Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Chief Minster. Show all posts
Showing posts with label Chief Minster. Show all posts

ആധുനിക ചികിത്സാ സൗകര്യങ്ങള്‍ എല്ലാവര്‍ക്കും ലഭ്യമാക്കും: മുഖ്യമന്ത്രി

Written By Malappuram News on Monday, September 2, 2013 | 12:23 AM

വണ്ടൂര്‍: ആധുനിക ചികിത്സാ സൗകര്യങ്ങള്‍ എല്ലാവര്‍ക്കും ലഭ്യമാക്കുമെന്ന് മുഖ്യമന്ത്രി ഉമ്മന്‍ചാണ്ടി. സര്‍ക്കാര്‍ മേഖലയിലെ ആദ്യ ഹോമിയോ കാന്‍സര്‍ ചികിത്സാ കേന്ദ്രം വണ്ടൂരില്‍ ഉദ്ഘാടനം ചെയ്യുകയായിരുന്നു മുഖ്യമന്ത്രി. പണക്കാരനും പാവപ്പെട്ടവനും ഒരു പോലെ ചികിത്സ ലഭിക്കാനുള്ള സൗകര്യമൊരുക്കും. സര്‍ക്കാര്‍ കൂടുതല്‍ പരിഗണന നല്‍കുന്നത് ആരോഗ്യ മേഖലയ്ക്കാണ്.
അലോപ്പതി, ആയുര്‍വേദ, ഹോമിയോ ചികിത്സാ സൗകര്യങ്ങള്‍ വര്‍ധിപ്പിക്കും. ജനസമ്പര്‍ക്ക പരിപാടിയില്‍ കൂടുതല്‍ സഹായം ആവശ്യപ്പെട്ടത് മരുന്ന് വാങ്ങുന്നതിനാണ്. ഇതാണ് ജനറിക് മരുന്നുകള്‍ സൗജന്യമായി നല്‍കാന്‍ സര്‍ക്കാരിനെ പ്രേരിപ്പിച്ചതെന്നും മന്ത്രി പറഞ്ഞു.
ടൂറിസം വകുപ്പ് മന്ത്രി എ.പി അനില്‍കുമാര്‍ അധ്യക്ഷനായി. കെട്ടിടോദ്ഘാടനം ആരോഗ്യമന്ത്രി വി.എസ് ശിവകുമാര്‍ നിര്‍വഹിച്ചു. സോവനീര്‍ പ്രകാശനം വിദ്യഭ്യാസ മന്ത്രി പി.കെ അബ്ദുറബ്ബ് നിര്‍വഹിച്ചു. എം.ഐ ഷാനവാസ് എം.പി മുഖ്യാതിഥിയായി. ജില്ലാ പഞ്ചായത്ത് പ്രസിഡന്റ് സുഹറ മമ്പാട്, ജില്ലാ പഞ്ചായത്ത് പൊതുമരാമത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ വി. സുധാകരന്‍, വണ്ടൂര്‍ ബ്ലോക്ക് പഞ്ചായത്ത് പ്രസിഡന്റ് ശ്രീദേവി പ്രാക്കുന്ന്, ജനപ്രതിനിധികള്‍, രാഷ്ട്രീയ പാര്‍ട്ടി പ്രതിനിധികള്‍ എന്നിവര്‍ പങ്കെടുത്തു.
12:23 AM | 0 comments

മുഖ്യമന്ത്രിയെ കരിങ്കൊടി കാണിക്കുമെന്ന് സി പി എം

Written By Malappuram News on Friday, August 30, 2013 | 8:05 AM

മലപ്പുറം: മഞ്ചേരി മെഡിക്കല്‍ കോളേജ് ഉദ്ഘാടനത്തിന് എത്തുന്ന മുഖ്യമന്ത്രിയുടെ പരിപാടി എല്‍ഡിഎഫിലെ മറ്റ് പാര്‍ട്ടികളുമായി ചേര്‍ന്ന് ബഹിഷ്‌കരിക്കുമെന്ന് സി പി എം ജില്ലാ കമ്മിറ്റി പ്രസ്താവനയില്‍ അറിയിച്ചു. മഞ്ചേരി മെഡിക്കല്‍ കോളജ് ജില്ലയില്‍ സ്ഥാപിതമാകുന്നത് ഏറെ സന്തോഷത്തോടെയും അതിലേറെ അഭിമാനത്തോടെയുമാണ് പാര്‍ട്ടി കാണുന്നത്. കേരളത്തിലെ പിന്നോക്കം നില്‍ക്കുന്ന ജില്ലകളിലൊന്നായ മലപ്പുറത്ത് ആരോഗ്യമേഖലയിലും ചികിത്സാ രംഗത്തും ഒരു കുതിച്ചുചാട്ടത്തിന് ഈ മെഡിക്കല്‍ കോളേജിന്റെ സ്ഥാപനവും പ്രവര്‍ത്തനവും ഏറെ സഹായകരമാകും എന്ന കാര്യത്തില്‍ രണ്ടുപക്ഷമില്ല.
കേരളത്തിലെ ഏറ്റവും മികച്ച മെഡിക്കല്‍ കോളജായി മാറാന്‍ മഞ്ചേരി മെഡിക്കല്‍ കോളജിന് കഴിയുമെന്ന ഉത്തമപ്രതീക്ഷയും സിപിഐ എം വെച്ചു പുലര്‍ത്തുന്നു. എന്നാല്‍ സെപ്തംബര്‍ ഒന്നിന് മെഡിക്കല്‍ കോളജ് ഉദ്ഘാടനത്തിനായി മഞ്ചേരിയിലെത്തുന്ന മുഖ്യമന്ത്രിയെ ബഹിഷ്‌കരിക്കാനും കരിങ്കൊടി കാണിച്ചു പ്രതിഷേധിക്കാനും എല്‍ഡിഎഫ് തീരുമാനമെടുത്തിരിക്കുകയാണ്. സോളാര്‍തട്ടിപ്പുമായി ബന്ധപ്പെട്ട് മുഖ്യമന്ത്രിയ്ക്കും അദ്ദേഹത്തിന്റെ ഓഫീസിനുെമതിരെ ഉയര്‍ന്ന ആക്ഷേപങ്ങള്‍ പരിശോധിക്കാന്‍ ജുഡീഷ്യല്‍ അന്വേഷണം പ്രഖ്യാപിക്കണമെന്നും അന്വേഷണഘട്ടത്തില്‍ മുഖ്യമന്ത്രി രാജിവെച്ചു മാറിനില്‍ക്കണമെന്നും ആവശ്യപ്പെട്ട് എല്‍ഡിഎഫ് രണ്ട് മാസത്തിലേറെയായി വിവിധ രൂപത്തിലുള്ള പ്രക്ഷോഭങ്ങള്‍ നടത്തി വരികയാണ്.
മഞ്ചേരിയിലെത്തുന്ന മുഖ്യമന്ത്രിക്ക് കരിങ്കൊടി കാണിച്ചു പ്രതിഷേധിക്കാന്‍ എല്‍ഡിഎഫ് തീരുമാനിച്ചിട്ടുണ്ട്. സമാധാനപരമായി സമരം ചെയ്യാനാണ് ആയിരക്കണക്കിന് സമരസഖാക്കള്‍ എത്തുക. ജനകീയ സമരങ്ങളെ ചോരയില്‍മുക്കിക്കൊല്ലാന്‍ ആരുതന്നെ ശ്രമിച്ചാലും അതു പരാജയപ്പെടുകതന്നെ ചെയ്യും. സമാധാനപരമായ പ്രതിഷേധമാണ് എല്‍ഡിഎഫ് ഉദ്ദേശിക്കുന്നത്. ആഗസ്ത് 23ന് താനൂരില്‍ പ്രതിഷേധ പ്രകടനത്തെ പൊലീസിന്റെ സാന്നിധ്യത്തില്‍ ലീഗുകാര്‍ ആക്രമിക്കുകയുണ്ടായി.പോലീസും ഗുണ്ടകളും ചേര്‍ന്ന് തടഞ്ഞിട്ടും പ്രതിഷേധപ്രകടനം നടന്നു. ജനാധിപത്യപരമായി പ്രതിഷേധിക്കാന്‍ ഉള്ള ജനങ്ങളുടെ മൗലികാവകാശം ആര്‍ക്കും പണയം വെക്കാന്‍ സിപിഐ എം ഉദ്ദേശിക്കുന്നില്ല. മുഖ്യമന്ത്രിക്കെതിരെ പ്രതിഷേധിക്കാന്‍ അഴിമതിയ്‌ക്കെതിരെ അമര്‍ഷം കൊള്ളുന്ന എല്ലാ ജനാധിപത്യവാദികളും അണിനിരക്കണമെന്ന് സിപിഐ എം വാര്‍ത്താകുറിപ്പില്‍ ആവശ്യപ്പെട്ടു.
8:05 AM | 0 comments

തിരൂരില്‍ അഡീഷനല്‍ ജില്ലാ കോടതി സ്ഥാപിക്കും: മുഖ്യമന്ത്രി

Written By Malappuram News on Friday, May 18, 2012 | 1:30 AM

തിരൂര്‍: തിരൂരില്‍ അഡീഷനല്‍ ജില്ലാ കോടതി സ്ഥാപിക്കാനുള്ള നടപടികള്‍ പുരോഗതിയിലാണെന്ന് മുഖ്യമന്ത്രി ഉമ്മന്‍ചാണ്ടി അറിയിച്ചു. ഹൈകോടതിയുടെ അനുമതി ലഭിച്ചാലുടന്‍ കോടതി സ്ഥാപിക്കാനുള്ള നടപടികള്‍ പ്രാവര്‍ത്തികമാക്കുമെന്ന് മുഖ്യമന്ത്രി പറഞ്ഞു.തിരൂരില്‍ ആധുനിക സജ്ജീകരണങ്ങളോടെ നിര്‍മിച്ച കോടതി സമുച്ചയത്തിന്റെ ഉദ്ഘാടനം നിര്‍വഹിച്ച് സംസാരിക്കുയായിരുന്നു മുഖ്യമന്ത്രി.
ജനാധിപത്യ വ്യവസ്ഥിതിയില്‍ ജനങ്ങള്‍ കോടതികളില്‍ നിന്നും നീതി പ്രതീക്ഷിക്കുന്നുണ്ട്. അതിനാല്‍ ജുഡീഷറി വിശ്വാസ്യത നിലനിര്‍ത്തണം. കൂടുതല്‍ കോടതികള്‍ സ്ഥാപിക്കുന്ന കാര്യം അനുഭാവപൂര്‍വം പരിഗണിക്കുമെന്നും കോടതികള്‍ക്ക് അടിസ്ഥാന സൗകര്യമൊരുക്കാന്‍ സര്‍ക്കാര്‍ എല്ലാ സഹായവും ചെയ്യുമെന്നും മുഖ്യമന്ത്രി ഉറപ്പു നല്‍കി.
കേരള ഹൈക്കോടതി ജഡ്ജി ജസ്റ്റിസ് ആന്റണി ഡൊമിനിക്ക് ചടങ്ങില്‍ അധ്യക്ഷനായി. എം.എ.സി.റ്റി കോടതിയുടെ താക്കോല്‍ദാനം പൊതുമരാമത്ത് വകുപ്പുമന്ത്രി വി.കെ.ഇബ്രാഹിംകുഞ്ഞും ജൂഡിഷല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയുടെ താക്കോല്‍ദാനം പട്ടികജാതി-പിന്നാക്ക വികസന ടൂറിസം മന്ത്രി എ.പി.
അനില്‍കുമാറും നിര്‍വഹിച്ചു. ഇ.റ്റി.മുഹമ്മദ് ബഷീര്‍ എം.പി, എം.എല്‍.എ. മാരായ സി. മമ്മൂട്ടി, അഡ്വ. എന്‍. ഷംസുദ്ദീന്‍ എന്നിവര്‍ മുഖ്യപ്രഭാഷണം നടത്തി. ജില്ലാപഞ്ചായത്ത് പ്രസിഡന്റ് സുഹ്‌റ മമ്പാട്, ജില്ലാ കലക്റ്റര്‍ എം.സി.മോഹന്‍ദാസ്, തിരൂര്‍ നഗരസഭ ചെയര്‍പേഴ്‌സണ്‍ സഫിയ ടീച്ചര്‍, ബ്ലോക്ക് പഞ്ചായത്ത് പ്രസിഡന്റ് എം.അബ്ദുള്ളക്കുട്ടി, മുന്‍ എം.എല്‍.എ. പി.പി.അബ്ദുള്ളക്കുട്ടി, കൗണ്‍സിലര്‍ കെ.കെ.അബ്ദുള്‍സലാം എന്നിവര്‍ സംസാരിച്ചു. പൊതുമരാമത്ത് വകുപ്പ് ചീഫ് എഞ്ചീനിയര്‍ പി.കെ.സതീശന്‍ റിപ്പോര്‍ട്ട് അവതരിപ്പിച്ചു. ജില്ലാ ജഡ്ജി വി.ഷെര്‍സി സ്വാഗതവും ബാര്‍ അസോസിയേഷന്‍ പ്രസിഡന്റ് അഡ്വ.എം.കെ.മൂസാക്കുട്ടി നന്ദിയും പറഞ്ഞു.
190 ലക്ഷം ചെലവില്‍ പൊതുമരാമത്ത് വകുപ്പാണ് കോടതി കെട്ടിട നിര്‍മാണം പൂര്‍ത്തിയാക്കിയത്. മൂന്ന് നിലകളുള്ള കെട്ടിട സമുച്ചയത്തിന്റെ താഴത്തെ നിലയില്‍ എം.എ.സി.റ്റി കോടതിയും ജൂഡീഷല്‍ ഫസ്റ്റ്കഌസ് മജിസ്‌ട്രേറ്റ് കോടതിയും ഒന്നാം നിലയില്‍ ഇവയുടെ ഓഫീസും അനുബന്ധ സൗകര്യങ്ങളും എ.പി.പി യുടെ ഓഫീസും പ്രവര്‍ത്തിക്കും. രണ്ടാം നിലയില്‍ അഡീഷണല്‍ ജില്ല സെഷന്‍സ് കോടതിയും അനുബന്ധ ഓഫീസ് സൗകര്യങ്ങളും എ.ജി.പിയുടെ ഓഫീസുമാണ് പ്രവര്‍ത്തിക്കുക.

Keywords: Court, Tirur, Malappuram, Chief Minster, കേരള, 
1:30 AM | 0 comments

വിദ്യാഭ്യാസ മേഖലയിലെ മുന്നേറ്റം നിലനിര്‍ത്തണം: മുഖ്യമന്ത്രി

തിരൂര്‍: വിദ്യാഭ്യാസ മേഖലയില്‍ ജില്ല കൈവരിച്ച മുന്നേറ്റം നിലനിര്‍ത്താന്‍ കൂട്ടായ ശ്രമമുണ്ടാവണമെന്ന് മുഖ്യമന്ത്രി ഉമ്മന്‍ ചാണ്ടി അഭിപ്രായപ്പെട്ടു. വട്ടംകുളത്ത് ഐ.എച്ച്.ആര്‍.ഡി.യുടെ കീഴില്‍ പ്രവര്‍ത്തിക്കുന്ന കോളെജ് ഓഫ് അപ്ലയ്ഡ് സയന്‍സസിന്റെ പുതിയ കെട്ടിടത്തിന്റെ ശിലാസ്ഥാപനം നിര്‍വഹിച്ച് സംസാരിക്കുകയായിരുന്നു മുഖ്യമന്ത്രി. സി.എച്ച്.മുഹമ്മദ്‌കോയ,നാലകത്ത് സൂപ്പി, ഇ.റ്റി.മുഹമ്മദ് ബഷീര്‍ എന്നിവരുടെ ശ്രമഫലമായാണ് ജില്ലയില്‍ വിദ്യാഭ്യാസ മേഖലയില്‍ ഉണര്‍വുണ്ടായതെന്ന് മുഖ്യമന്ത്രി അനുസ്മരിച്ചു. കഠിനാധ്വാനം കൊണ്ട് വിജയം നേടാമെന്ന് മലപ്പുറം തെളിയിച്ചതായും മുഖ്യമന്ത്രി പറഞ്ഞു. ഐ.എച്ച്.ആര്‍.ഡി. യ്ക്ക് ബജറ്റില്‍ 20 കോടി വകയിരുത്തിയത് വിദ്യാഭ്യാസ മേഖലയില്‍ പൊതുമേഖലയുടെ പങ്കാളിത്തം വര്‍ധിപ്പിക്കാനുള്ള ശ്രമങ്ങളുടെ ഭാഗമായാണ്-മുഖ്യമന്ത്രി അറിയിച്ചു.
വിദ്യാഭ്യാസമന്ത്രി പി.കെ.അബ്ദുറബ്ബ് അധ്യക്ഷനായ ചടങ്ങില്‍ പൊതുസമ്മേളനത്തിന്റെ ഉദ്ഘാടനം പൊതുമരാമത്ത് വകുപ്പ് മന്ത്രി വി.കെ.ഇബ്രാഹിംകുഞ്ഞ് നിര്‍വഹിച്ചു. ഇ.റ്റി.മുഹമ്മദ് ബഷീര്‍ എം.പി, കെ.റ്റി.ജലീല്‍ എം.എല്‍.എ, ജില്ലാ കലക്ടര്‍ എം.സി.മോഹന്‍ദാസ്, മുന്‍ എം.പി.സി.ഹരിദാസ് എന്നിവര്‍ മുഖ്യാതിഥികളായിരുന്നു. വിവിധ തദ്ദേശ സ്വയംഭണസ്ഥാപന പ്രതിനിധികളും രാഷ്ട്രീയ പാര്‍ട്ടി പ്രതിനിധികളും പങ്കെടുത്തു. കെട്ടിടവിഭാഗം ചീഫ് എന്‍ജിനിയര്‍ പി.കെ. സതീശന്‍ റിപ്പോര്‍ട്ട് അവതരിപ്പിച്ചു. ഐ.എച്ച്.ആര്‍.ഡി ഡയറക്ടര്‍ സഈദ് റാഷിദ് സ്വാഗതവും പ്രിന്‍സിപ്പല്‍ പി.അബ്ദു സമദ് നന്ദിയും
പറഞ്ഞു.
പുതിയ കെട്ടിടം നിര്‍മിക്കുന്നതിന് സ്ഥലം നല്‍കിയ വി.അബ്ദുറഹ്മാനെ മുഖ്യമന്ത്രി ആദരിച്ചു. ബി.എസ്.സി.ഇലക്‌ട്രോണിക്‌സ്, കംപ്യൂട്ടര്‍ കോഴ്‌സ് വിഷയങ്ങളില്‍ 200 ഓളം പേര്‍ പഠിക്കുന്ന കോളെജിനായി 1.20 കോടി ചെലവില്‍ പൊതുമരാമത്ത് വകുപ്പാണ് കെട്ടിട നിര്‍മാണം ഏറ്റെടുത്തിരിക്കുന്നത്.

Keywords: Tirur, Malappuram, Chief Minster, 
12:44 AM | 0 comments

മുഖ്യമന്ത്രി 17ന് ജില്ലയില്‍

Written By Malappuram News on Wednesday, May 16, 2012 | 6:03 PM

മലപ്പുറം: മുഖ്യമന്ത്രി ഉമ്മന്‍ചാണ്ടി നാളെ (മെയ് 17) ജില്ലയില്‍ വിവിധ പരിപാടികളില്‍ പങ്കെടുക്കും. വട്ടംകുളത്ത് ഐ.എച്ച്.ആര്‍.ഡിയുടെ കീഴില്‍ പ്രവര്‍ത്തിക്കുന്ന അപ്ലൈഡ് സയന്‍സ് കോളെജ് പുതിയ കെട്ടിടത്തിന്റെ ശിലാസ്ഥാപനം നെല്ലിശ്ശേരി എ.യു.പി സ്‌കൂള്‍ ഗ്രൗണ്ടില്‍ ഉച്ചക്ക് ഒരു മണിക്ക് നിര്‍വഹിക്കും.
തിരൂര്‍ മുനിസിപ്പാലിറ്റിയില്‍ ആധുനിക സജ്ജീകരണങ്ങോളോടുകൂടി നിര്‍മ്മിച്ച കോടതി സമുച്ചയത്തിന്റെ ഉദ്ഘാടനം വൈകീട്ട് മൂന്നിന് കോടതി പരിസരത്ത് നിര്‍വഹിക്കും.
കേരളത്തിലെ ഏറ്റവും വലിയ റഗുലേറ്റര്‍ കം ബ്രിജായ ചമ്രവട്ടം റഗുലേറ്റര്‍ കം ബ്രിജ് വൈകീട്ട് നാലിന് നാടിന് സമര്‍പ്പിക്കും.
വണ്ടൂര്‍ നിയോജക മണ്ഡലത്തിലെ വണ്ടൂര്‍ - കാളികാവ് റോഡില്‍ കാളികാവ് പുഴയ്ക്ക് കുറുകെ നിര്‍മിക്കുന്ന ചെത്തുകടവ് പാലത്തിന് വൈകീട്ട് ആറിന് ശിലയിടും.

Keywords:Chief Minster, Minister, Malappuram, Inauguration, കേരള, Oomman Chandy
6:03 PM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers