Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Award. Show all posts
Showing posts with label Award. Show all posts

റാഫ് എക്‌സലന്‍സി അവാര്‍ഡ് സമ്മാനിച്ചു

Written By kvartha san on Thursday, June 20, 2013 | 1:18 AM

Raff, Excellence, Award, Manjeri, Traffic police officer, Philip Mambad, Malappuram, Kerala, Malayalam news
മലപ്പുറം: റോഡപകട നിവാരണ ബോധവത്കരണത്തിന്റെ ഭാഗമായി മലപ്പുറം ജില്ലാ പോലീസിന്റെ '' സൂക്ഷിക്കുക; ജീവന്‍ വിലപ്പെട്ടതാണ്'' എന്ന നാടകത്തിലെ മികച്ച അഭിനേതാവിനുള്ള റാഫ് എക്‌സലന്‍സി പുരസ്‌കാരം മഞ്ചേരി ട്രാഫിക് പോലീസ് ഓഫീസര്‍ ഫിലിപ്പ് മമ്പാടന് സമ്മാനിച്ചു.

തൃശ്ശൂര്‍ റേഞ്ച് ഐ. ജി, പി. എസ്. ഗോപിനാഥ് ഐ. പി. എസ് അവാര്‍ഡ് ദാനം നിര്‍വഹിച്ചു. ചടങ്ങില്‍ കെ. എന്‍. എ. ഖാദര്‍ എം. എല്‍. എ, പോലീസ് മേധാവി കെ. സേതുരാമന്‍, റാഫ് സംസ്ഥാന പ്രസിഡന്റ് കെ. എം. അബ്ദു, സെക്രട്ടറി പ്രകാശ്. പി നായര്‍, അസിസ്റ്റന്റ് കമാണ്ടന്റ് ടി. ടി. അബ്ദുല്‍ ജബ്ബാര്‍, ഡി. വൈ. എസ്. പി മാരായ വി. എസ.് രാജു, എം. പി. മോഹനചന്ദ്രന്‍, കെ. എസ്. വിജയകുമാര്‍ എന്നിവര്‍ സംബന്ധിച്ചു.

Keywords: Raff, Excellence, Award, Manjeri, Traffic police officer, Philip Mambad, Malappuram, Kerala, Malayalam news
1:18 AM | 0 comments

രിസാല ക്യാമ്പയിന്‍: അവാര്‍ഡുകള്‍ പ്രഖ്യാപിച്ചു

Written By mvarthasubeditor on Wednesday, July 11, 2012 | 11:36 PM

മലപ്പുറം: എസ് എസ് എഫ് ജില്ലാ കമ്മിറ്റി മെയ് 15 മുതല്‍ ജൂണ്‍ 15 വരെ സംഘടിപ്പിച്ച രിസാല ക്യാമ്പയിന്‍ അവാര്‍ഡുകള്‍ക്കര്‍ഹരായ വിവിധ ഘടകങ്ങളെ പ്രഖ്യാപിച്ചു. ക്യാമ്പയിന്‍ കാലയളവില്‍ ഏറ്റവും കൂടുതല്‍ വരിക്കാരെ ചേര്‍ത്ത് തിരൂര്‍ ഡിവിഷന്‍ ഒന്നാം സ്ഥാനത്തെത്തി.

ജില്ലാ ടാര്‍ജറ്റിന്റെ നൂറ് ശതമാനത്തിന് മുകളിലെത്തി മഞ്ചേരി, തിരൂരങ്ങാടി, യൂണിവേഴ്‌സിറ്റി ഡിവിഷനുകള്‍ യഥാക്രമം രണ്ട്, മൂന്ന്, നാല് സ്ഥാനങ്ങള്‍ കരസ്ഥമാക്കി. കൊണ്ടോട്ടി, കോട്ടക്കല്‍ ഡിവിഷനുകള്‍ യൂണിറ്റ് ടാര്‍ജറ്റിന്റെ നൂറ് ശതമനം പൂര്‍ത്തയാക്കിയപ്പോള്‍ പൊന്നാനി, അരീക്കോട്, മലപ്പുറം, വളാഞ്ചേരി, വണ്ടൂര്‍ ഡിവിഷനുകള്‍ യൂണിറ്റ് ടാര്‍ജറ്റിന്റെ എഴുപത് ശതമാനം പൂര്‍ത്തിയാക്കി പ്രത്യേക അവാര്‍ഡിന് തിരഞ്ഞെടുക്കപ്പെട്ടു.
ക്യാമ്പയിന്‍ കാലയളവില്‍ ഏറ്റവും കൂടുതല്‍ വരിക്കാരെ ചേര്‍ത്ത് തിരൂര്‍ ഡിവിഷനിലെ തിരുത്തുമ്മല്‍ യൂണിറ്റ് മെഗാ ഓഫറിനും തിരൂരങ്ങാടി ഡിവിഷനിലെ കൊളപ്പുറം നേര്‍ത്ത് യൂണിറ്റ് ഒഫീഷ്യല്‍ ഗിഫ്റ്റിനും മികച്ച ശതമാനം പുര്‍ത്തിയാക്കി എടവണ്ണ സെക്ടറും തിരഞ്ഞെടുക്കപ്പെട്ടു.
അരീക്കോട് ഡിവിഷനിലെ ചീക്കോട്, കൊണ്ടോട്ടി ഡിവിഷനിലെ ഒളമതില്‍, പുത്തൂപാടം, ആല്‍പ്പറമ്പ്, പറവൂര്‍, കോട്ടക്കല്‍ ഡിവിഷനിലെ കല്ലുവെട്ടുപ്പാറ, വെസ്റ്റ് ബസാര്‍, തുറക്കല്‍, കുണ്ടംചിന, പൊട്ടിപ്പാറ, മലപ്പുറം ഡിവിഷനിലെ മങ്ങോട്ടുപുലം, പെരുമ്പറമ്പ്, കടൂപുറം, മഞ്ചേരി ഡിവിഷനിലെ തുവ്വക്കാട്, ഇരുമ്പുഴി, പുത്തന്‍വീട്, തൃപ്പനച്ചി, പാലപ്പറ്റ, മഞ്ഞപ്പറ്റ, കുട്ടശ്ശേരി, നിലമ്പൂര്‍ ഡിവിഷനിലെ വല്ലപ്പുഴ, ചാമപ്പറമ്പ്, തിരൂര്‍ ഡിവിഷനിലെ തിരുത്തുമ്മല്‍, ആലത്തിയൂര്‍, തെക്കന്‍കുറ്റൂര്‍, കാഞ്ഞിരക്കോല്‍, ഇരിങ്ങാവൂര്‍, മങ്ങാട്, കാളാട് കോരങ്ങത്ത്, കൂട്ടായി സൗത്ത്, അയ്യായ റോഡ്, പുത്തതെരു, ലിവാഅ് നഗര്‍, തിരൂരങ്ങാടി ഡിവിഷനിലെ ഹിദായ നഗര്‍, വെള്ളിയാമ്പുറം, കച്ചേരിപ്പടി, പറമ്പില്‍പീടിക, കുളങ്ങര, പെരുമ്പുഴ, പുള്ളിപ്പാറ, ചെമ്മാട്, സി കെ നഗര്‍, ചിറമംഗലം സൗത്ത്, പുത്തനങ്ങാടി, കുണ്ടൂര്‍, ജീലാനി നഗര്‍, ചെറുമുക്ക് ടൗണ്‍, ചീര്‍പ്പിങ്ങല്‍, യൂനിവേഴ്‌സിറ്റി ഡിവിഷനിലെ പനയിപ്പുറം, ആലുങ്ങല്‍, ആലുങ്ങല്‍ ബീച്ച്, കുന്നത്ത്, സിദ്ദീഖാബാദ്, എം എച്ച് നഗര്‍, വെളിമുക്ക്, വളാഞ്ചേരി ഡിവിഷനിലെ കാവുംപുറം, കൊടുമുടി, എടക്കുളം, വണ്ടൂര്‍ ഡിവിഷനിലെ പള്ളിപ്പടി എന്നീ 60 യൂണിറ്റുകള്‍ ഗിഫിറ്റ് ബോക്‌സിന് അര്‍ഹരായി. അവാര്‍ഡ് വിതരണ സംഗമം ഈ മാസം പതിനഞ്ചിന് മലപ്പുറത്ത് നടക്കും.
11:36 PM | 0 comments

മഅ്ദിന്‍ വിജയരേഖ പുരസ്‌കാരങ്ങള്‍ വിതരണം ചെയ്തു

Written By mvarthasubeditor on Sunday, May 27, 2012 | 10:52 PM

മലപ്പുറം: വിവിധ തുറകളില്‍ മികവു പുലര്‍ത്തിയ വിദ്യാര്‍ത്ഥികളെ അനുമോദിക്കുന്നതിനും പ്രതിഭകളെ പ്രോത്സാഹിപ്പിക്കുന്നതിനുമായി മഅ്ദിന്‍ അക്കാദമി ഏര്‍പ്പെടുത്തിയ വിജയ രേഖ പുരസ്‌കാരങ്ങള്‍ ഭക്ഷ്യ- സിവില്‍ സപ്ലൈസ് മന്ത്രി അനൂപ് ജേക്കബ് വിതരണം ചെയ്തു.
എസ് എസ് എല്‍ സി, പ്ലസ് ടു, സി ബി എസ് ഇ പരീക്ഷകളില്‍ ഉന്നത വിജയം നേടിയവര്‍ക്കുള്ള അവാര്‍ഡുകളാണ് മന്ത്രി സമ്മാനിച്ചത്.
മത്സര പരീക്ഷകളില്‍ ഉന്നത വിജയം നേടിക്കൊടുക്കുകയെന്ന ലക്ഷ്യത്തില്‍ മാത്രം ഒതുങ്ങാതെ, ഉന്നതമായ ധര്‍മ ചിന്തകള്‍ ജീവിതത്തില്‍ പകര്‍ത്തുന്നതിനുള്ള പരിശീലന കേന്ദ്രങ്ങളായി വിദ്യാഭ്യാസ സ്ഥാപനങ്ങള്‍ മാറേണ്ടതുണ്ടെന്ന് മന്ത്രി അഭിപ്രായപ്പെട്ടു. മദ്യവും മയക്കു മരുന്നുകളും കുട്ടികള്‍ക്കിടയില്‍ പോലും സാര്‍വത്രികമായി മാറിക്കൊണ്ടിരിക്കുന്നു. ഉന്നതമായ മൂല്യങ്ങള്‍ പകര്‍ന്നു കൊടുത്ത്, സാമൂഹ്യ പ്രതിബദ്ധതയുള്ളവരായി പുതിയ തലമുറയെ വാര്‍ത്തെടുക്കുന്നതിനു വേണ്ട കര്‍മ പദ്ധതികള്‍ ഓരോ സ്ഥാപനങ്ങളും സംഘടനകളും ആവിഷ്‌കരിക്കണം.
ഈ രംഗത്ത് മഅ്ദിന്‍ അക്കാദമി നിര്‍വഹിക്കുന്ന മാതൃകാ പദ്ധതികള്‍ എല്ലാവരും ഏറ്റെടുക്കണമെന്നും അദ്ദേഹം പറഞ്ഞു. മഅ്ദിന്‍ എജ്യുപാര്‍ക്കില്‍ നടന്ന ചടങ്ങില്‍ മഅ്ദിന്‍ ചെയര്‍മാന്‍ സയ്യിദ് ഇബ്‌റാഹീമുല്‍ ഖലീലുല്‍ ബുഖാരി അധ്യക്ഷത വഹിച്ചു. കേരള കോണ്‍ഗ്രസ് ജേക്കബ് വിഭാഗം ജില്ലാ സെക്രട്ടറി സെബാസ്റ്റ്യന്‍ മാത്യു, മഅ്ദിന്‍ പബ്ലിക് സ്‌കൂള്‍ പ്രിന്‍സിപ്പല്‍ ഉണ്ണിപ്പോക്കര്‍ മാസ്റ്റര്‍, ജാംഷഡ്പൂരിലെ നോളേജ് മാനേജ്‌മെന്റ് കണ്‍സല്‍റ്റന്റ് നൗഫല്‍ കോഡൂര്‍, ഇബ്‌റാഹീം ബാഖവി മേല്‍മുറി, എസ് എസ് എഫ് സംസ്ഥാന ട്രഷറര്‍ അബ്ദുല്‍ ജലീല്‍ സഖാഫി കടലുണ്ടി പ്രസംഗിച്ചു.

English Summery
Ma'din award distributed
10:52 PM | 0 comments

പ്രൊഫ. കെ എസ് മണിലാലിന് അവാര്‍ഡ് സമ്മാനിച്ചു

Written By mvarthasubeditor on Wednesday, May 2, 2012 | 11:58 PM

കോഴിക്കോട്: കേരളത്തിന്റെ സസ്യ വൈവിധ്യത്തെക്കുറിച്ചുള്ള ആധികാരിക ഗ്രന്ഥമായ ഹോര്‍ത്തൂസ് മലബാറിക്കസ് കാലോചിതമായി പരിഷ്‌കരിച്ച് ലാറ്റിന്‍ ഭാഷയില്‍ നിന്ന് ഇംഗ്ലീഷിലേക്കും മലയാളത്തിലേക്കും പരിഭാഷപ്പെടുത്തിയ പ്രശസ്ത സസ്യശാസ്ത്രകാരന്‍ പ്രൊഫ. കെ എസ് മണിലാലിന് നെതര്‍ലാന്റ് ഗവണ്‍മെന്റിന്റെ അത്യുന്നത സിവിലിയന്‍ പുരസ്‌കാരമായ ഓഫീസര്‍ ഇന്‍ ദി ഓര്‍ഡര്‍ ഓഫ് ഓറഞ്ച് നാസ്സു അവാര്‍ഡ് നെതര്‍ലാന്റ് രാജ്ഞിയുടെ പ്രതിനിധിയായി നെതര്‍ലാന്റിന്റെ കോണ്‍സല്‍ ജനറല്‍ എംഎ വാന്‍ ഡ്രൂനന്‍ ലിറ്റല്‍ സമ്മാനിച്ചു. കോഴിക്കോട് പ്രമുഖ സസ്യശാസ്ത്രജ്ഞന്‍മാരും, പണ്ഡിതന്‍മാരും സംബന്ധിച്ച ചടങ്ങ് മന്ത്രി ഡോ.എം കെ മുനീര്‍ ഉദ്ഘാടനം ചെയ്തു.
ഇന്ത്യയിലെ പരമ്പരാഗത വൈദ്യ ശാസ്ത്ര രംഗത്ത് സുപ്രധാന സ്ഥാനമു ണ്ട ായിരുന്ന ഔഷധ സസ്യങ്ങള്‍ തിരിച്ചറിഞ്ഞതിലൂടെ ലോകത്തിന് മുഴുവന്‍ വലിയ സംഭാവനകള്‍ നല്‍കിയ ഹോര്‍ത്തൂസ് മലബാറിക്കസ് തയ്യാറാക്കുന്നതിന് പതിനേഴാം  നൂറ്റാണ്ടില്‍  മലബാറിലെ ഡച്ച് ഗവര്‍ണ്ണറായിരുന്ന ഹെന്‍ റിക് വാന്‍ റീഡാണ് നേതൃത്വം നല്‍കിയത്. പതിനെട്ടാം നൂറ്റാ ണ്ടിന് മുമ്പ് യൂറോപ്പില്‍ പ്രസിദ്ധീകരിച്ച ഏഷ്യയിലെ വൈദ്യ സസ്യശാസ്ത്ര സംബന്ധിയായ ഏറ്റവും വിപുലമായ പഠന ഗ്രന്ഥം വിശദ വ്യാഖ്യാനത്തിന് വിധേയമാക്കി ലാറ്റിന്‍ ഭാഷയില്‍ നിന്നും ഇംഗ്ലീഷിലേക്കും മലയാളത്തിലേക്കും പരിഭാഷപ്പെടുത്തുക വഴി നെതര്‍ലാന്റിന്റെയും ഇന്ത്യയുടെയും സാംസ്‌കാരിക പാരമ്പര്യത്തിലേക്ക് കൂടി തെളിച്ചം നല്‍കിയതിനാണ് നെതര്‍ലാന്റിന്റെ ഏറ്റവും ഉന്നതമായ സിവിലിയന്‍ പുരസ്‌കാരം ചരിത്രത്തിലാദ്യമായി ഒരു ഏഷ്യക്കാരന് സമ്മാനിച്ചത്. പതിനേഴാം  നൂറ്റാണ്ടിലെ നെതര്‍ലാന്റിലെ ചരിത്രവുമായും അക്കാലത്ത് കേരളത്തിന്റെ സാമൂഹ്യ ചരിത്രവുമായും അഭേദ്യമായി ബന്ധപ്പെട്ടതാണ് ഹോര്‍ത്തൂസ് മലബാറിക്കസിന്റെ പ്രസിദ്ധീകരണം. 16781693 കാലത്ത് ആംസ്റ്റര്‍ഡാമില്‍ നിന്ന് 12 വാല്യങ്ങളായി ലാറ്റിന്‍ ഭാഷയിലാണ് ഇത് പ്രസിദ്ധപ്പെടുത്തിയത്. മലബാറിലെ പ്രമുഖ വൈദ്യനായിരുന്ന ഇട്ടി അച്യുതന്‍ അദ്ദേഹത്തെ സഹായിച്ച നിരവധി വ്യക്തികള്‍, സസ്യങ്ങളുടെ ചിത്രങ്ങള്‍ തയ്യാറാക്കിയ ചിത്രകാരന്‍മാര്‍ എന്നിങ്ങനെ നൂറ് കണക്കിന് പേര്‍ ചേര്‍ന്ന് 25 വര്‍ഷത്തെ പ്രയത്‌ന ഫലമായാണ് ഹോര്‍ത്തൂസ് മലബാറിക്കസ് തയ്യാറാക്കിയത്. കാലിക്കറ്റ് സര്‍വ്വകലാശാല എമറിറ്റസ് പ്രൊഫസര്‍ കെ.എസ് മണിലാല്‍ 35 വര്‍ഷം നീ ഗവേഷണങ്ങളിലൂടെ ഗ്രന്ഥത്തില്‍ പറയുന്ന കാടുകളിലും മലകളിലും ഗ്രാമങ്ങളിലുമൊക്കെ ചെന്ന് സസ്യങ്ങള്‍ ശേഖരിക്കുകയും ശാസ്ത്രീയമായി വ്യാഖ്യാനിക്കുകയും ആധുനിക സസ്യശാസ്ത്ര ഗ്രന്ഥങ്ങള്‍ പ്രയോജനപ്പെടുത്തി വ്യാഖ്യാനക്കുറിപ്പുകള്‍ ചേര്‍ക്കുകയും ചെയ്താണ് ഇംഗ്ലീഷിലേക്ക പരിഭാഷപ്പെടുത്തിയത്. ലാറ്റിന്‍ഭാഷയിലായത് കാരണം വേ ത്ര പ്രയോജനപ്പെടുത്താന്‍ കഴിയാതിരുന്ന ഈ ഗ്രന്ഥം ലോകമെമ്പാടുമുള്ള സസ്യ ശാസ്ത്രകാരന്‍മാര്‍ക്കും, ഗവേഷകര്‍ക്കും പ്രയോജനപ്പെടുത്താന്‍ ഇംഗ്ലീഷ് പരിഭാഷയും വ്യാഖ്യാനവും സഹായകമായി. തുടര്‍ന്ന് മലയാള പരിഭാഷയും തയ്യാറാക്കി. ആയുര്‍വേദവും, അലോപ്പതിയും ഉള്‍പ്പെടുന്ന ചികിത്സാ ശാഖകള്‍ ഈ അറിവ് വിപുലമായി പ്രയോജനപ്പെടുത്തുന്നു. കോഴിക്കോട് താജ് ഗേറ്റ് വേ ഹോട്ടലില്‍ നടന്ന അവാര്‍ഡ് ദാന ചടങ്ങില്‍ ഡോ. സി കെ രാമചന്ദ്രന്‍ അധ്യക്ഷനായിരുന്നു. ഡോ. എംജിഎസ് നാരായണന്‍ ഡോ. ഇന്ദിരാ ബാലചന്ദ്രന്‍ എന്നിവര്‍ സംബന്ധിച്ചു. ബോട്ടണി വകുപ്പ് മേധാവി പ്രൊഫസര്‍ എം സാബു സ്വാഗതവും ഡോ. പി സുനോജ് കുമാര്‍ നന്ദിയും പറഞ്ഞു.

Keywords: Award, Kozhikode, 
11:58 PM | 0 comments

കോഡൂരില്‍ എ.പ്ലസ്.കാര്‍ക്ക് അവാര്‍ഡ്

Written By Malappuram News on Tuesday, May 1, 2012 | 12:29 AM

മക്കരപ്പറമ്പ്: കോഡൂര്‍ ഗ്രാമപഞ്ചായത്തിലെ സ്ഥിരതാമസക്കാരുടെ മക്കളില്‍ നിന്നും എസ്.എസ്.എല്‍.സിക്ക് എല്ലാ വിഷയങ്ങള്‍ക്കും എ.പ്ലസ് ഗ്രേഡ് നേടിയവര്‍ക്ക് കോഡൂര്‍ ഗ്രാമപഞ്ചായത്ത് ഭരണ സമിതി സി.എച്ച്.മുഹമ്മദലി സ്മാരക അവാര്‍ഡ് നല്‍കും. അര്‍ഹരായവര്‍ സ്ഥിര താമസം തെളിയിക്കുന്ന രേഖ, മാര്‍ക്ക് ലിസ്റ്റിന്റെ പ്രിന്റ്ഔട്ട് എന്നിവ സഹിതം മെയ് അഞ്ചിനകം താണിക്കലിലുള്ള ഗ്രാമപഞ്ചായത്ത് ഓഫീസില്‍ അപേക്ഷ നല്‍കണമെന്ന് പ്രഡിഡന്റ് അറിയിച്ചു.

Keywords: Award, Malappuram, student, 
12:29 AM | 0 comments

ഗോള്‍ഡന്‍നിക്ക അവാര്‍ഡ് സമര്‍പ്പണം ശനിയാഴ്ച

Written By Malappuram News on Friday, April 27, 2012 | 12:30 AM

മലപ്പുറം: സംസ്ഥാനത്ത് ആദ്യമായി ഇ-ലിറ്ററസി നേടിയ മലപ്പുറം ജില്ലയ്ക്ക് ലഭ്യമായ അന്തര്‍ദേശീയ അംഗീകാരമായ ഗോള്‍ഡന്‍നിക്ക അവാര്‍ഡ് സമര്‍പ്പണം നൂറടി റോസ് ലോഞ്ച് ഓഡിറ്റോറിയത്തില്‍ ശനിയാഴ്ച രാവിലെ പതിനൊന്നിന് ഐ ടി - വ്യവസായ വകുപ്പ് മന്ത്രി പി കെ കുഞ്ഞാലിക്കുട്ടി നിര്‍വ്വഹിക്കും. അഞ്ച് ലക്ഷത്തി മുപ്പതിനായിരം രൂപയും പ്രശസ്തി പത്രവും ഫലകവുമടങ്ങുന്ന അവാര്‍ഡ് ജില്ലാ പഞ്ചായത്ത് പ്രസിഡണ്ട് സുഹറ മമ്പാട് ഏറ്റുവാങ്ങും. പി ഉബൈദുല്ല എം എല്‍ എ അദ്ധ്യക്ഷത വഹിക്കും.
അക്ഷയ അവാര്‍ഡ് വൈദ്യുതി-ഗതാഗത വകുപ്പ് മന്ത്രി ആര്യാടന്‍ മുഹമ്മദ്, വിദ്യാഭ്യാസ വകുപ്പ് മന്ത്രി പി കെ അബ്ദുറബ്ബ്, പട്ടികജാതി-പിന്നോക്കക്ഷേമ-ടൂറിസം വകുപ്പ് മന്ത്രി എ പി അനില്‍കുമാര്‍ യഥാക്രമം അഡ്വ. എം ഉമ്മര്‍ എം എല്‍ എ, അബ്ദുറഹിമാന്‍ രണ്ടത്താണി എം എല്‍ എ, മുന്‍ ജില്ലാ കലക്ടര്‍ ശിവശങ്കരന്‍ എന്നിവര്‍ക്ക് നല്‍കും.
ബെസ്റ്റ് എന്റര്‍പ്രണര്‍ അവാര്‍ഡ് നഗരവികസന-ന്യൂനപക്ഷ ക്ഷേമ മന്ത്രി മഞ്ഞളാംകുഴി അലി നല്‍കും. ഇന്റല്‍ അവാര്‍ഡുകള്‍ ഇ ടി മുഹമ്മദ് ബഷീര്‍ എം പി അക്ഷയ ജില്ലാ സെക്രട്ടറി കെ പി മുഹമ്മദ് ബഷീറിനും എം ഐ ഷാനവാസ് എം പി തൃപ്പനച്ചി അക്ഷയ സെന്ററിലെ പി മൊയ്തീന്‍ കുട്ടിയ്ക്കും സമ്മാനിക്കും. യു ഐ ഡി അവാര്‍ഡ് ഐ ടി പ്രിന്‍സിപ്പല്‍ സെക്രട്ടറി പി എച്ച് കുര്യനും സംസ്ഥാന ഐ ടി മിഷന്‍ ഡയറക്ടര്‍ ഡോ. ജയശങ്കര്‍ മൊമന്റോയും വിതരണം ചെയ്യും. എം എല്‍ എ മാരായ എം പി അബ്ദുസമദ് സമദാനി, അഡ്വ. കെ എന്‍ എ ഖാദര്‍, കെ മുഹമ്മദുണ്ണി ഹാജി, സി മമ്മൂട്ടി, ടി എ അഹമ്മദ് കബീര്‍, കെ ടി ജലീല്‍, പി കെ ബഷീര്‍, പി ശ്രീരാമകൃഷ്ണന്‍, തദ്ദേശസ്വയംഭരണ സ്ഥാപന പ്രതിനിധികള്‍, രാഷ്ട്രീയ പാര്‍ട്ടി പ്രതിനിധികള്‍ പങ്കെടുക്കും. അക്ഷയ സ്റ്റേറ്റ് പ്രൊജക്ട് ഓഫീസ് ഡയറക്ടര്‍ കോരത് വി മാത്യു റിപ്പോര്‍ട്ട് അവതരിപ്പിക്കും. ജില്ലാ കലക്ടര്‍ എം സി മോഹന്‍ദാസ് സ്വാഗതവും അക്ഷയ ജില്ലാ സെക്രട്ടറി കെ പി മുഹമ്മദ് ബഷീര്‍ നന്ദിയും പറയും.
12:30 AM | 0 comments

മാപ്പിളകലാ അക്കാദമി പുരസ്‌കാരങ്ങള്‍ സമ്മാനിച്ചു

Written By Malappuram News on Tuesday, April 17, 2012 | 11:00 AM

കോഴിക്കോട്: കേരള മാപ്പിളകലാ അക്കാദമി പുരസ്‌കാരങ്ങള്‍ സമ്മാനിച്ചു. മികച്ച ഗാനരചയിതാവിനുള്ള ശിഹാബ്തങ്ങള്‍ പുരസ്‌കാരം അരീക്കോട് പി.ടി.അബ്ദുറഹിമാനും ഭക്തിഗാനരചയിതാവിനുള്ള മോയിന്‍കുട്ടി വൈദ്യര്‍ പുരസ്‌കാരം സയ്യിദ് മുഹമ്മദ് ആരീഫ് കൊയിലാണ്ടിക്കും മുണ്ടമ്പ്ര ഉണ്ണിമമ്മദ് പുരസ്‌കാരം മുഹമ്മദ് മുക്താര്‍.കെ.അരീക്കോടിനും സമ്മാനിച്ചു.
മറ്റു പുരസ്‌കാരങ്ങള്‍ സലാം കൊടിയത്തൂര്‍ (ഹോം സിനിമാ സംവിധാനം) ഒതയമംഗലത്ത് മദന മോഹനന്‍ (ലേഖനപരമ്പര), അബ്ദുല്‍മജീദ് കൂളിമാട് (അറബിഗാനങ്ങള്‍), അഷറഫ് കല്ലോട് (ദേശഭക്തിഗാനങ്ങള്‍), ഹമീദ് പൂവ്വാട്ട് പറമ്പ് (മദ്ഹ്ഗാനം), റഷീദ്‌നാസ് (സൗണ്ട് എന്‍ജിനീയര്‍), ഷബീര്‍ ഷാ യൂണിവേഴ്‌സിറ്റി (ആല്‍ബസംവിധാനം) അഷറഫ് വാവാട് (പരിസ്ഥിതി ലേഖകന്‍), നജ്മു ജല്‍സ (നവാഗതഗായകന്‍), അസ്‌ല വി.സി.അരീക്കോട് (നവാഗതഗായിക), മാസ്റ്റര്‍ അമീര്‍ (ബാലഗായകന്‍), മാസ്റ്റര്‍ അജ്മല്‍ (ശിശുഗായകന്‍) എന്നിവര്‍ക്കും നല്‍കി. സി.ഇമ്പിച്ചി ബീവി ടീച്ചര്‍ (ദേശഭക്തിഗാനം), മറിയം ഹജ്ജുമ്മ (ഖുര്‍ആന്‍ പാരായണം), ചെലവൂര്‍. കെ.സി.അബൂബക്കര്‍ (മാപ്പിളപ്പാട്ട് ഗായകന്‍), കോഴിക്കോട് അബൂബക്കര്‍ (സംഗീത സംവിധായകന്‍), യു.സി.മുഹമ്മദ്കുട്ടി വയനാട് (സീനിയര്‍ ഗായകന്‍), പി.കെ.അജി.മെട്രോ വെള്ളിപറമ്പ് (നടന്‍) എന്നിവരെ ചടങ്ങില്‍ ആദരിച്ചു.
അക്കാദമിയുടെ രജത ജൂബിലി ആഘോഷങ്ങള്‍ എം.പി.അബ്ദുസ്സമദ്‌സമദാനി എം.എല്‍.എ. ഉദ്ഘാടനം ചെയ്തു. സംസ്ഥാന ജനറല്‍ സെക്രട്ടറി കുന്ദമംഗലം സി.കെ.ആലിക്കുട്ടി അധ്യക്ഷതവഹിച്ചു.
11:00 AM | 0 comments

സീതിസാഹിബ് സ്മാരക അവാര്‍ഡ് കരുവള്ളി മുഹമ്മദ് മൗലവിക്ക്

Written By Malappuram News on Friday, April 13, 2012 | 12:08 AM

മലപ്പുറം: വിദ്യാഭ്യാസ രംഗത്തെ സമഗ്ര സംഭാവനക്കും സേവനത്തിനുമായി ജില്ലാ മുസ്‌ലിം യൂത്ത്‌ലീഗ് കമ്മിറ്റി ഏര്‍പ്പെടുത്തിയ പ്രഥമ സീതിസാഹിബ് സ്മാരക അവാര്‍ഡ് കരുവള്ളി മുഹമ്മദ് മൗലവിക്ക്. 15ന് മൂന്നുമണിക്ക് പെരിന്തല്‍മണ്ണ ആയിഷ കോംപ്ലക്‌സ് ഓഡിറ്റോറിയത്തില്‍ നടക്കുന്ന അനുസ്മരണ സമ്മേളനത്തില്‍ പാണക്കാട് സാദിഖലി ശിഹാബ് തങ്ങള്‍ പുരസ്‌കാരം സമ്മാനിക്കും. ദമാം കെ.എം.സി.സി മലപ്പുറം ജില്ലാകമ്മിറ്റിയാണ് പുരസ്‌കാരതുകയായ 10,001 രൂപ നല്‍കുന്നത്.
12:08 AM | 0 comments

അംബേദ്കര്‍ പുരസ്‌കാരം പ്രദീപ് കൊടിഞ്ഞിക്ക്

Written By Malappuram News on Thursday, April 5, 2012 | 3:44 PM


തിരൂരങ്ങാടി: ഓള്‍ ഇന്ത്യ കോണ്‍ഫെഡറേഷന്‍ ഓഫ് എ സി സി, എസ് ടി സംസ്ഥാന കമ്മിറ്റിയുടെ ഡോ. അംബേദ്കര്‍ പുരസ്‌കാരത്തിന് അഖില ഭാരത് രാഷ്രഭാഷ വേദി ജില്ലാ സെക്ര പ്രദീബ് കൊടിഞ്ഞി അര്‍ഹനായി. അഹിന്ദി പ്രദേശങ്ങളില്‍ രാഷ്ട്രഭാഷ ഹിന്ദി പ്രചാരണത്തിന് നല്‍കിയ സംഭാവനകള്‍ കണക്കിലെടുത്താണ് പുരസ്‌കാരം. കെ ഡി ടി എ ജില്ലാ പ്രസിഡന്റായും പ്രവര്‍ത്തിച്ചിരുന്നു.
3:44 PM | 0 comments

ഗവേഷണ പ്രബന്ധത്തിന് ഡോ. ജോസ് പടിക്കലക്ക് അവാര്‍ഡ്

Written By Malappuram News on Thursday, March 22, 2012 | 11:47 AM

തൃശ്ശൂര്‍ : ഇന്ത്യന്‍ ഫാര്‍മസ്യൂട്ടിക്കല്‍ ജേര്‍ണലില്‍ പ്രസിദ്ധീകരിച്ച ഏറ്റവും നല്ല ഗവേഷണ പ്രബന്ധത്തിനുള്ള പ്രൊഫസര്‍ എം.എന്‍. ഖൊരാന അവാര്‍ഡ് അമല കാന്‍സര്‍ റിസേര്‍ച്ച് സെന്ററിലെ ഡോ. ജോസ് പടിക്കലയ്ക്ക് ലഭിച്ചു. രക്തധമനികളിലെ തടസംമൂലം ഹൃദയഭിത്തികളിലുണ്ടാകുന്ന തകരാറുകളെ കുറയ്ക്കുന്നതില്‍ 'ഓരില'യുടെ പങ്കിനെക്കുറിച്ച് ഡോ. ജോസ് പടിക്കലും ഡോ. ജിനോ കുര്യനും ചേര്‍ന്ന് അവതരിപ്പിച്ച പ്രബന്ധത്തിനാണ് അവാര്‍ഡ് ലഭിച്ചത്. മണിപ്പാലില്‍ നടത്തിയ ഇന്ത്യന്‍ ഫാര്‍മസ്യൂട്ടിക്കല്‍ അസോസിയേഷന്‍ സമ്മേളനത്തില്‍ ഡോ. ഗോപാലകൃഷ്ണമൂര്‍ത്തിയാണ് അവാര്‍ഡ് സമ്മാനിച്ചത്.
11:47 AM | 0 comments

നീനാ ബാലന്‍ പുരസ്‌കാരംപുനലൂര്‍ രാജന് സമ്മാനിച്ചു

Written By Malappuram News on Sunday, March 18, 2012 | 4:05 PM

കോഴിക്കോട്: നീനാ ബാലന്‍ പുരസ്‌കാരം ഫോട്ടോഗ്രാഫര്‍ പുനലൂര്‍ രാജന് എം.കെ. രാഘവന്‍ എം.പി. സമ്മാനിച്ചു. എന്‍.ബി. കൃഷ്ണക്കുറുപ്പ് പൊന്നാടയണിയിച്ചു. ഭാസി മലാപ്പറമ്പ് പുരസ്‌കാര ജേതാവിനെ പരിചയപ്പെടുത്തി. നീനാ ബാലന്‍ ട്രസ്റ്റ് ചെയര്‍മാന്‍ പി.വി. ഗംഗാധരന്‍ അധ്യക്ഷത വഹിച്ചു.
നീന ബാലന്‍ അനുസ്മരണ പ്രഭാഷണം മുന്‍ മേയര്‍ തോട്ടത്തില്‍ രവീന്ദ്രന്‍ നിര്‍വഹിച്ചു. പി. ദാമോദരന്‍, എന്‍.ഇ. ബാലകൃഷ്ണ മാരാര്‍, കെ.പി. കുഞ്ഞിമൂസ, ട്രസ്റ്റ് കണ്‍വീനര്‍ അഡ്വ. എം. രാജന്‍, ഡോ. കെ. മൊയ്തു, നടന്‍ കോഴിക്കോട് നാരായണന്‍ നായര്‍, പി.കെ. കൃഷ്ണനുണ്ണി രാജ, പടിയേരി ഗോപാലകൃഷ്ണന്‍, രാമചന്ദ്രമേനോന്‍ സംസാരിച്ചു.
4:05 PM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers