Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Case. Show all posts
Showing posts with label Case. Show all posts

പട്ടികജാതി-വര്‍ഗക്കാര്‍ക്കുള്ള വായ്പകള്‍: കഴിഞ്ഞ വര്‍ഷം നല്‍കിയത് 2.22 കോടി

Written By Malappuram News on Sunday, July 8, 2012 | 4:56 PM

മലപ്പുറം: സംസ്ഥാന പട്ടിക ജാതി-പട്ടിക വര്‍ഗ കോര്‍പ്പറേഷന്‍ വിവിധ വായ്പാ പദ്ധതികളിലായി 2.22 കോടി രൂപ വിതരണം ചെയ്തു. 2011-2012 സാമ്പത്തിക വര്‍ഷത്തില്‍ 304 ഗുണഭോക്താക്കള്‍ക്കാണ് വിവിധ പദ്ധതികളുടെ ആനുകൂല്യം ലഭിച്ചത്. ഇതില്‍ 300 പേര്‍ പട്ടിക ജാതിക്കാരും നാല് പേര്‍ പട്ടിക വര്‍ഗക്കാരുമാണ്.
ചെറിയ-ഇടത്തരം തൊഴില്‍ സംരംഭങ്ങള്‍ തുടങ്ങുന്നതിന് ബെനിഫിഷറി ഓറിയന്റഡ് പദ്ധതി പ്രകാരവും വെല്‍ഡര്‍, ഇലക്ട്രീഷന്‍, ലബോറട്ടറി ടെക്‌നീഷന്‍, ഡോക്ടര്‍, എഞ്ചിനീയര്‍, ചാര്‍ട്ടേഡ് അക്കൗണ്ടന്റ്, ഫാര്‍മസിസ്റ്റ് തുടങ്ങിയവര്‍ക്ക് സ്വന്തമായി പ്രാക്റ്റീസ് ചെയ്യുന്നതിന് ധനസഹായം നല്‍കുന്ന പ്രൊഫഷനല്‍ സര്‍വീസ് പദ്ധതിപ്രകാരവും ഓട്ടോറിക്ഷാ ഡ്രൈവിങ് ലൈസന്‍സും ബാഡ്ജുമുള്ള പട്ടിക ജാതിയിലെ തൊഴില്‍രഹിതരായ യുവാക്കള്‍ക്ക് സ്വയം തൊഴില്‍ ഉപാധിയായി ഓട്ടോറിക്ഷാ വായ്പ നല്‍കുന്ന പദ്ധതി പ്രകാരവും പട്ടികജാതി-വര്‍ഗത്തില്‍പ്പെട്ടവര്‍ക്ക് വായ്പ അനുവദിച്ചിരുന്നു.
പട്ടികജാതി-വര്‍ഗ വിഭാഗത്തിലെ പാവപ്പെട്ട കുടുംബങ്ങളിലുള്ളവര്‍ക്ക് പെണ്‍മക്കളുടെ വിവാഹം നടത്തുന്നതിനും വിദ്യാര്‍ഥികള്‍ക്ക് കേരളത്തിലും മറ്റ് സംസ്ഥാനങ്ങളിലും ഉന്നത വിദ്യാഭ്യാസം നടത്തുന്നതിനും അംഗീകൃത സ്ഥാപനങ്ങളില്‍ പഠിക്കുന്ന പട്ടികജാതി വിദ്യാര്‍ഥികള്‍ക്ക് കംപ്യൂട്ടര്‍ വാങ്ങുന്നതിനും വായ്പ നല്‍കിയിരുന്നു.
പട്ടികജാതിക്കാരായ സര്‍ക്കാര്‍ ഉദ്യോഗസ്ഥര്‍ക്ക് വിവാഹം, രോഗചികിത്സ, ഗൃഹപ്രവേശം തുടങ്ങിയ ഗാര്‍ഹികാവശ്യങ്ങള്‍ക്കായി വ്യക്തിഗത വായ്പയും മൂന്ന് ലക്ഷത്തില്‍ താഴെ വാര്‍ഷിക വരുമാനമുള്ള പട്ടികജാതിക്കാരായ സര്‍ക്കാര്‍ ഉദ്യോഗസ്ഥര്‍ക്ക് ഇരുചക്ര വാഹനം വാങ്ങുന്നതിനും വായ്പ അനുവദിച്ചു. കോര്‍പ്പറേഷന്‍ നേരിട്ട് നടപ്പാക്കുന്ന ഈ പദ്ധതികള്‍ക്കായി 1.98 കോടിയാണ് വായ്പ നല്‍കിയത്. ദേശീയ പട്ടികജാതി ധനകാര്യ വികസന കോര്‍പ്പറേഷന്റെ സഹായത്തോടെ പരമ്പരാഗത തൊഴില്‍ മേഖലയ്ക്ക് പ്രാമുഖ്യം നല്‍കിയുള്ള ലഘു സംരംഭങ്ങള്‍ തുടങ്ങാന്‍ മൈക്രോ ക്രെഡിറ്റ് ഫൈനാന്‍സ് പദ്ധതി, തൊഴില്‍പരമായ വൈദഗ്ധ്യത്തിനനുസരിച്ചുള്ള സംരംഭങ്ങള്‍ തുടങ്ങാനുള്ള മിനി വെഞ്ച്വര്‍ പദ്ധതി, സ്ത്രീകള്‍ക്ക് തൊഴില്‍ സംരംഭങ്ങള്‍ തുടങ്ങാനുള്ള മഹിളാ സമൃദ്ധി യോജന എന്നിവ പ്രകാരം 21.95 ലക്ഷവുമാണ് അനുവദിച്ചത്.
ദേശിയ പട്ടികവര്‍ഗ ധനകാര്യ വികസന കോര്‍പ്പറേഷന്റെ സഹായത്തോടെ പട്ടികവര്‍ഗ സ്ത്രീകളുടെ സാമ്പത്തിക-സാമൂഹിക ഉന്നമനം ലക്ഷ്യമാക്കിയുള്ള ആദിവാസി മഹിളാ സശാക്തീകരന്‍ യോജന പ്രകാരവും പട്ടികവര്‍ഗ സംരംഭകര്‍ക്കുള്ള സ്വയം തൊഴില്‍ സംരംഭക വായ്പാ പദ്ധതിക്കുമായി 1.75 ലക്ഷവും അനുവദിച്ചിരുന്നു.
കൂടാതെ കോര്‍പ്പറേഷനുകളുടെ സഹായത്തോടെ വിദേശ തൊഴില്‍ വായ്പ, വിദേശ വിദ്യാഭ്യാസ വായ്പ എന്നിവയും ദേശീയ കോര്‍പ്പറേഷനുകളുടെ സഹായത്തോടെ ത്രീ വീലര്‍ പിക്ക് അപ് വാന്‍ പദ്ധതിയും കൃഷി ഭൂമി വായ്പാ പദ്ധതിയും നടപ്പാക്കുന്നുണ്ട്. വായ്പ സംബന്ധിച്ച വിവരങ്ങള്‍ക്ക് മലപ്പുറം കുന്നുമ്മല്‍ ജൂബിലി റോഡിലെ യു.എം.കെ.എസ്. ടവറില്‍ പ്രവര്‍ത്തിക്കുന്ന മേഖലാ ഓഫീസില്‍ അറിയാം. ഫോണ്‍ : 0483-2731496.

Keywords:Case, Malappuram, Loan,കേരള, 
4:56 PM | 0 comments

റാഗിംഗ്: നാല് വിദ്യാര്‍ത്ഥികള്‍ക്കെതിരെ കേസെടുത്തു

Written By mvarthasubeditor on Tuesday, June 26, 2012 | 10:29 AM

മഞ്ചേരി: നോബിള്‍ പബ്ലിക് സ്‌കൂളിലെ പ്ലസ് വണ്‍ വിദ്യാര്‍ഥിയെ റാഗിംഗിന് വിധേയനാക്കിയെന്ന പരാതിയില്‍ നാല് സീനിയര്‍ വിദ്യാര്‍ഥികള്‍ക്കെതിരെ മഞ്ചേരി പൊലീസ് കേസെടുത്തു. 

പ്ലസ് വണ്‍ വിദ്യാര്‍ഥിയായ മൊറയൂര്‍ അയനിക്കോട് ഷിഹാസ് അസീസിന്റെ പരാതിയിലാണ് പ്ലസ് ടു വിദ്യാര്‍ഥികളായ നാല് പേര്‍ക്കെതിരെ കേസെടുത്തത്. ഈ മാസം 16ന് രാവിലെ 8.45നാണ് സംഭവം. അടിച്ചു ചവിട്ടിയും പരിക്കേറ്റ വിദ്യാര്‍ഥിയെ സ്‌കൂള്‍ അധികൃതര്‍ മഞ്ചേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചിരുന്നു. 

ഷിഹാസ് അസീസും പിതാവ് അബ്ദുല്‍ അസീസും നല്‍കിയ പരാതിയില്‍ സ്‌കൂളിലെ ആന്റി റാഗിംഗ് സ്‌ക്വാഡ് നടത്തിയ അന്വേഷണത്തിന്റെ അടിസ്ഥാനത്തില്‍ പ്രിന്‍സിപ്പല്‍ പൊലീസിന് റിപ്പോര്‍ട്ട് നല്‍കുകയായിരുന്നു. സി ഐ ആണ് കേസന്വേഷിക്കുന്നത്.

English Summery
Ragging: Case against four students 
10:29 AM | 0 comments

ഇരുമ്പുഴി സംഘട്ടനം: നാലുപേര്‍ക്കെതിരെ കേസെടുത്തു

മഞ്ചേരി: ഇരുമ്പുഴിയില്‍ കരുവാഞ്ചേരി സമീറിനെ അടിച്ചു പരുക്കേല്‍പ്പിച്ചുവെന്ന പരാതിയില്‍ നാലു പേര്‍ക്കെതിരെ മഞ്ചേരി പോലീസ് കേസെടുത്തു. 


ഇരുമ്പുഴി സ്വദേശികളായ ജസീല്‍, ഷിഹാബ്, അന്‍സാര്‍, സൈഫുള്ള എന്നിവര്‍ക്കെതിരെയാണ് കേസ്സെടുത്തത്. കഴിഞ്ഞ ശനിയാഴ്ചയാണ് കേസിനാസ്പദമായ സംഭവം. 


ഇരുമ്പുഴിയിലുണ്ടായ ബൈക്ക് അപകടത്തില്‍ പരിക്കേറ്റയാള്‍ക്ക് നഷ്ട പരിഹാരം നല്‍കുന്നതു സംബന്ധിച്ചുണ്ടായ തര്‍ക്കമാണ് സംഘട്ടനത്തില്‍ കലാശിച്ചത്. പരിക്കേറ്റ സമീര്‍ മലപ്പുറം സഹകരണ ആശുപത്രിയില്‍ ചികിത്സയിലാണ്.

English Summery
Clash in Irumbuzhi; Case against four
8:35 AM | 0 comments

സ്വന്തം അശ്‌ളീല ചിത്രങ്ങള്‍ അയച്ച യുവതിക്കെതിരെ കേസ്

Written By Malappuram News on Saturday, April 7, 2012 | 4:00 PM

അബൂദബി: സ്വന്തം അശ്‌ളീല ചിത്രങ്ങള്‍ ഇന്റെര്‍നെറ്റിലൂടെ മറ്റൊരാള്‍ക്ക് അയച്ചതിന് യുവതിക്കെതിരെ കേസ്. ഫിലിപ്പീനി യുവതിയാണ് ഒരു യുവാവിന് ചിത്രങ്ങള്‍ അയച്ചത്. ഇത് സ്‌പോണ്‍സര്‍ കണ്ടുപിടിച്ചതിനെ തുടര്‍ന്ന് പൊലീസില്‍ പരാതി നല്‍കുകയായിരുന്നു. യുവാവ് തന്റെ ഇത്തരം ചിത്രങ്ങള്‍ യുവതിക്കും അയച്ചു.
കഴിഞ്ഞ ദിവസം ഈ കേസ് കോടതി പരിഗണിച്ചു. തന്റെ അശ്‌ളീല ചിത്രങ്ങള്‍ മറ്റൊരാള്‍ക്ക് അയച്ചതിലൂടെ യുവതി 'അടിസ്ഥാനപരമായി ചെകുത്താന്റെ പ്രവൃത്തി'യാണ് ചെയ്തതെന്ന് കോടതി അഭിപ്രായപ്പെട്ടു. തന്നെ നാടുകടത്താന്‍ ശിക്ഷിക്കുകയാണെങ്കില്‍ അത് എത്രയും വേഗം വേണമെന്ന് യുവതി കോടതിയോട് അപേക്ഷിച്ചു. ഏപ്രില്‍ 15ന് വിധി പറയും.
4:00 PM | 0 comments

ഇ.ജെ. തോമസ് വധം: രണ്ടുപേര്‍ക്ക് ജീവപര്യന്തം തടവ്

Written By Malappuram News on Wednesday, March 21, 2012 | 7:19 PM

ഇ.ജെ. തോമസ്  
മഞ്ചേരി: കോഴിക്കോട് കസ്റ്റംസ് ആന്‍ഡ് സെന്‍ട്രല്‍ എകൈ്‌സസ് ഓഡിറ്റ് വിഭാഗം ഉദ്യോഗസ്ഥന്‍ കല്‍പ്പറ്റ എമിലി ജെ.എം.ജെ. കോട്ടേജില്‍ ഇ.ജെ. തോമസിനെ കൊലപ്പെടുത്തി കവര്‍ച്ച നടത്തിയ കേസ്സില്‍ രണ്ടുപേര്‍ക്ക് ജീവപര്യന്തം കഠിനതടവ്. ഇരുവരും ഒരു ലക്ഷം രൂപ വീതം പിഴയും അടയ്ക്കണമെന്ന് മഞ്ചേരി രണ്ടാം അതിവേഗ കോടതി വിധിച്ചു.
ഒന്നാംപ്രതി മൊറയൂര്‍ പുതിയേടത്ത് കോടാലി മാണിപറമ്പില്‍ മുഹമ്മദ് റിയാസ് (കോടാലി റിയാസ് 23), രണ്ടാം പ്രതി കോഡൂര്‍ വലിയാട് കടങ്ങോട്ട് ജസ്സീര്‍ അലി (ജംഷീര്‍23) എന്നിവര്‍ക്കാണ് ജഡ്ജി ബി.ജി. ഹരീന്ദ്രനാഥ് ശിക്ഷ വിധിച്ചത്. പിഴ അടച്ചില്ലെങ്കില്‍ രണ്ട് വര്‍ഷം കൂടി തടവ് അനുഭവിക്കണം.
അഞ്ചാംപ്രതി കോഡൂര്‍ പാലോളി വീട്ടില്‍ ഇബ്രാഹിമി (37)ന് മൂന്നുവര്‍ഷം തടവും 50,000 രൂപ പിഴയും വിധിച്ചിട്ടുണ്ട്. പിഴയടച്ചില്ലെങ്കില്‍ ആറു മാസം കൂടി തടവുണ്ടാകും.
മൂന്നും നാലും പ്രതികളായ തമിഴ്‌നാട് വേദാരണ്യം പ്രഭാകരന്‍ എന്ന ഷംസുദ്ദീന്‍, മലപ്പുറം പട്ടര്‍കടവ് വനമ്പുഴ വീട്ടില്‍ അബ്ദുള്‍ ഗഫൂര്‍ എന്നിവരെ വെറുതേ വിട്ടു.
പ്രോസിക്യൂഷനു വേണ്ടി സ്‌പെഷല്‍ പ്രോസിക്യൂട്ടര്‍ അഡ്വ. എന്‍. ഭാസ്‌കരന്‍നായര്‍, അഡ്വ. എം. അനില്‍കുമാര്‍ എന്നിവര്‍ ഹാജരായി.

ഒന്നാംപ്രതി മുഹമ്മദ് റിയാസ്, രണ്ടാം പ്രതി ജസ്സീര്‍ അലി, അഞ്ചാംപ്രതി ഇബ്രാഹിം 
7:19 PM | 0 comments

പ്രകൃതി വിരുദ്ധ പീഡനം; മൂന്നു പേര്‍ക്കെതിരെ കേസ്

കല്‍പകഞ്ചേരി: കാടാമ്പുഴ മരുതന്‍ ചിനയില്‍ പത്ത് വയസുകാരനെ പ്രകൃതി വിരുദ്ധ പീഡനത്തിനിരയാക്കിയ സംഭവത്തില്‍ മൂന്നു പേര്‍ക്കെതിരെ കേസ്. മരുതന്‍ചിറ സ്വദേശികളായ സുമേഷ്, റഷീദ്, ഷബീര്‍ എന്നിവര്‍ക്കെതിരെയാണ് കല്‍പകഞ്ചേരി പോലീസ് കേസെടുത്തത്. പല തവണ പത്ത് വയസുകാരനെ പീഡിപ്പിച്ചെന്ന പിതാവിന്റെ പരാതിയിലാണ് കേസ്.
6:41 PM | 0 comments

സ്ത്രീധനപീഡനം; കേസെടുത്തു

Written By Malappuram News on Sunday, March 18, 2012 | 1:14 AM

തിരൂര്‍: ഭര്‍ത്താവും ബന്ധുക്കളും ശാരീരികമായും മാനസികുമായും പീഡിപ്പിക്കുന്നുവെന്ന കാലടി സ്വദേശിനിയായ വീട്ടമ്മയുടെ പരാതിയില്‍ കാലടി പൂച്ചാംകുന്നത്ത് വാസു, ഗോപി, ശാന്ത, മുദിരിശ്ശേരി മാങ്ങാട്ടില്‍ ഗംഗാധരന്റെ ഭാര്യ ജാനകി, കുമ്പിടി സ്വദേശിനി വസന്ത എന്നിവര്‍ക്കെതിരെ പൊന്നാനി പോലീസ് കേസെടുത്തു.
1:14 AM | 0 comments

ഗ്രാമപ്പഞ്ചായത്തംഗത്തിന്റെ വീട്ടില്‍ കള്ളന്‍കയറി

Written By Malappuram News on Thursday, March 15, 2012 | 1:01 PM

എടപ്പാള്‍ : ഗ്രാമപ്പഞ്ചായത്തംഗത്തിന്റെ വീട്ടില്‍ കള്ളന്‍കയറി മൂന്നരപ്പവന്റെ ആഭരണങ്ങള്‍ കവര്‍ന്നു. വട്ടംകുളം ഗ്രാമപ്പഞ്ചായത്ത് പ്രതിപക്ഷ നേതാവും പഞ്ചായത്ത് മുസ്‌ലിം ലീഗ് പ്രസിഡന്റുമായ വട്ടംകുളം ചേകന്നൂര്‍ റോഡില്‍ താമസിക്കുന്ന അശ്‌റഫിന്റെ വീട്ടിലാണ് ബുധനാഴ്ച പുലര്‍ച്ചെ കള്ളന്‍ കയറിയത്. വീടിന്റെ പിന്‍വാതില്‍ കമ്പിപ്പാര ഉപയോഗിച്ച് കുത്തിത്തുറന്നശേഷം അകത്തുകടന്ന മോഷ്ടാക്കള്‍ ബെഡ്‌റൂമിന്റെയും വാതില്‍ പൊളിച്ചശേഷം ഉറങ്ങിക്കിടക്കുകയായിരുന്ന ഭാര്യ റംലയുടെ രണ്ടുപവന്റെ പാദസരം, മകള്‍ ശിഫാനയുടെ കഴുത്തിലെ ഒന്നരപ്പവന്റെ മാല എന്നിവ പൊട്ടിച്ചെടുക്കുകയായിരുന്നു.
അശ്‌റഫിന്റെ പരാതിപ്രകാരം ചങ്ങരംകുളം എസ്.ഐ ബഷീര്‍ ചിറക്കല്‍ സ്ഥലത്തെത്തി അന്വേഷണമാരംഭിച്ചു.
1:01 PM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers