Hi guest ,  welcome  |  Visit Kvartha  |  Visit Keralaflash  |  Reading Problem? Download Font
Read More Malappuram News
Showing posts with label Manjalamkhuzhi Ali. Show all posts
Showing posts with label Manjalamkhuzhi Ali. Show all posts

ജല ശുചീകരണത്തില്‍ ശ്രദ്ധിക്കണം: മന്ത്രി അലി

Written By mvarthasubeditor on Tuesday, July 3, 2012 | 8:31 AM

മലപ്പുറം: മഴക്കാല രേഗപ്രതിരോധത്തിന്റെ ഭാഗമായി കിണറുകളും കുളങ്ങളും ശുചീകരിക്കുവാന്‍ ശ്രദ്ധിക്കണമെന്നും അതിനാവശ്യമായ ബോധവല്‍ക്കരണ പരിപാടികള്‍ നടത്തണമെന്നും നഗരകാര്യ വികസന വകുപ്പു മന്ത്രി മഞ്ഞളാംകുഴി അലി നിര്‍ദ്ദേശിച്ചു. പെരിന്തല്‍മണ്ണ മണ്ഡലത്തിലെ രോഗപ്രതിരോധ പ്രവര്‍ത്തനങ്ങള്‍ അവലോകനം ചെയ്തു സംസാരിക്കുകയായിരുന്നു അദ്ദേഹം.

ഹോട്ടലുകളും ബേക്കറികളും ബന്ധപ്പെട്ടവര്‍ കൃത്യമായി പരിശോധിക്കണം. തട്ടുകടകളിലും മറ്റും നല്‍കുന്ന വെള്ളം തിളപ്പിച്ചാറ്റിയതായിരിക്കണം. ഇത് ഹെല്‍ത്ത് ഇന്‍സ്‌പെക്ടര്‍മാര്‍ പരിശോധിക്കണമെന്നും അദ്ദേഹം നിര്‍ദ്ദേശിച്ചു. പഞ്ചായത്തിലെ ഓരോ വാര്‍ഡിനും നല്‍കിയിട്ടുള്ള 25,000 രൂപ മരുന്നു വാങ്ങാന്‍ ഉപയോഗിക്കണം. മരുന്നുകള്‍ക്ക് കുറവുണ്ടാകരുതെന്നും അദ്ദേഹം പറഞ്ഞു.
ജുലൈ, ഓഗസ്റ്റ് മാസങ്ങളില്‍ പനി ഉള്‍പ്പെടെയുള്ള രോഗങ്ങള്‍ കൂടുതലാവാന്‍ ഇടയുള്ളതുകൊണ്ട് പ്രതിരോധ പ്രവര്‍ത്തനങ്ങള്‍ കുറെക്കൂടി കാര്യക്ഷമമാക്കണമെന്നും അദ്ദേഹം അഭിപ്രായപ്പെട്ടു.
പെരിന്തല്‍മണ്ണ അയിഷ കോംപ്ലക്‌സ് ഓഡിറ്റോറിയത്തില്‍ നടന്ന യോഗത്തില്‍ ബ്ലോക്ക് പഞ്ചായത്ത് പ്രസിഡന്റ് അബുബക്കര്‍ ഹാജി, പഞ്ചായത്ത് പ്രസിഡന്റുമാരായ ശീലത്ത് വീരാന്‍ കുട്ടി, , കരീം മാസ്റ്റര്‍, റഫീക്ക, താഴെക്കോട് ഗ്രാമപഞ്ചായത്ത് വൈസ് പ്രസിഡന്റ് എ.കെ.നാസര്‍, ഡി.എം.ഒ. ഡോ. കെ.സക്കീന, പെരിന്തല്‍മണ്ണ സര്‍ക്കാര്‍ ആശുപത്രി സൂപ്രണ്ട് ഫാത്തിമ ഷഹനാസ്, ആരോഗ്യവകുപ്പ് ഉദ്യോഗസ്ഥര്‍, തദ്ദേശസ്വയംഭരണ പ്രതിനിധികള്‍ പങ്കെടുത്തു.

English Summery
Should be careful in water purity: Manjalamkuzhi Ali
8:31 AM | 0 comments

പോഷകാഹാര ദിന ശാക്തീകരണം: 27 ന് മന്ത്രി മഞ്ഞളാംകുഴി അലി ഉദ്ഘാടനം ചെയ്യും

Written By mvarthasubeditor on Wednesday, May 23, 2012 | 4:08 PM

മലപ്പുറം: ദേശീയ ഗ്രാമീണ ആരോഗ്യ ദൗത്യത്തിന്റെയും സംസ്ഥാന ആരോഗ്യ വകുപ്പിന്റെയും തദ്ദേശ സ്വയംഭരണ സ്ഥാപനങ്ങളുടെയും ആഭിമുഖ്യത്തില്‍ പോഷകാഹാര ദിന ശാക്തീകരണ പരിപാടി സംഘടിപ്പിക്കുന്നു. ഉദ്ഘാടനം മെയ് 27 ന് രാവിലെ ഒമ്പതിന് കീഴാറ്റൂര്‍ ഗ്രാമപഞ്ചായത്ത് സംസ്‌കാരിക നിലയത്തില്‍ ഗ്രാമവികസന -ന്യൂനപക്ഷക്ഷേമ വകുപ്പ് മന്ത്രി മഞ്ഞളാംകുഴി അലി നിര്‍വഹിക്കും. എം.ഉമ്മര്‍ എം.എല്‍.എ. അധ്യക്ഷത വഹിക്കും. ഭക്ഷ്യ പ്രദര്‍ശന സ്റ്റാള്‍ ഉദ്ഘാടനം ബ്ലോക്ക് പ്രസിഡന്റ് പി.കെ. അബൂബക്കര്‍ ഹാജിയും ബ്ലോഗ് സ്വിച്ച് ഓണ്‍ പഞ്ചായത്ത് പ്രസിഡന്റ് കെ.ടി.കദീജയും കീഴാറ്റൂര്‍ ഗ്രാമപഞ്ചാത്ത് അരോഗ്യ വാര്‍ത്ത പ്രകാശനം ജില്ലാ പഞ്ചായത്ത് അംഗം കെ.പി.ജിഷയും നിര്‍വഹിക്കും. തദ്ദേശ സ്വയംഭരണ സ്ഥാപനങ്ങളിലെ പ്രതിനിധികളും ഉദ്യോഗസ്ഥരും പങ്കെടുക്കും.
ഏകദിന ശില്‍പശാല, നാടന്‍ഭക്ഷ്യ വസ്തുക്കളുടെ പ്രദര്‍ശനം, ചര്‍ച്ചാക്ലാസുകളും സംവാദങ്ങളും രാവിലെ 10 ന് 'ഗ്രാമീണാരോഗ്യം തദ്ദേശീയ ഭക്ഷണരീതികളിലൂടെ' എന്ന സെമിനാറും നടക്കും. ഡയറ്റീഷന്‍ എം.ലിജി മാത്യു മുഖ്യപ്രഭാഷണം നടത്തും. രാവിലെ ഒമ്പതിന് രജിസ്‌ട്രേഷന്‍ ആരംഭിക്കും.
സമൂഹത്തില്‍ വിര്‍ധിച്ചുവരുന്ന രോഗങ്ങള്‍ നിയന്ത്രിക്കുന്നതില്‍ പ്രാചീന ഭക്ഷണ വിഭവങ്ങള്‍ക്കുള്ള പങ്ക് പ്രചരിപ്പിക്കുന്നതിന്റെ ഭാഗമായിട്ടാണ് ഈ പരിപാടി.
4:08 PM | 0 comments

അക്രമ രാഷ്ട്രീയം തുടര്‍ന്നാല്‍ സി പി എം ഇല്ലാതാകും: മന്ത്രി അലി

Written By Malappuram News on Monday, May 21, 2012 | 6:04 PM

മക്കരപ്പറമ്പ്: പരമ്പരാഗത രാഷ്ട്രീയ മര്യാദകളും ചരിത്രവും മറന്ന് അക്രമരാഷ്ട്രീയം സി പി എം തുടര്‍ന്നാല്‍ സി പി എം എന്ന പാര്‍ട്ടി കേരളത്തില്‍ പൂര്‍ണമായി ഇല്ലാതാവുമെന്ന് മന്ത്രി മഞ്ഞളാംകുഴി അലി പറഞ്ഞു.
മക്കരപ്പറമ്പില്‍ പഞ്ചായത്ത് മുസ്‌ലിം ലീഗ് കമ്മിറ്റി നല്‍കിയ സ്വീകരണ സമ്മേളനത്തില്‍ സംസാരിക്കുകയായിരുന്നു അദ്ദേഹം. പഞ്ചായത്ത് മുസ്‌ലിം ലീഗ് പ്രസിഡന്റ് ചോലക്കല്‍ അബു മാസ്റ്റര്‍ അധ്യക്ഷത വഹിച്ചു. സെക്രട്ടറി വേങ്ങശ്ശേരി മെഹ്ബൂബ്, ടി എ അഹമ്മദ് കബീര്‍ എം എല്‍ എ പങ്കെടുത്തു.

Keywords: Manjalamkhuzhi Ali, IUML, Malappuram, Malappuram, കേരള, 
6:04 PM | 0 comments

മന്ത്രി മഞ്ഞളാംകുഴി അലിക്ക് മണ്ഡലത്തിലെത്തില്‍ സ്വീകരണം നല്‍കി

Written By Malappuram News on Monday, April 16, 2012 | 2:37 PM

പെരിന്തല്‍മണ്ണ: ഏറെ കാത്തിരിപ്പിന് ശേഷം മന്ത്രിയായി അധികാരമേറ്റ മന്ത്രി മഞ്ഞളാംകുഴി അലിക്ക് പെരിന്തല്‍മണ്ണ മണ്ഡലത്തിലെത്തില്‍ സ്വീകരണം നല്‍കി. ശനിയാഴ്ച വൈകുന്നേരം നാലിന് ജൂബിലി ജങ്ഷനില്‍ നിന്ന് തുറന്ന ജീപ്പില്‍ വാദ്യാഘോഷങ്ങളുടെ അകമ്പടിയോടെയാണ് നഗരത്തിലെ സ്വീകരണസ്ഥലത്തേക്ക് ആനയിച്ചത്. മുസ്‌ലിം ലീഗ് ജില്ലാ ജനറല്‍ സെക്രട്ടറി പി. അബ്ദുള്‍ ഹമീദ്, മുന്‍ മന്ത്രി നാലകത്ത് സൂപ്പി, പച്ചീരി നാസര്‍, സലിം കുരുവമ്പലം, എന്നിവര്‍ മന്ത്രിയെ അനുഗമിച്ചിരുന്നു. നൂറ് കണക്കിന് മുസ്‌ലിംലീഗ് പ്രവര്‍ത്തകര്‍ ജാഥയായി വാഹനത്തെ അനുഗമിച്ചു. എ.കെ. മുസ്തഫ, പി.കെ. അബൂബക്കര്‍ ഹാജി, ഉസ്മാന്‍ താമരത്ത്, എ.കെ. നാസര്‍, റഷീദ് പാറല്‍, അലി അക്ബര്‍, കൊളക്കാടന്‍ അസീസ് തുടങ്ങിയവര്‍ ജാഥയ്ക്ക് നേതൃത്വം നല്‍കി. തുടര്‍ന്ന് പെരിന്തല്‍മണ്ണ ഊട്ടി റോഡില്‍ നടന്ന സ്വീകരണയോഗം മുസ്‌ലിം ലീഗ് ജില്ലാ ജനറല്‍ സെക്രട്ടറി പി. അബ്ദുള്‍ ഹമീദ് ഉദ്ഘാടനം ചെയ്തു. മുന്‍മന്ത്രി നാലകത്ത് സൂപ്പി അധ്യക്ഷത വഹിച്ചു. പി.വി. മുഹമ്മദ്, പച്ചീരി നാസര്‍, ചാക്കോ വര്‍ഗീസ്, വി.വി. വേണുഗോപാലന്‍, പി.ഡി. തോമസ്, ജോസ് പണ്ടാരപ്പള്ളി, ഡോ. നിലാര്‍ മുഹമ്മദ്, ഡോ. വി.യു. സീതി, അല്‍ഷിഫ എം.ഡി. പി. ഉണ്ണീന്‍, അല്‍സലാമ ചെയര്‍മാന്‍ മുഹമ്മദ്കുട്ടി, ഷാലിമാര്‍ ഷൗക്കത്ത്, പി.ടി.എസ്. മൂസ, കെ. കാദര്‍കുട്ടി, ഹനീഫ മൂന്നിയൂര്‍, സാദിഖലി രാങ്ങാട്ടൂര്‍, ഉസ്മാന്‍ താമരത്ത്, റഷീദ് പാറല്‍, സലിം കുരുവമ്പലം, എ.കെ. നാസര്‍, എന്നിവര്‍ പ്രസംഗിച്ചു.
2:37 PM | 0 comments

അഞ്ചാം മന്ത്രി: ജില്ല ആഹ്ലാദത്തില്‍

Written By Malappuram News on Thursday, April 12, 2012 | 5:32 PM

മലപ്പുറം: പത്ത് മാസത്തെ കാത്തിരിപ്പിനും ആശങ്കകള്‍ക്കും ചൂടേറിയ ചര്‍ച്ചകള്‍ക്കും വിരാമമിട്ട്ബുധനാഴ്ച വൈകീട്ട് മഞ്ഞളാംകുഴി അലിക്ക് മന്ത്രിപദവി പ്രഖ്യാപിച്ചതോടെ ജില്ലയിലെങ്ങും പ്രവര്‍ത്തകരുടെ ആഹ്ലാദത്തിമിര്‍പ്പ്.
 പടക്കം പൊട്ടിച്ചും മധുരപലഹാരങ്ങള്‍ വിതരണംചെയ്തുമാണ് സന്തോഷം പ്രകടിപ്പിച്ചത്. മുസ്‌ലിംലീഗ്, യൂത്ത്‌ലീഗ്, എം.എസ്.എഫ് എന്നിവയുടെ നേതൃത്വത്തിലായിരുന്നു പ്രകടനങ്ങള്‍.
 അലിയുടെ മണ്ഡലമായ പെരിന്തല്‍മണ്ണയില്‍ ഏഴോടെ തന്നെ ഫോണ്‍വഴി വിവരമറിഞ്ഞ പ്രവര്‍ത്തകര്‍ ലീഗ് ഓഫീസില്‍നിന്ന് തുടങ്ങി നഗരം ചുറ്റി പ്രകടനം നടത്തി. പാണക്കാട് തങ്ങളുടെ പ്രഖ്യാപനം വെറുംവാക്കല്ലെന്നും അത് തെളിഞ്ഞില്ലേയെന്നുമടക്കമുള്ള മുദ്രാവാക്യങ്ങള്‍ പ്രകടനത്തിലുയര്‍ന്നു.
 അലിയുടെ പനങ്ങാങ്ങരയിലെ വീടിനടുത്ത് പടക്കങ്ങള്‍ പൊട്ടിച്ചുകൊണ്ടാണ് നാട്ടുകാര്‍ സന്തോഷം പങ്കുവെച്ചത്. വിവിധ സ്ഥലങ്ങളില്‍ നിന്ന് ആളുകളെത്തി വന്‍ പ്രകടനവും നടന്നു. തൂത അങ്ങാടിയില്‍ പ്രകടനം നടത്തി. മധുരപലഹാര വിതരണവും നടന്നു. ശീലത്ത് വീരാന്‍കുട്ടി, അഡ്വ. അബ്ദുള്‍സലാം, പി.പി. നാസര്‍ തുടങ്ങിയവര്‍ നേതൃത്വംനല്‍കി. താഴേക്കോട് ടൗണിലും കീഴാറ്റൂര്‍ പഞ്ചായത്ത് ലീഗ് കമ്മിറ്റിയുടെ നേതൃത്വത്തില്‍ പട്ടിക്കാട് ചുങ്കത്തും പ്രവര്‍ത്തകര്‍ ആഹ്ലാദപ്രകടനം നടത്തി. പെരിന്തല്‍മണണയില്‍ മുനിസിപ്പല്‍ മുസ്‌ലിം ലീഗിന്റെ നേതൃത്വത്തില്‍ പ്രകടനം നടന്നു. 
5:32 PM | 0 comments

അഞ്ചാം മന്ത്രി; പാണക്കാട് തങ്ങളുടെ പ്രസ്താവന പിന്‍വലിക്കേണ്ടി വരുമോ?

Written By Malappuram News on Monday, March 26, 2012 | 8:20 AM

മുസ്ലിം ലീഗിലെ അഞ്ചാം മന്ത്രിസ്ഥാനം ചര്‍ച്ച തുടങ്ങിയിട്ട് മാസങ്ങളായി. 20 എം എല്‍ എമാരുടെ ലീഗിന് എന്ത് കൊണ്ട് യു ഡി എഫിന് ഒരു മന്ത്രിയെ കൂടി തന്നുകൂടാ, ഇത് സാധാരണ ലീഗ് പ്രവര്‍ത്തകന്റെ ചോദ്യമാണ്. ലീഗിന്റെ എല്ലാമെല്ലാമായ പാണക്കാട് ഹൈദരലി ശിഹാബ് തങ്ങള്‍ പ്രഖ്യാപിച്ച മന്ത്രി സ്ഥാനം വാങ്ങിക്കൊടുക്കാന്‍ ലീഗിലെ നേതാക്കന്‍മാര്‍ക്ക് കഴിയില്ലേ, ഇല്ലെങ്കില്‍ നാല് മന്ത്രിമാരും രാജിവെക്കണം. തത്ക്കാലം സര്‍ക്കാരിന്റെ പിന്തുണ പിന്‍വലിക്കേണ്ട. വേണ്ടി വന്നാല്‍ അതും ചെയ്യേണ്ടി വരും. ഇതാണ് ലീഗ് പ്രവര്‍ത്തകരുടെ ഇപ്പോഴത്തെ നിലപാട്.മന്ത്രി സ്ഥാനം തന്നില്ലെങ്കില്‍ രാജി ഭാഷണിയുമായി മഞ്ഞളാംകുഴി അലി എംഎല്‍എയും രംഗത്തുണ്ട്. യുഡിഎഫില്‍ സമ്മര്‍ദം ചെലുത്തി മന്ത്രിസ്ഥാനം സ്വന്തമാക്കാന്‍ ലീഗ് നേതൃത്വം കിണഞ്ഞ് ശ്രമിക്കുമ്പോള്‍ പാര്‍ടിയില്‍ തന്റെ അനുകൂലികളെ രംഗത്തിറക്കി കുഞ്ഞാലിക്കുട്ടിയുടെ വസതിക്ക് മുന്നില്‍ പ്രകടനം നടത്തി കാര്യംനേടാനാണ് അലിയുടെ നീക്കം. എന്നാല്‍ താനുമായി യാതൊരു ബന്ധമില്ലാത്തവരാണ് മന്ത്രിസ്ഥാനം ആവശ്യപ്പെട്ട് മാര്‍ച്ച് നടത്തിയതെന്നാണ് അലി പറയുന്നത്. അതിനിടെ, അനൂപ് ജേക്കബ്ബിനൊപ്പം തങ്ങളുടെ അഞ്ചാംമന്ത്രിയും സത്യപ്രതിജ്ഞ ചെയ്യണമെന്ന് ലീഗ് ജനറല്‍ സെക്രട്ടറി ഇ ടി മുഹമ്മദ്ബഷീര്‍ ചാനല്‍ ചര്‍ച്ചയില്‍ പ്രതികരിച്ചു.
മന്ത്രിസ്ഥാനം നല്‍കിയില്ലെങ്കില്‍ എം എല്‍ എ സ്ഥാനം രാജിവയ്ക്കുമെന്ന് മഞ്ഞളാംകുഴി എംഎല്‍എ യുഡിഎഫ് നേതൃത്വത്തെ അറിയിച്ചു. തെരഞ്ഞെടുക്കപ്പെട്ട നിയമസഭാസമിതിയില്‍നിന്ന് അബ്ദുസമദ് സമദാനിയും രാജിവച്ചു. സമ്മര്‍ദം ചെലുത്തി 28ന് ചേരുന്ന യു ഡി എഫ് യോഗത്തില്‍ മന്ത്രിക്കാര്യത്തില്‍ അന്തിമ തീരുമാനമുണ്ടാക്കുകയാണ് ലീഗിന്റെ ലക്ഷ്യം. അതിനായാണ് രാജി ഭീഷണിയടക്കമുള്ള തന്ത്രം ലീഗ് പയറ്റുന്നത്. മാര്‍ച്ച് 30ന് ചേരാനിരുന്ന ലീഗിന്റെ സംസ്ഥാന സെക്രട്ടറിയറ്റ് മാറ്റി. മുസ്ലിംലീഗ് സംസ്ഥാന പ്രസിഡന്റ് ഹൈദരലി ശിഹാബ് തങ്ങള്‍ പ്രഖ്യാപിച്ച അഞ്ചാം മന്ത്രിസ്ഥാനം സംബന്ധിച്ച് അണികളോട് ഉത്തരം പറയാനാകാത്ത അവസ്ഥയിലാണ് നേതൃത്വം.
 ലീഗിന്റെ കാര്യത്തില്‍ തീരുമാനമാകാതെ അനൂപിനെ മന്ത്രിയാക്കരുതെന്ന് യു ഡി എഫ് നേതൃത്വത്തിന് ലീഗ് അന്ത്യശാസനം നല്‍കിയതായാണ് വിവരം. 28ന് വീണ്ടും യു ഡി എഫ് യോഗം ചേരാനിരിക്കെ സമ്മര്‍ദതന്ത്രങ്ങള്‍ കൂടുതല്‍ ശക്തിപ്പെടുത്തുകയാണ് ലീഗ് നേതൃത്വം. അതേസമയം മന്ത്രിസ്ഥാനം നല്‍കാനാകില്ലെന്നാണ് കോണ്‍ഗ്രസ് നിലപാട്. ഇക്കാര്യം സംഘടനയില്‍ ചര്‍ച്ച ചെയ്തിട്ടില്ലെന്നു പറഞ്ഞ് ഒഴിയുകയാണ് കെ പി സി സി പ്രസിഡന്റ് രമേശ് ചെന്നിത്തല. അടുത്ത രാജ്യസഭാസീറ്റില്‍ ഒരെണ്ണം നല്‍കി ലീഗിനെ അനുനയിപ്പിക്കാമെന്നാണ് കോണ്‍ഗ്രസിന്റെ കണക്കുകൂട്ടല്‍ . എന്നാല്‍, രാജ്യസഭാ സീറ്റ് ലക്ഷ്യമിട്ട് മാണി ഗ്രൂപ്പും രംഗത്തുള്ളത് യു ഡി എഫില്‍ വന്‍ പ്രതിസന്ധിയാണ് സൃഷ്ടിക്കുക. മൂന്ന് ഒഴിവുകളാണ് മേയില്‍ രാജ്യസഭയിലേക്ക് വരുന്നത്. അതില്‍ രണ്ടെണ്ണം യു ഡി എഫിന് ലഭിക്കും. അടുത്ത ഒഴിവില്‍ ഒരുസീറ്റ് നേരത്തേതന്നെ തങ്ങള്‍ക്ക് വാഗ്ദാനം ചെയ്തതാണെന്നാണ് മാണി ഗ്രൂപ്പ് പറയുന്നത്.
എന്നാല്‍ രാജി ഭീഷണി മുഴക്കി എന്നു പറയുന്നത് ശരിയല്ലെന്നും 28ന് ചേരുന്ന യു ഡി എഫ് യോഗത്തില്‍ അന്തിമ തീരുമാനമുണ്ടാകുമെന്ന ഉറച്ച വിശ്വാസത്തിലാണെന്നും അലി പറഞ്ഞു. അതിനിടെ മന്ത്രിമാരായ അബ്ദുറബ്ബിനെയും ഇബ്രാഹിംകുഞ്ഞിനെയും പിന്‍വലിച്ച് അലിയെയും അബ്ദുസമദ് സമദാനിയെയും മന്ത്രിയാക്കുമെന്ന വാര്‍ത്തയും പ്രചരിച്ചിരുന്നു. എന്നാല്‍ , മന്ത്രിസ്ഥാനം കൈമാറുന്നതുസംബന്ധിച്ച് ലീഗില്‍ പുതിയ ഫോര്‍മുല ഉയര്‍ന്നിട്ടില്ലെന്ന് അബ്ദുസമദ് സമദാനി പറഞ്ഞു. നിയമസഭാസമിതിയില്‍നിന്ന് രാജിവച്ചതിന് മന്ത്രി തര്‍ക്കവുമായി ബന്ധമില്ലെന്നും സമദാനി പറഞ്ഞു. വിദ്യാഭ്യാസ മന്ത്രി അബ്ദുര്‍ റബ്ബും പൊതുമരാമരത്ത് മന്ത്രി ഇബ്‌റഹിം കുഞ്ഞും രാജിവെച്ച് ആ ഒഴിവിലേക്ക് അലിയേലും സമദാനിയയും മന്ത്രിയാക്കാമെന്ന ഒരു ഫോര്‍മുലയും പറഞ്ഞ് കേള്‍ക്കുന്നുണ്ട്. എന്നാല്‍ ഇതൊന്നും അഞ്ചാം മന്ത്രിക്ക് പകരമാകില്ലെന്നാണ് ലീഗ് പ്രവര്‍ത്തകര്‍ പറയുന്നത്. അഞ്ചാം മന്ത്രി സ്ഥാനം ലീഗിന് നല്‍കിയില്ലെങ്കില്‍ങ്കില്‍ പാണക്കാട് ഹൈദരലി ശിഹാബ് തങ്ങളുടെ പ്രസ്താവന പിന്‍വലിക്കേണ്ടി വരും എന്നാല്‍ അത് ഉള്‍കൊള്ളാന്‍ ലീഗ് പ്രവര്‍ത്തകര്‍ക്ക് കഴിയില്ല. ഇത് നേതൃത്വത്തിനും നന്നായി അറിയാം. അതിനാല്‍ കടുത്ത പ്രതിഷേധം യു ഡി എഫില്‍ രേഖപ്പെടുത്താനുള്ള തയ്യാറെടുപ്പിലാണ് ലീഗ് നേതൃത്വം. പുതിയൊരു മന്തിയെ കൂടി നല്‍കിയില്ലെഅഞ്ചാം മന്ത്രി സ്ഥാനം വരും ദിവസങ്ങള്‍ കേരള രാഷ്ട്രീയത്തില്‍ വലിയ ചര്‍ച്ചയും യു ഡി എഫിനെ പ്രതിസന്ധിയിലുമാക്കും.അഞ്ചാം മന്ത്രി; പാണക്കാട് തങ്ങളുടെ പ്രസ്താവന പിന്‍വലിക്കേണ്ടി വരുമോ?
മുസ്ലിം ലീഗിലെ അഞ്ചാം മന്ത്രിസ്ഥാനം ചര്‍ച്ച തുടങ്ങിയിട്ട് മാസങ്ങളായി. 20 എം എല്‍ എമാരുടെ ലീഗിന് എന്ത് കൊണ്ട് യു ഡി എഫിന് ഒരു മന്ത്രിയെ കൂടി തന്നുകൂടാ, ഇത് സാധാരണ ലീഗ് പ്രവര്‍ത്തകന്റെ ചോദ്യമാണ്. ലീഗിന്റെ എല്ലാമെല്ലാമായ പാണക്കാട് ഹൈദരലി ശിഹാബ് തങ്ങള്‍ പ്രഖ്യാപിച്ച മന്ത്രി സ്ഥാനം വാങ്ങിക്കൊടുക്കാന്‍ ലീഗിലെ നേതാക്കന്‍മാര്‍ക്ക് കഴിയില്ലേ, ഇല്ലെങ്കില്‍ നാല് മന്ത്രിമാരും രാജിവെക്കണം. തത്ക്കാലം സര്‍ക്കാരിന്റെ പിന്തുണ പിന്‍വലിക്കേണ്ട. വേണ്ടി വന്നാല്‍ അതും ചെയ്യേണ്ടി വരും. ഇതാണ് ലീഗ് പ്രവര്‍ത്തകരുടെ ഇപ്പോഴത്തെ നിലപാട്.
മന്ത്രി സ്ഥാനം തന്നില്ലെങ്കില്‍ രാജി ഭാഷണിയുമായി മഞ്ഞളാംകുഴി അലി എംഎല്‍എയും രംഗത്തുണ്ട്. യുഡിഎഫില്‍ സമ്മര്‍ദം ചെലുത്തി മന്ത്രിസ്ഥാനം സ്വന്തമാക്കാന്‍ ലീഗ് നേതൃത്വം കിണഞ്ഞ് ശ്രമിക്കുമ്പോള്‍ പാര്‍ടിയില്‍ തന്റെ അനുകൂലികളെ രംഗത്തിറക്കി കുഞ്ഞാലിക്കുട്ടിയുടെ വസതിക്ക് മുന്നില്‍ പ്രകടനം നടത്തി കാര്യംനേടാനാണ് അലിയുടെ നീക്കം. എന്നാല്‍ താനുമായി യാതൊരു ബന്ധമില്ലാത്തവരാണ് മന്ത്രിസ്ഥാനം ആവശ്യപ്പെട്ട് മാര്‍ച്ച് നടത്തിയതെന്നാണ് അലി പറയുന്നത്. അതിനിടെ, അനൂപ് ജേക്കബ്ബിനൊപ്പം തങ്ങളുടെ അഞ്ചാംമന്ത്രിയും സത്യപ്രതിജ്ഞ ചെയ്യണമെന്ന് ലീഗ് ജനറല്‍ സെക്രട്ടറി ഇ ടി മുഹമ്മദ്ബഷീര്‍ ചാനല്‍ ചര്‍ച്ചയില്‍ പ്രതികരിച്ചു.
മന്ത്രിസ്ഥാനം നല്‍കിയില്ലെങ്കില്‍ എം എല്‍ എ സ്ഥാനം രാജിവയ്ക്കുമെന്ന് മഞ്ഞളാംകുഴി എംഎല്‍എ യുഡിഎഫ് നേതൃത്വത്തെ അറിയിച്ചു. തെരഞ്ഞെടുക്കപ്പെട്ട നിയമസഭാസമിതിയില്‍നിന്ന് അബ്ദുസമദ് സമദാനിയും രാജിവച്ചു. സമ്മര്‍ദം ചെലുത്തി 28ന് ചേരുന്ന യു ഡി എഫ് യോഗത്തില്‍ മന്ത്രിക്കാര്യത്തില്‍ അന്തിമ തീരുമാനമുണ്ടാക്കുകയാണ് ലീഗിന്റെ ലക്ഷ്യം. അതിനായാണ് രാജി ഭീഷണിയടക്കമുള്ള തന്ത്രം ലീഗ് പയറ്റുന്നത്. മാര്‍ച്ച് 30ന് ചേരാനിരുന്ന ലീഗിന്റെ സംസ്ഥാന സെക്രട്ടറിയറ്റ് മാറ്റി. മുസ്ലിംലീഗ് സംസ്ഥാന പ്രസിഡന്റ് ഹൈദരലി ശിഹാബ് തങ്ങള്‍ പ്രഖ്യാപിച്ച അഞ്ചാം മന്ത്രിസ്ഥാനം സംബന്ധിച്ച് അണികളോട് ഉത്തരം പറയാനാകാത്ത അവസ്ഥയിലാണ് നേതൃത്വം.
ലീഗിന്റെ കാര്യത്തില്‍ തീരുമാനമാകാതെ അനൂപിനെ മന്ത്രിയാക്കരുതെന്ന് യു ഡി എഫ് നേതൃത്വത്തിന് ലീഗ് അന്ത്യശാസനം നല്‍കിയതായാണ് വിവരം. 28ന് വീണ്ടും യു ഡി എഫ് യോഗം ചേരാനിരിക്കെ സമ്മര്‍ദതന്ത്രങ്ങള്‍ കൂടുതല്‍ ശക്തിപ്പെടുത്തുകയാണ് ലീഗ് നേതൃത്വം. അതേസമയം മന്ത്രിസ്ഥാനം നല്‍കാനാകില്ലെന്നാണ് കോണ്‍ഗ്രസ് നിലപാട്. ഇക്കാര്യം സംഘടനയില്‍ ചര്‍ച്ച ചെയ്തിട്ടില്ലെന്നു പറഞ്ഞ് ഒഴിയുകയാണ് കെ പി സി സി പ്രസിഡന്റ് രമേശ് ചെന്നിത്തല. അടുത്ത രാജ്യസഭാസീറ്റില്‍ ഒരെണ്ണം നല്‍കി ലീഗിനെ അനുനയിപ്പിക്കാമെന്നാണ് കോണ്‍ഗ്രസിന്റെ കണക്കുകൂട്ടല്‍ . എന്നാല്‍, രാജ്യസഭാ സീറ്റ് ലക്ഷ്യമിട്ട് മാണി ഗ്രൂപ്പും രംഗത്തുള്ളത് യു ഡി എഫില്‍ വന്‍ പ്രതിസന്ധിയാണ് സൃഷ്ടിക്കുക. മൂന്ന് ഒഴിവുകളാണ് മേയില്‍ രാജ്യസഭയിലേക്ക് വരുന്നത്. അതില്‍ രണ്ടെണ്ണം യു ഡി എഫിന് ലഭിക്കും. അടുത്ത ഒഴിവില്‍ ഒരുസീറ്റ് നേരത്തേതന്നെ തങ്ങള്‍ക്ക് വാഗ്ദാനം ചെയ്തതാണെന്നാണ് മാണി ഗ്രൂപ്പ് പറയുന്നത്.
എന്നാല്‍ രാജി ഭീഷണി മുഴക്കി എന്നു പറയുന്നത് ശരിയല്ലെന്നും 28ന് ചേരുന്ന യു ഡി എഫ് യോഗത്തില്‍ അന്തിമ തീരുമാനമുണ്ടാകുമെന്ന ഉറച്ച വിശ്വാസത്തിലാണെന്നും അലി പറഞ്ഞു. അതിനിടെ മന്ത്രിമാരായ അബ്ദുറബ്ബിനെയും ഇബ്രാഹിംകുഞ്ഞിനെയും പിന്‍വലിച്ച് അലിയെയും അബ്ദുസമദ് സമദാനിയെയും മന്ത്രിയാക്കുമെന്ന വാര്‍ത്തയും പ്രചരിച്ചിരുന്നു. എന്നാല്‍ , മന്ത്രിസ്ഥാനം കൈമാറുന്നതുസംബന്ധിച്ച് ലീഗില്‍ പുതിയ ഫോര്‍മുല ഉയര്‍ന്നിട്ടില്ലെന്ന് അബ്ദുസമദ് സമദാനി പറഞ്ഞു. നിയമസഭാസമിതിയില്‍നിന്ന് രാജിവച്ചതിന് മന്ത്രി തര്‍ക്കവുമായി ബന്ധമില്ലെന്നും സമദാനി പറഞ്ഞു. വിദ്യാഭ്യാസ മന്ത്രി അബ്ദുര്‍ റബ്ബും പൊതുമരാമരത്ത് മന്ത്രി ഇബ്‌റഹിം കുഞ്ഞും രാജിവെച്ച് ആ ഒഴിവിലേക്ക് അലിയേലും സമദാനിയയും മന്ത്രിയാക്കാമെന്ന ഒരു ഫോര്‍മുലയും പറഞ്ഞ് കേള്‍ക്കുന്നുണ്ട്. എന്നാല്‍ ഇതൊന്നും അഞ്ചാം മന്ത്രിക്ക് പകരമാകില്ലെന്നാണ് ലീഗ് പ്രവര്‍ത്തകര്‍ പറയുന്നത്. അഞ്ചാം മന്ത്രി സ്ഥാനം ലീഗിന് നല്‍കിയില്ലെങ്കില്‍ങ്കില്‍ പാണക്കാട് ഹൈദരലി ശിഹാബ് തങ്ങളുടെ പ്രസ്താവന പിന്‍വലിക്കേണ്ടി വരും എന്നാല്‍ അത് ഉള്‍കൊള്ളാന്‍ ലീഗ് പ്രവര്‍ത്തകര്‍ക്ക് കഴിയില്ല. ഇത് നേതൃത്വത്തിനും നന്നായി അറിയാം. അതിനാല്‍ കടുത്ത പ്രതിഷേധം യു ഡി എഫില്‍ രേഖപ്പെടുത്താനുള്ള തയ്യാറെടുപ്പിലാണ് ലീഗ് നേതൃത്വം. പുതിയൊരു മന്തിയെ കൂടി നല്‍കിയില്ലെഅഞ്ചാം മന്ത്രി സ്ഥാനം വരും ദിവസങ്ങള്‍ കേരള രാഷ്ട്രീയത്തില്‍ വലിയ ചര്‍ച്ചയും യു ഡി എഫിനെ പ്രതിസന്ധിയിലുമാക്കും.


ഹന്ന സിതാര
8:20 AM | 0 comments

for MORE News select date here

FREE News by Email വാര്‍ത്തകള്‍ ഇമെയിലില്‍ ലഭ്യമാകാന്‍ ഇമെയില്‍ ഐ.ഡി സബ്മിറ്റ് ചെയ്യുക

Articles

Obituary

Gulf

Followers