Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Campaign. Show all posts
Showing posts with label Campaign. Show all posts

രിസാല ക്യാമ്പയിന്‍: അവാര്‍ഡുകള്‍ പ്രഖ്യാപിച്ചു

Written By mvarthasubeditor on Wednesday, July 11, 2012 | 11:36 PM

മലപ്പുറം: എസ് എസ് എഫ് ജില്ലാ കമ്മിറ്റി മെയ് 15 മുതല്‍ ജൂണ്‍ 15 വരെ സംഘടിപ്പിച്ച രിസാല ക്യാമ്പയിന്‍ അവാര്‍ഡുകള്‍ക്കര്‍ഹരായ വിവിധ ഘടകങ്ങളെ പ്രഖ്യാപിച്ചു. ക്യാമ്പയിന്‍ കാലയളവില്‍ ഏറ്റവും കൂടുതല്‍ വരിക്കാരെ ചേര്‍ത്ത് തിരൂര്‍ ഡിവിഷന്‍ ഒന്നാം സ്ഥാനത്തെത്തി.

ജില്ലാ ടാര്‍ജറ്റിന്റെ നൂറ് ശതമാനത്തിന് മുകളിലെത്തി മഞ്ചേരി, തിരൂരങ്ങാടി, യൂണിവേഴ്‌സിറ്റി ഡിവിഷനുകള്‍ യഥാക്രമം രണ്ട്, മൂന്ന്, നാല് സ്ഥാനങ്ങള്‍ കരസ്ഥമാക്കി. കൊണ്ടോട്ടി, കോട്ടക്കല്‍ ഡിവിഷനുകള്‍ യൂണിറ്റ് ടാര്‍ജറ്റിന്റെ നൂറ് ശതമനം പൂര്‍ത്തയാക്കിയപ്പോള്‍ പൊന്നാനി, അരീക്കോട്, മലപ്പുറം, വളാഞ്ചേരി, വണ്ടൂര്‍ ഡിവിഷനുകള്‍ യൂണിറ്റ് ടാര്‍ജറ്റിന്റെ എഴുപത് ശതമാനം പൂര്‍ത്തിയാക്കി പ്രത്യേക അവാര്‍ഡിന് തിരഞ്ഞെടുക്കപ്പെട്ടു.
ക്യാമ്പയിന്‍ കാലയളവില്‍ ഏറ്റവും കൂടുതല്‍ വരിക്കാരെ ചേര്‍ത്ത് തിരൂര്‍ ഡിവിഷനിലെ തിരുത്തുമ്മല്‍ യൂണിറ്റ് മെഗാ ഓഫറിനും തിരൂരങ്ങാടി ഡിവിഷനിലെ കൊളപ്പുറം നേര്‍ത്ത് യൂണിറ്റ് ഒഫീഷ്യല്‍ ഗിഫ്റ്റിനും മികച്ച ശതമാനം പുര്‍ത്തിയാക്കി എടവണ്ണ സെക്ടറും തിരഞ്ഞെടുക്കപ്പെട്ടു.
അരീക്കോട് ഡിവിഷനിലെ ചീക്കോട്, കൊണ്ടോട്ടി ഡിവിഷനിലെ ഒളമതില്‍, പുത്തൂപാടം, ആല്‍പ്പറമ്പ്, പറവൂര്‍, കോട്ടക്കല്‍ ഡിവിഷനിലെ കല്ലുവെട്ടുപ്പാറ, വെസ്റ്റ് ബസാര്‍, തുറക്കല്‍, കുണ്ടംചിന, പൊട്ടിപ്പാറ, മലപ്പുറം ഡിവിഷനിലെ മങ്ങോട്ടുപുലം, പെരുമ്പറമ്പ്, കടൂപുറം, മഞ്ചേരി ഡിവിഷനിലെ തുവ്വക്കാട്, ഇരുമ്പുഴി, പുത്തന്‍വീട്, തൃപ്പനച്ചി, പാലപ്പറ്റ, മഞ്ഞപ്പറ്റ, കുട്ടശ്ശേരി, നിലമ്പൂര്‍ ഡിവിഷനിലെ വല്ലപ്പുഴ, ചാമപ്പറമ്പ്, തിരൂര്‍ ഡിവിഷനിലെ തിരുത്തുമ്മല്‍, ആലത്തിയൂര്‍, തെക്കന്‍കുറ്റൂര്‍, കാഞ്ഞിരക്കോല്‍, ഇരിങ്ങാവൂര്‍, മങ്ങാട്, കാളാട് കോരങ്ങത്ത്, കൂട്ടായി സൗത്ത്, അയ്യായ റോഡ്, പുത്തതെരു, ലിവാഅ് നഗര്‍, തിരൂരങ്ങാടി ഡിവിഷനിലെ ഹിദായ നഗര്‍, വെള്ളിയാമ്പുറം, കച്ചേരിപ്പടി, പറമ്പില്‍പീടിക, കുളങ്ങര, പെരുമ്പുഴ, പുള്ളിപ്പാറ, ചെമ്മാട്, സി കെ നഗര്‍, ചിറമംഗലം സൗത്ത്, പുത്തനങ്ങാടി, കുണ്ടൂര്‍, ജീലാനി നഗര്‍, ചെറുമുക്ക് ടൗണ്‍, ചീര്‍പ്പിങ്ങല്‍, യൂനിവേഴ്‌സിറ്റി ഡിവിഷനിലെ പനയിപ്പുറം, ആലുങ്ങല്‍, ആലുങ്ങല്‍ ബീച്ച്, കുന്നത്ത്, സിദ്ദീഖാബാദ്, എം എച്ച് നഗര്‍, വെളിമുക്ക്, വളാഞ്ചേരി ഡിവിഷനിലെ കാവുംപുറം, കൊടുമുടി, എടക്കുളം, വണ്ടൂര്‍ ഡിവിഷനിലെ പള്ളിപ്പടി എന്നീ 60 യൂണിറ്റുകള്‍ ഗിഫിറ്റ് ബോക്‌സിന് അര്‍ഹരായി. അവാര്‍ഡ് വിതരണ സംഗമം ഈ മാസം പതിനഞ്ചിന് മലപ്പുറത്ത് നടക്കും.
11:36 PM | 0 comments

ആരോഗ്യ- ആത്മീയ ക്യാമ്പയിന്‍ തുടങ്ങി

Written By mvarthasubeditor on Monday, July 2, 2012 | 1:53 AM

തിരൂരങ്ങാടി: ജീവിതം ആരോഗ്യത്തോടെ മരണം സന്തോഷത്തോടെ എന്ന ശീര്‍ഷകത്തില്‍ വെന്നിയൂര്‍ എസ് വൈ എസ്, എസ് എസ് എഫ്, എസ് ബി എസ് സംഘടനകള്‍ സംഘടിപ്പിക്കുന്ന രണ്ട് മാസക്കാലം നീണ്ട് നില്‍ക്കുന്ന ആരോഗ്യ ആത്മീയ ക്യാമ്പയിന് തുടക്കമായി.

ആദ്യഘട്ടമായി സാമൂഹ്യ-വ്യക്തിത്വ വികസന സെമിനാര്‍ നടന്നു. ക്യാമ്പയിന്റെ ഭാഗമായി സൗജന്യ മെഡിക്കല്‍ ക്യാമ്പുകള്‍, ആരോഗ്യ സെമിനാര്‍, ഹെല്‍ത്ത് ഗൈഡ്, വൃക്ഷത്തൈ വിതരണം, പരിസര ശുചീകരണ പ്രവര്‍ത്തനങ്ങള്‍, ലഹരി വിരുദ്ധ പദ്ധതികള്‍, ഹെല്‍ത്ത് കാര്‍ഡ്, ഔഷധ പെട്ടി, ബോധവത്ക്കരണ കൊളാഷ്, പോസ്റ്റര്‍, സി ഡി പ്രദര്‍ശനം തുടങ്ങിയ ആരോഗ്യ പ്രവര്‍ത്തനങ്ങളും വിശുദ്ധ റമസാനില്‍ മത പഠനക്ലാസ്, സ്വലാത്ത് മജ്‌ലിസ്, റിലീഫ് പ്രവര്‍ത്തനങ്ങള്‍, ഹജ്ജ് ക്ലാസ്, ബദര്‍ മൗലിദ് തുടങ്ങിയ വിവിധ പരിപാടികള്‍ സംഘടിപ്പിക്കും. 

ക്യാമ്പയിന്റെ ഉദ്ഘാടനത്തോടനുബന്ധിച്ച് കോട്ടക്കല്‍ ജെ സി ഐ യുടെ സഹകരണത്തോടെ സംഘടിപ്പിച്ച സാമൂഹ്യ - വ്യക്തിത്വ വികസന സെമിനാര്‍ ഡോ. ഉസൈന്‍ രണ്ടത്താണി ഉദ്ഘാടനം ചെയ്തു. ഹംസ അഞ്ചുമുക്ക് മോട്ടിവേഷന്‍ ക്ലാസെടുത്തു. കെ വി കുഞ്ഞാലന്‍കുട്ടി മുസ്‌ലിയാര്‍, പി കോയമാസ്റ്റര്‍, കെ ഷാജി, എ നാസര്‍, എം പി ആലസന്‍ കുട്ടി ഹാജി, എം പി ഉമര്‍ പ്രസംഗിച്ചു.

English Summery
Health-spiritual campaign starts 
1:53 AM | 0 comments

ഇന്‍ഡസ്ട്രിയല്‍ സ്റ്റാറ്റിസ്റ്റിക്‌സ് : ശില്‍പശാല 29ന്

Written By mvarthasubeditor on Friday, June 29, 2012 | 10:09 AM

മലപ്പുറം: ഇന്ത്യന്‍ സ്റ്റാറ്റിസ്റ്റിക്കല്‍ സിസ്റ്റത്തിന്റെ ഉപജ്ഞാതാവായ പ്രശാന്ത ചന്ദ്ര മഹലനോബിസിന്റെ ജന്മദിനമായ ജൂണ്‍ 29ന് സ്റ്റാറ്റിസ്റ്റിക്‌സ് ദിനമായി ആചരിക്കും. ഇതോടനുബന്ധിച്ച് ''ഇന്‍ഡസ്ട്രിയല്‍ സ്റ്റാറ്റിസ്റ്റിക്‌സ്'' വിഷയത്തില്‍ ഇക്കണോമിക്‌സ് ആന്‍ഡ് സ്റ്റാറ്റിസ്റ്റിക്‌സ് ജില്ലാ ഓഫീസ് ഡി.ആര്‍.ഡി.എ ഹാളില്‍ സംഘടിപ്പിക്കുന്ന ശില്പശാല ജില്ലാ പഞ്ചായത്ത് വൈസ് പ്രസിഡന്റ് പി.കെ.കുഞ്ഞു ഉദ്ഘാടനം ചെയ്യും. 

മീഞ്ചന്ത ഗവ. ആര്‍ട്‌സ് ആന്‍ഡ് സയന്‍സ് കോളേജ് അസി. പ്രഫസര്‍ ഗിരീഷ്ബാബു, ജില്ലാ വ്യവസായ കേന്ദ്രം ജനറല്‍ മാനേജര്‍, മാനേജര്‍, ജില്ലാ പ്ലാനിങ് ഓഫീസര്‍, ഗവ. കോളെജ് ഇക്കണോമിക്‌സ് വകുപ്പ് തലവന്‍, ഡി.ആര്‍.ഡി.എ മലപ്പുറം പ്രൊജക്ട് ഓഫീസര്‍ എന്നിവര്‍ പങ്കെടുക്കും.
സംസ്ഥാനത്തിന്റെ സമ്പത് വ്യവസ്ഥയുടെ വിവിധ മേഖലകളുടെ രൂപീകരണത്തിനും പദ്ധതി നടത്തിപ്പിനും ആവശ്യമായ സ്ഥിതിവിവരക്കണക്കുകളുടെ ശേഖരണം, തരം തിരിക്കല്‍, വിശകലനം, പ്രചരണം എന്നീ പ്രവര്‍ത്തനങ്ങള്‍ക്ക് നേതൃത്വം നല്‍കുന്നത് സാമ്പത്തിക സ്ഥിതിവിവരക്കണക്ക് വകുപ്പാണ്. 

സാമൂഹിക സാമ്പത്തിക വികസനത്തിന് ആവശ്യമായ കാലിക പ്രസക്തിയുള്ള വിഷയാധിഷ്ഠിത സര്‍വെകള്‍, ഗ്രാമ വികസന പദ്ധതികളുടെ അവലോകനം, അപഗ്രഥനം, കേന്ദ്ര സര്‍ക്കാരിന്റെ ഉത്തരവാദിത്തത്തില്‍ നടത്തുന്ന ജനസംഖ്യാ കണക്കെടുപ്പിലെ പങ്കാളിത്തം, കാര്‍ഷിക കനേഷുമാരി, ഹോര്‍ട്ടികള്‍ച്ചര്‍ കണക്കെടുപ്പ്, വ്യവസായിക ഉത്പാദന സൂചിക തയ്യാറാക്കല്‍, വ്യാവസായിക മൊത്ത വിലസൂചിക തയ്യാറാക്കല്‍, വാര്‍ഷിക വ്യവസായ സര്‍വെ എന്നിവ വകുപ്പിന്റെ ശ്രദ്ധേയമായ പ്രവര്‍ത്തനങ്ങളാണ്.
വകുപ്പിന്റെ ജില്ലാ ഓഫീസിനോടനുബന്ധിച്ചുള്ള ലൈബ്രറിയില്‍ വിവിധ വിഷയാധിഷ്ഠിത സര്‍വെകളുടെ റിപ്പോര്‍ട്ടുകള്‍ ഇക്കണോമിക് റിവ്യൂ, സ്റ്റാറ്റിസ്റ്റിക്‌സ് ഫോര്‍ പ്ലാനിങ്, സെന്‍സസ് ഹാന്‍ഡ് ബുക്കുകള്‍ തുടങ്ങിയവ റഫറന്‍സിന് ലഭിക്കുമെന്ന് ഡെപ്യൂട്ടി ഡയറക്ടര്‍ വി.പി.സറഫുദ്ദീന്‍ അറിയിച്ചു.

English Summery
Industrial statistics campaign 
10:09 AM | 0 comments

ജില്ലാ പദ്ധതി രൂപവത്കരണം : ശില്‍പശാല 28ന്

Written By mvarthasubeditor on Thursday, June 28, 2012 | 6:11 PM

മലപ്പുറം: ജില്ലാ പദ്ധതി രൂപവത്കരണ തുടര്‍പ്രവര്‍ത്തനങ്ങള്‍, ഖര-ദ്രവ മാലിന്യ സംസ്‌കരണം എന്നിവ സംബന്ധിച്ച് ചര്‍ച്ച ചെയ്യുന്നതിനുള്ള ശില്‍പശാല ജൂണ്‍ 28ന് രാവിലെ 11 ന് നഗരസഭ ടൗണ്‍ ഹാളില്‍ നടത്തും. ശില്‍പശാലയില്‍ ജില്ലയിലെ ത്രിതല പഞ്ചായത്ത് അധ്യക്ഷന്‍മാര്‍, നഗരസഭാ ചെയര്‍മാന്‍, ഡി.പി.സി. അംഗങ്ങള്‍, മാലിന്യ സംസ്‌കരണ ഏജന്‍സികള്‍, ജില്ലാതല ഉദ്യോഗസ്ഥര്‍ എന്നിവര്‍ സംബന്ധിക്കണമെന്ന് ജില്ലാ ആസൂത്രണ സമിതി സെക്രട്ടറി കൂടിയായ ജില്ലാ കലക്റ്റര്‍ അറിയിച്ചു.
6:11 PM | 0 comments

ലഹരി വിമുക്ത സമൂഹം: സെമിനാര്‍ നടത്തി

മലപ്പുറം: ലോക ലഹരി വിരുദ്ധ ദിനത്തോടനുബന്ധിച്ച് ആരോഗ്യവകുപ്പ് നടത്തിയ സെമിനാറും പോസ്റ്റര്‍ പ്രകാശനവും പൂക്കോട്ടൂര്‍ ബ്ലോക്ക് പ്രാഥമികാരോഗ്യകേന്ദ്രത്തില്‍ മെഡിക്കല്‍ ഓഫീസര്‍ ഡോ.പി.ഇബ്രാഹിം ഉദ്ഘാടനം ചെയ്തു.

 'ലഹരി വിമുക്ത സമൂഹം-നമുക്ക് ചെയ്യാവുന്നത്' വിഷയത്തില്‍ ഡെപ്യൂട്ടി ജില്ലാ മാസ് മീഡിയ ഓഫീസര്‍ കെ.പി.സാദിഖ് അലി സംസാരിച്ചു. ഹെല്‍ത്ത് സൂപ്പര്‍വൈസര്‍ കെ.ജെ.ബ്രിജിത്താമ്മ, ഹെല്‍ത്ത് ഇന്‍സ്‌പെക്ടര്‍മാരായ സി.പി.സുരേഷ് ബാബു, പി.അബ്ദുല്‍ മജീദ്, ബ്ലോക്ക് കോ-ഓഡിനേറ്റര്‍ റ്റി.അബ്ദുള്‍ ഖാസിം എന്നിവര്‍ ചര്‍ച്ചയില്‍ പങ്കെടുത്ത് സംസാരിച്ചു.

English Summery
Anti drugs campaign held 
6:10 PM | 0 comments

'ജിഹാദ്, സമര പോരാട്ടങ്ങളുടെ ഇസ്‌ലാമിക മാനം' പണ്ഡിത ക്യാമ്പ് മൂന്നിന്

മലപ്പുറം: കോട്ടപ്പടി സുന്നി മസ്ജിദില്‍ വെള്ളിയാഴ്ചകളില്‍ നടക്കുന്ന പൊന്മള അബ്ദുല്‍ഖാദിര്‍ മുസ്‌ലിയാരുടെ ഫത്ഹുല്‍ മുഈന്‍ ദര്‍സിന്റെ അഞ്ചാം വാര്‍ഷകാഘോഷങ്ങളുടെ ഭാഗമായി ജൂലായ് മൂന്നിന് ജിഹാദ്, സമര പോരാട്ടങ്ങളുടെ ഇസ്‌ലാമിക മാനം എന്ന വിഷയത്തില്‍ പണ്ഡിത ക്യാമ്പ് നടത്തുന്നു. 

എസ് വൈ എസ് മലപ്പുറം മേഖലാ കമ്മിറ്റിയാണ് ക്യാമ്പ് സംഘടിപ്പിക്കുന്നത്. രാവിലെ ഒമ്പതിന് മലപ്പുറം ബസ് സ്റ്റാന്‍ഡ് ഓഡിറ്റോറിയത്തില്‍ നടക്കുന്ന ക്യാമ്പില്‍ പ്രമുഖ സുന്നി നേതാക്കള്‍ പങ്കെടുക്കും. സയ്യിദ് ഇബ്‌റാഹീമുല്‍ ഖലീലുല്‍ ബുഖാരി, കോട്ടൂര്‍ കുഞ്ഞമ്മു മുസ്‌ലിയാര്‍, സയ്യിദ് അന്‍വര്‍ ശിഹാബ് തങ്ങള്‍ പാണക്കാട് എന്നിവര്‍ പങ്കെടുക്കുന്ന ക്യാമ്പിന് എസ് വൈ എസ് സംസ്ഥാന പ്രസിഡന്റ് പൊന്മള അബ്ദുല്‍ഖാദിര്‍ മുസ്‌ലിയാര്‍ നേതൃത്വം നല്‍കും. 

ആയിരത്തോളം പണ്ഡിതന്‍മാരാണ് ക്യാമ്പില്‍ പങ്കെടുക്കുക. സംശയ നിവാരണത്തിന് ക്യാമ്പില്‍ അവസരമുണ്ടാകും. പങ്കെടുക്കാന്‍ താത്പര്യമുള്ളവര്‍ 9142156083, 9447339464 നമ്പറുകളില്‍ രജിസ്റ്റര്‍ ചെയ്യണം. വാര്‍ഷികാഘോഷങ്ങളുടെ ഭാഗമായി ഒരു വര്‍ഷം നീണ്ടു നില്‍ക്കുന്ന വിവിധ പരിപാടികളാണ് സംഘടിപ്പിച്ചിരിക്കുന്നത്.

English Summery
Jihad, scholars' camp on July 3rd
12:00 AM | 0 comments

ജില്ലാ പദ്ധതി രൂപവത്കരണം : ശില്‍പശാല 28ന്

Written By mvarthasubeditor on Wednesday, June 27, 2012 | 6:58 PM

മലപ്പുറം: ജില്ലാ പദ്ധതി രൂപവത്കരണ തുടര്‍പ്രവര്‍ത്തനങ്ങള്‍, ഖര-ദ്രവ മാലിന്യ സംസ്‌കരണം എന്നിവ സംബന്ധിച്ച് ചര്‍ച്ച ചെയ്യുന്നതിനുള്ള ശില്‍പശാല ജൂണ്‍ 28ന് രാവിലെ 11 ന് നഗരസഭ ടൗണ്‍ ഹാളില്‍ നടത്തും. 

ശില്‍പശാലയില്‍ ജില്ലയിലെ ത്രിതല പഞ്ചായത്ത് അധ്യക്ഷന്‍മാര്‍, നഗരസഭാ ചെയര്‍മാന്‍, ഡി.പി.സി. അംഗങ്ങള്‍, മാലിന്യ സംസ്‌കരണ ഏജന്‍സികള്‍, ജില്ലാതല ഉദ്യോഗസ്ഥര്‍ എന്നിവര്‍ സംബന്ധിക്കണമെന്ന് ജില്ലാ ആസൂത്രണ സമിതി സെക്രട്ടറി കൂടിയായ ജില്ലാ കലക്റ്റര്‍ അറിയിച്ചു.

English Summery
Campaign on dist plan
6:58 PM | 0 comments

ലഹരി വിമുക്ത സമൂഹം: സെമിനാര്‍ നടത്തി

മലപ്പുറം: ലോക ലഹരി വിരുദ്ധ ദിനത്തോടനുബന്ധിച്ച് ആരോഗ്യവകുപ്പ് നടത്തിയ സെമിനാറും പോസ്റ്റര്‍ പ്രകാശനവും പൂക്കോട്ടൂര്‍ ബ്ലോക്ക് പ്രാഥമികാരോഗ്യകേന്ദ്രത്തില്‍ മെഡിക്കല്‍ ഓഫീസര്‍ ഡോ.പി.ഇബ്രാഹിം ഉദ്ഘാടനം ചെയ്തു. 

'ലഹരി വിമുക്ത സമൂഹം-നമുക്ക് ചെയ്യാവുന്നത്' വിഷയത്തില്‍ ഡെപ്യൂട്ടി ജില്ലാ മാസ് മീഡിയ ഓഫീസര്‍ കെ.പി.സാദിഖ് അലി സംസാരിച്ചു.

ഹെല്‍ത്ത് സൂപ്പര്‍വൈസര്‍ കെ.ജെ.ബ്രിജിത്താമ്മ, ഹെല്‍ത്ത് ഇന്‍സ്‌പെക്ടര്‍മാരായ സി.പി.സുരേഷ് ബാബു, പി.അബ്ദുല്‍ മജീദ്, ബ്ലോക്ക് കോ-ഓഡിനേറ്റര്‍ റ്റി.അബ്ദുള്‍ ഖാസിം എന്നിവര്‍ ചര്‍ച്ചയില്‍ പങ്കെടുത്ത് സംസാരിച്ചു.

English Summery
Anti drugs campaign conducted 
6:55 PM | 0 comments

വിദേശ തൊഴിലന്വേഷകര്‍ക്ക് പഠന ക്യാമ്പ്

Written By mvarthasubeditor on Tuesday, June 26, 2012 | 12:18 AM

മലപ്പുറം: നോര്‍ക്ക റൂട്ട്‌സിന്റെ ആഭിമുഖ്യത്തില്‍ ജുലൈ ഏഴിന് വയനാട് ഹോട്ടല്‍ വുഡ് ലാന്‍ഡ്‌സില്‍ വിദേശ തൊഴിലന്വേഷകര്‍ക്കായി പഠന കാംപ് നടത്തും.

വിസ സംബന്ധമായ പ്രശ്‌നങ്ങള്‍, തൊഴില്‍ സംബന്നമായ കരാറുകള്‍ ശമ്പള വ്യവസ്ഥകള്‍, വിദേശത്ത് ഇന്റര്‍വ്യൂവിന് പങ്കെടുക്കുവാന്‍ ഉദ്യോഗാര്‍ത്ഥികളെ പ്രാപ്തരാക്കുന്ന ക്ലാസുകള്‍, വിദേശ തൊഴില്‍ സാഹചര്യങ്ങള്‍, തൊഴില്‍ നിയമങ്ങള്‍, വിവിധ തരം വിസകള്‍, വിദേശ തൊഴില്‍ അവസരങ്ങള്‍, വിദേശ രാജ്യങ്ങളെ കുറിച്ച് അിറഞ്ഞിരിക്കേണ്ട നിയമങ്ങള്‍ എന്നിവയെ കുറിച്ച് പ്രഗത്ഭര്‍ ക്ലാസ്സെടുക്കും. 

നോര്‍ക്ക റൂട്ട്‌സ് സര്‍ട്ടിഫിക്കറ്റിനോടൊപ്പം പഠനസാമഗ്രികള്‍, ഭക്ഷണം എന്നിവ സൗജന്യമായി നല്‍കും.

താത്പര്യമുള്ളവര്‍ 100 രൂപ ഫീസടച്ച് മുന്‍കൂട്ടി രജിസ്റ്റര്‍ ചെയ്യണം. ആദ്യം രജിസ്റ്റര്‍ ചെയ്യുന്ന 100 പേര്‍ക്ക് പ്രവേശനം ലഭിക്കും. ഫോണ്‍ : 0595-2304885, 9744328441, 0497-2765310, 9447653355.

English Summery
Study campaign to foreign job seekers
12:18 AM | 0 comments

മന്ത്രിസഭാ ഒന്നാം വാര്‍ഷികം: ദുരന്ത നിവാരണ സെമിനാര്‍ ആറിന്

Written By mvarthasubeditor on Tuesday, June 5, 2012 | 10:56 PM

മലപ്പുറം: സംസ്ഥാന മന്ത്രി സഭയുടെ ഒന്നാം വാര്‍ഷികത്തോടനുബന്ധിച്ച് ജില്ലിയില്‍ വിപുലമായ പരിപാടികളാണ് ജില്ലാ ഇന്‍ഫര്‍മേഷന്‍ ഓഫീസ് സംഘടിപ്പിക്കുന്നത്. ഇതിന്റെ ഭാഗമായി ജൂണ്‍ ആറിന് രാവിലെ 10.30 ന് നഗരസഭ ടൗണ്‍ഹാള്‍ ഓഡിറ്റോറിയത്തില്‍ ദുരന്തനിവാരണ സെമിനാര്‍ സംഘടിപ്പിക്കും. ജില്ലാ പഞ്ചായത്ത് പ്രസിഡന്റ് സുഹറ മമ്പാട് ഉദ്ഘാടനം ചെയ്യും. മലപ്പുറം നഗരസഭ ചെയര്‍മാന്‍ കെ.പി.മുഹമ്മദ് മുസ്തഫ അധ്യക്ഷത വഹിക്കും. ജില്ലാ ദുരന്ത നിവാരണ അതോറിറ്റി ചെയര്‍മാന്‍കൂടിയായ ജില്ലാ കലക്ടര്‍ എം.സി.മോഹന്‍ദാസ് മുഖ്യപ്രഭാഷണം നടത്തും. റവന്യൂ, പൊലീസ്, ഫയര്‍ ആന്റ് റസ്‌ക്യൂ, വൈദ്യുതി, ഫിഷറീസ്,ആരോഗ്യം, ഗതാഗതം തുടങ്ങിയ വകുപ്പുകളിലെയും പെട്രോളിയം കമ്പനികളിലെയും പ്രതിനിധികള്‍ ക്ലാസെടുക്കും. ജില്ലാ ഇന്‍ഫര്‍മേഷന്‍ ഓഫീസ്, ജില്ലാ ദുരന്തനിവാരണ അതോറിറ്റി സംയുക്തമായിട്ടാണ് സെമിനാര്‍ സംഘടിപ്പിക്കുന്നത്.
ക്ലബ്ബുകളും സന്നദ്ധ സംഘടനകളും പങ്കെടുക്കണം
മലപ്പുറം: സംസ്ഥാന മന്ത്രിസഭയുടെ ഒന്നാം വാര്‍ഷികത്തോടനുബന്ധിച്ച് ജൂണ്‍ ആറിന് രാവിലെ 10 ന് നഗരസഭാ ടൗണ്‍ ഹാള്‍ ഓഡിറ്റോറിയത്തില്‍ ജില്ലാ ഇന്‍ഫര്‍മേഷന്‍ ഓഫീസ്, ജില്ലാ ദുരന്തനിവാരണ അതോറിറ്റി എന്നിവയുടെ ആഭിമുഖ്യത്തില്‍ നടത്തുന്ന ദുരന്ത നിവാരണ സെമിനാറില്‍ ക്ലബ്ബുകളിലെയും സന്നദ്ധ സംഘടനകളിലെയും പ്രതിനിധികള്‍ പങ്കെടുക്കണമെന്ന് ജില്ലാ കലക്ടര്‍ എം.സി.മോഹന്‍ദാസ് അറിയിച്ചു.
10:56 PM | 0 comments

കുട്ടികളുടെ പഠന നിലവാരം: അധ്യാപകരും രക്ഷിതാക്കളും ശ്രദ്ധിക്കണം: ജില്ലാ പഞ്ചായത്ത് പ്രസിഡന്റ്

മലപ്പുറം: അധ്യാപകരും രക്ഷിതാക്കളും കുട്ടികളുടെ പഠനം നിലവാരം, സ്വഭാവം എന്നിവ ശ്രദ്ധിക്കണമെന്നും രക്ഷിതാക്കള്‍ സ്‌കൂളുകളിലെത്തി കുട്ടികളുടെ പഠനപുരോഗതി വിലയിരുത്തണമെന്നും ജില്ലാ പഞ്ചായത്ത് പ്രസിഡന്റ് സുഹറ മമ്പാട് പറഞ്ഞു. പുതിയ അധ്യയന വര്‍ഷാരംഭത്തിന്റെ ഭാഗമായി സംഘടിപ്പിച്ച ജില്ലാതല സ്‌കൂള്‍ പ്രവേശനോത്സവം വേങ്ങര ഉപജില്ലയിലെ ഊരകം മേല്‍മുറി ജി.എം.എല്‍.പി.സ്‌കൂളില്‍ ഉദ്ഘാടനം ചെയ്ത് സംസാരിക്കുകയായിരുന്നു പ്രസിഡന്റ്. ഇതോടനുബന്ധിച്ച് വിവിധ ധനസഹായ വിതരണവും കൈപുസ്തകത്തിന്റെ പ്രകാശനവും നടന്നു. ജില്ലാ പഞ്ചായത്ത് പ്രസിഡന്റ് പി.കെ.കുഞ്ഞു അധ്യക്ഷനായിരുന്നു. കുട്ടികളും അധ്യാപകരും നാട്ടുകാരും ചേര്‍ന്ന് ഘോഷയാത്രയും സംഘടിപ്പിച്ചു.
ജില്ലാ കലക്ടര്‍ എം.സി.മോഹന്‍ദാസ്, വിദ്യാഭ്യാസ ഡെപ്യൂട്ടി ഡയറക്റ്റര്‍ കെ.സി.ഗോപി, ഡയറ്റ് പ്രിന്‍സിപ്പല്‍ പി.അബ്ദുറസാക്ക്, നവോദയ സ്‌കൂള്‍ പ്രിന്‍സിപ്പല്‍ വി.ബി.സുധ, എസ്.എസ്.എ. ജില്ലാ പ്രൊജക്റ്റ് കോര്‍ഡിനേറ്റര്‍ ഇ.ടി.മുഹമ്മദ് മുനീര്‍, പി.ടി.എ പ്രസിഡന്റ് പി.റ്റി. ഉമ്മര്‍, ത്രിതല പഞ്ചായത്ത് പ്രതിനിധികള്‍, സന്നദ്ധ സംഘടനാ പ്രതിനിധികള്‍ തുടങ്ങിയവര്‍ പങ്കെടുത്തു.
പി.റ്റി.എ പ്രസിഡന്റുമാര്‍ക്കും പ്രധാനാധ്യാപകര്‍ക്കുമായി തയ്യാറാക്കിയ 'പഠിപ്പിക്കുക, പരിരക്ഷിക്കുക' എന്ന കൈപുസ്തകവും ഊരകം ഗ്രാമപഞ്ചായത്ത് പ്രസിഡന്റ് പി.കെ.അസ്‌ലു പ്രകാശനം ചെയ്തു.
9:14 PM | 0 comments

രക്ഷിതാക്കള്‍ക്കായി ശില്‍പ­ശാല സംഘ­ടി­പ്പിച്ചു

Written By mvarthasubeditor on Saturday, June 2, 2012 | 9:35 AM

തേഞ്ഞി­പ്പലം: കാലിക്കറ്റ് സര്‍വ്വകലാശാല ഡിപ്പാര്‍ട്ട്‌മെന്റ് ഓഫ് ലൈഫ് ലോങ്ങ് ലേണിങ്ങ് രക്ഷിതാക്കള്‍ക്കായി നടത്തിയ ആര്‍ട്ട് ഓഫ് പേരന്റിങ്ങ് പരിശീലന പരിപാടി സമാപിച്ചു. ‘ സംസ്ഥാനത്തിന്റെ വിവിധ ഭാഗങ്ങളില്‍ നിന്നുള്ള രക്ഷിതാക്കള്‍ മൂന്ന് ദിവസത്തെ ശില്‍പശാലയില്‍ സംബന്ധിച്ചു. സമാപന ചടങ്ങില്‍ സര്‍വ്വകലാശാല പ്രോ വൈസ് ചാന്‍സലര്‍ കെ രവീന്ദ്രനാഥ് സര്‍ട്ടിഫിക്കറ്റ് വിതരണം ചെയ്തു. വകുപ്പ് മേധാവി ഡോ. കെ. ശിവരാജന്‍ അധ്യക്ഷത വഹിച്ചു. പ്രമുഖ കണ്‍സല്‍ട്ടന്റ് സൈക്കോളജിസ്റ്റ് സിസ്റ്റര്‍ കാതറിന്‍ ചാക്കോ ആശംസകളര്‍പ്പിച്ചു. ഡിപ്പാര്‍ട്ട്‌മെന്റ് സെക്ഷന്‍ ഓഫീസര്‍ അബ്ദുള്‍ അഹദ് പതിയില്‍ സ്വാഗതവും പ്രൊജക്റ്റ് കോ-ഓര്‍ഡിനേറ്റര്‍ സഫ് വാന്‍ നന്ദിയും പറഞ്ഞു. ആര്‍ട്ട് ഓഫ് ലിവിങ്ങ് ഫോര്‍ കപ്പിള്‍സ്, ദി ആര്‍ട്ട് ഓഫ് ടീച്ചിങ്ങ് എന്നീ കോഴ്‌സുകള്‍ നടത്താനുള്ള നിര്‍ദ്ദേശങ്ങള്‍ പഠിതാക്കള്‍ മുന്നോട്ട് വെച്ചു.
9:35 AM | 0 comments

എം.­എ­സ്.­എഫ് പരി­സ്തിഥി വാരാ­ച­രണം ജൂണ്‍ 5 മുതല്‍ 11 വരെ

മല­പ്പുറം : അന്താ­രാഷ്ട്ര പരി­സ്തിഥി ദിന­ത്തോ­ട­നു­ബ­ന്ധിച്ച് “ഭാവി­ക്കൊരു കൈ ഭൂമി­ക്കൊരു തൈ” എന്ന പ്രമേ­യ­വു­മായി മലപ്പുറം ജില്ല എം.­എ­സ്.­എഫ് കമ്മിറ്റി ജില്ല­യില്‍ ജൂണ്‍ 5 മുതല്‍ 11 വരെ പരി­സ്തിഥി വാരാ­ച­രണം നടത്തും. യൂണിറ്റ് തല­ങ്ങ­ളില്‍ മരം വെച്ച് പിടി­പ്പി­ക്കു­ക, പരിസ്തിഥി ശുചീക­രണം നട­ത്തു­ക, മണ്ഡലം തല­ങ്ങ­ളില്‍ പരി­സ്തിഥി സദ­സ്സു­കള്‍, ലഘു­ലേഖ വിത­ര­ണം, എന്നിവ ക്യാമ്പ­യി­നിന്റെ ഭാഗ­മായി നടക്കും ആഗോ­ള­താ­പ­നവും രൂക്ഷ­മായ മാലിന്യ പ്രശ്‌ന­ങ്ങ­ളു­മ­ടക്കം വര്‍ത്ത­മാന ലോകം നേരി­ടുന്ന വെല്ലു­വി­ളി­കളെ അതി­ജീ­വി­ക്കാന്‍ പിസ്തിഥി സൗഹൃദ വിക­സ­ന­ങ്ങ­ളി­ലൂടെ മാത്രമെ സാധിക്കൂ എന്ന് ജില്ലാ എം.­എ­സ്.­എഫ് കമ്മിറ്റി അഭി­പ്രാ­യ­പ്പെ­ട്ടു. പരി­സ്തിഥി വാരാ­ചാ­ര­ണ­ത്തിന്റെ ജില്ലാ­തല ഉദ്ഘാ­ടനം ജൂണ്‍ 5 ന് കാലത്ത് 9 മണിക്ക് മല­പ്പുറം ഗവണ്‍മെന്റ് കോളേ­ജില്‍ അബ്ദു­റ­ഹി­മാന്‍ രണ്ട­ത്താണി എം.­എല്‍.എ നിര്‍വ്വ­ഹി­ക്കു­മെന്ന് ജില്ലാ പ്രസി­ഡന്റ് എന്‍.എ കരീമും ജന­റല്‍ സെക്ര­ട്ടറി കെ.എം ശാഫിയും അറി­യി­ച്ചു.
9:30 AM | 0 comments

പുകവലിക്കെതിരെ സംസ്‌കാരം വളര്‍ത്തണം

Written By mvarthasubeditor on Friday, June 1, 2012 | 7:19 PM

മലപ്പുറം: പുകവലിക്കെതിരെ സംസ്‌കാരം വളര്‍ത്തിയെടുക്കാന്‍ സാമൂഹികക്ഷേമ തത്പരരായ പൊതുജനങ്ങള്‍ ഒന്നിക്കണമെന്ന് ജില്ലാ പഞ്ചായത്ത് വൈസ് പ്രസിഡന്റ് പി കെ കുഞ്ഞു പറഞ്ഞു. മലപ്പുറം താലൂക്ക് ആശുപത്രി സമ്മേളന ഹാളില്‍ ലോകപുകയില വിരുദ്ധ ദിനത്തിന്റെ ജില്ലാ തല ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം. ദിനാചരണ സന്ദേശ റാലി സിവില്‍ സ്റ്റേഷന്‍ പരിസരത്ത്‌നിന്നും ജില്ലാ പോലീസ് മേധാവി കെ സേതുരാമന്‍ ഫ്‌ളാഗ് ഓഫ് ചെയ്തു. നഗരസഭാ വൈസ് ചെയര്‍പേഴ്‌സണ്‍ കെ എം ഗിരിജ അധ്യക്ഷത വഹിച്ചു. ഡി എം ഒ ഡോ. കെ സക്കീന മുഖ്യപ്രഭാഷണം നടത്തി. നഗരസഭ ആരോഗ്യ സ്റ്റാന്റിങ് കമ്മിറ്റി ചെയര്‍മാന്‍ പി കെ സക്കീര്‍ ഹുസൈന്‍ പ്രതിജ്ഞ ചൊല്ലിക്കൊടുത്തു. നഗരസഭാംഗം പാലോളി കുഞ്ഞി മുഹമ്മദ്, സൂപ്രണ്ട് ഡോ. പി വി ശശിധരന്‍, ടെക്‌നിക്കല്‍ അസിസ്റ്റന്റ് എം വേലായുധന്‍, ജില്ലാ മാസ് മീഡിയ ഓഫീസര്‍ എം പി ജോര്‍ജ്, ഡെപ്യൂട്ടി മാസ് മീഡിയ ഓഫീസര്‍മാരായ കെ പി സാദിഖലി, പി രാജു സംബന്ധിച്ചു. 'പുകയില ഉത്പന്നങ്ങളും നിയമവശങ്ങളും' എന്ന വിഷയത്തില്‍ നാര്‍കോട്ടിക് സെല്‍ ഡി വൈ എസ്പി എം പി മോഹനചന്ദ്രനും 'പുകയിലയും ആരോഗ്യ പ്രശ്‌നങ്ങളും' വിഷയത്തില്‍ ഡെപ്യൂട്ടി ഡി എം ഒ ഡോ. ആര്‍ രേണുകയും ക്ലാസെടുത്തു.

English Summery
Should conduct campaign against smoking 
7:19 PM | 0 comments

ലഹരി നിര്‍മ്മാര്‍ജന കണ്‍വന്‍ഷന്‍ 31ന് മലപ്പുറത്ത്

Written By mvarthasubeditor on Wednesday, May 30, 2012 | 6:53 PM

മലപ്പുറം: ജില്ലാ ലഹരി നിര്‍മ്മാര്‍ജന സമിതിയുടെ ആഭിമുഖ്യത്തില്‍ പുകയില വിരുദ്ധ ദിനമായ മെയ് 31ന് മലപ്പുറത്ത് ബഹുജന കണ്‍വന്‍ഷനും റാലിയും നടത്തും.മലപ്പുറം ബസ് സ്റ്റാന്റ് ഒഡിറ്റോറിയത്തില്‍ ഇ ടി മുഹമ്മദ് ബഷീര്‍ എം പി ഉദ്ഘാടനം ചെയ്യും.വിവിധ രാഷ്ട്രീയ മതസംഘടനാ പ്രവര്‍ത്തകര്‍ പങ്കെടുക്കും. പാന്‍മസാല നിരോധിച്ച സര്‍ക്കാര്‍ സമ്പൂര്‍ണ മധ്യനിരോധനം കൊണ്ടുവരണമെന്ന് ഭാരവാഹികള്‍ ആവശ്യപ്പെട്ടു.ജില്ലയിലെ മുഴുവന്‍ വിബ്യാലയങ്ങളിലും ബോധവല്‍ക്കരണ ക്യാംപയിന്‍ നടത്തും. ജില്ലയില്‍ ലഹരിവിരുദ്ധ വാഹന ജാഥയും നടത്തും. വാര്‍ത്താ സമ്മേളനത്തില്‍ ജനറല്‍ സെക്രട്ടറി ഒ കെ കുഞ്ഞികോയ, സെക്രട്ടറി സി കെ അഹമ്മദ് കുട്ടി, വര്‍ക്കിങ് സെക്രട്ടറി കെ എച്ച് റസാക്, വൈസ് പ്രസിഡന്റ് അലികാടാമ്പുഴ, ഖജാഞ്ചി കെ കെ എസ് തങ്ങള്‍ വെട്ടിച്ചിറ പങ്കെടുത്തു.

English Summery
Anti drugs campaign on 31st
6:53 PM | 0 comments

ഭീകര വിരുദ്ധ സെമിനാര്‍ 21 ന്

Written By kvartha desk on Sunday, May 20, 2012 | 8:03 PM

മലപ്പുറം: മുന്‍ പ്രധാനമന്ത്രി രാജീവ് ഗാന്ധിയുടെ രക്തസാക്ഷിത്വം ഭീകരവിരുദ്ധ ദിനമായി ആചരിക്കുന്നു. ഇതിന്റെ ഭാഗമായി നെഹ്‌റു യുവകേന്ദ്രയുടെ ആഭിമുഖ്യത്തില്‍ മെയ് 21 ന് രാവിലെ 10 ന് എന്‍.വൈ.കെ ഓഡിറ്റോറിയത്തില്‍ 'തീവ്രവാദവും ഭീകരതയും ചെറുക്കുന്നതില്‍ യുവാക്കളുടെ പങ്കാളിത്തം' എന്ന വിഷയത്തില്‍ സംഘടിപ്പിക്കുന്ന സെമിനാര്‍ ജില്ലാ പോലീസ് മേധാവി കെ.സേതുരാമന്‍ ഉദ്ഘാടനം ചെയ്യും. എ.ഡി.എം എന്‍.കെ. ആന്റണി അദ്ധ്യക്ഷത വഹിക്കും. നെഹ്‌റു യുവകേന്ദ്ര കേരള സോണല്‍ ഡയറക്ടര്‍ എസ്.സതീശ്, റിട്ട. പോലീസ് സൂപ്രണ്ട് എന്‍. സുഭാഷ് ബാബു, ചലച്ചിത്ര അക്കാദമി മെമ്പര്‍ സമദ് മങ്കട, കാലിക്കറ്റ് സര്‍വകലാശാല സൈക്കോളജി വിഭാഗത്തിലെ സുമയ്യ, നാഷനല്‍ യൂത്ത് അവാര്‍ഡ് ജേതാവ് കെ.വി.റാബിയ, നെഹ്‌റു യുവകേന്ദ്ര ജില്ലാ കോഡിനേറ്റര്‍ എം. അനില്‍കുമാര്‍ തുടങ്ങിയവര്‍ പങ്കെടുക്കും.

English Summery
Anti terror campaign on 21st
8:03 PM | 0 comments

വനിതാ ശില്‍പശാല

Written By Malappuram News on Wednesday, March 28, 2012 | 9:21 AM

മലപ്പുറം: സംസ്ഥാന യുവജന ക്ഷേമ ബോര്‍ഡിന്റെ ആഭിമുഖ്യത്തില്‍ മാര്‍ച്ച് 28, 29 മലപ്പുറം ടൗണ്‍ഹാളില്‍ വനിതാ ശില്‍പശാല നടത്തും. 28 ന് രാവിലെ 10 ന് പി ഉബൈദുള്ള എം എല്‍ എ ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് സുഹറ മമ്പാട് അധ്യക്ഷയാവും. മഹിളാ തിലക് അവാര്‍ഡ് നേടിയ നിലമ്പൂര്‍ ആയിഷ, കെ വി റാബിയ, അഡ്വ. കെ പി മറിയുമ്മ,മഹിളാശ്രീ അവാര്‍ഡ് നേടിയ കെ പി മായ, ടി വി മുംതാസ്, റീനാ ജോണ്‍, മീനാക്ഷി തുടങ്ങിയവരെ അനുമോദിക്കും. 29ന് രാവിലെ ഒമ്പത് മുതല്‍ മൂന്ന് വരെ തൊഴില്‍ പരിശീലന ശില്‍പശാലയും വൈകീട്ട് മൂന്നിന് സമാപന സമ്മേളനവും നടക്കും. വികസനകാര്യ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ സക്കീന പുല്‍പാടന്‍, നഗരസഭാ കൗണ്‍സിലര്‍ ജമീല ടീച്ചര്‍ തുടങ്ങിയവര്‍ പങ്കെടുക്കും.
9:21 AM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers