദമായപ്പോള്‍ 'ഞാനൊന്നുമറിഞ്ഞില്ല' എന്ന മട്ടില്‍ കൈകഴുകി രക്ഷപ്പെടാനാണ് ലീഗ് നേതൃത്വം ശ്രമിക്കുന്നത്. പൊതുമുതല്‍ കൊള്ളചെയ്ത് സ്വന്തമാക്കാന്‍ ശ്രമിച്ചവരെയും അതിന് കൂട്ടുനിന്നവരെയും പിടികൂടണം. വി സിയെയും സിന്‍ഡിക്കേറ്റിനെയും പുറത്താക്കണം. 
എവിടെ തൊട്ടാലും 'ലാഭം വേണം' എന്ന കച്ചവട മനഃസ്ഥിതി തന്നെയാണ് ലീഗിന്റെ പ്രത്യേകത. മൂന്നിയൂര്‍ ആസ്ഥാനമായി പ്രവര്‍ത്തിക്കുന്ന ഗ്രേസ് എഡ്യുക്കേഷണല്‍ അസോസിയേഷന്‍ ഒരു കടലാസ് കമ്മിറ്റിയാണ്. അതിന്റെ ചെയര്‍മാന്‍ യൂണിയന്‍ ലീഗിന്റെ പ്രസിഡന്റ് ഹൈദരലി ശിഹാബ് തങ്ങളാണ്. മറ്റ് രണ്ട് ട്രസ്റ്റുകളുടെയും തലപ്പത്ത് മന്ത്രിമാരായ പി കെ കുഞ്ഞാലിക്കുട്ടിയുടെയും എം കെ മുനീറിന്റെയും അടുത്ത ബന്ധുക്കളാണ്. കോടികള്‍ വിലമതിക്കുന്ന ഭൂമി ഇവര്‍ക്ക് ദാനം നല്‍കാന്‍ തീരുമാനിച്ചത് ബന്ധുബലം കൊണ്ടുതന്നെ. 
വൈസ് ചാന്‍സലറായി അബ്ദുള്‍ സലാമിനെ അവരോധിച്ചത് ബോധപൂര്‍വമാണ്. ചുമതല ഏല്‍ക്കുംമുമ്പുതന്നെ പാണക്കാട്ടെത്തി അദ്ദേഹം പൂര്‍ണ വിധേയത്വം പ്രഖ്യാപിച്ചത് നാം കണ്ടതാണ്. സര്‍വകലാശാലയില്‍ അടിയന്തരാവസ്ഥക്ക് സമാനമായ സാഹചര്യം സൃഷ്ടിച്ച് അഴിമതിയും അധികാര ദുര്‍വിനിയോഗവും നടത്താനാണ് വി സി ശ്രമിച്ചത്. 
സംസ്ഥാന പ്രസിഡന്റിന്റെ 'തറവാട്ടുമഹിമയും' ആത്മീയ നേതൃസ്ഥാനവും ഉപയോഗപ്പെടുത്തി ലീഗിന് എന്തും നേടാമെന്ന അവസ്ഥയാണ്. ഏതുസാഹചര്യത്തിലും ലീഗിന് മുന്നില്‍ മുട്ടുമടക്കുന്ന നാണംകെട്ട മുഖ്യമന്ത്രിയാണ് കേരളം ഭരിക്കുന്നത്. കോണ്‍ഗ്രസുകാരുടെ പ്രതിഷേധത്തിനുപോലും വിലയില്ലാതായിരിക്കുന്നുവെന്നും അദ്ദേഹം പറഞ്ഞു.


Keywords: IUML, CPM, Muslim League, UCT, Calicut University, 
1:11 AM | 0 comments

യുഡിഎഫിലെ ഘടകകക്ഷികള്‍ക്കെതിരെ പ്രകടനങ്ങള്‍ നടത്തരുത്: സാദിഖലി തങ്ങള്‍

Written By Malappuram News on Thursday, April 26, 2012 | 11:24 AM

 മലപ്പുറം: യു.ഡി.എഫ്. ഘടകകക്ഷികള്‍ക്കിടയിലുള്ള സൗഹൃദത്തെ പ്രതികൂലമായി ബാധിക്കുന്ന തരത്തില്‍ ജില്ലയില്‍ എവിടെയും പ്രകടനങ്ങള്‍ നടത്തരുതെന്ന് മുസ്‌ലിംലീഗ് ജില്ലാ പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍ പറഞ്ഞു. മുസ്‌ലിംലിഗ് ഘടകങ്ങളുടെത് എന്ന വ്യാജേന പ്രത്യക്ഷപ്പെടുന്ന പ്രകോപനപരമായ ഫ്‌ളക്‌സ് ബോര്‍ഡുകള്‍ക്കെതിരെ ജാഗ്രത പുലര്‍ത്തണം. യു.ഡി.എഫില്‍ ഭിന്നത സൃഷ്ടിക്കുന്നതിനായി ചില തല്‍പ്പര കക്ഷികള്‍ നടത്തുന്ന കുതന്ത്രങ്ങളില്‍ ആരും വഞ്ചിതരാവരുതെന്നും സാദിഖലി തങ്ങള്‍ ആവശ്യപ്പെട്ടു.

Keywords: UDF, IUML, Panakkad Sadiqali Shihab Thangal, Muslim League, March, 
11:24 AM | 0 comments

സര്‍വ്വകലാശാലയുടെ ഭൂമി ദാനം ചെയ്തത് ഇടതുസര്‍ക്കാറുകളും സിന്‍ഡിക്കറ്റുകളും: ടി.വി. ഇബ്രാഹിം

മലപ്പുറം: കാലിക്കറ്റ് സര്‍വ്വകലാശാല അനധികൃതമായി ഭൂമി ദാനം ചെയ്തുവെന്ന പ്രചാരണം അടിസ്ഥാന രഹിതമാണെന്ന് സിന്‍ഡിക്കറ്റ് അംഗവും മുസ്‌ലിംലീഗ് ജില്ലാ സെക്രട്ടറിയുമായ ടി.വി. ഇബ്രാഹിം പറഞ്ഞു. സര്‍വ്വകലാശാലയെ മോശമായി ചിത്രീകരിക്കാനും രാഷ്ട്രീയ ലക്ഷ്യങ്ങള്‍ക്കായി ദുര്‍വ്യാഖ്യാനം ചെയ്യാനുമുള്ള ശ്രമങ്ങളാണ് ചില ഭാഗങ്ങളില്‍നിന്നുണ്ടാവുന്നതെന്നും അദ്ദേഹം പറഞ്ഞു.
സര്‍വ്വകലാശാലകളുടെ ഭൂമി ദാനം ചെയ്തത് ഇടതുസര്‍ക്കാരുകളും അവരുടെ സിന്‍ഡിക്കറ്റുകളുമാണെന്ന വസ്തുത മറച്ചുവെച്ചാണ് കാലിക്കറ്റ് സര്‍വ്വകലാശാലക്കെതിരെ തിരിയുന്നത്. തിരുവനന്തപുരത്ത് കേരള സര്‍വ്വകലാശാലയുടെ കണ്ണായ ഭൂമിയിലാണ് സി.പി.എം. സംസ്ഥാന കമ്മിറ്റി ഓഫീസായ എ.കെ.ജി. സെന്റര്‍ പ്രവര്‍ത്തിക്കുന്നത്. സി.പി.എമ്മിന് ഈ ഭൂമി സൗജന്യമായി പതിച്ചുകൊടുത്തത് ഇടതുപക്ഷ സിന്‍ഡിക്കറ്റ് ആണ്. മഹാത്മാഗാന്ധി സര്‍വ്വകലാശാലയില്‍ 2008ല്‍ കേരള ക്രിക്കറ്റ് അസോസിയേഷന് നാല് ഏക്കര്‍ ഭൂമി നല്‍കുകയും ധാരണാപത്രം ഒപ്പുവെക്കുകയും ചെയ്തത് എം.ജി.യിലെ ഇടതുപക്ഷ സിന്‍ഡിക്കറ്റ് ആണെന്നത് ഒട്ടും രഹസ്യമല്ല. കാലിക്കറ്റ് സര്‍വ്വകലാശാലയില്‍തന്നെ സി.പി.എം. അനുകൂല സംഘടനകള്‍ക്കുവേണ്ടി ഒരേക്കറിലധികം ഭൂമി സൗജന്യമായി ഇടതുസിന്‍ഡിക്കറ്റ് നല്‍കിയിട്ടുണ്ട്. സഹകരണ സൊസൈറ്റിക്കായി വിട്ടുനല്‍കിയ സ്ഥലത്ത് സി.പി.എം. നിയന്ത്രണത്തിലുള്ള ഹോട്ടല്‍ വ്യവസായ ഗ്രൂപ്പിന്റെ ശാഖയാണ് ഇപ്പോള്‍ പ്രവര്‍ത്തിക്കുന്നത്. കോഫി ഹൗസ് അടക്കമുള്ള സ്ഥാപനങ്ങള്‍ക്ക് മേല്‍പ്പാട്ടത്തിന് നല്‍കിയ ഇടതുപക്ഷ സിന്‍ഡിക്കറ്റ് നടപടി അന്വേഷിക്കാന്‍ സര്‍വ്വകലാശാല കമ്മിറ്റിയെ നിയമിച്ചിരിക്കുകയാണ്. ഇടതുപക്ഷം ഭരിക്കുന്ന തേഞ്ഞിപ്പലം ഗ്രാമപഞ്ചായത്തിന് ഒരേക്കര്‍ ഭൂമി ഇടതുപക്ഷ സിന്‍ഡിക്കറ്റ് നല്‍കിയിട്ടുണ്ട്. ഇക്കാര്യങ്ങളെല്ലാം വിസ്മരിച്ച് സര്‍വ്വകലാശാലക്കെതിരെ അനാവശ്യമായ പ്രചരണങ്ങള്‍ നടത്തുന്നത് ചില ഗൂഢാലോചനകളുടെ ഭാഗമാണ്. കാലിക്കറ്റ് സര്‍വ്വകലാശാലയുടെ സ്ഥാപകനായ സി.എച്ച്. മുഹമ്മദ്‌കോയയുടെ സ്മരണ നിലനിര്‍ത്തുന്നതിനായി സി.എച്ച്. ഇന്‍സ്റ്റിറ്റിയൂട്ട് സ്ഥാപിക്കാന്‍ ഗ്രേസ് അസോസിയേഷന്‍ നാല് മാസങ്ങള്‍ക്ക് മുമ്പ് അപേക്ഷ സമര്‍പ്പിച്ചിരുന്നു. വിശദമായ പ്രൊജക്ട് സഹിതം അപേക്ഷിക്കുമ്പോള്‍ മാത്രം പരിഗണിച്ചാല്‍ മതിയെന്ന് കാണിച്ച് അന്ന് അപേക്ഷ മടക്കി അയച്ചു. പിന്നീട് വിശദമായ പ്രൊജക്ട് സഹിതം സി.എച്ച്. ഇന്‍സ്റ്റിറ്റിയൂട്ട് ഫോര്‍ അഡ്വാന്‍സ്ഡ് സ്റ്റഡീസ് ആന്റ് റിസര്‍ച്ച് എന്ന പേരില്‍ രാജ്യാന്തര നിലവാരമുള്ള ഗവേഷണ കേന്ദ്രം, അത്യാധുനിക സൗകര്യങ്ങളുള്ള പരിശീലന കേന്ദ്രം, വിപുലമായ റഫറന്‍സ് ലൈബ്രറി, ഓഡിറ്റോറിയം തുടങ്ങിയവ ഉള്‍പ്പെടുന്ന പദ്ധതി സര്‍വ്വകലാശാലക്ക് ലഭിച്ചു. ഇത് അംഗീകരിച്ച് നടപടി ക്രമങ്ങള്‍ പാലിക്കുക മാത്രമാണ് സര്‍വ്വകലാശാല ചെയ്തത്. ഒളിമ്പിക് അസോസിയേഷന്‍ കേന്ദ്ര, സംസ്ഥാന സര്‍ക്കാരുകളുടെ സാമ്പത്തിക സഹായത്തോടെ ദക്ഷിണേന്ത്യയിലെ ഏറ്റവും വലിയ സ്‌പോര്‍ട്‌സ് കോംപ്ലക്‌സ് സ്ഥാപിക്കാന്‍ പ്രൊജക്ടുമായി സമീപിച്ചു. ബാഡ്മിന്റണ്‍ ട്രസ്റ്റും ഇതുപോലെ സര്‍വ്വകലാശാലയെ സമീപിച്ചു. ഇവയെല്ലാം പരിശോധിക്കുകയും തുടര്‍നടപടികള്‍ക്കായി മൂന്ന് ഉപാധികള്‍ സര്‍വ്വകലാശാല മുന്നോട്ടുവെക്കുകയുമാണ് ചെയ്തത്. നല്‍കുന്ന ഭൂമിയുടെ ഉടമസ്ഥാവകാശവും കൈവശാവകാശവും നിര്‍മ്മിക്കുന്ന കെട്ടിടങ്ങളുടെ ഉടമസ്ഥാവകാശവും സര്‍വ്വകലാശാലയില്‍ നിക്ഷിപ്തമായിരിക്കും, ഇതിന്റെ ഭരണചുമതല അതാത് കാലത്തെ വൈസ് ചാന്‍സലര്‍ ചെയര്‍മാനായുള്ള, സിന്‍ഡിക്കറ്റ് അടങ്ങുന്ന സമിതിക്ക് ഭൂരിപക്ഷമുള്ള ഗവേണിങ്ങ് ബോഡിക്ക് ആയിരിക്കും, സംസ്ഥാന സര്‍ക്കാരിന്റെ അനുമതിക്ക് വിധേയമായി മാത്രമേ പദ്ധതികള്‍ നടപ്പാക്കൂ എന്നീ മൂന്ന് ഉപാധികളും അംഗീകരിക്കാന്‍ ബന്ധപ്പെട്ട അസോസിയേഷനുകളും ഏജന്‍സികളും തയ്യാറായാല്‍ മാത്രമേ പദ്ധതിയുമായി മുന്നോട്ടുപോകാനാവുകയുള്ളൂ. വസ്തുതകള്‍ മറച്ചുവെച്ച് നിക്ഷിപ്ത താല്‍പ്പര്യക്കാര്‍ മുസ്‌ലിംലീഗ് നേതാക്കളുടെ ബന്ധുക്കള്‍ക്കും ട്രസ്റ്റിനും ഭൂമി നല്‍കുന്നതായുള്ള പ്രചരണങ്ങള്‍ നടത്തുന്നത് ദുഷ്ടലാക്കോടെയാണ്. കേരളീയര്‍ ആദരിക്കുകയും ബഹുമാനിക്കുകയും ചെയ്യുന്ന നേതാക്കളെ വിവാദത്തിലേക്ക് വലിച്ചിഴക്കുന്ന സാഹചര്യം അവസാനിപ്പിക്കുന്നതിനാണ് സര്‍വ്വകലാശാല ഈ തീരുമാനങ്ങള്‍ റദ്ദാക്കിയത്. വിവാദങ്ങളിലൂടെ വികസനങ്ങള്‍ മുടക്കുന്നവര്‍ സര്‍വ്വകലാശാലക്കും വരുംതലമുറക്കും ഉണ്ടാവുമായിരുന്ന വലിയ സാധ്യതകള്‍ക്കാണ് കത്തിവെച്ചതെന്ന് ഓര്‍ക്കണമെന്നും ടി.വി. ഇബ്രാഹിം പറഞ്ഞു.

Keywords: Malappuram, UCT, Muslim League, IUML, CPM, 
11:15 AM | 0 comments

കോണ്‍-ലീഗ് സംഘട്ടനം; രണ്ടുപേര്‍ക്ക് പരുക്ക്

നിലമ്പൂര്‍: മൂത്തേടത്ത് മുസ്‌ലിം ലീഗ് - കോണ്‍ഗ്രസ് പ്രവര്‍ത്തകര്‍ തമ്മില്‍ സംഘട്ടനത്തില്‍ രണ്ടുപേര്‍ക്ക് പരുക്കേറ്റു. ലീഗ് പ്രവര്‍ത്തകനായ മുഹമ്മദ് (55) , കോണ്‍ഗ്രസ് പ്രവര്‍ത്തകനായ കിഷോര്‍ (32) എന്നിവര്‍ക്കാണ് പരിക്കേറ്റത്.
ചൊവ്വാഴ്ച രാത്രി എട്ടരയോടെ പൂളപൊയ്കയിലാണ് ഇരുപ്രവര്‍ത്തകരും തമ്മില്‍ സംഘട്ടനമുണ്ടായത്. ഇതു സംബന്ധിച്ച് ലീഗ് പ്രവര്‍ത്തകര്‍ എടക്കര പൊലീസില്‍ പരാതി നല്‍കി. ലീഗും സി.പി.എമ്മും ചേര്‍ന്ന് കോണ്‍ഗ്രസ് പ്രസിഡന്റിനും വൈസ് പ്രസിഡന്റിനുമെതിരെ അവിശ്വാസ പ്രമേയത്തിന് അനുമതി നേടിയ മൂത്തേടത്ത് ലീഗ് അംഗം ശബ്‌ന ഷാനവാസിന്റെയും പ്രസിഡന്റ് കോണ്‍ഗ്രസ്സിലെ പി. ഉസ്മാന്‍േറയും വീടുകള്‍ക്കുനേരെ കഴിഞ്ഞ ദിവസങ്ങളില്‍ ആക്രമണം നടന്നിരുന്നു.

Keywords: IUML, Muslim League, Nilambur, Malappuram, Politics, Congress, Clash, 
10:04 AM | 0 comments

വനിതാ ലീഗ്, ദളിത് ലീഗ് സമ്മേളനം തിങ്കളാഴ്ച

Written By Malappuram News on Monday, April 23, 2012 | 10:45 AM



മലപ്പുറം: വനിതാ ലീഗ് - വിദ്യാര്‍ത്ഥിനി, ദളിത് ലീഗ് സമ്മേളനം തിങ്കളാഴ്ച ചേളാരിയില്‍ നടക്കും. ശാസ്ത്ര സാങ്കേതിക വിദ്യയും സ്ത്രീ സമൂഹവും, സ്ത്രീ ശാക്തീകരണം -ഇസ്‌ലാമിക മാനം എന്ന വിഷയത്തില്‍ ചര്‍ച്ച നടക്കും. രാവിലെ 10 മണിക്ക് ചേളാരി എം കെ ഹാജി നഗറില്‍ (ലിബര്‍ട്ടി ഹാള്‍) നടക്കുന്ന വനിതാലിഗ് - വിദ്യാര്‍ത്ഥിനി സമ്മേളനം മുസ്‌ലിം ലീഗ് സംസ്ഥാന സെക്രട്ടറി പി എം എ സലാം ഉദ്ഘാടനം ചെയ്യും. കേരള മഹിളാ കോണ്‍ഗ്രസ്സ് പ്രസിഡണ്ട് അഡ്വ. ബിന്ദു കൃഷ്ണ മുഖ്യാതിഥി ആയിരിക്കും. അഡ്വ. കെ എന്‍ എ ഖാദര്‍ എം എല്‍എ മുഖ്യ പ്രഭാഷണം നടത്തും. വനിതാ ലീഗ് ജില്ലാ ട്രഷറര്‍ പി സെല്‍മ അധ്യക്ഷത വഹിക്കും. സെയ്തു മുഹമ്മദ് നിസാമി, കുഞ്ഞിമുഹമ്മദ് മദനി പറപ്പൂര്‍, ഡോ. പി സലീം, ഡോ. കെ സക്കീന വിഷയം അവതരിപ്പിക്കും. എംകെ ബാവ, ഖമറുന്നിസ അന്‍വര്‍, അഡ്വ. നൂര്‍ബിന റഷീദ്, സുഹറ മമ്പാട് , അഡ്വ. കെപി മറിയുമ്മ, കെ സാബിറ എന്നിവര്‍ പ്രസംഗിക്കും. പി ഖദീജ, പികെ മൈമൂന, സക്കീന പുല്‍പാടന്‍, കെപി ജല്‍സീമിയ, ബുഷ്‌റ ഷബീര്‍, കെ സഫിയ, ബീവി പൊന്നാനി, വികെ സുബൈദ, സിഎച്ച് ജമീല പ്രസീഡിയം നിയന്ത്രിക്കും. ഉച്ചക്ക് 2 മണിക്ക് കെപി രാമന്‍ നഗറില്‍ നടക്കുന്ന ദളിത് ലീഗ് സംഗമം സെയ്യിദ് ബഷീറലി ശിഹാബ് തങ്ങള്‍ ഉദ്ഘാടനം ചെയ്യും. ജില്ലാ മുസ്‌ലിംലീഗ് സെക്രട്ടറി എംഎ ഖാദര്‍ അധ്യക്ഷത വഹിക്കും. ദളിത് ലീഗ് സംസ്ഥാന പ്രസിഡണ്ട് യുസി രാമന്‍ മുഖ്യ പ്രഭാഷണം നടത്തും. “ദളിത് ലീഗ് - പിന്നോക്ക സമുദായങ്ങളുടെ ചരിത്ര പശ്ചാത്തലം, ദളിത് ക്ഷേമ പദ്ധതികളുടേയും ഫണ്ടിന്റെയും വിനിയോഗവും മാതൃകാ പദ്ധതികളും എന്ന പ്രമേയം ഡോ. പിടി അബ്ദുള്‍ അസീസ്, ഐസക് കുരുവിള അവതരിപ്പിക്കും. ഡോ. വി.പി അബ്ദുല്‍ ഹമീദ്, എ പി ഉണ്ണികൃഷ്ണന്‍, അഡ്വ. എംപി ഗോപി, എന്‍വി മോഹന്‍ദാസ്, സിപി ശശീധരന്‍ പ്രസംഗിക്കും. ബക്കര്‍ ചെര്‍ണ്ണൂര്‍, എ കുഞ്ഞുണ്ണി, സിഎച്ച് മഹ്മൂദ്, ടിപിഎം ബഷീര്‍, എന്‍പി അബ്ദുള്‍ നാസര്‍ പ്രസീഡിയം നിയന്ത്രിക്കും.
10:45 AM | 0 comments

മുസ്‌ലിം ലീഗ് മലപ്പുറം ജില്ലാ സമ്മേളനത്തിന് ശനിയാഴ്ച തുടക്കം

Written By Malappuram News on Friday, April 20, 2012 | 3:56 PM

മലപ്പുറം: മുസ്‌ലിം ലീഗ് മലപ്പുറം ജില്ലാ സമ്മേളനത്തിന് ശനിയാഴ്ച തുടക്കം. സമ്മേളനം മെയ് 5വരെ നീണ്ടുനില്‍ക്കും. പ്രതിനിധി സമ്മേളനത്തോടെയാണ് സമ്മേളനത്തിന്ന് തുടക്കം കുറിക്കുന്നത്.
മെയ് 5ന് കാല്‍ലക്ഷത്തോളം ഗ്രീന്‍ഗാര്‍ഡ് അംഗങ്ങളുടെ പരേഡിന് ശേഷം സമാപനസമ്മേളനം മഞ്ചേരി ശിഹാബ് തങ്ങള്‍ നഗറില്‍ നടക്കും. 'സംശുദ്ധ രാഷ്ട്രീയം, സുരക്ഷിത സമൂഹം' എന്നതാണ് സമ്മേളനം ചര്‍ച്ച ചെയ്യുന്ന പ്രമേയം. ശനിയാഴ്ച ഉച്ചക്ക് ശേഷം പൂര്‍വകാലനേതാക്കളെ അനുസ്മരിക്കുകയും, അവരുടെ സന്ദേശം പുത്തന്‍ തലമുറക്ക് കൈമാറുകയും ചെയ്യുന്നതിന്നായി 'സ്മരണ' എന്നപേരില്‍ സെഷന്‍ നടക്കും. തുടര്‍ന്ന് 23ന് ചേളാരിയില്‍ വനിത, വിദ്യാര്‍ഥിനി, ദളിത് സമ്മേളനങ്ങളും, 24ന് പൊന്നാനിയില്‍ ചരിത്ര സാംസ്‌കാരിക സമ്മേളനവും, 26ന് കോട്ടക്കലില്‍ വിദ്യാര്‍ഥി യുവജനസമ്മേളനവും നടക്കും.
ഏപ്രില്‍ 27ന് തീരദേശ സമ്മേളനം തിരൂരില്‍ നടക്കും. പാര്‍ട്ടിയുടെ മുഴുവന്‍ മന്ത്രിമാര്‍, എം എല്‍ എമാര്‍, മറ്റു ജനപ്രതിനിധികള്‍ സമ്മേളനത്തില്‍ പങ്കെടുക്കും. ഏപ്രില്‍ 29ന് പ്രവാസി, കെ എം സി സി സമ്മേളനം പെരിന്തല്‍മണ്ണയിലും മെയ് 1ന് ട്രേഡ്‌യൂണിയന്‍ സമ്മേളനം വണ്ടൂരിലും നടക്കും.
സമ്മേളനത്തോടനുബന്ധിച്ച് അധ്യാപക - സര്‍വ്വീസ് സംഘടനകള്‍ ചേര്‍ന്ന് സംഘടിപ്പിക്കുന്ന പ്രദര്‍ശനം 30ന് ആരംഭിക്കും. മെയ് 4ന് മൂന്ന്മണിക്ക് സമ്മേളന നഗരിയിലേക്ക് 65 പതാകജാഥകള്‍ ജില്ലയുടെ വിവിധ ഭാഗങ്ങളില്‍ നിന്നായി പുറപ്പെടും.
3:56 PM | 0 comments

നെടിയിരുപ്പില്‍ ലീഗ്‌ പഞ്ചായത്ത്‌ അംഗം രാജിവെച്ചു

Written By Malappuram News on Tuesday, April 17, 2012 | 11:30 AM

കൊണ്ടോട്ടി: നെടിയിരുപ്പില്‍ ഗ്രാമപഞ്ചായത്തില്‍ മുസ്ലിം ലീഗ്‌ അംഗം രാജിവെച്ചു. വികസന സ്റ്റാന്‍ഡിംഗ്‌ കമ്മിറ്റി ചെയര്‍പേഴ്‌സണ്‍ ഇഫൈജിനയാണ്‌ രാജിവെച്ചത്‌.
ഒന്നാം വാര്‍ഡില്‍ നിന്നുള്ള പ്രതിനിധിയാണ്‌ ഫൈജിത. വാര്‍ഡിലെ മുസ്‌ലിം ലീഗ്‌ കമ്മിറ്റിയുടെയും പ്രവര്‍ത്തകരുടെയും സമ്മര്‍ദ്ദത്തെ തുടര്‍ന്നാണ്‌ രാജി.
ഫൈജിത ബോര്‍ഡ്‌ മീറ്റിംഗില്‍ പങ്കെടുക്കുകയോ ഗ്രാമസഭ വിളിച്ചു കൂട്ടുകയോ ചെയ്യാറില്ലെന്നാണ്‌ പാര്‍ട്ടി പ്രവര്‍ത്തകര്‍ പറയുന്നത്‌. ഇത്‌ കാരണം വാര്‍ഡില്‍ വികസന പ്രവര്‍ത്തനങ്ങള്‍ നടക്കുന്നില്ലെന്നും പരാതിയുണ്ട്‌. ഇക്കാരണത്താല്‍ കുറെ മാസങ്ങളായി പാര്‍ട്ടി പ്രവര്‍ത്തകര്‍ ഇവര്‍ക്കെതിരെ കടുത്ത വിമര്‍ശനങ്ങളാണ്‌ ഉന്നയിച്ചിരിക്കുന്നത്‌. ഇതില്‍ മനം നൊന്നതണ്‌ ഇവര്‍ രാജിവെച്ചത്‌. രാജി സെക്രട്ടറി സ്വീകരിച്ചു.
11:30 AM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers