Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Treatment. Show all posts
Showing posts with label Treatment. Show all posts

ചികിത്സയെന്ന മാറാരോഗം- ഭാഗം 3

Written By Malappuram News on Tuesday, June 26, 2012 | 10:17 PM


പ്പറേഷന്‍ കൂടാതെ തന്നെ ഹൃദ്‌രോഗം വൈറ്റമിന്‍ സി (Vitamin-C) ഉപയോഗിച്ച് മാറ്റാം എന്നുള്ളതിന് 1994-ല്‍ തന്നെ അമേരിക്കയില്‍ പാറ്റന്റ് എടുത്തിട്ടുണ്ട്. (U S Patent No : 5278189). ഇത് വളരെ ഫലപ്രദമാണെന്നതിന് തുടര്‍ന്നുവന്ന പല പഠനങ്ങളും സാക്ഷ്യം വഹിക്കുകയും ചെയ്യുന്നു. പുതിയ പുതിയ ഉപകരണങ്ങള്‍ വഴിയും വമ്പിച്ച മരുന്നുവില്‍പ്പനയും വഴി ലഭിക്കുന്ന വന്‍ ലാഭം ആര്‍ക്കും തങ്ങളുടെ ഒത്താശയില്ലാതെ ലഭിക്കുന്ന വൈറ്റമിന്‍ സി കൊണ്ട് മുടങ്ങാതിരിക്കാനാണ് അമേരിക്ക ഇന്ന് ശ്രദ്ധിക്കുന്നത്. കൂട്ടിലിട്ട് വളര്‍ത്തുന്ന കാര്യമായ എക്‌സര്‍സൈസ് ഒന്നും കിട്ടാത്ത മാംസം ധാരാളം തീറ്റുന്ന മൃഗങ്ങള്‍ക്കെന്താ ഹാര്‍ട്ട് അറ്റാക്ക് വരാത്തത് ? അവയുടെ കൊളസ്‌ട്രോള്‍ ലവല്‍ പരിശോധിച്ചാല്‍ പലപ്പോഴും 500-600 mg/dl  ഉണ്ടായിട്ടും അവര്‍ക്ക് പ്രശ്‌നമോ രോഗമോ ഇല്ല. മനുഷ്യന് മാത്രമെന്തേ ഇങ്ങനെയൊരു രോഗം? യഥാര്‍ത്ഥത്തില്‍ വൈറ്റമിന്‍ സി കുറയുമ്പോളാണ് പ്രശ്‌നമെന്നാണ് ഈ പക്ഷക്കാര്‍ പറയുന്നത്. ധമനികളുടെ നിര്‍മ്മിതിയിലെ അടിസ്ഥാനഘടകങ്ങളാണ് കൊളാജനും ഇലാസ്റ്റിനും. കൊളാജന്റെ പ്രധാനഘടകങ്ങള്‍ വൈറ്റമിന്‍ സി, ലൈസീന്‍, പ്രോലീന്‍ എന്നിവയാണ്.
ലൈസീനും പ്രോലീനും കോണ്‍ക്രീറ്റിലെ കമ്പികളാണെങ്കില്‍ കൊളാജന്‍ സിമന്റാണ്. ശാരീരിക- മാനസിക സംഘര്‍ഷങ്ങള്‍ ഉണ്ടാകുമ്പോള്‍ വൈറ്റമിന്‍ സി ധാരാളമായി ഉപയോഗിക്കപ്പെടുന്നു.(വൈറ്റമിന്‍ സി ക്ക് മിസ്സിംഗ് സ്ട്രസ്സ് ഹോര്‍മോണ്‍ എന്ന ഒരോമനപ്പേരുണ്ട്) മനുഷ്യശരീരത്തില്‍ മൊത്തമുള്ള രക്തക്കുഴലുകള്‍ക്ക് ഒരു ലക്ഷം കിലോമീറ്ററിനടുത്തു നീളംവരും. ഇതില്‍ ഹൃദയത്തോടടുത്തു കിടക്കുന്നവയിലാണ് ഏറ്റവും കൂടുതല്‍ സ്ട്രസ്സ്(സംഘര്‍ഷം) വരുന്നത്. അതുകൊണ്ടുതന്നെ അവിടെയാണ്
തേയ്മാനവും വരുന്നത്. വൈറ്റമിന്‍ സി കുറഞ്ഞ് വിള്ളാനും പൊട്ടാനും തുടങ്ങുമ്പോള്‍ (Lesions) ഇതിനെഅടക്കാന്‍ ശരീരം സ്വയം ചെയ്യുന്ന രക്ഷാപ്രവര്‍ത്തനമാണ് അമിതമായാല്‍ അമൃതും വിഷം എന്ന കണക്കെ ബ്ലോക്കായി മാറുന്നത്. മനുഷ്യന്‍, ഗിനിപ്പന്നി തുടങ്ങി വളരെച്ചുരുക്കം ജീവികളൊഴിച്ച് ബാക്കിയെല്ലാ മൃഗങ്ങള്‍ക്കും അന്നജത്തെ ശരീരാവശ്യാനുസാരം വൈറ്റമിന്‍ സി ആക്കി മാറ്റാന്‍ കഴിയും. 70 കിലോ തൂക്കമുള്ള ഒരു മൃഗം ഭക്ഷണത്തിലൂടെ നേരിട്ട് കിട്ടുന്നതിനു പുറമേ ദിവസം 11 ഗ്രാമോളം വൈറ്റമിന്‍ സി ശരീരത്തില്‍ ഉല്‍പ്പാദിപ്പിക്കുന്നുണ്ട്. ഇതിനാവശ്യമായ ഉല്‍പ്രേരകം L-Gulonolactone Oxidase(GLO)മനുഷ്യന് ശരീരത്തിനകത്ത് ഉണ്ടാക്കാന്‍ പറ്റാത്തതിനാല്‍ വൈറ്റമിന്‍ സി യ്ക്ക് ഭക്ഷണത്തെ ആശ്രയിക്കേണ്ടിവരുന്നു.
ഭക്ഷണത്തിലൂടെ വൈറ്റമിന്‍ സി ആവശ്യത്തിന് കിട്ടാതെ വരുമ്പോഴാണാണ് ഗതികെട്ട ശരീരം സുലഭമായ കൊഴുപ്പിനെആശ്രയിക്കുന്നത്. മറ്റാവശ്യങ്ങള്‍ക്കും വിനിയോഗിക്കുക വഴി വിറ്റാമിന്‍ സി നഷ്ടപ്പെട്ട് കമ്പികള്‍ (പ്രോലീന്‍, ലൈസീന്‍) പുറത്തായിരിക്കുന്ന വിള്ളലിനെലൈസീനും പ്രോലീനുമായി ബൈന്റിംഗ് ശേഷിയുള്ള കൊളസ്‌ട്രോളിനെ (Lipoprotien-A) ഉപയോഗിച്ച് റിപ്പയര്‍ ചെയ്യുന്നത് ഇത് കാലേണ കട്ടിച്ച് പ്ലാക്കും ബ്ലോക്കുമാകുന്നു. GLOസ്വയം ഉണ്ടാക്കാന്‍ കഴിവുള്ള മൃഗങ്ങള്‍ ആവശ്യാനുസരണം വൈറ്റമിന്‍ സി അന്നജത്തെ ഉപയോഗിച്ച് സൃഷ്ടിക്കുന്നതിനാല്‍ അവയുടെ ഹൃദയധമനികളില്‍ ക്ഷതം (Lesions) ഉണ്ടാകുന്നില്ല.
അതുകൊണ്ടുതന്നെ ബ്ലോക്കും അറ്റാക്കുമില്ല. അന്നജത്തെ നല്ലൊരളവില്‍ വിറ്റാമിന്‍ സി ആക്കി മാറ്റുന്നതിനാല്‍ മൃഗങ്ങള്‍ക്ക് പ്രമേഹവുമില്ല. വൈറ്റമിന്‍ സി ആവശ്യാനുസരണം കൊടുക്കുന്നതിനു പകരം കൊളസ്‌ട്രോളിന്റെ താല്‍ക്കാലിക തേപ്പിനെഇളക്കിക്കളഞ്ഞാല്‍ അതു തരുന്ന ഫലം എന്തായിരിക്കും. എന്നാണ് വൈറ്റമിന്‍ സി പക്ഷക്കാരുടെ ചോദ്യം.
മനുഷ്യന്റെ ഒരുദിവസത്തേക്ക് ആവശ്യമായ വൈറ്റമിന്‍ സി യുടെ അളവ് (RDA) പരമാവധി 75 മില്ലിഗ്രാം ആണെന്നാണ് അലോപ്പതി കണക്ക്. എങ്കില്‍ മൃഗങ്ങളെന്തിന് നിത്യേന11 ഗ്രാമോളം വൈറ്റമിന്‍ സി ശരീരത്തിന് അകത്തു നിര്‍മ്മിക്കുകയും ആറോഴു ഗ്രാമെങ്കിലും ഭക്ഷണത്തിലൂടെയും ഉപയോഗിക്കുന്നു ? ഇതിലും വളരെ കൂടിയ (നിത്യേന40-50 ഗ്രാം വരെ) ഡോസില്‍ നിശ്ചിത കാലയളവില്‍ മനുഷ്യര്‍ക്ക് നല്‍കി
നടത്തിയ പരീക്ഷണങ്ങളിലും വൈറ്റമിന്‍ സി കിഡ്‌നിക്കോ ലിവറിനോ ഒന്നും ഒരു ദോഷവും വരുത്തുന്നില്ലെന്ന് അവര്‍ പരീക്ഷണത്തെളിവുകള്‍ നിരത്തി അവകാശപ്പെടുന്നു. ഇങ്ങനെയൊക്കെയാണെങ്കിലും കച്ചവടക്കണ്ണോടെ മാത്രം എല്ലാം നോക്കിക്കാണുന്ന ഈ കാലത്ത് അവരുടെ ഗര്‍ജ്ജനങ്ങള്‍ വെറും വനരോദനങ്ങളാകുന്നു. നമ്മുടെ ശരീരം ഈ ഭുമിയുടെ ഭാഗംതന്നെയാണെന്നിരിക്കെ അതിനു സംഭവിക്കുന്ന ക്ഷയ-ക്ഷതങ്ങള്‍ക്ക് ഭുമിയില്‍ത്തന്നെ പരിഹാരം തേടുക എന്നത് തന്നെയാണ് ആത്യന്തികമായി ശരി. ഭൂമിയിലെ എല്ലാ സസ്യലതാദികള്‍ക്കും ഭൈഷജ്യഗുണമുണ്ട്. അതില്‍ താരതമ്യേനഗുണഫലം കൂടിയവയും
ദോഷം കുറഞ്ഞവയും മരുന്നായും ഭക്ഷണമായും ഉപയോഗിക്കുന്നു. ഒരേ സാധനം തന്നെ ആവശ്യത്തിന്റെ തോത് പരിഗണിച്ച് രൂക്ഷമായി കൃത്യമായ ഇടവേളകളില്‍ നല്‍കുമ്പോള്‍ മരുന്നായും ലഘുവായി നല്‍കുമ്പോള്‍ ഭക്ഷണമായും വിളിക്കപ്പെടുന്നു.(പ്രഷറും ഷുഗറും താഴ്ന്ന് അവശനിലയില്‍ കിടക്കുന്നവന് നല്‍കുന്ന ഉപ്പിട്ട കഞ്ഞിവെള്ളം ഒരര്‍ത്ഥത്തില്‍ ജീവന്‍രക്ഷാ ഔഷധമാണ്.)
നമ്മില്‍ ലീനമായിരിക്കുന്ന പ്രാണന്‍ തന്നെയാണ് നമ്മുടെ പ്രതിരോധ ശേഷിയുടെ അടിത്തറ. ഭൂമിയുടേയും ഭൂമിയിലേയും ജീവിതത്തിന് ഒരു താളക്രമവും യമനിയമവും നിലനില്‍ക്കുന്നുണ്ട്. അതിനു വിഗ്നമാവാതെ നമുക്ക് മുന്നോട്ടുപോകാമെങ്കില്‍ രോഗസാധ്യത വളരെ വിരളം. അഥവാ രോഗിയായിപ്പോയാല്‍ രോഗശാന്തിയും വളരെ എളുപ്പം. താളത്തിനൊത്ത് പോകുമ്പോള്‍ നമ്മുടെ പ്രാണശക്തിയും വളരെ മികച്ച നിലവാരത്തിലായിരുക്കും. നാം താളഭംഗം വീണ്ടുവീണ്ടും വരുത്തുമ്പോള്‍ പ്രാണന്റെ (പ്രതിരോധ ശേഷിയുടെ) പ്രതികരണവും ചിലപ്പോള്‍ മേല്‍പ്പറഞ്ഞപോലെ അപക്രമമാകുന്നു. പ്രതിരോധപ്രക്രിയ തന്നെ ചിലപ്പോള്‍ നമ്മില്‍ രോഗതുല്യമായ ഫലം ഉളവാക്കാം. ചിലപ്പോള്‍ പ്രതിരോധശേഷി ഒരുതരം നിസ്സംഗത  (Hanging) കൈവരിക്കുകയും അതു തല്‍ക്കാലം ഗുണം തോന്നുന്നതു കൂടിയാണെങ്കില്‍ നാം അറിയാതെ നമ്മുടെ ഒത്താശയോടെ രോഗം അതിന്റെ കാഠിന്യത്തിലെത്തുകയും ചെയ്‌തേക്കാം. ഇത്തരം ഘട്ടങ്ങളിലൊക്കെയാണ് മരുന്ന് നല്‍കി ചികിത്സിക്കേണ്ടിവരുന്നത്. മരുന്ന് എന്നു നാം വിളിക്കുന്ന വസ്തു നമുക്ക് സുപരിചിതവും നിത്യഭക്ഷണത്തിന്റെ ഭാഗവുമാണെങ്കില്‍ പ്പോലും രൂക്ഷമായ അളവിലും ഗുണത്തിലുമായിരിക്കും രോഗാവസ്ഥയില്‍ നല്‍കുന്നത്. അതുകൊണ്ടുതന്നെ നാം എത്തിപ്പെട്ട പ്രത്യേകശാരീരിക അവസ്ഥയില്‍ ഇത് പ്രത്യേകമായ ചില ഗുണങ്ങള്‍ നല്‍കുമെങ്കിലും ഈഅളവിലും രൂക്ഷതയിലും അതില്‍ ചിലതെങ്കിലും ഏതെങ്കിലും ദോഷം ചെയ്യാനുള്ള സാധ്യത തള്ളിക്കളഞ്ഞുകൂടാ. ആക്ഷനുള്ള എന്തിനു റിയാക്ഷനുമുണ്ട്, റിയാക്ഷനില്ലെങ്കില്‍ ആക്ഷനുമില്ല. ഇതിന് ഇന്ന ചികിത്സാരീതി എന്ന വ്യത്യാസമില്ല. പെട്ടെന്ന് ഗുണം ചെയ്യുന്നതിന്റെ ദോഷവും അങ്ങിനെത്തന്നെ. ഗുണം തന്നെ തുക്കെയാണെങ്കില്‍ ദോഷം ഇന്നതിനാലാണെന്ന് നമുക്ക് തിരിച്ചറിയാത്തത്ര വൈകിയാ യിരിക്കാം എന്നുമാത്രം. ചുരുക്കിപ്പറഞ്ഞാല്‍ നാം ഭക്ഷണം എന്നരീതിയില്‍ ഉപയോഗിക്കേണ്ടുന്ന പ്രകൃതി വിഭവങ്ങളെ മരുന്ന് എന്ന രീതിയില്‍ അഥവാ കഠിനവും രൂക്ഷവുമായി ഉപയോഗിക്കേണ്ട അവസ്ഥാ വിശേഷം നാം ഉണ്ടാക്കാതെ നോക്കിയാല്‍ നമുക്ക് നന്ന്. ഇത് പറയുന്നതുപോലെ എളുപ്പമല്ലാതിരിക്കെ മറ്റെന്തെങ്കിലും പോംവഴി നമുക്കുമുമ്പെ ജീവിച്ചവര്‍, ചിന്തിച്ചവര്‍ കയ്യാളിയിട്ടുണ്ടോ ? അത് വിജയകരമായതാണെങ്കില്‍ കാലത്തെ അതിജീവിക്കും. അങ്ങിനെവല്ലതുമുണ്ടോ? ഉണ്ട് ! ലോകത്തെ ആരോഗ്യത്തിലും അതുകൊണ്ടുതന്നെ ജനസംഖ്യയിലും ആയുസ്സിലും മികച്ചുനില്‍ക്കുന്ന ചൈനയില്‍. പ്രാചീന(ഈ വാക്കില്‍ തന്നെ ചീനയുണ്ട്)കാലംതൊട്ടേ അറിവിലും ടെക്‌നോളജിയിലും മികച്ചുനിന്നിരുന്ന ചൈനയില്‍ അക്വു-പങ്ചര്‍ എന്ന ചികിത്സാരീതിയുണ്ട്. അക്വു-പങ്ചര്‍ പറയുന്നു 'മാറാരോഗങ്ങളെന്നൊന്നില്ല, മറിച്ച് മാറ്റാരോഗങ്ങളല്ലാതെ' എന്ന്.പ്രാചീനമായ എല്ലാ ചികിത്സാരീതികളിലുമെന്നപോലെ അക്വു-പങ്ചറിലും പഞ്ചഭൂതപ്രാണോര്‍ജ്ജ സിദ്ധാന്തം തന്നെയാണ് അടിസ്ഥാനമാക്കുന്നത്. എന്നാല്‍ മറ്റുചികിത്സകളില്‍ ശാരീരികവ്യതിയാനങ്ങളെ (രോഗങ്ങളേയും രോഗനിദാനങ്ങളേയും) ചികിത്സിക്കാന്‍ പുറമേ നിന്നുള്ള രാസജൈവപദാര്‍ത്ഥങ്ങളെ ശക്തമായ അളവില്‍ മരുന്നായി നല്‍കുമ്പോള്‍ അക്വു-പങ്ചറിന്റെ രീതി തികച്ചും വിഭിന്നമാണ്. അക്വു-പങ്ചര്‍ രോഗചികിത്സക്ക് നമ്മുടെ ജീവശക്തിയെ അഥവാ പ്രാണോര്‍ജ്ജത്തെ നേരിട്ടാണ് ഉപയോഗപ്പെടുത്തുന്നത്. എത്ര ശക്തമായ ശരീരവും ജീവന്‍ ഭാഗികമോ പൂര്‍ണ്ണമോ ആയി നഷ്ടപ്പെട്ടാല്‍ ആ ഭാഗം അന്യജീവികള്‍ ഭക്ഷണത്തിനുപയോഗിക്കുകയും അതുവഴി ചീഞ്ഞ്‌പോകുന്നതും നാം കാണുന്നു. അതുപോലെ ഒരു ശരീരത്തില്‍ ജീവന്റെ അംശം ബാക്കിയുള്ളിടത്തോളം ശരിയായ വിധം സഹായം കിട്ടിയാല്‍ തിരിച്ചുവരവിന് (പുനരുജ്ജീവനത്തിന്) പ്രാപ്തി നേടുന്നതും നമുക്കറിയാം.
