Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Festival. Show all posts
Showing posts with label Festival. Show all posts

മലപ്പുറം ജില്ലാ സ്‌കൂള്‍ കലോത്സവം: സ്വാഗതസംഘം രൂപവത്കരിച്ചു

Written By Kvartha Delta on Wednesday, October 17, 2012 | 10:14 PM

Malappuram, School, Festival, Kerala, Celebration Committee
മലപ്പുറം: ഡിസംബര്‍ മൂന്ന് മുതല്‍ ആറ് വരെ വണ്ടൂരില്‍ നടക്കുന്ന ജില്ലാ സ്‌കൂള്‍ കലോത്സവത്തിന്റെ സ്വാഗതസംഘം രൂപവത്കരിച്ചു. ഗ്രാമ പഞ്ചായത്ത് പ്രസിഡന്റ് ബീന ഉദ്ഘാടനം ചെയ്തു. ആയിരക്കണക്കിന് പ്രതിഭകള്‍ മാറ്റുരക്കുന്ന ജില്ലാ കലോത്സവത്തിന് പതിനഞ്ച് ലക്ഷത്തോളം ചിലവ് വരുമെന്നാണ് കണക്കാക്കുന്നത്.

ഫണ്ട് കണ്ടെത്താന്‍ പൊതുജനങ്ങളില്‍ നിന്നും സ്ഥാപനങ്ങളില്‍ നിന്നും സംഭാവന സ്വീകരിക്കാനും തീരുമാനിച്ചു. കൂടാതെ യു പി, ഹൈസ്‌കൂള്‍, ഹയര്‍ സെക്കന്‍ഡറി വിഭാഗങ്ങളില്‍ നിന്നായി യഥാക്രമം മൂന്ന്, ആറ്, അഞ്ച് രൂപ വീതം പിരിച്ചെടുക്കാനും യോഗത്തില്‍ തീരുമാനമായി. പരിപാടിയുടെ മുഖ്യരക്ഷാധികാരികളായി കേന്ദ്രമന്ത്രി ഇ അഹമ്മദ്, വിദ്യാഭ്യാസ മന്ത്രി പി കെ അബ്ദുര്‍റബ്ബ്, മന്ത്രിമാരായ ആര്യാടന്‍ മുഹമ്മദ്, എ പി അനില്‍കുമാര്‍, മഞ്ഞളാംകുഴി അലി എന്നിവരെ തിരഞ്ഞെടുത്തു.

രക്ഷാധികാരികളായി എം ഐ ഷാനവാസ് എം പി, ഇ ടി മുഹമ്മദ് ബശീര്‍ എന്നിവര്‍ക്ക് പുറമെ ജില്ലയില്‍ നിന്നുള്ള മുഴുവന്‍ എം എല്‍ എമാരെയും തിരഞ്ഞെടുത്തു. ചെയര്‍പേഴ്‌സണായി ജില്ലാ പഞ്ചായത്ത് പ്രസിഡന്റ് സുഹറ മമ്പാടിനെയും വൈസ് ചെയര്‍മാന്മാരായി ജില്ലാ പഞ്ചായത്ത് വെസ് പ്രസിഡന്റ് പി കെ കുഞ്ഞു, വണ്ടൂര്‍ ബ്ലോക്ക് പഞ്ചായത്ത് പ്രസിഡന്റ് കെ അജിത, ഗ്രാമ പഞ്ചായത്ത് പ്രസിഡന്റ് ബീന, കെ പി ജല്‍സീമിയ, ബീന, എം കെ ഖദീജ എന്നിവരെ തിരഞ്ഞെടുത്തു. ജില്ലാ വിദ്യാഭ്യാസ ഡെപ്യൂട്ടി ഡയറക്ടര്‍ കെസി ഗോപിയാണ് ജനറല്‍ കണ്‍വീനര്‍. കലോത്സവത്തിന്റെ ലോഗോ ക്ഷണിച്ചുള്ള അറിയിപ്പ് ഉടന്‍ ഉണ്ടാകുമെന്നും സംഘാടകര്‍ അറിയിച്ചു.

Keywords: Malappuram, School, Festival, Kerala, Celebration Committee
10:14 PM | 0 comments

മതസൗഹാര്‍ദത്തിന് മാതൃകയായി കളിയാട്ട ഉത്സവം ഇന്ന്

Written By mvarthasubeditor on Friday, June 1, 2012 | 7:24 PM

തിരൂരങ്ങാടി: പ്രസിദ്ധമായ മൂന്നിയൂര്‍ കളിയാട്ടക്കാവ് ഉത്സവം ഇന്ന് നടക്കും കളിയാട്ടത്തോടനുബന്ധിച്ചുള്ള കാര്‍ഷിക ചന്തയും സജീവമായിട്ടുണ്ട്. കോഴിക്കളിയാട്ടത്തിന്റെ മുന്നോടിയായി ഇന്നലെ കുതിരക്കല്യാണം നടന്നു. ദേശക്കാരും ബന്ധുക്കളും ഒത്തുചേര്‍ന്ന് കൊട്ടിപ്പാടലാണ് ഇതിന്റെ ചടങ്ങ്. കാവ് തീണ്ടുന്നതോടെ പൊയ്കുതിരകള്‍ കാവിലേക്ക് പ്രവേശിക്കും.
മത സൗഹാര്‍ദത്തിന് കേളികേട്ട ഉത്സവമാണ് കളിയാട്ടം. പൊയ്കുതിരകളുമായി എത്തുന്ന സംഘങ്ങള്‍ മമ്പുറം മഖാം, മുട്ടിച്ചിറമഖാം എന്നിവിടങ്ങളില്‍ എത്തി കാണിക്ക സമര്‍പ്പിച്ച ശേഷമാണ് കളിയാട്ട കാവിലേക്ക് നീങ്ങുക. കളിയാട്ടത്തിനുള്ള ദിവസം നിശ്ചയിച്ച് കൊടുക്കുന്നത് മമ്പുറം തങ്ങളാണത്രേ. ഇടവ മാസത്തിലെ വെള്ളിയാഴ്ചയാണ് ഉത്സവം നടക്കാറുള്ളത്. തലപ്പാറ മുതല്‍ കളിയാട്ടമുക്ക് വരേ വഴിയോരങ്ങളിലും ഒഴിഞ്ഞ പറമ്പുകളിലുമാണ് പാടത്തും ചന്തകള്‍ നടക്കുന്നത്. ഉപ്പ് തൊട്ട് കര്‍പ്പൂരം വരേയുള്ള സാധനങ്ങള്‍ ഇവിടെ ലഭ്യമാണെന്നാണ് പഴമക്കാരുടെ ശൈലി. കാലവര്‍ഷം തുടങ്ങുന്ന സമയമായതിനാല്‍ വിവിധ തരം വിത്തുകള്‍ പമിയായുധങ്ങള്‍ തുടങ്ങിയവയും ചന്തയില്‍ ലഭ്യമാണ്.

English Summery
Kaliyatta maholsavam, a model for brotherhood 
7:24 PM | 0 comments

പൂര വിസ്‌മയം തീര്‍ക്കാന്‍ തൂത ഒരുങ്ങി.

Written By mvarthasubeditor on Sunday, May 6, 2012 | 10:09 PM

മലപ്പുറം:. പാലക്കാട്‌്‌, മലപ്പുറം ജില്ലകളിലായി തൂതപ്പുഴയോര ഗ്രാമങ്ങളായ ചെര്‍പുളശേരി, നെല്ലായ, ആലിപറമ്പ്‌ പഞ്ചായത്തുകള്‍ തട്ടകങ്ങളായ തൂത ഭഗവതി ക്ഷേത്രത്തിലെ പൂരാഘോഷത്തിനും കാളവേലക്കും നാടും നാട്ടുകാരുമൊരുങ്ങി. വിഷു നാളില്‍ കതിരേറ്റത്തോടെയും കൊടിയേറിയ പൂരാഘോഷത്തിന്‌ മേടം മുഴുവന്‍ നീണ്ടു നിന്ന തോല്‍പ്പാവകൂത്തിനുമാണ്‌ പൂരാഘോഷത്തോടെ സമാപനമേകുന്നത്‌. പൂരത്തിന്‌ മുന്നോടിയായി താലപ്പൊലി ആഘോഷം മെയ്‌ 8 ന്‌ നടക്കും. താലപ്പൊലി മുതല്‍ ആറാട്ടോടെ അഞ്ചു ദിവസം പ്രസിദ്ധമായ പാനപിടുത്തവും നായരുവേലയും വൈകിട്ട്‌ അരങ്ങേറും. 10 നാണ്‌ പ്രസിദ്ധമായ കാളവേല. മൂന്ന്‌ പഞ്ചായത്തുകളിലെ തട്ടകങ്ങളില്‍ നിന്നായി നാല്‌പതില്‍പരം വൈദ്യുത ദീപാലംകൃതമായ ഇണക്കാളക്കോലങ്ങള്‍ വൈകിട്ട്‌ എട്ടുമണിയോടെ കാവു കയറി കാളപ്പറമ്പില്‍ സ്ഥാനം പിടിക്കും. തുടര്‍ന്ന്‌ പതിനൊന്ന്‌ മണി മുതല്‍ പഞ്ചവാദ്യത്തോടെ കാളയിറക്കവും കാളകളിയും നടക്കും.

പൂരപ്രേമികള്‍ക്ക്‌ എന്നും ആവേശമായ തൂതപൂരം 11നാണ്‌. കേരത്തിലെ ഏറ്റവും തലയെടുപ്പുള്ള ഗജവീരന്മാരാണ്‌ പൂരത്തിന്റെ പ്രത്യേകത. തട്ടകളിലെ മൂന്ന്‌ വിഭാഗങ്ങളില്‍ നിന്നായി നാല്‌പതില്‍ പരം ഗജവീരന്മാരാണ്‌ പാണ്ടിമേളത്തോടെയും പഞ്ചവാദ്യത്തോടെയും താളവാദ്യങ്ങളോടെയും വൈകിട്ട്‌ നാലുമണിയോടെ ക്ഷേത്രമൈതാനിയില്‍ സംഗമിക്കുന്നത്‌ നിറഞ്ഞാസ്വദിക്കാന്‍ പതിനായിരങ്ങളാണ്‌ എത്തിച്ചേരുക. തുടര്‍ന്ന്‌ വര്‍ണ്ണാഭമായ കുടമാറ്റം നടക്കുന്നത്‌. തുടര്‍ന്ന്‌ എഴുന്നള്ളിപ്പോടെ പൂരത്തിന്‌ സമാപനമേകും. 12ന്‌ രാവിലെ ഹരിജന്‍വേലയോടെയും ശ്രീരാമ പട്ടാഭിഷേകത്തോടെ തോല്‍പാവകൂത്തിനും സമാപിച്ച്‌ ആറാട്ടോടെ ചടങ്ങുകള്‍ അവസാനിക്കും
Keywords:Malappuram, Palakkad,Trissur, Thootha pooram.
10:09 PM | 0 comments

ഒ.ഐ.സി.സി കലാമത്സരങ്ങള്‍ തുടങ്ങി

Written By Malappuram News on Thursday, March 22, 2012 | 12:17 PM

റിയാദ്: ഒ.ഐ.സി.സി. മലപ്പുറം ജില്ലാ കമ്മിററിയുടെ വാര്‍ഷികാഘോഷങ്ങളുടെ ഭാഗമായി സംഘടിപ്പിച്ച കലാമത്സരങ്ങള്‍ തുടങ്ങി. സെന്‍ട്രല്‍ കമ്മിറ്റി പ്രസിഡണ്ട് സി.എം കുഞ്ഞി കുമ്പള ഉദ്ഘാടനം ചെയ്തു. . പാചകമത്‌സരത്തില്‍ സമീര്‍ ബാബു ഫറോക്ക് ഒന്നാം സമ്മാനവും നിഷാദ് കോട്ടൂര്‍, ഷൗക്കത്ത് മഞ്ചേരി എന്നിവര്‍ രണ്ടും മൂന്നും സ്ഥാനവും നേടി. റിയാദ് പാലസ് ഹോട്ടലിലെ ഷെഫ് അലി താമരശ്ശേരി, റംലത്ത് കോഴിക്കോട് എന്നിവര്‍ വിധി കര്‍ത്താക്കളായിരുന്നു.
തുടര്‍ന്ന് നടന്ന ക്വിസ് മത്‌സരത്തില്‍ ഷുക്കൂര്‍ താനൂര്‍ ഒന്നാം സ്ഥാനവും സെലീന സൈഫ്, ബഷീര്‍ പൊന്നാനി എന്നിവര്‍ രണ്ടും മൂന്നും സ്ഥാനവും നേടി. ഹഫ്‌സ ടീച്ചര്‍ ക്വിസ് മത്‌സരത്തിന് നേതൃത്വം നല്‍കി. നാടന്‍ പാട്ട് മത്‌സരത്തില്‍ നിസാര്‍ മമ്പാട്, ഷാജഹാന്‍ എടക്കര, മുജീബ് കോഴിക്കോട്, നിമാ ഹുസൈന്‍, ഹിബ ബഷീര്‍, സക്കീര്‍ മണ്ണാര്‍മല, തന്‍സീര്‍, നാസര്‍ കല്ലറ, സിദ്ദീഖ് മഞ്ചേശ്വരം തുടങ്ങിയവര്‍ പങ്കെടുത്തു.
ഒ.ഐ.സി.സി മലപ്പുറം ജില്ലാ കമ്മററി പ്രസിഡണ്ട് സിദ്ദീഖ് കല്ലൂപറമ്പന്‍ അധ്യക്ഷത വഹിച്ച സമാപനച്ചടങ്ങില്‍ അബ്ദുള്ള വല്ലാഞ്ചിറ, സലിം കളക്കര, അനില്‍ പൂക്കോട്ടുംപാടം, ഉബൈദ് എടവണ്ണ, നാസര്‍ കാരന്തൂര്‍ തുടങ്ങിയവര്‍ സംസാരിച്ചു
12:17 PM | 0 comments

കോട്ടയ്ക്കല്‍ പൂരത്തിന് തുടക്കം

Written By Malappuram News on Monday, March 19, 2012 | 9:45 AM

കോട്ടയ്ക്കല്‍: കോട്ടയ്ക്കല്‍ പൂരം എന്നറിയപ്പെടുന്ന വിശ്വംഭരക്ഷേത്രോത്സവത്തിനു തുടക്കം. തിടമ്പേന്തിയ ഗജവീരന്മാര്‍ക്കൊപ്പം പഞ്ചവാദ്യവും മേളവും അകമ്പടിയേകിയ എഴുന്നള്ളിപ്പ് ആകര്‍ഷണമായി. പനമണ്ണ ശശി, കല്ലൂര്‍ രാമന്‍കുട്ടി മാരാര്‍ എന്നിവരുടെ തായമ്പകയിലെ താളവിസ്മയം ഉല്‍സവരാവിനു സുകൃതമായി. നാഗസ്വരം, ചാക്യാര്‍കൂത്ത്, വെടിക്കെട്ട്, സന്ധ്യാവേല, ആറന്മുള ശ്രീകുമാരനും സംഘവും അവതരിപ്പിച്ച നാഗസ്വരക്കച്ചേരി എന്നിവയും ഉണ്ടായി. തിങ്കളാഴ്ച രാത്രി ആട്ടവിളക്കിനു തിരിതെളിയും. പിഎസ്‌വി നാട്യസംഘം കലാകാരന്മാര്‍ക്കു പുറമെ പ്രമുഖ കഥകളി ആശാന്മാര്‍ അരങ്ങിലെത്തും. 24ന് എഴുന്നള്ളിപ്പോടെ ഉത്സവം സമാപിക്കും.
9:45 AM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers