Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Attack. Show all posts
Showing posts with label Attack. Show all posts

സിപിഎം ഹര്‍ത്താല്‍; പരിക്കേറ്റയാളുമായി ആംബുലന്‍സില്‍ പോയവര്‍ക്കും മര്‍ദ്ദനം

Written By mvarthasubeditor on Sunday, July 1, 2012 | 9:42 AM



കോഴിക്കോട്: അപകടത്തില്‍ പരുക്കേറ്റ ആളെയുമായി മെഡിക്കല്‍ കോളജിലേക്കു പോയ ആംബുലന്‍സ് ഡ്രൈവര്‍ക്കും രോഗിക്കൊപ്പം ഉണ്ടായിരുന്ന ആള്‍ക്കും സിപിഎം ആഹ്വാനം ചെയ്ത ഹര്‍ത്താലില്‍ മര്‍ദനം. അപകടത്തില്‍ പരുക്കേറ്റ് ആശുപത്രിയില്‍ കിടക്കുന്നയാള്‍ക്കു ഭക്ഷണവുമായി പോയ കുടുംബാംഗങ്ങള്‍ സഞ്ചരിച്ച കാറും ഹര്‍ത്താല്‍ അനുകൂലികള്‍ തല്ലിത്തകര്‍ത്തു; രണ്ടര വയസ്സും അഞ്ചു വയസ്സും പ്രായമുള്ള കുട്ടികള്‍ക്കടക്കം പരുക്കേറ്റു.  ഉറച്ച സിപിഎം അനുഭാവികളുടെ കുടുംബത്തിനു നേരെയാണ് ആക്രമണം നടന്നത്.

ജില്ലയുടെ വിവിധ സ്ഥലങ്ങളില്‍ ഉണ്ടായ മറ്റ് അക്രമങ്ങള്‍ക്കു പുറമേയാണ് ആംബുലന്‍സിനും ആശുപത്രിയിലേക്കു പോയവര്‍ക്കും നേരെയുള്ള ആക്രമണങ്ങള്‍. പേരാമ്പ്ര ചാലിക്കരയിലാണ് ആംബുലന്‍സ് തടഞ്ഞുവച്ചു  ഡ്രൈവറെയും രോഗിക്കൊപ്പം ഉണ്ടായിരുന്ന ആളെയും മര്‍ദിച്ചത്. കാല്‍ മണിക്കൂറോളം പിടിച്ചിട്ട ആംബുലന്‍സ് പിന്നീടു നാട്ടുകാര്‍ സംഘടിച്ചെത്തിയാണ് മോചിപ്പിച്ച് ആശുപത്രിയിലേക്ക് അയച്ചത്. രാവിലെ പതിനൊന്നോടെയാണ് ചേനായിയില്‍ ഓട്ടോറിക്ഷ മറിഞ്ഞു പെരുവാണിക്കല്‍മീത്തല്‍ ബിനീഷിനു (26) പരുക്കേറ്റത്.

പേരാമ്പ്ര താലൂക്ക് ആശുപത്രിയില്‍ എത്തിച്ച ബിനീഷിന്റെ സ്ഥിതി ഗുരുതരമായിരുന്നതിനാല്‍ മെഡിക്കല്‍ കോളജിലേക്കു വിടുകയായിരുന്നു. പേരാമ്പ്ര കെയര്‍ ചാരിറ്റബിള്‍ ട്രസ്റ്റിന്റെ ആംബുലന്‍സില്‍ കോഴിക്കോട്ടേക്കു പുറപ്പെട്ട ആംബുലന്‍സ് ചാലിക്കരയില്‍ തടഞ്ഞു. തുടര്‍ന്നു ഡ്രൈവര്‍ പേരാമ്പ്ര ചെട്ടിയാംകണ്ടി വീട്ടില്‍ സി.കെ. സലാമിനെയും (36) രോഗിയോടൊപ്പം ആംബുലന്‍സില്‍ ഉണ്ടായിരുന്ന സുഹൃത്ത് പേരാമ്പ്ര എടവരാട് നറക്കമ്മല്‍ വീട്ടില്‍ ഗിരീഷിനെയും വലിച്ചിറക്കി ക്രൂരമായി മര്‍ദിച്ചു. 

കാല്‍ മണിക്കൂറോളം തടഞ്ഞിട്ട ആംബുലന്‍സ് പിന്നീടു നാട്ടുകാര്‍ സംഘടിച്ചെത്തിയാണ് മോചിപ്പിച്ചത്. ബിനീഷിനെയും സലാമിനെയും കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. മെഡിക്കല്‍ കോളജിനു സമീപം കോവൂരിലാണ് കൊച്ചുകുട്ടികള്‍ അടക്കമുള്ളവര്‍ ആക്രമണത്തിന് ഇരയായത്. ബൈക്ക് അപകടത്തില്‍ ഗുരുതരമായി പരുക്കേറ്റു നഗരത്തില്‍ സ്വകാര്യ ആശുപത്രിയില്‍ ചികില്‍സയിലുള്ള വെള്ളിപറമ്പ് സ്വദേശി മുബീഷിനും കൂടെയുള്ളവര്‍ക്കും ഭക്ഷണവുമായി വരികയായിരുന്നു ഇവര്‍.

മുബീഷിന്റെ ഭാര്യ സഫ്ന, മക്കളായ ബിന്‍സില (രണ്ടര), ബിലാല്‍ (5), സഹോദരി ഷിബില, സഹോദരിയുടെ ഭര്‍ത്താവ് മുജീബ് റഹ്മാന്‍, ഇവരുടെ മകന്‍ മുഫൈല്‍ എന്നിവരാണ് കാറില്‍ ഉണ്ടായിരുന്നത്. കാര്‍ അടിച്ചുതകര്‍ത്ത അക്രമികള്‍ മുജീബ് റഹ്മാനെ മര്‍ദിക്കുകയും ചെയ്തു. ചില്ലു തറച്ചാണ് കുട്ടികള്‍ക്കും കാറിലുണ്ടായിരുന്ന മറ്റുള്ളവര്‍ക്കും മുറിവേറ്റത്. ബിന്‍സിലയുടെ കണ്ണിനു താഴെയാണ് മുറിവ്. കുട്ടികളെ ആക്രമിച്ചവര്‍ ആരായാലും മനുഷ്യരല്ലെന്നു ഷിബില പറഞ്ഞു. ഉറച്ച പാര്‍ട്ടി അനുഭാവികളാണ് തങ്ങളുടെ കുടുംബമെന്നും അവര്‍ പറഞ്ഞു. സഫ്നയുടെ പിതാവ് പെരുമണ്ണ സ്വദേശിയായ മുഹമ്മദ് നാട്ടുകാര്‍ മുഴുവന്‍ 'സഖാവ് എന്നു വിളിക്കുന്ന ആളായിരുന്നു. രണ്ടു മാസം മുന്‍പാണ് മരിച്ചത്.
9:42 AM | 0 comments

കെ എസ് ഇ ബി ഓഫീസ് അക്രമം: രണ്ട് പേര്‍ കൂടി അറസ്റ്റില്‍

Written By mvarthasubeditor on Friday, June 1, 2012 | 6:37 PM

തിരൂരങ്ങാടി: തലപ്പാറ കെ എസ് ഇ ബി സെക്ഷന്‍ ഓഫീസില്‍ അതിക്രമം നടത്തിയ കേസില്‍ രണ്ട് പേര്‍ കൂടി അറസ്റ്റില്‍. വേങ്ങര കണ്ണാട്ടിപ്പടി വടേരി മുജീബ് (27) മൂന്നിയൂര്‍ തലപ്പാറ കൈതകത്ത് മുള്ളുങ്ങല്‍ മുഹമ്മദ് മുസ്തഫ (25) എന്നിവരെയാണ് തിരൂരങ്ങാടി പോലീസ് അറസ്റ്റ് ചെയ്തത്. നാല് പേരെ പോലീസ് നേരത്തെ അറസ്റ്റ് ചെയ്തിരുന്നു. കഴിഞ്ഞ 20ന് രാത്രിയാണ് തലപ്പാറ കെ എസ് ഇ ബി ഓഫീസില്‍ അക്രമം നടന്നത്. വൈദ്യുതി വിതരണം തടസ്സപ്പെടുന്നു എന്ന് പറഞ്ഞ് 50ഓളം വരുന്ന സംഘം ഓഫീസില്‍ കയറി ബഹളം വെക്കുകയും ഓഫീസിലെ സാധന സാമഗ്രികള്‍ നശിപ്പിക്കുകയുമായിരുന്നു അസി. എക്‌സിക്യൂട്ടീവ് എഞ്ചിനീയറുടെ പരാതി പ്രകാരമാണ് പോലീസ് കേസെടുത്തിരുന്നത്. ചെമ്മാട് വെച്ചാണ് ഇരുവരെയും അറസ്റ്റ് ചെയ്തത്. ഇവരെ പരപ്പനങ്ങാടി കോടതി റിമാന്റ് ചെയ്തു. ദേശീയപാത ഉപരോധിച്ചതിന് ഏതാനും പേരെ നേരത്തെ അറസ്റ്റ് ചെയ്തിരുന്നു.

English Summery
Two arrested in KSEB office attack
6:37 PM | 0 comments

പോലീസിന് നേരെ മണല്‍ മാഫിയയുടെ ആക്രമണം; മൂന്ന് പേര്‍ക്കെതിരെ കേസ്

Written By Malappuram News on Wednesday, March 21, 2012 | 6:06 PM

തിരൂര്‍ : പോലീസുകാര്‍ക്ക് നേരെ മണല്‍മാഫിയയുടെ ആക്രമണം. സംഭവവുമായിബന്ധപ്പെട്ട് മൂന്ന് പേര്‍ക്കെതിരെ കേസെടുത്തു. തൃപ്രങ്ങോട് പഞ്ചായത്തിലെ ചെറിയ പറപ്പൂരില്‍ കടവില്‍ ശനിയാഴ്ച രാവിലെ പത്തരയോടെയാണ് പോലീസുകാര്‍ക്ക് നേരെ മണല്‍മാഫിയയുടെ ആക്രമണമുണ്ടായത്. എ ആര്‍ ക്യാമ്പിലെ സിവില്‍ ഓഫിസര്‍മാരായ ഷിനോ തങ്കച്ചന്‍ (26), ഷിബി രാജ് (30) എന്നിവര്‍ക്ക് നേരെയായിരുന്നു മാഫിയയുടെ പരാക്രമം. ഇവര്‍ തിരൂര്‍ ജില്ലാ ആശുപത്രിയില്‍ ചികിത്സ തേടി. സംഭവത്തില്‍ മൂന്ന് പേര്‍ക്കെതിരെ പോലീസ് കേസെടുത്തിട്ടുണ്ട്. തിരൂര്‍ ഡി വൈ എസ് പി. കെ സലീമിന്റെ നിര്‍ദേശ പ്രകാരമായിരുന്നു പോലീസുകാര്‍ കടവില്‍ പാസ് പരിശോധനക്കെത്തിയത്. പാസിന്റെ മറവില്‍ കൂടുതല്‍ ലോഡ് കൊണ്ടുപോകാന്‍ ശ്രമിച്ചത് തടഞ്ഞതോടെ മണല്‍മാഫിയ പോലീസുകാരെ വളയുകയും മര്‍ദിക്കുകയുമായിരുന്നു. തുടര്‍ന്ന് ഇവര്‍ രക്ഷപ്പെടുകയും ചെയ്തു. വിവരമറിഞ്ഞ് തിരൂരില്‍ നിന്ന് കൂടുതല്‍ പോലീസുകാരെത്തിയാണ് പരുക്കേറ്റ പോലീസുകാരെ ആശുപത്രിയിലെത്തിച്ചത്. ഔദ്യോഗിക കൃത്യ നിര്‍വഹണം തടസപ്പെടുത്തല്‍, സംഘം ചേര്‍ന്ന് ആക്രമിക്കല്‍ തുടങ്ങിയ ജാമ്യമില്ലാ വകുപ്പുകള്‍ ചുമത്തി ലോറി െ്രെഡവര്‍ ഷാജി ഉള്‍പ്പടെ മൂന്ന് പേര്‍ക്കെതിരെ കേസെടുത്തതെന്ന് എസ് ഐ. പി ജ്യോതീന്ദ്രകുമാര്‍ അറിയിച്ചു.
6:06 PM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers