യുഡിഎഫ് യോഗം ചേരുന്നതിന്റെ തലേന്നുപോലും ലീഗിന് വഴങ്ങില്ലെന്നാണ് കോണ്‍ഗ്രസ് നേതാക്കള്‍ പറഞ്ഞത്. പിന്നെന്തു സംഭവിച്ചുവെന്ന് ആര്യാടന്‍ പറയണം. ലീഗിന് വീണ്ടും മന്ത്രിയെ കൊടുക്കാനുള്ള ഉമ്മന്‍ചാണ്ടിയുടെ തീരുമാനം തടയാന്‍ അദ്ദേഹം എന്തുചെയ്‌തെന്നും വ്യക്തമാക്കണം. ലീഗിനെതിരെയുള്ള പരാമര്‍ശങ്ങള്‍ ആത്മാര്‍ത്ഥമായിട്ടാണെങ്കില്‍ സ്വാഗതാര്‍ഹമാണ്.
മുസ്‌ലിംലീഗിനെതിരെ കടുത്ത ഭാഷയാണ് ആര്യാടന്‍ ഉപയോഗിച്ചത്. കണ്ണൂരും കാസര്‍കോട്ടും അടികിട്ടിയ കാര്യം പറഞ്ഞ് പരിഹസിച്ചു. ലീഗിനു മുന്നില്‍ നാണംകെട്ടിരുന്ന കോണ്‍ഗ്രസ് പ്രവര്‍ത്തകര്‍ക്ക് ആര്യാടന്റെ പ്രസംഗം നല്‍കുന്ന സന്തോഷം ചെറുതല്ല. അണികളുടെ ആത്മരോഷം തണുപ്പിക്കാനും ആത്മാഭിമാനം വീണ്ടെടുക്കാനും പ്രസംഗം സഹായിച്ചേക്കാം. എന്നാല്‍ ആര്യാടന്റെ പ്രസ്താവന ആത്മാര്‍ത്ഥമായിട്ടാണോയെന്ന സംശയം ബാക്കിയാവുകയാണെന്നും പ്രസ്താവനയില്‍ പറഞ്ഞു.
Post a Comment