Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Parappanagadi. Show all posts
Showing posts with label Parappanagadi. Show all posts

സ്വര്‍ണാഭരണ തൊഴിലാളി മരിച്ചു

Written By mvarthasubeditor on Wednesday, July 4, 2012 | 1:21 PM

പരപ്പനങ്ങാടി: യാത്രക്കിടയില്‍ സ്വര്‍ണാഭരണ തൊഴിലാളി ട്രെയിനില്‍ വെച്ച് മരിച്ചു. തൃശൂര്‍ അമ്മാടം കൈലാസിലെ സതീഷ്(35) ആണ് മംഗള എക്‌സ്പ്രസ് ട്രെയിനില്‍ വെച്ച് മരിച്ചത്.

ഗോവയില്‍ നിന്നും തൃശൂരിലേക്ക് സുഹൃത്ത് സച്ചിനുമൊത്ത് യാത്ര ചെയ്യുകയായിരുന്നു. 

കോഴിക്കോട് വെച്ചാണ് മരണം. പരപ്പനങ്ങാടി സ്റ്റേഷനില്‍ ഇറക്കി പരപ്പനങ്ങാടി എ കെ ജി സഹകരണ ആശുപത്രിയില്‍ പ്രവേശിച്ച് മരണം ഉറപ്പ് വരത്തിയ ശേഷം തിരൂരങ്ങാടി താലൂക്ക് ആശുപത്രിയില്‍ നിന്ന് പോസ്റ്റ്‌മോര്‍ട്ടം നടത്തിയ മൃതദേഹം ബന്ധുക്കള്‍ക്ക് വിട്ടുകൊടുത്തു.
1:21 PM | 0 comments

കടലാക്രമണം; 50 ഓളം കുടുംബങ്ങള്‍ ഭീഷണിയില്‍

പരപ്പനങ്ങാടി: പരപ്പനങ്ങാടി ആലുങ്ങല്‍ ബീച്ചില്‍ കടലാക്രമണം രൂക്ഷമായി. ഫിഷ്‌ലാന്റ് സെന്റര്‍ പുര്‍ണമായും തകര്‍ന്നു.

ശൈഖിന്റെ പള്ളി മുതല്‍ ഫിഷ് ലാന്‍ഡിംഗ് സെന്റര്‍ വരെയുള്ള തീരത്തെ 50 ഓളം കുടുംബങ്ങളാണ് കടല്‍ക്ഷോഭ ഭീഷണിയില്‍ കഴിയുന്നത്. 

നേരത്തെ തകര്‍ന്ന ഫിഷ് ലാന്‍ഡിംഗ് സെന്ററിന്റെ പ്ലാറ്റ് ഫോമാണ് ഇപ്പോള്‍ പൂര്‍ണമായി തകര്‍ന്നത്. ഇതിന്റെ താഴ്ഭാഗത്ത് നിന്നും മണ്ണ് പൂര്‍ണമായും തിരമാല വലിച്ചുകൊണ്ട് പോയതിനാല്‍ നിലംപൊത്തുമെന്ന ഭീതിയിലാണ് മത്സ്യതൊഴിലാളികള്‍. പലയിടങ്ങളിലും കടല്‍ഭിത്തി തകര്‍ന്നിട്ടുണ്ട്.

English Summery
50 families in threat in sea attack 
8:56 AM | 0 comments

പോത്തുകളെ കോടതിയില്‍ ഹാജരാക്കും

Written By mvarthasubeditor on Monday, July 2, 2012 | 1:35 PM


പരപ്പനങ്ങാടി: പോത്തുകളെ മോഷ്ടിച്ച സംഭവത്തില്‍ അറസ്റ്റിലായ താനൂരിലെ അറക്കല്‍ അബ്ദുര്‍റസാഖി(40)നെയും കണ്ടെത്തിയ രണ്ട് പോത്തുകളെയും ജൂലൈ രണ്ടിന് പരപ്പനങ്ങാടി ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കും.

കഴിഞ്ഞ ആഴ്ച പൂരപ്പുഴയോരത്ത് കെട്ടിയിട്ട ചുക്കാന്‍ അബ്ദുലത്വീഫിന്റെ ഒരു ലക്ഷത്തോളം രൂപ വില വരുന്ന രണ്ട് പോത്തുകളെയാണ് കയര്‍ മുറിച്ച് കടത്തിക്കൊണ്ട് പോയത്. ഇത് സംബന്ധിച്ച് പോലീസില്‍ പരാതി നല്‍കിയിരുന്നു. 

പോത്തുകളെ റെയില്‍പാത വഴി നടത്തിച്ചാണ് കൊണ്ടുപോയതെന്നും കോട്ടക്കടവിന് സമീപത്ത് വെച്ച് ചരക്ക് ഓട്ടോറിക്ഷയില്‍ കയറ്റി ബാലുശ്ശേരി ചന്തയില്‍ എത്തിക്കുകയായിരുന്നു. 

പോത്തുകളെ ചന്തയില്‍ എത്തിച്ച് ഇറക്കിയ ശേഷം ചാര്‍ജ് നല്‍കാന്‍ പണം തികയാതെ വന്നപ്പോള്‍ പ്രതി അബ്ദുര്‍റസാഖ് ഓട്ടോ ഡ്രൈവര്‍ക്ക് തന്റെ കൈവശമുള്ള മൊബൈല്‍ ഫോണ്‍ നല്‍കുകയായിരുന്നു. ഈ മൊബൈല്‍ ഫോണ്‍ കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ പിടികൂടാനായത്.
1:35 PM | 0 comments

മുളക്പൊടി വിതറി ജ്വല്ലറിയില്‍ കവര്‍ച്ച; മോഷ്ടാക്കള്‍ രക്ഷപ്പെട്ടു

Written By mvarthasubeditor on Saturday, June 30, 2012 | 8:33 AM

പരപ്പനങ്ങാടി (മലപ്പുറം): സ്വര്‍ണാഭരണക്കടയില്‍ പട്ടാപ്പകല്‍ കവര്‍ച്ച. മോഷ്ടാക്കളെ പിന്തുടര്‍ന്ന കടയുടമ ഉള്‍പ്പെടെയുള്ളവരെ മുളകുപൊടിയെറിഞ്ഞ് പിന്തിരിപ്പിച്ച് മോഷ്ടാക്കള്‍ രക്ഷപ്പെട്ടു. പയനിങ്ങല്‍ ജംക്ഷനിലെ അച്ചുട്ടി സണ്‍സ് ജ്വല്ലറിയില്‍ ഇന്നലെ ഉച്ചയ്ക്ക് ഒന്നരയോടെയാണു സംഭവം.

നാലു വളയും മൂന്നു മാലയുമടക്കം 15 പവന്‍ വരുന്ന ആഭരണങ്ങളാണു നഷ്ടപ്പെട്ടത്. ആഭരണം വാങ്ങാനെന്ന ഭാവത്തില്‍ എത്തിയ 30 വയസ്സ് തോന്നിക്കുന്ന യുവാവ് വിവിധ ആഭരണങ്ങള്‍ തിരയുന്നതിനിടെ ചെയിനുകളും വളകളുമെടുത്ത് കടയ്ക്കു മുന്നില്‍ നിര്‍ത്തിയിട്ടിരുന്ന ബൈക്കില്‍ കയറി രക്ഷപ്പെടുകയായിരുന്നു. ഹെല്‍മെറ്റ് ധരിച്ച ഒരാളായിരുന്നു ബൈക്കില്‍ ഉണ്ടായിരുന്നത്.

തുടര്‍ന്ന്, കടയുടമ ഷെറിനും സുഹൃത്ത് ഷിജിനും പിന്തുടര്‍ന്നെങ്കിലും വഴിയില്‍ മുളകുപൊടി വിതറിയതിനാല്‍ പിന്‍മാറേണ്ടിവന്നു. സംഭവസമയത്ത് കടയില്‍ ഷെറിന്‍ മാത്രമാണുണ്ടായിരുന്നത്. ചെട്ടിപ്പടിയിലെ റയില്‍വേ ഗേറ്റ് വരെ പിന്തുടര്‍ന്ന ഉടമസ്ഥന്‍ തിരിച്ചുവന്ന് പൊലീസില്‍ പരാതി നല്‍കുകയായിരുന്നു.

പരപ്പനങ്ങാടി എസ്ഐ എന്‍.സി. മോഹനന്‍, താനൂര്‍ സിഐ എന്‍.സി. സന്തോഷ്, തിരൂര്‍ ഡിവൈഎസ്പി സലിം എന്നിവര്‍ സ്ഥലത്തെത്തി. വിരലടയാള വിദഗ്ധന്‍ ഫ്രാന്‍സിസ് ചാക്കോ തെളിവെടുപ്പ് നടത്തി. പൊലീസ് അന്വേഷണം ആരംഭിച്ചു. വെള്ളിയാഴ്ച ആയതിനാല്‍ റോഡില്‍ വാഹന ബാഹുല്യം കുറഞ്ഞതും കടകളില്‍ മിക്കതും അടഞ്ഞുകിടന്നതും കവര്‍ച്ചക്കാര്‍ക്ക് അനുകൂല ഘടകങ്ങളായി.
8:33 AM | 0 comments

പരപ്പനങ്ങാടി റെയില്‍വെ സ്റ്റേഷനില്‍ വിജിലന്‍സ് മിന്നല്‍ പരിശോധന; ക്ലാര്‍ക്കിനെ സ്ഥലം മാറ്റി

Written By mvarthasubeditor on Friday, June 29, 2012 | 12:04 AM

പരപ്പനങ്ങാടി: പരപ്പനങ്ങാടി റെയില്‍വെ സ്റ്റേഷനില്‍ വിജിലന്‍സ് മിന്നല്‍ പരിശോധന.

ക്ലാര്‍ക്കിനെ സ്ഥലം മാറ്റി. തത്കാല്‍ ടിക്കറ്റ് റിസര്‍വേഷനില്‍ ക്രമക്കേടും അഴിമതിയും കണ്ടെത്തിയതിനെ തുടര്‍ന്ന് ക്ലാര്‍ക്കിനെ സ്ഥലം മാറ്റിയത്. തത്കാല്‍ ടിക്കറ്റ് റിസര്‍വേഷനില്‍ അര്‍ഹതപ്പെട്ടവര്‍ക്ക് നല്‍കാതെ പിന്‍വാതിലൂടെ അനര്‍ഹര്‍ക്ക് ടിക്കറ്റ് നല്‍കുന്നതായി കണ്ടെത്തി. 

അപേക്ഷാ ഫോറം നല്‍കാത്തവര്‍ക്ക് പോലും ടിക്കറ്റ് അനുവദിച്ചതായും ടിക്കറ്റ് വില്‍പ്പന കൗണ്ടറിലെ പണത്തിലും വ്യത്യാസം കണ്ടെത്തി. ഇതിനെ തുടര്‍ന്നാണ് നടപടി. ടിക്കറ്റ് വില്‍പ്പനയിലും വിതരണത്തിലും വ്യാപകമായ ക്രമക്കേട് പരപ്പനങ്ങാടി സ്റ്റേഷനില്‍ നടക്കുന്നുണ്ടെന്ന യാത്രക്കാരുടെ പരാതിയെ തുടര്‍ന്നാണ് വിജിലന്‍സ് മിന്നല്‍ പരിശോധന നടത്തിയത്.
12:04 AM | 0 comments

തട്ടിപ്പുകാരില്‍ നിന്ന് മോചനത്തിനായി ഉപദേശകേന്ദ്രം തുറന്നു

Written By mvarthasubeditor on Thursday, June 21, 2012 | 6:47 PM

പരപ്പനങ്ങാടി: അനധികൃത നിക്ഷേപ സ്ഥാപനങ്ങളില്‍ നിന്നും വായ്പയെടുത്ത് കടക്കെണിയിലാകുന്ന സാധാരണക്കാര്‍ക്ക് നിക്ഷേപങ്ങള്‍, വായ്പകള്‍, വിവിധ സബ്‌സിഡി പദ്ധതികള്‍ എന്നിവയെ പറ്റിയും സുരക്ഷിത നിക്ഷേപ മാര്‍ഗങ്ങളെ കുറിച്ചും ആവശ്യമായ ഉപദേശങ്ങള്‍ നല്‍കുന്ന സഹകാരി പരപ്പനങ്ങാടിയില്‍ തുടങ്ങി. 

നബാര്‍ഡിന്റെയും ജില്ലാ സഹകരണ ബേങ്കിന്റെയും സംയുക്താഭിമുഖ്യത്തില്‍ ആരംഭിച്ച സൗജന്യ സേവന കേന്ദ്രം, ജില്ലാ കലക്ടര്‍ എം സി മോഹന്‍ദാസ് ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് വി വി ജമീല അധ്യക്ഷത വഹിച്ചു. നബാര്‍ഡ് ജില്ലാ മാനേജര്‍ കെ പി പത്മകുമാര്‍ പദ്ധതിയുടെ ഉദ്ദേശലക്ഷ്യങ്ങള്‍ വിശദീകരിച്ചു. പരപ്പനങ്ങാടി ഗ്രാമപഞ്ചായത്ത് പ്രസിഡന്റ് സീനത്ത് ആലിബാപ്പു, ബി പി ഹംസക്കോയ പ്രസംഗിച്ചു.

English Summery
Advisory center opened 
6:47 PM | 0 comments

പുത്തന്‍കടപ്പുറത്ത് കടലാക്രമണം; അഞ്ച് വീടുകള്‍ തകര്‍ച്ചാ ഭീഷണിയില്‍

Written By mvarthasubeditor on Tuesday, June 12, 2012 | 12:32 PM

പരപ്പനങ്ങാടി: കാലവര്‍ഷം ശക്തി പ്രാപിച്ചില്ലെങ്കിലും ശക്തമായ ഇടിയും മിന്നലിലും കാറ്റിലും കടല്‍ ക്ഷോഭിച്ചതോടെ പരപ്പനങ്ങാടി പുത്തന്‍ കടപ്പുറത്ത് കടലാക്രമണം. ഇതിനെ തുടര്‍ന്ന് തീരത്ത് താമസിക്കുന്ന അഞ്ച് വീട്ടുകാര്‍ ഭീതിയില്‍ കഴിയുകയാണ്. കരണമന്‍ ആലിമുഹമ്മദ്, പൂഴിക്കറന്‍ കുഞ്ഞിമുഹമ്മദ്, കുട്ടിവിന്റെ നാസര്‍, മരക്കാരിക്കാന്റെ ഹംസക്കോയ, മൂസാമിന്റെ യൂസഫ് എന്നിവരുടെ വീടുകളാണ് കടല്‍ ക്ഷോഭത്തില്‍ ഭീതിയില്‍ കഴിയുന്നത്. കടല്‍ ക്ഷോഭം ശക്തിയായതോടെ കരയിലേക്ക് ഇരച്ചുകയറുന്ന തിരമാലയാണ് കുടുംബങ്ങള്‍ക്ക് ഭീഷണിയായിട്ടുള്ളത്. കാലവര്‍ഷം ശക്തി പ്രാപിക്കുകയും കടല്‍ ഭീകരതാണ്ഡവമാടുകയും ചെയ്യുന്നതോടെ ഇവര്‍ കൂടുതല്‍ ദുരിതത്തിലാകും. വേലിയേറ്റത്തിലാണ് തിരമാലകള്‍ ശക്തി പ്രാപിക്കുന്നത്. ഇത് കാരണം തോടുകളില്‍ വെള്ളം കയറി താഴ്ന്ന പ്രദേശങ്ങള്‍ വെള്ളത്തിലായിട്ടുണ്ട്. പുത്തന്‍ കടപ്പുറത്ത് നിര്‍മിക്കുന്ന വല അറ്റകുറ്റപ്പണി കേന്ദ്രത്തിന്റെ നിര്‍മാണം മുടങ്ങിയിരിക്കുകയാണ്. സദ്ദാം ബീച്ചിലും തിരമാല കരയിലേക്ക് ഇരച്ചുകയറി തോട്ടില്‍ വെള്ളം കയറിയിട്ടുണ്ട്. ചാപ്പപ്പടിയിലും തിരമാലകള്‍ കരയിലേക്ക് കയറി.

English Summery
Sea attack in Puthan beach, five houses in stage of destruction. 
12:32 PM | 0 comments

വിക്കിപീഡിയ അന്തര്‍ദേശിയ സെമിനാറില്‍ മലപ്പുറത്ത്കാരിയും

Written By Malappuram News on Monday, June 4, 2012 | 5:40 PM

മലപ്പുറം: മലയാളം വിക്കിപീഡിയയിലെ സജീവ ഉപയോക്താവായ മെഡിക്കല്‍ കോളജ് വിദ്യാര്‍ഥിനിക്ക് അന്തര്‍ദേശിയ സെമിനാറില്‍ പങ്കെടുക്കാനസരം ലഭിച്ചു. കോഴിക്കോട് മെഡിക്കല്‍ കോളജിലെ മൂന്നാംവര്‍ഷ എം ബി ബി എസ് വിദ്യാര്‍ഥിനിയായ നത ഹുസൈനാണ് വിക്കിപീഡിയ സംഘടിപ്പിച്ച അന്തര്‍ദേശീയ വിമണ്‍സ് കോണ്‍ഫറന്‍സില്‍ ഇന്ത്യയെ പ്രതിനധീകരിച്ച് പങ്കെടുത്തത്.
വിക്കീപീഡിയ സംഘടിപ്പിച്ച കോണ്‍ഫറന്‍സില്‍ രാജ്യത്ത് നിന്ന് പങ്കെടുത്ത ഏക ഇന്ത്യന്‍ വനിതകൂടിയാണ് ഇരുപത്തൊന്നുകാരിയായ നത. അര്‍ജന്റീനയുടെ തലസ്ഥാനമായ ബ്യൂണെസ് അയ്‌റിസിലാണ് വിക്കിപീഡിയയില്‍ എഡിറ്റ് ചെയ്യുന്ന വനിതകളുടെ അന്തര്‍ദേശീയ സമ്മേളനമായ ലോക വിക്കി വിമണ്‍സ് ക്യാമ്പും സമ്മേളനവും നടന്നത്. മേയ് 23 മുതല്‍ 26 വരെ നടന്ന സമ്മേളനത്തില്‍ വിവിധ രാജ്യങ്ങളില്‍ നിന്ന് പതിനേഴ് അംഗങ്ങള്‍ മാത്രമാണ് പങ്കെടുത്തത്. ഇതിലൊന്നില്‍ മലയാളിയായ നത ഹുസൈന് ലഭിച്ച അവസരത്തില്‍ മലയാളം വിക്കീപീഡിയയിലെ അണിയറ പ്രവര്‍ത്തകരും സന്തുഷ്ടരാണ്. 2010 ലാണ് നെത മലയാളം വിക്കീപീഡിയയുടെ ഓണ്‍ലൈന്‍ സൈറ്റായ http://ml.wikipedia.org യില്‍ ആദ്യലേഖനം എഴുതുന്നത്. മലയാളിക്ക് സുപരിചിതമായ ചമ്മന്തിയെ കുറിച്ചായിരുന്നു ലേഖനം. ചമ്മന്തിയെ കുറിച്ച് തനിക്കാവുന്ന വിവരങ്ങളെല്ലാം ശേഖരിച്ച് തയ്യാറാക്കിയ ലേഖനം പിന്നീട് വിക്കിപീഡിയയിലെ എഡിറ്റര്‍മാര്‍ പലരും ചേര്‍ന്ന് വിപുലപ്പെടുത്തി. ചമ്മന്തിയെ കുറിച്ച് ഇംഗ്ലീഷുള്‍പ്പടെ മറ്റു ഭാഷകളില്‍ നിലവില്‍ ലേഖനമുണ്ടെങ്കിലും ലേഖനത്തിന്റെ ഡെപ്തില്‍ മലയാളത്തിലെ ഈ ലേഖനം തന്നെയാണ് ഒന്നാമത്. ഇന്ത്യന്‍ ഭാഷകളിലെ വിക്കീപിഡിയയില്‍ ലേഖനത്തിന്റെ ഡെപ്തിന്റെ കാര്യത്തില്‍ മലയാളം തന്നെയാണ് മുന്നിട്ടു നില്‍ക്കുന്നത്. ഇന്നലെവരെയുള്ള കണക്ക് പ്രകാരം മലയാളം വിക്കീപിഡിയയില്‍ 23,768 ലേഖനങ്ങളാണുള്ളത്. സാഹിത്യം, പാചകം,ജീവശാസ്ത്രം തുടങ്ങി നിരവധി വിഷയങ്ങളില്‍ ലേഖനവും നെത എഴുതിയിട്ടുണ്ട്. തുടരുന്നുമുണ്ട്. മലപ്പുറം ജില്ലയിലെ പരപ്പനങ്ങാടിയിലെ ഫെഡറല്‍ ബാങ്ക് മാനേജരായ ഹുസൈന്റെയും കോഴിക്കോട് കോടതിയിലെ അഭിഭാഷകയായ ജുവൈരിയയുടെയും മൂത്തമകളാണ് നേത ഹുസൈന്‍. വിക്കിമീഡിയ സംരംഭങ്ങളില്‍ സ്ത്രീകള്‍ നല്‍കുന്ന സംഭാവനകളെ കുറിച്ചും, കൂടുതല്‍ സ്ത്രീകളെ വിക്കിമീഡിയയിലേക്ക് ആകര്‍ഷിക്കുന്നതിനെ കുറിച്ചും, വിക്കിപദ്ധതികളില്‍ സ്ത്രീകള്‍ നേരിടുന്ന പ്രശ്‌നങ്ങളെക്കുറിച്ചുമൊക്കെ സമ്മേളനത്തില്‍ വിശദമായ ചര്‍ച്ച നടന്നെന്ന് നത പറഞ്ഞു.

Keywords: Seminar, Malappuram, Parappanagadi, കേരള, 
5:40 PM | 0 comments

ബധിര വിദ്യാലയങ്ങളിലെ പാഠ്യപദ്ധതി പരിഷ്‌കരിക്കും: മന്ത്രി അബ്ദുര്‍റബ്ബ്

Written By Malappuram News on Tuesday, May 1, 2012 | 7:19 PM

വള്ളിക്കുന്ന്: സംസ്ഥാനത്തെ ബധിരര്‍ക്ക് വേണ്ടിയുള്ള സ്‌പെഷ്യല്‍ സ്‌കൂളിലെ പാഠ്യപദ്ധതി ആവശ്യമായ പരിഷ്‌കരണങ്ങള്‍ നടത്താന്‍ നടപടി തുടങ്ങിയതായി വിദ്യാഭ്യാസ മന്ത്രി പി.കെ അബ്ദുര്‍റബ്ബ് പ്രസ്താവിച്ചു. പ്രത്യേക പരിഗണന അര്‍ഹിക്കുന്ന കുട്ടികളുടെ വിദ്യാഭ്യാസ കാര്യങ്ങളില്‍ സര്‍ക്കാര്‍ മുന്തിയ പ്രാധാന്യം നല്‍കുമെന്നും അദ്ദേഹം കൂട്ടിച്ചേര്‍ത്തു. കൊടക്കാട് പ്രവര്‍ത്തിച്ചു വരുന്ന പരപ്പനങ്ങാടി ബധിര വിദ്യാലയത്തിന്റെ ഇരുപതാം വാര്‍ഷികാഘോഷ പരിപാടികള്‍ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ചടങ്ങില്‍ വള്ളിക്കുന്ന് ഗ്രാമപഞ്ചായത്ത് പ്രസിഡന്റ് വി ജമീല അധ്യക്ഷത വഹിച്ചു.
Keywords: Parappanagadi, Malappuram, School, P.K.Abdurrabb, 

7:19 PM | 0 comments

പരപ്പനങ്ങാടിയില്‍ 110 കെ.വി സബ്‌സ്റ്റേഷന്‍ യാഥാര്‍ഥ്യമാകുന്നു

Written By Malappuram News on Monday, April 23, 2012 | 12:04 PM

പരപ്പനങ്ങാടി: പരപ്പനങ്ങാടി വൈദ്യുതി ഉപഭോക്താക്കളുടെ ചിരകാല സ്വപ്‌നം പൂവണിയുന്നു. 110 കെ വി സബ് സ്റ്റേഷന്‍ യാഥാര്‍ഥ്യമാകുന്നു. പരപ്പനങ്ങാടിയിലെ രൂക്ഷമായ വോള്‍ട്ടേജ് ക്ഷാമത്തിന് പരിഹാരമായി മൂന്ന് പതിറ്റാണ്ട് മുമ്പ് പരപ്പനങ്ങാടിയില്‍ അനുവദിച്ച 110 കെ വി വൈദ്യുതി സബ്‌സ്റ്റേഷനാണ് ചുകപ്പ്‌നാടയില്‍ കുടുങ്ങികിടന്നത്. സബ് സ്റ്റേഷന്‍ നിര്‍മാണം ഉടന്‍ ആരംഭിക്കുമെന്ന് ബന്ധപ്പെട്ട എന്‍ജീനീയര്‍മാര്‍ വ്യക്തമാക്കി. ഇതിനായി 19 കോടി രൂപയാണ് അനുവദിച്ചിട്ടുള്ളത്. വിവിധ ലൈനുകള്‍ വലിക്കുന്നതോടൊപ്പം സബ്‌സ്റ്റേഷന്‍ നിര്‍മിക്കാനും ഫണ്ട് അനുവദിച്ചിട്ടുണ്ട്. പണി ആരംഭിക്കുന്നതോടെ പരപ്പനങ്ങാടിയിലെ പതിനായിരക്കണക്കിന് വൈദ്യുതി ഉപഭോക്താക്കളുടെ സ്വപ്‌നമാണ് പൂവണിയുക. പരപ്പനങ്ങാടി പഞ്ചായത്ത് വൈദ്യുതി ഉപഭോക്തൃസമിതി മന്ത്രി ആര്യാടന്‍ മുഹമ്മദിന് നല്‍കിയ നിവേദനത്തിന്റെ ഫലമായിട്ടാണ് സബ് സ്റ്റേഷന്‍ നിര്‍മാണം ഇത്രയും പെട്ടെന്ന് തുടങ്ങാന്‍ നടപടിയായത്.

Keywords: Parappanagadi, Malappuram, Electricity
12:04 PM | 0 comments

പരപ്പനങ്ങാടിയില്‍ ടൂറിസം വികസന പദ്ധതികള്‍ യാഥാര്‍ഥ്യമാകുന്നു

Written By Malappuram News on Monday, April 9, 2012 | 10:07 AM

പരപ്പനങ്ങാടി: പരപ്പനങ്ങാടിയില്‍ ടൂറിസം വികസനത്തിന് ഉജ്ജ്വല തുടക്കം. പഞ്ചായത്തിലെ ടൂറിസം വികസന സാധ്യതയുള്ള പ്രദേശങ്ങളായ കീരനെല്ലൂര്‍ ന്യൂകട്ട് പ്രദേശം, ഉള്ളണം, കല്‍പ്പുഴ, കെട്ടുങ്ങല്‍ അഴിമുഖം എന്നീ പ്രദേശങ്ങള്‍ ടൂറിസം മന്ത്രി എ പി അനില്‍കുമാര്‍ സന്ദര്‍ശിച്ചു. കീരനെല്ലൂര്‍ ന്യൂകട്ട് പ്രദേശത്ത് അഞ്ച് കോടി രൂപയുടെ വികസന പ്രവര്‍ത്തനങ്ങള്‍ക്ക് അനുമതി ലഭിച്ചതായി മന്ത്രി അനില്‍കുമാര്‍ അറിയിച്ചു. ഒരു വര്‍ഷത്തിനകം പദ്ധതി പൂര്‍ത്തിയാക്കുമെന്നും അദ്ദേഹം അറിയിച്ചു. സ്ഥലം എം എല്‍ എയും വിദ്യാഭ്യാസ മന്ത്രിയുമായ പി കെ അബ്ദുര്‍റബ്ബും അദ്ദേഹത്തോടൊപ്പമുണ്ടായിരുന്നു. വാട്ടര്‍ തീം പാര്‍ക്ക്, ആര്‍ട്ട് ഗ്യാലറി, പ്ലാനിറ്റോറിയം, ജൈവ ഉത്പന്നങ്ങള്‍ക്കുള്ള നാട്ടുചന്ത, കെട്ടുവള്ളങ്ങള്‍, ബയോഗ്യാസ് പ്ലാന്റ്, സ്വിറ്റ്‌സര്‍ലന്റ് മോഡല്‍ റിവര്‍സൈഡ് വാക്കിനുള്ള സൗകര്യം തുടങ്ങിയ സൗകര്യങ്ങള്‍ പദ്ധതിയില്‍ ഉള്‍പ്പെടുത്തിയിട്ടുണ്ടെന്ന് മന്ത്രി അനില്‍കുമാര്‍ അറിയിച്ചു. കെട്ടുങ്ങല്‍ അഴിമുഖ പ്രദേശത്ത് ടൂറിസം വികസനത്തിന് വന്‍ സാധ്യതയുണ്ടെന്നും മന്ത്രി അറിയിച്ചു. മന്ത്രിമാര്‍ക്ക് പുറമെ ജില്ലാ പഞ്ചായത്ത് അംഗം എ കെ അബ്ദുര്‍റഹ്മാന്‍, ബ്ലോക്ക് പഞ്ചായത്ത് പ്രസിഡന്റ് വി വി ജമീല, ഗ്രാമപഞ്ചായത്ത് പ്രസിഡന്റ് സീനത്ത് ആലിബാപ്പു, ഗ്രാമപഞ്ചായത്ത് അംഗങ്ങള്‍, വിവിധ രാഷ്ട്രീയ പാര്‍ട്ടി നേതാക്കള്‍ എന്നിവര്‍ മന്ത്രിയോടപ്പം ഉണ്ടായിരുന്നു
10:07 AM | 0 comments

ബൈക്ക് അപകടത്തില്‍ യുവാവ് മരിച്ചു

Written By Malappuram News on Friday, April 6, 2012 | 8:30 AM

പരപ്പനങ്ങാടി: ഫുട്‌ബോള്‍ കളിച്ചുമടങ്ങുന്ന യുവാവ് ബൈക്ക് അപകടത്തില്‍ മരിച്ചു. അരിയല്ലൂര്‍ ഉഷാനഴ്‌സറിക്കടുത്ത് വ്യാഴാഴ്ച രാത്രി ഏഴുമണിയോടെയാണ് അപകടം. ഒരേ ദിശയില്‍ വന്ന മാരുതി ഒമ്‌നി വാനില്‍ ബൈക്ക് ഇടിക്കുകയായിരുന്നു. ചെട്ടിപ്പടി ആലുങ്ങല്‍ സ്വദേശി മുഹമ്മദ് ശുബാബുദ്ദീന്‍(20) കോഴിക്കോട്ട് സ്വകാര്യ ആശുപത്രിയിലാണ് മരിച്ചത്. ബൈക്കില്‍ കൂടെയുണ്ടായിരുന്ന കൂട്ടുകാരന്‍ ഹാരിസ് (20)നെ പരിക്കുകളോടെ ആശുപത്രിയില്‍ പ്രവേശിപ്പിച്ചു.
8:30 AM | 0 comments

സൗദിയില്‍ പരപ്പനങ്ങാടി സ്വദേശിയടക്കം രണ്ടുമലയാളികള്‍ മരിച്ചു

Written By Malappuram News on Sunday, March 18, 2012 | 4:45 PM


പരപ്പനങ്ങാടി: സൗദി അറേബ്യയിലെ അല്‍ജുബൈലിനടുത്ത് പനാത്തില്‍ ഉണ്ടായ വാഹനാപകടത്തില്‍ പരപ്പനങ്ങാടി സ്വദേശി പി.പി. സൈതലവി (26) അടക്കം രണ്ടുപേര്‍ മരിച്ചു. രണ്ടാള്‍ക്ക് പരിക്കേറ്റു. മലയാളി യുവാക്കള്‍ ജോലിസ്ഥലത്തേക്ക് പോകുന്ന വാഹനം എതിരെവന്ന ഈജിപ്തുകാരന്റെ കാറുമായി ഇടിക്കുകയായിരുന്നു. കോഴിക്കോട് മലാപ്പറമ്പ് മന്നിച്ചേരി രാജീവ്കുമാര്‍ (47) ആണ് അപകടത്തില്‍ മരിച്ച രണ്ടാമത്തെ ആള്‍.
പരപ്പനങ്ങാടി പുത്തന്‍കടപ്പുറത്തെ പി.പി. ഹുസൈന്റെ മകനാണ് മരിച്ച സൈതലവി. നാലുമാസം മുമ്പാണ് സൗദിയിലേക്ക്‌പോയത്.
4:45 PM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers