Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Valanjeri. Show all posts
Showing posts with label Valanjeri. Show all posts

പിറകോട്ടുരുണ്ട മണല്‍ലോറി ഇടിച്ച് വിദ്യാര്‍ഥി മരിച്ചു

Written By Kvartha Delta on Monday, October 22, 2012 | 7:38 PM

Malappuram, Valanjeri, Lorry, Accident, Obituary, Kerala, Malayalam News
വളാഞ്ചേരി: അനധികൃത കടവില്‍ നിന്നും മണലെടുക്കാനെത്തിയപ്പോള്‍ കേടായ ടിപ്പര്‍ലോറി കെട്ടിവലിക്കുന്നതിനിടെ കയര്‍പൊട്ടി പിറകോട്ടുരുണ്ട് ഇടിച്ച് വിദ്യാര്‍ഥി മരിച്ചു. വലിയകുന്ന് ചോലപ്ര റോഡ് കാളിയാര്‍ വട്ടത്ത് അബ്ദുല്‍ അസീസിന്റെ മകന്‍ മുനീര്‍(17) ആണ് മരിച്ചത്.

ഇരിമ്പിളിയം ഗവ. ഹയര്‍ സെക്കന്‍ഡറി സ്‌കൂളിലെ പത്താംക്ലാസ് വിദ്യാര്‍ഥിയാണ്. ഞായറാഴ്ച രാവിലെ എട്ടിനാണ് സംഭവം. തൂതപ്പുഴയില്‍ ചോലപ്ര റോഡിന് സമീപം കാളിയാര്‍ വട്ടത്ത് കടവില്‍ നിന്ന് മണലെടുക്കാനെത്തിയ ലോറി മറ്റൊരു വാഹനത്തില്‍ കെട്ടിവലിക്കുന്നതിനിടെയാണ് കയര്‍ പൊട്ടിയത്.

പിന്നോട്ടുരുണ്ട ലോറിക്കും മതിലിനും ഇടയില്‍ കുടുങ്ങി മുനീറിന്റെ തല തകര്‍ന്നു. നാട്ടുകാര്‍ ഉടന്‍ വളാഞ്ചേരിയിലെ സ്വകാര്യാശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. തിരൂര്‍ ജില്ലാ ആശുപത്രിയില്‍ പോസ്റ്റ് മോര്‍ട്ടത്തിന് ശേഷം വലിയകുന്ന് ജുമാ മസ്ജിദില്‍ ഖബറടക്കി. ആബിദയാണ് മാതാവ്. സഹോദരങ്ങള്‍: മുജീബ്, മുബീന.

Keywords: Malappuram, Valanjeri, Lorry, Accident, Obituary, Kerala, Malayalam News
7:38 PM | 0 comments

തൃശൂരില്‍ വാഹനാപകടത്തില്‍ വളാഞ്ചേരി സ്വദേശികള്‍ മരിച്ചു

Written By mvarthasubeditor on Thursday, July 12, 2012 | 8:41 AM

തൃശൂര്‍: തൃശൂരിലെ കേച്ചേരിയിലുണ്ടായ വാഹനാപകടത്തില്‍ മൂന്ന്‌ മലപ്പുറം വളാഞ്ചേരി സ്വദേശികള്‍ മരിച്ചു. കാറും ബസും കൂട്ടിയിടിച്ചാണ്‌ അപകടം. നിയന്ത്രണം വിട്ട ബസ് കാറില്‍ ഇടിക്കുകയായിരുന്നു. മരിച്ചവരുടെ പേരുവിവരങ്ങള്‍ ലഭ്യമായിട്ടില്ല.
8:41 AM | 0 comments

സാങ്കേതിക മുന്നേറ്റമാണ് വികസനത്തിന്റ മുഖമുദ്ര: ആര്യാടന്‍ മുഹമ്മദ്

Written By mvarthasubeditor on Tuesday, July 3, 2012 | 4:10 PM

വളാഞ്ചേരി: സാങ്കേതിക രംഗത്തെ മുന്നേറ്റമാണ് രാജ്യത്തിന്റെ വികസനമുദ്രയെന്ന് വൈദ്യുതി മന്ത്രി ആര്യാടന്‍ മുഹമ്മദ് പറഞ്ഞു.

കൊച്ചിയിലെ സ്മാര്‍ട്ട് സിറ്റിയുടെ പ്രവര്‍ത്തനംകൂടി കണ്ട് കേരളത്തിലെ ഐ ടി വിദ്യാഭ്യാസ രംഗത്ത് കൂടുതല്‍ മികവുറ്റ കേന്ദ്രങ്ങള്‍ ആരംഭിക്കേണ്ടതാണെന്ന് വളാഞ്ചേരി എം ഇ എസ് കെ വി യെം കോളജ് ഐ സി റ്റി ലാബിന്റെ ഉദ്ഘാടനം നിര്‍വഹിച്ചുകൊണ്ട് മന്ത്രി അഭിപ്രായപ്പെട്ടു. 

യു ജി സി സഹായത്തോടെ നിര്‍മിച്ച ഡിജിറ്റല്‍ ഐ സി ടി ലാബില്‍ അറുപത് കമ്പ്യൂട്ടറുകളും സ്മാര്‍ട്ട് സൈബര്‍ സൗകര്യങ്ങളും ലാംഗ്വേജ് കമ്മ്യൂണിക്കേഷന്‍ സൗര്യങ്ങളുമുണ്ട്. ചടങ്ങില്‍ കോളജ് പ്രസിഡന്റ് കെ വി മുഹമ്മദ് അധ്യക്ഷത വഹിച്ചു. 

എം ഇ എസ് കോളജ് ചെയര്‍മാന്‍ ഇ പി മോയിന്‍കുട്ടി മുഖ്യപ്രഭാഷണം നടത്തി. എം ഇ എസ് സംസ്ഥാന ട്രഷറര്‍ എ മുഹമ്മദ്, മാനേജ്‌മെന്റ് കമ്മിറ്റി സെക്രട്ടറി ഡോ. എന്‍ എം മുജീബ് റഹ്മാന്‍, എന്‍ അബൂബക്കര്‍ ഹാജി, പ്രിന്‍സിപ്പല്‍ ഡോ. ഹുസൈന്‍ രണ്ടത്താണി, പ്രൊഫ. മഞ്ജുള രാമന്‍, പ്രൊഫ. എ എം പി ഹംസ പ്രസംഗിച്ചു.

English Summery
Scientific gains are the symbol of developments: Aryadan
4:10 PM | 0 comments

ഫോളോറ ഫന്റാസിയ അമ്യൂസ്‌മെന്റ് പാര്‍ക്ക് ഉദ്ഘാടനം ശനിയാഴ്ച

Written By Malappuram News on Friday, May 11, 2012 | 7:15 PM

മലപ്പുറം: പ്രകൃതി രമണീയമായ അന്തരീക്ഷത്തില്‍ തൂതപ്പുഴയുടെ തീരത്തുള്ള ഇക്കോ- ഫ്രണ്ട്‌ലി പാര്‍ക്കായ ഫോളോറ ഫന്റാസിയ അമ്യൂസ്‌മെന്റ് പാര്‍ക്ക് ശനിയാഴ്ച വ്യവസായ മന്ത്രി പി കെ കുഞ്ഞാലിക്കുട്ടി ഉദ്ഘാടനം ചെയ്യുമെന്ന് ചെയര്‍മാന്‍ കെ പി സൈത് മുഹമ്മദ് വാര്‍ത്താസമ്മേളനത്തില്‍ അറിയിച്ചു. ഇതര പാര്‍ക്കുകളില്‍ നിന്ന് വ്യത്യസ്തമായി വാട്ടര്‍റൈഡുകളും പൂളുകളും വെള്ളച്ചാട്ടങ്ങളും 4ഡി തിയ്യറ്ററും ഡ്രൈറൈഡുകളുമാണ് ഈ പാര്‍ക്കില്‍ സജ്ജീകരിച്ചിരിക്കുന്നത്. സുനാമിയെ അനുസ്മരിപ്പിക്കുന്ന പുഷ്പക് റൈഡ്, പൂര്‍ണമായും മറച്ചിട്ടുള്ള ലേഡീസ് 4ഡി തിയ്യേറ്റര്‍, ഹോറസ് ഹൗസ് തുടങ്ങിയവയുമുണ്ട്. യു എ ഇ, ഖത്തര്‍, ബഹറൈന്‍, സൗദി, ഒമാന്‍ തുടങ്ങിയ ഗള്‍ഫ് രാജ്യങ്ങലില്‍ നിന്നുള്ള പ്രവാസി മലയാളികള്‍ രൂപവത്കരിച്ച വെങ്ങാട് റിസോര്‍ട്ട്‌സ് ആന്റ് റിട്രീറ്റ് എന്ന പബ്ലിക് ലിമിറ്റഡ് കമ്പനിയുടെ അധീനതയിലാണ് പാര്‍ക്ക്. അമ്യൂസ്‌മെന്റ് പാര്‍ക്കിന്റെ ഉദ്ഘാടനം ടൂറിസം മന്ത്രി എ പി അനില്‍കുമാറും 4ഡി തിയ്യറ്റര്‍ ഉദ്ഘാടനം ന്യൂനപക്ഷ ക്ഷേമ മന്ത്രി മഞ്ഞളാംകുവി അലിയും വാട്ടര്‍ റൈഡ് ഉദ്ഘാടനം പാലോളി മുഹമ്മദ്കുട്ടിയും നിര്‍വഹിക്കും. വൈകീട്ട് ഏഴിന് പ്രശസ്ത ഗായകര്‍ അണിനിരക്കുന്ന ഗാനമളയും കോമഡിഷോയും ഒരുക്കിയിട്ടുണ്ട്.
രാവിലെ 11.30 മുതല്‍ വൈകീട്ട് 6.30 വരെയാണ് പ്രവൃത്തി സമയം. വാര്‍ത്താസമ്മേളനത്തില്‍ കെ മുഹമ്മദ് കോയ, പി കെ മുഹമ്മദലി, കെ ബാപ്പുട്ടി, ഡോ. ശറഫ് പി ഹമീദ്, കെ മുഹമ്മദ് ഈസ എന്നിവരും സംബന്ധിച്ചു.

Keywords: Inauguration, Park, Malappuram, Valanjeri, കേരള, 
7:15 PM | 0 comments

കേരളയാത്ര ചരിത്രം രേഖപ്പെടുത്തും: കെടി ജലീല്‍

Written By Malappuram News on Saturday, April 21, 2012 | 2:43 AM

വളാഞ്ചേരി: ഒരുപാട്‌ യാത്രകളും ജാഥകളും കണ്ട കേരളത്തില്‍ അധികാരത്തിന്റെ ചങ്കോലും കിരീടവുമില്ലാത്ത കാന്തപുരം ഇത്രയും വലിയ യാത്ര നടത്തുന്നത്‌ കേരളത്തെ ഞെട്ടിച്ചിട്ടുണ്ടെന്ന്‌ കെടി ജലീല്‍ എംഎല്‍എ പറഞ്ഞു. ഇത്‌ നാളെയുടെ ചരിത്രം രേഖപ്പെടുത്തും. ചരിത്രാന്വേഷികള്‍ ഈ മഹാ മനീഷിയുടെ ജീവിതം ഗവേഷണം നടത്തുന്നുവെങ്കില്‍ അത്ഭുതപ്പെടാനില്ല. അതില്‍ ആരും അസൂയപ്പെടേണ്ടതുമില്ലെന്നും അദ്ദേഹം പറഞ്ഞു. വളാഞ്ചേരില്‍ കേരളയാത്രക്ക്‌ നല്‍കിയ സ്വീകരണ സമ്മേളനം ഉദ്‌ഘാടനം ചെയ്യുകയായിരുന്നു അദ്ദേഹം.
മനുഷ്യത്വം നഷ്‌ടപ്പെട്ട ശപിക്കപ്പെട്ട യുഗത്തിന്റെ നടുവിലൂടെയാണ്‌ ലോകം ഇന്ന്‌ സഞ്ചരിക്കുന്നത്‌. മാനവീകതയുടെ ഉണര്‍ത്തുപ്പാട്ടുമായി ഇറങ്ങിത്തിരിക്കേണ്ട സമയം അതിക്രമിച്ചിട്ടുണ്ട്‌. ആ ഉത്തരവാദിത്വം ഏറ്റെടുത്ത്‌ ഒരു പണ്ഡിതന്‍ വരുമ്പോള്‍ നാടും നഗരവും അദ്ദേഹത്തോടൊപ്പം ചേരും. കാരണം ഇത്‌ കാലം ആവശ്യപ്പെട്ട മുദ്രാവാക്യമാണ്‌.
ഇസ്‌ലാം മനുഷ്യര്‍ക്ക്‌ മുഴുവന്‍ അവതരിപ്പിക്കപ്പെട്ട ഒരു ദര്‍ശനമാണ്‌. മനുഷ്യര്‍ പരസ്‌പരം കലഹിക്കാനുള്ളവരല്ല. കലാപ ഭൂമിയില്‍ ഏറ്റുമുട്ടേണ്ടവരുമല്ല. പരസ്‌പരം നീതിപൂര്‍വ്വം പ്രവര്‍ത്തിക്കാനാണ്‌ ഖുര്‍ആന്‍ ആഹ്വാനം ചെയ്യുന്നത്‌.
മാനവീകതയും മനുഷ്യത്വവുമാണ്‌ മുഹമ്മദ്‌ നബി ഉയര്‍ത്തിപിടിച്ചത്‌. അതു തന്നെയാണ്‌ ഖുലഫാഉ റാശിദീങ്ങള്‍ പിന്തുടര്‍ന്നതും. മത മൈത്രിയും മത സൗഹാര്‍ദവും ഏറ്റവും കൂടുതല്‍ നിലനില്‍ക്കുന്ന രാജ്യമാണ്‌ ഇന്ത്യ. ഇത്‌ ഇവിടെ നിലനില്‍ക്കണം. ലോകത്തെ സുശക്തമായ രാജ്യങ്ങളില്‍ ഒന്നാണ്‌ ഇന്ത്യ. അത്‌ തകര്‍ക്കുന്നതിന്‌ വേണ്ടിയാണ്‌ ഹിന്ദുവിനെയും മുസ്‌ലിമിനെയും പരസ്‌പരം അടിപ്പിക്കുന്നത്‌. ഇതിന്‌ പിന്നില്‍ പ്രവര്‍ത്തിക്കുന്നവരാണ്‌ ഇവിടെ ഭീകരവാദവും തീവ്രവാദവും വളര്‍ത്തുന്നത്‌. പരസ്‌പര ബന്ധവൈരികളായവരെ ഈ യാത്രയിലൂടെ കാന്തപുരത്തിന്‌ ഒന്നിപ്പിക്കാന്‍ കഴിഞ്ഞിട്ടുണ്ട്‌. ഇത്‌ തന്നെയാണ്‌ ഈ യാത്രയുടെ വിജയവും.
കാന്തപുരത്തിന്റെ കേരളയാത്രയുടെ മുദ്രാവാക്യത്തോട്‌ ആര്‍ക്കും എതിര്‍ത്തു നില്‍ക്കാന്‍ കഴിയില്ല. മാനവീകതയുടെ ശത്രുക്കള്‍ക്ക്‌ മാത്രമേ അതിന്‌ കഴിയൂ. ചരിത്രത്തിന്റെ ചവറ്റ്‌ കൊട്ടയിലേക്ക്‌ അവരെ വലിച്ചെറിയും. കാലം തന്നെ ഏല്‍പ്പിച്ച ദൗത്യം നിര്‍വഹിച്ച മഹാ മനുഷ്യരെ കുറിച്ച്‌ നാം കേട്ടിട്ടുണ്ട്‌. അവരുടെ കൂട്ടത്തില്‍ നാളെ തലയുയര്‍ത്തി കാന്തപുരമുണ്ടാകുമെന്നും ജലീല്‍ പറഞ്ഞു.
2:43 AM | 0 comments

ഫെയര്‍ സ്‌റ്റേജ് പുനര്‍ നിര്‍ണയിച്ച നടപടി ഹൈക്കോടതി സ്റ്റേ ചെയ്തു

Written By Malappuram News on Friday, March 23, 2012 | 8:14 AM

വളാഞ്ചേരി: വളാഞ്ചേരി-കരേക്കാട് ചേനാടന്‍കുളമ്പ് റൂട്ടിലെ ഫെയര്‍ സ്‌റ്റേജ് പുനര്‍ നിര്‍ണയിച്ച നടപടി ഹൈക്കോടതി സ്‌റ്റേ ചെയ്തു. പ്രസ്തുത റൂട്ടിലെ ഫെയര്‍ സ്‌റ്റേജില്‍ അപാകതയുണ്ടെന്ന് ആരോപിച്ച് നല്‍കിയ പരാതിയുടെ അടിസ്ഥാനത്തിലാണ് സ്‌റ്റേജ് പുനര്‍നിര്‍ണയിച്ചത്. ഇതിനെതിരെ പ്രൈവറ്റ് ബസ് ഓണേഴ്‌സ് അസോസിയേഷന്‍ വളാഞ്ചേരി ഏരിയാ കമ്മിറ്റി ഹൈക്കോടതിയെ സമീപിച്ചതിനെതുടര്‍ന്നാണ് പുതിയ ഉത്തരവ്. ചൊവാഴ്ച്ച മുതല്‍ ഈ റൂട്ടില്‍ പഴയ ബസ് ചാര്‍ജാണ് യാത്രക്കാരില്‍നിന്നും വാങ്ങുകയെന്ന് പ്രൈവറ്റ് ബസ് ഓപ്പറേറ്റ്‌ഴ്‌സ് അസോസിയേഷന്‍ നേതാക്കള്‍ അറിയിച്ചു.
8:14 AM | 0 comments

മിനിമം വേതനം ബേങ്ക് വഴി വിതരണം ചെയ്യണം

വളാഞ്ചേരി: സ്വകാര്യ മേഖലയിലെ ഫാര്‍മസിസ്റ്റുകളുടെ മിനിമം വേതനം ബാങ്ക് വഴി വിതരണം ചെയ്യാനുള്ള നടപടി സ്വീകരിക്കണമെന്ന് കേരള പ്രൈവറ്റ് ഫാര്‍മസിസ്റ്റ് അസോസിയേഷന്‍ ജില്ലാ കമ്മിറ്റി അധികൃതരോട് ആവശ്യപ്പെട്ടു. ജില്ലാ പ്രസിഡന്റ് പി അയ്യപ്പന്‍ അധ്യക്ഷത വഹിച്ചു. കെ എം ഇസ്ഹാഖ്, കെ തോമസ്, പി നൗഷാദ്, കെ ടി ശശികല എന്നിവര്‍ സംസാരിച്ചു.
12:54 AM | 0 comments

ലഹരി വിരുദ്ധ ബോധവത്ക്കരണം

Written By Malappuram News on Monday, March 19, 2012 | 10:17 AM

വളാഞ്ചേരി: വളാഞ്ചേരി ഗ്രാമ പഞ്ചായത്തിന്റെയും, കോട്ടക്കല്‍ മണ്ഡലം ലഹരിവിരുദ്ധ ബോധവത്ക്കരണ സമിതിയുടെയും സംയുക്താഭിമുഖ്യത്തില്‍ വളാഞ്ചേരി കമ്മ്യൂനിറ്റി ഹാളില്‍ പഞ്ചായത്ത് തല ലഹരിവിരുദ്ധ ബോധവത്ക്കരണ പരിപാടി വളാഞ്ചേരി ഗ്രാമ പഞ്ചായത്ത് പ്രസിഡണ്ട് ടി പി അബ്ദുല്‍ ഗഫൂര്‍ ഉദ്ഘാടനം ചെയ്തു. ഒ എം ഹനീഫ മാസ്റ്റര്‍ അധ്യക്ഷത വഹിച്ചു. കോട്ടക്കല്‍ നിയോജക മണ്ഡലം ലഹരിവിരുദ്ധ ബോധവത്ക്കരണ സമിതി കണ്‍വീനര്‍ ഒ കെ കുഞ്ഞിക്കോമു മുഖ്യ പ്രഭാഷണം നടത്തി .മാറാക്കര ഗ്രാമ പഞ്ചായത്ത് പ്രസിഡന്റ് ഒറ്റകത്ത് ജമീല, കല്‍പകഞ്ചേരി ഗ്രാമ പഞ്ചായത്ത് വൈസ് പ്രസിഡണ്ട് തൈക്കാടന്‍ അബു, ഗ്രാമ പഞ്ചായത്ത് മെമ്പര്‍മാരായ കെ വി വേലായുധന്‍, പ്രസന്ന, മീന, മുനീറ, വൈക്കത്തൂര്‍ എ യു പി സ്‌കൂള്‍ അധ്യാപകന്‍ ഗോവിന്ദ രാജന്‍ സംസാരിച്ചു. അടുത്ത മാസം ഒന്ന് മുതല്‍ പഞ്ചായത്തുതലത്തില്‍ ലഹരി വിരുദ്ധ ബോധവത്ക്കരണ പരിപാടി സംഘടിപ്പിക്കും.
10:17 AM | 0 comments

നഴ്‌സുമാരെ അനുമോദിച്ചു

വളാഞ്ചേരി: അപകടത്തില്‍ പെട്ട ജഗതി ശ്രീകുമാറിന്റെ ജീവന്‍ രക്ഷിക്കുന്നതിന് പങ്കാളിയായ വളാഞ്ചേരി നടക്കാവില്‍ ആശുപത്രിയിലെ നഴ്‌സുമാരെ കോട്ടക്കല്‍ നിയോജക മണ്ഡലം യൂത്ത് കോണ്‍ഗ്രസ് കമ്മിറ്റിയുടെ നേതൃത്വത്തില്‍ അനുമോദിച്ചു. പ്രസിഡണ്ട് റശീദ് വട്ടപ്പറമ്പന്‍ അധ്യക്ഷത വഹിച്ചു. പി ഇഫ്തി ഖാറുദ്ദീന്‍ ഉപഹാരം നല്‍കി. ഐ എം എ സെക്രട്ടറി ഡോ. എന്‍ മുഹമ്മദലി, എ എ സുല്‍ഫിക്കര്‍, വിനു പുല്ലാനൂര്‍, പി രാജേഷ്, ഉമ്മറലി കരേക്കാട് സംസാരിച്ചു.
9:55 AM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers