Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label resign. Show all posts
Showing posts with label resign. Show all posts

രാജി പ്രഖ്യാപിച്ച് മൂന്ന്‌ ദിവസം കഴിഞ്ഞിട്ടും രാജിക്കത്തില്ല

Written By mvarthasubeditor on Sunday, July 1, 2012 | 9:18 AM

മലപ്പുറം: വികസന സ്ഥിരസമിതി അധ്യക്ഷന്‍ അഴിമതിനടത്തുന്നെന്ന് ആരോപിച്ച് ആരോഗ്യ സ്ഥിരസമിതി അധ്യക്ഷസ്ഥാനം രാജിവച്ചെന്ന് പ്രഖ്യാപിച്ച പി.കെ. സാക്കിര്‍ ഹുസൈന്‍ മൂന്നുദിവസം പിന്നിട്ടിട്ടും നഗരസഭാ സെക്രട്ടറിക്കു രാജിക്കത്ത് നല്‍കിയില്ല.

സാങ്കേതിക ബുദ്ധിമുട്ടുള്ളതിനാല്‍ ആരോഗ്യ സ്ഥിരസമിതി അധ്യക്ഷസ്ഥാനം രാജിവയ്ക്കുകയാണെന്ന് കാണിച്ച് കഴിഞ്ഞ 27ന് മുനിസിപ്പല്‍ മുസ്ലിം ലീഗ് ജനറല്‍ സെക്രട്ടറി കൊന്നോല യൂസഫിന്, സാക്കിര്‍ ഹുസൈന്‍ കത്ത് കൈമാറിയിരുന്നു. രാജി പ്രഖ്യാപിച്ച സാക്കിര്‍ ഹുസൈന്‍ ഇന്നലെ മുഴുവന്‍ നഗരസഭയുടെ പ്രവര്‍ത്തനങ്ങളില്‍ സജീവമായി. വിവിധ യോഗങ്ങളില്‍ അദ്ദേഹം പങ്കെടുക്കുകയും ചെയ്തു. ആരോഗ്യ സ്ഥിരസമിതി അധ്യക്ഷന്‍ എന്ന ലേബലില്‍ത്തന്നെയാണ് അദ്ദേഹം ഈ യോഗങ്ങളില്‍ പങ്കെടുത്തതെന്നതും കൌതുകമായി. 12-ാം പഞ്ചവല്‍സര പദ്ധതി പ്രവര്‍ത്തനങ്ങള്‍ ആസൂത്രണം ചെയ്യുന്നതിന്റെ ഭാഗമായി നഗരസഭയില്‍ 13 വര്‍ക്കിങ് ഗ്രൂപ്പുകള്‍ രൂപവല്‍ക്കരിച്ചിരുന്നു.

വര്‍ക്കിങ് ഗ്രൂപ്പുകള്‍ക്കായി വിളിച്ചുചേര്‍ത്ത യോഗങ്ങളിലാണ് സാക്കിര്‍ ഹുസൈന്‍ പങ്കെടുത്തത്. വികസന സ്ഥിരസമിതി അധ്യക്ഷനു നേരെ സാക്കിര്‍ഹുസൈന്‍ ഉന്നയിച്ച ആരോപണങ്ങളെ തുടര്‍ണ്ടായ വിവാദങ്ങളും പ്രശ്നങ്ങളും മുനിസിപ്പല്‍ ലീഗ് കമ്മിറ്റി ചര്‍ച്ച ചെയ്യും. പ്രസിഡന്റ് അബ്ബാസലി ശിഹാബ് തങ്ങള്‍ വിദേശത്തുനിന്നു തിരിച്ചെത്തിയ ശേഷം മറ്റു കാര്യങ്ങള്‍ തീരുമാനിക്കും. വിവാദങ്ങള്‍ അനാവശ്യമായിരുന്നുവെന്നാണ് ലീഗ് കമ്മിറ്റിയുടെ നിലപാട്. രാജിയില്‍നിന്നു പിന്‍മാറാന്‍ സാക്കിര്‍ ഹുസൈനു മേല്‍ പാര്‍ട്ടിയുടെ സമ്മര്‍ദമുണ്ടെന്നാണ് സൂചന.

English Summery
No resignation letter after three days of resignation declaration


9:18 AM | 0 comments

പഞ്ചായത്ത് അംഗം രാജിവെച്ചിട്ടില്ലെന്ന അവകാശവാദവുമായി രംഗത്ത്

Written By mvarthasubeditor on Friday, June 15, 2012 | 11:52 PM

എടക്കര: മൂത്തേടത്ത് രാജിവെച്ച മുസ്‌ലിം ലീഗ് പഞ്ചായത്ത് അംഗം പറമ്പന്‍ അശ്‌റഫ് താന്‍ രാജിവെച്ചിട്ടില്ലെന്ന അവകാശവാദവുമായി രംഗത്ത്. കഴിഞ്ഞ ഏഴിന് നടന്ന പ്രസിഡന്റ് തിരഞ്ഞെടുപ്പില്‍ വോട്ട് അസാദുവായതുമായി ബന്ധപ്പെട്ട് വിവാദത്തെ തുടര്‍ന്നാണ് അഷ്‌റഫ് രാജിവെച്ചത്.

പഞ്ചായത്ത് ഓഫീസില്‍ എത്തിയ അശ്‌റഫ് സ്വന്തം ലെറ്റര്‍ പാഡിലാണ് ആദ്യം രാജി എഴുതി നല്‍കിയത്. എന്നാല്‍ രാജിക്കത്ത് നല്‍കേണ്ടതിന് നിഷ്‌കര്‍ഷിച്ച രൂപത്തിലല്ലാത്തതിനാല്‍ ഇത് സ്വീകരിച്ചില്ല. തുടര്‍ന്ന് പൂര്‍ണ രൂപത്തില്‍ തയ്യാറാക്കിയ രാജിക്കത്ത് ഒപ്പിട്ട് നല്‍കുകയായിരുന്നു എന്ന് സെക്രട്ടറി പറഞ്ഞു. ഇതിന് രസീതിയും നല്‍കിയിട്ടുണ്ട്. 

അതേ സമയം താന്‍ രാജിവെച്ച വിവരം മാധ്യമങ്ങളിലൂടെയാണ് താന്‍ അറിഞ്ഞതെന്നും തന്റെ അറിവില്ലാതെ വന്ന രാജിക്കത്ത് സ്വീകരിച്ച് നടപടിയെടുക്കാന്‍ പാടില്ലെന്നും കാണിച്ച് അശ്‌റഫ് ഇന്നലെ പഞ്ചായത്ത് സെക്രട്ടറിക്ക് കത്തു നല്‍കുകയായിരുന്നു. എന്നാല്‍ രാജി വിവരം പ്രാദേശിക ചാനലില്‍ നല്‍കിയ അഭിമുഖത്തില്‍ അശ്‌റഫ് വ്യക്തമാക്കിയതാണ്.

English Summery
Panjayath member rejects the resignation news
11:52 PM | 0 comments

കോണ്‍ഗ്രസില്‍ നിന്ന് രാജിവെച്ച് ലീഗില്‍ ചേര്‍ന്നു

Written By mvarthasubeditor on Thursday, June 14, 2012 | 11:41 PM

പെരിന്തല്‍മണ്ണ: അറിയപ്പെടുന്ന കോണ്‍ഗ്രസ് നേതാവും കെ പി സി സി മെമ്പറുമായ കെ എച്ച് അബ്ദുല്‍ഖാദര്‍ , ഓട്ടോറിക്ഷാ തൊഴിലാളി യൂനിയന്‍ ഐ എന്‍ ടി യു സി ജില്ലാ സെക്രട്ടറി ഊത്തക്കാടന്‍ ഹംസ, താലൂക്ക് സെക്രട്ടറി ഉപ്പേരിത്തൊടി ജമാല്‍, അങ്ങാടിപ്പുറം മണ്ഡലം കോണ്‍ഗ്രസ് കമ്മിറ്റി വൈസ് പ്രസിഡന്റ് മൊയ്തു, തൊണ്ണംതൊഴി ഹംസ എന്നിവരുടെ നേതൃത്വത്തില്‍ 50ല്‍പരം കോണ്‍ഗ്രസ് പ്രവര്‍ത്തകര്‍ രാജിവെച്ച് മുസ്‌ലിം ലീഗില്‍ ചേര്‍ന്നു. രാജിവെച്ചവര്‍ക്കുള്ള മെമ്പര്‍ഷിപ്പ് പാണക്കാട് സയ്യിദ് സാദിഖലി ശിഹാബ് തങ്ങള്‍ വിതരണം ചെയ്തു.

English Summery
Resigned from congress; joints in Muslim league 
11:41 PM | 0 comments

മുസ്‌ലിംലീഗില്‍ നിന്ന് രാജിവെച്ചു

Written By mvarthasubeditor on Tuesday, June 5, 2012 | 9:22 PM

പെരിന്തല്‍മണ്ണ: മുനിസിപ്പല്‍ മുസ്‌ലിംലീഗിലെ കുടുംബവാഴ്ചക്കും മുനിസിപ്പല്‍ ലീഗ് സെക്രട്ടറിയുടെ അഴിമതികളിലും സ്വജനപക്ഷപാതത്തിലും ധാര്‍ഷ്ഠ്യത്തിലും പ്രതിഷേധിച്ച് മുന്‍ മുനിസിപ്പല്‍ മുസ്‌ലിംലീഗ് പ്രസിഡന്റും സെക്രട്ടറിയും പത്ത് വര്‍ഷം നഗരസഭയിലെ പ്രതിപക്ഷനേതാവുമായിരുന്ന പ്രൊഫ.നാലകത്ത് ബഷീറിന്റെ നേതൃത്വത്തില്‍ മുനിസിപ്പാലിറ്റിയിലെ വിവിധ വാര്‍ഡുകളില്‍ നിന്ന് ഭാരവാഹികളും പ്രവര്‍ത്തകരുമായ നൂറോളം കുടുംബങ്ങള്‍ മുസ്‌ലിംലീഗില്‍ നിന്ന് രാജിവെച്ചു. 31-ാം വാര്‍ഡ് മുസ്‌ലിംലീഗ് സെക്രട്ടറി മുജീബ് കരുണാകരത്ത്, 27-ാം വാര്‍ഡ് മുസ്‌ലിംലീഗ് സെക്രട്ടറി ഫൈസല്‍ പാക്കത്ത്, പെരിന്തല്‍മണ്ണ മാര്‍ക്കറ്റിംഗ് സൊസൈറ്റി പട്ടാണി കുഞ്ഞിപ്പു, മുന്‍ മുനിസിപ്പല്‍ പ്രവര്‍ത്തക സമിതിയംഗം ഉമ്മര്‍ മൗലവി, 31-ാം വാര്‍ഡ് യൂത്ത്‌ലീഗ് പ്രസിഡന്റ് ഷാനവാസ്, സെക്രട്ടറി ഷാഫി കരുണാകരത്ത്, മുസ്‌ലിംലീഗ് കൗണ്‍സിലര്‍മാരായ അബ്ദുല്‍ഗഫൂര്‍, കരുണാകരത്ത് ഷാനവാസ്, ചെറുകോടന്‍ നജബ്, കരുണാകരത്ത് സൈതലവി എന്നിവരാണ് രാജിവെച്ചത്.

English Summery
More than 100 families resigned from Muslim League. 
9:22 PM | 0 comments

കാലിക്കറ്റ് സര്‍വകലാശാല വൈസ് ചാന്‍സ്‌ലര്‍ രാജി വെക്കണം: ആക്ട്

Written By Malappuram News on Friday, May 4, 2012 | 3:52 PM

തേഞ്ഞിപ്പലം: കാലിക്കറ്റ് സര്‍വകലാശാലയിലെ ഭൂമിദാന വിവാദത്തെ കുറിച്ച് പുതിയ വെളിപ്പെടുത്തലുകള്‍ വന്ന സാഹചര്യത്തില്‍ സര്‍വകലാശാല വിസി രാജി വെക്കണമെന്ന് അസോഷിയേഷന്‍ ഓഫ് കാലിക്കറ്റ് യൂണിവേഴ്‌സിറ്റി ടീച്ചേഴ്‌സ് (ആക്ട്) ആവിശ്യപ്പെട്ടു. ഭൂമിദാന വിഷയത്തില്‍ ബാഡ്മിന്റണ്‍ അസോസിയേഷന്‍ പറയുന്ന കാര്യങ്ങളുടെയും തദ്ദേശ സ്വയം ഭരണ സ്ഥാപനങ്ങള്‍ക്ക് അയച്ച സര്‍ക്കുലറിന്റെയും അടിസ്ഥാനത്തില്‍ വൈസ്ചാന്‍സ്‌ലറും സിന്‍ഡിക്കേറ്റ് അംഗങ്ങളും ഇത് വരെ പറഞ്ഞത് കളവാണെന്ന് തെളിഞ്ഞിരിക്കേ, വൈസ്ചാന്‍സ്‌ലര്‍ രാജി വെക്കുകയും സിന്‍ഡിക്കേറ്റ് പിരിച്ച് വിടുകയും ചെയ്യണമെന്ന് ആക്ട് ഭാരവാഹികള്‍ ആവിശ്യപ്പെട്ടു.

Keywords: VC, Calicut University, resign, Malappuram, ACT, 
3:52 PM | 0 comments

നെടിയിരുപ്പില്‍ ലീഗ്‌ പഞ്ചായത്ത്‌ അംഗം രാജിവെച്ചു

Written By Malappuram News on Tuesday, April 17, 2012 | 11:30 AM

കൊണ്ടോട്ടി: നെടിയിരുപ്പില്‍ ഗ്രാമപഞ്ചായത്തില്‍ മുസ്ലിം ലീഗ്‌ അംഗം രാജിവെച്ചു. വികസന സ്റ്റാന്‍ഡിംഗ്‌ കമ്മിറ്റി ചെയര്‍പേഴ്‌സണ്‍ ഇഫൈജിനയാണ്‌ രാജിവെച്ചത്‌.
ഒന്നാം വാര്‍ഡില്‍ നിന്നുള്ള പ്രതിനിധിയാണ്‌ ഫൈജിത. വാര്‍ഡിലെ മുസ്‌ലിം ലീഗ്‌ കമ്മിറ്റിയുടെയും പ്രവര്‍ത്തകരുടെയും സമ്മര്‍ദ്ദത്തെ തുടര്‍ന്നാണ്‌ രാജി.
ഫൈജിത ബോര്‍ഡ്‌ മീറ്റിംഗില്‍ പങ്കെടുക്കുകയോ ഗ്രാമസഭ വിളിച്ചു കൂട്ടുകയോ ചെയ്യാറില്ലെന്നാണ്‌ പാര്‍ട്ടി പ്രവര്‍ത്തകര്‍ പറയുന്നത്‌. ഇത്‌ കാരണം വാര്‍ഡില്‍ വികസന പ്രവര്‍ത്തനങ്ങള്‍ നടക്കുന്നില്ലെന്നും പരാതിയുണ്ട്‌. ഇക്കാരണത്താല്‍ കുറെ മാസങ്ങളായി പാര്‍ട്ടി പ്രവര്‍ത്തകര്‍ ഇവര്‍ക്കെതിരെ കടുത്ത വിമര്‍ശനങ്ങളാണ്‌ ഉന്നയിച്ചിരിക്കുന്നത്‌. ഇതില്‍ മനം നൊന്നതണ്‌ ഇവര്‍ രാജിവെച്ചത്‌. രാജി സെക്രട്ടറി സ്വീകരിച്ചു.
11:30 AM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers