Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Business. Show all posts
Showing posts with label Business. Show all posts

ഇന്‍ഡസ്ട്രിയല്‍ സ്റ്റാറ്റിസ്റ്റിക്‌സ് : ശില്‍പശാല 29ന്

Written By mvarthasubeditor on Friday, June 29, 2012 | 10:09 AM

മലപ്പുറം: ഇന്ത്യന്‍ സ്റ്റാറ്റിസ്റ്റിക്കല്‍ സിസ്റ്റത്തിന്റെ ഉപജ്ഞാതാവായ പ്രശാന്ത ചന്ദ്ര മഹലനോബിസിന്റെ ജന്മദിനമായ ജൂണ്‍ 29ന് സ്റ്റാറ്റിസ്റ്റിക്‌സ് ദിനമായി ആചരിക്കും. ഇതോടനുബന്ധിച്ച് ''ഇന്‍ഡസ്ട്രിയല്‍ സ്റ്റാറ്റിസ്റ്റിക്‌സ്'' വിഷയത്തില്‍ ഇക്കണോമിക്‌സ് ആന്‍ഡ് സ്റ്റാറ്റിസ്റ്റിക്‌സ് ജില്ലാ ഓഫീസ് ഡി.ആര്‍.ഡി.എ ഹാളില്‍ സംഘടിപ്പിക്കുന്ന ശില്പശാല ജില്ലാ പഞ്ചായത്ത് വൈസ് പ്രസിഡന്റ് പി.കെ.കുഞ്ഞു ഉദ്ഘാടനം ചെയ്യും. 

മീഞ്ചന്ത ഗവ. ആര്‍ട്‌സ് ആന്‍ഡ് സയന്‍സ് കോളേജ് അസി. പ്രഫസര്‍ ഗിരീഷ്ബാബു, ജില്ലാ വ്യവസായ കേന്ദ്രം ജനറല്‍ മാനേജര്‍, മാനേജര്‍, ജില്ലാ പ്ലാനിങ് ഓഫീസര്‍, ഗവ. കോളെജ് ഇക്കണോമിക്‌സ് വകുപ്പ് തലവന്‍, ഡി.ആര്‍.ഡി.എ മലപ്പുറം പ്രൊജക്ട് ഓഫീസര്‍ എന്നിവര്‍ പങ്കെടുക്കും.
സംസ്ഥാനത്തിന്റെ സമ്പത് വ്യവസ്ഥയുടെ വിവിധ മേഖലകളുടെ രൂപീകരണത്തിനും പദ്ധതി നടത്തിപ്പിനും ആവശ്യമായ സ്ഥിതിവിവരക്കണക്കുകളുടെ ശേഖരണം, തരം തിരിക്കല്‍, വിശകലനം, പ്രചരണം എന്നീ പ്രവര്‍ത്തനങ്ങള്‍ക്ക് നേതൃത്വം നല്‍കുന്നത് സാമ്പത്തിക സ്ഥിതിവിവരക്കണക്ക് വകുപ്പാണ്. 

സാമൂഹിക സാമ്പത്തിക വികസനത്തിന് ആവശ്യമായ കാലിക പ്രസക്തിയുള്ള വിഷയാധിഷ്ഠിത സര്‍വെകള്‍, ഗ്രാമ വികസന പദ്ധതികളുടെ അവലോകനം, അപഗ്രഥനം, കേന്ദ്ര സര്‍ക്കാരിന്റെ ഉത്തരവാദിത്തത്തില്‍ നടത്തുന്ന ജനസംഖ്യാ കണക്കെടുപ്പിലെ പങ്കാളിത്തം, കാര്‍ഷിക കനേഷുമാരി, ഹോര്‍ട്ടികള്‍ച്ചര്‍ കണക്കെടുപ്പ്, വ്യവസായിക ഉത്പാദന സൂചിക തയ്യാറാക്കല്‍, വ്യാവസായിക മൊത്ത വിലസൂചിക തയ്യാറാക്കല്‍, വാര്‍ഷിക വ്യവസായ സര്‍വെ എന്നിവ വകുപ്പിന്റെ ശ്രദ്ധേയമായ പ്രവര്‍ത്തനങ്ങളാണ്.
വകുപ്പിന്റെ ജില്ലാ ഓഫീസിനോടനുബന്ധിച്ചുള്ള ലൈബ്രറിയില്‍ വിവിധ വിഷയാധിഷ്ഠിത സര്‍വെകളുടെ റിപ്പോര്‍ട്ടുകള്‍ ഇക്കണോമിക് റിവ്യൂ, സ്റ്റാറ്റിസ്റ്റിക്‌സ് ഫോര്‍ പ്ലാനിങ്, സെന്‍സസ് ഹാന്‍ഡ് ബുക്കുകള്‍ തുടങ്ങിയവ റഫറന്‍സിന് ലഭിക്കുമെന്ന് ഡെപ്യൂട്ടി ഡയറക്ടര്‍ വി.പി.സറഫുദ്ദീന്‍ അറിയിച്ചു.

English Summery
Industrial statistics campaign 
10:09 AM | 0 comments

പ്രധാന മന്ത്രിയുടെ തൊഴില്‍ദായക പദ്ധതി: സംരംഭങ്ങള്‍ തുടങ്ങാന്‍ അപേക്ഷിക്കാം

Written By mvarthasubeditor on Wednesday, June 27, 2012 | 7:15 PM

മലപ്പുറം: കേന്ദ്ര സര്‍ക്കാരിന്റെ സ്വയം തൊഴില്‍ പദ്ധതിയായ പി.എംഇ.ജി.പി യ്ക്കു കീഴില്‍ വ്യവസായ സംരംഭം ആരംഭിക്കുന്നതിന് ഗ്രാമ-നഗര മേഖലകളില്‍ നിന്നുള്ള സംരഭകരില്‍ നിന്നും ജില്ലാ വ്യവസായ കേന്ദ്രം അപേക്ഷ ക്ഷണിച്ചു.

ഉത്പന്നങ്ങളുടെ നിര്‍മാണവുമായി ബന്ധപ്പെട്ട സംരഭങ്ങള്‍ക്ക് 25 ലക്ഷം രൂപവരെയും സേവനം പ്രദാനം ചെയ്യുനനവര്‍ക്ക് 10 ലക്ഷം രൂപ വരെയും മൂലധനച്ചെലവ് വരുന്ന പ്രൊജക്ടുകള്‍ക്ക് അപേക്ഷിക്കാം. അപേക്ഷകന് 18 വയസ് പൂര്‍ത്തിയാവണം. 

നിര്‍മാണ മേഖലയില്‍ 10 ലക്ഷത്തിനും സേവന മേഖലയില്‍ അഞ്ച് ലക്ഷത്തിനും മുകളില്‍ പദ്ധതി നടപ്പാക്കുന്ന സംരംഭകര്‍ കുറഞ്ഞത് എട്ടാംതരം പാസ്സായവരാകണം. പദ്ധതി ചെലവിന്റെ 15 മുതല്‍ 35 ശതമാനം വരെ സബ്‌സിഡി ലഭിക്കും. പട്ടികജാതി - പട്ടികവര്‍ഗക്കാര്‍, സ്ത്രീകള്‍, വിമുക്ത ഭടന്‍മാര്‍, വികലാംഗര്‍ക്ക് എന്നിവര്‍ക്ക് മുന്‍ഗണന. 

കൂടുതല്‍ വിവരം ജില്ലാ വ്യവസായ കേന്ദ്രം, താലൂക്ക് വ്യവസായ ഓഫീസുകള്‍, ബ്ലോക്ക്-നഗരസഭാ വ്യവസാ വികസന ഓഫീസുകള്‍ എന്നിവിടങ്ങളില്‍ ലഭിക്കും. അപേക്ഷ പൂരിപ്പിച്ച് വിദ്യാഭ്യാസ യോഗ്യത, സാങ്കേതിക പരിജ്ഞാനം, ജാതി തെളിയിക്കുന്ന സര്‍ട്ടിഫിക്കറ്റ്, പ്രൊജക്റ്റ് റിപ്പോര്‍ട്ട്, മറ്റ് രേഖകള്‍ സഹിതം രണ്ട് സെറ്റ് അപേക്ഷ ഉടന്‍ ജില്ലാ വ്യവസായ കേന്ദ്രത്തില്‍ നല്‍കണം.

English Summery
Applications invited to start industries 
7:15 PM | 0 comments

സ്പിന്നിങ്ങ് മില്‍ ഒന്നാംഘട്ടം നവീകരണം പൂര്‍ത്തിയായി: ഉദ്ഘാടനം 24 ന്

Written By mvarthasubeditor on Wednesday, June 20, 2012 | 10:56 PM

മലപ്പുറം: സംസ്ഥാനത്തെ പൊതുമേഖലാ സ്ഥാപനങ്ങളുടെ നവീകരണത്തിന്റെ ഭാഗമായി മലപ്പുറം സഹകരണ സ്പിന്നിങ്ങ് മില്ലിന്റെ ഒന്നാം ഘട്ടം നവീകരണം പൂര്‍ത്തിയാക്കി. ഇതിന്റെ ഉദ്ഘാടനം ജൂണ്‍ 24 രാവിലെ 10 ന് വ്യവസായ വകുപ്പ് മന്ത്രി പി.കെ.കുഞ്ഞാലിക്കുട്ടിയും രണ്ടാംഘട്ട നവീകരണ പ്രവര്‍ത്തനങ്ങളുടെ ഉദ്ഘാടനം ഗതാഗത വകുപ്പ് മന്ത്രി ആര്യാടന്‍ മുഹമ്മദും നിര്‍വഹിക്കും. 

എം.എല്‍.എ.മാരായ പി.ഉബൈദുള്ള, മുഹമ്മദുണ്ണി ഹാജി, കെ.എന്‍.എ.ഖാദര്‍,പി.ശ്രീരാമകൃഷ്ണന്‍, ജില്ലാ കലക്റ്റര്‍ എം.സി.മോഹന്‍ദാസ്, വ്യവസായ വകുപ്പ് അഡീഷണല്‍ ചീഫ് സെക്രട്ടറി വി.സോമസുന്ദരം, രാഷ്ട്രീയ-തൊഴിലാളി സംഘടനാ പ്രതിനിധികള്‍ തുടങ്ങിയവര്‍ പങ്കെടുക്കും.

English Summery
Spinning mill will inaugurated on 24th
10:56 PM | 0 comments

ബി എസ് എന്‍ എല്‍ പുതിയ താരീഫ് ഏപ്രില്‍ മുതല്‍

Written By Malappuram News on Thursday, March 22, 2012 | 11:36 AM

തൃശ്ശൂര്‍ : 350 രൂപ പ്രതിമാസ വാടകയ്ക്ക് ഏപ്രില്‍ മുതല്‍ ബി.എസ്.എന്‍.എല്‍. എല്ലാ ലാന്‍ഡ് ലൈനിലേക്കും അണ്‍ലിമിറ്റഡ് ഫ്രീ കോള്‍ സൗകര്യം ലഭ്യമാക്കും. ബി.എസ്.എന്‍.എല്‍. ലാന്‍ഡ് ലൈന്‍ ഉപഭോക്താക്കള്‍ക്കായി ഏപ്രില്‍ 7 മുതലാണ് പുതിയ താരിഫ് അവതരിപ്പിക്കുന്നത്.
ഗ്രാമീണമേഖലയില്‍ 250 രൂപ പ്രതിമാസവാടകയും നഗരത്തില്‍ 350 രൂപ വാടകയുമായിരിക്കും. 250 രൂപ വാടകയില്‍ 200 രൂപയ്ക്ക് തുല്യമായ സംസാരസമയം ഉണ്ടാകും. നിലവിലുള്ള ഉപഭോക്താക്കള്‍ക്കും പുതിയ താരിഫിലേക്ക് മാറാം. ബി.എസ്.എന്‍.എല്ലിന്റെ 280 രൂപയുടെ റീച്ചാര്‍ജ് കൂപ്പണുകള്‍ക്ക് മുഴുവന്‍ തുകയ്ക്കും തുല്യമായ സംസാരമൂല്യം ലഭിക്കും.
11:36 AM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers