Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Kozhikode. Show all posts
Showing posts with label Kozhikode. Show all posts

ടീച്ചര്‍ വഴക്കുപറഞ്ഞതിന് വീടുവിട്ട വിദ്യാര്‍ത്ഥിനികളെ വളാഞ്ചേരിയില്‍ കണ്ടെത്തി

Written By kvartha delta on Wednesday, October 17, 2012 | 9:26 PM

Malappuram, Teacher, Students, Exam, Kozhikode, Police, Kerala, Malayalam News
മലപ്പുറം: ക്ലാസ് പരീക്ഷയില്‍ മാര്‍ക്ക് കുറഞ്ഞതിന്റെ പേരില്‍ ടീച്ചര്‍ വഴക്കുപറഞ്ഞതിന് വീടു വിട്ട വിദ്യാര്‍ഥിനികളെ മലപ്പുറം വളാഞ്ചേരിയില്‍ കണ്ടെത്തി. കോഴിക്കോട് ലിറ്റില്‍ ഡാഫോഡില്‍സ് സ്‌കൂളിലെ നാല് വിദ്യാര്‍ഥിനികളെയാണ് വളാഞ്ചേരി ടൗണില്‍ കണ്ടെത്തിയത്.

യൂനിഫോമില്‍ ടൗണില്‍ കറങ്ങുകയായിരുന്ന ഇവരെ പോലീസ് വിശദമായി ചോദ്യം ചെയ്തപ്പോഴാണ് വീടുവിട്ടതാണെന്ന് വ്യക്തമായത്. വീട്ടില്‍ നിന്നും സ്‌കൂളിലേക്ക് പോയ ഇവര്‍ സ്‌കൂളില്‍ കയറാതെ ബസ് കയറി വളാഞ്ചേരിയില്‍ എത്തുകയായിരുന്നു. രക്ഷിതാക്കളെ വിവരമറിയിച്ചതിനെ തുടര്‍ന്ന് ചൊവാഴ്ച രാത്രിയോടെ രക്ഷിതാക്കളെത്തി ഇവരെ വീട്ടിലേക്ക് കൂട്ടികാണ്ടുപോയി.

Keywords: Malappuram, Teacher, Students, Exam, Kozhikode, Police, Kerala, Malayalam News
9:26 PM | 0 comments

സിപിഎം ഹര്‍ത്താല്‍; പരിക്കേറ്റയാളുമായി ആംബുലന്‍സില്‍ പോയവര്‍ക്കും മര്‍ദ്ദനം

Written By mvarthasubeditor on Sunday, July 1, 2012 | 9:42 AM



കോഴിക്കോട്: അപകടത്തില്‍ പരുക്കേറ്റ ആളെയുമായി മെഡിക്കല്‍ കോളജിലേക്കു പോയ ആംബുലന്‍സ് ഡ്രൈവര്‍ക്കും രോഗിക്കൊപ്പം ഉണ്ടായിരുന്ന ആള്‍ക്കും സിപിഎം ആഹ്വാനം ചെയ്ത ഹര്‍ത്താലില്‍ മര്‍ദനം. അപകടത്തില്‍ പരുക്കേറ്റ് ആശുപത്രിയില്‍ കിടക്കുന്നയാള്‍ക്കു ഭക്ഷണവുമായി പോയ കുടുംബാംഗങ്ങള്‍ സഞ്ചരിച്ച കാറും ഹര്‍ത്താല്‍ അനുകൂലികള്‍ തല്ലിത്തകര്‍ത്തു; രണ്ടര വയസ്സും അഞ്ചു വയസ്സും പ്രായമുള്ള കുട്ടികള്‍ക്കടക്കം പരുക്കേറ്റു.  ഉറച്ച സിപിഎം അനുഭാവികളുടെ കുടുംബത്തിനു നേരെയാണ് ആക്രമണം നടന്നത്.

ജില്ലയുടെ വിവിധ സ്ഥലങ്ങളില്‍ ഉണ്ടായ മറ്റ് അക്രമങ്ങള്‍ക്കു പുറമേയാണ് ആംബുലന്‍സിനും ആശുപത്രിയിലേക്കു പോയവര്‍ക്കും നേരെയുള്ള ആക്രമണങ്ങള്‍. പേരാമ്പ്ര ചാലിക്കരയിലാണ് ആംബുലന്‍സ് തടഞ്ഞുവച്ചു  ഡ്രൈവറെയും രോഗിക്കൊപ്പം ഉണ്ടായിരുന്ന ആളെയും മര്‍ദിച്ചത്. കാല്‍ മണിക്കൂറോളം പിടിച്ചിട്ട ആംബുലന്‍സ് പിന്നീടു നാട്ടുകാര്‍ സംഘടിച്ചെത്തിയാണ് മോചിപ്പിച്ച് ആശുപത്രിയിലേക്ക് അയച്ചത്. രാവിലെ പതിനൊന്നോടെയാണ് ചേനായിയില്‍ ഓട്ടോറിക്ഷ മറിഞ്ഞു പെരുവാണിക്കല്‍മീത്തല്‍ ബിനീഷിനു (26) പരുക്കേറ്റത്.

പേരാമ്പ്ര താലൂക്ക് ആശുപത്രിയില്‍ എത്തിച്ച ബിനീഷിന്റെ സ്ഥിതി ഗുരുതരമായിരുന്നതിനാല്‍ മെഡിക്കല്‍ കോളജിലേക്കു വിടുകയായിരുന്നു. പേരാമ്പ്ര കെയര്‍ ചാരിറ്റബിള്‍ ട്രസ്റ്റിന്റെ ആംബുലന്‍സില്‍ കോഴിക്കോട്ടേക്കു പുറപ്പെട്ട ആംബുലന്‍സ് ചാലിക്കരയില്‍ തടഞ്ഞു. തുടര്‍ന്നു ഡ്രൈവര്‍ പേരാമ്പ്ര ചെട്ടിയാംകണ്ടി വീട്ടില്‍ സി.കെ. സലാമിനെയും (36) രോഗിയോടൊപ്പം ആംബുലന്‍സില്‍ ഉണ്ടായിരുന്ന സുഹൃത്ത് പേരാമ്പ്ര എടവരാട് നറക്കമ്മല്‍ വീട്ടില്‍ ഗിരീഷിനെയും വലിച്ചിറക്കി ക്രൂരമായി മര്‍ദിച്ചു. 

കാല്‍ മണിക്കൂറോളം തടഞ്ഞിട്ട ആംബുലന്‍സ് പിന്നീടു നാട്ടുകാര്‍ സംഘടിച്ചെത്തിയാണ് മോചിപ്പിച്ചത്. ബിനീഷിനെയും സലാമിനെയും കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. മെഡിക്കല്‍ കോളജിനു സമീപം കോവൂരിലാണ് കൊച്ചുകുട്ടികള്‍ അടക്കമുള്ളവര്‍ ആക്രമണത്തിന് ഇരയായത്. ബൈക്ക് അപകടത്തില്‍ ഗുരുതരമായി പരുക്കേറ്റു നഗരത്തില്‍ സ്വകാര്യ ആശുപത്രിയില്‍ ചികില്‍സയിലുള്ള വെള്ളിപറമ്പ് സ്വദേശി മുബീഷിനും കൂടെയുള്ളവര്‍ക്കും ഭക്ഷണവുമായി വരികയായിരുന്നു ഇവര്‍.

മുബീഷിന്റെ ഭാര്യ സഫ്ന, മക്കളായ ബിന്‍സില (രണ്ടര), ബിലാല്‍ (5), സഹോദരി ഷിബില, സഹോദരിയുടെ ഭര്‍ത്താവ് മുജീബ് റഹ്മാന്‍, ഇവരുടെ മകന്‍ മുഫൈല്‍ എന്നിവരാണ് കാറില്‍ ഉണ്ടായിരുന്നത്. കാര്‍ അടിച്ചുതകര്‍ത്ത അക്രമികള്‍ മുജീബ് റഹ്മാനെ മര്‍ദിക്കുകയും ചെയ്തു. ചില്ലു തറച്ചാണ് കുട്ടികള്‍ക്കും കാറിലുണ്ടായിരുന്ന മറ്റുള്ളവര്‍ക്കും മുറിവേറ്റത്. ബിന്‍സിലയുടെ കണ്ണിനു താഴെയാണ് മുറിവ്. കുട്ടികളെ ആക്രമിച്ചവര്‍ ആരായാലും മനുഷ്യരല്ലെന്നു ഷിബില പറഞ്ഞു. ഉറച്ച പാര്‍ട്ടി അനുഭാവികളാണ് തങ്ങളുടെ കുടുംബമെന്നും അവര്‍ പറഞ്ഞു. സഫ്നയുടെ പിതാവ് പെരുമണ്ണ സ്വദേശിയായ മുഹമ്മദ് നാട്ടുകാര്‍ മുഴുവന്‍ 'സഖാവ് എന്നു വിളിക്കുന്ന ആളായിരുന്നു. രണ്ടു മാസം മുന്‍പാണ് മരിച്ചത്.
9:42 AM | 0 comments

മലപ്പുറത്തും കോഴിക്കോടും ഭൂചലനം

Written By mvarthasubeditor on Wednesday, June 20, 2012 | 11:55 PM

മലപ്പുറം: മലപ്പുറത്തും കോഴിക്കോടും ഭൂചലനം. റിക്ടര്‍ സ്കെയിലില്‍ 3.4 തീവ്രത രേഖപ്പെടുത്തിയ ഭൂചലനത്തിന്റെ പ്രഭവകേന്ദ്രം കരിപ്പൂരില്‍ നിന്നും നാല് കിലോമീറ്റര്‍ അകലെയാണ്‌. 

ഉച്ചയ്ക്ക് രണ്ട്കാലോടെയായിരുന്നു ഭൂചലനം അനുഭവപ്പെട്ടത്. കോഴിക്കോട് ജില്ലയിലെ കോട്ടൂളി, പള്ളിക്കണ്ടി, ചാലിയം, മീഞ്ചന്ത, മിഠായിത്തെരുവ്, പയ്യാനക്കല്‍ എന്നിവിടങ്ങളിലാണ് ഉച്ചയ്ക്ക് രണ്ടേ കാലോടെ ശക്തമായി ഭൂമികുലുങ്ങിയത്. 

കല്ലായി, നൈനാന്‍ വളപ്പ്, ഫറോഖ്, മെഡിക്കല്‍ കോളജ്, അരയിടത്തുപാലം, ഒളവണ്ണ എന്നിവിടങ്ങളിലും നേരിയ തോതില്‍ ഭൂമി കുലുങ്ങി. മലപ്പുറം ജില്ലയില്‍ കരിപ്പൂരിലും കൊണ്ടോട്ടിയിലും ഭൂമികുലുക്കം അനുഭവപ്പെട്ടു. നാലു സെക്കന്‍ഡോളം നീണ്ടുനിന്ന ഭൂചലനമാണ് മിക്കയിടത്തും അനുഭവപ്പെട്ടത്.

English Summery
Earth quake in Malappuram
11:55 PM | 0 comments

വിളക്കുകള്‍ കണ്ണ് ചിമ്മി; എയര്‍പോര്‍ട്ട് റോഡ് ഇരുട്ടില്‍

Written By mvarthasubeditor on Friday, June 15, 2012 | 3:01 PM

കൊണ്ടോട്ടി: ദേശീയപാത 213 കൊളത്തൂര്‍ ജംഗ്ഷനില്‍ നിന്ന് കോഴിക്കോട് വിമാനത്താവളത്തിലേക്കുള്ള റോഡ് ഇരുട്ടില്‍ രണ്ട് കിലോമീറ്റര്‍ ദൂരമുള്ള നാല്‌വരിപ്പാതയിലെ ഡിവൈഡറില്‍ സ്ഥാപിച്ച 200 ല്‍ അധികം വിളക്കുകളില്‍ ഒന്ന് പോലും കത്തുന്നില്ല.
കഴിഞ്ഞ വര്‍ഷം എറണാകുളം ആസ്ഥാനമായുള്ള ഒരു സ്ഥാപനമാണ് തെരുവ് വിളക്കുകള്‍ സ്ഥാപിച്ചത്. കൊണ്ടോട്ടി പഞ്ചായത്തുമായി ഉണ്ടാക്കിയ കരാര്‍ പ്രകാരം തെരുവ് വിളക്കുകള്‍ക്കായി സ്ഥാപിച്ച തൂണില്‍ കമ്പനികള്‍ക്ക് പരസ്യ ബോര്‍ഡുകള്‍ സ്ഥാപിക്കുന്നതിന് അനുമതി നല്‍കിയിരുന്നു. വൈദ്യുതി കരവുംകമ്പനി അടക്കണമെന്നും കരാറിലുണ്ടായിരുന്നു.
വിളക്കുകള്‍ കണ്ണു ചിമ്മി മാസങ്ങളായിട്ടും ഇവ പുനഃസ്ഥാപിച്ചിട്ടില്ല. മലബാറിന്റെ അന്താരഷ്ട്ര വിമാനത്താവളത്തിലേക്കുള്ള വഴി ഇരുട്ടിലാകുന്നത് എയര്‍പോര്‍ട്ടിലേക്കും തിരിച്ചുമുള്ള വാഹനങ്ങള്‍ക്ക് ഏറെ പ്രയാസം സൃഷ്ടിക്കുന്നുണ്ട്. എയര്‍പോര്‍ട്ട് റോഡില്‍ ഓവുപാലം അറ്റകുറ്റപ്പണി നടത്തുന്നതും ഇരുട്ടില്‍ വാഹനങ്ങള്‍ക്ക് അപകട ഭീതി പരത്തുന്നു. എയര്‍പോര്‍ട്ട് റോഡില്‍ തന്നെയാണ് ഹജ്ജ് ഹൗസും നിലകൊള്ളുന്നത്. ഹജ്ജ് യാത്രക്ക് മാസങ്ങള്‍ മാത്രം ബാക്കി നില്‍ക്കെ എയര്‍പോര്‍ട്ട് റോഡ് ഇരുട്ടില്‍ മുങ്ങുന്നത് ഹാജിമാര്‍ക്കും പ്രയാസമുണ്ടാകും
.Keywords: Malappuram, Calicut, Air[port, 
3:01 PM | 0 comments

ബൈക്കിന്‌ പിന്നില്‍ കാറിടിച്ച് രണ്ട് കുട്ടികള്‍ മരിച്ചു

Written By mvarthasubeditor on Tuesday, May 29, 2012 | 4:00 AM

കോഴിക്കോട്: ബൈക്കിന്‌ പിന്നില്‍ കാറിടിച്ച് രണ്ട് കുട്ടികള്‍ മരിച്ചു. അപകടത്തില്‍ ഒരു കുട്ടിക്ക്‌ ഗുരുതരമായി പരിക്കേറ്റു. നേതാജി നഗര്‍ കോളനിയിലെ ഗോപകുമാറിന്റെ മകന്‍ ഗൗതം കൃഷ്ണ (10), ഗോപകുമാറിന്റെ ഭാര്യസഹോദരി കുന്നമംഗലം സ്വദേശി ബീന മുരളീയുടെ മകന്‍ ആദര്‍ശ് (7) എന്നിവരാണ് മരിച്ചത്. തൊണ്ടയാട് ബൈപ്പാസിന്‌ സമീപമാണ്‌ അപകടമുണ്ടായത്. ബൈക്കിന്‌ പിന്നിലിടിച്ച സ്കോര്‍പിയോ കാര്‍ നിറുത്താതെ ഓടിച്ച് പോയി. ഈ വാഹനത്തിന്‌ വേണ്ടിയുള്ള തിരച്ചില്‍ പോലീസ് ഊര്‍ജ്ജിതമാക്കി. രാത്രി ഒന്‍പത് മണിയോടെയാണ്‌ അപകടമുണ്ടായത്. സ്കോര്‍പിയോ കാറിന്റെ റിയര്‍ വ്യൂ മിററിന്റെ അവശിഷ്ടങ്ങള്‍ തെളിവായി സ്വീകരിച്ചാണ്‌ പോലീസ് അന്വേഷണം ആരംഭിച്ചിരിക്കുന്നത്.

English Summery
Two children killed in accident.
4:00 AM | 0 comments

ടി.പി. വധം: അറസ്റ്റിനെ രാഷ്ട്രീയപരമായി നേരിടുമെന്ന് എളമരം കരീം

Written By Malappuram News on Thursday, May 24, 2012 | 4:07 PM

കോഴിക്കോട്: ടി.പി. ചന്ദ്രശേഖരന്‍ വധക്കേസില്‍ സി.പി.എം നേതാക്കളെ അറസ്റ്റ് ചെയ്യുന്നതു രാഷ്ട്രീയപരമായി നേരിടുമെന്ന് എളമരം കരീം. കേസിനെ യുഡിഎഫ് സര്‍ക്കാര്‍ രാഷ്ട്രീയമായി ഉപയോഗിക്കുന്നു. ഈ കേസില്‍ സിപിഎമ്മിനു യാതൊരു പങ്കുമില്ല. കേരളത്തിലെ ആദ്യ രാഷ്ട്രീയ കൊലപാതകമല്ല ഇത്. ഈ കേസില്‍ മാധ്യമങ്ങള്‍ രാഷ്ട്രീയ മേലാളന്‍മാര്‍ക്കു വേണ്ടി പൊലീസ് ഏജന്‍സി പണി ചെയ്യുകയാണെന്നും അദ്ദേഹം കുറ്റപ്പെടുത്തി.

Keywords: Arrests will face politically- Elamaram Karim, Murder, Kozhikode, Kerala, Politics, കേരള, 
4:07 PM | 0 comments

ഇടത് എംഎല്‍എമാരുടെ സംഘം ഒഞ്ചിയം സന്ദര്‍ശിച്ചു

Written By Malappuram News on Wednesday, May 9, 2012 | 1:28 AM

കോഴിക്കോട്: ഇടത് എംഎല്‍എമാരുടെ സംഘം ഒഞ്ചിയം സന്ദര്‍ശിച്ചു. സിപിഐ എം എല്‍ എ. ഇ.കെ.വിജയനും നാഷനല്‍ സെക്യുലര്‍ കോണ്‍ഫ്രറന്‍സ് എം എല്‍ എ പി.ടി.എ. റഹീമും ഒഞ്ചിയം സന്ദര്‍ശനത്തില്‍നിന്ന് വിട്ടുനിന്നു. ജില്ലയിലെ എട്ട് ഇടതുമുന്നണി എംഎല്‍എമാരാണ് സംഘത്തിലുള്ളത്. സിപിഎമ്മില്‍ നിന്ന് ആറുപേരും ജനതാദള്‍ എന്‍സിപി അംഗങ്ങളായ രണ്ടുപേരും സംഘത്തിലുണ്ടായിരുന്നു. റവല്യൂഷനറി മാര്‍ക്‌സിറ്റ് പാര്‍ട്ടിയുടെ എതിര്‍പ്പ് കണക്കിലെടുത്ത് ടി.പി.ചന്ദ്രശേഖരന്റെ വീട് സംഘം സന്ദര്‍ശിച്ചില്ല.

Keywords: LDF, Kozhikode, visit, MLA, 
1:28 AM | 0 comments

പ്രൊഫ. കെ എസ് മണിലാലിന് അവാര്‍ഡ് സമ്മാനിച്ചു

Written By mvarthasubeditor on Wednesday, May 2, 2012 | 11:58 PM

കോഴിക്കോട്: കേരളത്തിന്റെ സസ്യ വൈവിധ്യത്തെക്കുറിച്ചുള്ള ആധികാരിക ഗ്രന്ഥമായ ഹോര്‍ത്തൂസ് മലബാറിക്കസ് കാലോചിതമായി പരിഷ്‌കരിച്ച് ലാറ്റിന്‍ ഭാഷയില്‍ നിന്ന് ഇംഗ്ലീഷിലേക്കും മലയാളത്തിലേക്കും പരിഭാഷപ്പെടുത്തിയ പ്രശസ്ത സസ്യശാസ്ത്രകാരന്‍ പ്രൊഫ. കെ എസ് മണിലാലിന് നെതര്‍ലാന്റ് ഗവണ്‍മെന്റിന്റെ അത്യുന്നത സിവിലിയന്‍ പുരസ്‌കാരമായ ഓഫീസര്‍ ഇന്‍ ദി ഓര്‍ഡര്‍ ഓഫ് ഓറഞ്ച് നാസ്സു അവാര്‍ഡ് നെതര്‍ലാന്റ് രാജ്ഞിയുടെ പ്രതിനിധിയായി നെതര്‍ലാന്റിന്റെ കോണ്‍സല്‍ ജനറല്‍ എംഎ വാന്‍ ഡ്രൂനന്‍ ലിറ്റല്‍ സമ്മാനിച്ചു. കോഴിക്കോട് പ്രമുഖ സസ്യശാസ്ത്രജ്ഞന്‍മാരും, പണ്ഡിതന്‍മാരും സംബന്ധിച്ച ചടങ്ങ് മന്ത്രി ഡോ.എം കെ മുനീര്‍ ഉദ്ഘാടനം ചെയ്തു.
ഇന്ത്യയിലെ പരമ്പരാഗത വൈദ്യ ശാസ്ത്ര രംഗത്ത് സുപ്രധാന സ്ഥാനമു ണ്ട ായിരുന്ന ഔഷധ സസ്യങ്ങള്‍ തിരിച്ചറിഞ്ഞതിലൂടെ ലോകത്തിന് മുഴുവന്‍ വലിയ സംഭാവനകള്‍ നല്‍കിയ ഹോര്‍ത്തൂസ് മലബാറിക്കസ് തയ്യാറാക്കുന്നതിന് പതിനേഴാം  നൂറ്റാണ്ടില്‍  മലബാറിലെ ഡച്ച് ഗവര്‍ണ്ണറായിരുന്ന ഹെന്‍ റിക് വാന്‍ റീഡാണ് നേതൃത്വം നല്‍കിയത്. പതിനെട്ടാം നൂറ്റാ ണ്ടിന് മുമ്പ് യൂറോപ്പില്‍ പ്രസിദ്ധീകരിച്ച ഏഷ്യയിലെ വൈദ്യ സസ്യശാസ്ത്ര സംബന്ധിയായ ഏറ്റവും വിപുലമായ പഠന ഗ്രന്ഥം വിശദ വ്യാഖ്യാനത്തിന് വിധേയമാക്കി ലാറ്റിന്‍ ഭാഷയില്‍ നിന്നും ഇംഗ്ലീഷിലേക്കും മലയാളത്തിലേക്കും പരിഭാഷപ്പെടുത്തുക വഴി നെതര്‍ലാന്റിന്റെയും ഇന്ത്യയുടെയും സാംസ്‌കാരിക പാരമ്പര്യത്തിലേക്ക് കൂടി തെളിച്ചം നല്‍കിയതിനാണ് നെതര്‍ലാന്റിന്റെ ഏറ്റവും ഉന്നതമായ സിവിലിയന്‍ പുരസ്‌കാരം ചരിത്രത്തിലാദ്യമായി ഒരു ഏഷ്യക്കാരന് സമ്മാനിച്ചത്. പതിനേഴാം  നൂറ്റാണ്ടിലെ നെതര്‍ലാന്റിലെ ചരിത്രവുമായും അക്കാലത്ത് കേരളത്തിന്റെ സാമൂഹ്യ ചരിത്രവുമായും അഭേദ്യമായി ബന്ധപ്പെട്ടതാണ് ഹോര്‍ത്തൂസ് മലബാറിക്കസിന്റെ പ്രസിദ്ധീകരണം. 16781693 കാലത്ത് ആംസ്റ്റര്‍ഡാമില്‍ നിന്ന് 12 വാല്യങ്ങളായി ലാറ്റിന്‍ ഭാഷയിലാണ് ഇത് പ്രസിദ്ധപ്പെടുത്തിയത്. മലബാറിലെ പ്രമുഖ വൈദ്യനായിരുന്ന ഇട്ടി അച്യുതന്‍ അദ്ദേഹത്തെ സഹായിച്ച നിരവധി വ്യക്തികള്‍, സസ്യങ്ങളുടെ ചിത്രങ്ങള്‍ തയ്യാറാക്കിയ ചിത്രകാരന്‍മാര്‍ എന്നിങ്ങനെ നൂറ് കണക്കിന് പേര്‍ ചേര്‍ന്ന് 25 വര്‍ഷത്തെ പ്രയത്‌ന ഫലമായാണ് ഹോര്‍ത്തൂസ് മലബാറിക്കസ് തയ്യാറാക്കിയത്. കാലിക്കറ്റ് സര്‍വ്വകലാശാല എമറിറ്റസ് പ്രൊഫസര്‍ കെ.എസ് മണിലാല്‍ 35 വര്‍ഷം നീ ഗവേഷണങ്ങളിലൂടെ ഗ്രന്ഥത്തില്‍ പറയുന്ന കാടുകളിലും മലകളിലും ഗ്രാമങ്ങളിലുമൊക്കെ ചെന്ന് സസ്യങ്ങള്‍ ശേഖരിക്കുകയും ശാസ്ത്രീയമായി വ്യാഖ്യാനിക്കുകയും ആധുനിക സസ്യശാസ്ത്ര ഗ്രന്ഥങ്ങള്‍ പ്രയോജനപ്പെടുത്തി വ്യാഖ്യാനക്കുറിപ്പുകള്‍ ചേര്‍ക്കുകയും ചെയ്താണ് ഇംഗ്ലീഷിലേക്ക പരിഭാഷപ്പെടുത്തിയത്. ലാറ്റിന്‍ഭാഷയിലായത് കാരണം വേ ത്ര പ്രയോജനപ്പെടുത്താന്‍ കഴിയാതിരുന്ന ഈ ഗ്രന്ഥം ലോകമെമ്പാടുമുള്ള സസ്യ ശാസ്ത്രകാരന്‍മാര്‍ക്കും, ഗവേഷകര്‍ക്കും പ്രയോജനപ്പെടുത്താന്‍ ഇംഗ്ലീഷ് പരിഭാഷയും വ്യാഖ്യാനവും സഹായകമായി. തുടര്‍ന്ന് മലയാള പരിഭാഷയും തയ്യാറാക്കി. ആയുര്‍വേദവും, അലോപ്പതിയും ഉള്‍പ്പെടുന്ന ചികിത്സാ ശാഖകള്‍ ഈ അറിവ് വിപുലമായി പ്രയോജനപ്പെടുത്തുന്നു. കോഴിക്കോട് താജ് ഗേറ്റ് വേ ഹോട്ടലില്‍ നടന്ന അവാര്‍ഡ് ദാന ചടങ്ങില്‍ ഡോ. സി കെ രാമചന്ദ്രന്‍ അധ്യക്ഷനായിരുന്നു. ഡോ. എംജിഎസ് നാരായണന്‍ ഡോ. ഇന്ദിരാ ബാലചന്ദ്രന്‍ എന്നിവര്‍ സംബന്ധിച്ചു. ബോട്ടണി വകുപ്പ് മേധാവി പ്രൊഫസര്‍ എം സാബു സ്വാഗതവും ഡോ. പി സുനോജ് കുമാര്‍ നന്ദിയും പറഞ്ഞു.

Keywords: Award, Kozhikode, 
11:58 PM | 0 comments

ബൈക്കപകടത്തില്‍ വിദ്യാര്‍ത്ഥി മരിച്ചു

Written By Malappuram News on Tuesday, May 1, 2012 | 8:30 PM


കോഴിക്കോട്: സ്‌കൂളിലേക്ക് പോകുന്നതിനിടെ ബൈക്കപകടത്തില്‍ വിദ്യാര്‍ത്ഥി മരിച്ചു. മൊകവൂര്‍ മൂളിയാര്‍നട തെക്കുവീട്ടില്‍ താഴത്ത് വിഷ്ണുപ്രസാദ് (17) ആണ് മരിച്ചത്. തിങ്കളാഴ്ച രാവിലെ ഏഴരയോടെ ബൈപ്പാസ് റോഡിലെ മൊകവൂരിലാണ് ബൈക്ക് ഓട്ടോറിക്ഷയുമായി ഇടിച്ചത്. സ്‌കൂളിലേക്കു പോകുമ്പോള്‍ അതുവഴി വന്ന ബൈക്കിനു കൈ കാണിച്ച് വിഷ്ണുപ്രസാദ് കയറുകയായിരുന്നു. എ.ആര്‍. ക്യാമ്പിലെ പോലീസുകാരനായ ജോജി ആണ് ബൈക്ക് ഓടിച്ചിരുന്നത്. ഈസ്റ്റ്ഹില്‍ കേന്ദ്രീയ വിദ്യാലയത്തിലെ ഒമ്പതാം ക്ലാസ് വിദ്യാര്‍ത്ഥിയാണ് വിഷ്ണു പ്രസാദ്. അപകടത്തില്‍ ഓട്ടോറിക്ഷയിലുണ്ടായിരുന്ന രണ്ടു സ്ത്രീകള്‍ക്കും പരിക്കേറ്റു. നടുവണ്ണൂരില്‍ നിന്ന് കോഴിക്കോട്ടേക്കു വരികയായിരുന്നു ഓട്ടോറിക്ഷ.

Keywords: Accident, Obituary, Kozhikode, Student, 
8:30 PM | 0 comments

കാലിക്കറ്റ് സര്‍വകലാശാലയില്‍ സ്‌പോര്‍ട്‌സ് കോണ്‍വക്കേഷന്‍ 28ന്

Written By Malappuram News on Thursday, April 26, 2012 | 10:19 AM

കോഴിക്കോട്: കാലിക്കറ്റ് സര്‍വകലാശാലയില്‍ സ്‌പോര്‍ട്‌സ് കോണ്‍വക്കേഷനും കായികതാര സംഗമവും ഏപ്രില്‍ 28ന് നടക്കും. ഒളിമ്പിക്‌സ്, ലോക അത്‌ലറ്റിക്‌സ് മേളകള്‍, കോമണ്‍വെല്‍ത്ത് ഗെയിംസ്, ഏഷ്യന്‍ ഗെയിംസ് എന്നിവയില്‍ നേട്ടം കൊയ്ത സര്‍വകലാശാലയിയെ പ്രമുഖരെ ഒരേ വേദിയില്‍ അണിനിരത്തുന്നതായിരുക്കും പരിപാടിയെന്ന് സര്‍വകലാശാല വൈസ് ചാന്‍സലര്‍ ഡോ. എം അബ്ദുല്‍ സലാം വാര്‍ത്താസമ്മേളനത്തില്‍ അറിയിച്ചു.
കായിക താരങ്ങള്‍ക്കുള്ള കാഷ് അവാര്‍ഡ് വിതരണവും ഗ്രീന്‍ സ്‌പോര്‍ട്‌സ് കോംപ്ലക്‌സ പദ്ധതിയുടെ സമര്‍പ്പണവും ഇതോടൊപ്പം നടക്കും. ഒളിമ്പ്യന്‍ പി ടി ഉഷ, എം ഡി വല്‍സമ്മ, റോസക്കുട്ടി, അഞ്ജു ബോബിജോര്‍ജ്, സുഭാഷ് ജോര്‍ജ്, സാറാമ്മ, ജോസ് ജോര്‍ജ്, സിറില്‍ സി വള്ളൂര്‍, സാലി ജോസഫ്, ജെയ്‌സമ്മ മുത്തേടത്ത്, വിക്ടര്‍ മഞ്ഞില, സേതുമാധവന്‍, ഡോ ബഷീര്‍, ഷറഫലി പാപ്പച്ചന്‍, ബെന്നി, ജോപോള്‍ അഞ്ചേരി, ഹക്കീം തുടങ്ങിയവര്‍ കായികതാര സംഗമത്തിന് എത്തും. ഇതേ വേദിയില്‍ കഴിഞ്ഞ അഞ്ചു വര്‍ഷത്തെ മുഴുവന്‍ കാഷ് അവാര്‍ഡുകളും വിതരണം ചെയ്യും. ഇതോടൊപ്പം സമര്‍പ്പിക്കുന്ന 100 കോടിയുടെ ഗ്രീന്‍ സ്‌പോര്‍ട്‌സ് കോംംപ്ലക്‌സ് പദ്ധതി കാലിക്കറ്റ് സര്‍വകലാശാലയുടെ സ്വപ്ന പദ്ധതിയാണെന്നും വൈസ് ചാന്‍സര്‍ പറഞ്ഞു.
പരിപാടി സെമിനാര്‍ കോംപ്ലക്‌സില്‍ രാവിലെ 11 മണിക്ക് കേന്ദ്ര മന്ത്രി ഇ അഹമ്മദ് ഉദ്ഘാടനം ചെയ്യും. ബിരുദദാന പ്രഭാഷണവും സ്‌പോര്‍ട്‌സ് കിറ്റിന്റെ വിതരണനവും വിദ്യാഭ്യാസ മന്ത്രി പികെ അബ്ദുറബ്ബ് നിര്‍വഹിക്കും. പൂര്‍വ കായികതാര സംഗമത്തിന്റെ ഉദ്ഘാടനവും കാഷ് അവാര്‍ഡ് വിതരണവും സ്‌പോര്‍ട്‌സ് മന്ത്രി കെ ബി ഗണേഷ്‌കുമാര്‍ നിര്‍വഹിക്കും. വാര്‍ത്താസമ്മേളനത്തില്‍ പ്രോ വിസി കെ രവീന്ദ്രനാഥ്, കായിക വിഭാഗം ഡെപ്യൂട്ടി ഡയറക്ടര്‍ വിപി സക്കീര്‍ ഹുസ്സൈന്‍, സിന്‍ഡിക്കേറ്റ് അംഗം അഡ്വ. പിഎം നിയാസ് സംബന്ധിച്ചു.

Keywords: Calicut University, Kozhikode, Sports, 
10:19 AM | 0 comments

നാദാപുരത്ത് റോഡുകളുടെ ഉദ്ഘാടനം 26 ന് മന്ത്രി ഇബ്രാഹിംകുഞ്ഞ് നിര്‍വ്വഹിക്കും

Written By Malappuram News on Tuesday, April 24, 2012 | 1:48 AM

കോഴിക്കോട്: നാദാപുരം നിയോജക മണ്ഡലത്തിലെ രണ്ട് റോഡുകളുടെ ഉദ്ഘാടനം ഏപ്രില്‍ 26 ന് പൊതുമരാമത്ത് വകുപ്പ് മന്ത്രി വി.കെ ഇബ്രാഹിംകുഞ്ഞ് നിര്‍വഹിക്കും. നവീകരിച്ച കക്കംവെളളി പാറക്കണ്ടിമുക്ക് ആറാട്ട്കുളം റോഡിന്റെ ഉദ്ഘാടനം രാവിലെ 10 മണിക്ക് പാറക്കണ്ടിമുക്കിലും നാദാപുരം പെരിങ്ങത്തൂര്‍ റോഡിന്റെ (എയര്‍പോര്‍ട്ട് റോഡ്) ഉദ്ഘാടനം 11 മണിക്ക് അല്‍മദീന ഗ്രൌണ്ടിലും മന്ത്രി നിര്‍വ്വഹിക്കും. ഇരു ചടങ്ങുകളിലും ഇ.കെ വിജയന്‍ എം.എല്‍.എ അദ്ധ്യക്ഷത വഹിക്കും. എ.കെ ബാലന്‍ എം.എല്‍.എ, മുന്‍മന്ത്രി ബിനോയ് വിശ്വം തുടങ്ങിയവര്‍ സംബന്ധിക്കും.

Keywords: Kozhikode, Road, Nadapuram, Minister
1:48 AM | 0 comments

മാപ്പിളകലാ അക്കാദമി പുരസ്‌കാരങ്ങള്‍ സമ്മാനിച്ചു

Written By Malappuram News on Tuesday, April 17, 2012 | 11:00 AM

കോഴിക്കോട്: കേരള മാപ്പിളകലാ അക്കാദമി പുരസ്‌കാരങ്ങള്‍ സമ്മാനിച്ചു. മികച്ച ഗാനരചയിതാവിനുള്ള ശിഹാബ്തങ്ങള്‍ പുരസ്‌കാരം അരീക്കോട് പി.ടി.അബ്ദുറഹിമാനും ഭക്തിഗാനരചയിതാവിനുള്ള മോയിന്‍കുട്ടി വൈദ്യര്‍ പുരസ്‌കാരം സയ്യിദ് മുഹമ്മദ് ആരീഫ് കൊയിലാണ്ടിക്കും മുണ്ടമ്പ്ര ഉണ്ണിമമ്മദ് പുരസ്‌കാരം മുഹമ്മദ് മുക്താര്‍.കെ.അരീക്കോടിനും സമ്മാനിച്ചു.
മറ്റു പുരസ്‌കാരങ്ങള്‍ സലാം കൊടിയത്തൂര്‍ (ഹോം സിനിമാ സംവിധാനം) ഒതയമംഗലത്ത് മദന മോഹനന്‍ (ലേഖനപരമ്പര), അബ്ദുല്‍മജീദ് കൂളിമാട് (അറബിഗാനങ്ങള്‍), അഷറഫ് കല്ലോട് (ദേശഭക്തിഗാനങ്ങള്‍), ഹമീദ് പൂവ്വാട്ട് പറമ്പ് (മദ്ഹ്ഗാനം), റഷീദ്‌നാസ് (സൗണ്ട് എന്‍ജിനീയര്‍), ഷബീര്‍ ഷാ യൂണിവേഴ്‌സിറ്റി (ആല്‍ബസംവിധാനം) അഷറഫ് വാവാട് (പരിസ്ഥിതി ലേഖകന്‍), നജ്മു ജല്‍സ (നവാഗതഗായകന്‍), അസ്‌ല വി.സി.അരീക്കോട് (നവാഗതഗായിക), മാസ്റ്റര്‍ അമീര്‍ (ബാലഗായകന്‍), മാസ്റ്റര്‍ അജ്മല്‍ (ശിശുഗായകന്‍) എന്നിവര്‍ക്കും നല്‍കി. സി.ഇമ്പിച്ചി ബീവി ടീച്ചര്‍ (ദേശഭക്തിഗാനം), മറിയം ഹജ്ജുമ്മ (ഖുര്‍ആന്‍ പാരായണം), ചെലവൂര്‍. കെ.സി.അബൂബക്കര്‍ (മാപ്പിളപ്പാട്ട് ഗായകന്‍), കോഴിക്കോട് അബൂബക്കര്‍ (സംഗീത സംവിധായകന്‍), യു.സി.മുഹമ്മദ്കുട്ടി വയനാട് (സീനിയര്‍ ഗായകന്‍), പി.കെ.അജി.മെട്രോ വെള്ളിപറമ്പ് (നടന്‍) എന്നിവരെ ചടങ്ങില്‍ ആദരിച്ചു.
അക്കാദമിയുടെ രജത ജൂബിലി ആഘോഷങ്ങള്‍ എം.പി.അബ്ദുസ്സമദ്‌സമദാനി എം.എല്‍.എ. ഉദ്ഘാടനം ചെയ്തു. സംസ്ഥാന ജനറല്‍ സെക്രട്ടറി കുന്ദമംഗലം സി.കെ.ആലിക്കുട്ടി അധ്യക്ഷതവഹിച്ചു.
11:00 AM | 0 comments

കോഴിക്കോട്ട് വാഹനാപകടത്തില്‍ ഒരു കുടുംബത്തിലെ അഞ്ചുപേര്‍ മരിച്ചു

Written By Malappuram News on Friday, April 6, 2012 | 10:15 AM

കൊയിലാണ്ടി: ബസും കാറും കൂട്ടിയിടിച്ച് ദേശീയപാതയില്‍ മൂടാടി വീമംഗലം യു.പി.സ്‌കൂളിന് സമീപം ഒരു കുടുംബത്തിലെ അഞ്ചുപേര്‍ മരിച്ചു. വടകര പുത്തൂര്‍ അറക്കിലാട് ആയാടത്തില്‍ പരേതനായ കുഞ്ഞിക്കണ്ണന്റെ ഭാര്യ ശാന്ത (65), മകന്‍ ദില്‍ജിത്ത് (45), ദില്‍ജിത്തിന്റെ ഭാര്യ ജിഷ (35), മക്കളായ അങ്കിത്ത് (12), സാന്ദ്ര (8) എന്നിവരാണ് മരിച്ചത്.ഇവര്‍ സഞ്ചരിച്ചിരുന്ന കാര്‍ വടകര കൊയിലാണ്ടി റൂട്ടിലോടുന്ന കിരണ്‍ ബസ്സുമായാണ് കൂട്ടിയിടിച്ചത്. അപകടത്തില്‍ ബസ് യാത്രക്കാര്‍ക്കും പരിക്കുണ്ട്.
കൊയിലാണ്ടി ഭാഗത്തുനിന്ന് വടകരയിലേക്ക് പോകുന്ന കാര്‍ ബസ്സുമായി കൂട്ടിയിടിക്കുകയായിരുന്നു. മരിച്ച ദില്‍ജിത്താണ് കാറോടിച്ചിരുന്നത്. അപകടത്തില്‍ പൂര്‍ണമായി തകര്‍ന്ന കാര്‍ വെട്ടിപ്പൊളിച്ചാണ് യാത്രക്കാരെ പുറത്തെടുത്തത്.
10:15 AM | 0 comments

തെങ്ങില്‍ നിന്ന് വീണ് തൊഴിലാളി മരിച്ചു

Written By Malappuram News on Friday, March 23, 2012 | 9:43 AM

കൊയിലാണ്ടി: തെങ്ങില്‍ നിന്ന് വീണു തെങ്ങ്കയറ്റ തൊഴിലാളി മരിച്ചു. പാലക്കുളം അലിയങ്ങാട്ട് ബാലന്‍ (62) ആണ് മരിച്ചത്. വ്യാഴാഴ്ച രാവിലെയായിരുന്നു അപകടം. ഭാര്യ: രാജേശ്വരി. മക്കള്‍: ശൈലേഷ്, രാജേഷ്, ജിഷ, റിഷ. മരുമക്കള്‍: ബിന്ദു, അനില്‍ (അയനിക്കാട്), ശ്രീജിത്ത് (ഇരിങ്ങല്‍).
9:43 AM | 0 comments

ട്രെയിന്‍ തട്ടി യുവതി മരിച്ചു

Written By Malappuram News on Thursday, March 22, 2012 | 10:38 AM

കൊയിലാണ്ടി: ചേമഞ്ചേരി വടക്കേ വളപ്പില്‍ ലത (38) തീവണ്ടി തട്ടി മരിച്ചു. ട്രെയിന്‍ തട്ടി ഇരുകൈകളും അറ്റനിലയില്‍ മെഡിക്കല്‍കോളേജില്‍ എത്തിച്ച ലതയുടെ ഒരു കൈ തുന്നിച്ചേര്‍ത്തിരുന്നു. എന്നാല്‍ വ്യാഴ്ാഴ്ച പുലര്‍ച്ചെ മരണമടയുകയായിരുന്നു. അച്ഛന്‍: ഭാസ്‌കരന്‍. അമ്മ: സരോജിനി. സഹോദരങ്ങള്‍: ശ്രീജ, മണി.
10:38 AM | 0 comments

അന്താരാഷ്ട്ര അറബിക് സെമിനാര്‍

ഫറോക്ക്: ഫാറൂഖ് റൗസത്തുല്‍ ഉലൂം അറബി കോളേജിന്റെ എഴുപതാം വാര്‍ഷികാഘോഷങ്ങളുടെ ഭാഗമായി 25, 26, 27 തീയതികളില്‍ അന്താരാഷ്ട്ര അറബിക് സെമിനാര്‍ നടത്തും. കോളേജ്, ഹൈസ്‌കൂള്‍, അറബി അധ്യാപകര്‍, ബിരുദാനന്തര വിദ്യാര്‍ഥികള്‍, ഗവേഷണവിദ്യാര്‍ഥികള്‍ എന്നിവര്‍ക്ക് പങ്കെടുക്കാം. രാജ്യത്തിനകത്തുനിന്നും പുറത്തുനിന്നുമുള്ള സര്‍വകലാശാല പ്രൊഫസര്‍മാരും അറബി ഭാഷാപണ്ഡിതന്മാരും പ്രബന്ധങ്ങള്‍ അവതരിപ്പിക്കും. പങ്കെടുക്കുന്നവര്‍ മുന്‍കൂട്ടി രജിസ്റ്റര്‍ ചെയ്യണം.
ഫോണ്‍: 9447358258. ഓണ്‍ലൈനായും രജിസ്റ്റര്‍ ചെയ്യാം.
10:21 AM | 0 comments

ദേശീയ കൈത്തറിമേള 24ന് സമാപിക്കും

കോഴിക്കോട്: കേന്ദ്രകൈത്തറി വികസന കമ്മിഷണറേറ്റിന്റെയും കേന്ദ്ര ടെക്‌സ്‌റ്റൈല്‍ മന്ത്രാലയം, കേരള കൈത്തറി ഡയറക്ടറേറ്റ് എന്നിവയുടെയും ആഭിമുഖ്യത്തില്‍ കോഴിക്കോട് മറൈന്‍ ഗ്രൗണ്ടില്‍ നടക്കുന്ന ദേശീയ കൈത്തറി വസ്ത്ര പ്രദര്‍ശനമേള ശനിയാഴ്ച സമാപിക്കും.
തമിഴ്‌നാട്, കര്‍ണാടക, ആന്ധ്ര, പശ്ചിമബംഗാള്‍, ഡല്‍ഹി, ഉത്തര്‍പ്രദേശ്, മധ്യപ്രദേശ്, പോണ്ടിച്ചേരി, ഒഡിഷ തുടങ്ങിയ സംസ്ഥാനങ്ങളിലെ കൈത്തറി വസ്ത്രങ്ങള്‍ ഒരേ സ്ഥലത്ത് ഇടനിലക്കാരില്ലാതെ ലഭിക്കുന്നുവെന്നതാണ് പ്രദര്‍ശനത്തിന്റെ പ്രത്യേകത. കേരള സര്‍ക്കാര്‍ 20 ശതമാനം റിബേറ്റ് പ്രത്യേകമായി നല്‍കുന്നുണ്ട്. പരുത്തി മുതല്‍ വസ്ത്രമാകുന്നതുവരെയുള്ള വിവിധ ഘട്ടങ്ങള്‍ വിശദീകരിക്കുന്ന തീം പവലിയന്‍ മേളയിലെ ആകര്‍ഷകമാണ്.
10:15 AM | 0 comments

വെങ്ങളത്തുകണ്ടി മൊയ്തുഹാജി നിര്യാതനായി

നടുവണ്ണൂര്‍: കിഴിക്കോട്ട് ജുമാമസ്ജിദ് മഹല്ല് കമ്മിറ്റി മുന്‍ പ്രസിഡന്റും ആദ്യകാല മുസ്‌ലിം ലീഗ് പ്രവര്‍ത്തകനുമായ വെങ്ങളത്തുകണ്ടി മൊയ്തുഹാജി (95) നിര്യാതനായി. കിഴിക്കോട്ട് നിസാമിയ്യ മദ്രസ കമ്മിറ്റി പ്രസിഡന്റായിരുന്നു. ഭാര്യ: പരേതയായ കുഞ്ഞിപ്പാത്തു ഹജ്ജുമ്മ. മക്കള്‍: കാദര്‍ (ദുബായ്), സിദ്ദിഖ്, ആമിന, റസിയ ബീവി, പരേതരായ കുഞ്ഞമ്മദ് ഹാജി, ജമീല. മരുമക്കള്‍: ഇമ്പിച്ചിക്കോയ, ലത്തീഫ്, ആമിന, അരിഫ, ഹഫ്‌സത്ത്, പരേതനായ മുഹമ്മദ്. ഖബറടക്കം വ്യാഴാഴ്ച രാവിലെ 8.30 ന് കിഴിക്കോട്ട് ജുമാ മസ്ജിദ് ഖബറിസ്ഥാനില്‍.
9:27 AM | 0 comments

കോഴിക്കോട്-അഗത്തി വിമാനം വൈകി

Written By Malappuram News on Monday, March 19, 2012 | 1:36 AM

കൊണ്ടോട്ടി: എയര്‍ ഇന്ത്യയുടെ കോഴിക്കോട്-കൊച്ചി-അഗത്തി വിമാനം മൂന്നു മണിക്കൂര്‍ വൈകി. ഉച്ചക്ക് ഒരുമണിക്ക് കൊച്ചിയിലേക്ക് പുറപ്പെടേണ്ട വിമാനം നാലു മണിക്കാണ് പുറപ്പെട്ടത്. ഇതു കാരണം വിമാനത്തിന്റെ കൊച്ചി-അഗത്തി സര്‍വീസും വൈകി. അഗത്തിയില്‍ നിന്നും കൊച്ചി വഴി കോഴിക്കോട്ടേക്കുള്ള സര്‍വീസും വൈകി. വൈകുന്നേരം ഏഴുമണിക്കാണ് വിമാനം ഇവിടെയെത്തിയത്.
1:36 AM | 0 comments

നീനാ ബാലന്‍ പുരസ്‌കാരംപുനലൂര്‍ രാജന് സമ്മാനിച്ചു

Written By Malappuram News on Sunday, March 18, 2012 | 4:05 PM

കോഴിക്കോട്: നീനാ ബാലന്‍ പുരസ്‌കാരം ഫോട്ടോഗ്രാഫര്‍ പുനലൂര്‍ രാജന് എം.കെ. രാഘവന്‍ എം.പി. സമ്മാനിച്ചു. എന്‍.ബി. കൃഷ്ണക്കുറുപ്പ് പൊന്നാടയണിയിച്ചു. ഭാസി മലാപ്പറമ്പ് പുരസ്‌കാര ജേതാവിനെ പരിചയപ്പെടുത്തി. നീനാ ബാലന്‍ ട്രസ്റ്റ് ചെയര്‍മാന്‍ പി.വി. ഗംഗാധരന്‍ അധ്യക്ഷത വഹിച്ചു.
നീന ബാലന്‍ അനുസ്മരണ പ്രഭാഷണം മുന്‍ മേയര്‍ തോട്ടത്തില്‍ രവീന്ദ്രന്‍ നിര്‍വഹിച്ചു. പി. ദാമോദരന്‍, എന്‍.ഇ. ബാലകൃഷ്ണ മാരാര്‍, കെ.പി. കുഞ്ഞിമൂസ, ട്രസ്റ്റ് കണ്‍വീനര്‍ അഡ്വ. എം. രാജന്‍, ഡോ. കെ. മൊയ്തു, നടന്‍ കോഴിക്കോട് നാരായണന്‍ നായര്‍, പി.കെ. കൃഷ്ണനുണ്ണി രാജ, പടിയേരി ഗോപാലകൃഷ്ണന്‍, രാമചന്ദ്രമേനോന്‍ സംസാരിച്ചു.
4:05 PM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers