Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Election. Show all posts
Showing posts with label Election. Show all posts

നാമനിര്‍ദേശ പത്രിക നല്‍കാനുള്ള അവസാന ദിവസം ശനിയാഴ്ച

Written By Malappuram News on Saturday, March 22, 2014 | 12:36 AM


മലപ്പുറം: ലോക്‌സഭാ തിരഞ്ഞെടുപ്പിന് മത്സരിക്കുന്നതിനുള്ള നാമനിര്‍ദേശ പത്രിക ശനിയാഴ്ച ഉച്ചതിരിഞ്ഞ് മൂന്ന് വരെ സമര്‍പ്പിക്കാമെന്ന് കലക്ടര്‍ കെ ബിജു അറിയിച്ചു.
ഈമാസം 15 മുതലായിരുന്നു നാമനിര്‍ദേശ പത്രിക സ്വീകരിക്കാന്‍ കമ്മീഷന്‍ നിര്‍ദേശിച്ചിരുന്ന തീയതി. എന്നാല്‍ ജില്ലയില്‍ ആദ്യ പത്രികകള്‍ ലഭിച്ചത് 19 നായിരുന്നു. മലപ്പുറത്ത് 12 ഉം പൊന്നാനിയില്‍ 11 ഉം പത്രികകളാണ് സമര്‍പ്പിക്കപ്പെട്ടത്.
വയനാട് ലോക്‌സഭാ മണ്ഡലം യു ഡി എഫ് സ്ഥാനാര്‍ഥി എം ഐ ഷാനവാസ് ഇന്നലെ നാമനിര്‍ദേശ പത്രിക സമര്‍പ്പിച്ചു. യു ഡി എഫ് നേതാക്കള്‍ക്കൊപ്പം ഇന്നലെ ഉച്ചക്ക് ശേഷം വയനാട് കലക്ടറേറ്റിലെത്തിയാണ് ജില്ലാകലക്ടര്‍ കേശവേന്ദ്രകുമാര്‍ മുമ്പാകെ അദ്ദേഹം പത്രിക സമര്‍പ്പിച്ചത്. ഉച്ചക്ക് രണ്ട് മണിയോടെ ഡി സി സി ഓഫീസിലെത്തി നേതാക്കളുമായി കൂടികാഴ്ച നടത്തിയ ശേഷമാണ് അദ്ദേഹം പത്രികാസമര്‍പ്പണത്തിനായി പുറപ്പെട്ടത്.
ഉച്ചക്ക് ശേഷം രണ്ടരയോടെ കലക്ടറുടെ ചേമ്പറിലെത്തിയ എം ഐ ഷാനവാസ് മൂന്ന് സെറ്റ് പത്രികയാണ് നല്‍കിയത്. വയനാട് ഡി സി സി പ്രസിഡന്റ് കെ എല്‍ പൗലോസ്, മലപ്പുറം ഡി സി സി പ്രസിഡന്റ് ഇ കെ മുഹമ്മദ് കുഞ്ഞി, ഐ സി ബാലകൃഷ്ണന്‍, സി മോയിന്‍കുട്ടി എന്നിവര്‍ ഷാനവാസിനൊപ്പമുണ്ടായിരുന്നു. നേരത്തെ ഡി സി സിയില്‍ നിന്നും യു ഡി എഫ് നേതാക്കളടക്കമുള്ളവര്‍ അദ്ദേഹത്തെ സ്വീകരിച്ചാനയിച്ചു.
പി കെ ഗോപാലന്‍, പി വി ബാലചന്ദ്രന്‍, കെ കെ അബ്രഹാം, എം എസ് വിശ്വനാഥന്‍, എന്‍ ഡി അപ്പച്ചന്‍, റസാഖ് കല്‍പ്പറ്റ, എ കെ അഹമ്മദ്ഹാജി, പി പി ആലി, എ പി ഹമീദ്, കെ കെ ഹംസ, കെ ജെ ദേവസ്യ, എം സി സെബാസ്റ്റ്യന്‍, പ്രവീണ്‍കുമാര്‍, പി കെ അനില്‍കുമാര്‍, സി പി വര്‍ഗീസ്, ഭഗീരഥന്‍പിള്ള തുടങ്ങിയ നേതാക്കളും, ഡി സി സി ഭാരവാഹികളും, കോണ്‍ഗ്രസിന്റെയും ഘടകകക്ഷികളുടെയും നേതാക്കളും സംബന്ധിച്ചു.
മലപ്പുറം ലോക്‌സഭാമണ്ഡലത്തില്‍ സോഷല്‍ ഡെമോക്രാറ്റിക് പാര്‍ട്ടി ഓഫ് ഇന്ത്യ സ്ഥാനാര്‍ഥിയായി നാസറുദ്ദീന്‍ (47) നാമനിര്‍ദേശ പത്രിക നല്‍കി. ബഹുജന്‍ സമാജ് പാര്‍ട്ടി സ്ഥാനാര്‍ഥിയായി ഇല്‍യാസും സോഷല്‍ ഡെമോക്രാറ്റിക് പാര്‍ട്ടി ഓഫ് ഇന്ത്യ സ്ഥാനാര്‍ഥിയായി സ്വാദിഖും നാമനിര്‍ദേശ പത്രിക നല്‍കി.
പൊന്നാനി ലോക്‌സഭാമണ്ഡലത്തില്‍ യു ഡി എഫ് സ്ഥാനാര്‍ഥി ഇ ടി മുഹമ്മദ് ബശീറിന്റെ ഡമ്മിയായി അശ്‌റഫ് കോക്കൂര്‍ പത്രിക നല്‍കി. വിവിധ ബാങ്ക് അക്കൗണ്ടുകളിലായി 56,847 രൂപയുടെ നിക്ഷേപമുണ്ട്. ഒരു സ്‌കോഡ കാര്‍ സ്വന്തമായുണ്ട്.
സോഷല്‍ ഡെമോക്രാറ്റിക് പാര്‍ട്ടി ഓഫ് ഇന്ത്യ സ്ഥാനാര്‍ഥിയായി ഇക്‌റാമുല്‍ ഹഖും ബഹുജന്‍ സമാജ് പാര്‍ട്ടി സ്ഥാനാര്‍ഥിയായി കെ വി വിനോദും വെല്‍ഫെയര്‍ പാര്‍ട്ടി ഓഫ് ഇന്ത്യ സ്ഥാനാര്‍ഥിയായി ഗണേശനും സോഷല്‍ ഡെമോക്രാറ്റിക് പാര്‍ട്ടി ഓഫ് ഇന്ത്യ സ്ഥാനാര്‍ഥിയായി അബ്ദുലത്തീഫും നാമനിര്‍ദേശ പത്രിക നല്‍കി.
12:36 AM | 0 comments

കരട് വോട്ടര്‍പട്ടിക

Written By mvarthasubeditor on Friday, June 1, 2012 | 6:52 PM

മലപ്പുറം: ജില്ലാ സ്‌പോര്‍ട്‌സ് കൗണ്‍സില്‍ നിലവിലുള്ള തദ്ദേശ സ്വയംഭരണ സ്ഥാപന പ്രതിനിധികളുടെ ഒഴിവിലേക്ക് 2010 ഒക്‌ടോബറില്‍ നടന്ന പൊതു തിരഞ്ഞെടുപ്പിലൂടെ ഗ്രാമ/ബ്ലോക്ക് പഞ്ചായത്തുകളിലും നഗരസഭകളിലും സ്ഥാനമേറ്റ നഗരസഭ ചെയര്‍മാന്‍, ഗ്രാമ/ബ്ലോക്ക് പഞ്ചായത്ത് പ്രസിഡന്റുമാരില്‍നിന്നും തിരഞ്ഞെടുപ്പ് നടത്തുന്നതിന് കരട് വോട്ടര്‍ പട്ടിക കലക്ടറേറ്റിലെയും ജില്ലാ സ്‌പോര്‍ട്‌സ് കൗണ്‍സിലിന്റെയും നോട്ടീസ് ബോര്‍ഡുകളില്‍ പ്രസിദ്ധീകരിച്ചിട്ടുണ്ട്. വോട്ടര്‍ പട്ടിക സംബന്ധിച്ചുള്ള ആക്ഷേപങ്ങള്‍ 15 ദിവസത്തിനകം റിട്ടേണിംങ് ഓഫീസര്‍കൂടിയായ മലപ്പുറം ഇലക്ഷന്‍ ഡെപ്യൂട്ടി കലക്ടര്‍ക്ക് നല്‍കണം.
6:52 PM | 0 comments

തിരൂരങ്ങാടിയില്‍ കോണ്‍ഗ്രസ് പിന്തുണയുള്ള സ്വതന്ത്രന് ഉജ്ജ്വല വിജയം

Written By Malappuram News on Thursday, May 17, 2012 | 10:56 AM

തിരൂരങ്ങാടി: ഗ്രാമപഞ്ചായത്ത് 22ാം വാര്‍ഡ് കോട്ടുവലക്കാട് ഉപതെരെഞ്ഞെടുപ്പില്‍ മുസ്ലിംലീഗ് സ്ഥാനാര്‍ഥിക്ക് കനത്ത പരാജയം. കോണ്‍ഗ്രസ് പിന്തുണയോടെ മത്സരിച്ച സ്വതന്ത്ര സ്ഥാനാര്‍ഥി ചാത്തമ്പാടന്‍ അന്‍വര്‍ 206 വോട്ടിന്റെ ഭൂരിപക്ഷത്തിനാണ് വിജയിച്ചത്. അന്‍വറിന് 754 വോട്ടും ലീഗ് സ്ഥാനാര്‍ഥി തിരുനിലത്ത് അന്‍വറിന് 548 വോട്ടും ലഭിച്ചു. സിപിഎം സ്ഥാനാര്‍ഥി കളത്തില്‍ വിനോദിന് 49ഉം ചപ്പങ്ങത്തില്‍ കുഞ്ഞിക്കമ്മുവിന് 14ഉം വോട്ട് ലഭിച്ചു.ഒമ്പത് വോട്ടുകള്‍ അസാധുവായി. ഒരു ബാലറ്റ് പേപ്പര്‍ കാണാനില്ല.കഴിഞ്ഞ തെരെഞ്ഞെടുപ്പില്‍ യുഡിഎഫ് നും എല്‍ഡിഎഫിനുമെതിരെ സ്വതന്ത്രനായി മത്സരിച്ച ചാത്തമ്പാടന്‍ അന്‍വര്‍ വിജയിക്കുകയായിരുന്നു. എന്നാല്‍ പുര പദ്ധതി പ്രകാരം നിര്‍മിക്കുന്ന ബസ് ടെര്‍മിനല്‍ മമ്പുറം നവരക്കായ പാടത്ത് നിര്‍മിക്കാനുള്ള തീരുമാനത്തില്‍ പ്രതിഷേധിച്ച് ഇദ്ദേഹം മെമ്പര്‍ സ്ഥാനം രാജി വെക്കുകയായിരുന്നു. ബസ്റ്റാന്റ് പ്രശ്‌നത്തില്‍ പഞ്ചായത്ത് പ്രസിഡണ്ടിന്റെ നിലപാടിനെ എതിര്‍ത്തതിന്റെ പേരില്‍ പഞ്ചായത്തില്‍ ലീഗ്- കോണ്‍ഗ്രസ് ബന്ധം തകരുകയും കോണ്‍ഗ്രസിന്റെ വൈസ്പ്രസിഡന്റിനെ ലീഗ് അവിശ്വാസത്തിലൂടെ പുറത്താക്കുകയും ചെയ്തു. മുസ്ലിംലീഗ് സ്ഥാനാര്‍ഥിക്ക് യുഡിഎഫ്‌ലെ കോണ്‍ഗ്രസ് ഒഴിച്ചുള്ള എല്ലാ പാര്‍ട്ടികളുടേയും പിന്തുണയുണ്ടായിരുന്നു.മുസ്ലംലീഗിന്റെ സംസ്ഥാന നേതാക്കളടക്കമുള്ളവര്‍ ഇവിടെ തമ്പടിച്ച് പ്രചാരണത്തില്‍ മുഴുകിയിരുന്നു. എന്നിട്ടും തങ്ങളുടെ സ്ഥാനാര്‍ഥി പരാജയപ്പെടാനിടയായത് ലീഗിന് കനത്ത ആഘാതമായിട്ടുണ്ട്. വിജയിച്ച ചാത്തമ്പാടന്‍ അന്‍വറിന്റെ ആഹ്ലാദ പ്രകടനത്തില്‍ മുസ്ലിംലീഗിനെതിരെ കടുത്ത വിമര്‍ശനമാണുയര്‍ന്നത്.ഡിസിസി ട്രഷറര്‍ എംഎന്‍ കുഞ്ഞിമുഹമ്മദ് ഹാജി, കെപി അബ്ദുല്‍ മജീദ് ഹാജി, എംഎന്‍ ഹുസൈന്‍, മോഹനന്‍ വെന്നിയൂര്‍, കെപി അബ്ദുല്‍ അസീസ്, വിപി അലി പങ്കെടുത്തു.ജനവിധി മാനിച്ച് ഭരണ സമിതി രാജി വെച്ച് തെരെഞ്ഞെടുപ്പിനെ നേരിടാന്‍ തയ്യാരാവണമെന്നും മണ്ഡലം കോണ്‍ഗ്രസ് പ്രസിഡന്റ് കെപി മജീദ് ഹാജി ആവശ്യപ്പെട്ടു.

Keywords:By-election, Tirurangadi, Congress, win, Malappuram, Election, കേരള, 
10:56 AM | 0 comments

തിരൂരങ്ങാടി ഉപതിരഞ്ഞെടുപ്പ് ചൊവ്വാഴ്ച

Written By Malappuram News on Monday, May 14, 2012 | 9:44 AM

തിരൂരങ്ങാടി: ഗ്രാമപഞ്ചായത്ത് 22-ാം വാര്‍ഡ് കോട്ടുപാലക്കാട് ഉപതിരഞ്ഞെടുപ്പ് ചൊവ്വാഴ്ച നടക്കും. രാവിലെ ഏഴു മുതല്‍ അഞ്ചുവരേയാണ് വോട്ടെടുപ്പ്. കോട്ടുവാലക്കാട് മദ്‌റസയാണ് പോളിംഗ് സ്റ്റേഷന്‍. കോണ്‍ഗ്രസ് പിന്തുണയോടെ മത്സരിക്കുന്ന സ്വാതന്ത്ര സ്ഥാനാര്‍ഥി സി പി അന്‍വര്‍ ലീഗ് സ്ഥാനാര്‍ഥി ടി അന്‍വര്‍ എന്നിവര്‍ തമ്മിലാണ് പ്രധാന മത്സരം. സി പി എമ്മിലെ കെ വിനോദും രംഗത്തുണ്ട്. കലാശക്കൊട്ട് ഇന്നലെ സമാധാനപരമായി നടന്നു. വോട്ടെണ്ണല്‍ 16ന് നടക്കും.

Keywords: By-election, Election, Tirurangadi, Malappuram, കേരള, 
9:44 AM | 0 comments

തിരൂരങ്ങാടി ഉപതിരഞ്ഞെടുപ്പിന് കോണ്‍ഗ്രസ് ഒരുങ്ങുന്നു

Written By Malappuram News on Monday, April 23, 2012 | 10:56 AM

തിരൂരങ്ങാടി: ഗ്രാമപഞ്ചായത്ത് 22-ാം വാര്‍ഡ് ഉപതിരഞ്ഞെടുപ്പിന് കോണ്‍ഗ്രസ് ഒരുങ്ങുന്നു. കോണ്‍ഗ്രസിലേക്ക് വന്ന സ്വതന്ത്ര അംഗം സി പി അന്‍വര്‍സാദത്ത് രാജി വെച്ചതിനെ തുടര്‍ന്നാണിവിടെ തിരഞ്ഞെടുപ്പ് ആവശ്യമായത്. മെയ് 12നാണ് തിരഞ്ഞെടുപ്പ്.
സ്വതന്ത്ര അംഗങ്ങള്‍ കോണ്‍ഗ്രസില്‍ ചേര്‍ന്നതിനെതിരെ മുസ്‌ലിംലീഗ് തിരഞ്ഞെടുപ്പ് കമ്മീഷന് പരാതി നല്‍കിയിരുന്നു. കോണ്‍ഗ്രസ് ഇവിടെ അന്‍വര്‍സാദത്തിനെ തന്നെയാണ് സ്ഥാനാര്‍ത്ഥിയാക്കുന്നത്. എന്നാല്‍ മുസ്‌ലിംലീഗ് ഇതുവരെയും സ്ഥാനാര്‍ഥിയെ പ്രഖ്യാപിച്ചിട്ടില്ല.തിരഞ്ഞെടുപ്പ് കാര്യത്തെകുറിച്ച് ചര്‍ച്ച ചെയ്യാന്‍ മണ്ഡലം കോണ്‍ഗ്രസ് കണ്‍വെന്‍ഷന്‍ നാളെ വൈകുന്നേരം ഏഴിന് ചേരുന്നുണ്ട്. അതേ സമയം ലീഗ്-കോണ്‍ഗ്രസ് ഭിന്നത ഒഴിവാക്കാന്‍ യു ഡി എഫ് ജില്ലാതലത്തില്‍ ശ്രമം നടക്കുന്നുണ്ടെങ്കിലും ഇരു പാര്‍ട്ടികളുടെയും പ്രാദേശിക ഘടകങ്ങള്‍ ഇതിന് വഴങ്ങിയിട്ടില്ല.
യു ഡി എഫ് ആയി മത്സരിച്ച് വിജയിച്ച ശേഷം കോണ്‍ഗ്രസിന്റെ വൈസ് പ്രസിഡന്റിനെ അവിശ്വാസത്തിലൂടെ പുറത്താക്കി യു ഡി എഫ് വിമത അംഗത്തെ വൈസ് പ്രസിഡന്റാക്കിയ മുസ്‌ലിംലീഗിന്റെ നടപടി കോണ്‍ഗ്രസ് ജില്ലാ നേതൃത്വത്തെ തന്നെ ചൊടിപ്പിച്ചിട്ടുണ്ട്. ഇത് ഇല്ലാതാക്കാന്‍ കോണ്‍ഗ്രസ് നേതൃത്വം സ്ഥലം എം എല്‍ എ കൂടിയായ മന്ത്രി അബ്ദുര്‍റബ്ബിനോട് ആവശ്യപ്പെട്ടിട്ടും ഫലമുണ്ടായിട്ടില്ല. എന്നാല്‍ യുഡിഎഫിന്റെ പഞ്ചായത്ത് പ്രസിഡന്റിനെതിരെ സമരം നടത്തിയ യൂത്ത്‌കോണ്‍ഗ്രസിന്റെ മാര്‍ച്ച് മണ്ഡലം കോണ്‍ഗ്രസ് പ്രസിഡന്റ് ഉദ്ഘാടനം ചെയ്തത് ലീഗിനെയും ചൊടിപ്പിച്ചിരുന്നു.

Keywords: By-election, Election, Malappuram, Tirurangadi, 
10:56 AM | 0 comments

പെരിന്തല്‍മണ്ണ നഗരസഭ: ഉപ തിരഞ്ഞെടുപ്പ്‌ മെയ്‌ 15ന്‌

Written By Malappuram News on Friday, April 20, 2012 | 12:58 AM

പെരിന്തല്‍മണ്ണ: നഗരസഭയിലെ 32 വാര്‍ഡിലേക്കുള്ള ഉപതിരഞ്ഞെടുപ്പിനുള്ള വിജ്ഞാപനമായി. മെയ്‌ 15നാണ തിരഞ്ഞെടുപ്പ്‌ 16ന്‌ വോട്ടെണ്ണലും നടക്കും. സരോജിനി എ യു പി സ്‌കൂളിലാണ്‌ പോളിംഗ്‌ബൂത്ത്‌. ഇന്നു മുതല്‍ ഈ മാസം 25 വരെയാണ്‌ നോമിനേഷന്‍ സമര്‍പ്പിക്കാനുള്ള തിയതി. 26ന്‌ സൂക്ഷ്‌മ പരിശോധന നടക്കും. 28നാണ്‌ പത്രിക പിന്‍വലിക്കാനുള്ള അവസാന ദിവസം. മലപ്പുറം ജില്ലാ വ്യവസായ കേന്ദ്രം ജനറല്‍ മാനേജറാണ്‌ റിട്ടേണിംഗ്‌ ഓഫീസര്‍. അസിസ്റ്റന്റ്‌ റിട്ടേണിംഗ്‌ ഓഫീസര്‍ അധികാരം മുനിസിപ്പല്‍ എന്‍ജിനീയര്‍ക്കാണ്‌. 34 വാര്‍ഡുകളുള്ള പെരിന്തല്‍മണ്ണ നഗരസഭയില്‍ 17 യു ഡി എഫിനും 17 എല്‍ ഡി എഫിനും ലഭിച്ചിരുന്നതില്‍ യു ഡി എഫിന്‌ ലഭിച്ച 32-ാം വാര്‍ഡിലെ സംഗീത രവിയേട്ടന്‍ എന്ന രവീന്ദ്രന്റെ നിര്യാണത്തെ തുടര്‍ന്ന്‌ ഒഴിവു വന്ന സീറ്റിലേക്കാണ്‌ ഉപതിരഞ്ഞെടുപ്പ്‌ നടക്കുന്നത്‌.
12:58 AM | 0 comments

അരീക്കോട് സി ഡി എസ് തെരഞ്ഞെടുപ്പ് ഹൈക്കോടതിയിലേക്ക്

Written By Malappuram News on Thursday, April 5, 2012 | 9:04 AM

അരീക്കോട്: ഹൈക്കോടതി ഉത്തരവനുസരിച്ച് കഴിഞ്ഞ ദിവസം നടന്ന അരീക്കോട് പഞ്ചായത്ത് സി ഡി എസ് ചെയര്‍പേഴ്‌സണ്‍ തെരെഞ്ഞെടുപ്പ് വീണ്ടും ഹൈക്കോടതിയിലേക്ക്. ഒരു വിഭാഗത്തിനനുകൂലമായി തെരഞ്ഞെടുപ്പ് നടപടികളില്‍ കൃത്രിമം കാണിച്ച ഉദ്യാഗസ്ഥരുടെ നടപടി ഹൈക്കോടതിയില്‍ ചോദ്യം ചെയ്യുമെന്ന് യു ഡി എഫ് നേതാക്കള്‍ പറഞ്ഞു. ജില്ലാ കലക്ടര്‍ക്കും ഡി ഡിപിക്കും ഇതു സംബന്ധിച്ച പരാതി നല്‍കുമെന്നും റിട്ടേണിംഗ് ഓഫീസര്‍ക്ക് പരാതി നല്‍കിയിട്ടുണ്ടെന്നും യു ഡി എഫ് നേതാക്കള്‍ കൂട്ടിച്ചേര്‍ത്തു.
യു ഡി എഫ് പക്ഷത്തു നിന്ന് ഗ്രാമ പഞ്ചായത്ത് മുന്‍ പ്രസിഡന്റ് പറമ്പന്‍ ലക്ഷ്മിയും എല്‍ഡിഎഫ് പക്ഷത്തു നിന്ന് അരീക്കോട് സര്‍വ്വീസ് ബാങ്ക് ഡയരക്ടര്‍ ചൂരപ്ര ഷീജയും തമ്മിലായിരുന്നു മത്സരം. ഇരുവര്‍ക്കും 9 വീതം വോട്ടുകളാണ് കിട്ടിയത്. ഇതേ തുടര്‍ന്ന് നടന്ന നറുക്കെടുപ്പിനെക്കുറിച്ചാണ് പരാതി. അസിസ്റ്റന്റ് റിട്ടേണിംഗ് ഓഫീസര്‍ നറുക്ക് സ്വയം എഴുതുകയും സ്ഥാനാര്‍ത്ഥികളെ ബോധ്യപ്പെടുത്താതെ രണ്ട് നറുക്കുകള്‍ രണ്ടു രീതിയില്‍ മടക്കി ഇടുകയും അദ്ദേഹം തന്നെ ധൃതിയില്‍ നറുക്കെടുക്കുകയുമായിരുന്നുവെന്നുമാണ് യുഡി എഫ് ആരോപണം.
ചെയര്‍പേഴ്‌സണ്‍ തെരെഞ്ഞെടുപ്പ് നറുക്കെടുപ്പിലൂടെ പൂര്‍ത്തീകരിച്ച് മിനുട്‌സില്‍ രേഖപ്പെടുത്തിയതിനു ശേഷം വൈസ്‌ചെയര്‍പേഴ്‌സണ്‍ തെരഞ്ഞെടുപ്പും കഴിഞ്ഞ് ഇന്റേണല്‍ ഓഡിറ്റര്‍മാരെ തെരഞ്ഞെടുക്കുന്നതിനിടയിലാണ് പരാതി ഉന്നയിച്ചെതെന്നും പരാതിയില്‍ കഴമ്പില്ലെന്നും പൊതുയോഗാംഗങ്ങള്‍ക്കുപുറമേ റിട്ടേണിംഗ് ഓഫീസറും അസിസ്റ്റന്റ് റിട്ടേണിംഗ് ഓഫീസറും മാത്രമേ വോട്ടിംഗ് നടക്കുന്ന ഹാളില്‍ ഉണ്ടായിരുന്നുള്ളൂവെന്നും പൊതുയോഗാംഗങ്ങളെക്കൊണ്ട് നറുക്കെടുപ്പിക്കാന്‍ വകുപ്പില്ലാത്തതു കൊണ്ട് എ ആര്‍ ഒ യോട് നറുക്കെടുക്കാന്‍ ആവശ്യപ്പെടുകയായിരുന്നുവെന്നുമാണ് റിട്ടേണിംഗ് ഓഫീസറുടെ വിശദീകരണം.
ജനുവരി 24 ന് തെരഞ്ഞെടുപ്പ് നടപടികള്‍ ആരംഭിച്ച് 4 വാര്‍ഡില്‍ നിന്നുളള അംഗങ്ങള്‍ രജിസ്റ്ററില്‍ ഒപ്പു വെച്ചതിനു ശേഷം കലക്ടറുടെ പ്രത്യേക ഉത്തരവുണ്ടെന്നു പറഞ്ഞു നിര്‍ത്തിവെച്ച തെരഞ്ഞെടുപ്പാണ് ഹൈക്കോടതി ഉത്തരവിന്‍ പ്രകാരം കഴിഞ്ഞ ദിവസം നടന്നത്. നടപടിക്രമങ്ങള്‍ ആരംഭിച്ചു കഴിഞ്ഞതിനു ശേഷം മതിയായ കാരണങ്ങളില്ലാതെ തെരഞ്ഞെടുപ്പ് നിര്‍ത്തി വെപ്പിച്ചതിനെതിരെ കലക്ടര്‍ക്കും ഡിഡിപി ക്കുമെതിരെ എല്‍ഡിഎഫ് അംഗങ്ങള്‍ ഹൈക്കോടതിയില്‍ നല്‍കിയ കേസ് തീര്‍പ്പാക്കിക്കൊണ്ടുള്ള വിധിയനുസരിച്ചാണ് ഏപ്രല്‍ 3ന് വീണ്ടും തെരഞ്ഞെടുപ്പ് നടന്നത്.
ഒന്നാം വാര്‍ഡിലെ ആലുക്കല്‍ നടന്ന എഡി എസ് തെരഞ്ഞെടുപ്പ് നിയമ വിരുദ്ധമാണെന്നു കാണിച്ച് വീണ്ടും തെരഞ്ഞെടുപ്പ് നടത്തണമെന്നാവശ്യപ്പെട്ട് യുഡിഎഫ് പക്ഷത്തു നിന്ന് മത്സരിച്ച ഏഴ് അംഗങ്ങളും പഞ്ചായത്ത് പ്രസിഡന്റ് പിപിസഫറുള്ളയും വൈസ് പ്രസിഡന്റ് ചൂരപ്ര ശോഭനാ ഗോപിയും നല്‍കിയ പരാതിയെ തുടര്‍ന്നാണ് ജനുവരി 24 ലെ തെരഞ്ഞെടുപ്പ് നിര്‍ത്തി വെക്കാന്‍ കലക്ടര്‍ ഉത്തരവിട്ടത്. പരസ്യമായി നടത്തേണ്ട എഡിഎസ് തെരഞ്ഞെടുപ്പ് രഹസ്യബാലറ്റുപയോഗിച്ച് നടത്തുകയും ബാലറ്റ് പേപ്പറുകള്‍ എല്‍ഡിഎഫ് അംഗത്തിന്റെ കയ്യില്‍ വിതരണത്തിനേല്‍പ്പിക്കുകയും ചെയ്തുവെന്ന പരാതിയുടെ അടിസ്ഥാനത്തിലാണ് ജനുവരി 24 ലെ തെരഞ്ഞെടുപ്പ് കലക്ടര്‍ നിര്‍ത്തി വെപ്പിച്ചത്.
യുഡിഎഫ് ഭരിക്കുന്ന പഞ്ചായത്തില്‍ സിഡിഎസ് ഭരണസമിതിയിലേക്ക് യുഡിഎഫ് അനുകൂലികളെ വിജയിപ്പിക്കാന്‍ നടത്തിയ എല്ലാ ശ്രമങ്ങളും പരാജയപ്പെട്ടതിലുള്ള ജാള്യത മറക്കാനാണ് യുഡിഎഫ് പരാതിയുമായി രംഗത്ത് വന്നതെന്നും തെരഞ്ഞെടുപ്പ് നടപടികളെക്കുറിച്ച് യാതൊരു പരാതിയുമില്ലെന്നും ചെയര്‍പേഴ്‌സണായി തെരഞ്ഞെടുക്കപ്പെട്ട ഷീജ ചൂരപ്ര പറഞ്ഞു.
9:04 AM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers