Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label visit. Show all posts
Showing posts with label visit. Show all posts

ഇരട്ടക്കൊല: വി എസ് ഇന്ന് അരീക്കോട്ട്

Written By Malappuram News on Friday, July 6, 2012 | 12:27 AM

മലപ്പുറം: അരീക്കോട് കുനിയില്‍ കൊല്ലപ്പെട്ട സഹോദരങ്ങളുടെ വീട് പ്രതിപക്ഷ നേതാവ് വി എസ് അച്യുതാനന്ദന്‍ വെള്ളിയാഴ്ച സന്ദര്‍ശിക്കും. വൈകിട്ട് നാലരയ്ക്ക് വിഎസ,് കൊല്ലപ്പെട്ട കൊളക്കാടന്‍ അബൂബക്കറിന്റെയും ആസാദിന്റെയും വീട്ടിലെത്തും.
പൊലീസ് അന്വേഷണം തൃപ്തികരമല്ലെന്ന്് ബന്ധുക്കള്‍ക്ക് പരാതിയുണ്ട്. പി കെ ബഷീര്‍ എംഎല്‍എ എഫ്‌ഐആറില്‍ ആറാം പ്രതിയാണെങ്കിലും കേസെടുത്ത് അന്വേഷിക്കാന്‍ പൊലീസ് തയ്യാറായിട്ടില്ല. മൊബൈല്‍ ഫോണ്‍ തെളിവുകളും അന്വേഷണ സംഘം കണക്കിലെടുക്കുന്നില്ല. ഇരട്ടക്കൊലക്കേസില്‍ ഇതുവരെ 19 മുസ്ലിംലീഗ് പ്രവര്‍ത്തകരാണ് അറസ്റ്റിലായത്.


Keywords:V.S. Achudanthan, Areekode, Malappuram, visit, കേരള, 
12:27 AM | 0 comments

ചമ്രവട്ടം റഗുലേറ്റര്‍ കം ബ്രിഡ്ജ് പ്രദേശം വി എസ് സന്ദര്‍ശിച്ചു

Written By Malappuram News on Thursday, May 10, 2012 | 10:00 AM

തിരൂര്‍: ഉദ്ഘാടനം പ്രതീക്ഷിച്ചു കൊണ്ടിരിക്കുന്ന ചമ്രവട്ടം റഗുലേറ്റര്‍ കം ബ്രിഡ്ജ് പ്രദേശം പ്രതിപക്ഷ നേതാവ് വി എസ് അച്യുതാനന്ദന്‍ സന്ദര്‍ശിച്ചു. ഇന്നലെ ഉച്ചക്ക് ശേഷം മൂന്നരയോടെയാണ് വി എസ് പദ്ധതി പ്രദേശത്ത് എത്തിയത്. ഒരു കിലോമീറ്റര്‍ നീളം വരുന്ന പാലത്തിന്റെ മുകളിലൂടെ വി എസ് കുറച്ചു ദൂരം നടന്നു. ഉടനെ തന്നെ തിരിക്കുകയാണ് ഉണ്ടായത്. തിരൂര്‍ കാവിലക്കാട്ടെ സി പി എം ഓഫീസ് ഉദ്ഘാടനത്തിനെത്തിയതായിരുന്നു അദ്ദേഹം. ഇതിനിടയിലാണ് തന്റെ ഭരണകാലത്ത് ശിലയിട്ട് നിര്‍മാണ പ്രവര്‍ത്തനങ്ങള്‍ക്ക് തുടക്കം കുറിച്ച് അതിവേഗ പദ്ധതി കാണാന്‍ വി എസ് ആഗ്രഹം പ്രകടിപ്പിച്ച് ചമ്രവട്ടത്തെത്തിയത്. വി എസ് പദ്ധതി പ്രദേശം സന്ദര്‍ശിക്കുമെന്ന വാര്‍ത്ത പരന്നതോടെ ആയിരക്കണക്കിനാളുകളാണ് വിവിധ ഭാഗങ്ങളില്‍ നിന്നായി ഭാരതപ്പുഴയുടെ ഇരു കരകളിലും പാലത്തിനു മുകളിലും തടിച്ചുകൂടിയത്. തിരൂര്‍ ഭാഗത്ത നിന്ന് സന്ദര്‍ശനം നടത്തിയ വി എസ് പൊന്നാനി മേഖലയിലേക്ക് കടക്കാന്‍ കൂട്ടാക്കാതെ ഉടനെ തന്നെ തിരിക്കുകയായിരുന്നു. വി എസിന്റെ വരവും കാത്ത് പൊന്നാനി മേഖലയിലെ നരിപ്പറമ്പ് മേഖലയില്‍ തടിച്ചുകൂടിയ ആയിരങ്ങള്‍ക്ക് വി എസിന്റെ മടക്കയാത്ര നിരാശയുണ്ടാക്കി. 2009 ആഗസ്റ്റ് 13ന് പൊന്നാനിയുടെ എം എല്‍ എയും തദ്ദേശസ്വയംഭരണ മന്ത്രിയുമായിരുന്ന പാലോളി മുഹമ്മദ്കുട്ടിയുടെ അധ്യക്ഷതയില്‍ അന്നത്തെ മുഖ്യമന്ത്രിയായ വി എസ് അച്യുതാനന്ദനാണ് നിര്‍മാണ പ്രവര്‍ത്തനങ്ങള്‍ക്ക് തുടക്കം കുറിച്ചത്. സിംഗിള്‍ വിന്റോ പദ്ധതിയില്‍ ഉള്‍പ്പെടുത്തി റെക്കോര്‍ഡ് വേഗതയില്‍ നിര്‍മാണ പ്രവര്‍ത്തനം പുരോഗമിക്കുന്നതിനിടയിലാണ് കേരളത്തില്‍ ഭരണമാറ്റം ഉണ്ടായത്. ഇതോടെ പദ്ധതിയുടെ പൂര്‍ത്തീകരണത്തിന് ഒരു വര്‍ഷം കൂടി കാത്തിരിക്കേണ്ടി വന്നു. ഈ മാസം 17ന് ഉദ്ഘാടനം പ്രതീക്ഷിക്കുന്ന പദ്ധതി പ്രകാരം പ്രതിപക്ഷ നേതാവ് വി എസ് അച്യുതാനന്ദന്‍ സന്ദര്‍ശിക്കാനെത്തിയത് ജനങ്ങള്‍ക്കാവേശം പകര്‍ന്നു. റഗുലേറ്റര്‍ കം ബ്രിഡ്ജിന്റെ നിര്‍മാണ പുരോഗതിയെ കുറിച്ച് വി എസ് ഉദ്യോഗസ്ഥരില്‍ നിന്ന് വിവരങ്ങള്‍ ആരാഞ്ഞു. കെ ടി ജലീല്‍ എം എല്‍ എ നിര്‍മാണ കമ്പനി ഉദ്യോഗസ്ഥര്‍, ഇറിഗേഷന്‍ ഉദ്യോഗസ്ഥര്‍, സി പി എം ജില്ലാ സെക്രട്ടറി, പി പി വാസുദേവന്‍ പ്രതിപക്ഷ നേതാവിനെ അനുഗമിച്ചു.

Keywords: Visit, Tirur, Inauguration, V.S. Achudanthan, കേരള, 
10:00 AM | 0 comments

ഇടത് എംഎല്‍എമാരുടെ സംഘം ഒഞ്ചിയം സന്ദര്‍ശിച്ചു

Written By Malappuram News on Wednesday, May 9, 2012 | 1:28 AM

കോഴിക്കോട്: ഇടത് എംഎല്‍എമാരുടെ സംഘം ഒഞ്ചിയം സന്ദര്‍ശിച്ചു. സിപിഐ എം എല്‍ എ. ഇ.കെ.വിജയനും നാഷനല്‍ സെക്യുലര്‍ കോണ്‍ഫ്രറന്‍സ് എം എല്‍ എ പി.ടി.എ. റഹീമും ഒഞ്ചിയം സന്ദര്‍ശനത്തില്‍നിന്ന് വിട്ടുനിന്നു. ജില്ലയിലെ എട്ട് ഇടതുമുന്നണി എംഎല്‍എമാരാണ് സംഘത്തിലുള്ളത്. സിപിഎമ്മില്‍ നിന്ന് ആറുപേരും ജനതാദള്‍ എന്‍സിപി അംഗങ്ങളായ രണ്ടുപേരും സംഘത്തിലുണ്ടായിരുന്നു. റവല്യൂഷനറി മാര്‍ക്‌സിറ്റ് പാര്‍ട്ടിയുടെ എതിര്‍പ്പ് കണക്കിലെടുത്ത് ടി.പി.ചന്ദ്രശേഖരന്റെ വീട് സംഘം സന്ദര്‍ശിച്ചില്ല.

Keywords: LDF, Kozhikode, visit, MLA, 
1:28 AM | 0 comments

മഅ്ദനിയെ സന്ദര്‍ശിച്ചു

Written By Malappuram News on Friday, May 4, 2012 | 3:22 PM

തിരൂരങ്ങാടി: ബാംഗ്ലൂര്‍ ജയിലില്‍ കഴിയുന്ന പി ഡി പി ചെയര്‍മാന്‍ മഅ്ദനിയെ പാര്‍ട്ടി മൂന്നിയൂര്‍ പഞ്ചായത്ത് നേതാക്കന്‍മാരായ പി മൊയ്തീന്‍, കെ സി സിദ്ധീഖ്, പി വി മുഹമ്മദ്, എന്‍ എം ജംഷീദ് എന്നിവര്‍ സന്ദര്‍ശിച്ചു. മഅ്ദനിയുടെ ആരോഗ്യനില അതീവ ഗുരുതരമാണെന്നും അവര്‍ പറഞ്ഞു. മലബാറിലെ പണ്ഡിത നേതൃത്വം മഅ്ദനിയെ ജയിലില്‍ പോയി സന്ദര്‍ശിക്കണമന്ന് പി ഡി പി നേതാക്കള്‍ ആവശ്യപ്പെട്ടു.

Keywords: Visit, Tirurangadi, Malappuram, Abdul Nazer Mahdani
3:22 PM | 0 comments

ആദിവാസി കോളനികളില്‍ പരിശോധന നടത്തും: ജില്ലാ കലക്‌ടര്‍

Written By Malappuram News on Saturday, April 21, 2012 | 1:21 AM

മലപ്പുറം: ജില്ലയില്‍ ഭൂമി നല്‍കിയ ആദിവാസികള്‍ക്ക്‌ അടിസ്ഥാന സൗകര്യം ഒരുക്കാന്‍ വിവിധ വകുപ്പുകള്‍ സംയുക്തമായി പരിശോധന നടത്തുമെന്ന്‌ ജില്ലാ കലക്‌ടര്‍ എംസി മോഹന്‍ദാസ്‌ അറിയിച്ചു. കലക്‌ടറുടെ ചേമ്പറില്‍ ചേര്‍ന്ന ആദിവാസി പുനരധിവാസ വികസന മിഷന്റെ യോഗത്തിലാണ്‌ ഇക്കാര്യം അറിയിച്ചത്‌. മെയ്‌ അഞ്ചിന്‌ എടയൂര്‍, കീഴാറ്റൂര്‍ എന്നീ കോളനികളിലാണ്‌ സംയുക്ത പരിശോധന. മാഞ്ചീരി ആദിവാസി കോളനിയില്‍ മൂന്നിടങ്ങളില്‍ തൂക്കുപാലം നിര്‍മിക്കും. പൂഞ്ഞക്കൊല്ലിയിലെ പ്ലാന്റേഷന്‍ കോര്‍പ്പറേഷന്‍ നിര്‍മ്മിച്ച പാലത്തിന്റെ അറ്റകുറ്റപ്പണികള്‍ ചെയ്യും.
ചില കോളനികളിലെ വൈദ്യുതീകരണം സംബന്ധിച്ച തടസങ്ങളുളളത്‌ നീക്കാന്‍ ബന്ധപ്പെട്ട ഉദ്യോഗസ്ഥര്‍ സ്ഥല പരിശോധന നടത്തുമെന്നും അദ്ദേഹം അറിയിച്ചു. കോളനികളില്‍ ബി.പി.എല്‍ കാര്‍ഡ്‌ ഇനിയും ലഭ്യമാകാത്തവര്‍ക്ക്‌ രണ്ടാഴ്‌ച്ചയ്‌ക്കകം കാര്‍ഡ്‌ ലഭ്യമാക്കണമെന്ന്‌ ജില്ലാ സപ്ലൈ ഓഫീസര്‍ക്ക്‌ നിര്‍ദേശം നല്‍കി. വട്ടപ്പാറക്കടുത്ത്‌ മാറാക്കര വില്ലേജിലെ അഞ്ചേക്കര്‍ സ്ഥലത്ത്‌ റസിഡന്‍ഷ്യല്‍ ഐ ടി ഐ പണിയാന്‍ സ്ഥല പരിശോധന നടത്താന്‍ ബന്ധപ്പെട്ട വകുപ്പുകള്‍ പ്രത്യേകം ശ്രദ്ധ ചെലുത്തണമെന്നും അദ്ദേഹം പറഞ്ഞു.
1:21 AM | 0 comments

മലിനീകരണ നിയന്ത്രണ ബോര്‍ഡ് അധികൃതര്‍ കോട്ടക്കല്‍ സന്ദര്‍ശിച്ചു

Written By Malappuram News on Friday, March 23, 2012 | 8:20 AM

കോട്ടക്കല്‍ : ജില്ലാ മലിനീകരണ നിയന്ത്രണ ബോര്‍ഡ് അസി.എന്‍ജിനീയര്‍ കോട്ടക്കലിലെ കോട്ടപ്പടി സന്ദര്‍ശിച്ചു. സ്വകാര്യ കെട്ടിടത്തില്‍ നിന്നും മാലിന്യം പുറത്തേക്ക് തള്ളുന്നുവെന്ന പരാതി ലഭിച്ചതിനെ തുടര്‍ന്ന് അസി.എന്‍ജിനീയര്‍ വിനയയാണ് കെട്ടിടവും പരിസരവും സന്ദര്‍ശിച്ചത്. കാലങ്ങളായി കോട്ടപ്പടിയിലെ സ്വകാര്യ കെട്ടിടത്തിലെ കക്കൂസ് മാലിന്യം ഉള്‍പ്പെടെയുള്ളവ ടൗണിലെ അഴുക്കുചാലിലേക്ക് തള്ളി തുടങ്ങിയിട്ട്. പരാതി ലഭിച്ചിട്ടും അധികൃതര്‍ നടപടിയെടുത്തിരുന്നില്ല. കഴിഞ്ഞയാഴ്ച നാട്ടുകാര്‍ ഇടപെട്ട് മാലിന്യം തള്ളുന്ന പൈപ്പ് അടച്ചിരുന്നു. ഇത് വാക്കേറ്റത്തിന് കാരണമായിരുന്നു. പോലീസ് ഇടപെട്ടാണ് പ്രശ്‌നം പരിഹരിച്ചിരുന്നത്. മലിനജലം തളം കെട്ടി പരിസരം ഏറെ ദുര്‍ഗന്ധ പൂര്‍ണമായിരുന്നു. പരിസരത്തും ഇത് ദുരിതമായിരുന്നു. നഗരസഭയില്‍ പരാതി ലഭിച്ചെങ്കിലും നടപടി സ്വീകരിച്ചിരുന്നില്ല. ജില്ലാ മലിനീകരണ നിയന്ത്രണ ബോര്‍ഡില്‍ ലഭിച്ച പരാതിയെ തുടര്‍ന്നാണ് സന്ദര്‍ശം. കെട്ടിടം പൂര്‍ണമായും കണ്ട അംഗം ശാസ്ത്രീയമായല്ല ഇവിടെ മലിനജലം സംസ്‌കരിക്കുന്നതെന്ന് കണ്ടെത്തിയിട്ടുണ്ട്. സംഭവം സംബന്ധിച്ച് നഗരസഭയോട് വിശദീകരണം തേടാനാണ് തീരുമാനമെന്നറിയുന്നു.
8:20 AM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers