Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Ponnani. Show all posts
Showing posts with label Ponnani. Show all posts

രാത്രി വീടിന് പുറത്തിറങ്ങിയ വീട്ടമ്മയെ തട്ടിക്കൊണ്ട് പോകാന്‍ ശ്രമം

Written By mvarthasubeditor on Wednesday, July 4, 2012 | 1:48 PM

പൊന്നാനി: പാത്രം കഴുകാന്‍ രാത്രി വീടിന് പുറത്തിറങ്ങിയ വീട്ടമ്മയെ തട്ടിക്കൊണ്ടുപോകാന്‍ ശ്രമിച്ചതായി പരാതി. തിങ്കളാഴ്ച രാത്രി കോട്ടത്തറ ഐ ടിസിക്കടുത്തുള്ള വീട്ടമ്മയെയാണ് രണ്ടുപേര്‍ ചേര്‍ന്ന് തട്ടിക്കൊണ്ടുപോകാന്‍ ശ്രമിച്ചത്.

ഭക്ഷണം കഴിച്ചതിന് ശേഷം പാത്രം കഴുകാന്‍ വീട്ടില്‍ നിന്ന് പുറത്തിറങ്ങിയപ്പോഴായിരുന്നു സംഭവം. പുറത്തിറങ്ങിയ ഉടനെ അക്രമികളില്‍ ഒരാള്‍ വീട്ടമ്മയുടെ വായ പൊത്തുകയും മറ്റെയാള്‍ കാലില്‍ പിടിച്ച് പൊക്കിയെടുത്ത് കൊണ്ടുപോകാനുള്ള ശ്രമത്തിനിടയില്‍ വീട്ടമ്മ വായ പൊത്തിയ ആളുടെ കൈക്ക് കടിച്ചു. 

ഇയാള്‍ കൈയെടുത്ത് മാറ്റിയ ഉടനെ വീട്ടമ്മ ഉച്ചത്തില്‍ ശബ്ദം ഉണ്ടാക്കിയതോടെ അക്രമികള്‍ വീട്ടമ്മയെ ഉപേക്ഷിച്ച് കടന്ന് കളയുകയായിരുന്നു. തുടര്‍ന്ന് വീട്ടമ്മക്ക് ബോധം നഷ്ടപ്പെട്ടു. 

കഴിഞ്ഞ ദിവസം തൊട്ടടുത്ത പ്രദേശമായ കുറ്റിക്കാട് കച്ചവടം നടത്തുന്ന ഭര്‍ത്താവിന് ഭക്ഷണം കൊണ്ടുപോകുന്നതിനിടയില്‍ അപരിചിതരായ രണ്ടുയുവാക്കള്‍ ബൈക്കിലെത്തി മോശമായി പെരുമാറിയതായും പരാതിയുണ്ട്. വീട്ടുകാര്‍ പൊന്നാനി പോലീസില്‍ പരാതി നല്‍കി.
1:48 PM | 0 comments

ബോട്ടുകളിലെ വലകള്‍ മോഷ്ടിച്ച മൂന്നുപേരെ അറസ്റ്റ് ചെയ്തു

Written By mvarthasubeditor on Tuesday, June 19, 2012 | 1:37 PM

ബോട്ടുകളിലെ വലകള്‍ മോഷ്ടിച്ച മൂന്നുപേരെ അറസ്റ്റ് ചെയ്തു
പൊന്നാനി : മീന്‍പിടുത്ത ബോട്ടുകളിലെ വലകള്‍ മോഷ്ടിച്ച സംഭവത്തില്‍
സഹോദരന്മാരായ മൂന്നുപേരെ പോലീസ് അറസ്റ്റ് ചെയ്തു. കോടതിപ്പടിക്കടുത്ത്  പഴയ നഗരസഭ ഓഫീസിന് സമീപം താമസിക്കുന്ന കുട്ടൂസുക്കാനകത്ത് ഹാരിസ്(18), ഹബീബ്(30), അന്‍വര്‍ (28) എന്നിവരെയാണ് എസ് ഐ കെ.രാമചന്ദ്രന്‍ അറസ്റ്റ്  ചെയ്തത്.
English Summery
Three held for robbery
1:37 PM | 0 comments

വെളിയംങ്കോട്ടെ ശരീഫ് വധശ്രമക്കേസിലെ രണ്ട് പ്രതികള്‍ അറസ്റ്റികള്‍

Written By mvarthasubeditor on Monday, May 28, 2012 | 3:59 PM

പൊന്നാനി: വെളിയംങ്കോട്ടെ ശരീഫ് വധശ്രമക്കേസിലെ രണ്ട് പേര്‍ പോലീസിന്റെ പിടിയിലായി. അയ്യോട്ടിച്ചിറ സ്വദേശികളായ പളളിയകായില്‍ അബ്ദുല്‍ ഇര്‍ഫാന്‍(21) പുളിക്കല്‍ ഫര്‍ശാദ് (20) എന്നിവരെയാണ് പൊന്നാനി സി ഐ അബുദുല്‍ മുനീര്‍ ഇന്നലെ അറസ്റ്റ് ചെയ്തത്. കേസില്‍ 10 പേരെ കൂടി ഇനിയും പിടികൂടാനുണ്ടെന്ന് പോലീസ് പറഞ്ഞു. ശരീഫിനെ മാരകമായി വെട്ടി പരുക്കേല്‍പ്പിച്ചതിന് ശേഷം മുങ്ങിയ ഈ സംഘം പല സ്ഥലങ്ങളിലായി ഒളിവിലാണെന്ന് പോലീസ് അറിയിച്ചു. പ്രതികള്‍ക്കായി വെളിയംങ്കോട് അയ്യോട്ടിച്ചിറയിലും തണ്ണിതുറയിലും പോലീസ് തെരച്ചില്‍ തുടരുകയാണ്. സി പി ഐ പ്രവര്‍ത്തകനും എ ഐ വൈ എഫ് യൂണിറ്റ് സെക്രട്ടറിയുമായ വെളിയംങ്കോട് അയ്യോട്ടിച്ചിറ ഗ്രാമം സ്വദേശി തുരത്തുമ്മല്‍ ശരീഫ്(28) നു നേരെ കഴിഞ്ഞ വ്യാഴാഴ്ച അര്‍ധരാത്രിയോടെ ഒരു സംഘം ക്രിമുനലുകള്‍ വധശ്രമം നടത്തുകയായിരുന്നു. അക്രമികളുടെ തലക്കുനേരെയുള്ള വടിവാളുകൊണ്ടുള്ള വെട്ട് ശരീഫ് കൈകള്‍ കൊണ്ട് തടത്തതിനാലാണ് ജീവന്‍ രക്ഷപ്പെട്ടത്. അക്രമത്തില്‍ ഇരുകാലുകള്‍ക്കും സാരമായ പരിക്കേറ്റിട്ടുണ്ട്. ഓട്ടം കഴിഞ്ഞ് വാഹനവുമായി വീട്ടിലേക്കുപോകമ്പോഴാണ് വടിവാളടക്കമുള്ള ആയുധങ്ങളുമായി സംഘം ശരീഫനെ അക്രമിച്ചത്. ബൈക്കിലെത്തിയായിരുന്നു അക്രമം. കുന്ദംകുളത്തെ സ്വാകാര്യ ആശുപത്രിയില്‍ പ്രവേശിപ്പിക്കപ്പെട്ട ഷെരീഫിനെ അടിയന്തിര ശസ്ത്രക്രിയക്ക് വിധേയമാക്കിയിരുന്നു. ശരീഫ് ഇപ്പോള്‍ അപകടനില തരണം ചെയ്തിട്ടുണ്ട്. പൊന്നാനി സി ഐയുടെ നേതൃത്വത്തില്‍ പ്രത്യേക അന്വേഷണസംഘമാണ് കേസ് അന്വേഷിക്കുന്നത്. അയ്യോട്ടിച്ചിറയിലെ ഒരു പെട്രോള്‍ പമ്പില്‍ ഓട്ടോറിക്ഷ നിര്‍ത്തിയിടുന്നത് സംബന്ധിച്ച് തര്‍ക്കമുണ്ടായപ്പോള്‍ ഇരുവിഭാഗവും തമ്മിലുള്ള അടിപിടിയില്‍ മധ്യസ്ഥനായതാണ് ശരീഫിനോട് അക്രമികള്‍ക്കുള്ള വിരോധത്തിന് കാരണമായി ചൂണ്ടികാണിക്കുന്നത്. വന്‍ പ്രതിഷേധമാണ് ശരീഫ് വധശ്രമത്തിനെതിരെ വെളിയംങ്കോട് മേഖലിയില്‍ ഉടലെടുത്തത്. സി പി ഐ ജില്ലാകമ്മറ്റി അംഗം എന്‍ കെ സൈനുദ്ദീന്റെ നേതൃത്വത്തില്‍ പ്രതിഷേധ പ്രകടനവും നടത്തിയിരുന്നു.

English Summery
Two arrested in Sherif murder case
3:59 PM | 0 comments

ഓട്ടോറിക്ഷ ഡ്രൈവറെ അജ്ഞാത സംഘം വെട്ടിപ്പരുക്കേല്‍പ്പിച്ചു

Written By mvarthasubeditor on Friday, May 25, 2012 | 1:39 PM

പൊന്നാനി: ഓട്ടോറിക്ഷ ഡ്രൈവറെ അജ്ഞാത സംഘം വെട്ടിപ്പരുക്കേല്‍പ്പിച്ചു. വെളിയങ്കോട് അയ്യോട്ടിച്ചിറ കൊടക്കാട്ടില്‍ ഷരീഫ്(28)നാണ് വെട്ടേറ്റത്. ഓട്ടം കഴിഞ്ഞ് ഇന്നലെ പുലര്‍ച്ചെ ഓട്ടോറിക്ഷയുമായി വീട്ടിലേക്ക് പോകുമ്പോള്‍ അയ്യോട്ടിച്ചിറയില്‍ വെച്ചാണ് ബൈക്കിലെത്തിയ അജ്ഞാത സംഘം ഷരീഫിന്റെ ഇരു കൈകളിലും വെട്ടിപരുക്കേല്‍പ്പിച്ചത്. ആക്രമണത്തെ തുടര്‍ന്ന് ഷരീഫിന്റെ ഇരു കൈകളും തൂങ്ങിക്കിടക്കുന്ന അവസ്ഥയിലായിരുന്നു. കുന്നംകുളം സ്വകാര്യ ആശുപത്രിയില്‍ പ്രവേശിപ്പിച്ച ഇയാളെ അടിയന്തിര ശസ്ത്രക്രിയക്ക് വിധേയമാക്കി. ആക്രമണം നടത്തിയവരെ തിരിച്ചറിഞ്ഞിട്ടില്ല. പെരുമ്പടപ്പ് പൊലീസ് കേസെടുത്തു.

English Summery
Auto driver hacked by unknown 
1:39 PM | 0 comments

ദര്‍ഘാസ് ക്ഷണിച്ചു

Written By mvarthasubeditor on Thursday, May 24, 2012 | 10:32 PM

പൊന്നാനി: പൊന്നാനി പോര്‍ട്ടിന്റെ പരിധിയില്‍നിന്നും 201213 വര്‍ഷത്തേക്ക് മാന്വല്‍ ഡ്രഡ്ജിങ് നടത്തുന്നതിന് 1969 ലെ കോഓപ്പറേറ്റീവ് സൊസൈറ്റി ആക്റ്റ്പ്രകാരം രജിസ്റ്റര്‍ ചെയ്തിട്ടുള്ള അംഗീകൃത സൊസൈറ്റികളെ തെരഞ്ഞെടുക്കുന്നതിന് ദര്‍ഘാസ് ക്ഷണിച്ചു. കൂടുതല്‍ വിവരത്തിന് പൊന്നാനി പോര്‍ട്ട് ഓഫീസുമായി ബന്ധപ്പെടണം.

English Summery
Tender invited for manual drudging 


10:32 PM | 0 comments

ചമ്രവട്ടം റഗുലേറ്റര്‍ കം ബ്രിജ് മുഖ്യമന്ത്രി നാടിന് സമര്‍പ്പിക്കും

Written By Malappuram News on Tuesday, May 15, 2012 | 7:27 PM

മലപ്പുറം: കേരളത്തിലെ ഏറ്റവും വലിയ റഗുലേറ്റര്‍ കം ബ്രിജായ ചമ്രവട്ടം റഗുലേറ്റര്‍ കം ബ്രിജ് നാളെ (മെയ് 17) മുഖ്യമന്ത്രി ഉമ്മന്‍ചാണ്ടി നാടിന് സമര്‍പ്പിക്കും. ജലവിഭവ വകുപ്പ് മന്ത്രി പി.ജെ.ജോസഫ് അധ്യക്ഷത വഹിക്കുന്ന ചടങ്ങില്‍ കേന്ദ്ര-വിദേശ-മാനവ വിഭവ വകുപ്പ് സഹമന്ത്രി ഇ.അഹമ്മദ്, വ്യവസായ മന്ത്രി പി.കെ.കുഞ്ഞാലിക്കുട്ടി, വെദ്യുത-ഗതാഗത വകുപ്പ് മന്ത്രി ആര്യാടന്‍ മുഹമ്മദ്, ടുറിസം വകുപ്പ് മന്ത്രി എ.പി.അനില്‍കുമാര്‍, വിദ്യാഭ്യാസ മന്ത്രി പി.കെ.അബ്ദുറബ്ബ്, നഗരവികസന വകുപ്പ് മന്ത്രി മഞ്ഞളാംകുഴി അലി, എം.പി. ഇ.ടി.മുഹമ്മദ് ബഷീര്‍, മുന്‍ തദ്ദേശ സ്വയംഭരണ വകുപ്പ് മന്ത്രി പാലോളി മുഹമ്മദ്കുട്ടി, എം.എല്‍.എമാരായ കെ.ടി.ജലീല്‍, പി.ശ്രീരാമകൃഷ്ണന്‍, സി.മമ്മുട്ടി എന്നിവര്‍ മുഖ്യാതിഥികളായിരിക്കും. ജില്ലാ പഞ്ചായത്ത് പ്രസിഡന്റ് സുഹറ മമ്പാട്, മുന്‍ എം.എല്‍.എ പി.പി.അബ്ദുള്ളക്കുട്ടി, ജില്ലാ കലക്ടര്‍ എം.സി.മോഹന്‍ദാസ്, നബാര്‍ഡ് ചീഫ് ജനറല്‍ മാനേജര്‍ ആര്‍.അമലോര്‍ പവനാഥന്‍, തദ്ദേശ സ്വയംഭരണ സ്ഥാപന പ്രതിനിധികള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.
പൊന്നാനി-തിരൂര്‍ താലൂക്കുകളെ ബന്ധിപ്പിച്ച് ഭാരതപ്പുഴയ്ക്ക് കുറുകെ ചമ്രവട്ടത്ത് 978 മീറ്റര്‍ നീളവും 7.50 മീറ്റര്‍ വീതിയില്‍ പാലവും, 70 ഷട്ടറുകള്‍ ഉപയോഗിച്ച് സമുദ്ര നിരപ്പില്‍ നിന്നും 6 മീറ്റര്‍ ഉയരത്തില്‍ ഭാരതപ്പുഴയില്‍ 13 കിലോമീറ്റര്‍ നീളത്തില്‍ ജലം സംഭരിക്കാനും സഹായിക്കുന്നതാണ് പദ്ധതി.
സാധ്യതാ പഠനത്തിന് 1977 ഫെബ്രുവരി 24 ന് 1.42 ലക്ഷം രൂപയുടെ ഭരണാനുമതി ലഭിച്ചു. 1983 ഡിസംബറില്‍ 15.81 കോടി രൂപയുടെ പദ്ധതി റിപ്പോര്‍ട്ട് സര്‍ക്കാറിന് സമര്‍പ്പിച്ചു. 1984 ഫെബ്രുവരി 17 ന് മുഖ്യമന്ത്രി കെ. കരുണാകരന്‍ പദ്ധതിക്ക് തറക്കല്ലിട്ടു.1998 ഒക്‌ടോബറില്‍ ഐ.ഡി.ആര്‍.ബിയുടെ അംഗീകാരവും
1999 ഫെബ്രുവരിയില്‍ 70 കോടി രുപയുടെ ഭരണാനുമതിയും ലഭിച്ചു. 2000 സെപ്തംബറില്‍ പ്രവൃത്തി ഏറ്റെടുത്തു നടത്താന്‍ ചമ്രവട്ടം റഗുലേറ്റര്‍ അതോറിറ്റിക്ക് രൂപം നല്‍കി. 2009 ആഗസ്റ്റ് 13 ന് പദ്ധതിയുടെ പ്രവര്‍ത്തനോദ്ഘാടനം മുഖ്യമന്ത്രി വി.എസ്.അച്യുതാനന്ദന്‍ നിര്‍വഹിച്ചു.
ഈ പദ്ധതിയിലൂടെ തിരൂര്‍ പൊന്നാനി താലൂക്കുകളിലെ 4344 ഹെക്ടര്‍ സ്ഥലത്ത് ജലസേചന സൗകര്യം ലഭിക്കും. ഒമ്പത് ലിഫ്റ്റ് ഇറിഗേഷന്‍ പദ്ധതികള്‍ക്കും ജലം ലഭ്യമാകും. പദ്ധതി പ്രദേശത്തും സമീപ പ്രദേശങ്ങളിലും 63.50 എം.എല്‍.ഡി കുടിവെള്ളം ലഭ്യമാക്കാന്‍ സാധിക്കും. പ്രധാന നഗരങ്ങളായ കൊച്ചി-കോഴിക്കോട്, പൊന്നാനി - തിരൂര്‍, പൊന്നാനി-മലപ്പുറം ദൂരം യഥാക്രമം 40, 20, 10 കി.മീറ്റര്‍ കുറയും. ഇത് സമയ-ഇന്ധന ലാഭത്തിന് പുറമെ ഗതാഗത രംഗത്ത് വന്‍ പുരോഗതിയുണ്ടാക്കും.
ചമ്രവട്ടം അയ്യപ്പക്ഷേത്രം, തിരുനാവായ നാവാ മുകുന്ദക്ഷേത്രം, വൈരങ്കോട് ക്ഷേത്രം, തൃപ്രങ്ങോട് മഹാശിവക്ഷേത്രം, ഹനുമാന്‍കാവ്, ഗരുഡന്‍കാവ്, തിരൂര്‍ തുഞ്ചന്‍പറമ്പ്, പൊന്നാനി മഖ്ദൂം മസ്ജിദ്, ഉമര്‍ഖാസി മഖ്ബറ, പുതുപൊന്നാനി ബീവി ജാറം തുടങ്ങിയ പ്രധാന ആരാധനാലയങ്ങളേയും തീര്‍ഥാടന കേന്ദ്രങ്ങളേയും ഈ പദ്ധതിയുമായി ബന്ധിപ്പിക്കുന്നത് ടൂറിസം മേഖലയില്‍ മുന്നേറ്റമുണ്ടാക്കാന്‍ സഹായിക്കും.

Keywords:Inauguration, Ponnani, Malappuram, കേരള, 
7:27 PM | 0 comments

പൊന്നാനിയില്‍ 43 ലോഡ്‌ റേഷനരി പിടികൂടി

Written By mvarthasubeditor on Sunday, May 6, 2012 | 12:29 PM

മലപ്പുറം: പൊന്നാനിയില്‍ കരിഞ്ചന്തയില്‍ വില്‍ക്കാന്‍ സൂക്ഷിച്ച 43 ലോഡ്‌ റേഷനരി സ്വകാര്യ വ്യക്‌തികളുടെ വീടുകളില്‍നിന്ന്‌ പൊലീസ്‌ പിടികൂടി. പൊന്നാനി ടിബി ഹോസ്‌പിറ്റലിന്‌ സമീപത്തുള്ള കെകെ ഹൗസില്‍ സഹോദരങ്ങളായ കമറുദ്ദീന്‍, ഹംസ എന്നിവരുടെ വീട്ടില്‍നിന്ന്‌ 40 ലോഡ്‌ അരിയും ഇവര്‍ക്ക്‌ അരി എത്തിച്ചുകൊടുക്കാന്‍ ഇടനിലക്കാരനായി പ്രവര്‍ത്തിച്ച പൊന്നാനി ജിം റോഡില്‍ കാളിയത്ത്‌ അസീസിന്റെ വീട്ടില്‍നിന്ന്‌ മൂന്ന്‌ ചാക്ക്‌ അരിയും പൊലീസ്‌ പിടികൂടി. 
ഹംസയെയും കമറുദ്ദീനെയും പൊലീസ്‌ അറസ്‌റ്റുചെയ്‌തു. മുഖ്യപ്രതിയെന്ന്‌ സംശയിക്കുന്ന കാളിയത്ത്‌ അസീസ്‌ ഒളിവിലാണ്‌. രഹസ്യവിവരത്തെതുടര്‍ന്ന്‌ പൊന്നാനി എസ്‌ഐ ടി മനോഹരന്റെ നേതൃത്വത്തിലാണ്‌ റെയ്‌ഡും അറസ്‌റ്റും നടത്തിയത്‌. 
കരിഞ്ചന്തയില്‍ റേഷനരി വില്‍ക്കാന്‍ ശ്രമിക്കുന്ന റാക്കറ്റ്‌ തന്നെ താലൂക്കില്‍ പ്രവര്‍ത്തിക്കുന്നുണ്ടെന്നും ഇവര്‍ ഉടന്‍തന്നെ വലയിലാവുമെന്നും എസ്‌ഐ ടി മനോഹരന്‍ പറഞ്ഞു.
Keywords:Malappuram,Ponnani,Take ration, 
12:29 PM | 0 comments

ഉമര്‍ഖാസിയും ഗാന്ധിജിയും ഒരുപോലെ: ഡോ. കെ.കെ.എന്‍ കുറുപ്പ്

Written By kvartha desk on Thursday, May 3, 2012 | 1:05 PM

വെളിയങ്കോട്: ചരിത്രകാരന്‍മാരുടെ പിഴവ് മൂലം സ്വാതന്ത്ര്യ സമര ചരിത്രത്തില്‍ വിട്ടുപോയ കണ്ണിയാണ് ഉമര്‍ഖാസിയെന്ന് ചരിത്രകാരനും കാലിക്കറ്റ് സര്‍വകലാശാല മുന്‍വൈസ്ചാന്‍സിലറുമായ ഡോ. കെകെഎന്‍ കുറുപ്പ്. നികുതി നിഷേധ സമരത്തിലൂടെ സ്വാതന്ത്ര്യ സമരത്തിനായുള്ള ആത്മബോധം വളര്‍ത്തിയെടുത്ത വെളിയംങ്കോട് ഉമര്‍ഖാസിക്ക് ചരിത്രത്തില്‍ മഹാത്മാഗാന്ധിയോളം പ്രാധാന്യം ലഭിക്കേണ്ടതാണെന്നും അദ്ദേഹം പറഞ്ഞു.
veli വെളിയങ്കോട് നാസ് മഹലില്‍ ഉമര്‍ഖാസി കുടുംബ സമിതിയുടെ അഞ്ചാമത് കുടുംബ സംഗമത്തോടനുബന്ധിച്ചുള്ള ചരിത്ര സെമിനാറില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. നികുതി നിഷേധമെന്ന പുതിയ പ്രത്യയശാസ്ത്രത്തിലൂടെ സ്വാതന്ത്ര്യ സമരത്തിന് ചങ്കൂറ്റം പകര്‍ന്നു നല്‍കിയ പോരാളിയായിരുന്നു ഉമര്‍ഖാസി. സമൂഹത്തിന്റെ സ്വാതന്ത്ര്യ ദാഹമാണ് അതിലൂടെ ഉമര്‍ഖാസി പ്രകടിപ്പിച്ചത്. വര്‍ഗമേതായാലും ചൂഷണത്തിനെതിരെ പടപൊരുതുക എന്ന ദര്‍ശനം അദ്ദേഹം പ്രചരിപ്പിച്ചു. സ്വാതന്ത്ര്യത്തിന്റെ ബോധോദയം ഇസ്‌ലാമിക ദര്‍ശനങ്ങളുടെ അടിസ്ഥാനത്തില്‍ പകര്‍ന്ന് നല്‍കുകയായിരുന്നു അദ്ദേഹം.
ചരിത്രത്തില്‍ ഉമര്‍ഖാസിക്ക് വേണ്ടത്ര പ്രാധാന്യം ലഭിക്കാതെ പോയത് ചരിത്ര-സാമൂഹിക-സാംസ്‌കാരിക പ്രവര്‍ത്തകരുടെ ന്യൂനതയായി കരുതണം. അദ്ദേഹത്തിന്റെ രചനകളില്‍ പോലും സാമ്രാജ്യത്വ വിരുദ്ധത പ്രകടമാണ്. പ്രാദേശിക പൈതൃക സമ്പത്തുകള്‍വരെ ആഗോള കുത്തകകള്‍ സ്വന്തമാക്കുന്ന വര്‍ത്തമാന സാഹചര്യത്തില്‍ ഉമര്‍ഖാസിയെപോലെ ചങ്കൂറ്റമുള്ളവരുടെ അഭാവമാണ് ഭരണകൂടങ്ങളും സമൂഹവും നേരിടുന്ന പ്രതിസന്ധിയെന്നും കെ കെ എന്‍ കുറുപ്പ് പറഞ്ഞു.
ബഹുമുഖ പ്രതിഭയായിരുന്ന ഉമര്‍ഖാസിയുടെ സോളിക് ബയോളജി ഉള്‍പ്പടെയുള്ള സിദ്ധാന്തങ്ങളും വൈദ്യമേഖലക്കു നല്‍കിയ സംഭാവനകളും പഠനവിധേയമാക്കേണ്ടതുണ്ടെന്ന് സെമിനാറില്‍ പ്രബന്ധമവതരിപ്പിച്ച കോഴിക്കോട് ഇന്‍സ്റ്റിറ്റിയൂട്ട് ഓഫ് ഇസ്‌ലാമിക് മെഡിക്കല്‍ സയന്‍സിലെ ജലീല്‍ ദാരിമി അഭിപ്രായപ്പെട്ടു. കുടുംബ സമിതി പ്രസിഡന്റ് കുഞ്ഞിമോന്‍ പാങ്കയില്‍ അധ്യക്ഷത വഹിച്ചു. സംഗമം സംഘാടക സമിതി ചെയര്‍മാന്‍ എംടി മൊയ്തുട്ടി ഹാജി ഉദ്ഘാടനം ചെയ്തു.
നേതാജി അവാര്‍ഡിനര്‍ഹനായ കുടുംബാംഗം പിപി റസാക്ക് കൂടല്ലൂരിനെ ചടങ്ങില്‍ ആദരിച്ചു. പിപി അലി ഹാജി, ഒടി മുഹമ്മദ് മൗലവി, പിപി റസാക്ക് കൂടല്ലൂര്‍, ജലീല്‍ പുഞ്ചപ്പാടത്ത്, എംടി. ഹുസൈന്‍ഹാജി, ഒടി മുഹിയുദ്ദീന്‍ മൗലവി, പ്രഫ. റഷീദ് വെളിയങ്കോട്, കാക്കത്തറയില്‍ ഷൈലോക്ക്, പിപി മുഹമ്മദ് കൂടല്ലൂര്‍, ഷാജി അയിരൂര്‍, എ പി ഫസല്‍ പറഞ്ഞു.

Keywords: veliyamkode, Ponnani, Dr. K.K.N Kurupp, Calicut University, 
1:05 PM | 0 comments

ദര്‍ഘാസ് ക്ഷണിച്ചു

Written By kvartha desk on Saturday, April 28, 2012 | 11:26 AM

പൊന്നാനി: പൊന്നാനി പോര്‍ട്ടിന്റെ പരിധിയില്‍നിന്നും 2012-13 വര്‍ഷത്തേക്ക് മാന്വല്‍ ഡ്രഡ്ജിങ് നടത്തുന്നതിന് 1969 ലെ കോ-ഓപ്പറേറ്റീവ് സൊസൈറ്റി ആക്റ്റ്പ്രകാരം രജിസ്റ്റര്‍ ചെയ്തിട്ടുള്ള അംഗീകൃത സൊസൈറ്റികളെ തെരഞ്ഞെടുക്കുന്നതിന് ദര്‍ഘാസ് ക്ഷണിച്ചു. കൂടുതല്‍ വിവരത്തിന് പൊന്നാനി പോര്‍ട്ട് ഓഫീസുമായി ബന്ധപ്പെടണം.

English Summery
Quotation invited
11:26 AM | 0 comments

യുവാവിനെ തട്ടിക്കൊണ്ടു പോയകേസില്‍ ഭാര്യയുടെ ബന്ധുക്കള്‍ അറസ്റ്റില്‍

Written By Malappuram News on Friday, April 20, 2012 | 3:13 PM

പൊന്നാനി: യുവാവിനെ തട്ടിക്കൊണ്ടു പോയകേസില്‍ ഭാര്യയുടെ ബന്ധുക്കള്‍ അറസ്റ്റില്‍. കഴിഞ്ഞ ദിവസം വെളിയങ്കോട് പത്തുമുറിയില്‍ നിന്ന് കാറില്‍ സഞ്ചരിക്കുകയായിരുന്ന അഷ്‌കര്‍ എന്ന മുഹമ്മദലിയെ തട്ടിക്കൊണ്ടു പോയി ലോഡ്ജില്‍ പാര്‍പ്പിച്ച് മര്‍ദിച്ച കേസിലാണ് പാലപ്പെട്ടി സ്വദേശികളായ കുഞ്ഞീരയകത്ത് ശിഹാബ്(32), തണ്ടാന്‍ കോളി മുഹമ്മദ് കാസിം(38) എന്നിവരെ പൊന്നാനി എസ് ഐ ടി മനോഹരന്‍ അറസ്റ്റു ചെയ്തത്. ചൊവ്വാഴ്ച കാലത്ത് ഒന്‍പതിന് കാറില്‍ യാത്ര ചെയ്യുകയായിരുന്ന അസ്‌കറിനെ മൂന്ന് ബൈക്കുകളിലായെത്തിയ ശിഹാബ്, മുഹമ്മദ് കാസിം ഉള്‍പ്പെടെയുള്ള ആറംഗ സംഘം തട്ടിക്കൊണ്ടു പോവുകയും പൊന്നാനി ചന്തപ്പടിയിലെ ലോഡ്ജില്‍ തടഞ്ഞുവെച്ച് ക്രൂരമായി മര്‍ദിക്കുകയായിരുന്നെന്ന് പോലീസ് പറഞ്ഞു. ഭാര്യക്ക് ചെലവിന് കൊടുക്കാത്ത കേസില്‍ അഷ്‌കറിനെതിരെ കുടുംബ കോടതിയില്‍ നിന്ന് വാറണ്ട് പുറപ്പെടുവിച്ചിട്ടുണ്ട്. ഇയാളെ പോലീസില്‍ ഏല്‍പിക്കുക എന്ന ലക്ഷ്യത്തോടെയാണ് പിടിയിലായ രണ്ടുപേര്‍ ഉള്‍പ്പെടെയുള്ള സംഘം അഷ്‌കറിനെ ലോഡ്ജില്‍ തടഞ്ഞുവെച്ചത്. കോടതി വാറണ്ട് പുറപ്പെടുവിച്ച പ്രതി പൊന്നാനിയിലെ ലോഡ്ജിലുണ്ടെന്ന് പെരുമ്പടപ്പ് പോലീസ് സ്റ്റേഷനില്‍ കഴിഞ്ഞ ദിവസം തന്നെ ചിലര്‍ വിളിച്ചറിയിച്ചിരുന്നു. എന്നാല്‍ അഷ്‌കറിനെ തട്ടിക്കൊണ്ടു പോയതായി പൊന്നാനി സ്റ്റേഷനില്‍ നല്‍കിയ പരാതിയുടെ അടിസ്ഥാനത്തിലാണ് രണ്ടു പേരെ അറസ്റ്റു ചെയ്തിട്ടുള്ളത്.
3:13 PM | 0 comments

ഐസ് പ്ലാന്റില്‍ അമോണിയം ചോര്‍ന്നു; 10 വിദ്യാര്‍ഥികള്‍ ആശുപത്രിയില്‍

Written By Malappuram News on Tuesday, March 27, 2012 | 11:04 AM

പൊന്നാനി: ഐസ് പ്ലാന്റില്‍ അമോണിയം ചോര്‍ച്ച. വാതകം ശ്വസിച്ച് ദേഹാസ്വാസ്ഥ്യത്തെ തുടര്‍ന്ന് 10 വിദ്യാര്‍ഥികള്‍ ആശുപത്രിയില്‍. പൊന്നാനി കോടതിപ്പടിക്ക് സമീപം പ്രവര്‍ത്തിക്കുന്ന ശക്തി ഐസ് പ്ലാന്റില്‍ ഇന്നലെ വൈകിട്ട് മൂന്നരയോടെയാണ് അമോണിയം ചോര്‍ന്നത്.
അമോണിയം സിലിണ്ടറില്‍ നിന്ന് ഐസ് പ്ലാന്റിലേക്കുള്ള സേഫ്റ്റി വാള്‍വില്‍ നിന്നാണ് ചോര്‍ച്ചയുണ്ടായത്. അമോണിയ അന്തരീക്ഷത്തിലേക്ക് വ്യാപിച്ചതോടെ പരിസര വാസികള്‍ മണിക്കൂറുകളോളം ഭീതിയിലായി. പ്ലാന്റിന് തൊട്ടടുത്ത വീടുകളിലെ കുട്ടികള്‍ക്ക് അസ്വസ്ഥത അനുഭവപ്പെട്ടതിനെ തുടര്‍ന്ന് നാട്ടുകാര്‍ ആശുപത്രിയില്‍ പ്രവേശിപ്പിച്ചു.
കോലാജിയാരകത്ത് കുഞ്ഞുട്ടിയുടെ മക്കളായ സഫ്‌ന(15), ശഫീഖ്(16) കോലാജിയാരകത്ത് ഉസ്മാന്റെ മക്കളായ സുബ്ഹാന(16), ആരിഫ്(12), ഫാത്തിമ(ഏഴ്), കോലാജിയാരകത്ത് ഹമീദിന്റെ മക്കളായ ഷഫീല്‍(ഒന്‍പത്), റസ്‌ലി(ഏഴ്) എന്നിവരെയാണ് പൊന്നാനി താലൂക്ക് ആശുപത്രിയില്‍ പ്രവേശിപ്പിച്ചത്.
വാതകം ശ്വസിച്ചതിനെ തുടര്‍ന്ന് വിദ്യാര്‍ഥികള്‍ക്ക് ശ്വാസ തടസവും ഛര്‍ദിയും ബോധക്ഷയവും അനുഭവപ്പെടുകയായിരുന്നു. പ്ലാന്റിനോട് ചേര്‍ന്ന 20 ഓളം വീടുകളിലെ സ്ത്രീകള്‍ക്കും സിവില്‍ സ്റ്റേഷന്‍ ജീവനക്കാര്‍ക്കും അസ്വസ്ഥതയുണ്ടായി. ഫയര്‍ഫോഴ്‌സ് എത്തിയാണ് ചോര്‍ച്ച ശമിപ്പിച്ചത്. പ്ലാന്റിലെ ഉപകരണങ്ങളുടെ നിലവാരമില്ലായ്മയാണ് ചോര്‍ച്ചക്ക് ഇടയാക്കിയതെന്ന് നാട്ടുകാര്‍ ആരോപിച്ചു. തമിഴ്‌നാട്ടിലെ ഐസ് ഫാക്ടറിയില്‍ ഉപയോഗിച്ചിരുന്ന കാലപ്പഴക്കം ചെന്ന പൈപ്പുകളും സിലിണ്ടറുമാണ് ഇവിടെ ഉപയോഗിക്കുന്നതെന്നും നാട്ടുകാര്‍ കുറ്റപ്പെടുത്തി.
പ്ലാന്റിന് മലിനീകരണ നിയന്ത്രണ ബോര്‍ഡിന്റെയും ഫാക്ടറീസ് ബോയിലേഴ്‌സ് ബോര്‍ഡിന്റേയും പ്രവര്‍ത്തനാനുമതിയുണ്ടോയെന്നും പരിശോധിക്കുമെന്ന് സെക്രട്ടറി അറിയിച്ചു. എം എല്‍ എ പി ശ്രീരാമകൃഷ്ണന്‍, ചെയര്‍പേഴ്‌സണ്‍ ടി ബീവി, സ്റ്റാന്റിംഗ് കമ്മിറ്റി ചെയര്‍മാന്‍ ഹൈദരലി, സി പി മുഹമ്മദ് കുഞ്ഞി, തഹസില്‍ദാര്‍ കെ മൂസക്കുട്ടി, നഗരസഭ സെക്രട്ടറി ജി മുരളി സംഭവ സ്ഥലം സന്ദര്‍ശിച്ചു.
11:04 AM | 0 comments

മത്സ്യത്തൊഴിലാളികള്‍ കടലില്‍ ഉപവസിച്ചു

Written By Malappuram News on Thursday, March 15, 2012 | 11:23 AM

ഉപവാസസമരം മത്സ്യത്തൊഴിലാളി ഫെഡറേഷന്‍
സംസ്ഥാന വൈസ് പ്രസിഡന്റ് എ.കെ. ജബ്ബാര്‍ ഉദ്ഘാടനം ചെയ്യുന്നു
 
പൊന്നാനി: കടലില്‍ മീന്‍പിടിക്കാന്‍ പോകുന്ന മത്സ്യത്തൊഴിലാളികളുടെ സുരക്ഷ ഉറപ്പാക്കണമെന്നാവശ്യപ്പെട്ട് മത്സ്യത്തൊഴിലാളികള്‍ കടലില്‍ ഉപവാസം നടത്തി. വിദേശരാജ്യങ്ങളില്‍ നിന്നുവരുന്ന കപ്പലുകളില്‍നിന്നും മീന്‍പിടിത്തബോട്ടുകള്‍ക്കും തൊഴിലാളികള്‍ക്കും നേരെ അടിക്കടിയുണ്ടാവുന്ന അതിക്രമങ്ങളില്‍ പ്രതിഷേധിച്ച്മത്സ്യത്തൊഴിലാളി യൂണിയന്‍ (എ.ഐ.ടി.യു.സി) ജില്ലാ കമ്മിറ്റിയുടെ ആഭിമുഖ്യത്തിലാണ് പൊന്നാനി അഴിമുഖത്ത് കടലില്‍ മീന്‍പിടിത്തബോട്ടില്‍ ഉപവാസസമരം നടത്തിയത്.
മൊബൈല്‍ റേഞ്ചുകള്‍ തേടിയും മറ്റ് വിവിധ ആവശ്യങ്ങള്‍ക്കും നിയമം ലംഘിച്ച് ഗതിമാറി സഞ്ചരിച്ച് മീന്‍പിടിത്ത തൊഴിലാളികളെ അപകടപ്പെടുത്തുന്ന വിദേശകപ്പലുകളെ നിലയ്ക്കുനിര്‍ത്തണമെന്നും ഇത്തരം കപ്പലുകള്‍ക്കെതിരെ കര്‍ശനനടപടി സ്വീകരിക്കണമെന്നും മീന്‍പിടിത്ത തൊഴിലാളികള്‍ക്ക് സംരക്ഷണം നല്‍കണമെന്നും ഉപവാസസമരക്കാര്‍ ആവശ്യപ്പെട്ടു.
ഉപവാസസമരം മത്സ്യത്തൊഴിലാളി ഫെഡറേഷന്‍ സംസ്ഥാന വൈസ് പ്രസിഡന്റ് എ.കെ. ജബ്ബാര്‍ ഉദ്ഘാടനം ചെയ്തു. ജില്ലാപ്രസിഡന്റ് സി.പി. ഹംസക്കോയ അധ്യക്ഷത വഹിച്ചു. കുരിക്കള്‍ മുഹമ്മദ്, മൊയ്തീന്‍കോയ കൂട്ടായി, അന്‍വര്‍, അബ്ദുല്‍ഖാദര്‍, അയ്യൂബ് എന്നിവര്‍ ബോട്ടിലെ കടല്‍ ഉപവാസസമരത്തിന് നേതൃത്വം നല്‍കി.
11:23 AM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers