Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Airindia. Show all posts
Showing posts with label Airindia. Show all posts

കരിപ്പൂര്‍ വിമാനത്താവളത്തിലേക്ക് INL മാര്‍ച്ച് നടത്തി

Written By Kasargodvartha on Sunday, November 4, 2012 | 9:57 AM

INL Airport March, Malappuram
കൊണ്ടോട്ടി: എയര്‍ ഇന്ത്യ പ്രവാസികളോട് തുടരുന്ന അനീതിക്കെതിരെയും അടിക്കടി സര്‍വീസ് റദ്ധാക്കുന്നതിലും പ്രതിഷേധിച്ച് ഇന്ത്യന്‍ നാഷണല്‍ ലീഗിന്റെ ആഭിമുഖ്യത്തില്‍ കരിപ്പൂര്‍ വിമാനത്താവളത്തിലേക്ക് മാര്‍ച്ച് നടത്തി.

രാവിലെ കൊളത്തൂര്‍ ജംഗ്ഷനില്‍ നിന്ന് ആരംഭിച്ച മാര്‍ച്ച് വിമാനത്താവള പരിസരത്ത് പോലീസ് തടഞ്ഞു. ഐ എന്‍ എല്‍ സംസ്ഥാന ജനറല്‍ സെക്രട്ടറി പ്രൊഫ. എ പി അബ്ദുല്‍ വഹാബ് ഉദ്ഘാടനം ചെയ്തു.

രാജ്യത്തിന്റെ സാമ്പത്തിക ഭദ്രതക്ക് വേണ്ടി വിദേശത്ത് കഷ്ടപ്പെടുന്ന പ്രവാസികളോട് എയര്‍ ഇന്ത്യയും കേന്ദ്ര സര്‍ക്കാരും കാണിക്കുന്ന അ­നീതിക്കെതിരെ ഐ എന്‍ എല്‍ ആരംഭിക്കുന്ന ശക്തമായ പ്രക്ഷോഭത്തിന്റെ തുടക്കമാണ് എയര്‍ പോര്‍ട്ട് മാര്‍ച്ചെന്ന് അദ്ദേഹം പറഞ്ഞു.

കെ പി ഇസ്മാഈല്‍, ബി ഹംസ ഹാജി, എന്‍ കെ അബ്ദുല്‍ അസീസ്, ജില്ലാ പഞ്ചായത്ത് അംഗം നസീമ മേടപ്പില്‍, കേച്ചരി മുഹമ്മദ് കുട്ടി പ്രസംഗിച്ചു. ഒ കെ തങ്ങള്‍, സി എച്ച് മുസ്തഫ, പി കെ എസ് മുജീബ് ഹസ്സന്‍, സര്‍മദ് ഖാന്‍, സ്വാലിഹ് മേടപ്പില്‍, ഒ പി സലിം, ബശീര്‍ അഹമ്മദ് മാര്‍ച്ചിന് നേതൃത്വം നല്‍കി.

Keywords: Malappuram, Karippur, Air India, INL, March, Kondotty, Kolathur, Airport.
9:57 AM | 0 comments

പ്രവാസികള്‍ക്ക് ഇരുട്ടടിയായി പൈലറ്റ് സമരം

Written By mvarthasubeditor on Saturday, June 16, 2012 | 8:08 PM

മലപ്പുറം: സൗദി അറേബ്യയില്‍ ജോലിചെയ്യുന്ന പ്രവാസികള്‍ക്ക് എയര്‍ ഇന്ത്യ പൈലറ്റ് സമരം ഇരുട്ടടിയായി. അവധിക്കാലത്ത് നാട്ടിലേക്കെത്താന്‍ കൊതിച്ചവര്‍ക്കു മുന്നില്‍ ഉയര്‍ന്ന ടിക്കറ്റ് നിരക്കും വിമാനം റദ്ദാക്കലും വന്‍മതില്‍ സൃഷ്ടിക്കുന്നു. സൗദിയില്‍ ഈ 20 മുതല്‍ ഓഗസ്റ്റ് അവസാനം വരെ അവധിക്കാലമാണ്. സ്കൂളുകള്‍ പ്രവര്‍ത്തിക്കില്ല. ഒട്ടുമിക്ക ഓഫിസുകള്‍ക്കും അവധിയാണ്. പ്രവാസികളില്‍ ഭൂരിഭാഗവും ഈ സമയത്തു നാട്ടിലേക്കു വരും. സാധാരണയായി അവധിക്കാലത്തു വിമാനക്കമ്പനികള്‍ യാത്രക്കാരെ പിഴിയാറുണ്ടെങ്കിലും ഇത്തവണ പൈലറ്റ് സമരംമൂലം നിരക്കുകള്‍ വന്‍തോതില്‍ വര്‍ധിച്ചു.

എയര്‍ ഇന്ത്യ വിമാനത്തില്‍ ജിദ്ദയിലേക്ക് 9,500 രൂപയ്ക്കുവരെ മുന്‍പ് ടിക്കറ്റ് ലഭ്യമായിരുന്നുവെങ്കില്‍ സ്വകാര്യ വിമാനക്കമ്പനികള്‍ ഇപ്പോള്‍ ഈടാക്കുന്ന നിരക്ക് 30,000 രൂപയ്ക്കു മുകളിലാണ്. ഉയര്‍ന്ന ക്ലാസിലെ ടിക്കറ്റുകള്‍ ലഭിക്കണമെങ്കില്‍ അരലക്ഷം രൂപ വരെ മുടക്കേണ്ടിവരും. മാസം 1,500 റിയാല്‍ (21,000 രൂപ) ശമ്പളത്തില്‍ ജോലിചെയ്യുന്നവര്‍ ഈ അവധിക്കാലത്ത് ടിക്കറ്റിനായി 2,500 റിയാല്‍ വരെ മുടക്കേണ്ട സ്ഥിതിയാണുള്ളത്. എയര്‍ ഇന്ത്യയുടെ റിയാദ് ഓഫിസ് പല ദിവസങ്ങളിലും തുറക്കുന്നില്ലെന്നും ചില പ്രവാസികള്‍ പരാതിപ്പെടുന്നു.

നിലവില്‍ കോഴിക്കോട്ടുനിന്ന് സൗദി എയറിനും എയര്‍ ഇന്ത്യയ്ക്കും മാത്രമാണ് ജിദ്ദയിലേക്കു സര്‍വീസുള്ളത്. ആറര മണിക്കൂറോളം വരും യാത്രാദൈര്‍ഘ്യം. ബാക്കിയുള്ളവയെല്ലാം റിയാദ്, ദമാം എന്നിവിടങ്ങളിലേക്കാണുള്ളത്. ഷാര്‍ജ, ദുബായ്, ദോഹ, മസ്കറ്റ് എന്നിവിടങ്ങളിലൂടെ കറങ്ങി പോകുന്നതിനാല്‍ 12 മുതല്‍ 14 മണിക്കൂര്‍ വരെ സമയമെടുത്താണ് റിയാദിലോ ദമാമിലോ എത്തുന്നത്. പുലര്‍ച്ചെ 4.45ന് കോഴിക്കോട്ടുനിന്നു പുറപ്പെടുന്ന സ്വകാര്യ വിമാനക്കമ്പനിയുടെ വിമാനം ഷാര്‍ജയില്‍ രാവിലെ എട്ടരയോടെ എത്തും.

എന്നാല്‍ അവിടെനിന്നു വിമാനം റിയാദിലേക്കു പറക്കുന്നത് രാത്രി ഏഴിനു മാത്രമാണ്. ഇതിനിടയിലുള്ള സമയത്ത് യാത്രക്കാര്‍ക്കു വിമാനത്താവളത്തില്‍നിന്നു പുറത്തിറങ്ങാന്‍പോലും പറ്റില്ല. ഭക്ഷണമോ വെള്ളമോപോലും വിമാനക്കമ്പനികള്‍ നല്‍കില്ലെന്നും പ്രവാസികള്‍ ആരോപിക്കുന്നു.
8:08 PM | 0 comments

പൈലറ്റ് സമരം ഗള്‍ഫ് യാത്രക്കരെ വലച്ചു

Written By mvarthasubeditor on Friday, June 1, 2012 | 6:42 PM

കൊണ്ടോട്ടി: പൈലറ്റ് സമരം ഇന്നലെയും കോഴിക്കോട് നിന്നുള്ള ഗള്‍ഫ് യാത്രക്കരെ വലച്ചു. റിയാദ്, മസ്‌കത്ത് വിമാനങ്ങളുടെ സര്‍വീസ് ഇന്നലെയും മുടങ്ങി. ഈ വിമാനങ്ങള്‍ മുടങ്ങിയതോടെ തിരിച്ചുള്ള സര്‍വീസുകളും ഇല്ലാതായി.
ഇന്നലെ രാത്രി എട്ട് മണിക്കുളഅള എയര്‍ ഇന്ത്യ എക്‌സ്പ്രസ് അബൂദുബൈ സര്‍വീസും യാത്ര റദ്ദാക്കി.
പൈലറ്റ് സമരം കരിപ്പൂരില്‍ മാത്രം 20,000 പേരുടെ യാത്ര ഇതിനകം മുടക്കിയിട്ടുണ്ട്. പൈലറ്റ് സമരം അടിയന്തിരമായി ഗള്‍ഫിലെത്തേണ്ടവരെയും വിസ കാലാവധി കഴിയാനാവത്തവരെയും ഏറെ വിഷമിച്ചിരിക്കുകയാണ്. സമരം അനിശ്ചിതമായി നീളുന്നത് ആശങ്കയോടെയാണ് പ്രവാസികളും കുടുംബങ്ങളും വിഷമിക്കുന്നത്.

English Summery
Pilot strike troubled passengers 
6:42 PM | 0 comments

പൈലറ്റ് സമരം; കരിപ്പൂരില്‍ ഗള്‍ഫ് സര്‍വീസുകള്‍ മുടങ്ങി

Written By mvarthasubeditor on Monday, May 28, 2012 | 1:31 PM

കൊണ്ടോട്ടി: പൈലറ്റ് സമരം ഇന്നലെയും കരിപ്പൂരില്‍ നിന്നുള്ള ഗള്‍ഫ്‌യാത്രക്കാരെ വലച്ചു. കുവൈത്ത്, ദമാം, റിയാദ് വിമാനങ്ങള്‍ ഇന്നലെയും സര്‍വീസ് നടത്തിയില്ല. ഇതോടെ ഈ വിമാനങ്ങളും തിരിച്ചുള്ള സര്‍വീസുകളും ഇല്ലാതായി. ഇതുമൂലം ഗള്‍ഫ് സെക്ടററില്‍ നിന്നും നാട്ടിലേക്കുള്ളവരുടെ യാത്രയും അനിശ്ചിതത്വത്തിലായി.

English Summery
Gulf service cancelled due to pilot strike
1:31 PM | 0 comments

വിമാന യാത്രക്കാരന് നഷ്ട പരിഹാരം നല്‍കാന്‍ വിധി

Written By Malappuram News on Saturday, April 7, 2012 | 9:04 AM

മഞ്ചേരി: എയര്‍ ഇന്ത്യ വിമാനത്തില്‍ കുവൈറ്റില്‍ നിന്ന് കരിപ്പൂരിലേക്ക് വരികയായിരുന്നു യാത്രക്കാരന്‍ ഏല്‍പ്പിച്ച 25 കിലോ തൂക്കം വരുന്ന ബാഗ് നഷ്ടപ്പെട്ടതിന് 81500 രൂപ നല്‍കാന്‍ ജില്ലാ ഉപഭോക്തൃ തര്‍ക്ക പരിഹാരം പ്രസിഡന്റ് സി എസ് സുലൈഖാ ബീവി ഉത്തരവിട്ടു. പയ്യനാട് കൈനോട്ടില്‍ വലിയ വളപ്പില്‍ മുത്തുകോയങ്ങളുടെ പരാതിയിലാണ് വിധി. 2010 ഡിസംബര്‍ മൂന്നിനാണ് സംഭവം.
9:04 AM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers