അറവങ്കര വാര്‍ഡില്‍ ഒരുകോടിയുടെ വികസനം: ഉദ്ഘാടനം 28 ന്

പൂക്കോട്ടൂര്‍: പൂക്കോട്ടൂര്‍ ഗ്രാമപഞ്ചായത്ത് അറവങ്കര 12ാം വാര്‍ഡില്‍ ഒരുവര്‍ഷത്തില്‍ 1.9 കോടി ചിലവില്‍ പൂര്‍ത്തീകരിച്ച 13 പദ്ധതികളുടെ ഉദ്ഘാടനം പൊതുമരാമത്ത് വകുപ്പ് മന്ത്രി വി.കെ.ഉബ്രാഹിംകുഞ്ഞ് അറവങ്കര ന്യൂബസാറില്‍ മെയ് 28 വൈകീട്ട് മൂന്നിന് നിര്‍വഹിക്കും.

ഗ്രാമ-ബ്ലോക്ക് പഞ്ചായത്തുകള്‍, എം.പി ഫണ്ട്, വെള്ളപ്പൊക്ക ദുരിതാശ്വാസം, പൊതുമരാമത്ത് വകുപ്പ് എന്നിവയുടെ ഫണ്ടുകള്‍ ഉപയോഗിച്ചാണ് പദ്ധതികള്‍ പൂര്‍ത്തീകരിച്ചത്. കാളിയേപറമ്പ്-തെക്കയില്‍പള്ളിയാളി റോഡ് - 25, ന്യൂബസാര്‍ ചെറുവള്ളൂര്‍ റോഡ് -15, നരിയേങ്ങല്‍ റോഡ്-10, പാപ്പാട്ടുങ്ങല്‍ - കണ്ടിക്കുന്ന് റോഡ്-22 , പൊരുതല റോഡ്-അഞ്ച്, പെരിമ്പിടിച്ചാല്‍-കണ്ടിക്കുന്ന് റോഡ്-അഞ്ച്, കണ്ടിക്കുന്ന - മുതുരത്തൊടി റോഡ്-എട്ട്, തെക്കയില്‍ പള്ളിയാളി-ചോലക്കല്‍ റോഡ്- രണ്ട്, പൊറ്റക്കാട് പാത്ത്‌വേ-അഞ്ച്, കുന്നുംപുറം-പെരുംപിടിച്ചാല്‍ റോഡ്-2.5, അങ്കണവാടി കെട്ടിടം-രണ്ട്, എല്‍.പി.എസ് അറ്റകുറ്റപ്പണി-2.2, പി.എച്ച്.സി അറ്റക്കുറ്റപ്പണി അഞ്ച് ലക്ഷം രൂപയുടെയും പ്രവൃത്തികളാണ് പൂര്‍ത്തീകരിച്ചത്.

ചടങ്ങില്‍ എം.എല്‍.എ.മാരായ പി.ഉബൈദുള്ള, കെ.മുഹമ്മദുണ്ണിഹാജി, ജില്ലാ പഞ്ചായത്ത് വൈസ് പ്രസിഡന്റ് പി.കെ.കുഞ്ഞു. പി.എ.സലാം, റ്റി.വി.ഇബ്രാഹിം, കെ.പി.ഉണ്ണീരുഹാജി, മഠത്തില്‍ സാദിഖലി എന്നിവര്‍ പങ്കെടുക്കും.

English Summery

One crore development plan Aravankara ward