അക്വു-പങ്ചര്‍ തത്വമനുസരിച്ച് ശരീരത്തിലെ പന്ത്രണ്ട് പ്രധാനആന്തരിക അവയവങ്ങളുടെ പ്രാണോര്‍ജ്ജ നിലയില്‍ ബാഹ്യമോ ആന്തരികമോ ആയ കാരണങ്ങളാല്‍ വരുന്ന ഏറ്റക്കുറച്ചിലുകളാണ് രോഗങ്ങളാകാനോ രോഗങ്ങള്‍ വരാനോ നിദാനമാകുന്നത്. അതായത് ഊര്‍ജ്ജവ്യതിയാനത്താല്‍ മേല്‍പ്പറഞ്ഞ അവയവങ്ങള്‍ക്ക് സംഭവിക്കുന്ന പ്രവര്‍ത്തനഅപാകത സ്വയം രോഗമായി അനുഭവപ്പെടുകയോ പ്രതിരോധ ശേഷി താറുമാറാകുക വഴി പുറമേ നിന്നുള്ള ആക്രമണങ്ങള്‍ക്ക് (രോഗകാരികളാലും മറ്റും) വ്യക്തിയെ വിധേയമാക്കുകയോ ചെയ്യുന്നു. ഓരോ അവയവത്തിന്റെയും ഊര്‍ജ്ജപ്രവാഹത്തിന് ശരീരത്തില്‍ പ്രത്യേകമായ ചാനലുകളും ഈ ചാനലുകളിലെല്ലാം മര്‍മ്മബിന്ദുക്കളും  (Vital Points)  ഉണ്ട്. ഈ മര്‍മ്മബിന്ദുക്കളില്‍ Acus സൂചി ഉപയോഗിച്ച്  Puncture   (കുത്തിയിറക്കുക) ചെയ്യുക വഴി അതാതു ചാനലിലെ ഊര്‍ജ്ജനിലയെ സമതുലനപ്പെടുത്തി രോഗമുക്തിയിലെത്തിക്കുകയാണ് അക്വുപങ്ചറിന്റെ രീതി. ഇതിന് മുടിനാരിനേക്കാള്‍ വണ്ണംകുറഞ്ഞ സൂചികള്‍ ഒട്ടുംവേദനയില്ലാതെ കുത്തി അക്വു തെറാപ്പിസ്റ്റ് ചികിത്സിക്കുന്നു. രോഗത്തിനടിപ്പെടുന്നതും രോഗമുക്തി തേടുന്നതും പ്രധാനമായും ശരീരമാണല്ലോ, അതുകൊണ്ടുതന്നെ ശരീരത്തിന്റെ റിപ്പയറിംഗിന് ശരീരത്തെ നിര്‍മ്മിച്ച ഘടകങ്ങളെ ഉപയോഗിക്കേണ്ടതുണ്ട്. ശരീരത്തിലെ തേയ്മാനങ്ങളെ തീര്‍ക്കാനും കോശങ്ങളുടെ നിര്‍മ്മിതിക്കും ഉപയോഗിച്ച ഘടകങ്ങള്‍ അഥവാ പോഷകങ്ങള്‍ അക്വുപങ്ചര്‍ നമ്മുടെ ഭക്ഷണത്തില്‍ നിന്നും കണ്ടെത്തുന്നു. പോഷക സമ്പുഷ്ടമായ ആഹാരവും അതിനെശരിയാംവണ്ണം ഉപയോഗിപ്പിക്കുന്ന അക്വുപങ്ചറുമുണ്ടെങ്കില്‍ ഏതു രോഗവും മരുന്നില്ലാതെ മാറ്റാം എന്ന് സാരം. രോഗങ്ങളും ചികിത്സകളും എല്ലാകാലത്തും മനുഷ്യനെസംബന്ധിച്ചിടത്തോളം ഒരു പ്രധാനവിഷയം തന്നെയായിരുന്നിട്ടും അന്നുതൊട്ടിന്നോളം തലപുകഞ്ഞ് ആലോചിച്ചിട്ടും ഇന്നും രോഗങ്ങളും രോഗികളും നിലനില്‍ക്കുകതന്നെ ചെയ്യുന്നു. രോഗങ്ങള്‍ വരാതെ നോക്കുകയെന്നതാണ് ഒരുതരം ചികിത്സയേയും ആശ്രയിക്കാതിരിക്കാനുള്ള വഴി. ഇതിനാകട്ടെ മാനസികപ്രക്ഷുബ്ധതകളേയും ആക്രാന്തത്തേയും നിയന്ത്രിക്കാനുള്ള കരുത്താണ്,
അതിനുള്ള പരിശീലനമാണ് വേണ്ടത്. ഏതു കാര്യവും ഒട്ടും ഏറാതെയും ഒട്ടും കുറയാതെയും മധ്യമമായി നിയന്ത്രിച്ചാല്‍ നല്ലൊരു പരിധിവരെ അരോഗിയായി ജീവിക്കാം. മനുഷ്യന്‍ ഭൗതികതയിലേക്കും ശരീരത്തിലേക്കും മാത്രമായി ശ്രദ്ധയൂന്നുന്നത് നിര്‍ത്താത്തിടത്തോളം കാലം കച്ചവടക്കുറുക്കന്മാര്‍ നമ്മെ പേടിപ്പിച്ച് വിധേയപ്പെടുത്തിക്കൊണ്ടേയിരിക്കും. കഴുതയായിട്ടാണെങ്കിലും ആയിരം കൊല്ലം ജീവിക്കണമെന്ന അത്യാഗ്രഹം വിട്ട് അല്‍പ്പകാലത്തേക്കാണെങ്കിലും തലച്ചോറു പയോഗിക്കുന്ന മനുഷ്യനായി ജീവിക്കണം എന്ന് നാം ശപഥം ചെയ്താല്‍ ചികിത്സാബിസിനസ് ക്ഷയിക്കാന്‍ തുടങ്ങും. അതോടെ നമ്മുടെ പിന്‍തലമുറക്കെങ്കിലും
ആരോഗ്യവും ആയുസ്സുമുള്ളവരായി ജീവിക്കാം. പക്ഷെ ഒരുപാടു ചോദ്യങ്ങള്‍ അപ്പോളും ബാക്കി നില്‍ക്കുന്നു. വെറുതെ തിന്നും കുടിച്ചും ഉറങ്ങിയും രമിച്ചും കാലംകഴിക്കാന്‍ ചിന്താശേഷിയോ വിചിന്തനപ്രാപ്തിയോ ഒന്നും ആവശ്യമില്ല. ഭൂമിയില്‍ മനുഷ്യര്‍ ജനിക്കുന്നതിന് കോടാനുകോടി വര്‍ഷങ്ങള്‍ക്കുമുമ്പെ ജീവിതം തുടങ്ങിയവയുടെ പരമ്പരകള്‍ ഇന്നും തിന്നും കുടിച്ചും ഉറങ്ങിയും സന്താനോല്‍പ്പാദനം നടത്തിയും കഴിഞ്ഞുവരുന്നുണ്ട്. (ഡാര്‍വിന്‍ സായിപ്പിന്റെ പരിണാമസിദ്ധാന്തം ഇന്ന്
രാഹുകേതുക്കളുടെ നിലവാരത്തിലാണ് പരിഗണിക്കപ്പെടുന്നത്). ഇത്രയൊക്കെയേ നരനും ചെയ്യാനുള്ളുവെങ്കില്‍ ഇവനെന്തിന് മനനം ചെയ്ത് മനുഷ്യനാകണം? ഭൂമിയിലങ്ങ് ജീവിച്ചുതീര്‍ക്കാന്‍ (ഒന്നിലധികം ജന്മങ്ങള്‍ ഉണ്ടെങ്കില്‍ തന്നെയും) ഒരു ഉറുമ്പിന്റെയോ പാറ്റ(കൂറ)യുടേയോ ബുദ്ധിതന്നെ ധാരാളം. ശരീരത്തിന്റെയും മനസ്സിന്റെയും സുജീവനത്തിന് ഭൂമിയുടേയും പ്രകൃതിയുടേയും താളത്തിലേക്കും തനിമയിലേക്കും മടങ്ങുംതോറുമാണ് ഗുണവും ആശ്വാസവും കാണുന്നതെങ്കില്‍ തന്നെയും ആത്യന്തികമായി നാം അപ്പോഴും എത്തുന്നത് മേല്‍പ്പറഞ്ഞ മനുഷ്യേതര ജീവികള്‍ തലമുറകളായി അനുഭവിച്ചുവരുന്ന സുഖസ്ഥിതിയിലേക്കാണ്. എങ്കില്‍ പിന്നെ മനുഷ്യബുദ്ധിയുടെ, വിവേചനശക്തിയുടെ, ചിന്താശേഷിയുടെ ആവശ്യമെന്ത്? ഭൂമിയുമായി ബന്ധമില്ലാത്ത, ശരീരപ്രസക്തമല്ലാത്ത മറ്റൊരു ലോകത്തേക്കുള്ള പരിശീലനമാണോ ഭൂമിയില്‍ ? അതല്ല ഇതിനും മുമ്പേ മറ്റൊരിടത്തുനിന്ന് കിട്ടിയ
പരിശീലനത്തിന്റെ പരീക്ഷാഹാളാണോ മനുഷ്യന് ഭൂമി? എങ്കില്‍ എന്തിന്? ഇനി നാം എങ്ങോട്ട്? മനുഷ്യമസ്തിഷ്‌കത്തിന് ആഴത്തില്‍ ആലോചിക്കാനും മനസ്സിലാക്കാനും ഉറച്ചതീരുമാനമെടുക്കാനും വിഷയങ്ങള്‍ വേറെയുണ്ടെന്ന് സാരം ഇനിയും നമുക്ക് ശരീരസുഖത്തെക്കുറിച്ച് മാത്രം ചിന്തിക്കുന്ന പാമരത്തത്തില്‍ നിന്ന് ഉയര്‍ന്ന് ചിന്തിച്ചു തുടങ്ങാം. കിട്ടിയ ജന്മം മനുഷ്യജന്മമാക്കാം, നരജന്മമല്ല.                                                                          

Dr. Rasheed Husain
ഡോ: റഷീദ് ഹുസൈന്‍. ടി.
MBBS, MD
(കൊളംബോ യൂണിവേഴ്‌സിറ്റിയില്‍ നിന്നും
MD(OM) കഴിഞ്ഞ ലേഖകന്‍
ഓര്‍ത്തോമോളിക്യുലാര്‍ മെഡിസിനില്‍
പി.എച്ച്.ഡി ചെയ്തുവരുന്നു)




10:17 PM | 1 comments

ചികിത്സയെന്ന മാറാരോഗം- ഭാഗം 2

ജീവിതത്തിനിടയില്‍ നാം ബാഹ്യമായ നിര്‍ബന്ധം നിമിത്തമോ അല്ലാതെയോ പ്രകൃതിയുമായി സമരസപ്പെടുന്നതില്‍ വീഴ്ചവരുത്തുമ്പോള്‍ നമുക്ക് അസന്തുലിതത്വം അഥവാ രോഗം പിടിപെടുകയോ ഉണ്ടാവുകയോ ചെയ്യുന്നു. ഇതിനെവീണ്ടും സന്തുലിതമാക്കുക, മേലില്‍ അസന്തിലതത്വം വരാതിരിക്കാനുള്ള പരമാവധി പരിശ്രമം നടത്തുക ഇവയെ ചികിത്സ എന്ന് വിളിക്കപ്പെടുന്നു. സമഗ്രചികിത്സാരീതികള്‍ ഇതിന് നമ്മില്‍ ലീനമായ പ്രതിരോധശേഷിയെ പരമാവധി ആശ്രയിക്കുകയും പരിഹാരക്രിയകള്‍ക്കാവശ്യമായ അസംസ്‌കൃത-സംസ്‌കൃത വസ്തുക്കള്‍ പ്രകൃതിയില്‍ നിന്ന് അഥവാ ഭക്ഷണത്തില്‍ നിന്നു തന്നെ ലഭ്യമാക്കുകയും ചെയ്യുന്നു.
മനുഷ്യസൃഷ്ടിപ്പില്‍ ഒട്ടും ഉപയോഗിച്ചിട്ടില്ലാത്ത സിന്തറ്റിക്ക് വസ്തുക്കളേയോ അതുപോലുള്ള മറ്റു അപ്രകൃതിക വസ്തുക്കളെയോ ആശ്രയിക്കുന്നേ ഇല്ല. ആയതിനാല്‍ പ്രകൃതിവിരുദ്ധ പ്രക്രിയ നല്‍കുന്ന താല്‍ക്കാലിക-വികലസുഖത്തിനു പകരം നാം അറിഞ്ഞോ അറിയാതെയോ ഭംഗപ്പെടുത്താത്തിടത്തോളം ശാശ്വതവും നിര്‍ദ്ദോഷവുമായ ഫലം നല്‍കുന്നു. ദൈവം ശരീരനിര്‍മ്മിതിയില്‍ ഒട്ടും ഉപയോഗിച്ചിട്ടില്ലാത്ത സിന്തറ്റിക്ക്-രാസപദാര്‍ത്ഥങ്ങളില്‍ ആധുനിക അലോപ്പതി ചികിത്സ അള്ളിപ്പിടിച്ചിരിക്കുന്നെങ്കിലും അലോപ്പതിയുടെ പിതാവ് ഹിപ്പോക്രാറ്റസ് ഈ അഭിപ്രായക്കാരനായിരുന്നില്ല. അദ്ദേഹം പറഞ്ഞത് 'നിന്റെ ഭക്ഷണമാണ് നിന്റെ മരുന്ന്' എന്നാണ്. പ്രകൃതിക്ക് സമരസപ്പെട്ട് ജീവിക്കുന്ന മനുഷ്യനു സന്തുലിതമായ ഭക്ഷണം മാത്രം മതി മരുന്നായി എന്നര്‍ത്ഥം. ഇതിനെഉപയോഗിച്ച് നമ്മുടെ പ്രതിരോധ ശേഷി അഥവാ ജീവന്‍ വേണ്ട റിപ്പയറുകള്‍ നിര്‍വ്വഹിച്ചുകൊള്ളും.
ഏകപിതൃത്വത്തില്‍ അഭിമാനവും നിര്‍ബന്ധബുദ്ധിയുമുള്ള പ്രാചീനമായ സംസ്‌കൃതികള്‍ നില നിന്നിരുന്ന രാജ്യങ്ങളില്‍ നിന്നും പിടിവിട്ട് ആധുനികലോകത്തിന്റെ എന്നപോലെ ആധുനിക ചികിത്സയുടേയും നിയന്ത്രണം പറയത്തക്ക പാരമ്പര്യമോ സംസ്‌കാരമോ ഇല്ലാത്ത അമേരിക്കയുടെ കയ്യിലായി. അതോടെ ഏക പിതാവായ ഹിപ്പോക്രാറ്റസ്   (Hippocrates)  തമസ്‌കരിക്കപ്പെടുകയും ഒരുകൂട്ടം ഹൈപോക്രേറ്റ്‌സ് ( Hypocrites ) അലോപ്പതിക്ക് പിതാക്കളാവുകയും ചെയ്തു. അതോടെ ലോകജനതയെ വിളനിലമായും രോഗങ്ങളെ വിളകളായും കാണുന്ന പൈശാചികത ഔന്നത്യത്തിന്റെയും അന്തസ്സിന്റെയും മുഖമുദ്രായായി. വൈദ്യശാസ്ത്ര സിലബസ്സുപോലും കുത്തകകളുടെ താല്‍പ്പര്യങ്ങള്‍ക്കനുസൃതമായി വളച്ചൊടിച്ച് ചിട്ടപ്പെടുത്തി. ലാഭകരമായ ചികിത്സാസങ്കേതങ്ങളേയും (സര്‍ജ്ജറി) ഉപകരണങ്ങളേയും പദാര്‍ത്ഥങ്ങളേയും മറ്റുചികിത്സാസമ്പ്രദായക്കാര്‍ക്ക് അപ്രാപ്യമാക്കി. ഇതെല്ലാം അലോപ്പതിയുടെ കണ്ടുപിടുത്തങ്ങളായി ചിത്രീകരിച്ചു.
യഥാര്‍ത്ഥത്തില്‍ അലോപ്പതി സര്‍ജ്ജറി തുടങ്ങുന്നതിന് നൂറ്റാണ്ടുകള്‍ക്ക് മുമ്പുതന്നെ മറ്റു പ്രാചീന മുറകളില്‍ അവ നടത്തിവന്നിരുന്നു. അന്ന് അവലംബിച്ചിരുന്ന രീതികളിലും ആയുധങ്ങളിലും ഇന്ന് മാറ്റമുണ്ടെങ്കിലും. അലോപ്പതിയിലും അന്നുതൊട്ടിന്നുവരെ ഒരേ രീതിയും ഉപകരണങ്ങളുമല്ല ഉപയോഗിക്കുന്നത്. ഇന്ന് അലോപ്പതി ചികിത്സയില്‍ ഉപയോഗിക്കുന്ന നല്ല ശതമാനം ഉപകരണങ്ങളും പദാര്‍ത്ഥങ്ങളും പലപ്പോഴായി പല എഞ്ചിനീയര്‍മാരും കെമിസ്റ്റുകളും കണ്ടെത്തിയവയും ഉണ്ടാക്കിയവയുമാണ്. അവരൊന്നും അലോപ്പതിയുടെ ഭാഗമോ അവര്‍ക്കൊന്നും ഇത് അലോപ്പതിക്കാരേ ഉപയോഗിക്കാവൂ എന്ന നിര്‍ബന്ധമോ ഇല്ലായിരുന്നിട്ടും വന്‍ലാഭം മാത്രം മുന്നില്‍ക്കണ്ട് ഹൈപോക്രേറ്റ്‌സ് കയ്യടക്കി. ഇനിയുമൊരു അവകാശവാദം ആരും ഒരിക്കലും ഉന്നയിക്കാതിരിക്കാന്‍ മറ്റുചികിത്സാ സമ്പ്രദായങ്ങള്‍ക്ക് മാനദണ്ഡം നിശ്ചയിക്കുന്നതിലും സിലബസ്സ് നിര്‍മ്മിക്കുന്നതിലുമടക്കം ആഗോളതലത്തില്‍ പരോക്ഷമായി സ്വാധീനം ചെലുത്തി സര്‍വ്വ മേഖലയേയും വരുതിയിലാക്കി.
അലോപ്പതിയുടെ 'വളര്‍ച്ചാ'വേഗത മറ്റുചികിത്സാ സമ്പ്രദായങ്ങളേയും അലോപ്പതിയുടെ പല രീതികളേയും കടംകൊള്ളാന്‍ പ്രേരിപ്പിച്ചു. ചികിത്സകളിലും മരുന്നു നിര്‍മ്മാണത്തിലും ഇത്തരം നൂതനസമ്പ്രദായങ്ങളെ നമ്മുടെ ചിരപരിചിത മുറകളായ ആയുര്‍വ്വേദ-സിദ്ധ മുറകളും പിന്‍തുടര്‍ന്നതിന്റെ ഗുണഫലങ്ങളാണ് യാത്രാവേളകളിലും മറ്റും കൊണ്ടുനടക്കാനും കൈകാര്യം ചെയ്യാനും എളുപ്പമായ കഷായ ഗുളികകളും കോണ്‍സണ്‍ട്രേറ്റഡ് എക്‌സ്ട്രാക്റ്റുകളും മറ്റും. പക്ഷെ ഈ കടമെടുപ്പും
യന്ത്രവല്‍കൃത നിര്‍മ്മാണവും മരുന്നുകളുടെ ഗുണനിലവാരത്തില്‍ ഗണ്യമായ തരംതാഴ്ചയുണ്ടാക്കി. ഇത് ആത്യന്തികമായി സമഗ്രചികിത്സയെ കൂടുതല്‍ പിറകോട്ടുതള്ളി. അമ്മിയില്‍ ഇത്രവേഗത്തില്‍ ഇത്രസമയം വീതം ഇത്രദിവസം അരയ്ക്കണം എന്ന് പറഞ്ഞ മരുന്നിനെഅളവുകൂടിയാലും എളുപ്പത്തിനു വേണ്ടി ആട്ടുകല്ലിലിട്ടു അരച്ചുകൂടാ. തണലില്‍ ഭാവനചെയ്ത് ഉണക്കാന്‍ പറഞ്ഞ മരുന്നിന് ശുദ്ധമായ വായുസഞ്ചാരത്തോടൊപ്പം നേരിട്ടല്ലാത്ത സൂര്യപ്രകാശം തന്നെ കിട്ടണം. മോട്ടറൈസ്ഡ് മോര്‍ട്ടാറും ഡ്രൈയറും ഇത്തരം സൂക്ഷ്മക്രിയകളെ തകിടം മറിച്ചു. പ്രത്യേക അനുപാതത്തില്‍ കിട്ടേണ്ടിയിരുന്ന ചൂടും മര്‍ദ്ധവും മറ്റും താറുമാറായതുവഴി മരുന്നുകളുടെ രാസ സംയോഗവും പരിണിത രാസഘടനയും മാറി.
ഭക്ഷ്യ എണ്ണയുടേയും ഡീസലിന്റെയും മൗലീക ഘടകങ്ങള്‍ ഒന്നായിരിക്കെതന്നെ രണ്ടും രണ്ടുഫലം നല്‍കുന്നു. തുടര്‍ച്ചയായി ചൂടാക്കുകയും തണുപ്പിക്കുകയും ചെയ്യുന്ന ഭക്ഷ്യഎണ്ണ മൗലീക ഘടകങ്ങളായ ഹൈഡ്രജന്റെയും കാര്‍ബണിന്റെയും വിന്യാസത്തില്‍ മാറ്റംവന്ന് ഡീസലിന് തുല്യമായി പരിണമിക്കുന്നു. കഞ്ചാവിന്റെ ഇല നേരിട്ടുകത്തിച്ചു വലിക്കുന്നതും പ്രത്യേകരീതിയില്‍ കയ്യിലിട്ട് മര്‍ദ്ദിച്ച് കത്തിച്ച് വലിക്കുന്നതും വ്യത്യസ്ത ഫലം നല്‍കുന്നു. ഇതില്‍ നിന്നെല്ലാം നിര്‍മ്മാണത്തനിമയിലെ കണശതയും ആവശ്യവും നമുക്ക് മനസ്സിലാക്കാം. ഒരേഘടകങ്ങളെയാണെങ്കിലും വ്യത്യസ്തരീതിയില്‍ കൂട്ടിച്ചേര്‍ത്താല്‍ വ്യത്യസ്ത ഫലങ്ങളാണ് ലഭിക്കുക.
വാണിജ്യാടിസ്ഥാനത്തില്‍ യന്ത്രസഹായത്താല്‍ നിര്‍മ്മിക്കുന്ന മരുന്നുകളുടെ ഘടകങ്ങളും അളവും കൃത്യമായിരുന്നാലും നാം ഗ്രന്ഥങ്ങളില്‍ നിന്ന് മനസ്സിലാക്കിയ ഗുണഫലം അതിനുണ്ടാകണമെന്നില്ല. ദോഷഫലം ഉണ്ടായിക്കൂടായ്കയുമില്ല. പടിഞ്ഞാറിന്റെ സ്വാധീനം ആധുനികതയെ അടിമുടി ആവേശിച്ചിരിക്കയാല്‍ സംസ്‌കാരത്തിലെന്നപോലെ ചികിത്സാകാഴ്ചപ്പാടുകളിലും ഒരുമാറ്റം ശ്രമകരം തന്നെ. വിത്തെറിഞ്ഞവനെബഹുമാനിക്കുന്ന പവിത്രമായ പാരമ്പര്യം മറന്ന് ആരുടേതെന്ന്‌പോലും നോക്കാതെ കൊയ്തുകയ്യടക്കിയവന്‍ മാന്യനും ബഹുമാന്യനുമാകുന്ന പൈശാചികത ആധുനികതയുടെ മുഖമുദ്രയും MBA എന്ന ഓമനപ്പേരുള്ള  Glorified Pimping  കച്ചവടങ്ങളുടെ നേതൃത്വം കയ്യേല്‍ക്കുകയും ചെയ്യിച്ചതും ഒരു ദീര്‍ഘകാല പ്രോജക്റ്റിന്റെ ഭാഗമല്ലെന്നാരുകണ്ടു. (എന്താണ്, എന്തിനാണ് എന്നൊന്നുമറിയാതെ ഒരു ജോലികിട്ടുകയെന്ന മിനിമം ലക്ഷ്യത്തോടെ'ഒരെമ്പിയെക്ക്' പഠിച്ച സാധുക്കള്‍ എന്നോട് ക്ഷമിക്കുക. ഞാന്‍ എന്നല്ല ആരും നിങ്ങളെ ഉദ്ദേശിച്ചിട്ടേയില്ല അതുകൊണ്ട് PSCഎഴുതിക്കൊണ്ടെയിരിക്കുക) 2004 ആഗസ്റ്റ് 1 ഞായറാഴ്ചത്തെ വാഷിംഗ്ടണ്‍പോസ്റ്റ് പത്രത്തില്‍ ജെറോം.പി.കസ്സിറര്‍ (Jerom.P.Kassirer) ഒരു വന്‍ തട്ടിപ്പ് വെളിപ്പെടുത്തുകയുണ്ടായി. അമേരിക്കയിലെ കൊളസ്‌ട്രോള്‍ മരുന്നുപയോഗത്തിന് മാര്‍ഗ്ഗരേഖയുണ്ടാക്കാന്‍ ചുമതലയുള്ള ദേശീയ കൊളസ്‌ട്രോള്‍ വിദ്യാഭ്യാസപരിപാടി(NCEP)യുടെ തലപ്പത്തുള്ള ഒമ്പതുപേരില്‍ എട്ടാളും കുത്തക മരുന്നു കമ്പനികളുടെ കയ്യില്‍ നിന്ന് കോടികള്‍ പ്രതിഫലം പറ്റുന്നവരായിരുന്നു എന്നതാണാ സത്യം.
സ്റ്റാറ്റിന്‍ മരുന്നുകള്‍ കഴിക്കേണ്ടതിന്റെ ആവശ്യകത ചൂണ്ടിക്കാട്ടുകയും സ്റ്റാറ്റിന്‍ കഴിക്കാതിരുന്നാള്‍ അറ്റാക്കുവന്നു മരിക്കുമെന്ന് പറഞ്ഞ് ജനങ്ങളെ ഭയത്തിന്റെ നിഴലില്‍ നിര്‍ത്തുകയുമായിരുന്നു അവരുടെ പ്രധാനപണി. ഇതുവഴി ഈ മരുന്നുപയോഗിക്കുന്നവരുടെ മൊത്തം എണ്ണത്തിലും കഴിക്കുന്ന മരുന്നിന്റെ അളവിലും വന്‍ വര്‍ദ്ധനവുണ്ടാക്കാനായി. അതുപോലെ സ്റ്റാറ്റിന്‍ മരുന്ന് ഹൃദ്‌രോഗത്തിന് നല്ലതാണെന്ന് വരുത്തിത്തീര്‍ക്കാന്‍ അമേരിക്കയിലെ പ്രസിദ്ധമായ ക്ലീവ്‌ലന്റ് ക്ലിനിക്കില്‍ മെര്‍ക്ക് (Merck)പോലുള്ള ഭീമന്‍ മരുന്നുകമ്പനികള്‍ വന്‍പരസ്യം നല്‍കി സംഘടിപ്പിച്ച പരീക്ഷണപരിപാടിയുടെ ആകത്തുകയും ഇങ്ങനെത്തന്നെയായിരുന്നു. എഉഅ അംഗീകാരമുള്ള ദലശേമ എന്ന മരുന്നിനെക്കുറിച്ചായിരുന്നു പഠനം. വൈദ്യശാസ്ത്രജ്ഞന്‍മാരുടെ ഒരു സംഘം തന്നെയുള്ള ക്ലീവ്‌ലന്റ് ക്ലിനിക്കിന്റെ ചെയര്‍മാന്‍ ഓഫ് കാര്‍ഡിയോളജി ഡോക്ടര്‍ സ്റ്റീവന്‍ നിസ്സന്‍ ആയിരുന്നു പഠനത്തലവന്‍. കോടികള്‍ ചിലവിട്ട് രണ്ടു വര്‍ഷമെടുത്ത് നടത്തിയ പരീക്ഷണ റിസള്‍ട്ട് ക്രോഡീകരണത്തിനു മുമ്പെ കമ്പനികള്‍ മുക്കി. മാധ്യമങ്ങളും കാര്‍ഡിയോളജിസ്റ്റുകളും പൊതുജനവും പ്രതിഷേധ പ്രതികരണങ്ങള്‍ നടത്തിയപ്പോള്‍ നിവൃത്തികെട്ട് അമേരിക്കന്‍ ഭരണകൂടത്തിനു തന്നെ ഇടപെട്ട് ഫലം പുറത്തുവിടേണ്ടി വന്നു. 2008 ജനുവരി 15 ന് പുറത്തുവിട്ട പത്രപ്രസ്താവനഈ മരുന്ന് ഗുണം ചെയ്യുന്നില്ലെന്ന് മാത്രമല്ല ദോഷം ചെയ്യുന്നതായും വെളിപ്പെടുത്തി. പക്ഷെ ഈ കാലയളവുകൊണ്ടു തന്നെ കമ്പനികള്‍ കോടാനുകോടികള്‍ സമ്പാദിച്ചിരുന്നു.
ഇങ്ങനെയൊക്കെയായിട്ടും അമേരിക്കന്‍ ഗവണ്‍മെന്റ് ഇതിനെതിരെ ഒന്നു ചെറുവിരല്‍ അനക്കിയിട്ടില്ല. മാത്രമല്ല അവരുടെകൂടി മൗനാനുവാദത്തോടെ ആഗോളതലത്തില്‍ കുത്തക മരുന്നു കമ്പനികള്‍ വ്യാജപ്രചരണത്തിലൂടെ വന്‍ വ്യാപാരം നടത്തിവരികയും ചെയ്യുന്നു. നമ്മുടെ നാട്ടിലേയും ഭൂരിപക്ഷം ഡോക്ടര്‍മാര്‍ അറിയാതെയും ഒരു ന്യുനപക്ഷം അറിവോടെയും ഇത്തരം ഭീമന്‍മാരുടെ
ചട്ടുകങ്ങളാണ്.
                                                         തുടര്‍ന്ന് വായിക്കുക.......                                                            
Dr. Rasheed Husain
ഡോ: റഷീദ് ഹുസൈന്‍. ടി.
MBBS, MD
(കൊളംബോ യൂണിവേഴ്‌സിറ്റിയില്‍ നിന്നും
MD(OM) കഴിഞ്ഞ ലേഖകന്‍
ഓര്‍ത്തോമോളിക്യുലാര്‍ മെഡിസിനില്‍
പി.എച്ച്.ഡി ചെയ്തുവരുന്നു)





12:13 PM | 0 comments

ചികിത്സയെന്ന മാറാരോഗം- ഭാഗം 1

Written By Malappuram News on Wednesday, May 30, 2012 | 2:49 PM

രോഗങ്ങളും ചികിത്സയും മനുഷ്യന്റെ സകലസമാധാനവും കെടുത്തുന്നു. കഷ്ടപ്പെട്ടും കഷ്ടപ്പെടുത്തിയും പത്ത് കാശുണ്ടാക്കുന്നതു തന്നെ മരുന്നിനും ചികിത്സക്കും വേണ്ടിയായിരിക്കുന്നു. രണ്ടായിരത്തോടെ എല്ലാവര്‍ക്കും രോഗം എന്നായിരുന്നോ നമ്മുടെ മുദ്രാവാക്യം എന്ന് സംശയിക്കുമാറ്
രോഗികളല്ലാത്തവരുടെ എണ്ണം ചുരുങ്ങിയിരിക്കുന്നു. പണ്ടും രോഗങ്ങളുണ്ടായിരുന്നെങ്കിലും ചികിത്സതന്നെ ഒരു മഹാരോഗമായിരുന്നില്ല. പത്രത്താളുകള്‍ ജനവികാരത്തിനൊപ്പം പിടിച്ചു നില്‍ക്കാന്‍ വേണ്ടി മരുന്നുവിലയെക്കുറിച്ചും ചികിത്സാകൊള്ളയെക്കുറിച്ചും കരഞ്ഞു തീര്‍ക്കുന്നു. ജനങ്ങള്‍ നീലച്ചിത്രം കാണുന്നവന്റെ മനസ്സോടെ വായിച്ചു മൂര്‍ച്ഛകൊള്ളുന്നു. പരിഹാരങ്ങള്‍ മാത്രം എങ്ങുമില്ല, അതത്ര എളുപ്പവുമല്ല. സാംസ്‌കാരിക വളര്‍ച്ചയും സാംസ്‌കാരിക വരള്‍ച്ചയും ഇതിനോടൊപ്പം കൂട്ടിവായിക്കാതെ വൈദ്യശാഖയ്ക്കുമാത്രമായി ഒരുകാലത്തും വേറിട്ട ഒരസ്ഥിത്വം ഉണ്ടായിരുന്നിട്ടില്ല. ഏകദേശം മനുഷ്യരോളം തന്നെ പഴക്കമുണ്ട് രോഗങ്ങള്‍ക്കും ചികിത്സകള്‍ക്കും എന്ന് ഊഹിക്കലാണ് സാമാന്യയുക്തി. ആദിമ മനുഷ്യര്‍ ഭൂമിയിലെ ജീവിതത്തിനിടയില്‍ അനുഭവിച്ചുവന്ന പലതരം ശാരീരിക-മാനസിക പ്രശ്‌നങ്ങള്‍ക്കും പ്രയാസങ്ങള്‍ക്കും ഉള്‍വിളിയില്‍ നിന്നും സ്വന്തം അനുഭവത്തില്‍ നിന്നും ലഭ്യമായ പരിഹാരങ്ങളുടെ വ്യത്യസ്ഥ മാഹാരങ്ങളായിരിക്കാം മറ്റെല്ലാ സംസ്‌കൃതികളേയുംപോലെ വ്യത്യസ്ത ചികിത്സാ സമ്പ്രദായങ്ങളും. ഇതില്‍ ഉള്‍വിളി എന്നതിനെമനുഷ്യന്റെയും ഭൂമിയുടേയും സൃഷ്ടാവ് നല്‍കിവന്ന അവശ്യബോധനങ്ങള്‍ എന്ന് ദൈവിവിശ്വാസികള്‍ക്ക് മനസ്സിലാക്കാന്‍ എളുപ്പമുണ്ട്. കാരണം പലപ്പോഴും പട്ടി, പൂച്ച, എലി, സിഹം തുടങ്ങി പല ജന്തുക്കളും ചില പ്രത്യേക ഇലകളും പുല്ലുകളും തിരഞ്ഞുപിടിച്ചു തിന്നുന്നത് കാണാം. സസ്യാഹാരിയായ മുയലടക്കം പല ജീവികളും ഗര്‍ഭകാലത്ത് ആവശ്യത്തിന് പ്രോട്ടീനടങ്ങിയ ഭക്ഷണം കിട്ടാതെ വന്നാല്‍ പ്രസവാനന്തരം സ്വന്തം കുട്ടികളില്‍ ഒന്നോ രണ്ടോ എണ്ണത്തെ പിടിച്ചുതിന്നുന്നത് കാണാം. വന്യമൃഗങ്ങള്‍ക്ക് ഇത്രയും ബോധനം നല്‍കുന്ന ദൈവം വിവേചനശേഷിയും ബുദ്ധിയും വേണ്ടുവോളം നല്‍കി ഭൂമിയുടെ ഉടമകളും നേതാക്കളും ആകാവുന്ന വിധം സൃഷ്ടിച്ച മനുഷ്യന്റെ ആവശ്യങ്ങള്‍ക്ക് അലംഭാവം കാണിക്കില്ലല്ലോ.
ഓരോ പ്രദേശത്തും എത്തിപ്പെട്ട നരവര്‍ഗ്ഗസന്തതികളെ മനനം ചെയ്യിച്ച് മനുഷ്യരാക്കുന്ന ധാര്‍മ്മിക ബോധനങ്ങളും ശാരീരിക പ്രശ്‌നങ്ങള്‍ക്ക് അതാതു പ്രദേശങ്ങളില്‍ ലഭ്യമായ ഭൈഷജ്യാദി മുറകളും കാലാകാലങ്ങളില്‍ ദൈവം നല്‍കിവന്നിട്ടുണ്ടാകും. ഇതിനു പ്രകൃതിയേയും സൃഷ്ടിജാലങ്ങളേയും കുറിച്ചു പഠിക്കുമ്പോള്‍ ആര്‍ക്കും മനസ്സിലാകുന്ന ദൈവിക യുക്തിഭദ്രതയും നീതിബോധവും സാക്ഷ്യം വഹിക്കുന്നു. ഇതില്‍ ദൈവദത്തമായവ പൂര്‍ണ്ണഫലദായകവും നിര്‍ദ്ദോഷവുമായവയാണ്. പക്ഷെ ഇവയില്‍ ഭൂരിഭാഗവും മനുഷ്യന്റെ കൈകടത്തലുകള്‍ക്കും സ്വാര്‍ത്ഥതകള്‍ക്കും വിധേയമായി കളങ്കപ്പെട്ടു. അനുഭവത്തില്‍ നിന്നും പരീക്ഷണങ്ങളാലും ലഭ്യമാക്കിയ ചികിത്സകളെ ആഴത്തില്‍ പഠിക്കുമ്പോള്‍ പ്രത്യക്ഷത്തില്‍ കാണുന്ന പല ഗുണങ്ങളും പരോക്ഷമായി പലദോഷങ്ങളും പേറുന്നതായി കാണുന്നു.
ഒരുരോഗത്തിന്റെ ചികിത്സ ചിലപ്പോള്‍ സങ്കീര്‍ണ്ണമായ മറ്റൊരു രോഗത്തെ നാം അറിഞ്ഞോ അറിയാതെയോ സൃഷ്ടിച്ചേക്കാം. ഇത് തിരിച്ചറിയുന്നത് ഒരുപാടുപേരുടെ ജീവനോ ജീവിതമോ ബലിയാടാക്കിയ ശേഷമായിരിക്കാം. പക്ഷെ ഇങ്ങനെയൊക്കെയാണങ്കിലും മനുഷ്യരാല്‍ കണ്ടെത്തിയ ികിത്സാസമ്പ്രദായങ്ങളെ പൂര്‍ണ്ണമായി തള്ളിപ്പറഞ്ഞുകൂടാ, അതിന്റെ സംഭാവനകളെ ചെറുതായി കാണുകയുമരുത്. അതിന്റെ പോരായ്മകളെ മനുഷ്യന്റെ പരിമിതിയായി ഉള്‍ക്കൊള്ളുകയാണ് വേണ്ടത്. അതിന്റെ മേന്മകളെ മനുഷ്യന്റെ വിജയമായും. മൈക്രോസ്‌കോപ്പിന്റെ കണ്ടുപിടുത്തത്തോടെ രോഗാണുക്കളെ കണ്ടുപിടിച്ചത് ആധുനിക(അലോപ്പതി) ചികിത്സാ രംഗത്ത് വന്‍കുതിച്ചു ചാട്ടം തന്നെ ഉണ്ടാക്കി. അതുവരെയുണ്ടായിരുന്ന പല ധാരണകളേയും അത് തിരുത്തി. പക്ഷെ രോഗങ്ങള്‍ ഉണ്ടായിക്കൊണ്ടിരിക്കലിന്റേയും മാറിക്കൊണ്ടിരിക്കലിന്റെയും തുടര്‍ച്ചയും വേഗതയും അന്നുമുതല്‍ കൂടി എന്നൊരു സത്യം നാം മറന്നുകൂടാ.
ഇന്നു നാം എത്തിനില്‍ക്കുന്നതോ? ആധുനിക ചികിത്സയുടെ കുതിച്ചുചാട്ടത്തിനു മുമ്പ് വിരളമായി കേട്ടിരുന്നതും കേട്ടിട്ടേ ഇല്ലായിരുന്നതുമായ സങ്കീര്‍ണ്ണരോഗങ്ങളുടേയും അതിന്റെയൊക്കെ സ്‌പെഷ്യലിസ്റ്റുകളുടെയും സ്‌പെഷ്യാലിറ്റി ആശുപത്രികളുടേയും പടക്കളത്തിനു നടുവിലും!
രോഗങ്ങളും ചികിത്സകരും പലതരം പേരുമാറ്റങ്ങളോടെയും വേഷ-രൂപ മാറ്റങ്ങളോടെയും ഒട്ടും വിട്ടുകൊടുക്കാതെ പൊതുജനത്തിന്റെ തലയിലും മാറത്തും കയറി നിന്ന് പരസ്പരം പടവെട്ടിക്കൊണ്ടേയിരിക്കുന്നു.

ഒരുരോഗത്തിന് അതിന്റെ കാരണക്കാരായ രോഗാണുക്കളെ നേരിട്ട് നിഗ്രഹിക്കുക, ശരീരധാതുക്കളുടെ ഏറ്റക്കുറച്ചിലുകള്‍ കണ്ടാല്‍ അത് റീബാലന്‍സ് ചെയ്യുക തുടങ്ങിയവയാണ് അലോപ്പതി ചികിത്സാരീതി. ഇതില്‍ രോഗിക്ക് രോഗശമനം ഉടനടി തന്നെ ലഭ്യമായിത്തുടങ്ങുന്നു എന്നത് ഇതിന്റെ പ്രചുരപ്രചാരണത്തിന് കാരണമായി. എങ്കിലും ഒരു പൂര്‍ണ്ണ മനുഷ്യന്‍ എന്നതിനെഅവഗണിച്ച് ഒരു പ്രത്യേക അവയവത്തിന് ഒരു പ്രത്യേക രോഗമായി പരിഗണിച്ചുള്ള ചികിത്സ സത്വര ശാന്തിയുണ്ടാക്കുമ്പോള്‍ നാം അറിഞ്ഞോ അറിയാതെയോ അവഗണിക്കു
ഒരു വശമുണ്ട്. നാം ഈ ചികിത്സയിലൂടെ നേടിയത് ഈ രോഗിക്ക് രോഗം തുടങ്ങുന്നതിന്റെ തൊട്ടു തലേനാളത്തെ അവസ്ഥയാണ്. അതായത് ഭനാളെ' ഇതേ രോഗമോ വകഭേദങ്ങളോ ഇദ്ദേഹത്തിന് വീണ്ടും വന്നേക്കാം. അദ്ദേഹത്തെ രോഗിയാക്കിയ രോഗാണുക്കള്‍ പ്രപഞ്ചത്തില്‍ നിലനില്‍ക്കുന്നു. അല്ലെങ്കില്‍ അദ്ദേഹത്തിലെ ധാതുലവണങ്ങളുടെ നിലവിലെ ഇംബാലന്‍സേനാംപരിഹരിച്ചിട്ടുള്ളൂ.അങ്ങനെയൊരു ഇംബാലന്‍സ് വരാനുള്ള കാരണം ഇപ്പോഴും നിലനില്‍ക്കുന്നു. ഉദാഹരണത്തിന് ഒരാളുടെ ശരീരത്തില്‍ ആകമാനം നീരുവന്നു. പരിശോധിച്ചപ്പോള്‍ അദ്ദേഹത്തിന്റെ ഒരു കിഡ്‌നി പൂര്‍ണ്ണമായും മറ്റേത് ഭാഗികമായും നശിച്ചിരിക്കുന്നു. പെട്ടെന്ന് തന്നെ കിഡ്‌നി മാറ്റിവെക്കല്‍ നടത്തി രക്ഷപ്പെടുത്തി. പക്ഷെ, അയാളുടെ രണ്ടാമത്തെ കിഡ്‌നി കേടാകുന്നതിന്റെ തലേന്നത്തെ അവസ്ഥയിലാണ് പരമാവധി അയാള്‍ ഇപ്പോള്‍ എത്തി നില്‍ക്കുന്നത്. പുതിയ കിഡ്‌നിക്ക് അതേ അവസ്ഥ വന്നുകൂടായ്കയില്ല. അയാളുടെ കിഡ്‌നികള്‍ നശിക്കാനിടയായ അടിസ്ഥാനകാരണങ്ങളില്‍ മാറ്റം വരാതെ അയാള്‍ താല്‍ക്കാലിക രക്ഷമാത്രമേ നേടുന്നുള്ളൂ. സമഗ്രചികിത്സാ സമ്പ്രദായങ്ങളുടേയും അവയുടെ തനിമ നഷ്ടപ്പെടാതെ കാത്തുസൂക്ഷിക്കേണ്ടതിന്റെയും പ്രസക്തി ഇവിടെയാണ് നാം മനസ്സിലാക്കേണ്ടത്.വന്ന രോഗത്തിന് മാത്രം ചികിത്സിക്കുന്നതിനു പകരം വ്യക്തിക്കും സമൂഹത്തിനും രോഗം വരാതെ നോക്കാനുള്ള ജീവനപദ്ധതികളിലാണ് സമഗ്രചികിത്സാരീതികളുടെ മര്‍മ്മം കുടികൊള്ളുന്നത്.
                                                            തുടര്‍ന്ന് വായിക്കുക.......


Dr. Rasheed Husain

ഡോ: റഷീദ് ഹുസൈന്‍. ടി.
MBBS, MD
(കൊളംബോ യൂണിവേഴ്‌സിറ്റിയില്‍ നിന്നും
MD(OM) കഴിഞ്ഞ ലേഖകന്‍
ഓര്‍ത്തോമോളിക്യുലാര്‍ മെഡിസിനില്‍
പി.എച്ച്.ഡി ചെയ്തുവരുന്നു)





Also read:
ചികിത്സയെന്ന മാറാരോഗം- ഭാഗം 2
ചികിത്സയെന്ന മാറാരോഗം- ഭാഗം 3
2:49 PM | 1 comments

ചൈനയിലെ പരമ്പരാഗത ചികിത്സ രീതി കേരളീയര്‍ക്ക് പ്രിയമേറുന്നു

മലപ്പുറം: ചൈനയില പരമ്പരാഗത ചികിത്സാ രീതിയായ അക്യുപങ്ച്വര്‍ കേരളീയര്‍ക്ക് പ്രിയമേറുന്നു. മരുന്നില്ലാത്ത ചികിത്സ എന്നുള്ളതാണ് ഈ ചികിത്സക്ക് ഇത്രയധികം സ്വീകാര്യത ലഭിച്ചത്. 5000 വര്‍ഷം പഴക്കമുള്ള ഈ ചികിത്സ കേരളത്തില്‍ ഏകദേശം 30 വര്‍ഷം മുമ്പെ എത്തിയിരുന്നെങ്കിലും ഈ അടുത്താണ് വ്യാപകമായത്.
ശരീരഭാഗങ്ങളിലെ വേദനകളില്‍ നിന്നും ആശ്വാസം ലഭിക്കാനും ശസ്ത്രക്രിയക്ക് ശേഷമുണ്ടാകുന്ന ഛര്‍ദി, മനം പിരട്ടല്‍ പോലുള്ള അസ്വസ്ഥതകളില്‍ നിന്നും ആശ്വാസം ലഭിക്കാനാണ് അക്യുപങ്ച്വര്‍ പ്രധാനമായും ഉപയോഗിക്കുന്നത്. ആത്സമ, അലര്‍ജി, അപസ്മാരം, അള്‍സര്‍, തലവേദന, മുട്ടുവേദന, ഗ്യാസ്, ത്വക്ക് രേഗങ്ങള്‍, കഫശല്യം, നീര്, ഊരവേദന കൈക്കാല്‍ തരിപ്പ് തുടങ്ങിയ രോഗങ്ങള്‍ക്ക് ഈ ചികിത്സാ ഉത്തമമാണെന്നാണ് അക്യുപങ്ചറിസ്റ്റുകള്‍ പറയുന്നത്.
പുരാതന ചൈനയില്‍ ഈ ചികില്‍സാരീതിയുടെ ഉപജ്ഞാതാവ് ആരാണെന്ന് വ്യക്തമല്ല. യുദ്ധങ്ങളില്‍ മുറിവേല്‍ക്കുന്ന ഭടന്മാര്‍ക്ക് വേദനയില്‍ നിന്നും ആശ്വാസം ലഭിക്കാനാണ് ഇത് പ്രധാനമായും ഉപയോഗിച്ചിരുന്നത്. ബിയാന്‍ ഷി എന്നറിയപ്പെടുന്ന ഒരു തരം കൂര്‍ത്ത ശിലകളായിരുന്നു ആദ്യകാലത്ത് അക്യുപങ്ച്വറിനായി ഉപയോഗിച്ചിരുന്നത്. പിന്നീട് ബിയാന്‍ ഷിക്കു പകരം എല്ലുകള്‍ കൊണ്ടും കല്ലുകള്‍ കൊണ്ടും കൂര്‍ത്ത സൂചികളുണ്ടാക്കി അക്യുപങ്ച്വറിനായി ഉപയോഗിച്ചു. എന്നാല്‍ രണ്ടാം നൂറ്റാണ്ടോടെ ലോഹസൂചികള്‍ ഇതിനായി ഉപയോഗിച്ചുപോന്നു.
ഹുനാങ് ഡി യാണ് ആധുനിക അക്യുപങ്ചറിന്റെ പിതാവ്. ചൈനക്ക് മാത്രം സ്വന്തമായിരുന്ന ഈ ചികിത്സാ രീതിയെ പിന്നീട് ലോകര്‍ക്ക് പരിചിതമാക്കിയത് കൊറിയയാണ്. കൊറിയന്‍ ചക്രവര്‍ത്തിയായിരുന്ന ഡാന്‍ ഗുണിന്റെ ഭരണകാലത്ത് അക്യുപങ് ച്വറിന് വന്‍ പ്രചാരമാണ് ലഭിച്ചിരുന്നത്. ചൈനയിലെ ആഭ്യന്തര യുദ്ധത്തിനുശേഷം നിലവില്‍ വന്ന കമ്മ്യൂണിസ്റ്റ് പാര്‍ട്ടി അക്യുപങ്ച്വറിനെ കാലഹരണപ്പെട്ട ചികിത്സാ രീതിയെന്ന് പുഛിച്ചുതള്ളിയെങ്കിലും പിന്നീട് പാര്‍ട്ടി അക്യുപങ്ച്വറിനോടുള്ള സമീപനം മാറ്റി. കമ്മ്യൂണിസ്റ്റ് പാര്‍ട്ടി ചെയര്‍മാന്‍ മാവോ സേതൂങ്ങ് അക്യുപങ്ച്വറിനെയും ചൈനയിലെ പരമ്പരാഗത ചികിത്സാരീതികളേയും ചൈനയുടെ നിധിശേഖരങ്ങള്‍ എന്ന് വിശേഷിപ്പിച്ചു. 1972ല്‍ ചൈന സന്ദര്‍ശിച്ച അമേരിക്കന്‍ പ്രസിഡന്റ് റിച്ചാര്‍ഡ് നിക്‌സണ്‍ അക്യുപങ്ച്വറിന്റെ സവിശേഷത ബോധ്യപ്പെടുകയും ഇതിന്റെ പ്രചാരണത്തിനായി മുന്‍ കൈയ്യെടുക്കുകയും ചെയ്തു. പിന്നീട് യു എസിലും മറ്റ് പാശ്ചാത്യ രാജ്യങ്ങളുലും അക്യുപങ്ച്വറിന് വന്‍ പ്രചാരം ലഭിച്ചു. ചൈനക്ക് പുറമെ തായ്‌ലാന്‍ഡ്, മലേഷ്യ എന്നീ രാജ്യങ്ങളിലേയും പരാമ്പരാഗത ചികിത്സാ രീതിയാണ് അക്യൂപങ്ചര്‍.
സ്‌റ്റെയിന്‍ ലെസ് സ്റ്റീല്‍ കൊണ്ട് നിര്‍മ്മിച്ച സൂചികളാണ് അക്യുപങ് ച്വറിന് പ്രധാനമായും ഉപയോഗിക്കുന്നത്. ഒരു പ്രാവശ്യം ഉപയോഗിച്ചുകഴിഞ്ഞാല്‍ ഉപേക്ഷിക്കപ്പെടുന്ന സൂചികളാണ് ഇതിനായി ഉപയോഗിച്ചുവരുന്നതെങ്കിലും ഇപ്പോള്‍ വീണ്ടും ഉപയോഗിക്കാവുന്ന സൂചികളും ഉപയോഗിക്കുന്നു. ചികിത്സ ആവശ്യമായ ശരീരഭാഗത്തിന്റെ പ്രത്യേകതയനുസരിച്ച് സൂചിയുടെ നീളത്തിലും വിത്യാസം വരുന്നു. കൂടുതല്‍ മാംസളമായ ഭാഗങ്ങള്‍ കൂടുതല്‍ നീളമുള്ള സൂചികളാണ് ഉപയോഗിക്കുന്നത്.

Keywords: Acupuncture, Treatment, China, Malappuram, കേരള, 
12:34 AM | 0 comments

മന്തുരോഗ നിവാരണം: ജില്ലാതല ഉദ്ഘാടനം

Written By Malappuram News on Friday, April 27, 2012 | 1:07 AM

മലപ്പുറം: മന്തുരോഗ നിവാരണ സമൂഹ ചികിത്സാ പരിപാടിയുടെ ജില്ലാതല ഉദ്ഘാടനം പി ശ്രീരാമകൃഷ്ണന്‍ എം എല്‍ എ നിര്‍വ്വഹിച്ചു. മന്തുരോഗ നിവാരണം ഫലപ്രാപ്തിയിലെത്തിക്കുന്നതിന് സമൂഹ കൂട്ടായ്മ വേണമെന്ന് അദ്ദേഹം പറഞ്ഞു.
പൊന്നാനി താലൂക്ക് ആശുപത്രിയില്‍ നടന്ന ചടങ്ങില്‍ നഗരസഭാ ചെയര്‍പേഴ്‌സണ്‍ പടിഞ്ഞാറകത്ത് ബീവി അദ്ധ്യക്ഷത വഹിച്ചു. സംസ്ഥാന നിരീക്ഷകന്‍ ഡോ. എ സുകുമാരന്‍ മുഖ്യപ്രഭാഷണം നടത്തി. നഗരസഭാ വൈസ് ചെയര്‍മാന്‍ പി രാമകൃഷ്ണന്‍, സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍മാരായ ബിന്ദു സിദ്ധാര്‍ത്ഥന്‍, സീനത്ത്, കൗണ്‍സിലര്‍മാരായ കെ പി അബ്ദുള്‍ ജബ്ബാര്‍, സി പി മുഹമ്മദ് കുഞ്ഞി, സൂപ്രണ്ട് ഡോ. പി കെ ആശ, ജില്ലാ മാസ്മീഡിയ ഓഫീസര്‍ എം പി ജോര്‍ജ് എന്നിവര്‍ പ്രസംഗിച്ചു. ഡി എം ഒ ഡോ. കെ സക്കീന സ്വാഗതവും ജില്ലാ മലേറിയ ഓഫീസര്‍ ബി എസ് അനില്‍ കുമാര്‍ നന്ദിയും പറഞ്ഞു.

Keywords: Inauguration, Treatment, Malappuram, 
1:07 AM | 0 comments

സമൂഹ മന്തുരോഗ ചികിത്സ: 36,66,000 പേര്‍ക്ക് മരുന്ന് നല്‍കും

Written By Malappuram News on Tuesday, April 24, 2012 | 2:00 AM

മലപ്പുറം: സമൂഹ മന്തുരോഗ ചികിത്‌സയുടെ ഭാഗമായി ഏപ്രില്‍ 26 മുതല്‍ 28 വരെ തീയതികളില്‍ ജില്ലയിലെ 36,66,000 പേര്‍ക്ക് പ്രതിരോധ മരുന്ന് വിതരണം ചെയ്യും. എ ഡി എം എന്‍ കെ ആന്റണിയുടെ അധ്യക്ഷതയില്‍ കലക്ടറേറ്റ് സമ്മേളന ഹാളില്‍ ചേര്‍ന്ന വിവിധ വകുപ്പ് മേധാവികളുടെ യോഗത്തില്‍ മരുന്ന് വിതരണത്തിനുളള ഒരുക്കങ്ങള്‍ വിലയിരുത്തി.
പരിശീലനം ലഭിച്ച ആശ വര്‍ക്കര്‍മാര്‍, കുടുംബശ്രീ പ്രവര്‍ത്തകര്‍, ആരോഗ്യ-സന്നദ്ധ സംഘടനാ പ്രവര്‍ത്തകര്‍ എന്നിവരാണ് ഡി ഇ സി - ആല്‍ബന്റസോള്‍ ഗുളികകള്‍ വിതരണം ചെയ്യുക. ഒരു വൊളന്റിയര്‍ക്ക് 50 വീടുകളുടെ ചുമതലയാണ് നല്‍കിയിരിക്കുന്നത്. രണ്ട് വയസിന് താഴെ പ്രായമുളള കുട്ടികള്‍, ഗര്‍ഭിണികള്‍, ഗുരുതരമായ രോഗമുളളവര്‍, പ്രായാധിക്യമുളളവര്‍ എന്നിവരെ ഒഴിവാക്കിയാണ് മരുന്ന് നല്‍കുക. ഏപ്രില്‍ 29 ന് തുടര്‍ പ്രവര്‍ത്തനങ്ങള്‍ക്കായി വൊളന്റിയര്‍മാരും ജനപ്രതിനിധികളും വീടുകള്‍ സന്ദര്‍ശിച്ച് ഗുളിക ഉപയോഗിച്ചുവെന്ന് ഉറപ്പാക്കും. തുടര്‍ന്നുളള 10 ദിവസങ്ങളില്‍ പ്രാഥമികാരോഗ്യ കേന്ദ്രങ്ങളിലും ആശുപത്രികളിലും ഗുളിക വിതരണം ചെയ്യാന്‍ പ്രത്യേക ബൂത്തുകള്‍ സജ്ജമാക്കും.


ആശുപത്രികളില്‍ നിന്നും ഇസ്‌നോഫീലിയ, അലര്‍ജി തുടങ്ങിയവയ്ക്ക് ഡോക്ടര്‍മാര്‍ സാധാരണ നിര്‍ദ്ദേശിക്കുന്ന മരുന്നുകള്‍ മാത്രമാണ് ഡി ഇ സി-ആല്‍ബന്റസോള്‍ തുടങ്ങിയ മരുന്നുകളെന്നും പാര്‍ശ്വഫലങ്ങള്‍ ഉണ്ടാവില്ലെന്നും ആരോഗ്യ വകുപ്പ് അധികൃതര്‍ ഉറപ്പ് നല്‍കി. മന്ത് രോഗം പടര്‍ത്തുന്ന അണുക്കള്‍ ശരീരത്തിലുണ്ടെങ്കില്‍ ഓക്കാനം, ചൊറിച്ചില്‍, അലര്‍ജി, തുടങ്ങിയവ ഉണ്ടാവും. വര്‍ഷങ്ങള്‍ക്ക് ശേഷം നിയന്ത്രണാതീതമാവും വിധം രോഗം വരുന്നതിനേക്കാള്‍ നല്ലതാണ് ഇത്തരം ലക്ഷണങ്ങള്‍ നേരത്തെ പ്രകടമാവുന്നത്. ഇത്തരം പ്രയാസങ്ങള്‍ അനുഭവപ്പെട്ടാല്‍ സഹായത്തിനായി കോള്‍ സെന്ററുകളും ദ്രുത കര്‍മ സംഘവും രംഗത്തുണ്ടാവും.
ആഹാരത്തിന് ശേഷം മാത്രമേ ഗുളിക കഴിക്കാവൂയെന്നും ഗുളിക കഴിച്ചാലുടനെ ധാരാളം വെളളം കുടിക്കണമെന്നും ആരോഗ്യ വകുപ്പ് അധികൃതര്‍ അറിയിച്ചു. ശരീരത്തിലുളള രോഗാണുക്കളെ നശിപ്പിക്കുന്നതിനും രോഗം പകരുന്നത് തടയാനും രണ്ട് ഗുളികകളും ഒരേ സമയത്ത് കഴിക്കണമെന്നത് നിര്‍ബന്ധമാണ്. ജില്ലയിലെ വെക്ടര്‍ കണ്‍ട്രോള്‍ യൂണിറ്റ് പൊന്നാനി നഗരസഭയില്‍ നടത്തിയ 1,500 രക്തസാംപിള്‍ പരിശോധനയില്‍ 61 എണ്ണത്തില്‍ മന്ത്‌രോഗാണുക്കള്‍ കണ്ടെത്തിയിരുന്നു. കൊതുകുകള്‍ പെരുകുന്ന സാഹചര്യത്തില്‍ ജില്ലയില്‍ കൂടുതല്‍ കേസുകള്‍ ഉണ്ടാവാനാണ് സാധ്യത. അതിനാല്‍ പൊതുജനങ്ങള്‍ എല്ലാവരും സമൂഹ ചികിത്‌സയുമായി സഹകരിക്കണമെന്ന് എ ഡി എം അഭ്യര്‍ത്ഥിച്ചു. 2011 ല്‍ 42 ശതമാനമായിരുന്നു ഗുളിക കഴിച്ചിരുന്നത്. ഇത് 70 ശതമാനമെങ്കിലുമായി ഉയര്‍ത്താനാണ് ലക്ഷ്യമിടുന്നതെന്ന് ആരോഗ്യ വകുപ്പ് അധികൃതര്‍ അറിയിച്ചു. ജില്ലാ മെഡിക്കല്‍ ഓഫീസര്‍ ഡോ. കെ സക്കീന, ഡെപ്യൂട്ടി ഡി എം ഒ ഉമര്‍ ഫാറൂക്ക്, മലേറിയ ഓഫീസര്‍ അനില്‍ കുമാര്‍, മാസ് മീഡിയ ഓഫീസര്‍ എം പി ജോര്‍ജ്, ഡെപ്യൂട്ടി മാസ് മീഡിയ ഓഫീസര്‍ രാജു എന്നിവര്‍ സംസാരിച്ചു. 
 


 മാധ്യമ ശില്‍പ്പശാല നടത്തി
മലപ്പുറം: സമൂഹ മന്ത് രോഗ ചികിത്‌സാ പരിപാടിയുടെ ഭാഗമായി ആരോഗ്യ വകുപ്പ് ജില്ലയിലെ മാധ്യമ പ്രവര്‍ത്തകര്‍ക്കായി ശില്‍പ്പശാല നടത്തി. പ്രശാന്ത് ഓഡിറ്റോറിയത്തില്‍ നടന്ന പരിപാടിയില്‍ ജില്ലാ മെഡിക്കല്‍ ഓഫീസര്‍ ഡോ. കെ സക്കീന വിഷയം അവതരിപ്പിച്ചു. ഡെപ്യൂട്ടി ഡി എം ഒ മാരായ ഡോ. വി ഉമര്‍ ഫാറൂഖ്, ഡോ. ആര്‍ രേണുക, ഡി പി എം ഡോ. അസ്‌ലം ഫാറൂഖ്, ആര്‍ സി എച്ച് ഓഫീസര്‍ ഡോ. റോസ് മേരി, മലേറിയ ഓഫീസര്‍ അനില്‍ കുമാര്‍, ടെക്‌നിക്കല്‍ അസിസ്റ്റന്റ് എം വേലായുധന്‍, ഡെപ്യൂട്ടി മാസ്മീഡിയ ഓഫീസര്‍ കെ പി സാദിഖ് അലി എന്നിവര്‍ ചര്‍ച്ചയില്‍ പങ്കെടുത്തു. പരിപാടിയില്‍ ജില്ലാ മാസ്മീഡിയ ഓഫീസര്‍ ജോര്‍ജ് എം പി സ്വാഗതവും ഡെപ്യൂട്ടി മാസ്മീഡിയ ഓഫീസര്‍ വി രാജു നന്ദിയും പറഞ്ഞു. 
2:00 AM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers