Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Arrest. Show all posts
Showing posts with label Arrest. Show all posts

58 പാസ്‌പോര്‍ട്ടുകളുമായി കാറിലെത്തിയ മൂന്നംഗ സംഘം അറസ്റ്റില്‍

Written By Malappuram News on Monday, September 2, 2013 | 1:51 PM

എടക്കര: 58 പാസ്‌പോര്‍ട്ടുകളുമായി കാറിലെത്തിയ മൂന്നംഗ സംഘത്തെ പോലീസ് അറസ്റ്റ് ചെയ്തു. വഴിക്കടവ് ആനമറിയില്‍ സ്ഥാപിച്ച പോലീസ് ചെക്ക് പോസ്റ്റില്‍ നടത്തിയ പരിശോധനക്കിടയിലാണ് കാറില്‍ നിന്ന് 58 പാസ്‌പോര്‍ട്ടുകള്‍ പിടികൂടിയത്. കണ്ണൂര്‍ ഗീതാലയം മഹേഷ് (45), കൊണ്ടോട്ടി പുളിക്കല്‍ പള്ളിക്കല്‍ ബസാര്‍ ചേലക്കാട് സിദ്ധീഖ് (41) തട്ടേക്കാട്ട് െൈസനുല്‍ ആബിദ് (23) എന്നിവരെയാണ് വഴിക്കടവ് എസ്‌ഐ എംടി പ്രദീപ് കുമാറിന്റെ നേതൃത്വത്തില്‍ അറസ്റ്റ് ചെയ്തത്. കേരള- തമിഴ്‌നാട് അതിര്‍ത്തിയില്‍ ഓണത്തോടനുബന്ധിച്ച് പോലീസ് സ്ഥാപിച്ച ചെക്ക് പോസ്റ്റ് പരിശോധനയിലാണ് പാസ്‌പോര്‍ട്ടുകള്‍ കണ്ടെടുത്തത്. ഹൈദരാബാദില്‍ നിന്ന് കാറില്‍ കേരളത്തിലേക്ക് കൊണ്ടുവരികയായിരുന്നു പാസ്‌പോര്‍ട്ടുകള്‍. ഹൈദരാബാദില്‍ നിന്നുള്ള തൊഴിലാളികളെ വിദേശത്തേക്ക് ജോലിക്ക് കൊണ്ടു പോകാന്‍ പേപ്പറുകള്‍ ശരിയാക്കാനാണ് ഇത്രയും പാസ്‌പോര്‍ട്ട് കൈവശം വെച്ചതെന്നാണ് അറസ്റ്റിലായവര്‍ മൊഴി നല്‍കിയിട്ടുള്ളത്. എന്നാല്‍ പോലീസിന് നല്‍കിയ മൊഴില്‍ വൈരുധ്യമുള്ളതിനാല്‍ കൂടുതല്‍ അന്വേഷണം തുടങ്ങി. മൂന്ന് പേരെയും നിലമ്പൂര്‍ കോടതിയില്‍ ഹാജരാക്കി  
1:51 PM | 0 comments

ഒന്നര കിലോ കഞ്ചാവുമായി രണ്ട്‌ പേര്‍ പിടിയില്‍

Written By mvarthasubeditor on Friday, July 13, 2012 | 9:34 PM

വളാഞ്ചേരി: ഒന്നര കിലോ കഞ്ചാവുമായി യുവതിയെയും യുവാവിനെയും പോലീസ്‌ പിടികൂടി. കോട്ടപ്പുറം അംബാളിലെ പള്ളത്ത്‌ ഷീജ (30) വൈലത്തൂര്‍ പാറങ്ങോട്ടില്‍ ബശീര്‍ എന്ന ഇമ്മിണി ബശീര്‍ (39) എന്നിവരെയാണ്‌ വളാഞ്ചേരി സി ഐ. എ എം സിദ്ദീഖ്‌, എസ്‌ ഐ. വി ജി തിലകന്‍ എന്നിവരടങ്ങുന്ന പോലീസ്‌ സംഘം അറസ്റ്റ്‌ ചെയ്‌തത്‌.

തിരൂര്‍ ഡി വൈ എസ്‌ പി. കെ സലീമിന്‌ ലഭിച്ച രഹസ്യ വിവരത്തിന്റെ അടിസ്ഥാനത്തില്‍ വൈലത്തൂര്‍ സ്വദേശി ബശീര്‍ ഒരാഴ്‌ചയായി പോലീസിന്റെ നിരീക്ഷണത്തിലായിരുന്നു. വൈലത്തൂരിലേക്ക്‌ കഞ്ചാവ്‌ എത്തുന്നത്‌ വളാഞ്ചേരിയില്‍ നിന്നാണെന്ന്‌ വിവരത്തിന്റെ അടിസ്ഥാനത്തില്‍ നേരത്തെ കഞ്ചാവ്‌ കേസില്‍ പ്രതിയായിരുന്നവരെയും പോലീസ്‌ നിരീക്ഷിച്ചിരുന്നു. ഷീജയില്‍ നിന്നും കഞ്ചാവ്‌ വാങ്ങാനെത്തിയ ബശീറിനെ പിന്തുടര്‍ന്നെത്തിയ പോലീസ്‌ സംഘം ഇരുവരെയും പിടികൂടുകയായിരുന്നു. 

നാല്‌ മൊബൈല്‍ ഫോണും 420 രൂപയും പ്രതികളില്‍ നിന്ന്‌ പിടിച്ചെടുത്തു. തിരൂര്‍ ഡി വൈ എസ്‌ പിയുടെ പ്രത്യേക അന്വേഷണ സംഘത്തിലെ സീനിയര്‍ സി പി ഒ. എം സത്യനാരായണന്‍, വളാഞ്ചേരി സീനിര്‍ സി പി ഒ മുരളീധരന്‍, എ എസ്‌ ഐ രഘു, സി പി ഒ മരാരായ സാജന്‍, ശ്രീജ പത്മിനി എന്നിവരടങ്ങിയ സംഘമാണ്‌ പ്രതികളെ പിടികൂടിയത്‌. വടകര കോടതിയില്‍ ഹാജരാക്കിയ പ്രതികളെ റിമാന്‍ഡ്‌ ചെയ്‌തു.
9:34 PM | 0 comments

വീട്ടമ്മയെ മാനഭംഗപ്പെടുത്താന്‍ ശ്രമിച്ചയാള്‍ അറസ്റ്റില്‍

Written By mvarthasubeditor on Tuesday, July 10, 2012 | 2:51 PM

ചങ്ങരംകുളം: സര്‍പ്പദോഷം മാറ്റുമെന്ന് പറഞ്ഞെത്തിയ ആള്‍ വീട്ടമ്മയെ മാനഭംഗപ്പെടുത്താന്‍ ശ്രമിച്ചതായി പരാതി. ആലങ്കോട്ടുള്ള വീട്ടില്‍ സര്‍പ്പപ്രതിമയുമായെത്തിയ ആള്‍ വീട്ടില്‍ സര്‍പ്പകോപം ഉണ്ടെന്നും മാറ്റിത്തരാമെന്നും അറിയിച്ചു.വേണ്ടെന്നു പറഞ്ഞ് അകത്തേക്കു കയറിയ വീട്ടമ്മയെ അപമാനിക്കാന്‍ ശ്രമിച്ചതോട ബഹളംവച്ച് ആളുകളെ കൂട്ടുകയായിരുന്നു. നാട്ടുകാര്‍ പിടികൂടിയ ആനക്കര സ്വദേശിയെ ചങ്ങരംകുളം പൊലീസില്‍ ഏല്‍പ്പിച്ചു.

English Summery
Man arrested for abusing house wife
2:51 PM | 0 comments

കുട്ടികളുടെ ആഭരണം കവരുന്ന മൂന്നംഗ സംഘത്തെ കസ്റ്റഡിയില്‍ വാങ്ങി

Written By mvarthasubeditor on Tuesday, July 3, 2012 | 4:20 PM

തിരൂരങ്ങാടി: കുട്ടികളെ വശീകരിച്ച് സ്വര്‍ണാഭരണം കൈക്കലാക്കുന്ന മൂവര്‍ സംഘത്തെ തിരൂരങ്ങാടി പോലീസ് കസ്റ്റഡിയില്‍ വാങ്ങി.

തെന്നല പാറയങ്ങാടന്‍ മന്‍സൂര്‍ (20) കൊളത്തൂര്‍ കുറുപ്പത്താല്‍ മധുരങ്ങാട്ടില്‍ ലതീഷ്(19) തെന്നല ഇല്ലിക്കല്‍ അറക്കല്‍ മുഹമ്മദ് യാസര്‍ (20) എന്നിവരെയാണ് കസ്റ്റഡിയില്‍ വാങ്ങിയത്. ചെമ്മാട് സി കെ നഗറിലെ വീട്ടു മുറ്റത്ത് കളിക്കുകയായിരുന്ന കുട്ടിയുടെ ചെയിനും അറഞ്ഞാണും കവര്‍ന്ന കേസിലെ അന്വേഷണത്തിനാണ് ഇവരെ കസ്റ്റഡിയില്‍ വാങ്ങിയിട്ടുള്ളതെന്ന് തിരൂരങ്ങാടി പോലീസ് പറഞ്ഞു. 

ഇവരെ ഏതാനും ദിവസം മുമ്പ് തിരൂരങ്ങാടി പോലീസ് അറസ്റ്റ് ചെയ്തതാണ്.
കളിച്ചുകൊണ്ടിരിക്കുന്ന ചെറിയ കുട്ടികളെ മിഠായി നല്‍കിയും മൊബൈലില്‍ ചിത്രങ്ങള്‍ കാണിച്ചു കൊടുത്തും വശീകരിച്ച് ആഭരണങ്ങള്‍ കൈക്കലാക്കുകയാണത്രേ സംഘത്തിന്റെ പതിവ്. 

അഞ്ച് മാസത്തിനിടക്ക് ജില്ലയുടെ വിവിധ ഭാഗങ്ങളിലായി ഇത്തരം 10 കേസുകള്‍ ഉണ്ടായിട്ടുണ്ട്. 12 പവന്‍ സ്വര്‍ണം ഇവര്‍ കവര്‍ന്നതായി പോലീസിന് തെളിവ് ലഭിച്ചിട്ടുണ്ട്. സ്ത്രീകളുടെ കഴുത്തില്‍ നിന്ന് മാലപൊട്ടിക്കുന്നതും ഇവരുടെ പതിവാണ്. നിരവധി കേസുകള്‍ക്ക് ഇതോടെ തുമ്പുണ്ടാകുമെന്ന വിശ്വാസത്തിലാണ് പോലീസ്.

English Summery
Three member robbery gang arrested
4:20 PM | 0 comments

ജ്യോതിഷാലയത്തിന്റെ മറവില്‍ സെക്സ് റാക്കറ്റ്; മൂന്ന്‌ പേര്‍ അറസ്റ്റില്‍

Written By mvarthasubeditor on Sunday, July 1, 2012 | 9:33 AM

തൃശൂര്‍ :  ജ്യോതിഷാലയത്തിന്റെ മറവില്‍ അനാശാസ്യ പ്രവര്‍ത്തനം നടത്തിയിരുന്ന സംഘത്തെ പൊലീസ് പിടികൂടി. ചെമ്പൂച്ചിറ സ്വദേശി അനീഷ്(28), കൊല്ലം സ്വദേശിനി സോന(സോണിയ-27), കോയമ്പത്തൂര്‍ സ്വദേശിനി നന്ദിനി(25) എന്നിവരാണ് പിടിയിലായത്. കോട്ടപ്പുറം ചക്കാമുക്ക് സെന്ററില്‍ വാടകയ്ക്കെടുത്ത വീട്ടിലാണ് ഇവര്‍ പ്രവര്‍ത്തിച്ചിരുന്നത്. ജ്യോത്സ്യനാണെന്ന വ്യാജേനയാണ് ഇവര്‍ ഇവിടെ താമസിച്ചിരുന്നത്.

കഴിഞ്ഞ നാലു മാസമായി ഇവര്‍ ഇവിടെ പ്രവര്‍ത്തിക്കുന്നുണ്ടെന്ന് പൊലീസ് പറഞ്ഞു. രഹസ്യംവിവരം ലഭിച്ചതിനെ തുടര്‍ന്നാണ് പൊലീസ് പരിശോധന നടത്തിയത്. വെസ്റ്റ് സിഐ രാമചന്ദ്രന്റെയും എസ്എച്ച്എ ദീരജ് കുമാര്‍ ഗുപ്ത എന്നിവരുടെ നേതൃത്വത്തിലുള്ള സംഘമാണ് ഇവരെ പിടികൂടിയത്. എസ്ഐ അബ്ദുല്‍ റഹിം, എഎസ്ഐ ജോര്‍ജ്, വനിത പൊലീസുകാരായ ശുഭ, ശ്രീജ എന്നിവരും സംഘത്തിലുണ്ടായിരുന്നു. പിടിയിലായവരെ ഇന്ന് കോടതിയില്‍ ഹാജരാക്കും.

English Summery
Sex racket busted in Trissure 
9:33 AM | 0 comments

മധ്യവയസ്ക്കന്റെ കൊലപാതകം; സ്ത്രീയടക്കം 2 തമിഴ്നാട് സ്വദേശികള്‍ അറസ്റ്റില്‍

Written By mvarthasubeditor on Saturday, June 30, 2012 | 8:10 AM

കോട്ടയ്ക്കല്‍: മധ്യവയസ്കനെ കഴുത്തില്‍ മുണ്ടിട്ടുമുറുക്കിയും കല്ലുകൊണ്ട് ഇടിച്ചും കൊലപ്പെടുത്തി പാടത്തു തള്ളിയെന്ന കേസില്‍ രണ്ടുപേരെ പൊലീസ് പിടികൂടി. തമിഴ്നാട് തിരുവാരൂര്‍ ജില്ലയിലെ മുത്തുപ്പേട്ട വടക്കേക്കോവില്‍ സരോജിനി (സരോജം-55), മധുര ഉസിലാംപെട്ടി തടയന്‍പെട്ടി കൊടങ്ങിനായ്ക്കപ്പടി പെരുമാള്‍ (51) എന്നിവരെയാണ് തിരൂര്‍ സിഐ ആര്‍. റാഫിയും സംഘവും അറസ്റ്റ് ചെയ്തത്. കഴിഞ്ഞ 21നു രാവിലെയാണ് മലമ്പുഴ മന്തക്കാട് ഡാമിനു സമീപത്തെ കണിയാലപ്പറമ്പത്ത് അറുമുഖം മകന്‍ സുബ്രഹ്മണ്യ(52)നെ കാവതികളം പാടത്തു മരിച്ച നിലയില്‍ കണ്ടെത്തിയത്.

ടൗണിലെ സ്വര്‍ണം അരിപ്പുകാരനായിരുന്നു സുബ്രഹ്മണ്യന്‍. പോസ്റ്റ്മോര്‍ട്ടം റിപ്പോര്‍ട്ടിന്റെ അടിസ്ഥാനത്തിലാണ് കൊലപാതകമാണെന്നു തെളിഞ്ഞത്. തുടര്‍ന്നു നടത്തിയ അന്വേഷണത്തിലാണ് ഇരുവരും പിടിയിലായത്. കടംവാങ്ങിയ പണവും മൊബൈല്‍ ഫോണും തിരികെ നല്‍കാത്തതിനെത്തുടര്‍ന്നുണ്ടായ വാക്ക് തര്‍ക്കമാണ് കൊലപാതകത്തിനു കാരണമായതെന്നു പൊലീസ് പറഞ്ഞു. ഡിവൈഎസ്പി കെ. സലീമിന്റെ നേതൃത്വത്തിലുള്ള പ്രത്യേകസംഘമാണ് കേസന്വേഷിച്ചത്.

സംഭവത്തെക്കുറിച്ച് പൊലീസ് പറയുന്നത്: സുബ്രഹ്മണ്യന്‍ സരോജിനിയുടെ കൂടെ രണ്ടു വര്‍ഷം താമസിച്ചിരുന്നു. ഇവരില്‍നിന്ന് 6,000 രൂപ, മൊബൈല്‍ ഫോണ്‍ എന്നിവ വാങ്ങിയ ശേഷം സുബ്രഹ്മണ്യന്‍ നാടുവിട്ടു. അതിനു ശേഷം പെരുമാള്‍ സരോജിനിയുടെ കൂടെ താമസം തുടങ്ങി. സുബ്രഹ്മണ്യന്‍ വേങ്ങരയില്‍ ഉണ്ടെന്നു മനസ്സിലാക്കിയ സരോജിനി അവിടെച്ചെന്ന് പണം ചോദിച്ചു. 20നു വൈകിട്ട് നഗരസഭാ കമ്യൂണിറ്റി ഹാളിനു സമീപം ഇരുവരും വഴക്കുകൂടുകയും സുബ്രഹ്മണ്യന്‍ സരോജിനിയെ അടിക്കുകയും ചെയ്തു.

പിന്നീട്, ബാറില്‍നിന്നു മദ്യം വാങ്ങി മൂന്നുപേരും ഓട്ടോയില്‍ കയറുകയും സുബ്രഹ്മണ്യനെ കോട്ടപ്പടിയില്‍ ഇറക്കുകയും ചെയ്തു. രാത്രി 12 മണിയോടെ സരോജിനിയും പെരുമാളും സുബ്രഹ്മണ്യനെ വിളിച്ചുണര്‍ത്തുകയും മദ്യപിക്കാനായി കാവതികളം പാടത്ത് എത്തുകയുമായിരുന്നു. അവിടെവച്ചും വഴക്കുണ്ടായി. തുടര്‍ന്ന് കൊലപ്പെടുത്തുകയായിരുന്നു. കോട്ടയ്ക്കല്‍ എസ്ഐ എന്‍.ബി. ഷൈജു, വല്‍സലകുമാര്‍, സുധീഷ്, പ്രവീണ്‍കുമാര്‍, അനൂപ്, സന്തോഷ്കുമാര്‍, അനില്‍കുമാര്‍, സത്യന്‍, പ്രമോദ്, രാജേഷ്, അസീസ്, സരിത, ബിന്ദു എന്നിവരും സിഐയുടെ കൂടെയുണ്ടായിരുന്നു.

English Summery
Two including woman arrested in murder case
8:10 AM | 0 comments

യുവ എന്‍ജിനീയറുടെ മരണം; ഒറീസ സ്വദേശി അറസ്റ്റില്‍

Written By mvarthasubeditor on Wednesday, June 27, 2012 | 10:59 PM

എടപ്പാള്‍: നിര്‍മാണത്തിലിരിക്കുന്ന സ്വകാര്യ ആശുപത്രിയുടെ നിര്‍മാണ പ്രവര്‍ത്തികള്‍ക്ക് മേല്‍നോട്ടം വഹിക്കുന്ന യുവാവിന്റെ കൊലപാതകവുമായി ബന്ധപ്പെട്ട് ഒറീസ സ്വദേശിയായ യുവാവിനെ പൊന്നാനി സി ഐ. കെ അബ്ദുല്‍ മുനീര്‍ അറസ്റ്റ് ചെയ്തു. 

ഇവിടെത്തെ നിര്‍മാണതൊഴിലാളിയായ ഒറീസയിലെ കല്‍ഹണ്ടി ജില്ലയിലെ പിത്തിക്കുടി വില്ലേജില്‍ ശത്തൂര്‍ഭുജ ഷെട്ടി(25)യാണ് അറസ്റ്റിലായത്. സൈറ്റ് സൂപ്പര്‍വൈസറായിരുന്ന അട്ടപ്പാടി അഗളി ചാവടിയൂര്‍ മേലേമുള്ളി രവി (22)യെയാണ് തിങ്കളാഴ്ച രാവിലെ കെട്ടിടത്തിന്റെ ലിഫ്റ്റ് മുറിയില്‍ മരിച്ച നിലയില്‍ കണ്ടെത്തിയത്. 

ജോലി സംബന്ധിച്ച് ഇരുവരും അഭിപ്രായ വ്യത്യാസങ്ങള്‍ ഉണ്ടാകാറുണ്ടെന്നും സംഭവ ദിവസം ഇരുവരും ഒരുമിച്ച് മദ്യപിച്ചിരുന്നതായു ശേഷം നടന്ന തര്‍ക്കം കൊലയില്‍ കലാശിക്കുകയായിരുന്നുവെന്നുമാണ് പോലീസ് പറയുന്നത്. രവിയുടെ തലക്കും കഴുത്തിന്റെ പിന്‍ഭാഗത്തും സിമന്റ് കട്ടകൊണ്ട് ഇടിച്ച് വീഴ്ത്തിയതിന് ശേഷം വായയും മൂക്കും പൊത്തിപിടിച്ച് മരണം ഉറപ്പു വരുത്തുകയായിരുന്നു. ശേഷം രവിയുടെ വലിച്ചെറിഞ്ഞു. പിന്നീട് ധരിച്ചിരുന്ന വസ്ത്രങ്ങള്‍ കഴുകിയിട്ട് താമസ സ്ഥലത്ത് വന്ന് ഉറങ്ങുകയും ചെയ്തു. 

തിങ്കളാഴ്ച രാവിലെ ഏഴു മണിക്ക് കോയമ്പത്തൂരിലേക്ക് പോവുകയായിരുന്നു. ഇയാളെ കാണാതായത് അന്വേഷണത്തിന്റെ ആരംഭത്തില്‍ തന്നെ പോലീസ് ശ്രദ്ധിച്ചിരുന്നു. എന്നാല്‍ വൈകുന്നേരം ഇയാള്‍ തിരിച്ചെത്തി. പിന്നീട് പ്രതിയടക്കം 15 പേരെ പോലീസ് കസ്റ്റഡിയിലെടുക്കുകയും ചോദ്യം ചെയ്യലില്‍ മൊഴിയിലെ വൈരുദ്ധ്യങ്ങള്‍ മനസിലാക്കിയ പോലീസ് കൂടുതല്‍ ചോദ്യം ചെയ്തതോടെ പ്രതി കുറ്റസമ്മതം നടത്തുകയായിരുന്നു. 

ചൊവ്വാഴ്ച വൈകുന്നേരം പ്രതിയുമായി സ്ഥലത്ത് തെളിവെടുപ്പ് നടത്തി. മൊബൈല്‍ ഫോണ്‍, സിം കാര്‍ഡ്, സംഭവ സമയത്ത് പ്രതി ഉപയോഗിച്ചിരുന്ന വസ്ത്രങ്ങള്‍ എന്നിവ പോലീസിന് കാണിച്ചു കൊടുത്തു. പ്രതിയെ ഇന്ന് പൊന്നാനി കോടതിയില്‍ ഹാജരാക്കും.

English Summery
Orissa native arrested in murder case 
10:59 PM | 0 comments

43 കാരിയെ ബലാല്‍സംഗം ചെയ്ത യുവാവിന് ജാമ്യം നിഷേധിച്ചു

Written By mvarthasubeditor on Tuesday, June 26, 2012 | 8:59 AM

മഞ്ചേരി: നാല്‍പത്തിമൂന്നുകാരിയായ വീട്ടമ്മയെ വീട്ടില്‍ അതിക്രമിച്ചു കയറി ഭീഷണിപ്പെടുത്തി ബലാല്‍സംഗം ചെയ്ത കേസില്‍ യുവാവിന്റെ ജാമ്യാപേക്ഷ മഞ്ചേരി ജില്ലാ സെഷന്‍സ് കോടതി തള്ളി. 

മങ്കട കടന്നമണ്ണ പെരയന്‍കോട്ടില്‍ ഷാഹുല്‍ ഹമീദി(19)ന്റെ ജാമ്യാപേക്ഷയാണ് ജില്ലാ ജഡ്ജി പി കെ ഹനീഫ തള്ളിയത്. ഇക്കഴിഞ്ഞ 28നാണ് സംഭവം. അയല്‍വാസിയായ പ്രതി റിമാന്റിലാണ്.

English Summery
Bail rejected to accused in rape case
8:59 AM | 0 comments

കുനിയില്‍ ഇരട്ടക്കൊലപാതകം: ഒരാള്‍ കൂടി അറസ്റ്റില്‍

അരീക്കോട്: കുനിയില്‍ കൊളക്കാടന്‍ ആസാദ്, കൊളക്കാടന്‍ അബൂബക്കര്‍ എന്നിവരെ വെട്ടിക്കൊലപ്പെടുത്തിയ കേസില്‍ ഒരാള്‍ കൂടി അറസ്റ്റില്‍. കുനിയില്‍ അന്‍വാര്‍ നഗര്‍ ആലുങ്ങല്‍ വീട്ടില്‍ നവാസ് ഷരീഫ് (21) ആണ് ഇന്നലെ കുനിയില്‍ വെച്ച് അറസ്റ്റിലായത്. ഇതോടെ ഈ കേസില്‍ 19 പേര്‍ പിടിയിലായി. 

കൊലപാതകികള്‍ക്ക് സ്ഥലം ചൂണ്ടിക്കാണിച്ചുവെന്നതും ഗൂഢാലോചനയില്‍ പങ്കെടുത്തുവെന്നതുമാണ് നവാസ് ഷരീഫിനെതിരെയുള്ള കേസ്. ഒളിവിലായിരുന്ന നവാസ് ഷരീഫിനു വേണ്ടി നേരത്തെ പൊലീസ് ലൂക്കൗട്ട് സര്‍ക്കുലര്‍ പുറപ്പെടുവിച്ചിരുന്നു. 

കൊലപാതകം ആസൂത്രണം ചെയ്ത ശേഷം ഗള്‍ഫിലേക്ക് കടന്നുവെന്ന് കരുതുന്ന കുനിയില്‍ നടുപ്പാട്ട് മുജീബുറഹ്മാന്‍, കുനിയില്‍ ഓത്തുപള്ളിപ്പുറായ സഫൂര്‍ എന്നിവരാണ് ഇനി ഈ കേസുമായി പിടിയിലാവാനുള്ളത്.

English Summery
One more arrested in twin murder case
8:47 AM | 0 comments

കുനിയില്‍ ഇരട്ടക്കൊല: മുഖ്യപ്രതി മുഖ്താര്‍ പിടിയില്‍

Written By mvarthasubeditor on Wednesday, June 20, 2012 | 1:01 PM

മലപ്പുറം: കുനിയില്‍ ഇരട്ടക്കൊലക്കേസിലെ ഗള്‍ഫിലേക്ക് കടന്ന മുഖ്യപ്രതി മുഖ്താര്‍ പിടിയില്‍. ഇന്നലെ പുലര്‍ച്ചെ നാലിനുള്ള എയര്‍ഇന്ത്യയുടെ ദോഹ വിമാനത്തില്‍ കരിപ്പൂര്‍ വിമാനത്താവളത്തിലിറങ്ങിയപ്പോഴാണ് പൊലീസ് അറസ്റ്റ് ചെയ്തത്. ഇതോടെ കൊലപാതകത്തില്‍ നേരിട്ട് പങ്കെടുത്ത എല്ലാവരും പിടിയിലായതായി പൊലീസ് പറഞ്ഞു.
ജനുവരിയില്‍ വെട്ടേറ്റുമരിച്ച കുനിയില്‍ അതീഖുര്‍റഹ്മാന്റെ സഹോദരനാണ് മുഖ്താര്‍. അതീഖിനെ വധിച്ചതിന് പ്രതികാരമായാണ് ഈ കേസിലെ പ്രതികളായ കൊളക്കാടന്‍ ആസാദിനെയെയും അബൂബക്കറിനെയും വെട്ടിക്കൊന്നത്. കൊലയുടെ ആസൂത്രണമടക്കം വെട്ടുന്നതുവരെയുള്ള എല്ലാ കാര്യങ്ങളിലും മുഖ്താര്‍ പങ്കെടുത്തിരുന്നുവെന്ന് പൊലീസ് പറഞ്ഞു. കൊളക്കാടന്‍ സഹോദരന്‍മാര്‍ക്കെതിരെ ആക്രമണം നടക്കുന്നതിന് ഒരാഴ്ച മുമ്പാണ് മുഖ്താര്‍ ഗള്‍ഫില്‍ നിന്നും നാട്ടിലെത്തിയത്. എഫ് ഐ ആറില്‍ സാക്ഷിമൊഴിയുണ്ടായിട്ടും പിറ്റേന്ന് മുഖ്താര്‍ ഗള്‍ഫിലേക്ക് കടന്നത് ഏറെ ചോദ്യങ്ങളുയര്‍ത്തിയിരുന്നു. മുഖ്താറിനെ ഗള്‍ഫില്‍ നിര്‍ത്തിയാല്‍ കൊലയാളിയെ സഹായിച്ചതിന് കേസെടുക്കുമെന്ന് പറഞ്ഞ് സ്‌പോണ്‍സറില്‍ സമ്മര്‍ദ്ദം ചെലുത്തിയതിനെതുടര്‍ന്നാണ് ഇയാളെ മടക്കിയയച്ചത്.
മുഖ്താറിനെ ഇന്നലെ വൈകീട്ട് മഞ്ചേരി ജുഡീഷ്യല്‍ ഫസ്റ്റ് ക്‌ളാസ് മജിസ്േ്രടട്ട് സി ജി ഘോഷയുടെ വസതിയില്‍ ഹാജരാക്കി 15 ദിവസത്തേക്ക് റിമാന്‍ഡ് ചെയ്തു. തിരിച്ചറിയല്‍ പരേഡ് നടക്കാനുള്ളതിനാല്‍ ഇയാളെ മഞ്ചേരി സബ്ജയിലില്‍ പ്രത്യേക സെല്ലില്‍ അടച്ചു. തിരിച്ചറിയല്‍ പരേഡിന് ശേഷം പ്രതിയെ കുറ്റകൃത്യവുമായി ബന്ധപ്പെട്ട സ്ഥലങ്ങളില്‍ കൊണ്ടുപോയി തെളിവെടുപ്പ് നടത്തും.
പൊലീസ് എഫ് ഐ ആര്‍ പ്രകാരം ഗൂഡാലോചനക്കും കുറ്റകൃത്യത്തിന് പ്രേരിപ്പിച്ചതിലും പ്രതിയായ പി കെ ബഷീര്‍ എം എല്‍ എയുടെ പങ്ക് ഇനിയുള്ള അന്വേഷണത്തിലാണ് പരിശോധിക്കുക. ഇതുവരെയുള്ള അന്വേഷണത്തില്‍ എം എല്‍ എക്കെതിരെ യാതൊരു തെളിവും ലഭിച്ചിട്ടില്ല. എന്നാല്‍ മുഖ്യആസൂത്രകനായ മുഖ്താര്‍ പിടിയിലായതോടെ ഇക്കാര്യത്തില്‍ കൃത്യമായ ഉത്തരം ലഭിക്കുമെന്നാണ് പൊലീസിന്റെ പ്രതീക്ഷ. ഇയാളെ ചോദ്യം ചെയ്തതിന് ശേഷം പ്രത്യേക അന്വേഷണസംഘത്തലവന്‍ തൃശൂര്‍ റേഞ്ച് ഐ ജി. എസ് ഗോപിനാഥിന്റെ നേതൃത്വത്തില്‍ തെളിവുകള്‍ വിലയിരുത്തിയ ശേഷമാകും എം എല്‍ എയെ ചോദ്യം ചെയ്യുന്നത് സംബന്ധിച്ച തീരുമാനമുണ്ടാകുക.

English Summery
Main accused arrested in twin murder
1:01 PM | 0 comments

പീഡനം: യുവാവ് അറസ്റ്റില്‍

മഞ്ചേരി: വിവാഹ വാഗ്ദാനം നല്‍കി പീഡിപ്പിച്ച സംഭവത്തില്‍ യുവാവിനെ പോലീസ് അറസ്റ്റ് ചെയ്തു. അരീക്കോട് കാവനൂര്‍ ഇരിവേറ്റി സ്വദേശിയായ താന്നിക്കുന്ന് സുരേന്ദ്രന്‍ (28)ആണ് അറസ്റ്റിലായത്. വണ്ടൂര്‍ കൂരാട് സ്വദേശിനിയായ 16 കാരിയാണ് പീഡനത്തിനിരയായത്.
കഴിഞ്ഞ 16 ന് വീട്ടില്‍ നിന്നിറങ്ങിയ കുട്ടി ഒരു ദിവസം കഴിഞ്ഞാണ് തിരിച്ചെത്തിയത്. തുടര്‍ന്നുള്ള അന്വേഷണത്തിലാണ് പീഡന വിവരം പുറത്തറിയുന്നത്. പത്താം ക്ലാസില്‍ പഠിക്കുമ്പോള്‍ മൊബൈല്‍ ഫോണ്‍ വഴിയാണ് ഇയാളെ പരിചയത്തിലായതത്രെ.
ഗൂഡല്ലൂരില്‍കൊണ്ടുപോയി പീഡിപ്പിച്ചെന്നും പരാതിയില്‍ പറയുന്നു. ഇയാളുടെപേരില്‍ അരീക്കോട് പോലീസ് സ്‌റ്റേഷനിലും സമാനമായ മറ്റൊരു കേസ് നിലവിലുണ്ട്. പല സ്ഥലങ്ങളില്‍ നിന്നും പെണ്‍കൂട്ടികളെ വശീകരിച്ച് കൊണ്ടുപോയി പീഢിപ്പിച്ചിട്ടുണ്ടെന്ന് പോലീസ് പറഞ്ഞു.എന്നാല്‍ പലരും പരാതി നല്‍കാന്‍ തയ്യാറാല്ലെന്നും പോലീസ് പറഞ്ഞു.

Keywords:Harassment, Manjeri, Malappuram, കേരള, Arrest,
12:20 AM | 0 comments

കുനിയില്‍ ഇരട്ടക്കൊലപാതകക്കേസില്‍ വീണ്ടും അറസ്റ്റ് രണ്ട്‌പേര്‍കൂടി പിടിയില്‍

Written By mvarthasubeditor on Sunday, June 17, 2012 | 10:04 PM

അരീക്കോട്: അരീക്കോട് കുനിയില്‍ ഇരട്ടക്കൊലപാതക കേസില്‍ ഇന്നലെ രണ്ട് പേര്‍കൂടി പോലീസിന്റെ പിടിയിലായി. കുനിയില്‍ വടക്കേപാലി മഹ്ശൂം (27), ആള്‍ട്ടോ കാര്‍ ഡ്രൈവര്‍ മാതാനത്ത്കുഴി കബീര്‍ എന്ന ഉണ്ണിക്കുട്ടന്‍ (20) എന്നിവരാണ് പിടിയിലായത്.

അബൂബക്കറിനെ വെട്ടിക്കൊലപ്പെടുത്തതില്‍ നേരിട്ട് പങ്കെടുത്തയാളാണ് മഹ്ശൂം. ഇതോടെ കേസില്‍ പിടിയിലായവരുടെ എണ്ണം പന്ത്രണ്ടായി. വിദേശത്തേക്ക് കടന്ന മുഖ്യപ്രതി മുഖ്താറിനെ ഉടനെ നാട്ടിലെത്തിച്ച് അറസ്റ്റ് ചെയ്യും. ഏതാനും പേര്‍കൂടി അടുത്ത ദിവസങ്ങളിലായി പിടിയിലാകുമെന്ന് പോലീസ് പറഞ്ഞു. 

കുനിയില്‍ വിളഞ്ഞോത്ത് സാനിഷ് എന്ന ചെറുമണി (28), കുനിയില്‍ കിഴക്കേതൊടി ഫത്തീന്‍ (19), ഈമാന്‍കുന്ന് ഫള്ല്‍ (20), അന്‍വാര്‍നഗര്‍ കോലോത്തുംതൊടി അനസ് (20), അന്‍വാര്‍ നഗര്‍ വിളങ്ങോത്ത് ഇടക്കണ്ടി മുഹമ്മദ് ശരീഫ് എന്ന ചെറി (32), പത്താം പ്രതി കുനിയില്‍ ന്യൂ ബസാര്‍ മഠത്തില്‍ കുറുമാടന്‍ അബ്ദുല്‍ അലി (30), പതിനൊന്നാം പ്രതി കുനിയില്‍ അന്‍വാര്‍ നഗര്‍ നടുപ്പാട്ടില്‍ കുറുവങ്ങാടന്‍ ശറഫുദ്ദീന്‍ (34), പന്ത്രണ്ടാം പ്രതി കുനിയില്‍ സലഫി മസ്ജിനു പിന്‍വശം താമസിക്കുന്ന ആലുംകണ്ടി ഇരുമാംകടവത്ത് സഫറുള്ള (31), പുളളിപ്പാടം വയലിലകത്ത് താന്നിക്കുന്ന് ഫിറേസ്ഖാന്‍ (30), പെരുമ്പറമ്പ് ചീക്കുളം റിയാസ് (35) എന്നിവരെ നേരത്തെ പോലീസ് അറസ്റ്റ് ചെയ്തിരുന്നു.

English Summery
Two arrested in twin murder case. 
10:04 PM | 0 comments

ഇരട്ടക്കൊല: രണ്ട് പേര്‍ പിടിയില്‍

Written By Malappuram News on Thursday, June 14, 2012 | 4:13 PM

അരീക്കോട്: കുനിയില്‍ കഴിഞ്ഞ ഞായറാഴ്ചയുണ്ടായ ഇരട്ടകൊലപാതകത്തില്‍ രണ്ട് പേര്‍ അറസ്റ്റില്‍. മമ്പാട് പുള്ളിപ്പാടം വയലിലകത്ത് താന്നിക്കുന്ന് ഫിറോസ്ഖാന്‍ (30), അരീക്കോട് പെരുമ്പറമ്പ് ചീക്കുളം റിയാസ് (35) എന്നിവരെയാണ് അറസ്റ്റ് ചെയ്തത്. പ്രതികളെ രക്ഷപ്പെടാന്‍ സഹായിക്കുകയും സംരക്ഷിക്കുകയും ചെയ്തുവെന്നാണ് ഇവര്‍ക്കെതിരെയുള്ള കേസ്. ഇവരെ ഇന്ന് മഞ്ചേരി ഒന്നാംക്ലാസ് മജിസ്‌ട്രേറ്റ് ജുഡീഷ്യല്‍ കോടതിയില്‍ ഹാജരാക്കും.
മുഖ്യപ്രതിയെന്ന് കരുതുന്ന മുഖ്താര്‍ വിദേശത്തേക്ക് കടന്നതായും സൂചനയുണ്ട്. കൊലപാതകം നടന്ന രാത്രി തന്നെ മുഖ്താറിന് വേണ്ടി ലുക്കൗട്ട് നോട്ടിസ് പുറപ്പെടുവിച്ചിരുന്നു. എന്നാല്‍ ഇതിനുള്ള നടപടിക്രമങ്ങള്‍ പൂര്‍ത്തിയാകുന്നതിന് മുമ്പ് തന്നെ പ്രതി വിദേശത്തേക്ക് കടന്നതായാണ് സൂചന. മുഖ്താറിന്റെ അളിയനാണ് അറസ്റ്റിലായ ഫിറോസ്ഖാന്‍. നിരവധി പേരെ കേസന്വേഷണത്തിന്റെ ഭാഗമായി പോലീസ് കസ്റ്റഡിയിലെടുത്ത് ചോദ്യം ചെയ്തു വരികയാണ്. പ്രത്യേകാന്വേഷണ സംഘം തലവന്‍ തൃശൂര്‍ റൈഞ്ച് ഐ ജി. എസ് ഗോപിനാഥിന്റെ നേതൃത്വത്തില്‍ അതീവ രഹസ്യമായാണ് അന്വേഷണം പുരോഗമിക്കുന്നത്.
കഴിഞ്ഞ ഞായറാഴ്ച രാത്രിയാണ് മുഖം മൂടി അണിഞ്ഞെത്തിയ അക്രമികള്‍ സഹോദരങ്ങളായ കൊളക്കാടന്‍ ആസാദ്, കൊളക്കാടന്‍ അബൂബക്കര്‍ എന്നിവരെ വെട്ടിക്കൊലപ്പെടുത്തുകയായിരുന്നു. കുനിയില്‍ സെവന്‍സ് ഫുട്‌ബോള്‍ ടൂര്‍ണമെന്റിനെ ചൊല്ലിയുണ്ടായ തര്‍ക്കത്തെത്തുടര്‍ന്ന് കത്തിക്കുത്തില്‍ കൊല്ലപ്പെട്ട അതഖുര്‍റഹ്മാന്‍ കൊലക്കകേസിലെ പ്രതികളാണ് കൊല്ലപ്പെട്ട ആസാദും അബൂബക്കറും.
കേസന്വേഷണവുമായി ബന്ധപ്പെട്ട് രാവിലെ അരീക്കോടെത്തിയ ഐ ജി അന്വോഷണ സംഘത്തില്‍പ്പെട്ട മലപ്പുറം എസ് പി. കെ സേതുരാമന്‍, പാലക്കാട് എസ് പി. എം പി ദിനേശ്, ഡി വൈ എസ് പി മാരായ എം പി മോഹനചന്ദ്രന്‍ നായര്‍, എസ് അഭിലാഷ് എന്നിവരുമായി കൂടിക്കാഴ്ച നടത്തി. അരീക്കോട് എം എസ് പി ക്യാമ്പില്‍ ക്യാമ്പ് ചെയ്താണ് അന്വേഷണത്തിന് നേതൃത്വം നല്‍കുന്നത്.
അക്രമികള്‍ ഉപയോഗിച്ചെതെന്നു കരുതുന്ന സുമോ വാനും അക്രമികള്‍ രക്ഷപ്പെടാന്‍ ഉപയോഗിച്ച പിക്കപ്പ് ലോറിയും ഫോറന്‍സിക് പരിശോധനക്ക് വിധേയമാക്കി. അരീക്കോട് പൊലീസ് സ്റ്റേഷന്‍ പരിസരത്ത് സൂക്ഷിച്ചിട്ടുള്ള വാഹനങ്ങള്‍ തൃശൂര്‍ റീജ്യനല്‍ ഫോറന്‍സിക് സെന്റര്‍ സയിന്‍സ് ലബോറട്ടറിയിലെ അസിസ്റ്റന്റ് ഡയറക്ടര്‍ അന്നമ്മാജോണ്‍ ആണ് ഫോറന്‍സിക് പരിശോന നടത്തിയത്. വിശദമായ പരിശോധനക്ക് ശേഷമേ കൂടുതല്‍ വിവരങ്ങള്‍ ലഭ്യമാകുകയുള്ളൂ.
അക്രമികള്‍ സഞ്ചരിച്ച വാഹനം ഓടിച്ച ഡ്രൈവറെന്ന് കരുതുന്ന സുധീഷിനെ രാത്രി വൈകിയും ചോദ്യം ചെയ്യല്‍ തുടരുകയാണ്. കഴിഞ്ഞ ദിവസം നിലമ്പൂര്‍ പുള്ളിപ്പാടത്തു വെച്ചാണ് സുധീഷിനെ കസ്റ്റഡിയിലെടുത്തത്.

Keywords: Arrest, Areekode, Malappuram, കേരള, 
4:13 PM | 0 comments

ജനല്‍ ചില്ലുകള്‍ തകര്‍ത്ത കേസില്‍ രണ്ട് പേര്‍ അറസ്റ്റില്‍

Written By mvarthasubeditor on Tuesday, June 5, 2012 | 10:38 PM

മേലാറ്റൂര്‍: അങ്കണ്‍വാടിയിലെ ജനല്‍ ചില്ലുകള്‍ തകര്‍ത്ത കേസില്‍ രണ്ട് പേര്‍ അറസ്റ്റില്‍. എപ്പാക്കാട് പൂമോണിക്കാടിലെ അങ്കണ്‍വാടിയിലാണ് കഴിഞ്ഞ മാസം രാത്രിയില്‍ സമൂഹ്യ വിരുദ്ധര്‍ അഴിഞ്ഞാടിയതും. ജനല്‍ ചില്ലുകളും മറ്റും തകര്‍ത്തത്. ഇതില്‍ എപ്പിക്കാട് പൂലാണിക്കാട് പുതുക്കുടി ഇബ്‌റാഹിം (22), കിഴക്കുംപാടം വാക്കയില്‍ സുബ്രഹ്മണ്യന്‍ (31) എന്നിവരെയാണ് മേലാറ്റൂര്‍ പോലീസ് അറസ്റ്റ് ചെയ്തത്. ഇവരെ പെരിന്തല്‍മണ്ണ കോടതിയില്‍ ഹാജരാക്കി. 14 ദിവസത്തേക്ക് റിമാന്‍ഡ് ചെയ്ത.

English Summery
Two arrested in relation with broken windows 
10:38 PM | 0 comments

വീട്ടില്‍ കയറി അക്രമം; രണ്ട്‌പേര്‍ അറസ്റ്റില്‍

കല്‍പകഞ്ചേരി: വീട്ടില്‍ കയറി അക്രമം നടത്തിയ സംഭവത്തില്‍ രണ്ടുപേര്‍ പോലീസ് പിടിയിലായി. പുന്നത്തല ചെലൂര്‍ സ്വദേശികളായി കരിങ്കപ്പാറ മര്‍സൂഖ് (22), മങ്ങാട്ട് കാവുങ്ങല്‍ യൂനുസ് (21) എന്നിവരെയാണ് കല്‍പകഞ്ചേരി എസ് ഐ. കെ എസ് ശെല്‍വരാജും സംഘവും അറസ്റ്റ് ചെയ്തത്. കഴിഞ്ഞ ദിവസം രാത്രി പുന്നത്തല സ്വദേശി ഹാരിസിന്റെ വീട്ടില്‍ കയറി അക്രമിച്ച കേസിലാണ് അറസ്റ്റ്.

English Summery
Two arrested in house attack 
10:27 PM | 0 comments

യാത്രക്കാരിയെ മാനഭംഗപ്പെടുത്താന്‍ ശ്രമിച്ച കേസില്‍ ഡ്രൈവറും ക്‌ളീനറും പിടിയില്‍

Written By mvarthasubeditor on Friday, June 1, 2012 | 7:29 PM

മലപ്പുറം: യാത്രക്കാരിയെ മാനഭംഗപ്പെടുത്താന്‍ ശ്രമിച്ച കേസില്‍ ബസ്‌ഡ്രൈവറും ക്‌ളീനറും പിടിയില്‍. ഹെന്ന പൂളാട്ട് എന്ന സ്വകാര്യ ബസിലെ ഡ്രൈവറായ പയ്യനാട് മണവാട്ടില്‍ വീട്ടില്‍ ജമാലുദ്ദീന്‍(24), ക്‌ളീനര്‍ കാരക്കുന്ന് കളത്തിങ്ങല്‍ ഹൗസ് നിസാര്‍(21) എന്നിവരെയാണ് മഞ്ചേരി പൊലീസ് കസ്റ്റഡിയിലെടുത്തത്. ചൊവ്വാഴ്ച രാത്രിയായിരുന്നു കേസിനാസ്പദമായ സംഭവം നടന്നത്.
പൂക്കോട്ടൂരിലെ ഒരു വീട്ടില്‍ ജോലിക്കായി എത്തിയ മൈസൂര്‍ സ്വദേശിനിയെയാണ് ഇവര്‍ ബസിനുള്ളില്‍വച്ച് മാനഭംഗം ചെയ്യാന്‍ ശ്രമിച്ചത്.
ബസില്‍ രാത്രി എട്ടുമണിക്കു ശേഷം മഞ്ചേരിയിലെത്തിയ യുവതിയെ എല്ലാവരും ഇറങ്ങിയ ശേഷമാണ് മാനഭംഗപ്പെടുത്താന്‍ ശ്രമിച്ചതെന്ന് പരാതിയില്‍ പറയുന്നു. മഞ്ചേരിയില്‍ നിന്ന് ഇവരെ കൂട്ടിക്കൊണ്ടുപോകാന്‍ വീട്ടുടമസ്ഥന്‍ കാറുമായി എത്തുമെന്ന് അറിയിച്ചിരുന്നു. രണ്ടുവയസായ കുട്ടിയും സ്ത്രീക്കൊപ്പമുണ്ടായിരുന്നു.
ഒറ്റയ്ക്കു പുറത്തു നില്‍ക്കുകയായിരുന്ന സ്ത്രീയോട് ബസിനകത്ത് ഇരിക്കാന്‍ ഡ്രൈവറും ക്‌ളീനറും പറയുകയായിരുന്നു. ബസിനകത്തു കയറിയ സ്ത്രീയെ മാനഭംഗപ്പെടുത്താന്‍ ശ്രമിച്ചപ്പോള്‍ സ്ത്രീ കുതറിയോടി. ബസിന്റെ ഷട്ടറുകളെല്ലാം നേരത്തെ അടച്ചിരുന്നു. ജസീല ജംഗ്ഷനില്‍ പെട്രോള്‍ പമ്പ് പരിസരത്തായിരുന്നു സംഭവം നടന്നത്. ഇരുവരെയും മഞ്ചേരി പൊലീസ് കസ്റ്റഡിയിലെടുത്തിട്ടുണ്ട്.

English Summery
Driver and cleaner arrested in molestation attempt 
7:29 PM | 0 comments

പാസ്‌പോര്‍ട്ടില്‍ കൃത്രിമം; യുവാവ് പിടിയില്‍

കൊണ്ടോട്ടി: കൃത്രിമം ചെയ്ത പാസ്‌പോര്‍ട്ടുമായി കരിപ്പൂരില്‍ നിന്ന് ജിദ്ദയിലേക്ക് പോകാനെത്തിയ യുവാവ് എമിഗ്രേഷന്‍ വിഭാഗത്തിന്റെ പിടിയിലായി. വേങ്ങര വലിയോറ എട്ടുവീട്ടില്‍ ഫാസിലാ(24)ണ് പിടിയിലായത്. ഇയാളുടെ പാസ്‌പോര്‍ട്ടിലെ ജനന തീയതി തിരുത്തിയ നിലയിലായിരുന്നു.

English Summery
Youth arrested in fake passport case
6:39 PM | 0 comments

കെ എസ് ഇ ബി ഓഫീസ് അക്രമം: രണ്ട് പേര്‍ കൂടി അറസ്റ്റില്‍

തിരൂരങ്ങാടി: തലപ്പാറ കെ എസ് ഇ ബി സെക്ഷന്‍ ഓഫീസില്‍ അതിക്രമം നടത്തിയ കേസില്‍ രണ്ട് പേര്‍ കൂടി അറസ്റ്റില്‍. വേങ്ങര കണ്ണാട്ടിപ്പടി വടേരി മുജീബ് (27) മൂന്നിയൂര്‍ തലപ്പാറ കൈതകത്ത് മുള്ളുങ്ങല്‍ മുഹമ്മദ് മുസ്തഫ (25) എന്നിവരെയാണ് തിരൂരങ്ങാടി പോലീസ് അറസ്റ്റ് ചെയ്തത്. നാല് പേരെ പോലീസ് നേരത്തെ അറസ്റ്റ് ചെയ്തിരുന്നു. കഴിഞ്ഞ 20ന് രാത്രിയാണ് തലപ്പാറ കെ എസ് ഇ ബി ഓഫീസില്‍ അക്രമം നടന്നത്. വൈദ്യുതി വിതരണം തടസ്സപ്പെടുന്നു എന്ന് പറഞ്ഞ് 50ഓളം വരുന്ന സംഘം ഓഫീസില്‍ കയറി ബഹളം വെക്കുകയും ഓഫീസിലെ സാധന സാമഗ്രികള്‍ നശിപ്പിക്കുകയുമായിരുന്നു അസി. എക്‌സിക്യൂട്ടീവ് എഞ്ചിനീയറുടെ പരാതി പ്രകാരമാണ് പോലീസ് കേസെടുത്തിരുന്നത്. ചെമ്മാട് വെച്ചാണ് ഇരുവരെയും അറസ്റ്റ് ചെയ്തത്. ഇവരെ പരപ്പനങ്ങാടി കോടതി റിമാന്റ് ചെയ്തു. ദേശീയപാത ഉപരോധിച്ചതിന് ഏതാനും പേരെ നേരത്തെ അറസ്റ്റ് ചെയ്തിരുന്നു.

English Summery
Two arrested in KSEB office attack
6:37 PM | 0 comments

പണവുമായി മുങ്ങിയ സെയില്‍സ്മാന്‍ പിടിയില്‍

Written By mvarthasubeditor on Wednesday, May 30, 2012 | 1:24 PM

മലപ്പുറം: പൊന്‍മളയിലെ പ്രമുഖ ചെരുപ്പു കമ്പനിയില്‍ ്യൂനിന്നും പണവുമായി മുങ്ങിയ സെയില്‍സ്മാന്‍ രണ്ട് വര്‍ഷത്തിന് ശേഷം പിടിയില്‍. ഒന്നരലക്ഷം രൂപയുമായി മുങ്ങിയ കോഴിക്കോട് കുന്നത്തുപാലം സ്വദേശി സന്തോഷിനെയാണ് മലപ്പുറം എസ്‌ഐ പ്രേംജിത് അറസ്റ്റ് ചെയ്തത്. സന്തോഷിന്റെ വീട്ടില്‍ വച്ചാണ് അറസ്റ്റ്. കോടതിയില്‍ ഹാജരാക്കിയ പ്രതിക്ക് ജാമ്യം അനുവദിച്ചു.

English Summery
Salesman arrested
1:24 PM | 0 comments

വിവാഹവീരനായ കവര്‍ച്ചാക്കേസ് പ്രതി പിടിയില്‍

Written By mvarthasubeditor on Tuesday, May 29, 2012 | 1:26 PM

തിരൂര്‍: നിരവധി കവര്‍ച്ചകളിലെ പ്രതിയായ വിവാഹവീരന്‍ തിരൂര്‍ പോലീസിന്റെ പിടിയിലായി. ഫോര്‍ട്ട് കൊച്ചി ചെള്ളായികടവ് മാര്‍ക്കറ്റ് എടായിപറമ്പില്‍ റിയാസ്(36)ആണ് തിരൂരില്‍ അറസ്റ്റിലായത്.ഇയാളുടെ പേരില്‍ ആലുവ, മുളന്തല, വളാഞ്ചേരി, തൃപ്പൂണിത്തുറ എന്നിവിടങ്ങളില്‍ കേസുകള്‍ നിലവിലുള്ളതായി പോലീസ് പറഞ്ഞു. നിലമ്പൂര്‍, കാളാട്, എറണാകുളം എന്നിവിടങ്ങളില്‍ നിന്ന് ഇയാള്‍ വിവാഹം കഴിച്ചതായി എസ് ഐ പറഞ്ഞു. നിലമ്പൂരിലെ സ്ത്രീയുടെ പരാതിപ്രകാരം പോലീസ് കേസെടുത്തിട്ടുണ്ട്. ഒന്നര വര്‍ഷം മുമ്പ് നിലമ്പൂരില്‍ നിന്ന് വിവാഹിതനായ ഇയാള്‍ ആറ് പവന്‍ സ്വര്‍ണ്ണവും 50000 രൂപയുമായി മുങ്ങുകയായിരുന്നുവെന്നും പോലീസ് പറഞ്ഞു. ആലുവ, മുളന്തല എന്നിവിടങ്ങളില്‍ ക്ഷേത്രക്കവര്‍ച്ചാകേസുകളിലും വളാഞ്ചേരിയില്‍ പിടിച്ച്പറിക്കേസും തൃപ്പൂണിത്തുറയില്‍ ഭവനഭേദനക്കേസുമാണ് പ്രതിക്കെതിരെ നിലവിലുള്ളത്. തിരൂരിലെ ജ്വല്ലറിപ്പരിസരത്ത് നിന്ന് പിടിയിലായ ഇയാളെ കോടതിയില്‍ ഹാജരാക്കി.
1:26 PM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers