Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Manjeri. Show all posts
Showing posts with label Manjeri. Show all posts

ചരിത്രമുഹൂര്‍ത്തം; മെഡിക്കല്‍ കോളജ് ജില്ലക്ക് സ്വന്തം

Written By Malappuram News on Monday, September 2, 2013 | 12:35 AM

മഞ്ചേരി: സര്‍ക്കാര്‍ മെഡിക്കല്‍ കോളജ് മലപ്പുറം ജില്ലക്ക് സ്വന്തമായ ദിനം. ഒരു നാടിന്റെ സ്പന്ദനം ആഹ്ലാദത്താല്‍ മിടിക്കുകയായിരുന്നു. സ്വപ്‌നം യാഥാര്‍ഥ്യമായപ്പോള്‍ നാടിന്റെ ആഘോഷങ്ങള്‍ക്ക് അതിരുകളില്ലായിരുന്നു. ജില്ലയുടെ വിവിധ ഭാഗങ്ങളില്‍ നിന്നു എത്തിയ ജനം ചരിത്രമൂഹൂര്‍ത്തം അവിസ്മരണീയമാക്കി. സര്‍ക്കാര്‍ മെഡിക്കല്‍ കോളജ് മുഖ്യമന്ത്രി ഉമ്മന്‍ചാണ്ടി ഉദ്ഘാടനം ചെയ്തപ്പോള്‍ നാടും നഗരവും ഉത്സവലഹരിയിലായി. മികച്ച വിദ്യാഭ്യാസവും മെച്ചപ്പെട്ട ചികിത്സയും ഉറപ്പാക്കുവാന്‍ കഴിയുന്ന മെഡിക്കല്‍ കോളേജ് വേണമെന്ന ആവശ്യമാണ് യാഥാര്‍ഥ്യമായത്. മന്ത്രിമാര്‍, എംപിമാര്‍, എംഎല്‍എമാര്‍, ജനപ്രതിനിധികള്‍, ആരോഗ്യവകുപ്പ് ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.
100 സീറ്റുകളാണ് മെഡിക്കല്‍ കോളേജില്‍ ഉള്ളത്. ഒന്നാം വര്‍ഷത്തേയ്ക്കുള്ള ക്ലാസ് മുറികള്‍, ലാബുകള്‍, ലൈബ്രറി, ലക്ചര്‍ ഹാളുകള്‍, ഡെമോണ്‍സ്‌ട്രേഷന്‍ ഹാളുകള്‍ തുടങ്ങിയവ സജ്ജമാക്കി. അടുത്ത വര്‍ഷങ്ങളിലേക്കുള്ള അക്കാദമിക് ബ്ലോക്ക് ഹോസ്റ്റലുകള്‍ ജീവനക്കാരുടെ ക്വാര്‍ട്ടേഴ്‌സ് എന്നിവയുടെ നിര്‍മാണവും അടുത്തദിവസം തന്നെ ആരംഭിക്കും. താത്കാലികമായി വിദ്യാര്‍ഥികളുടെ ഹോസ്റ്റല്‍ പ്രവര്‍ത്തിക്കുന്നത് ജനറല്‍ ആശുപത്രിയുടെ പുതിയ ബ്ലോക്കിന്റെ മൂന്നു, നാലു നിലകളിലാണ്. 23 ഏക്കര്‍ സ്ഥലമാണ് കോളജിനായി ഏറ്റെടുത്തിരിക്കുന്നത്. സ്ത്രീകള്‍ക്കും കുട്ടികള്‍ക്കുമായി നിര്‍മ്മിച്ച അഞ്ച് നില കെട്ടിടത്തിന് പുറമേ ഒരു നില കൂടി നിര്‍മിച്ചിട്ടുണ്ട്. കിറ്റ്‌കോയ്ക്കാണ് നിര്‍മാണ ചുമതല. തുടക്കത്തില്‍ ജനറല്‍ ആശുപത്രി കോളജിനൊപ്പം ഉണ്ടാവും. പിന്നീട് ഇത് മെഡിക്കല്‍ വിദ്യാഭ്യാസവകുപ്പിന് കീഴിലേക്ക് കൊണ്ടുവരും. അപ്പോഴേയ്ക്കും കോളേജില്‍ ചികിത്സയും ആരംഭിക്കും. അഞ്ചു വര്‍ഷം കൊണ്ട് മികവുറ്റ ചികിത്സ നല്‍കാന്‍ കഴിയുന്ന കേന്ദ്രമായി ഇത് മാറുമെന്നാണ് അധികൃതര്‍ നല്‍കുന്ന വാഗ്ദാനം. പുതുതായി പ്രഖ്യാപിച്ച ആറ് മെഡിക്കല്‍ കോളജുകളില്‍ ആദ്യത്തേതാണ് മഞ്ചേരിയില്‍ തുടങ്ങിയത്. 34 വര്‍ഷത്തിന് ശേഷം സംസ്ഥാനത്ത് പൂര്‍ണമായും സര്‍ക്കാര്‍ മേഖലയില്‍ തുടങ്ങുന്ന മെഡിക്കല്‍ കോളജ് എന്ന സവിശേഷതയും ഉണ്ട്. മഞ്ചേരി ജനറല്‍ ആശുപത്രിയെ മെഡിക്കല്‍ കോളജാക്കി ഉയര്‍ത്തുകയായിരുന്നു. അധ്യാപകരുടെയും ജീവനക്കാരുടെയും നിയമനവും പുരോഗമിക്കുകയാണ്. 100 കിടക്കകളുള്ള ആശുപത്രിയാണ് അനുവദിച്ചത്. അടുത്ത വര്‍ഷത്തോടെ മാത്രമേ ഇവിടെ രോഗികളെ ചികിത്സിക്കല്‍ തുടങ്ങുകയുള്ളുവെന്ന് അധികൃതര്‍ അറിയിച്ചു. ഡോ.പി.വി. നാരായണനാണ് പ്രിന്‍സിപ്പല്‍. 2011 മാര്‍ച്ചിലാണ് സംസ്ഥാനത്ത് സര്‍ക്കാര്‍ മേഖലയില്‍ മഞ്ചേരി ഉള്‍പ്പെടെ അഞ്ച് മെഡിക്കല്‍ കോളേജുകളുടെ ബജറ്റ് പ്രഖ്യാപനം ഉണ്ടായത്.
12:35 AM | 0 comments

കരിങ്കൊടിക്കാര്‍ക്കും മെഡിക്കല്‍ കോളജ് ആശ്രയം നല്‍കുമെന്ന് മാണി

മഞ്ചേരി: നാടും നഗരവും ആഹ്ലാദ തിമിര്‍പ്പില്‍ ആഘോഷിക്കുമ്പോള്‍ പുറത്ത് കരിങ്കൊടിയുമായി നില്‍ക്കുന്നവര്‍ക്കും നാളെ മെഡിക്കല്‍ കോളജ് ആശ്രയിക്കേണ്ടി വരുമെന്ന് ധനമന്ത്രി കെ.എം മാണി. മഞ്ചേരി ഗവണ്‍മെന്റ് മെഡിക്കല്‍ കോളജ് ഉദ്ഘാടനത്തോടനുബന്ധിച്ച് വിദ്യാര്‍ഥികള്‍ക്കുള്ള ഹോസ്റ്റല്‍ കെട്ടിടത്തിന്റെ ശിലാസ്ഥാപന കര്‍മം നിര്‍വഹിച്ച് സംസാരിക്കുകയായിരുന്നു അദ്ദേഹം. സംസ്ഥാനത്ത് 660 പബ്ലിക് ഹെല്‍ത്ത് സെന്ററുകള്‍, 230 കമ്മ്യൂണിറ്റി ഹെല്‍ത്ത് സെന്ററുകള്‍, 15 ജില്ലാ ആശുപത്രികള്‍, 11 ജനറല്‍ ആശുപത്രികള്‍, അഞ്ചു മെഡിക്കല്‍ കോളേജ് ആശുപത്രികള്‍ എന്നിവയാണ് നിലവിലുള്ളത്. ആറാമത്തെ സര്‍ക്കാര്‍ മെഡിക്കല്‍ കോളജാണ് മഞ്ചേരിയില്‍ യാഥാര്‍ഥ്യമായത്. ഇന്ത്യയില്‍ തന്നെ സര്‍ക്കാര്‍ മേഖലയില്‍ ഇത്രയും അധികം ആരോഗ്യ കേന്ദ്രങ്ങള്‍ ഉള്ളത് കേരളത്തില്‍ മാത്രമാണ്. മഞ്ചേരി മെഡിക്കല്‍ കോളേജ് സംസ്ഥാനത്തെ മികച്ച ആരോഗ്യ വിദ്യാഭ്യാസ കേന്ദ്രമാക്കി ഉയര്‍ത്തുമെന്നും മാണി പറഞ്ഞു.
12:10 AM | 0 comments

മഞ്ചേരി മെഡിക്കല്‍ കോളജ് ഉദ്ഘാടനം ആഘോഷമാക്കാന്‍ നാടൊരുങ്ങി

Written By Malappuram News on Friday, August 30, 2013 | 8:30 AM

മഞ്ചേരി: ആരോഗ്യമേഖലയില്‍ ജില്ലക്ക് അഭിമാനമാകുന്ന മഞ്ചേരി മെഡിക്കല്‍ കോളജ് ഉദ്ഘാടനം ആഘോഷമാക്കാന്‍ നാടും നഗരവും ഒരുങ്ങി. പന്തലിന്റെയും വേദിയുടെയും നിര്‍മാണം പൂര്‍ത്തിയായി. 12 മന്ത്രിമാരും ജില്ലയിലെ മുഴുവന്‍ എം എല്‍ എമാരും ചടങ്ങില്‍ പങ്കെടുക്കും. ആഘോഷം വര്‍ണാഭമാക്കാന്‍ മുമ്പെങ്ങുമില്ലാത്ത വിധം നഗരത്തിലെ കടകമ്പോളങ്ങളും കെട്ടിടങ്ങളും ദീപാലങ്കൃതമാക്കിയിട്ടുണ്ട്. പ്രധാന റോഡുകളിലെല്ലാം വിവിധ സംഘടനകളും ക്ലബ്ബുകളും സ്വന്തം നിലയില്‍ കമാനങ്ങള്‍ സ്ഥാപിച്ചു.
വ്യാപാരി വ്യവസായി ഏകോപന സമിതിയുടെ ആഹ്വാന പ്രകാരം നഗരത്തിലെ കടകളെല്ലാം കൊടി തോരണങ്ങളാല്‍ മനോഹരമാക്കി കഴിഞ്ഞു. മുപ്പത്തിമൂന്ന് വര്‍ഷത്തിന് ശേഷം സംസ്ഥാനത്ത് സര്‍ക്കാര്‍ ഉടമസ്ഥതയിലുള്ള ആദ്യ മെഡിക്കല്‍ കോളജ് മഞ്ചേരിയില്‍ പ്രവര്‍ത്തനമാരംഭിക്കുന്നതില്‍ നിര്‍ണായക പങ്കുവഹിച്ച അഡ്വ. എം ഉമ്മര്‍ എം എല്‍ എക്ക് അഭിവാദ്യമര്‍പ്പിച്ച് മഞ്ചേരി നിയോജക മണ്ഡലത്തിലുടനീളം ഫഌക്‌സ് ബോര്‍ഡുകള്‍ ഉയര്‍ന്നിട്ടുണ്ട്.
ആശുപത്രിയുടെ അത്യാഹിത വിഭാഗമുള്‍പ്പെടെ വിവിധ വാര്‍ഡുകള്‍ പെയിന്റിംഗ് ജോലികള്‍ പൂര്‍ത്തിയാക്കി. മെഡിക്കല്‍ കോളജിലേക്കുള്ള കുണ്ടും കുഴിയും നിറഞ്ഞ റോഡുകള്‍ പൊതുമരാമത്ത് വകുപ്പ് അറ്റകുറ്റപണികള്‍ ചെയ്തു തുടങ്ങി. മെഡിക്കല്‍ കോളജില്‍ അഖിലേന്ത്യാ ക്വാട്ടയില്‍ പതിനൊന്ന് വിദ്യാര്‍ഥികളും കൂടി പ്രവേശനം നേടിയതോടെ 84 പേര്‍ പ്രഥമ എം ബി ബി എസ് ബാച്ചിലെ പഠിതാക്കളായി. അഖിലേന്ത്യാ ക്വാട്ടയിലുള്ള എം ബി ബി എസ് പ്രവേശനം ഇന്നത്തോടെ പൂര്‍ത്തിയാകും. ഗവ. മെഡിക്കല്‍ കോളജിലേക്ക് ആവശ്യമായ സ്വീപ്പര്‍ തസ്തികയില്‍ ആറുപേരെ നിയമിച്ചു. ആറു മാസത്തേക്ക് കരാറടിസ്ഥാനത്തിലാണ് ഇവരുടെ നിയമം. സ്വീപ്പര്‍മാരെ നിയോഗിക്കാന്‍ കോളജ് അധികൃതര്‍ നേരത്തെ കുടുംബശ്രീയെ ചുമതലപ്പെടുത്തിയിരുന്നു. കരാര്‍ അടിസ്ഥനത്തില്‍ നിയമിക്കുന്ന രണ്ട് ലാബ് ടെക്‌നീഷ്യന്‍മാര്‍, നാല് ലാബ് അനാട്ടമി അറ്റന്റര്‍മാര്‍, രണ്ടു ഡാറ്റാ എന്‍ട്രി ഓപ്പറേറ്റര്‍മാര്‍ എന്നിവര്‍ക്കുള്ള ഇന്റര്‍വ്യൂ കഴിഞ്ഞ ദിവസം കോളജ് ഓഫീസില്‍ നടന്നിരുന്നു. വിദ്യാര്‍ഥികളുടെ പഠന മുറിയിലേക്ക് മുപ്പത് മേശ, നൂറ്റമ്പതിലധികം കസേരകള്‍, പത്ത് ടൈനിംഗ് ടേബിള്‍, മുപ്പത് സ്റ്റൂള്‍, പതിനാറ് അലമാര, ആറ് സ്റ്റീല്‍ റാക്ക് എന്നിവ എത്തിയിട്ടുണ്ട്. അതേസമയം ഉദ്ഘാടനം ചെയ്യാനെത്തുന്ന മുഖ്യമന്ത്രി ഉമ്മന്‍ചാണ്ടിയെ തടയുമെന്നും കരിങ്കൊടി കാണിക്കുമെന്നുമുള്ള ഫഌക്‌സു ബോര്‍ഡുകള്‍ നഗരത്തിലെ പ്രധാന കവലകളില്‍ ഉയര്‍ന്നതും മുഖ്യമന്ത്രിയെ തടയാനെത്തുന്നവരെ കായികമായി നേരിടുമെന്ന ചില സംഘടനകളുടെ പ്രസ്താവനകളും ആശങ്ക സൃഷ്ടിച്ചിട്ടുണ്ട്. മുഖ്യമന്ത്രിക്ക് കരിങ്കൊടി കാണിക്കുന്നതിന് ഓരോ ബ്രാഞ്ചുകളില്‍ നിന്നും എട്ടു വീതം പ്രവര്‍ത്തകരെ സി പി എം നിയോഗിച്ചതായും റിപ്പോര്‍ട്ടുണ്ട്. അനിഷ്ട സംഭവങ്ങളൊഴിവാക്കുന്നതിനും പരിപാടിയുടെ സുഗമമായ നടത്തിപ്പിനും ട്രാഫിക് നിയന്ത്രണത്തിനും ജില്ലാ പോലീസ് മേധാവി, ഡി വൈ എസ് പിമാര്‍, സി ഐമാര്‍ എന്നിവരുടെ നേതൃത്വത്തിലുള്ള സായുധ പോലീസ് സജ്ജമാണ്.
8:30 AM | 0 comments

രാഷ്ട്രീയ വിവാദത്തില്‍ മുക്കി ശോഭ കെടുത്തരുതെന്ന് എസ് വൈ എസ്

അരീക്കോട്: മഞ്ചേരി മെഡിക്കല്‍ കോളജിന്റെ ഉദ്ഘാനം രാഷ്ട്രീയ വിവാദത്തില്‍ മുക്കി ശോഭ കെടുത്തരുതെന്ന് എസ് വൈ എസ് ജില്ലാ പ്രവര്‍ത്തകസമിതി. ജില്ലയിലെ മുഴുവന്‍ ജനങ്ങളുടെയും കൂട്ടായ്മയുടെ ഫലമായാണ് മെഡിക്കല്‍ കോളജ് യാഥാര്‍ത്ഥ്യമായത്. ജില്ലാ പഞ്ചായത്തിന്റെ നേതൃത്വത്തില്‍ നിര്‍മ്മിച്ച പ്രധാന കെട്ടിടത്തിന്റെ നിര്‍മ്മാണം പൂര്‍ത്തിയാക്കിയത് ജില്ലയിലെ സ്‌കൂള്‍ വിദ്യാര്‍ഥികള്‍ ഉള്‍പ്പെടെയുള്ള സാധാരണക്കാര്‍ നല്‍കിയ നാണയത്തുട്ടുകള്‍ ശേഖരിച്ചായിരുന്നു. ഇടക്കാലത്ത് ആശുപത്രിയിലേക്ക് സ്വകാര്യമേഖയുടെ പങ്കാളിത്തം കൊണ്ടു വരാന്‍ നീക്കം നടന്നപ്പോള്‍ എസ് വൈ എസ് ഉള്‍പ്പെടെയുള്ള ജനപക്ഷ സംഘടനകളുടെ ശക്തമായ ഇടപെടലുകളാണ് ആശുപത്രിയെ സര്‍ക്കാര്‍ മേഖലയില്‍ നിലനിര്‍ത്താന്‍ അധികാരികളെ നിര്‍ബന്ധിതരാക്കിയത്. ഇത്തരത്തില്‍ ജനകീയ കൂട്ടായ്മയുടെ ഫലമായി ജില്ലയ്ക്കു ലഭിച്ച മെഡിക്കല്‍ കോളേജിന്റെ തുടക്കം തന്നെ രാഷ്ട്രീയ വിവാദത്തിനുള്ള അവസരമാക്കി മാറ്റുന്നത് നിര്‍ഭാഗ്യകരമാണ്. ഭരണ പ്രതിപക്ഷങ്ങള്‍ വിട്ടു വീഴ്ചക്കു തയ്യാറായി ജനഹിതത്തിനൊപ്പം നില്‍ക്കണമെന്നും ജില്ലയ്ക്കു ലഭിച്ച സൗഭാഗ്യം വേണ്ട വിധം ഉപയോഗപ്പെടുത്തണമെന്നും യോഗം ആവശ്യപ്പെട്ടു. പ്രസിഡന്റ് പികെഎം സഖാഫി ഇരിങ്ങല്ലൂര്‍ അധ്യക്ഷത വഹിച്ചു. പിഎം മുസ്തഫ മാസ്റ്റര്‍, ഊരകം അബ്ദുറഹ്മാന്‍ സഖാഫി, കെടി ത്വാഹിര്‍ സഖാഫി, കൊളത്തൂര്‍ അലവി സഖാഫി, സയ്യിദ് സ്വലാഹുദ്ദീന്‍ ബുഖാരി, അലവിക്കുട്ടി ഫൈസി എടക്കര, കെപി ജമാല്‍ കരുളായി, പിവി മുഹമ്മദ്, എം അബൂബക്കര്‍ മാസ്റ്റര്‍, ടി അലവി പുതുപ്പറമ്പ് എന്നിവര്‍ പ്രസംഗിച്ചു.
8:26 AM | 0 comments

പ്രതിഷേധത്തെ തടഞ്ഞാല്‍ നോക്കിനില്‍ക്കില്ല: എല്‍ ഡി എഫ്

മലപ്പുറം: മെഡിക്കല്‍ കോളജ് ഉദ്ഘാടനത്തിനായി അടുത്തമാസം ഒന്നിന് മുഖ്യമന്ത്രി മഞ്ചേരിയിലെത്തുമ്പോള്‍ പ്രതിഷേധ പ്രകടനം നടത്തുമെന്ന് എല്‍ ഡി എഫ് ജില്ലാകമ്മിറ്റി ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. . മുഖ്യമന്ത്രി വരുന്ന റൂട്ടില്‍ കാണിക്കും. ബലം പ്രയോഗിച്ച് മുഖ്യമന്ത്രിയെ തടയില്ല. മറ്റുമന്ത്രിമാര്‍ക്കെതിരെ പ്രതിഷേധപ്രകടനങ്ങള്‍ നടത്തില്ല. മെഡിക്കല്‍ കോളജിന്റെ ഉദ്ഘാടനവും ഘോഷയാത്രയും തടയില്ല. മുസ്‌ലിം ലീഗുകാര്‍ പ്രതിഷേധം തടയുമെന്നാണ് പറയുന്നത്. ഇതിനുശ്രമിച്ചാന്‍ നോക്കിനില്‍ക്കില്ല. ചിലപ്പോള്‍ സംയമനം പാലിക്കാന്‍ കഴിഞ്ഞെന്നു വരില്ല. ഉദ്ഘാടന ചടങ്ങില്‍ നിരവധി മന്ത്രിമാര്‍ പങ്കെടുക്കുന്നുണ്ടെങ്കിലും ഉദ്ഘാടകനും അദ്ധ്യക്ഷനും കഴിഞ്ഞാല്‍ പിന്നെ മുസ്‌ലിം ലീഗ് സംസ്ഥാന പ്രസിഡന്റിനാണ് സ്ഥാനം നല്‍കിയിരിക്കുന്നത്. ഇത് പരിഹാസ്യവും മതേതരസമൂഹത്തില്‍ ആശാസ്യവുമല്ല. ഭരണഘടനയുടെ മുകളില്‍ ആത്മീയ നേതാക്കള്‍ക്ക് സ്ഥാനം നല്‍കുന്ന ഇറാന്റെ നയമാണിത്. കോണ്‍ഗ്രസ് മുഖ്യമന്ത്രിക്കെതിരെയുള്ള പ്രതിഷേധം ലീഗ് ഏറ്റെടുക്കേണ്ട. സോളാര്‍ തട്ടിപ്പില്‍ ജനങ്ങളെ വെല്ലുവിളിച്ചാണ് മുഖ്യമന്ത്രി നടക്കുന്നത്. പ്രതിഷേധിക്കാനുള്ള ഭരണഘടനാവകാശം ഉപയോഗിച്ചാണ് എല്‍ ഡി എഫ് സമരം നടത്തുന്നതെന്നും ഭാരവാഹികള്‍ പറഞ്ഞു. വാര്‍ത്താ സമ്മേളനത്തില്‍ കണ്‍വീ നര്‍ വി ഉണ്ണികൃഷ്ണന്‍, സി പി എം ജില്ലാസെക്രട്ടറി പി പി വാസുദേവന്‍, സംസ്ഥാനകമ്മിറ്റിയംഗം ടി കെ ഹംസ. ആര്‍ എസ് പി ജില്ലാസെക്രട്ടറി മുഹമ്മദാലി, എന്‍ സി പി ജില്ലാപ്രസിഡന്റ് ടി എന്‍ ശിവശങ്കരന്‍, ജനതാദള്‍ നേതാവ് കെ വി ബാലസുബ്രഹ്മണ്യന്‍ പങ്കെടുത്തു.
8:23 AM | 0 comments

മുഖ്യമന്ത്രിയെ കരിങ്കൊടി കാണിക്കുമെന്ന് സി പി എം

മലപ്പുറം: മഞ്ചേരി മെഡിക്കല്‍ കോളേജ് ഉദ്ഘാടനത്തിന് എത്തുന്ന മുഖ്യമന്ത്രിയുടെ പരിപാടി എല്‍ഡിഎഫിലെ മറ്റ് പാര്‍ട്ടികളുമായി ചേര്‍ന്ന് ബഹിഷ്‌കരിക്കുമെന്ന് സി പി എം ജില്ലാ കമ്മിറ്റി പ്രസ്താവനയില്‍ അറിയിച്ചു. മഞ്ചേരി മെഡിക്കല്‍ കോളജ് ജില്ലയില്‍ സ്ഥാപിതമാകുന്നത് ഏറെ സന്തോഷത്തോടെയും അതിലേറെ അഭിമാനത്തോടെയുമാണ് പാര്‍ട്ടി കാണുന്നത്. കേരളത്തിലെ പിന്നോക്കം നില്‍ക്കുന്ന ജില്ലകളിലൊന്നായ മലപ്പുറത്ത് ആരോഗ്യമേഖലയിലും ചികിത്സാ രംഗത്തും ഒരു കുതിച്ചുചാട്ടത്തിന് ഈ മെഡിക്കല്‍ കോളേജിന്റെ സ്ഥാപനവും പ്രവര്‍ത്തനവും ഏറെ സഹായകരമാകും എന്ന കാര്യത്തില്‍ രണ്ടുപക്ഷമില്ല.
കേരളത്തിലെ ഏറ്റവും മികച്ച മെഡിക്കല്‍ കോളജായി മാറാന്‍ മഞ്ചേരി മെഡിക്കല്‍ കോളജിന് കഴിയുമെന്ന ഉത്തമപ്രതീക്ഷയും സിപിഐ എം വെച്ചു പുലര്‍ത്തുന്നു. എന്നാല്‍ സെപ്തംബര്‍ ഒന്നിന് മെഡിക്കല്‍ കോളജ് ഉദ്ഘാടനത്തിനായി മഞ്ചേരിയിലെത്തുന്ന മുഖ്യമന്ത്രിയെ ബഹിഷ്‌കരിക്കാനും കരിങ്കൊടി കാണിച്ചു പ്രതിഷേധിക്കാനും എല്‍ഡിഎഫ് തീരുമാനമെടുത്തിരിക്കുകയാണ്. സോളാര്‍തട്ടിപ്പുമായി ബന്ധപ്പെട്ട് മുഖ്യമന്ത്രിയ്ക്കും അദ്ദേഹത്തിന്റെ ഓഫീസിനുെമതിരെ ഉയര്‍ന്ന ആക്ഷേപങ്ങള്‍ പരിശോധിക്കാന്‍ ജുഡീഷ്യല്‍ അന്വേഷണം പ്രഖ്യാപിക്കണമെന്നും അന്വേഷണഘട്ടത്തില്‍ മുഖ്യമന്ത്രി രാജിവെച്ചു മാറിനില്‍ക്കണമെന്നും ആവശ്യപ്പെട്ട് എല്‍ഡിഎഫ് രണ്ട് മാസത്തിലേറെയായി വിവിധ രൂപത്തിലുള്ള പ്രക്ഷോഭങ്ങള്‍ നടത്തി വരികയാണ്.
മഞ്ചേരിയിലെത്തുന്ന മുഖ്യമന്ത്രിക്ക് കരിങ്കൊടി കാണിച്ചു പ്രതിഷേധിക്കാന്‍ എല്‍ഡിഎഫ് തീരുമാനിച്ചിട്ടുണ്ട്. സമാധാനപരമായി സമരം ചെയ്യാനാണ് ആയിരക്കണക്കിന് സമരസഖാക്കള്‍ എത്തുക. ജനകീയ സമരങ്ങളെ ചോരയില്‍മുക്കിക്കൊല്ലാന്‍ ആരുതന്നെ ശ്രമിച്ചാലും അതു പരാജയപ്പെടുകതന്നെ ചെയ്യും. സമാധാനപരമായ പ്രതിഷേധമാണ് എല്‍ഡിഎഫ് ഉദ്ദേശിക്കുന്നത്. ആഗസ്ത് 23ന് താനൂരില്‍ പ്രതിഷേധ പ്രകടനത്തെ പൊലീസിന്റെ സാന്നിധ്യത്തില്‍ ലീഗുകാര്‍ ആക്രമിക്കുകയുണ്ടായി.പോലീസും ഗുണ്ടകളും ചേര്‍ന്ന് തടഞ്ഞിട്ടും പ്രതിഷേധപ്രകടനം നടന്നു. ജനാധിപത്യപരമായി പ്രതിഷേധിക്കാന്‍ ഉള്ള ജനങ്ങളുടെ മൗലികാവകാശം ആര്‍ക്കും പണയം വെക്കാന്‍ സിപിഐ എം ഉദ്ദേശിക്കുന്നില്ല. മുഖ്യമന്ത്രിക്കെതിരെ പ്രതിഷേധിക്കാന്‍ അഴിമതിയ്‌ക്കെതിരെ അമര്‍ഷം കൊള്ളുന്ന എല്ലാ ജനാധിപത്യവാദികളും അണിനിരക്കണമെന്ന് സിപിഐ എം വാര്‍ത്താകുറിപ്പില്‍ ആവശ്യപ്പെട്ടു.
8:05 AM | 0 comments

മഞ്ചേരി ട്രാഫിക് പരിഷ്‌കാരം: ബസ് ഉടമകളുടെ യോഗം ആറിന്

Written By Malappuram News on Friday, July 5, 2013 | 12:00 AM

മലപ്പുറം: മഞ്ചേരി നഗരത്തിലെ ഗതാഗത പരിഷ്‌ക്കരണവുമായി ബന്ധപ്പെട്ട കാര്യങ്ങള്‍ ചര്‍ച്ച ചെയ്യുന്നതിന് മഞ്ചേരിയില്‍ നിന്നും സര്‍വീസ് നടത്തുന്ന മിനി ബസുകളുടെ ഉടമസ്ഥര്‍ വാഹനത്തിന്റെ പെര്‍മിറ്റും ടൈം ഷീറ്റും സഹിതം ജൂലൈ ആറിന് ഉച്ചക്ക് മൂന്നിന് ആര്‍.റ്റി. ഓഫീസില്‍ മോട്ടോര്‍ വെഹിക്കിള്‍ ഇന്‍സ്‌പെക്റ്റര്‍ ഇ. മോഹന്‍ദാസിനെ കാണണമെന്ന് ആര്‍.റ്റി.ഒ. അറിയിച്ചു.
12:00 AM | 0 comments

മഞ്ചേരിയില്‍ സ്വകാര്യ ബസുകള്‍ കൂട്ടിയിടിച്ച് 19 പേര്‍ക്ക് പരിക്ക്

Written By Kvartha Delta on Wednesday, October 17, 2012 | 7:19 PM

 Malappuram, Manjeri, Accident, BUS, Hospital, Injured, Kerala, Malayalam News
മഞ്ചേരി: നിലമ്പൂര്‍ മഞ്ചേരി റോഡില്‍ ചെരണിയില്‍ സ്വകാര്യ ബസുകള്‍ കൂട്ടിമുട്ടി 19 പേര്‍ക്ക് പരുക്കേറ്റു. നിലമ്പൂരില്‍ നിന്നും മഞ്ചേരിയിലേക്ക് വരികയായിരുന്ന പാസ്‌വേര്‍ഡ് ബസും മഞ്ചേരിയില്‍ നിന്ന് എളങ്കൂരിലേക്ക് പോകുകയായിരുന്ന ബാബുമോന്‍ ബസും തമ്മില്‍ കൂട്ടിയിടിച്ചാണ് അപകടമുണ്ടായത്.

ചൊവാഴ്ച വൈകീട്ട് 5.30നായിരുന്നു അപകടം. പരുക്കേറ്റ മലപ്പുറം കോട്ടക്കുന്നുമ്മല്‍ വിദ്യ (32), കരിക്കാട് തേക്കിന്‍കാട്ടില്‍ പിയൂഷ് (15), മഞ്ഞപ്പറ്റ കണയംകോട്ടില്‍ സവിത (19), മേലാക്കത്ത് താമസിക്കുന്ന വളാഞ്ചേരി തിരുവേഗപ്പുറ മുബശ്ശിറ (26), പാണ്ടിക്കാട് തച്ചിങ്ങനാടം ശിജ (34), പുന്നപ്പാല കല്ലിങ്ങല്‍ സറീന (39), പട്ടാമ്പി മുതുതല വേലക്കാട്ടില്‍ അനില്‍കുമാര്‍ (41), കൂമംകുളം കരുവാരക്കുണ്ട് ബേബി (26), കൂമംകുളം ചെങ്കാട്ടില്‍ ബനോയിയുടെ മകള്‍ അനീറ്റ (മൂന്ന്), ഇരുമ്പുഴി പറമ്പന്‍ കാരിത്തൊടി ഫിറോസിന്റെ മകള്‍ ഫര്‍ഹ (അഞ്ച്), എരഞ്ഞിക്കോട് പെരുഞ്ചീരി കറളിക്കോട് സക്കീന (37), മഞ്ചേരി മുള്ളമ്പാറ നടുവിലക്കളത്തില്‍ കുഞ്ഞിരായിന്‍ (66), വള്ളുവമ്പ്രം നീന്ത്രത്തിങ്കല്‍ നിഷാദ്കുമാര്‍ (31), കരുവമ്പ്രം തണ്ണിപ്പാറ വേലായുധന്‍ , കൂമംകുളം ചിറക്കാട്ട് നിഷ (22), തോട്ടപ്പായ പുറ്റാണിക്കാട് ഷിബു (34), പെരിന്തല്‍മണ്ണ കുന്നംപള്ളി ആലിക്കല്‍ പറമ്പില്‍ ചാമി (57), എളങ്കൂര്‍ പി.ടി സമീര്‍ (38), എടവണ്ണ എരഞ്ഞിക്കോട് പുറ്റാണിക്കാട് കളത്തില്‍ സക്കീന (37), തച്ചിങ്ങനാടം പുറ്റാണിക്കാട് ഷിബു (35), കുന്നുമ്മല്‍ കൊളക്കാട്ടു പറമ്പില്‍ മധു (35) എന്നിവരെ മഞ്ചേരി ജനറല്‍ ആശുപത്രിയില്‍ പ്രവേശിപ്പിച്ചു.

Keywords: Malappuram, Manjeri, Accident, BUS, Hospital, Injured, Kerala, Malayalam News
7:19 PM | 0 comments

ഒ­ന്ന­ര­മാ­സം മുമ്പ് പൊ­ള്ള­ലേ­റ്റ വീ­ട്ട­മ്മ മ­രിച്ചു

Written By Kvartha Delta on Tuesday, September 11, 2012 | 5:00 PM

Obituary, Malappuram, Kerala, Manjeri, Kerala, Hospital, Police, Mariyumma
മഞ്ചേരി: ഒ­ന്ന­ര­മാ­സം മു­മ്പ് പൊള്ളലേറ്റ് ചികിത്സയിലായിരു­ന്ന വീ­ട്ട­മ്മ മ­ര­ണ­പ്പെട്ടു. ആനക്കയം പുള്ളിയിലങ്ങാ­ടി­യിലെ പരേതനായ ബീരാന്റെ ഭാര്യ മറിയുമ്മ (83) ആ­ണ് മ­രി­ച്ചത്.

ഇക്കഴിഞ്ഞ ജൂലൈ 22ന് രാത്രിയാ­ണ് മ­റി­യു­മ്മ­യ്­ക്ക് പൊ­ള്ള­ലേറ്റത്. ക­ത്തി­ച്ചു­വെച്ച മണ്ണെണ്ണ വിളക്കിലേക്ക് എണ്ണ ഒഴിക്കുമ്പോള്‍ തീ പടരു­ക­യും മ­റി­യു­മ്മ­യ്­ക്ക് സാ­ര­മാ­യി പൊ­ള്ള­ലേല്‍­ക്കു­ക­യു­മാ­യി­രുന്നു.

കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സ­യി­ലാ­യി­രുന്നു. മ­ഞ്ചേരി എസ്‌ഐ വേലായുധന്‍ ഇന്‍ക്വസ്റ്റ് ന­ട­ത്തി­യ മൃ­ത­ദേ­ഹം പോ­സ്റ്റു­മോര്‍­ട്ട­ത്തി­നു­ശേ­ഷം ഖ­ബ­റ­ടക്കി.

Keywords: Obituary, Malappuram, Kerala, Manjeri, Kerala, Hospital, Police, Mariyumma
5:00 PM | 0 comments

ബലാത്സംഗം: 19 കാരന്റെ ജാമ്യാപേക്ഷ വീണ്ടും തള്ളി

Written By mvarthasubeditor on Wednesday, July 11, 2012 | 11:39 PM

മഞ്ചേരി: നാല്‍പത്തിമൂന്നുകാരിയായ വീട്ടമ്മയെ വീട്ടില്‍ അതിക്രമിച്ചുകയറി ഭീഷണിപ്പെടുത്തി ബലാത്സംഗം ചെയ്ത കേസില്‍ യുവാവിന്റെ ജാമ്യാപേക്ഷ മഞ്ചേരി ജില്ലാ സെഷന്‍സ് കോടതി വീണ്ടും തള്ളി.

മങ്കട കടന്നമണ്ണ പെരയന്‍കോട്ടില്‍ ഷാഹുല്‍ ഹമീദി (19)ന്റെ ജാമ്യാപേക്ഷയാണ് ജില്ലാ ജഡ്ജി പി കെ ഹനീഫ തള്ളിയത്. 2012 മെയ് 28നാണ് സംഭവം. അയല്‍വാസിയായ പ്രതി റിമാന്റിലാണ്.
11:39 PM | 0 comments

യുവതിയെ ഷെഡില്‍ അബോധാവസ്ഥയില്‍ കണ്ടെത്തിയ സംഭവം; ദുരൂഹത തുടരുന്നു

Written By mvarthasubeditor on Saturday, June 30, 2012 | 8:16 AM

മഞ്ചേരി: പാങ്ങില്‍ റോഡരികിലെ ഷെഡില്‍ യുവതിയെ പൂട്ടിയിട്ടനിലയില്‍ കണ്ട സംഭവത്തില്‍ അമ്മയുടെ പരാതിപ്രകാരം പൊലീസ് കേസെടുത്തു. മനോനില തെറ്റി എത്തിയതാണോയെന്നും മാനഭംഗശ്രമമാണോയെന്നും അന്വേഷിക്കുന്നുണ്ട്. അന്യായമായി പൂട്ടിയിട്ടതിനാണ് കേസ്. ജനറല്‍ ആശുപത്രിയില്‍ വിശദമായ വൈദ്യപരിശോധനയ്ക്ക് വിധേയമാക്കി. പ്രാഥമിക പരിശോധനയില്‍ പരുക്കുകളോ മാനഭംഗശ്രമം നടന്നതായോ കണ്ടെത്താനായില്ലെന്ന് പൊലീസ് പറഞ്ഞു.

തിരൂരങ്ങാടി സ്വദേശിനിയായ ഇരുപത്തിനാലുകാരി രണ്ട് കുട്ടികളുടെ മാതാവാണ്. കൊളത്തൂര്‍ പാങ്ങ് പൂക്കോട് ചേണ്ടി റോഡിനോടു ചേര്‍ന്ന് പെരിഞ്ചോലകുളമ്പിലെ വളം സൂക്ഷിക്കുന്ന ഷെഡിലാണ് ഇവരെ കഴിഞ്ഞ ദിവസം അബോധാവസ്ഥയില്‍ കണ്ടത്. തിരൂരങ്ങാടിയിലുള്ള ഡോക്ടറുടെ അടുത്തേക്കെന്നു പറഞ്ഞാണ് വെളിമുക്കിലെ വീട്ടില്‍നിന്ന് യുവതി പോന്നത്.

അവിടെനിന്ന് വളാഞ്ചേരിയിലെ പരിചയക്കാരനെ കാണാന്‍ പോയെന്നും മാനസികാസ്വാസ്ഥ്യത്തിന് താന്‍ കഴിച്ചുകൊണ്ടിരുന്ന ഗുളിക ഇവര്‍ മാറിക്കഴിച്ചെന്ന് സംശയിക്കുന്നതായും അമ്മ ആശുപത്രി ജീവനക്കാരോട് പറഞ്ഞു. വളാഞ്ചേരിയിലെ ബസില്‍നിന്ന് പിടിച്ചിറക്കി കൊണ്ടുവന്നതാണെന്നും പറയുന്നു. പരസ്പരവിരുദ്ധമായാണ് സംസാരിക്കുന്നത്. സംഭവത്തിന് പിന്നില്‍ ദൂരൂഹതയുണ്ടോയെന്ന് അന്വേഷിക്കുന്നതായി സിഐ ജലീല്‍ തോട്ടത്തില്‍ പറഞ്ഞു.

English Summery
Police probe on woman found unconscious in shed
8:16 AM | 0 comments

നഗരസഭയുടെ അനാസ്ഥ: ബസ് ഓടയില്‍ വീണു

Written By mvarthasubeditor on Thursday, June 28, 2012 | 9:14 AM

മഞ്ചേരി: അഴുക്കുചാലിനു മുകളില്‍ സ്ഥാപിച്ച പൊട്ടിയ സ്ലാബില്‍ കയറിയ ബസ് ഓടയില്‍ വീണു. യാത്രക്കാര്‍ പരുക്കേല്‍ക്കാതെ രക്ഷപ്പെട്ടു. ഇന്നലെ രാവിലെ പത്തരയോടെ നഗരസഭയുടെ പഴയബസ്സ്റ്റാന്‍ഡിലാണ് സംഭവം. തിരൂരില്‍ നിന്ന് മഞ്ചേരിയിലേക്ക് നിറയെ യാത്രക്കാരുമായി വരികയായിരുന്ന നീനു സ്റ്റാര്‍ ബസ്സാണ് അപകടത്തില്‍ പെട്ടത്. 

മഞ്ചേരി ട്രാഫിക് എസ് ഐ എല്‍ കൃഷ്ണന്‍കുട്ടിയുടെ നേതൃത്വത്തിലുള്ള പൊലീസ്, ബസ് ജീവനക്കാര്‍, നാട്ടുകാര്‍ എന്നിവരുടെ ഏറെ നേരത്തെ ശ്രമഫലമായാണ് ബസ് പുറത്തെടുക്കാനായത്. മുന്‍ചക്രങ്ങളിലൊന്ന് പൂര്‍ണ്ണമായും അഴുക്കുചാലിനകത്തായെങ്കിലും തലനാരിഴക്ക് വന്‍ദുരന്തം ഒഴിവായി.
ഏറെ നാളായി മഞ്ചേരിയിലെ ഇരു ബസ് സ്റ്റാന്റുകളും ദുരവസ്ഥ നേരിടുകയാണ്. അഴുക്കു ചാലുകള്‍ സ്ലാബിട്ടു മൂടാതെ തുറന്നു കിടക്കുന്നതിനാല്‍ യാത്രക്കാര്‍ ഇതില്‍ വീഴുന്നത് നിത്യസംഭവമാണ്. ഇക്കഴിഞ്ഞ പഴയ ബസ് സ്റ്റാന്റിലെ അഴുക്കുചാലില്‍ വീണ സ്ത്രീയെയും കുട്ടിയെയും നാട്ടുകാര്‍ ആശുപത്രിയിലെത്തിക്കുകയായിരുന്നു. പകര്‍ച്ച വ്യാധികള്‍ വ്യാപകമായിട്ടും അഴുക്കുചാല്‍ വൃത്തിയാക്കാനോ സ്ലാബിട്ടു മൂടാനോ നഗരസഭ തയ്യാറാവുന്നില്ല. അഴുക്കുചാലില്‍ കെട്ടി നില്‍ക്കുന്ന മലിന ജലത്തില്‍ കൊതുകുകള്‍ മുട്ടയിട്ടു പെരുകുന്നു. 

പരിസരം ദുര്‍ഗ്ഗന്ധ പൂരിതമാണ്. ഇത് യാത്രക്കാര്‍, കച്ചവടക്കാര്‍, ബസ് ജീവനക്കാര്‍ എന്നിവരെ അലോസരപ്പെടുത്തുന്നു. ബസ് സ്റ്റാന്റ് വൃത്തിയാക്കുന്നതിനായി മാസങ്ങള്‍ക്കു മുമ്പ് കൊണ്ടുവന്ന മണലും മെറ്റലും മറ്റു സാമഗ്രികളും അലക്ഷ്യമായി കിടക്കുന്നത് യാത്രാ തടസ്സം സൃഷ്ടിക്കുന്നു. നഗരസഭയിലെ തകര്‍ന്നു കിടക്കുന്ന സ്ലാബുകള്‍ മാറ്റാന്‍ അഞ്ഞുറ് പുതിയ സ്ലാബുകള്‍ നിര്‍മ്മിക്കാന്‍ തീരുമാനിച്ചതായി ആരോഗ്യ സ്റ്റാന്റിംഗ് കമ്മറ്റി ചെയര്‍മാന്‍ എ പി മജീദ് മാസ്റ്റര്‍ പറഞ്ഞിരുന്നു. 

എന്നാല്‍ നാളിതുവരെയായി ഇതുസംബന്ധിച്ച തീരുമാനങ്ങളൊന്നും നടപ്പാക്കാന്‍ നഗരസഭക്കായിട്ടില്ല. ഉടന്‍ നടപടിയുണ്ടാകാത്ത പക്ഷം ബസ് സ്റ്റാന്റ് ഉപരോധമടക്കമുള്ള സമരപരിപാടികള്‍ സംഘടിപ്പിക്കുമെന്ന് നാട്ടുകാരും ബസ്സുടമകളും പറയുന്നു.

English Summery
Buss fell in to drainage 
9:14 AM | 0 comments

കല്ല്യാണത്തിനുപോയ സമയത്ത് വീട്ടില്‍ കയറി മോഷണം: പ്രതിക്ക് തടവും പിഴയും

Written By mvarthasubeditor on Wednesday, June 27, 2012 | 8:34 AM

മഞ്ചേരി: വീട്ടുകാര്‍ കല്ല്യാണത്തിനുപോയ സമയത്ത് വീട്ടില്‍ കയറി 49000 രൂപയുടെ മോഷണം നടത്തിയ കേസില്‍ ഒന്നാം പ്രതിയെ കോടതി ശിക്ഷിച്ചു. കോഴിക്കോട് നരിപ്പറ്റ പടിഞ്ഞാറയില്‍ പറമ്പത്ത് ഫൈസലി(24)നെയാണ് മഞ്ചേരി ചീഫ് ജുഡീഷ്യ മജിസ്‌ട്രേറ്റ് കോടതി ശിക്ഷിച്ചത്. 

വീട്ടില്‍ അതിക്രമിച്ച് കയറിയതിന് ഒന്നര വര്‍ഷം തടവ്, 2000 രൂപ പിഴ, പിഴയടച്ചില്ലെങ്കില്‍ 15 ദിവസം അധിക തടവ്, മോഷണം നടത്തിയതിന് ഒരു വര്‍ഷം തടവ്, 2000 രൂപ പിഴ, പിഴയടച്ചില്ലെങ്കില്‍ 15 ദിവസം അധിക തടവ്, വീടിന് നാശനഷ്ടം വരുത്തിയതിന് ഒരു വര്‍ഷം തടവ് എന്നിങ്ങനെയാണ് ശിക്ഷ. ശിക്ഷ ഒരുമിച്ചനുഭവിച്ചാല്‍ മതി.
2010 നവംബര്‍ 28ന് രാത്രി എട്ടര മണിക്കാണ് കേസിനാസ്പദമായ സംഭവം. പൂക്കോട്ടൂര്‍ പെട്രോള്‍ പമ്പിന് സമീപം ദിയാ മഹലില്‍ കോറങ്കണ്ടന്‍ അഹമ്മദ് അക്ബറി (44) ന്റെ വീട്ടിലാണ് മോഷണം നടന്നത്. കോഴിക്കോട് കരിക്കാംകുളത്തുള്ള സുഹൃത്തിന്റെ വീട്ടിലേക്ക് വിവാഹത്തിന് പോയതായിരുന്നു അക്ബറും കുടുംബവും. 

രാത്രി ഒമ്പതര മണിക്ക് വീട്ടില്‍ തിരിച്ചെത്തിയപ്പോഴാണ് മോഷണം നടന്നതറിയുന്നത്. വാതില്‍ തകര്‍ത്താണ് അകത്ത് കയറിയത്. സോണി ഡിജിറ്റല്‍ കാമറ, രണ്ട് മൊബൈല്‍ ഫോണുകള്‍, വാച്ച്, 30000 രൂപ എന്നിവയടക്കം 49000 രൂപയുടെ സാധനങ്ങളാണ് മോഷ്ടിച്ചത്. കേസിലെ രണ്ടാം പ്രതി കൊടുവള്ളിയില്‍ കരിമ്പയില്‍ നിസാര്‍ എന്ന അന്‍സാറിനെതിരെയുള്ള കേസ് ഇതേ കോടതിയില്‍ നടന്നു വരികയാണ്.
8:34 AM | 0 comments

ഗര്‍ഭചിദ്രം: മുന്‍കൂര്‍ ജാമ്യം നിഷേധിച്ചു

മഞ്ചേരി: ഭീഷണിപ്പെടുത്തി യുവതിയെ ബലാല്‍സംഗം ചെയ്യുകയും ഗര്‍ഭിണിയായതിനെ തുടര്‍ന്ന് വിവാഹ വാഗ്ദാനം നല്‍കി ഗര്‍ഭചിദ്രം നടത്തുകയും ചെയ്തുവെന്ന കേസില്‍ പ്രതിയുടെ മുന്‍കൂര്‍ ജാമ്യാപേക്ഷ ജില്ലാ കോടതി തള്ളി. 

വഴിക്കടവ് വേരേങ്ങല്‍ അബ്ദുള്ളയുടെ ജാമ്യാപേക്ഷയാണ് തള്ളിയത്. 2010 ജൂലൈ 10ന് ബലാല്‍സംഗത്തിനു വിധേയയായ വഴിക്കടവ് വള്ളിക്കാട് താമസിക്കുന്ന 24 കാരി ഗര്‍ഭിണിയാകുകയായിരുന്നു. 

തുടര്‍ന്ന് വിവാഹം കഴിക്കാമെന്നു പറഞ്ഞ പ്രതി ചികിത്സക്കെന്നു തെറ്റിദ്ധരിപ്പിച്ച് യുവതിയുടെ സമ്മതമില്ലാതെ ഗര്‍ഭചിദ്രം നടത്തിയെന്നാണ് പരാതി.

English Summery
Court reject bail on abortion case
8:30 AM | 0 comments

റാഗിംഗ്: നാല് വിദ്യാര്‍ത്ഥികള്‍ക്കെതിരെ കേസെടുത്തു

Written By mvarthasubeditor on Tuesday, June 26, 2012 | 10:29 AM

മഞ്ചേരി: നോബിള്‍ പബ്ലിക് സ്‌കൂളിലെ പ്ലസ് വണ്‍ വിദ്യാര്‍ഥിയെ റാഗിംഗിന് വിധേയനാക്കിയെന്ന പരാതിയില്‍ നാല് സീനിയര്‍ വിദ്യാര്‍ഥികള്‍ക്കെതിരെ മഞ്ചേരി പൊലീസ് കേസെടുത്തു. 

പ്ലസ് വണ്‍ വിദ്യാര്‍ഥിയായ മൊറയൂര്‍ അയനിക്കോട് ഷിഹാസ് അസീസിന്റെ പരാതിയിലാണ് പ്ലസ് ടു വിദ്യാര്‍ഥികളായ നാല് പേര്‍ക്കെതിരെ കേസെടുത്തത്. ഈ മാസം 16ന് രാവിലെ 8.45നാണ് സംഭവം. അടിച്ചു ചവിട്ടിയും പരിക്കേറ്റ വിദ്യാര്‍ഥിയെ സ്‌കൂള്‍ അധികൃതര്‍ മഞ്ചേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചിരുന്നു. 

ഷിഹാസ് അസീസും പിതാവ് അബ്ദുല്‍ അസീസും നല്‍കിയ പരാതിയില്‍ സ്‌കൂളിലെ ആന്റി റാഗിംഗ് സ്‌ക്വാഡ് നടത്തിയ അന്വേഷണത്തിന്റെ അടിസ്ഥാനത്തില്‍ പ്രിന്‍സിപ്പല്‍ പൊലീസിന് റിപ്പോര്‍ട്ട് നല്‍കുകയായിരുന്നു. സി ഐ ആണ് കേസന്വേഷിക്കുന്നത്.

English Summery
Ragging: Case against four students 
10:29 AM | 0 comments

43 കാരിയെ ബലാല്‍സംഗം ചെയ്ത യുവാവിന് ജാമ്യം നിഷേധിച്ചു

മഞ്ചേരി: നാല്‍പത്തിമൂന്നുകാരിയായ വീട്ടമ്മയെ വീട്ടില്‍ അതിക്രമിച്ചു കയറി ഭീഷണിപ്പെടുത്തി ബലാല്‍സംഗം ചെയ്ത കേസില്‍ യുവാവിന്റെ ജാമ്യാപേക്ഷ മഞ്ചേരി ജില്ലാ സെഷന്‍സ് കോടതി തള്ളി. 

മങ്കട കടന്നമണ്ണ പെരയന്‍കോട്ടില്‍ ഷാഹുല്‍ ഹമീദി(19)ന്റെ ജാമ്യാപേക്ഷയാണ് ജില്ലാ ജഡ്ജി പി കെ ഹനീഫ തള്ളിയത്. ഇക്കഴിഞ്ഞ 28നാണ് സംഭവം. അയല്‍വാസിയായ പ്രതി റിമാന്റിലാണ്.

English Summery
Bail rejected to accused in rape case
8:59 AM | 0 comments

ഇരുമ്പുഴി സംഘട്ടനം: നാലുപേര്‍ക്കെതിരെ കേസെടുത്തു

മഞ്ചേരി: ഇരുമ്പുഴിയില്‍ കരുവാഞ്ചേരി സമീറിനെ അടിച്ചു പരുക്കേല്‍പ്പിച്ചുവെന്ന പരാതിയില്‍ നാലു പേര്‍ക്കെതിരെ മഞ്ചേരി പോലീസ് കേസെടുത്തു. 


ഇരുമ്പുഴി സ്വദേശികളായ ജസീല്‍, ഷിഹാബ്, അന്‍സാര്‍, സൈഫുള്ള എന്നിവര്‍ക്കെതിരെയാണ് കേസ്സെടുത്തത്. കഴിഞ്ഞ ശനിയാഴ്ചയാണ് കേസിനാസ്പദമായ സംഭവം. 


ഇരുമ്പുഴിയിലുണ്ടായ ബൈക്ക് അപകടത്തില്‍ പരിക്കേറ്റയാള്‍ക്ക് നഷ്ട പരിഹാരം നല്‍കുന്നതു സംബന്ധിച്ചുണ്ടായ തര്‍ക്കമാണ് സംഘട്ടനത്തില്‍ കലാശിച്ചത്. പരിക്കേറ്റ സമീര്‍ മലപ്പുറം സഹകരണ ആശുപത്രിയില്‍ ചികിത്സയിലാണ്.

English Summery
Clash in Irumbuzhi; Case against four
8:35 AM | 0 comments

'മതമില്ലാത്ത ജീവന്‍' വീണ്ടും വിവാദ പാഠപുസ്തകം

Written By Malappuram News on Friday, June 22, 2012 | 11:00 AM

മഞ്ചേരി: 2008ല്‍ വിദ്യാഭ്യാസവകുപ്പ് പിന്‍വലിച്ച ഏഴാം ക്ലാസ് സാമൂഹ്യശാസ്ത്രം പാഠ പുസ്തകത്തിലെ 'മതമില്ലാത്ത ജീവന്‍' എന്ന പാഠമുള്ള പാഠപുസ്തകങ്ങള്‍ വിതരണത്തിനെത്തി. അരീക്കോട് ഉപജില്ലയിലെ മുണ്ടമ്പ്ര ജി.യു.പി. സ്‌കൂളിലാണ് വിവാദ പുസ്തകം എത്തിയത്. ഏഴാംക്ലാസില്‍ വിതരണംചെയ്ത സാമൂഹികശാസ്ത്ര പുസ്തകത്തില്‍ ഈ പാഠം ഉള്‍പ്പെട്ടിട്ടുണ്ടെന്നും ഇതിനുപിന്നില്‍ പ്രവര്‍ത്തിച്ചവരെ ശിക്ഷിക്കണമെന്നും പഞ്ചായത്ത് യൂത്ത്‌ലീഗ് കമ്മിറ്റി ഉപജില്ലാ വിദ്യാഭ്യാസ ഓഫീസര്‍ക്ക് പരാതിനല്‍കി.
ഗവണ്‍മെന്റ് പിന്‍വലിച്ച ഈ പാഠഭാഗം ഉള്‍പ്പെട്ട പുസ്തകം എങ്ങനെ സ്‌കൂളുകളിലെത്തിയെന്നത് അറിയില്ലെന്നും സൊസൈറ്റികളിലും സ്‌കൂളുകളിലും ഇത്തവണ പുസ്തകമെത്തിച്ചത് വിദ്യാഭ്യാസ വകുപ്പല്ലെന്നും പാസ്റ്റല്‍ വകുപ്പാണെന്നുമാണ് വിദ്യാഭ്യാസ വകുപ്പ് ഉദ്യാഗസ്ഥരുടെ വിശദീകരണം.

Keywords: Manjeri, Malappuram, School, Controversy 
11:00 AM | 0 comments

ആറാംക്ലാസുകാരിയെ പീഡിപ്പിക്കാന്‍ ശ്രമം: യുവാവ് അറസ്റ്റില്‍

പട്ടാമ്പി സ്വദേശി കാരത്ത് ഫസലുറഹ്മാനെയാണ് (30)വണ്ടൂര്‍ പോലീസ് അറസ്റ്റ് ചെയ്തത്. ഇന്നലെ ഉച്ചയോടെയുണ്ടായ സംഭവത്തെ കുറിച്ച് പോലീസ് പറയുന്നതിങ്ങനെ. റെയില്‍വെ പാളത്തിന്റെ പരിസരത്തിലൂടെ നടന്നുപോകുകയായിരുന്ന വിദ്യാര്‍ഥിനിയുടെ കുടയ്ക്കുള്ളിലേക്ക് തള്ളിക്കയറിയ യുവാവ് വിദ്യാര്‍ഥിനിയെ പീഡിപ്പിക്കാന്‍ ശ്രമിക്കുകയായിരുന്നു. ഉടനെ വിദ്യാര്‍ഥിനി കുതറിയോടി അധ്യാപകരോട് വിവരം പറഞ്ഞു. ഉടനെ അധ്യാപകരും സംഭവമറിഞ്ഞെത്തിയ രക്ഷിതാവും ചേര്‍ന്ന് നടത്തിയ അന്വേഷണത്തില്‍ യുവാവിനെ റെയില്‍വെ സ്റ്റേഷന്‍ പരിസരത്തു നിന്ന് പിടികൂടി വണ്ടൂര്‍ പോലീസിന് കൈമാറുകയായിരുന്നു.
12:19 AM | 0 comments

കുനിയില്‍ കൊലപാതകം : അഞ്ചു പ്രതികളെ പൊലീസ് കസ്റ്റഡിയില്‍ വിട്ടു

മഞ്ചേരി: കുനിയില്‍ ഇരട്ട കൊലപാതക കേസില്‍ റിമാന്റില്‍ കഴിയുന്ന അഞ്ചു പ്രതികളെ മഞ്ചേരി ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് ഈ മാസം 27 വരെ പൊലീസ് കസ്റ്റഡിയില്‍ വിട്ടുകൊടുത്തു. 

കേസിലെ ഏഴാം പ്രതി മമ്പാട് പുള്ളിപ്പാടം താണിക്കുന്ന് വയലിലകത്ത് ഫിറോസ് ഖാന്‍ (30), എട്ടാം പ്രതി അരീക്കോട് ഉഗ്രപുരം പെരുമ്പറമ്പ് ചീക്കുളം കുറ്റിപ്പുറത്ത്ചാലി റിയാസ് (30), പതിനൊന്നാം പ്രതി കുനിയില്‍ അന്‍വാര്‍ നഗര്‍ നടുപ്പാട്ടില്‍ കുറുവങ്ങാടന്‍ ഷറഫുദ്ദീന്‍ (34), പന്ത്രണ്ടാം പ്രതി കുനിയില്‍ സലഫി മസ്ജിനു പിന്‍വശം താമസിക്കുന്ന ആലുംകണ്ടി ഇരുമാംകടവത്ത് സഫറുള്ള (31) ,പതിനെട്ടാം പ്രതി കുനിയില്‍ അന്‍വാര്‍ നഗര്‍ കോലോത്തുംതൊടി അനസ്‌മോന്‍ (20) എന്നിവരെയാണ് കൂടുതല്‍ ചോദ്യം ചെയ്യുന്നതിനും തൊണ്ടിമുതലുകള്‍ കണ്ടെടുക്കുന്നതിനുമായി അന്വേഷണ ഉദ്യോഗസ്ഥനായ മലപ്പുറം നാര്‍ക്കോട്ടിക് സെല്‍ ഡി വൈ എസ് പി എം പി മോഹന ചന്ദ്രന്‍ കസ്റ്റഡിയില്‍ വാങ്ങിയത്. 

പന്ത്രണ്ടാം പ്രതി ആലുംകണ്ടി ഇരുമാംകടവത്ത് സഫറുള്ളയുടെ ജാമ്യാപേക്ഷ മജിസ്‌ട്രേറ്റ് സി ജി ഘോഷ നിരസിച്ചു.

English Summery
Five accused remanded in twin murder case
12:07 AM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers