Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Seminar. Show all posts
Showing posts with label Seminar. Show all posts

വിക്കിപീഡിയ അന്തര്‍ദേശിയ സെമിനാറില്‍ മലപ്പുറത്ത്കാരിയും

Written By Malappuram News on Monday, June 4, 2012 | 5:40 PM

മലപ്പുറം: മലയാളം വിക്കിപീഡിയയിലെ സജീവ ഉപയോക്താവായ മെഡിക്കല്‍ കോളജ് വിദ്യാര്‍ഥിനിക്ക് അന്തര്‍ദേശിയ സെമിനാറില്‍ പങ്കെടുക്കാനസരം ലഭിച്ചു. കോഴിക്കോട് മെഡിക്കല്‍ കോളജിലെ മൂന്നാംവര്‍ഷ എം ബി ബി എസ് വിദ്യാര്‍ഥിനിയായ നത ഹുസൈനാണ് വിക്കിപീഡിയ സംഘടിപ്പിച്ച അന്തര്‍ദേശീയ വിമണ്‍സ് കോണ്‍ഫറന്‍സില്‍ ഇന്ത്യയെ പ്രതിനധീകരിച്ച് പങ്കെടുത്തത്.
വിക്കീപീഡിയ സംഘടിപ്പിച്ച കോണ്‍ഫറന്‍സില്‍ രാജ്യത്ത് നിന്ന് പങ്കെടുത്ത ഏക ഇന്ത്യന്‍ വനിതകൂടിയാണ് ഇരുപത്തൊന്നുകാരിയായ നത. അര്‍ജന്റീനയുടെ തലസ്ഥാനമായ ബ്യൂണെസ് അയ്‌റിസിലാണ് വിക്കിപീഡിയയില്‍ എഡിറ്റ് ചെയ്യുന്ന വനിതകളുടെ അന്തര്‍ദേശീയ സമ്മേളനമായ ലോക വിക്കി വിമണ്‍സ് ക്യാമ്പും സമ്മേളനവും നടന്നത്. മേയ് 23 മുതല്‍ 26 വരെ നടന്ന സമ്മേളനത്തില്‍ വിവിധ രാജ്യങ്ങളില്‍ നിന്ന് പതിനേഴ് അംഗങ്ങള്‍ മാത്രമാണ് പങ്കെടുത്തത്. ഇതിലൊന്നില്‍ മലയാളിയായ നത ഹുസൈന് ലഭിച്ച അവസരത്തില്‍ മലയാളം വിക്കീപീഡിയയിലെ അണിയറ പ്രവര്‍ത്തകരും സന്തുഷ്ടരാണ്. 2010 ലാണ് നെത മലയാളം വിക്കീപീഡിയയുടെ ഓണ്‍ലൈന്‍ സൈറ്റായ http://ml.wikipedia.org യില്‍ ആദ്യലേഖനം എഴുതുന്നത്. മലയാളിക്ക് സുപരിചിതമായ ചമ്മന്തിയെ കുറിച്ചായിരുന്നു ലേഖനം. ചമ്മന്തിയെ കുറിച്ച് തനിക്കാവുന്ന വിവരങ്ങളെല്ലാം ശേഖരിച്ച് തയ്യാറാക്കിയ ലേഖനം പിന്നീട് വിക്കിപീഡിയയിലെ എഡിറ്റര്‍മാര്‍ പലരും ചേര്‍ന്ന് വിപുലപ്പെടുത്തി. ചമ്മന്തിയെ കുറിച്ച് ഇംഗ്ലീഷുള്‍പ്പടെ മറ്റു ഭാഷകളില്‍ നിലവില്‍ ലേഖനമുണ്ടെങ്കിലും ലേഖനത്തിന്റെ ഡെപ്തില്‍ മലയാളത്തിലെ ഈ ലേഖനം തന്നെയാണ് ഒന്നാമത്. ഇന്ത്യന്‍ ഭാഷകളിലെ വിക്കീപിഡിയയില്‍ ലേഖനത്തിന്റെ ഡെപ്തിന്റെ കാര്യത്തില്‍ മലയാളം തന്നെയാണ് മുന്നിട്ടു നില്‍ക്കുന്നത്. ഇന്നലെവരെയുള്ള കണക്ക് പ്രകാരം മലയാളം വിക്കീപിഡിയയില്‍ 23,768 ലേഖനങ്ങളാണുള്ളത്. സാഹിത്യം, പാചകം,ജീവശാസ്ത്രം തുടങ്ങി നിരവധി വിഷയങ്ങളില്‍ ലേഖനവും നെത എഴുതിയിട്ടുണ്ട്. തുടരുന്നുമുണ്ട്. മലപ്പുറം ജില്ലയിലെ പരപ്പനങ്ങാടിയിലെ ഫെഡറല്‍ ബാങ്ക് മാനേജരായ ഹുസൈന്റെയും കോഴിക്കോട് കോടതിയിലെ അഭിഭാഷകയായ ജുവൈരിയയുടെയും മൂത്തമകളാണ് നേത ഹുസൈന്‍. വിക്കിമീഡിയ സംരംഭങ്ങളില്‍ സ്ത്രീകള്‍ നല്‍കുന്ന സംഭാവനകളെ കുറിച്ചും, കൂടുതല്‍ സ്ത്രീകളെ വിക്കിമീഡിയയിലേക്ക് ആകര്‍ഷിക്കുന്നതിനെ കുറിച്ചും, വിക്കിപദ്ധതികളില്‍ സ്ത്രീകള്‍ നേരിടുന്ന പ്രശ്‌നങ്ങളെക്കുറിച്ചുമൊക്കെ സമ്മേളനത്തില്‍ വിശദമായ ചര്‍ച്ച നടന്നെന്ന് നത പറഞ്ഞു.

Keywords: Seminar, Malappuram, Parappanagadi, കേരള, 
5:40 PM | 0 comments

ഗ്രാമ പഞ്ചായത്ത് പ്രസിഡന്റുമാര്‍ക്ക് 16ന് ശില്പശാല

Written By Malappuram News on Sunday, May 13, 2012 | 6:00 PM

മലപ്പുറം: ജില്ലയിലെ ഗ്രാമ പഞ്ചായത്ത് പ്രസിഡന്റുമാര്‍ക്കായി ജില്ലാ ആസൂത്രണ സമിതിയുടെയും ഗ്രാമ പഞ്ചായത്ത് അസോസിയേഷന്റെയും നേതൃത്വത്തില്‍ മെയ് 16ന് ശില്പശാല നടത്തും. ജില്ലാ പഞ്ചായത്ത് സമ്മേളന ഹാളില്‍ രാവിലെ 10 മുതല്‍ നടക്കുന്ന ശില്പശാലയില്‍ ജില്ലാ ആസൂത്രണ സമിതി ചെയര്‍പേഴ്‌സണ്‍ സുഹ്‌റ മമ്പാട്, ജില്ലാ കലക്ടര്‍ എം.സി.മോഹന്‍ദാസ്, കേരള പഞ്ചായത്ത് അസോസിയേഷന്‍ സംസ്ഥാന പ്രസിഡന്റ് പി.റ്റി.മാത്യു, സെക്രട്ടറി സൂപ്പി നരിക്കാട്ടേരി, പഞ്ചായത്ത്, പ്ലാനിങ്, ആരോഗ്യം, എസ്.എസ്.എ.വകുപ്പ് പ്രതിനിധികള്‍, വിജയഭേരി, സാക്ഷരതാ, പരിരക്ഷ, തുടങ്ങിയവയുടെ ജില്ലാ കോ-ഓഡിനേറ്റര്‍മാര്‍, തുടങ്ങിയവര്‍ പങ്കെടുക്കും.
12-ാം പദ്ധതി നയ സമീപനം, 2012-13 വാര്‍ഷിക പദ്ധതി നിര്‍ദ്ദേശങ്ങള്‍, വിജയഭേരി വിദ്യാഭ്യാസ പദ്ധതി പ്രൈമറിയിലെ പരിപാടികള്‍, വൃക്കരോഗികള്‍ക്കുള്ള വിഭവസമാഹരണം - ബോധവത്കരണ കാംപെയ്ന്‍ മഴക്കാലപൂര്‍വ രോഗങ്ങള്‍, പ്രതിരോധ പ്രവര്‍ത്തനങ്ങള്‍, ശാരീരിക-മാനസിക വെല്ലുവിളി നേരിടുന്ന കുട്ടികള്‍ക്കുള്ള പ്രതീക്ഷാ പദ്ധതിയുടെ പ്രാരംഭ പ്രവര്‍ത്തനങ്ങള്‍, സമ്പൂര്‍ണ തുല്യതാ പരിപാടി, ആരോഗ്യ ഇന്‍ഷുറന്‍സ് പദ്ധതി, തുടങ്ങിയവ ചര്‍ച്ചചെയ്യുമെന്ന് ശില്‍പശാല കണ്‍വീനര്‍ ഉമ്മര്‍ അറയ്ക്കല്‍ അറിയിച്ചു.
ഗ്രാമ പഞ്ചായത്ത് പ്രസിഡന്റുമാര്‍ പൂര്‍ണ സമയവും ശില്പശാലയില്‍ പങ്കെടുക്കുന്നതിന് തയ്യാറായി എത്തണമെന്ന് ഡി.പി.സി ചെയര്‍പേഴ്‌സണ്‍ സുഹ്‌റമമ്പാടും സെക്രട്ടറി ജില്ലാ കലക്ടര്‍ എം.സി.മോഹന്‍ദാസും പഞ്ചായത്ത് അസോസിയേഷന്‍ പ്രസിഡന്റ് സി.കെ.എ.റസാഖും സെക്രട്ടറി ജയദേവനും അഭ്യര്‍ത്ഥിച്ചു.

Keywords: Malappuram, Seminar, കേരള, 
6:00 PM | 0 comments

കരിക്കാട് ഗ്രാമത്തെക്കുറിച്ച് ചരിത്ര സെമിനാര്‍ നടത്തും

Written By Malappuram News on Friday, May 4, 2012 | 3:16 PM

മലപ്പുറം: സംസ്ഥാന ചരിത്രത്തിലെ പൗരാണികമായ ബ്രാഹ്മണ ഗ്രാമങ്ങളില്‍ ഒന്നായി വിശേഷിപ്പിക്കുന്ന കരിക്കാട് ഗ്രാമത്തെക്കുറിച്ച് പുറംലോകത്ത് ശ്രദ്ധ ക്ഷണിക്കുന്നതിന്റെ ഭാഗമായി കരിക്കാട് ദേവസ്വം ഊരാളേഴ്‌സ് ഫൗണ്ടേഷന്റെയും ചരിത്രവിദ്യാര്‍ഥികളുടെയും നേതൃത്വത്തില്‍ ഈ മാസം ആറിന് രാവിലെ 10ന് ഇളംകൂര്‍ എടക്കാട് ശ്രീശാസ്താ കോളജില്‍ ചരിത്ര സെമിനാര്‍ നടത്തുമെന്ന് സംഘാടകര്‍ വാര്‍ത്താ സമ്മേളനത്തില്‍ അറിയിച്ചു. സെമിനാറില്‍ ഡോ എം ജി എസ് നാരായണന്‍, ഡോ എം ആര്‍ രാഘവ വാരിയര്‍, ഡോ എന്‍ എം നമ്പൂതിരി, പ്രൊഫ. വിജയലക്ഷ്മി, ഡോ എം ജി ശശിഭൂഷണ്‍ തുടങ്ങിയവര്‍ പങ്കെടുക്കും. കരിക്കാട്ടെ രണ്ട് സുബ്രമഹ്ണ്യ ക്ഷേത്രങ്ങളെക്കുറിച്ചും ശാസ്താ ക്ഷേത്രത്തെക്കുറിച്ചും മൂഷിക വംശം സംസ്‌കൃത കാവ്യത്തില്‍ കണ്ടെത്തിയ സൂചനകളുടെ അടിസ്ഥാനത്തിലാണ് സെമിനാര്‍ നടക്കുന്നത്. ഇതു സംബന്ധിച്ച വാര്‍ത്താ സമ്മേളനത്തില്‍ പി കെ ദേവന്‍, കറുത്തേടത്ത് മാധവന്‍ നമ്പൂതിരി, പി കെ ശങ്കരനാരായണന്‍ എന്നിവര്‍ പങ്കെടുത്തു.

Keywords: History Seminar About Karikkad village, Sminar, Karikkad, Malappuram, 
3:16 PM | 0 comments

അന്താരാഷ്ട്ര അറബിക് സെമിനാര്‍

Written By Malappuram News on Thursday, March 22, 2012 | 10:21 AM

ഫറോക്ക്: ഫാറൂഖ് റൗസത്തുല്‍ ഉലൂം അറബി കോളേജിന്റെ എഴുപതാം വാര്‍ഷികാഘോഷങ്ങളുടെ ഭാഗമായി 25, 26, 27 തീയതികളില്‍ അന്താരാഷ്ട്ര അറബിക് സെമിനാര്‍ നടത്തും. കോളേജ്, ഹൈസ്‌കൂള്‍, അറബി അധ്യാപകര്‍, ബിരുദാനന്തര വിദ്യാര്‍ഥികള്‍, ഗവേഷണവിദ്യാര്‍ഥികള്‍ എന്നിവര്‍ക്ക് പങ്കെടുക്കാം. രാജ്യത്തിനകത്തുനിന്നും പുറത്തുനിന്നുമുള്ള സര്‍വകലാശാല പ്രൊഫസര്‍മാരും അറബി ഭാഷാപണ്ഡിതന്മാരും പ്രബന്ധങ്ങള്‍ അവതരിപ്പിക്കും. പങ്കെടുക്കുന്നവര്‍ മുന്‍കൂട്ടി രജിസ്റ്റര്‍ ചെയ്യണം.
ഫോണ്‍: 9447358258. ഓണ്‍ലൈനായും രജിസ്റ്റര്‍ ചെയ്യാം.
10:21 AM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers