Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label NRI. Show all posts
Showing posts with label NRI. Show all posts

പനി ബാധിച്ച് പ്രവാസി വ്യാപാരി മരിച്ചു

Written By mvarthasubeditor on Tuesday, July 3, 2012 | 8:56 AM

എടപ്പാള്‍: പനി ബാധിച്ച് ചികിത്സയിലായിരുന്ന പ്രവാസി വ്യാപാരി മരിച്ചു. തുയ്യം പാലക്കാട്ട് മുകുന്ദന്‍(48) ആണ് ഇന്നലെ കോഴിക്കോട് സ്വകാര്യ ആശുപത്രയില്‍ വെച്ച് മരിച്ചത്.

അജ്മാനിലും എടപ്പാളിലും വിവിധ സ്വകാര്യ സ്ഥാപനങ്ങള്‍ നടത്തുന്ന മുകുന്ദന്‍ ഒരാഴ്ച മുമ്പാണ് നാട്ടിലെത്തിയത്. രണ്ടു ദിവസം മുമ്പാണ് പനി ബാധിച്ചത്. 

ഭാര്യ: സാവിത്രി. മക്കള്‍: വിജേഷ്, വൈശാഖ്, വിവേക്. സംസ്‌കാരം ഇന്ന് രാവിലെ എട്ടിന് വീട്ടുവളപ്പില്‍.

English Summery
NRI died due to fever 
8:56 AM | 0 comments

പ്രവാസി ബോര്‍ഡ് ആനുകൂല്യങ്ങളെ കുറിച്ച് ബോധവത്കരണം നടത്തും: മന്ത്രി

Written By mvarthasubeditor on Monday, June 18, 2012 | 8:46 AM

കോട്ടക്കല്‍: പ്രവാസി ക്ഷേമ ബോര്‍ഡിന്റെ ആനുകൂല്യങ്ങളെ കുറിച്ച് പ്രവാസികളില്‍ അവബോധം സൃഷ്ടിക്കുന്നതിന്ന് ശക്തമായ ബോധവത്കരണ പരിപാടികള്‍ സംഘടിപ്പിക്കുമെന്ന് പ്രവാസിക്ഷേമ മന്ത്രി കെ സി ജോസഫ് പറഞ്ഞു. കോട്ടക്കലില്‍ ആരംഭിച്ച കേരള പ്രവാസി കേരളീയ ക്ഷേമ ബോര്‍ഡിന്റെ ജില്ലാ ലെയന്‍സ് ഓഫീസ് ഉദ്ഘാടനം ചെയ്യുകയായിരുന്നു അദ്ദേഹം.

വിവിധ സംഘടനകളുടെ സഹായം ഇതിനായി തേടും. ഏറ്റവും കൂടുതല്‍ പ്രവാസികള്‍ കേരളത്തിലുണ്ടായിട്ടും ബോര്‍ഡില്‍ അംഗമായവരുടെ എണ്ണം വളരെ പരിമിതമാണ്. ആനുകൂല്യങ്ങള്‍ സംബന്ധിച്ച അറിവില്ലായിമയാണ് ഇതിന്ന് കാരണം. ബോധവത്കരണത്തിലൂടെ അംഗസംഖ്യ വര്‍ദ്ധിപ്പിക്കാനാവും. ശിക്ഷാ കാലാവധി കഴിഞ്ഞും വിദേശ ജയിലുകളില്‍ നിരവധി മലയാളികള്‍ കഴിയുന്നുണ്ട്. 

ചെറിയ പ്രശ്‌നത്തിന്റെ പേരില്‍ കുടുങ്ങി കിടക്കുന്ന ഇത്തരക്കാരെ രക്ഷപ്പെടുത്താന്‍ നിയമ സഹായം നല്‍കും.
ഇവര്‍ക്ക് വേത്തില്‍ നാട്ടിലെത്താന്‍ ആവശ്യമായ സഹായങ്ങളും ഒരുക്കുമെന്നും അദ്ദേഹം പറഞ്ഞു. കോട്ടക്കല്‍ ടാക്‌സി സ്റ്റാന്‍ഡ് പരിസരത്ത് നടന്ന ഉദ്ഘാടന പരിപാടിയില്‍ അംഗങ്ങളുടെ കാര്‍ഡ് വിതരണവും മന്ത്രി നിര്‍വഹിച്ചു. ചെയര്‍മാന്‍ അഡ്വ. പി എം എ സലാം സ്വാഗതം പറഞ്ഞു.
ഇ ടി മുമ്മദ് ബശീര്‍ എം പി മുഖ്യാതിഥിയായി രുന്നു.ചെയര്‍പേഴ്‌സന്‍ ബുഷ്‌റ ഷബീര്‍, പി മൂസ കുട്ടി ഹാജി, കെ കെ നാസര്‍, ടി കബീര്‍ തുടങ്ങിയവര്‍ പങ്കെടുത്തു. എം പി അബ്ദു സമദ് സമദാനി അധ്യക്ഷത വഹിച്ചു.

English Summery
Conduct campaign in NRI allowances: Minister
8:46 AM | 0 comments

പ്രവാസി ക്ഷേമ ബോര്‍ഡില്‍ അംഗമാകാന്‍ പ്രവാസികളില്ല

Written By mvarthasubeditor on Saturday, June 16, 2012 | 2:00 AM

മലപ്പുറം: സംസ്ഥാന പ്രവാസി ക്ഷേമ ബോര്‍ഡില്‍ അംഗത്വമെടുക്കാന്‍ ആളില്ല. പദ്ധതി സംബന്ധിച്ച അറിവില്ലായ്മയാണ് ഇതിനായി കാരണമായി കരുതുന്നത്. എണ്ണായിരത്തോം പേര്‍ മാത്രമാണ് ഇത് വരെ അംഗങ്ങളായിട്ടുള്ളത്. 2009ലാണ് ഇത് സംബന്ധിച്ച് സര്‍ക്കാര്‍ ബില്‍ അവതരിപ്പിച്ചത്.

ആദ്യഘട്ടത്തില്‍ എറണാകുളത്തുനിന്നും കാസര്‍ഗോഡ് നിന്നുമാണ് ഏറെയും അംഗങ്ങള്‍ ഉണ്ടായിരുന്നത്. മലപ്പുറം ജില്ലയില്‍ ഏറെ പ്രവാസികളുണ്ടെങ്കിലും എണ്ണത്തിനനുസരിച്ച് ആളുകള്‍ അംഗങ്ങളായിട്ടില്ല. മലബാറിലെ മറ്റു ജില്ലകളുടെയും സ്ഥിതി വ്യത്യസ്തമല്ല. പ്രവാസി കേരളീയരുടെ ഉന്നമനവും പുനരധിവാസവും ലക്ഷ്യമാക്കിയാണ് കേരള സര്‍ക്കാര്‍ പദ്ധതി ആവിഷ്‌കരിച്ചത്.

ഇന്ത്യയില്‍ തന്നെ ആദ്യ സംരഭമായാണ് പദ്ധതിയെ സര്‍ക്കാര്‍ വിശേഷിപ്പിച്ചിരിക്കുന്നത്. 18നും 55നും ഇടയില്‍ പ്രായമുള്ളവര്‍ക്കാണ് അംഗത്വം ലഭിക്കുക. അംഗമാകാന്‍ വിദേശത്ത് തന്നെ ജോലിചെയ്യണമെന്ന് വ്യവസ്ഥയില്ല. ഇന്ത്യയിലായാലും ആനുകൂല്യത്തിനര്‍ഹനാണ്. കേരളത്തിന് പുറത്ത് ജോലിചെയ്തവരെയും പ്രവാസികളുടെ കൂട്ടത്തില്‍ ഉള്‍പെടുത്തിയിട്ടുണ്ട്.

വിദേശത്ത് ജോലി ചെയ്യുന്നവര്‍, വിദേശത്ത് രണ്ട് വര്‍ഷമെങ്കിലും ജോലി ചെയ്ത ശേഷം തിരിച്ചെത്തി കേരളത്തില്‍ സ്ഥിരതാമസമാക്കിയവര്‍ എന്നിവര്‍ക്കെല്ലാം അംഗത്വം നല്‍കും. ഇന്ത്യയിലെ മറ്റ് സംസ്ഥാനത്ത് ജോലി ചെയ്തവര്‍ അവരുടെ കമ്പനി ഉടമയുടെ സാക്ഷ്യ പത്രമാണ് നല്‍കേണ്ടത്. ആ സംസ്ഥാനത്തെ പഞ്ചാത്ത്, മുനിസിപ്പാലിറ്റികളില്‍ നിന്നുള്ള സാക്ഷ്യ പത്രങ്ങളും സ്വീകരിക്കും. ബോര്‍ഡിന്റെ തിരുവനന്തപുരത്തെ മുഖ്യ ഓഫീസിന് പുറമെ കൊച്ചി, കോഴിക്കോട് മേഖലാ ഓഫീസുകള്‍, മലപ്പുറം ജില്ലയില്‍ തുറക്കുന്ന ലെയണ്‍സ് ഓഫീസ്, നോര്‍ക്കാ-റൂട്‌സ് ഓഫീസുകള്‍ എന്നിവയില്‍ നിന്നും അപേക്ഷാ ഫോറങ്ങള്‍ ലഭിക്കും.

വെബ് സൈറ്റില്‍ നിന്നും ഡൗണ്‍ ലോഡ് ചെയ്യാനുള്ള സൗകര്യവുമുണ്ട്. 60വയസ് പൂര്‍ത്തിയായാല്‍ പെന്‍ഷന്‍, അഞ്ചുവര്‍ഷത്തില്‍് കുറയാത്ത അംശാദായം അടച്ചിട്ടുള്ള അംഗം മരിച്ചാല്‍ ആശ്രിതര്‍ക്ക് കുടുംബ പെന്‍ഷന്‍, സ്ഥിരമായ അംഗവൈകല്യം നേരിട്ടാല്‍ സാമ്പത്തിക സഹായം, അപകടം, രേഗം എന്നീകാരണത്താല്‍ മരിച്ചാല്‍ ആശ്രിതര്‍ക്ക് സാമ്പത്തിക സഹായം, അംഗത്തിന് ചികിത്സാ സഹായം, വിവാഹ ധന സഹായം, വീട് നിര്‍മാണം, അറ്റകുറ്റ പണി, വസ്തു വാങ്ങല്‍ എന്നിവക്ക് വായ്പ, മക്കളുടെ ഉന്നത വിദ്യാഭ്യാസത്തിന് സാമ്പത്തിക സഹായവും വായ്പയും, പ്രവാസി ജീവിതം മതിയാക്കിയവര്‍ക്ക് സ്വയം തൊഴിലിനുള്ള വായ്പ. തുടങ്ങി ഒട്ടേറെ ക്ഷേമ പദ്ധതികളാണ് ആവിഷ്‌കരിച്ചുട്ടുള്ളത്.

വിദേശത്ത് ജോലിയില്‍ തുടരുന്നവര്‍ 300രൂപയാണ് പ്രതിമാസം അടക്കേണ്ടത്. മടങ്ങി വന്നവരും ഇന്ത്യയിലെ മറ്റ് സംസ്ഥാനങ്ങളില്‍ താമസമാക്കിയവരുമാണെങ്കില്‍ നൂറ് രൂപ അടച്ചാല്‍ മതിയാകും. അക്ഷയ കേന്ദ്രങ്ങളില്‍ പണമടക്കാന്‍ സംവിധാനമുണ്ട്. 60വയസ് പൂര്‍ത്തിയായാലാണ് പെന്‍ഷന്‍ ലഭിക്കുക. അഞ്ച് വര്‍ഷം അംശാദായം അടച്ചിരിക്കണം. സര്‍ക്കാര്‍ വിഹിതത്തില്‍ നിന്നും മൂന്ന് ശതമാനമാണ് ഇപ്പോള്‍ ഇതിലേക്ക് ലഭിക്കുന്നത്. ഇത് കൂട്ടണമെന്ന ആവശ്യം ഉയര്‍ന്നിട്ടുണ്ട്. ഈ ആവശ്യം സര്‍ക്കാറിന്റെ പരിഗണയിലാണിപ്പോള്‍. പ്രായ പരിധി ഉയര്‍ത്തണമെന്ന ആവശ്യവും സര്‍ക്കാറിന് മുമ്പില്‍ സമര്‍പ്പിക്കപ്പെട്ടിട്ടുണ്ട്.

പദ്ധതി സംബന്ധിച്ച് വിദേശത്ത് നിന്നും ഇന്ത്യയിലെ തന്നെ മറ്റ് സംസ്ഥാനങ്ങളില്‍ നിന്നും മടങ്ങി എത്തിയവരില്‍ ശക്തമായ ബോധവത്കരണം നടത്താനാണ് തീരുമാനമെന്ന് ചെയര്‍മാന്‍ അഡ്വ. പി എം എ സലാം പറഞ്ഞു. കൂടുതല്‍ ആളുകളെ പദ്ധതിയുടെ ഗുണഭോക്താക്കളാക്കി മാറ്റാനും ശ്രമിക്കും. ഇതിന്റെ ഭാഗമായി അടുത്ത ദിവസം മലപ്പുറം ജില്ലയില്‍ ലെയന്‍സണ്‍ ഓഫീസ് തുറക്കുന്നുണ്ട്.

English Summery
NRIs not interested to join NRI welfare board 
2:00 AM | 0 comments

തിരിച്ചെത്തിയ പ്രവാസികളുടെ പ്രശ്‌നങ്ങള്‍ സര്‍ക്കാര്‍ പരിഹരിക്കും : മന്ത്രി അനില്‍കുമാര്‍

Written By mvarthasubeditor on Wednesday, June 13, 2012 | 3:41 PM


വണ്ടൂര്‍: വിദേശത്ത് ജോലിചെയ്ത് നാട്ടില്‍ തിരിച്ചെത്തിയ പ്രവാസികളുടെ പ്രശ്‌നങ്ങള്‍ക്ക് പരിഹാരം കാണാന്‍ സര്‍ക്കാര്‍ ശ്രമിക്കുമെന്ന് വിനോദസഞ്ചാര വകുപ്പു മന്ത്രി എപി അനില്‍കുമാര്‍ പറഞ്ഞു.സംഘടിപ്പിച്ച പ്രവാസി സംഗമം ഉദ്ഘാടനം ചെയ്യുകയായിരുന്നു അദ്ധേഹം.
60 വയസ് പൂര്‍ത്തിയായ എല്ലാ പ്രവാസികള്‍ക്കും പെന്‍ഷന്‍ അനുവദിക്കാനും ക്ഷേമ നിധിയില്‍ ചേരാനുള്ള പ്രായപരിധി 60 വയസ്സായി ഉയര്‍ത്താനും സര്‍ക്കാര്‍ നടപടി സ്വീകരിക്കുമെന്നും മന്ത്രി പറഞ്ഞു.യോഗത്തില്‍ എസ്എസ്എല്‍സി, പ്ലസ്ടു പരീക്ഷകളില്‍ ഉന്നത വിജയം നേടിയവരെയും പഴയകാല പ്രവാസികളെയും മന്ത്രി ആദരിച്ചു.യോഗത്തില്‍ ഇ റസാഖ്, കെസി കുഞ്ഞിമുഹമ്മദ്, സികെ മുബാറക്, കെപി ഉണ്ണികൃഷ്ണന്‍, അഷ്‌റഫ്, അബ്ദുല്‍സലാം, പാപ്പറ്റ കുഞ്ഞിമുഹമ്മദ്, ശരീഫ് തുറക്കല്‍ സംസാരിച്ചു.
Key words:Kerala, Malappuram,Nris,
3:41 PM | 0 comments

പ്രവാസികളില്‍ നമ്പര്‍ വണ്‍ മലപ്പുറം

Written By Malappuram News on Monday, March 19, 2012 | 9:33 AM

സംസ്ഥാനത്തിന്റെ പ്രധാന വരുമാനം പ്രവാസികളുടേതാണ്. പ്രവാസികളില്ലെങ്കില്‍ കേരളം പോലുള്ള ഒരു സംസ്ഥാനം തൊഴിലില്ലായ്മ കൊണ്ടും പട്ടിണികൊണ്ടും വീര്‍പ്പുമുട്ടുമായിരുന്നു. പ്രവാസികളുടെ എണ്ണത്തില്‍ സംസ്ഥാനത്ത് മലപ്പുറം ജില്ലയാണ് ഒന്നാംസ്ഥാനത്ത്. പ്രവാസികളിലൂടെ കേരളത്തിലേക്ക് ഏറ്റവും കൂടുതല്‍ പണമെത്തുന്നതു മലപ്പുറം ജില്ലയിലാണ്. കഴിഞ്ഞ വര്‍ഷം 9,040 കോടി രൂപ ജില്ലയിലേക്കെത്തി. ജില്ലയിലെ ഒരു വീടിന് 1.14 ലക്ഷം രൂപ എന്ന ക്രമത്തില്‍ പണം ലഭിക്കുന്നുണ്ടെന്നു സര്‍വേ പറയുന്നു.
കേരളത്തിലാകെ 22.8 ലക്ഷം പ്രവാസികള്‍ ഉള്ളതില്‍ 4.08 ലക്ഷവും മലപ്പുറം ജില്ലയില്‍നിന്നുള്ളവരാണ്. ആകെയുള്ളതിന്റെ 17.90%. കഴിഞ്ഞ 13 വര്‍ഷത്തിനിടയില്‍ ജില്ലയില്‍നിന്നുള്ള പ്രവാസികളുടെ എണ്ണത്തില്‍ കുറവുണ്ടായെന്നും കണക്കുകള്‍ പറയുന്നു. സിഡിഎസ് നടത്തിയ പ്രവാസി സര്‍വേയിലാണ് (2011) ഈ വിവരങ്ങളുള്ളത്. 1998ലെ കണക്ക് പ്രകാരം അന്ന് ആകെയുള്ളതിന്റെ 21.8% മലപ്പുറത്തായിരുന്നു. കേരളത്തിനുപുറത്ത് ഇന്ത്യയിലെ വിവിധ സംസ്ഥാനങ്ങളില്‍ താമസിക്കുന്ന പ്രവാസികളുടെ എണ്ണം 9.31 ലക്ഷമാണ്. 2008ല്‍ ഇത് 9.14 ലക്ഷമായിരുന്നു. പാലക്കാട് ജില്ലക്കാരാണ് അന്യസംസ്ഥാനങ്ങളില്‍ താമസിക്കുന്നവരില്‍ കൂടുതല്‍.
മലയാളികളായ പ്രവാസികളില്‍ 45% മുസ്‌ലിംകളാണ്. കേരളത്തില്‍നിന്നു വിദേശത്തു ജോലിചെയ്യുന്നവരില്‍ 90 ശതമാനത്തിലധികവും ഗള്‍ഫ് രാജ്യങ്ങളിലാണ്. ഇതില്‍ യുഎഇയിലാണ് ഏറ്റവും കൂടുതല്‍ പേരുള്ളത് (40% ). രണ്ടാം സ്ഥാനത്തു നില്‍ക്കുന്നത് സൗദി അറേബ്യ (25%). സാമ്പത്തികമാന്ദ്യത്തെ തുടര്‍ന്നുള്ള കഴിഞ്ഞ മൂന്നു വര്‍ഷത്തിനിടയില്‍ സൗദി അറേബ്യയിലെ മലയാളി പ്രവാസികളുടെ എണ്ണത്തില്‍ രണ്ടു ശതമാനം വര്‍ധനയുണ്ടായി.
കേരളത്തിന്റെ വികസനത്തിന്റെ പ്രധാന പങ്ക് വഹിച്ച പ്രവാസികളെ ഇപ്പോഴും വേണ്ട രീതിയില്‍ കേന്ദ്ര- സംസ്ഥാന സര്‍ക്കാറുകള്‍ പരിഗണിക്കുന്നില്ലെന്നാണ് പ്രവാസികള്‍ പറയുന്നത്. വിദേശ രാജ്യങ്ങളില്‍ പ്രവാസികളായ ഇന്ത്യക്കാര്‍ പല കള്ളക്കേസുകളിലും അകപ്പെടാറുണ്ട്. എന്നാല്‍ അവരെ മോചിപ്പിക്കുന്നതിനോ, മറ്റോ സര്‍ക്കാര്‍ കാര്യക്ഷമമായി ഇടപെടുന്നില്ലെന്നാണ് പ്രവാസികളുടെ പരാതി.
9:33 AM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers