വൈകുന്നേരം മൂന്ന് മണിയോടെ നിയന്ത്രണം വിട്ട ലോറി വൈദ്യുതി തൂണിലും ബൈക്കിലുമിടിച്ച് മറിഞ്ഞ് രണ്ട്‌പേര്‍ മരിച്ചു. ചേളാരി - ചെട്ടിപ്പടി റോഡില്‍ പാണക്കാട് ഇറക്കത്തിലാണ് അപകടമുണ്ടായത്. ബൈക്ക് യാത്രക്കാരനായ താനൂര്‍ പരിയാപുരം ഓലപ്പീടിക ചെള്ളക്കാട്ടില്‍ നാരായണന്റെ മകന്‍ ജിജേഷ്(29), ലോറിയിലുണ്ടായിരുന്ന പരപ്പനങ്ങാടി ചെട്ടിപ്പടി കുപ്പിവളവ് നാക്കിനായില്‍ തറയില്‍ വീട്ടില്‍ ബാലകൃഷ്ണന്റെ മകന്‍ സുധീഷ്(20) എന്നിവരാണ് മരിച്ചത്. ലോറിഡ്രൈവര്‍ ചെട്ടിപ്പടി നെടുവ പൂവത്തുംതൊടി പി പി കോയയുടെ മകന്‍ ശംജിത്തി (22) നെ പരുക്കുകളോടെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ചേളാരി ഭാഗത്തു നിന്ന് വരികയായിരുന്ന കല്ല് കയറ്റിയ ലോറിയാണ് പാണക്കാട് ഇറക്കത്തില്‍ നിയന്ത്രണം വിട്ട് മറിഞ്ഞത്. പോസ്റ്റിലും ബൈക്കിലുമിടിച്ച ശേഷം മൂന്നുതവണ മറിഞ്ഞ ലോറി എതിര്‍ ഭാഗത്തു നിന്ന് വന്ന ബൈക്കിന് മീതെ വീഴുകയായിരുന്നു.
Keywords: Obituary, Accident, Malappuram, Tirurangadi, Manjeri,
Post a Comment