Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Edappal. Show all posts
Showing posts with label Edappal. Show all posts

വീണ്ടും എടപ്പാള്‍...

Written By Kvartha Delta on Thursday, November 29, 2012 | 8:45 PM

Malappuram, School Kalolsavam, Kerala, Winners, Team, Spots, Malayalam News
ജില്ലാ കായിക മേളയില്‍ ഓവറോള്‍ ചാമ്പ്യന്‍ഷിപ്പ് നേടിയ എടപ്പാള്‍ സബ്ജില്ലാ ടീം
തിരൂര്‍: ഒടുവില്‍ കൗമാര കായിക മാമാങ്കത്തിന്റെ കിരീടമണിഞ്ഞ് എടപ്പാള്‍ ഉപജില്ല മൂന്നാമതും കരുത്ത് തെളിയിച്ചു. താഴെപ്പാലം മുനിസിപ്പല്‍ സ്‌റ്റേഡിയത്തിലെ തിങ്ങിനിറഞ്ഞ പുരുഷാരത്തെ സാക്ഷിനിര്‍ത്തി പ്രതിഭകള്‍ ഓവറോള്‍ ട്രോഫി ഏറ്റുവാങ്ങിയപ്പോള്‍ നീണ്ടകരഘോഷത്തിനൊപ്പം നടന്ന വെടിക്കെട്ടും മൈതാനത്തെ ത്രസിപ്പിച്ചു. കടകശ്ശേരി ഐഡിയല്‍ സ്‌കൂളിന്റെ അതിശക്തമായ പിന്തുണയോടെയാണ് എടപ്പാളിന് ഈ മിന്നും വിജയം സ്വന്തമായത്.

മേളയുടെ മൂന്ന് ദിനങ്ങളിലും ട്രാക്കിലും ഫീല്‍ഡിലും നിറഞ്ഞ് നിന്ന ഐഡിയല്‍ താരങ്ങള്‍ വേഗതയില്‍ തങ്ങളെ വെല്ലാന്‍ ആരുമില്ലെന്ന് ഒരിക്കല്‍കൂടി തെളിയിച്ചു. 33 സ്വര്‍ണം, 28 വെള്ളി, 21 വെങ്കലം എന്നിവയടക്കം 286 പോയിന്റ് നേടിയാണ് എടപ്പാള്‍ ഒന്നാമതെത്തിയത്.

ഇതില്‍ 21 സ്വര്‍ണം, 17 വെള്ളി, 17 വെങ്കലം എന്നിവയടക്കം 173 പോയിന്റ് സംഭാവന ചെയ്തത് ഐഡിയലാണ്. ആതിഥോയരായ തിരൂരാണ് രണ്ടാംസ്ഥാനത്ത്. 11 സ്വര്‍ണം, 12 വെള്ളി, 10 വെങ്കലം എന്നിങ്ങനെ 110 പോയന്റാണ് തിരൂര്‍ ഉപജില്ലയുടെ സമ്പാദ്യം. തിരുനാവായ നവാമുകുന്ദ ഹയര്‍സെക്കന്‍ഡറി സ്‌കൂളാണ് ആതിഥേയരുടെ മികവിന് ആധാരമായത്. പൂക്കൊളത്തൂര്‍ സി.എച്ച്.എം.എച്ച്.എസിന്റെ തോളിലേറിയാണ് മുന്നാം സ്ഥാനത്തെത്തിയ കിഴിശ്ശേരിക്ക് 88 പോയന്റ് നേടാനായത്. 11 സ്വര്‍ണവും അഞ്ച് വെള്ളിയും ഒമ്പത് വെങ്കലവും ആണ് കിഴിശ്ശേരിയുടെ നേട്ടം.

വൈകിട്ട് അഞ്ച് മണിയോടെ തന്നെ മത്സരങ്ങള്‍ സമാപിച്ചു. തുടര്‍ന്ന് ജില്ലാ വിദ്യാഭ്യാസ ഓഫീസര്‍ ഗിരീഷ് ചോലയില്‍ വിജയികള്‍ക്കുള്ള ട്രോഫികള്‍ വിതരണം ചെയ്തു. ഡി.ഡി.ഇ. കെ.സി. ഗോപി, പ്രോഗ്രാം സെക്രട്ടറി ഹസന്‍കോയ, കണ്‍വീനര്‍ കെ.പി. പ്രശാന്ത്, തുടങ്ങിയവര്‍ ചടങ്ങില്‍ സംസാരിച്ചു.

Keywords: Malappuram, School Kalolsavam, Kerala, Winners, Team, Spots, Malayalam News, Edappal.
8:45 PM | 0 comments

പുള്ളിയുള്ള സ്രാവിനെകാണാന്‍ നിരവധിപേരെത്തി

Written By Kvartha Delta on Wednesday, October 17, 2012 | 10:19 PM

Shark, Malappuram, Edappal, Kerala, Malayalam News
എടപ്പാള്‍: പുള്ളി നിറത്തോടെയുള്ള സ്രാവിനെകാണാന്‍ നിരവധിപേരെത്തി. നടുവട്ടത്തെ മത്സ്യ വ്യാപാരി വടക്കാരന്‍ ഷരീഫ് കഴിഞ്ഞ ദിവസം കൊച്ചിയില്‍ നിന്നും വില്‍പനക്കായി എത്തിച്ച സ്രാവിന്‍ കൂട്ടത്തിലാണ് അപൂര്‍വമായ മഞ്ഞയും തവിട്ടും നിറങ്ങള്‍ ചേര്‍ന്നതും നിറയെ കറുത്ത പുള്ളികളുള്ളതുമായ സ്രാവിനെ ലഭിച്ചത്.

ഏഴര കിലോയിലധികം തൂക്കം വരുന്ന സ്രാവിന് ഒന്നര മീറ്ററോളം നീളമുണ്ട്. കൗതുകമായ ഈ പുള്ളിസ്രാവ് നല്ലവിലയ്ക്കാണ് വിറ്റുപോയതെന്ന് ഷരീഫ് പറഞ്ഞു.

Keywords: Shark, Malappuram, Edappal, Kerala, Malayalam News
10:19 PM | 0 comments

ഓട്ടോറിക്ഷകളുടെ പാരലല്‍ സര്‍വീസിനെ ചൊല്ലി സംഘര്‍ഷം

Written By mvarthasubeditor on Wednesday, July 4, 2012 | 1:34 PM

എടപ്പാള്‍: ഓട്ടോറിക്ഷകളുടെ പാരലല്‍ സര്‍വീസിനെ ചൊല്ലി ഓട്ടോറിക്ഷ ഡ്രൈവര്‍മാര്‍ തമ്മില്‍ ഉണ്ടാകുന്ന സംഘര്‍ഷം യാത്രക്കാരെ ദുരിതത്തിലാക്കുന്നു.

എടപ്പാള്‍ ജംഗ്ഷനിലെ പാലക്കാട് റോഡിലുള്ള ഓട്ടോറിക്ഷ സ്റ്റാന്‍ഡിലെ ഡ്രൈവര്‍മാര്‍ തമ്മിലാണ് മിക്ക ദിവസവും സംഘര്‍ഷമുണ്ടാകുന്നത്. എടപ്പാളില്‍ നിന്നും വട്ടംകുളത്തേക്ക് പാരലല്‍ സര്‍വീസ് നടത്തുന്ന ഓട്ടോറിക്ഷകള്‍ക്കെതിരെയാണ് സ്റ്റാന്‍ഡിലെ മറ്റൊരു വിഭാഗം ഓട്ടോഡ്രൈവര്‍മാര്‍ രംഗത്തെത്തിയത്. 

പാരലല്‍ സര്‍വീസ് നടത്തുന്ന ഓട്ടോറിക്ഷകള്‍ ഒരു യാത്രക്കാരനില്‍ നിന്നും വട്ടംകുളത്തേക്ക് അഞ്ച് രൂപയാണ് ഈടാക്കുന്നത്. വാടകയായി പോകുന്ന ഓട്ടോറിക്ഷകള്‍ 30 രൂപയും ഈടാക്കും. പാരലല്‍ സര്‍വീസ് നടത്തുന്ന ഓട്ടോറിക്ഷകള്‍ ഉള്ളതിനാല്‍ ഓട്ടോറിക്ഷ വാടകക്ക് വിളിക്കാന്‍ യാത്രക്കാര്‍ മടിക്കുകയാണ്.
1:34 PM | 0 comments

ഒഡീഷ സ്വദേശിയായ യുവാവിനെ റിമാന്‍ഡ് ചെയ്തു

Written By mvarthasubeditor on Tuesday, July 3, 2012 | 8:32 PM

എടപ്പാള്‍: കെട്ടിട നിര്‍മാണ സൂപ്പര്‍വൈസറെ കൊലപ്പെടുത്തിയ കേസിലെ പ്രതിയായ ഒഡീഷ സ്വദേശിയായ യുവാവിനെ 14 ദിവസത്തേക്ക് പൊന്നാനി കോടതി റിമാന്‍ഡ് ചെയ്തു.

ശത്തൂര്‍ഭുജ ഷെട്ടിയെയാണ് റിമാന്‍ഡ് ചെയ്തത്. കഴിഞ്ഞ തിങ്കളാഴ്ചയാണ് പ്രതിയെ പൊന്നാനി സി ഐ പി അബ്ദുല്‍മുനീര്‍ അറസ്റ്റു ചെയ്തത്. 

തെളിവെടുപ്പിനും കൂടുതല്‍ അന്വേഷണങ്ങള്‍ക്കുമായി ആറ് ദിവസത്തേക്ക് കോടതി പ്രതിയെ പോലീസ് കസ്റ്റഡിയില്‍ വിട്ടിരുന്നു. കസ്റ്റഡി കാലാവധി തിങ്കളാഴ്ച അവസാനിച്ചതിനെ തുടര്‍ന്നാണ് ഇന്നലെ പ്രതിയെ കോടതിയില്‍ ഹാജരാക്കിയത്.

English Summery
Odissi native remanded to 14 days 
8:32 PM | 0 comments

ബസ് യാത്രക്കിടയില്‍ സ്വര്‍ണാഭരണം നഷ്ടപ്പെട്ടതായി പരാതി

എടപ്പാള്‍: ബസ് യാത്രക്കിടയില്‍ സ്വര്‍ണാഭരണം നഷ്ടപ്പെട്ടതായി പരാതി.

എടപ്പാള്‍ പഞ്ചായത്തിലെ പൊന്നഴിക്കര സ്വദേശിയായ യുവതിയുടെ രണ്ടര പവന്റെ സ്വര്‍ണമാലയാണ് ഇനനലെ എടപ്പാളിലേക്കുള്ള യാത്രാമധ്യേ നഷ്ടപ്പെട്ടത്.

എടപ്പാളില്‍ ബസിറങ്ങിയപ്പോഴാണ് മാലനഷ്ടപ്പെട്ട വിവരം യുവതി അറിയുന്നത്. പൊന്നാനി പോലീസില്‍ പരാതി നല്‍കി.
4:43 PM | 0 comments

പനി ബാധിച്ച് പ്രവാസി വ്യാപാരി മരിച്ചു

എടപ്പാള്‍: പനി ബാധിച്ച് ചികിത്സയിലായിരുന്ന പ്രവാസി വ്യാപാരി മരിച്ചു. തുയ്യം പാലക്കാട്ട് മുകുന്ദന്‍(48) ആണ് ഇന്നലെ കോഴിക്കോട് സ്വകാര്യ ആശുപത്രയില്‍ വെച്ച് മരിച്ചത്.

അജ്മാനിലും എടപ്പാളിലും വിവിധ സ്വകാര്യ സ്ഥാപനങ്ങള്‍ നടത്തുന്ന മുകുന്ദന്‍ ഒരാഴ്ച മുമ്പാണ് നാട്ടിലെത്തിയത്. രണ്ടു ദിവസം മുമ്പാണ് പനി ബാധിച്ചത്. 

ഭാര്യ: സാവിത്രി. മക്കള്‍: വിജേഷ്, വൈശാഖ്, വിവേക്. സംസ്‌കാരം ഇന്ന് രാവിലെ എട്ടിന് വീട്ടുവളപ്പില്‍.

English Summery
NRI died due to fever 
8:56 AM | 0 comments

യുവ എന്‍ജിനീയറുടെ മരണം; ഒറീസ സ്വദേശി അറസ്റ്റില്‍

Written By mvarthasubeditor on Wednesday, June 27, 2012 | 10:59 PM

എടപ്പാള്‍: നിര്‍മാണത്തിലിരിക്കുന്ന സ്വകാര്യ ആശുപത്രിയുടെ നിര്‍മാണ പ്രവര്‍ത്തികള്‍ക്ക് മേല്‍നോട്ടം വഹിക്കുന്ന യുവാവിന്റെ കൊലപാതകവുമായി ബന്ധപ്പെട്ട് ഒറീസ സ്വദേശിയായ യുവാവിനെ പൊന്നാനി സി ഐ. കെ അബ്ദുല്‍ മുനീര്‍ അറസ്റ്റ് ചെയ്തു. 

ഇവിടെത്തെ നിര്‍മാണതൊഴിലാളിയായ ഒറീസയിലെ കല്‍ഹണ്ടി ജില്ലയിലെ പിത്തിക്കുടി വില്ലേജില്‍ ശത്തൂര്‍ഭുജ ഷെട്ടി(25)യാണ് അറസ്റ്റിലായത്. സൈറ്റ് സൂപ്പര്‍വൈസറായിരുന്ന അട്ടപ്പാടി അഗളി ചാവടിയൂര്‍ മേലേമുള്ളി രവി (22)യെയാണ് തിങ്കളാഴ്ച രാവിലെ കെട്ടിടത്തിന്റെ ലിഫ്റ്റ് മുറിയില്‍ മരിച്ച നിലയില്‍ കണ്ടെത്തിയത്. 

ജോലി സംബന്ധിച്ച് ഇരുവരും അഭിപ്രായ വ്യത്യാസങ്ങള്‍ ഉണ്ടാകാറുണ്ടെന്നും സംഭവ ദിവസം ഇരുവരും ഒരുമിച്ച് മദ്യപിച്ചിരുന്നതായു ശേഷം നടന്ന തര്‍ക്കം കൊലയില്‍ കലാശിക്കുകയായിരുന്നുവെന്നുമാണ് പോലീസ് പറയുന്നത്. രവിയുടെ തലക്കും കഴുത്തിന്റെ പിന്‍ഭാഗത്തും സിമന്റ് കട്ടകൊണ്ട് ഇടിച്ച് വീഴ്ത്തിയതിന് ശേഷം വായയും മൂക്കും പൊത്തിപിടിച്ച് മരണം ഉറപ്പു വരുത്തുകയായിരുന്നു. ശേഷം രവിയുടെ വലിച്ചെറിഞ്ഞു. പിന്നീട് ധരിച്ചിരുന്ന വസ്ത്രങ്ങള്‍ കഴുകിയിട്ട് താമസ സ്ഥലത്ത് വന്ന് ഉറങ്ങുകയും ചെയ്തു. 

തിങ്കളാഴ്ച രാവിലെ ഏഴു മണിക്ക് കോയമ്പത്തൂരിലേക്ക് പോവുകയായിരുന്നു. ഇയാളെ കാണാതായത് അന്വേഷണത്തിന്റെ ആരംഭത്തില്‍ തന്നെ പോലീസ് ശ്രദ്ധിച്ചിരുന്നു. എന്നാല്‍ വൈകുന്നേരം ഇയാള്‍ തിരിച്ചെത്തി. പിന്നീട് പ്രതിയടക്കം 15 പേരെ പോലീസ് കസ്റ്റഡിയിലെടുക്കുകയും ചോദ്യം ചെയ്യലില്‍ മൊഴിയിലെ വൈരുദ്ധ്യങ്ങള്‍ മനസിലാക്കിയ പോലീസ് കൂടുതല്‍ ചോദ്യം ചെയ്തതോടെ പ്രതി കുറ്റസമ്മതം നടത്തുകയായിരുന്നു. 

ചൊവ്വാഴ്ച വൈകുന്നേരം പ്രതിയുമായി സ്ഥലത്ത് തെളിവെടുപ്പ് നടത്തി. മൊബൈല്‍ ഫോണ്‍, സിം കാര്‍ഡ്, സംഭവ സമയത്ത് പ്രതി ഉപയോഗിച്ചിരുന്ന വസ്ത്രങ്ങള്‍ എന്നിവ പോലീസിന് കാണിച്ചു കൊടുത്തു. പ്രതിയെ ഇന്ന് പൊന്നാനി കോടതിയില്‍ ഹാജരാക്കും.

English Summery
Orissa native arrested in murder case 
10:59 PM | 0 comments

യുവ എഞ്ചിനീയര്‍ കെട്ടിടത്തില്‍ തലയ്ക്കടിയേറ്റ് മരിച്ച നിലയില്‍

Written By Malappuram News on Monday, June 25, 2012 | 11:59 PM

എടപ്പാള്‍: യുവ എഞ്ചിനീയറെ നിര്‍മാണം നടക്കുന്ന കെട്ടിടത്തില്‍ തലയ്ക്കടിയേറ്റ് മരിച്ച നിലയില്‍ കണ്ടെത്തി. സംഭവവുമായി ബന്ധപ്പെട്ട് നിര്‍മാണതൊഴിലാളിയായ ബംഗാള്‍ സ്വദേശിയെ പൊലീസ് തിരയുന്നു. അഗളി അട്ടപ്പാടി ചാവടിയൂര്‍ മേലേമുള്ളി മണിയുടെ മകന്‍ രവി (22)യെയാണ് എടപ്പാളിലെ നിര്‍മാണം നടക്കുന്ന സ്വകാര്യ മെഡിക്കല്‍ കോളജ് കെട്ടിടത്തിലെ ഇരുട്ടുമുറിയില്‍ കൊല്ലപ്പെട്ട നിലയില്‍ കണ്ടെത്തിയത്. ഇന്നലെ രാവിലെ പത്തുമണിയോടെയാണ് നിര്‍മാണ തൊഴിലാളികള്‍ മൃതദേഹം കണ്ടെത്തിയത്. കൊലപ്പെടുത്തിയ ശേഷം സിമന്റ് കട്ടകളും മറ്റും ദേഹത്ത് ഇട്ട നിലയിലായിരുന്നു.
മൃതദേഹം കണ്ടെത്തിയത് മുതല്‍ നിര്‍മാണ തൊഴിലാളിയായ ബംഗാള്‍ സ്വദേശി മിത്രനെ കാണാനില്ലായിരുന്നു. സ്ഥലത്തെത്തിയ പൊലീസ് ഇയാളുടെ മൊബൈല്‍ ഫോണിലേക്ക് വിളിച്ചപ്പോള്‍ ഷൊര്‍ണൂരിലാണെന്ന മറുപടിയാണ് ലഭിച്ചത്. പിന്നീട് വിളിച്ചപ്പോള്‍ ഫോണ്‍ സ്വിച്ച്ഓഫ് ആയിരുന്നു. ഇയാളാണ് കൊലക്ക് പിന്നിലെന്ന് പൊലീസ് സംശയിക്കുന്നു. ഇയാള്‍ക്കായി തിരച്ചില്‍ ഊര്‍ജ്ജിതമാക്കിയിട്ടുണ്ട്. പൊന്നാനി സി ഐ. വി അബ്ദുല്‍മുനീര്‍, വളാഞ്ചേരി സി ഐ. എ എം സിദ്ദിഖ്, തിരൂര്‍ ഡി വൈ എസ് പി മുഹമ്മദ് സലീം എന്നിവര്‍ സ്ഥലത്തെത്തി. സ്ഥലത്തുണ്ടായിരുന്ന മലയാളികളും ബംഗാളികളുമായ തൊഴിലാളികളെ ചോദ്യംചെയ്‌തെങ്കിലും വ്യക്തമായ വിവരങ്ങള്‍ ലഭിച്ചിട്ടില്ല.

Keywords: Murder, Edappal, Obituary, Malappuram, കേരള, 
11:59 PM | 0 comments

പുകയില വിരുദ്ധ ദിനാചരണം

Written By mvarthasubeditor on Friday, June 1, 2012 | 7:36 PM

എടപ്പാള്‍: ലോക പുകയില വിരുദ്ധ ദിനാചരണത്തിന്റെ ഭാഗമായി വട്ടംകുളം പ്രാഥമികാരോഗ്യ കേന്ദ്രത്തിന്റെ നേതൃത്വത്തില്‍ വട്ടംകുളം ഐ എച്ച് ആര്‍ ഡി ടെക് സ്‌കൂളിന്റെ സഹകരണത്തോടെ പുകയില വിരുദ്ധ ബോധവത്കരണ റാലി നടത്തി. ഗ്രാമപഞ്ചായത്ത് പ്രസിഡന്റ് എം മുസ്തഫ ഉദ്ഘാടനം ചെയ്തു. വാര്‍ഡ് അംഗം പത്തില്‍ അഷ്‌റഫ് അധ്യക്ഷത വഹിച്ചു. ഹെല്‍ത്ത് ഇന്‍സ്‌പെക്ടര്‍ കെ രാജീവ്, സ്‌കൂള്‍ പ്രിന്‍സിപ്പാള്‍ സുധ മറിയ ജോര്‍ജ്, വി എസ് നിഷ പ്രസംഗിച്ചു.
7:36 PM | 0 comments

വൃദ്ധസദനങ്ങളുടെ പേര് സ്‌നേഹസദനമെന്നാക്കി മാറ്റണം: മന്ത്രി

Written By Malappuram News on Monday, March 26, 2012 | 4:23 PM

എടപ്പാള്‍ : വൃദ്ധസദനങ്ങളുടെ പേര് സ്‌നേഹസദനമെന്നാക്കി മാറ്റണമെന്ന് വിദ്യാഭ്യാസ മന്ത്രി പി കെ അബ്ദുര്‍റബ്ബ്. ലൈബ്രറി കൗണ്‍സില്‍ വൃദ്ധസദനങ്ങളില്‍ നടപ്പിലാക്കുന്ന ഹെര്‍മിറ്റേജ് ലൈബ്രറി പദ്ധതിയുടെ സംസ്ഥാനതല ഉദ്ഘാടനം തവനൂര്‍ വൃദ്ധസദനത്തില്‍ നിര്‍വഹിക്കുകയായിരുന്നു അദ്ദേഹം. സ്‌നേഹം നിഷേധിക്കപ്പെട്ടവരാണ് വൃദ്ധസദനങ്ങളിലെത്തുന്നതിനാല്‍ സ്‌നേഹസദനമെന്ന പേരാണ് ഉചിതമെന്നും അദ്ദേഹം പറഞ്ഞു. ഡോ. കെ ടി ജലീല്‍ എം എല്‍ എ അധ്യക്ഷത വഹിച്ചു. വൃദ്ധസദനങ്ങളിലെ അന്തേവാസികള്‍ക്കിടയില്‍ വായനാശീലം വളര്‍ത്തിയെടുക്കുമെന്ന ലക്ഷ്യവുമായി ലൈബ്രറി കൗണ്‍സില്‍ സംസ്ഥാനത്ത് തിരുവനന്തപുരം, തൃശൂര്‍, മലപ്പുറം ജില്ലകളിലെ മൂന്ന് വൃദ്ധസദനങ്ങളിലാണ് പദ്ധതി നടപ്പിലാക്കുന്നത്. പൊന്നാനി ബ്ലോക്ക് പ്രസിഡന്റ് പി പത്മനാഭന്‍, ലൈബ്രറി കൗണ്‍സില്‍ സെക്രട്ടറി എ കെ ചന്ദ്രന്‍, എ പ്രമോദ്ദാസ് പ്രസംഗിച്ചു.
4:23 PM | 0 comments

കല്യാണ ദിവസം യുവതി കാമുകനൊപ്പം ഒളിച്ചോടി

എടപ്പാള്‍ : കല്യാണ ദിവസം പുലര്‍ച്ചെ യുവതി കാമുകനൊപ്പം ഒളിച്ചോടി. വരന് യുവതിയുടെ നാട്ടില്‍ നിന്നും തന്നെ മറ്റൊരു പെണ്‍കുട്ടിയെ നിശ്ചയിച്ച മുഹൂര്‍ത്തത്തില്‍ താലി ചാര്‍ത്തി. പൊന്നാനി പുറങ്ങ് സ്വദേശിയും ചെന്നൈയിലെ എയര്‍പോര്‍ട്ട് ജീവനക്കാരനുമായ രാജേഷാണ് ഞായറാഴ്ച പ്രതിശ്രുത വധുവിന്റെ ഒളിച്ചോട്ടത്തെ തുടര്‍ന്ന് കാഞ്ഞിരക്കുറ്റി സ്വദേശി അശ്വതിയെ വിവാഹം ചെയ്തത്. തവനൂര്‍ റോഡ് ജംഗ്ഷനിലുള്ള ഒരു യുവതിയുമായി ഞായറാഴ്ച രാജേഷിന്റെ വിവാഹം നടക്കാനിരിക്കുകയായിരുന്നു. വിവാഹ ഒരുക്കങ്ങളെല്ലാം പൂര്‍ത്തിയായികൊണ്ടിരിക്കുന്നതിനിടയിലാണ് ഞായറാഴ്ച പുലര്‍ച്ചെ യുവതിയെ കാണാതാകുന്നത്. പിന്നീട് യുവതി പുലാമന്തോള്‍ സ്വദേശിയായ യുവാവുമൊത്ത് പെരിന്തല്‍മണ്ണ പോലീസ് സ്റ്റേഷനില്‍ ഹാജരായി. ഇതിനിടയിലാണ് നാട്ടുകാരും ബന്ധുക്കളും രാജേഷിനായി മറ്റൊരു വധുവിനെ കണ്ടെത്താന്‍ അശാന്തപരിശ്രമം നടത്തിയത്. ഒടുവില്‍ നിശ്ചയിക്കപ്പെട്ട മുഹൂര്‍ത്തത്തില്‍ തന്നെ മമ്മിയംകുന്ന് ക്ഷേത്രത്തില്‍ വെച്ച് രാജേഷ് അശ്വതിയെ താലി ചാര്‍ത്തി.
11:43 AM | 0 comments

ലോറി മറിഞ്ഞ് 400 കോഴികള്‍ ചത്തു

Written By Malappuram News on Sunday, March 25, 2012 | 5:55 PM

എടപ്പാള്‍: സംസ്ഥാനപാതയില്‍ കണ്ടകനം ഓവുപാലത്തിനടുത്ത് കോഴികളെ കൊണ്ടുപോകുകയായിരുന്ന ലോറി നിയന്ത്രണംവിട്ട് മറഞ്ഞ് 400 ഓളം കോഴികള്‍ ചത്തു. ശനിയാഴ്ച പുലര്‍ച്ചെ ആറര മണിക്കാണ് അപകടം. ആനക്കര റോഡില്‍ പൈപ്പ് പൊട്ടി വെള്ളം കണ്ടനകം റോഡിലൂടെ ഒഴുകുന്നുണ്ട്. ഇതു വഴി വന്ന കോഴികളെ കയറ്റിയ ലോറി പെട്ടെന്ന് നിയന്ത്രണംവിട്ട് മറിയുകയായിരുന്നു. അപകടം നടന്നയുടനെ ഇതേ സ്ഥലത്ത് വെച്ച് ഒരു കെ എസ് ആര്‍ ടി സി ബസും കാറും കൂട്ടി ഉരസിയെങ്കിലും ആര്‍ക്കും പരുക്കേറ്റില്ല.
5:55 PM | 0 comments

ഉപ്പുമണല്‍ കഴുകുന്ന കേന്ദ്രത്തില്‍ റെയ്ഡ്: ഏഴ് ലോറികള്‍ കസ്റ്റഡിയിലെടുത്തു

Written By Malappuram News on Friday, March 23, 2012 | 10:08 AM

എടപ്പാള്‍ : തവനൂര്‍ പഞ്ചായത്തിലെ അതളൂരില്‍ ഉപ്പുമണല്‍ കഴുകുന്ന കേന്ദ്രത്തില്‍ റെയ്ഡ് നടത്തി ഏഴ് ലോറികള്‍ കസ്റ്റഡിയിലെടുത്തു. രണ്ടു ജോലിക്കാരെ അറസ്റ്റുചെയ്തു.
കടലോരത്തുനിന്നും എടുക്കുന്ന ഉപ്പുമണല്‍ ഇവിടെ സ്‌റ്റോക്കുചെയ്ത് മോട്ടോര്‍ അടിച്ച് വെള്ളത്തില്‍ കഴുകി ഉപ്പുകളഞ്ഞ് ഉപഭോക്താക്കള്‍ക്ക് നല്‍കുകയായിരുന്നു. സ്ഥലത്തുനിന്നും മണല്‍ കൊണ്ടുവരവേയാണ് ഏഴ് ലോറികള്‍ പൊലീസ് കസ്റ്റഡിയിലെടുത്തത്. മണല്‍ ശുചീകരിച്ചിരുന്ന ഈശ്വരമംഗലം സ്വദേശി ബഷീര്‍ (28), അതളൂര്‍ സ്വദേശി മുനവര്‍ (28) എന്നിവരാണ് അറസ്റ്റിലായവര്‍. ഇവരെ പിന്നീട് ജാമ്യത്തില്‍ വിട്ടു. ഉപ്പുകലര്‍ന്ന മണല്‍ ഉപയോഗിച്ച് കെട്ടിടം നിര്‍മ്മിക്കുന്നത് കെട്ടിടങ്ങളുടെ ബലക്ഷയത്തിന് കാരണമാകുമെന്ന് കണ്ടെത്തിയിരുന്നു.
10:08 AM | 0 comments

അക്രമം കണ്ട് വീട്ടുടമ കുഴഞ്ഞ് വീണ് മരിച്ചു

Written By Malappuram News on Sunday, March 18, 2012 | 5:16 PM

എടപ്പാള്‍ : രണ്ടംഗസംഘം വീട്ടില്‍ കയറി ഭീകരാന്തരീക്ഷം സൃഷ്ടിച്ച രംഗം കണ്ട് നിന്ന വീട്ടുടമ കുഴഞ്ഞ് വീണ് മരിച്ചു. വെള്ളറമ്പ് സ്വദേശി മഞ്ഞക്കാട്ട് ബാലന്‍ (65) ആണ് മരച്ചത്. വെള്ളറമ്പ് സ്വദേശികളായ വടക്കത്ത് വളപ്പില്‍ മോഹനന്‍ (45), വടക്കത്ത് വളപ്പില്‍ ദിലീപ് (40), എന്നിവരെ പൊന്നാനി പോലീസ് കസ്റ്റഡിയിലെടുത്തു. ഭക്ഷണം കഴിച്ച് ഉറങ്ങാന്‍ കിടന്ന ബാലനെ രണ്ടംഗ സംഘം വീട്ടില്‍ കയറി വാതിലില്‍ മുട്ടിവിളിക്കുകയും അറിയുന്നവരാണെന്ന് കണ്ടപ്പോള്‍ വീട്ടുടമ വാതില്‍ തുറക്കുകയുമായിരുന്നു. തുടര്‍ന്ന് രണ്ടംഗ സംഘം വീടിന്റെ മുന്‍വശത്തെ ജനലിന്റെ ചില്ല് അടിച്ചു പൊട്ടിക്കുകയും വീടിന്റെ മുന്‍വശത്ത് കത്തിയിരുന്ന ട്യൂബ് ലൈറ്റ് അടിച്ചുപൊട്ടിക്കുകയും ചെയ്തത് വീട്ടിലുള്ളവരെയെല്ലാം പുറത്തിറക്കിയായിരുന്നു രണ്ടംഗ സഘത്തിന്റെ വിളയാട്ടം. ഭീകരാന്തരീക്ഷം സൃഷ്ടിക്കുന്നത് കണ്ട വീട്ടുടമ കുഴഞ്ഞ് വീഴുകയും ബഹളം കേട്ട് ഓടിക്കൂടിയ പരിസരവാസികള്‍ വീട്ടുടമയെ ആശുപത്രിയിലേക്ക് എത്തിക്കുകയായിരുന്നു. എന്നാല്‍ വഴി മദ്യ വീട്ടുടമ മരണപ്പെടുകയായിരുന്നു. വീട്ടുടമ കുഴഞ്ഞ് വീണതില്‍ പന്തികേട് തോന്നിയ നാട്ടുകാര്‍ ഭീകരാന്തരീക്ഷം സൃഷ്ടിച്ച രണ്ടംഗ സംഘത്തെ തടഞ്ഞ് വച്ചു. തുടര്‍ന്ന് ചങ്ങരംകുളം പോലീസെത്തി കസ്റ്റഡിയിലെടുക്കുകയും പൊന്നാനി പോലീസിന് കൈമാറുകയുമായിരുന്നു. കോണ്‍ഗ്രസ് പ്രവര്‍ത്തകരായ രണ്ടംഗ സംഘം അമിതമായി മദ്യപിച്ചിട്ടുണ്ടെന്ന് നാട്ടുകാര്‍ പറഞ്ഞു.
പൊന്നാനി എസ് ഐ മനോഹരന്‍ ഇന്‍ക്വസ്റ്റ് നടത്തി. മരിച്ച ബാലന്റെ ഭാര്യ സുജാത, മക്കള്‍: ബിജീഷ്, ബിന്ദു, ബിജിമോള്‍. മരുമക്കള്‍: ജോഷി, ബാബു.
5:16 PM | 0 comments

ഗ്രാമപ്പഞ്ചായത്തംഗത്തിന്റെ വീട്ടില്‍ കള്ളന്‍കയറി

Written By Malappuram News on Thursday, March 15, 2012 | 1:01 PM

എടപ്പാള്‍ : ഗ്രാമപ്പഞ്ചായത്തംഗത്തിന്റെ വീട്ടില്‍ കള്ളന്‍കയറി മൂന്നരപ്പവന്റെ ആഭരണങ്ങള്‍ കവര്‍ന്നു. വട്ടംകുളം ഗ്രാമപ്പഞ്ചായത്ത് പ്രതിപക്ഷ നേതാവും പഞ്ചായത്ത് മുസ്‌ലിം ലീഗ് പ്രസിഡന്റുമായ വട്ടംകുളം ചേകന്നൂര്‍ റോഡില്‍ താമസിക്കുന്ന അശ്‌റഫിന്റെ വീട്ടിലാണ് ബുധനാഴ്ച പുലര്‍ച്ചെ കള്ളന്‍ കയറിയത്. വീടിന്റെ പിന്‍വാതില്‍ കമ്പിപ്പാര ഉപയോഗിച്ച് കുത്തിത്തുറന്നശേഷം അകത്തുകടന്ന മോഷ്ടാക്കള്‍ ബെഡ്‌റൂമിന്റെയും വാതില്‍ പൊളിച്ചശേഷം ഉറങ്ങിക്കിടക്കുകയായിരുന്ന ഭാര്യ റംലയുടെ രണ്ടുപവന്റെ പാദസരം, മകള്‍ ശിഫാനയുടെ കഴുത്തിലെ ഒന്നരപ്പവന്റെ മാല എന്നിവ പൊട്ടിച്ചെടുക്കുകയായിരുന്നു.
അശ്‌റഫിന്റെ പരാതിപ്രകാരം ചങ്ങരംകുളം എസ്.ഐ ബഷീര്‍ ചിറക്കല്‍ സ്ഥലത്തെത്തി അന്വേഷണമാരംഭിച്ചു.
1:01 PM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers