Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label By-election. Show all posts
Showing posts with label By-election. Show all posts

ശാന്ത്രി ഗ്രാം: യു ഡി എഫിന് അട്ടിമറി വിജയം

Written By Malappuram News on Thursday, May 17, 2012 | 10:59 AM

മഞ്ചേരി: നഗരസഭയിലെ 34 ാം വാര്‍ഡായ ശാന്തിഗ്രാമില്‍ നടന്ന ഉപതെരഞ്ഞെടുപ്പില്‍ 161 വോട്ടിന്റെ ഭൂരിപക്ഷത്തോടെ യു ഡി എഫിലെ എന്‍ മഞ്ജുള ടീച്ചര്‍ അട്ടിമറി വിജയം നേടി. ആകെ മണ്ഡലത്തിലുള്ള 1334 വോട്ടില്‍ 1019 പേരാണ് വോട്ട് രേഖപ്പെടുത്തിയത്. ഇതില്‍ 12 വോട്ട് അസാധുവായി. കോണ്‍ഗ്രസിലെ എന്‍ മഞ്ജുള ടീച്ചര്‍ 584 വോട്ട് നേടിയപ്പോള്‍ എതിര്‍സ്ഥാനാര്‍ത്ഥി സി പി എം ലെ സി വിജയലക്ഷ്മിക്ക് 423 വോട്ടാണ് ലഭിച്ചത്. നഗരസഭ നിലവില്‍ വന്നതുമുതല്‍ നാളിതുവരെ സിപിഎം കുത്തകയാക്കി വച്ചിരുന്ന വാര്‍ഡാണ് അട്ടിമറി വിജയത്തിലൂടെ യു ഡി എഫ് നേടിയെടുത്തത്. വാര്‍ഡ് കൗണ്‍സിലറായിരുന്ന അഡ്വ. ചിന്ദു രാജ രാജിവെച്ച ഒഴിവിലാണ് ഇവിടെ ഉപതെരഞ്ഞെടുപ്പ് വേണ്ടിവന്നത്. ഇന്നലെ രാവിലെ എട്ടിന് മഞ്ചേരി മുനിസിപ്പല്‍ ടൗണ്‍ ഹാളിലായിരുന്നു വോട്ടെണ്ണല്‍. ഒമ്പതു മണിയോടെ വരണാധികാരി മഞ്ചേരി പി ഡബ്ലിയു ഡി റോഡ്‌സ് വിഭാഗം എക്‌സിക്യൂട്ടീവ് എഞ്ചിനീയര്‍ കെ കെ അബ്ദുസ്സലാം ഫലപ്രഖ്യാപനം നടത്തി.

Keywords:By-election, Manjeri, Malappuram, UDF, Congress, 
10:59 AM | 0 comments

തിരൂരങ്ങാടിയില്‍ കോണ്‍ഗ്രസ് പിന്തുണയുള്ള സ്വതന്ത്രന് ഉജ്ജ്വല വിജയം

തിരൂരങ്ങാടി: ഗ്രാമപഞ്ചായത്ത് 22ാം വാര്‍ഡ് കോട്ടുവലക്കാട് ഉപതെരെഞ്ഞെടുപ്പില്‍ മുസ്ലിംലീഗ് സ്ഥാനാര്‍ഥിക്ക് കനത്ത പരാജയം. കോണ്‍ഗ്രസ് പിന്തുണയോടെ മത്സരിച്ച സ്വതന്ത്ര സ്ഥാനാര്‍ഥി ചാത്തമ്പാടന്‍ അന്‍വര്‍ 206 വോട്ടിന്റെ ഭൂരിപക്ഷത്തിനാണ് വിജയിച്ചത്. അന്‍വറിന് 754 വോട്ടും ലീഗ് സ്ഥാനാര്‍ഥി തിരുനിലത്ത് അന്‍വറിന് 548 വോട്ടും ലഭിച്ചു. സിപിഎം സ്ഥാനാര്‍ഥി കളത്തില്‍ വിനോദിന് 49ഉം ചപ്പങ്ങത്തില്‍ കുഞ്ഞിക്കമ്മുവിന് 14ഉം വോട്ട് ലഭിച്ചു.ഒമ്പത് വോട്ടുകള്‍ അസാധുവായി. ഒരു ബാലറ്റ് പേപ്പര്‍ കാണാനില്ല.കഴിഞ്ഞ തെരെഞ്ഞെടുപ്പില്‍ യുഡിഎഫ് നും എല്‍ഡിഎഫിനുമെതിരെ സ്വതന്ത്രനായി മത്സരിച്ച ചാത്തമ്പാടന്‍ അന്‍വര്‍ വിജയിക്കുകയായിരുന്നു. എന്നാല്‍ പുര പദ്ധതി പ്രകാരം നിര്‍മിക്കുന്ന ബസ് ടെര്‍മിനല്‍ മമ്പുറം നവരക്കായ പാടത്ത് നിര്‍മിക്കാനുള്ള തീരുമാനത്തില്‍ പ്രതിഷേധിച്ച് ഇദ്ദേഹം മെമ്പര്‍ സ്ഥാനം രാജി വെക്കുകയായിരുന്നു. ബസ്റ്റാന്റ് പ്രശ്‌നത്തില്‍ പഞ്ചായത്ത് പ്രസിഡണ്ടിന്റെ നിലപാടിനെ എതിര്‍ത്തതിന്റെ പേരില്‍ പഞ്ചായത്തില്‍ ലീഗ്- കോണ്‍ഗ്രസ് ബന്ധം തകരുകയും കോണ്‍ഗ്രസിന്റെ വൈസ്പ്രസിഡന്റിനെ ലീഗ് അവിശ്വാസത്തിലൂടെ പുറത്താക്കുകയും ചെയ്തു. മുസ്ലിംലീഗ് സ്ഥാനാര്‍ഥിക്ക് യുഡിഎഫ്‌ലെ കോണ്‍ഗ്രസ് ഒഴിച്ചുള്ള എല്ലാ പാര്‍ട്ടികളുടേയും പിന്തുണയുണ്ടായിരുന്നു.മുസ്ലംലീഗിന്റെ സംസ്ഥാന നേതാക്കളടക്കമുള്ളവര്‍ ഇവിടെ തമ്പടിച്ച് പ്രചാരണത്തില്‍ മുഴുകിയിരുന്നു. എന്നിട്ടും തങ്ങളുടെ സ്ഥാനാര്‍ഥി പരാജയപ്പെടാനിടയായത് ലീഗിന് കനത്ത ആഘാതമായിട്ടുണ്ട്. വിജയിച്ച ചാത്തമ്പാടന്‍ അന്‍വറിന്റെ ആഹ്ലാദ പ്രകടനത്തില്‍ മുസ്ലിംലീഗിനെതിരെ കടുത്ത വിമര്‍ശനമാണുയര്‍ന്നത്.ഡിസിസി ട്രഷറര്‍ എംഎന്‍ കുഞ്ഞിമുഹമ്മദ് ഹാജി, കെപി അബ്ദുല്‍ മജീദ് ഹാജി, എംഎന്‍ ഹുസൈന്‍, മോഹനന്‍ വെന്നിയൂര്‍, കെപി അബ്ദുല്‍ അസീസ്, വിപി അലി പങ്കെടുത്തു.ജനവിധി മാനിച്ച് ഭരണ സമിതി രാജി വെച്ച് തെരെഞ്ഞെടുപ്പിനെ നേരിടാന്‍ തയ്യാരാവണമെന്നും മണ്ഡലം കോണ്‍ഗ്രസ് പ്രസിഡന്റ് കെപി മജീദ് ഹാജി ആവശ്യപ്പെട്ടു.

Keywords:By-election, Tirurangadi, Congress, win, Malappuram, Election, കേരള, 
10:56 AM | 0 comments

ഉപതെരഞ്ഞെടുപ്പ് ഫലം പ്രഖ്യാപിച്ചു

Written By Malappuram News on Wednesday, May 16, 2012 | 6:12 PM

മലപ്പുറം: ജില്ലയില്‍ മൂന്നിടങ്ങളിലായി നടന്ന ഉപതെരഞ്ഞെടുപ്പിന്റെ ഫലം പ്രഖ്യാപിച്ചു. മഞ്ചേരി നഗരസഭയിലെ 34ാം വാര്‍ഡില്‍ (ശാന്തിഗ്രാമം) ഇന്ത്യന്‍ നാഷണല്‍ കോണ്‍ഗ്രസ് സ്ഥാനാര്‍ഥി മഞ്ജുള ടീച്ചര്‍ 584 വോട്ട് നേടി 161 വോട്ടിന്റെ ഭൂരിപക്ഷത്തില്‍ വിജയിച്ചു. ആകെ പോള്‍ ചെയ്ത് വോട്ടുകള്‍ 1019. സി.പി.ഐ(എം) ലെ വിജയലക്ഷ്മി 423 വോട്ട് നേടി. 12 വോട്ടുകള്‍ അസാധുവായി.
പെരിന്തല്‍മണ്ണ നഗരസഭയിലെ 32ാം വാര്‍ഡില്‍ (സംഗീത) സി.പി.ഐ(എം) സ്ഥാനാര്‍ഥി വെള്ളാട്ട് മോഹന്‍ 507 വോട്ട് നേടി 191 വോട്ടുകളുടെ ഭൂരിപക്ഷത്തില്‍ വിജയിച്ചു. പോള്‍ ചെയ്ത വോട്ടുകള്‍ 828 സി.സോതുമാധവന്‍ (ഐ.എന്‍.സി)316 വോട്ടുകള്‍ നേടി. അഞ്ച് വോട്ടുകള്‍ അസാധുവായി.
തിരൂരങ്ങാടി ഗ്രാമപഞ്ചായത്തിലെ 22ാം വാര്‍ഡില്‍ (കോട്ടുവാലക്കാട്) സ്വതന്ത്ര സ്ഥാനാര്‍ഥി ചാത്തമ്പാടന്‍ അന്‍വര്‍ സാദത്ത് 754 വോട്ട് നേടി 206 വോട്ടിന്റെ ഭൂരിപക്ഷത്തില്‍ വിജയിച്ചു. പോള്‍ ചെയ്തവോട്ടുകള്‍
1374. തിരുനിലത്ത് അന്‍വര്‍ (ഐ.യു.എം.എല്‍) 548, ചപ്പങ്ങത്തില്‍ കുഞ്ഞിക്കമ്മു(സ്വത)14, കളത്തില്‍ വിനോദ് (സി.പി.ഐ.എം)49, ഒമ്പത് വോട്ടുകള്‍ അസാധുവായി. ഇവിടെ സ്വതന്ത്രരായി മത്സരിച്ച നാല് സ്ഥാനാര്‍ഥികള്‍ക്ക് ഒരുവോട്ടും ലഭിച്ചില്ല.

Keywords:Result, Malappuram, By-election, കേരള, 
6:12 PM | 0 comments

തിരൂരങ്ങാടി ഉപതിരഞ്ഞെടുപ്പ് ചൊവ്വാഴ്ച

Written By Malappuram News on Monday, May 14, 2012 | 9:44 AM

തിരൂരങ്ങാടി: ഗ്രാമപഞ്ചായത്ത് 22-ാം വാര്‍ഡ് കോട്ടുപാലക്കാട് ഉപതിരഞ്ഞെടുപ്പ് ചൊവ്വാഴ്ച നടക്കും. രാവിലെ ഏഴു മുതല്‍ അഞ്ചുവരേയാണ് വോട്ടെടുപ്പ്. കോട്ടുവാലക്കാട് മദ്‌റസയാണ് പോളിംഗ് സ്റ്റേഷന്‍. കോണ്‍ഗ്രസ് പിന്തുണയോടെ മത്സരിക്കുന്ന സ്വാതന്ത്ര സ്ഥാനാര്‍ഥി സി പി അന്‍വര്‍ ലീഗ് സ്ഥാനാര്‍ഥി ടി അന്‍വര്‍ എന്നിവര്‍ തമ്മിലാണ് പ്രധാന മത്സരം. സി പി എമ്മിലെ കെ വിനോദും രംഗത്തുണ്ട്. കലാശക്കൊട്ട് ഇന്നലെ സമാധാനപരമായി നടന്നു. വോട്ടെണ്ണല്‍ 16ന് നടക്കും.

Keywords: By-election, Election, Tirurangadi, Malappuram, കേരള, 
9:44 AM | 0 comments

തിരൂരങ്ങാടി ഉപതിരഞ്ഞെടുപ്പിന് കോണ്‍ഗ്രസ് ഒരുങ്ങുന്നു

Written By Malappuram News on Monday, April 23, 2012 | 10:56 AM

തിരൂരങ്ങാടി: ഗ്രാമപഞ്ചായത്ത് 22-ാം വാര്‍ഡ് ഉപതിരഞ്ഞെടുപ്പിന് കോണ്‍ഗ്രസ് ഒരുങ്ങുന്നു. കോണ്‍ഗ്രസിലേക്ക് വന്ന സ്വതന്ത്ര അംഗം സി പി അന്‍വര്‍സാദത്ത് രാജി വെച്ചതിനെ തുടര്‍ന്നാണിവിടെ തിരഞ്ഞെടുപ്പ് ആവശ്യമായത്. മെയ് 12നാണ് തിരഞ്ഞെടുപ്പ്.
സ്വതന്ത്ര അംഗങ്ങള്‍ കോണ്‍ഗ്രസില്‍ ചേര്‍ന്നതിനെതിരെ മുസ്‌ലിംലീഗ് തിരഞ്ഞെടുപ്പ് കമ്മീഷന് പരാതി നല്‍കിയിരുന്നു. കോണ്‍ഗ്രസ് ഇവിടെ അന്‍വര്‍സാദത്തിനെ തന്നെയാണ് സ്ഥാനാര്‍ത്ഥിയാക്കുന്നത്. എന്നാല്‍ മുസ്‌ലിംലീഗ് ഇതുവരെയും സ്ഥാനാര്‍ഥിയെ പ്രഖ്യാപിച്ചിട്ടില്ല.തിരഞ്ഞെടുപ്പ് കാര്യത്തെകുറിച്ച് ചര്‍ച്ച ചെയ്യാന്‍ മണ്ഡലം കോണ്‍ഗ്രസ് കണ്‍വെന്‍ഷന്‍ നാളെ വൈകുന്നേരം ഏഴിന് ചേരുന്നുണ്ട്. അതേ സമയം ലീഗ്-കോണ്‍ഗ്രസ് ഭിന്നത ഒഴിവാക്കാന്‍ യു ഡി എഫ് ജില്ലാതലത്തില്‍ ശ്രമം നടക്കുന്നുണ്ടെങ്കിലും ഇരു പാര്‍ട്ടികളുടെയും പ്രാദേശിക ഘടകങ്ങള്‍ ഇതിന് വഴങ്ങിയിട്ടില്ല.
യു ഡി എഫ് ആയി മത്സരിച്ച് വിജയിച്ച ശേഷം കോണ്‍ഗ്രസിന്റെ വൈസ് പ്രസിഡന്റിനെ അവിശ്വാസത്തിലൂടെ പുറത്താക്കി യു ഡി എഫ് വിമത അംഗത്തെ വൈസ് പ്രസിഡന്റാക്കിയ മുസ്‌ലിംലീഗിന്റെ നടപടി കോണ്‍ഗ്രസ് ജില്ലാ നേതൃത്വത്തെ തന്നെ ചൊടിപ്പിച്ചിട്ടുണ്ട്. ഇത് ഇല്ലാതാക്കാന്‍ കോണ്‍ഗ്രസ് നേതൃത്വം സ്ഥലം എം എല്‍ എ കൂടിയായ മന്ത്രി അബ്ദുര്‍റബ്ബിനോട് ആവശ്യപ്പെട്ടിട്ടും ഫലമുണ്ടായിട്ടില്ല. എന്നാല്‍ യുഡിഎഫിന്റെ പഞ്ചായത്ത് പ്രസിഡന്റിനെതിരെ സമരം നടത്തിയ യൂത്ത്‌കോണ്‍ഗ്രസിന്റെ മാര്‍ച്ച് മണ്ഡലം കോണ്‍ഗ്രസ് പ്രസിഡന്റ് ഉദ്ഘാടനം ചെയ്തത് ലീഗിനെയും ചൊടിപ്പിച്ചിരുന്നു.

Keywords: By-election, Election, Malappuram, Tirurangadi, 
10:56 AM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers