കരീന കപൂര്‍ ഇസ്ലാമിലേയ്ക്ക് മതം മാറേണ്ടെന്ന്‌ സെയ്ഫ് അലിഖാന്‍

ന്യൂഡല്‍ഹി: കരീന കപൂര്‍ ഇസ്ലാമിലേയ്ക്ക് മതം മാറേണ്ടതില്ലെന്ന്‌ സെയ്ഫ് അലിഖാന്‍. ഇതോടെ സെയ്ഫ് അലിഖാന്റെ മാതാവ് ശര്‍മ്മിള ടാഗോറിന്റെ വഴികള്‍ പിന്തുടരേണ്ടിവരുമെന്ന കരീന കപൂറിന്റെ ആശങ്കയ്ക്ക് വിരാമമായി. 

രാജകുടുംബാംഗമായ മന്‍സൂര്‍ അലിഖാന്‍ പട്ടൗഡിയെ വിവാഹം കഴിക്കാന്‍ ബംഗാളി സ്വദേശിയും ഹിന്ദുമത വിശ്വാസിയുമായിരുന്ന ശര്‍മ്മിള ടാഗോറിന്‌ ഇസ്ലാം മതം സ്വീകരിക്കേണ്ടി വന്നിരുന്നു. 

മതേതര വിവാഹങ്ങളില്‍ മതം മാറ്റം പോലുള്ള ചടങ്ങുകളെ പ്രോല്‍സാഹിപ്പിക്കേണ്ടതില്ലെന്ന നിലപാടിലാണ്‌ സെയ്ഫ് അലിഖാന്‍. ശര്‍മ്മിള ടാഗോര്‍ വിവാഹ ശേഷം ആയിഷ ബീഗം എന്ന പേരാണ്‌ സ്വീകരിച്ചത്. മന്‍സൂര്‍ അലിഖാന്‍ പട്ടൗഡിയുടെ ആദ്യഭാര്യ അമൃതാ സിംഗും പട്ടൗഡിയെ വിവാഹം കഴിക്കാനായി ഇസ്ലാം മതം സ്വീകരിച്ചിരുന്നു.

ഒരു പ്രമുഖ പത്രത്തിനനുവദിച്ച അഭിമുഖത്തിലാണ്‌ സെയ്ഫ് അലിഖാന്‍ തന്റെ നയം വ്യക്തമാക്കിയത്. സ്പെഷ്യല്‍ മാര്യേജ് ആക്ടില്‍ ഭേദഗതി വരുത്തി ഇത്തരം മതം മാറ്റങ്ങളെ തടയണമെന്നും സെയ്ഫ് ആവശ്യപ്പെട്ടു.

English Summery
Saif Ali Khan doesn’t want Kareena Kapoor to convert to Islam

Post a Comment

To be published, comments must be reviewed by the administrator *

Previous Post Next Post